ਚੰਦਰ ਨਵੇਂ ਸਾਲ ਲਈ ਸਤਿਗੁਰੂ ਜੀ ਨਾਲ ਇਕ ਅੱਗ ਉੱਤੇ ਵੀਗਨ ਖਾਣਾ ਪਕਾਉਣਾ

ਬੱਚਿਓ, ਤੁਹਾਨੂੰ ਨਵਾਂ ਸਾਲ ਮੁਬਾਰਕ ਹੋਵੇ। [...] ਤੁਹਾਨੂੰ ਆਪਣੇ ਪਤੀਲੇ ਅਤੇ ਪੈਨ ਨੂੰ ਅੱਗ ਦੇ ਵੱਡੇ ਚੱਕਰ ਦੇ ਵਿਚਕਾਰ ਰੱਖਣ ਦੀ ਜ਼ਰੂਰਤ ਨਹੀਂ ਹੈ। [...] ਦੇਖੋ, ਤੁਸੀਂ ਇਸ ਤਰ੍ਹਾਂ ਪਕਾ ਸਕਦੇ ਹੋ। ਤੁਸੀਂ ਇਸ ਉੱਤੇ ਕੁਝ ਵੀ ਪਕਾ ਸਕਦੇ ਹੋ, ਰੁੱਖ ਤੋਂ ਡਿੱਗੀਆਂ ਛੋਟੀਆਂ ਟਾਹਣੀਆਂ ਦੇ ਬਹੁਤ ਘੱਟ ਟੁਕੜਿਆਂ ਨਾਲ। [...] ਮੈਂ ਆਪਣੇ ਘਰ ਦੇ ਵਿਹੜੇ ਵਿੱਚ ਇਸ ਤਰ੍ਹਾਂ ਦੀ ਖਾਣਾ-ਪਕਾਉਣ ਵਾਲੀ ਥਾਂ ਕੋਲ ਬੈਠੀ ਹੁੰਦੀ ਸੀ, ਉਡੀਕ ਕਰਦੀ ਹੋਈ - ਲਾਰਾਂ ਨਾਲ ਕੇਕ ਦੇ ਪਕਾਉਣ ਦੇ ਖਤਮ ਹੋਣ ਦੀ ਉਡੀਕ ਕਰਦੀ ਸੀ। ਅਤੇ ਸੋ ਇਸਨੂੰ ਪਕਾਉਣ ਤੋਂ ਬਾਅਦ, ਅਸੀਂ ਇਸਨੂੰ ਨਵੇਂ ਸਾਲ ਦੀ ਪੂਰਵ ਸ਼ਾਮ ਨੂੰ ਖਾ ਸਕਦੇ ਹਾਂ, ਅਤੇ ਅਗਲੇ ਤਿੰਨ, ਚਾਰ ਦਿਨਾਂ ਤੱਕ ਜਾਰੀ ਰੱਖ ਸਕਦੇ ਹਾਂ। [...] ਕ੍ਰਿਪਾ ਕਰਕੇ ਦੇਖਣਾ ਜਾਰੀ ਰਖੋ ਹੋਰ ਜਾਣਨ ਲਈ ਚੰਦਰ ਨਵੇਂ ਸਾਲ ਦੌਰਾਨ ਸਤਿਗੁਰੂ ਜੀ ਨੇ ਬਚਪਨ ਵਿੱਚ ਕਿਹੜੇ ਭੋਜਨਾਂ ਦਾ ਅਨੰਦ ਮਾਣਿਆ ਸੀ, ਇਕ ਅੱਗ ਜਲਦੀ ਨਾਲ ਕਿਵੇਂ ਬਾਲਣੀ ਹੈ, ਬਾਹਰ ਗਰਮ ਰਹਿਣ ਲਈ ਕੋਲਿਆਂ ਦੀ ਵਰਤੋਂ ਕਰਨ ਦੇ ਤਰੀਕੇ, ਆਦਿ..

ਸਾਡੇ ਸਭ ਤੋਂ ਵਧ ਪਿਆਰੇ ਪਰਮ ਸਤਿਗੁਰੂ ਚਿੰਗ ਹਾਈ ਜੀ (ਵੀਗਨ) ਹੋਰਾਂ ਨੇ ਆਪਣੇ ਰੁਝੇਵਿਆਂ-ਭਰੇ ਸ਼ਡਿਊਲ ਵਿੱਚੋਂ ਸਮਾਂ ਕੱਢ ਕੇ ਸੰਸਾਰ ਦੇ ਪਿਆਰੇ ਬੱਚਿਆਂ ਨੂੰ ਨਵੇਂ ਸਾਲ ਦੀਆਂ ਪਿਆਰ-ਭਰੀਆਂ ਸ਼ੁਭਕਾਮਨਾਵਾਂ ਭੇਜੀਆਂ। ਸਤਿਗੁਰੂ ਜੀ ਨੇ ਉਨ੍ਹਾਂ ਨੂੰ ਪਿਆਰ ਨਾਲ ਇਹ ਵੀ ਯਾਦ ਦਿਵਾਇਆ ਕਿ ਬਾਹਰ ਇਕ ਅੱਗ ਉਤੇ ਖਾਣਾ ਤਿਆਰ ਕਰਨ ਦੇ ਸਮੇਂ ਕਿਵੇਂ ਸੁਰੱਖਿਅਤ ਰਹਿਣਾ ਹੈ।

ਇਹ ਚੰਦਰ ਨਵੇਂ ਸਾਲ ਤੋਂ ਪਹਿਲਾਂ, ਸਹਿਜ ਸੁਭਾਏ ਹੀ ਰਿਕਾਰਡ ਕੀਤਾ ਗਿਆ ਸੀ, ਜਿਉਂ ਹੀ ਮੈਂ ਇਸਨੂੰ ਕਰਨ ਬਾਰੇ ਸੋਚਿਆ । ਨਹੀਂ ਤਾਂ, ਕੌਣ ਜਾਣਦਾ ਹੈ ਜੇਕਰ ਮੈਂ ਨਵੇਂ ਸਾਲ ਦੇ ਸਮੇਂ ਇਹ ਕਰ ਸਕਾਂਗੀ ਜਾਂ ਨਹੀਂ। ਤੁਸੀਂ ਦੇਖੋ, ਸਾਨੂੰ ਇਕ ਅੱਗ ਲਗਾਉਣ ਲਈ ਬਹੁਤ ਜ਼ਿਆਦਾ ਲੱਕੜ ਜਾਂ ਉਨ੍ਹਾਂ ਦੀ ਬਹੁਤ ਜ਼ਿਆਦਾ ਲੋੜ ਨਹੀਂ ਹੈ। ਪਰ ਤੁਹਾਨੂੰ ਅੱਗ ਲਗਾਉਣ ਲਈ ਕੁਝ ਚੀਜ਼ ਦੀ ਲੋੜ ਹੈ। ਮੇਰਾ ਮਤਲਬ ਹੈ, ਇਕ ਅਗ ਸ਼ੁਰੂ ਕਰਨ ਵਾਲੀ ਚੀਜ਼, ਜਾਂ ਕੋਈ ਪੁਰਾਣਾ ਅਖ਼ਬਾਰ, ਇੱਕ ਡੱਬਾ, ਇਸ ਤਰ੍ਹਾਂ ਦੀ ਕੋਈ ਚੀਜ਼। ਅਤੇ ਤੁਹਾਨੂੰ ਇਕ ਅੱਗ ਬਾਲਣ ਲਈ ਕਿਸੇ ਵੱਡੀ ਜਗ੍ਹਾ ਦੀ ਲੋੜ ਨਹੀਂ ਹੈ। ਦੇਖੋ, ਜਦੋਂ ਅੱਗ ਇਸ ਤਰ੍ਹਾਂ ਬਲਦੀ ਹੋਵੇ, ਤੁਸੀਂ ਪਤੀਲੇ ਨੂੰ ਇੱਕ ਪਾਸੇ ਅਤੇ ਆਪਣੀ ਚਾਹ ਦੀ ਕੇਤਲੀ ਜਾਂ ਕੋਈ ਹੋਰ ਪਤੀਲਾ ਦੂਜੇ ਪਾਸੇ ਰੱਖ ਸਕਦੇ ਹੋ । ਫਿਰ ਉੱਥੇ ਤੁਸੀਂ ਖਾਣਾ ਬਣਾ ਸਕਦੇ ਹੋ। ਇਹ ਬਹੁਤ ਜਲਦੀ ਉਬਲਦਾ ਹੈ। ਮੈਂ ਇਸ ਵਿੱਚ ਕੁਝ ਪ੍ਰਤੀਕਾਤਮਕ ਸਬਜ਼ੀਆਂ ਅਤੇ ਟਮਾਟਰ ਪਾਏ ਹਨ। ਪਰ ਤੁਸੀਂ ਇਸ ਨਾਲ ਕੁਝ ਵੀ ਪਕਾ ਸਕਦੇ ਹੋ। ਅਤੇ ਤੁਹਾਨੂੰ ਬਹੁਤ ਜ਼ਿਆਦਾ ਲੱਕੜ ਦੀ ਲੋੜ ਨਹੀਂ ਹੈ। ਇਹੀ ਗੱਲ ਹੈ। ਮਾਫ਼ ਕਰਨਾ, ਮੇਰੇ ਇਲਾਕੇ ਵਿੱਚ ਪਿਛਲੇ ਕੁਝ ਦਿਨਾਂ ਤੋਂ ਮੀਂਹ ਅਤੇ ਬਰਫ਼ ਪੈਂਦੀ ਰਹੀ ਹੈ। ਇਸ ਲਈ ਇਹ ਥੋੜ੍ਹਾ ਜਿਹਾ ਧੂੰਆਂਦਾਰ ਹੈ। ਪਰ ਇਹ ਸੜ ਰਿਹਾ ਹੈ ਕਿਉਂਕਿ ਲੱਕੜ ਨੂੰ ਜਿਸ ਤਰਾਂ ਵਿਵਸਥਿਤ ਕੀਤਾ ਗਿਆ ਹੈ।

ਇਹ ਛੇਕ ਇੱਕ V-ਆਕਾਰ ਵਾਲਾ ਛੇਕ ਹੈ ਜਿਸ ਬਾਰੇ ਮੈਂ ਤੁਹਾਨੂੰ ਕਈ ਵਾਰ ਦੱਸਦੀ ਰਹੀ ਹਾਂ, ਪਰ ਉਸ ਸਮੇਂ ਮੇਰੇ ਕੋਲ V-ਆਕਾਰ ਵਾਲਾ ਛੇਕ ਖੋਦਣ ਦਾ ਯੰਤਰ ਨਹੀਂ ਸੀ। ਤਾਂ, ਤੁਹਾਡੇ ਭਰਾਵਾਂ ਅਤੇ ਭੈਣਾਂ, ਉਨ੍ਹਾਂ ਨੇ ਇੱਕ ਵੱਡੀ ਅੱਗ ਬਣਾਈ, ਬਹੁਤ ਵੱਡੀ। ਇਸ ਤਰ੍ਹਾਂ, ਇਸਨੂੰ ਪਕਾਉਣਾ ਸੌਖਾ ਹੋ ਜਾਂਦਾ ਹੈ। ਇਹ ਤੁਹਾਡੇ ਪਤੀਲੇ ਨੂੰ ਨਹੀਂ ਸਾੜਦੀ ਅਤੇ ਪੈਨ ਨੂੰ ਬਹੁਤ ਗਰਮ ਨਹੀਂ ਕਰਦੀ। ਅਤੇ ਤੁਹਾਨੂੰ ਆਪਣੇ ਪਤੀਲੇ ਅਤੇ ਪੈਨ ਨੂੰ ਅੱਗ ਦੇ ਵੱਡੇ ਚੱਕਰ ਦੇ ਵਿਚਕਾਰ ਰੱਖਣ ਦੀ ਜ਼ਰੂਰਤ ਨਹੀਂ ਹੈ। ਕਿਉਂਕਿ ਇਹ V-ਆਕਾਰ ਬਹੁਤ ਛੋਟਾ ਹੈ। ਤੁਸੀਂ ਇਸਨੂੰ ਦੇਖ ਸਕਦੇ ਹੋ - ਕੇਤਲੀ ਦੇ ਤਲ ਤੋਂ ਛੋਟਾ, ਇਸ ਪਤੀਲੇ ਤੋਂ ਛੋਟਾ। ਇਹ ਸ਼ਾਇਦ ਲਗਭਗ 10 ਇੰਚ (25.4 ਸੈਂਟੀਮੀਟਰ) ਜਾਂ ਥੋੜ੍ਹਾ ਜਿਹਾ ਵੱਧ ਜਾਂ ਘੱਟ 10 ਇੰਚ ਹੋਵੇ। ਜੇ ਤੁਸੀਂ ਚਾਹੋ ਤਾਂ ਥੋੜ੍ਹਾ ਵੱਡਾ, ਪਰ ਇਹ ਪਹਿਲਾਂ ਹੀ ਕਾਫ਼ੀ ਹੋਵੇਗਾ। ਦੇਖੋ, ਤੁਸੀਂ ਇਸ ਤਰ੍ਹਾਂ ਪਕਾ ਸਕਦੇ ਹੋ। ਤੁਸੀਂ ਦਰੱਖਤ ਤੋਂ ਡਿੱਗੀਆਂ ਛੋਟੀਆਂ ਟਾਹਣੀਆਂ ਦੇ ਬਹੁਤ ਘੱਟ ਟੁਕੜਿਆਂ ਨਾਲ ਇਸ 'ਤੇ ਕੁਝ ਵੀ ਪਕਾ ਸਕਦੇ ਹੋ। ਉਹ ਸੁੱਕੀਆਂ ਹਨ। ਉਹ ਸੁੱਕਾਈਆਂ ਗਈਆਂ ਹਨ। ਅਤੇ ਮੈਂ ਉਹਨਾਂ ਨੂੰ ਇਕ ਕਵਰ ਹੇਠ ਰਖਿਆ। ਸੋ, ਘੱਟੋ ਘੱਟ ਉਹ ਪੂਰੀ ਤਰਾਂ ਗਿਲੀਆਂ ਨਹੀਂ ਹਨ, ਬਸ ਅਜੇ ਵੀ ਸਲਾਬਾ ਹੈ। ਇਹ ਅਜੇ ਵੀ ਸੜ ਸਕਦੀ ਹੈ, ਕਿਉਂਕਿ ਲੱਕੜ V ਦੇ ਹੇਠਾਂ ਵੱਲ ਝੁਕੀ ਹੋਈ ਹੈ। ਸੋ ਇਹ ਸਥਿਤੀ ਲੱਕੜ ਨੂੰ ਬਹੁਤ ਆਸਾਨੀ ਨਾਲ ਸਾੜ ਦੇਵੇਗੀ - ਜ਼ਮੀਨ 'ਤੇ ਸਮਤਲ ਨਾਲੋਂ ਆਸਾਨ, ਜੇਕਰ ਇਹ ਸਮਤਲ ਹੈ। ਅਤੇ ਇਸ ਤਰ੍ਹਾਂ, ਇਸਨੂੰ ਪਕਾਉਣਾ ਬਹੁਤ ਸੁਰੱਖਿਅਤ ਹੈ, ਸੋ ਅੱਗ ਸਾਰੇ ਪਾਸੇ ਨਹੀਂ ਫੈਲਦੀ।

ਅਤੇ ਜੇ ਤੁਹਾਡੇ ਕੋਲ ਇਸ ਦੇ ਆਲੇ ਦੁਆਲੇ ਕੁਝ ਲੱਕੜ ਦੀਆਂ ਸੋਟੀਆਂ ਹੋਣ ਅਤੇ ਆਪਣੀ ਅੱਗ ਦੇ ਦੁਆਲੇ ਕੈਨਵਸ ਦਾ ਇੱਕ ਟੁਕੜਾ ਫੈਲਾਉਂਦੇ ਹੋ, ਅਤੇ ਫਿਰ ਹਵਾ ਅੰਦਰ ਨਹੀਂ ਆਉਂਦੀ ਅਤੇ ਨਾ ਹੀ ਕਿਤੇ ਵੀ ਵਗਦੀ ਹੈ, ਸਿਵਾਏ ਇਸ ਤਰ੍ਹਾਂ ਦੇ ਤੁਹਾਡੇ ਚੁੱਲ੍ਹੇ ਵਿਚ। ਦੇਖੋ ਲੱਕੜ ਕਿੰਨੀ ਛੋਟੀ ਹੈ? ਅਤੇ ਇਹ ਬਹੁਤ ਤੇਜ਼ੀ ਨਾਲ ਸੜਦੀ ਹੈ, ਅਤੇ ਇਹ ਬਹੁਤ ਜਲਦੀ ਪਕਾਉਂਦੀ ਹੈ ਕਿਉਂਕਿ ਅੱਗ ਨੂੰ ਕਾਬੂ ਵਿੱਚ ਰੱਖਿਆ ਜਾਂਦਾ ਹੈ, ਛੋਟੇ ਵਾਤਾਵਰਣ ਵਿੱਚ ਢੱਕਿਆ ਜਾਂਦਾ ਹੈ; ਇਹ ਸਮਤਲ ਸਤ੍ਹਾ 'ਤੇ ਖੁਲੇ ਹੋਣ ਨਾਲੋਂ ਜ਼ਿਆਦਾ ਗਰਮ ਹੈ। ਇਸਦੇ ਹੇਠਾਂ ਅਜੇ ਵੀ ਬਹੁਤ ਸਾਰੀ ਅੱਗ ਹੈ, ਸਿਰਫ਼ ਕੁਝ ਛੋਟੀਆਂ ਟਾਹਣੀਆਂ ਦੇ ਟੁਕੜਿਆਂ ਤੋਂ। ਤੁਸੀਂ ਇਸਨੂੰ ਬਹੁਤ ਚੰਗੀ ਤਰ੍ਹਾਂ ਦੇਖ ਸਕਦੇ ਹੋ। ਮੈਨੂੰ ਖੁਸ਼ੀ ਹੈ ਕਿ ਮੇਰੇ ਕੋਲ ਜ਼ਮੀਨ ਵਿੱਚ ਟੋਆ ਪੁੱਟਣ ਲਈ ਕੁਝ ਚੀਜ਼ ਹੈ। ਅਤੇ ਮੈਂ ਆਲੇ-ਦੁਆਲੇ ਇਕ ਪਲਾਸਟਿਕ ਦੀ ਚਾਦਰ ਨਾਲ ਥੋੜ੍ਹਾ ਜਿਹਾ ਢੱਕਦੀ ਹਾਂ ਤਾਂ ਜੋ ਇੱਥੇ ਅੰਦਰ ਤੋਂ ਇਲਾਵਾ ਹਵਾ ਕਿਤੇ ਵੀ ਛੋਟੀ ਉਡਦੀ ਲਕੜ, ਚੰਗਿਆੜੀਆਂ ਨਾ ਫੈਲ਼ਾਵੇ। ਇਹ ਸੁਰੱਖਿਅਤ ਹੈ, ਬਹੁਤ ਸੁਰੱਖਿਅਤ। ਤੁਸੀਂ ਇੱਕ ਵੱਡਾ ਪਤੀਲਾ ਰੱਖ ਸਕਦੇ ਹੋ ਤਾਂ ਜੋ ਅੱਗ ਨੂੰ ਹੋਰ ਢੱਕਿਆ ਜਾ ਸਕੇ, ਪਰ ਇਹ ਅਜੇ ਵੀ ਬਲ ਰਹੀ ਹੈ। ਅਤੇ ਤੁਸੀਂ ਇੱਥੇ ਬਹੁਤ ਦੇਰ ਤੱਕ ਬੈਠ ਸਕਦੇ ਹੋ।

ਔ ਲੈਕ (ਵੀਐਤਨਾਮ) ਵਿੱਚ, ਟੇਟ (ਚੰਦਰ ਨਵਾਂ ਸਾਲ) ਤੋਂ ਪਹਿਲਾਂ, ਪੇਂਡੂ ਇਲਾਕਿਆਂ ਵਿੱਚ ਔਲੈਕਸੀਜ਼ (ਵੀਐਤਨਾਮੀਜ਼) ਲੋਕ ਮਿੱਟੀ ਵਿੱਚ ਇੱਕ ਵੱਡਾ V-ਆਕਾਰ ਪੁੱਟਦੇ ਸਨ, ਉਸ ਉੱਤੇ ਇੱਕ ਵੱਡੀ ਕੜਾਹੀ ਰੱਖਦੇ ਸਨ ਅਤੇ ਸਾਰੀ ਰਾਤ, ਬਿਨਾਂ ਰੁਕੇ, ਲੱਕੜ ਦੀ ਅੱਗ ਨਾਲ ਪਕਾਉਂਦੇ। ਸਾਨੂੰ, ਬੱਚਿਆਂ ਨੂੰ, ਨਿੱਘ ਲਈ ਆਲੇ ਦੁਆਲੇ ਬੈਠਣਾ ਅਤੇ ਬਾਲਗਾਂ ਦੁਆਰਾ ਸਾਨੂੰ ਪਰੀ ਕਹਾਣੀਆਂ ਸੁਣਾਈਆਂ ਜਾਣੀਆਂ ਬਹੁਤ ਪਸੰਦ ਸੀ। ਉਥੇ ਇੱਕ ਪਰੀ ਕਹਾਣੀ ਹੈ, ਕਹਾਣੀ ਜੋ ਮੈਂ ਤੁਹਾਨੂੰ ਹੁਣ ਦੱਸਾਂਗੀ, ਦੋ ਖਾਸ ਕੇਕਾਂ ਬਾਰੇ ਜੋ ਸਿਰਫ਼ ਮਾਪਿਆਂ ਲਈ ਸਮਰਪਿਤ ਹਨ।

ਇਹ ਇੱਕ ਖੂਬਸੂਰਤ ਕਹਾਣੀ ਹੈ, ਬਾਨ ਚੁੰਗ ਅਤੇ ਬਾਨ ਡੇ ਬਾਰੇ ਕਹਾਣੀ। ਔ ਲੈਕ (ਵੀਐਤਨਾਮ) ਵਿੱਚ, ਸਾਡੇ ਕੋਲ ਇਹ ਦੋ ਕੇਕ ਵੀ ਹਨ ਜਿਨਾਂ ਨੂੰ ਬਾਨ ਚੁੰਗ ਅਤੇ ਬਾਨ ਡੇ ਕਿਹਾ ਜਾਂਦਾ ਹੈ, ਜੋ ਕਿ ਬਹੁਤ , ਬਹੁਤ ਹੀ ਖਾਸ ਹਨ ਕਿਉਂਕਿ ਇਹ ਬੱਚਿਆਂ ਵੱਲੋਂ ਆਪਣੇ ਮਾਪਿਆਂ ਪ੍ਰਤੀ ਡੂੰਘੀ ਸ਼ੁਕਰਗੁਜ਼ਾਰੀ ਪ੍ਰਗਟ ਕਰਦੇ ਹਨ। ਬਾਨ ਚੁੰਗ ਵਰਗ ਦੀ ਕਿਸਮ ਹੈ। ਮੈਂ ਤੁਹਾਨੂੰ ਪਹਿਲਾਂ ਹੀ ਦੱਸਿਆ ਸੀ, ਅਸੀਂ ਇੱਕ ਵੱਡੀ ਕੜਾਹੀ ਵਿੱਚ ਬਾਨ ਚੁੰਗ ਬਣਾਉਂਦੇ ਹਾਂ। ਅਤੇ ਦੂਜਾ ਬਾਨ ਡੇ ਹੈ। ਉਹ ਇਸਨੂੰ ਕੇਲੇ ਦੇ ਪੱਤੇ ਦੇ ਹੇਠਾਂ ਅਤੇ ਗੋਲਾਕਾਰ-ਆਕਾਰ ਦੇ ਅੱਧੇ ਹਿੱਸੇ ਨੂੰ ਚਿੱਟੇ ਰੰਗ ਵਿੱਚ ਰੱਖ ਕੇ ਭਾਫ਼ ਦਿੰਦੇ ਹਨ। ਇਹ ਮਾਂ ਦਾ ਪ੍ਰਤੀਕ ਹੈ, ਅਤੇ ਬਾਨ ਚੁੰਗ ਵਰਗ, ਹਰੇ ਰੰਗ ਵਿੱਚ ਲਪੇਟਿਆ ਹੋਇਆ ਹੈ ਉਹ ਧਰਤੀ, ਧਰਤੀ ਉੱਤੇ ਬਨਸਪਤੀ ਨੂੰ ਦਰਸਾਉਂਦਾ ਹੈ। ਅਤੇ ਇਹ ਔ ਲੈਕ (ਵੀਐਤਨਾਮ) ਵਿੱਚ ਪਿਤਾ ਦਾ ਪ੍ਰਤੀਕ ਹੈ। ਅਤੇ ਅੱਧਾ-ਗੋਲ ਕੇਕ, ਚਿੱਟਾ ਗੋਲ ਕੇਕ, ਮਾਂ ਦਾ ਇਕ ਪ੍ਰਤੀਕ ਹੈ। ਭਾਵ ਪਿਤਾ ਅਤੇ ਮਾਤਾ, ਉਨ੍ਹਾਂ ਦੇ ਗੁਣ ਇੰਨੇ ਮਹਾਨ ਹਨ, ਜਿਸ ਤਰੀਕੇ ਨਾਲ ਉਹ ਬੱਚਿਆਂ ਨੂੰ ਬਿਨਾਂ-ਸ਼ਰਤ ਪਾਲਦੇ ਅਤੇ ਪਿਆਰ ਕਰਦੇ ਹਨ, ਧਰਤੀ ਜਿੰਨੇ ਮਹਾਨ ਜੋ ਸਾਨੂੰ ਜੀਣ ਲਈ ਬਹੁਤ ਸਾਰੀਆਂ ਚੀਜ਼ਾਂ ਦਿੰਦੀ ਹੈ। ਅਤੇ ਬਾਨ ਡੇ ਮਾਂ ਦੇ ਪਿਆਰ ਦਾ ਪ੍ਰਤੀਕ ਹੈ, ਅਸਮਾਨ ਜਿੰਨਾ ਮਹਾਨ। ਗੈਲੀਲੀਓ ਤੋਂ ਪਹਿਲਾਂ, ਅਸੀਂ ਸੰਸਾਰ ਵਿੱਚ ਹਰ ਥਾਂ ਸਿਰਫ਼ ਇਹੀ ਵਿਸ਼ਵਾਸ ਕਰਦੇ ਆਏ ਹਾਂ ਕਿ ਧਰਤੀ ਚੌਰਸ ਹੈ, ਅਤੇ ਅਸਮਾਨ ਅੱਧਾ-ਗੋਲ ਹੈ, ਅੱਧੇ-ਗੋਲ ਦਾ ਖਾਲੀਪਣ ਅਸਮਾਨ ਹੈ, ਜੋ ਧਰਤੀ ਦੇ ਸਿਖਰ ਨੂੰ ਢੱਕਦਾ ਹੈ। ਸੋ ਧਰਤੀ 'ਤੇ ਸਾਰੇ ਬੱਚਿਆਂ ਲਈ ਮਾਪੇ ਸਭ ਤੋਂ ਮਹਾਨ ਜੀਵ ਹਨ, ਅਤੇ ਅਸੀਂ ਉਨ੍ਹਾਂ ਦੇ ਪਿਆਰ ਅਤੇ ਸਾਡੇ ਲਈ ਉਨ੍ਹਾਂ ਦੀ ਕੁਰਬਾਨੀ ਨੂੰ ਕਦੇ ਵੀ ਮਾਪ ਨਹੀਂ ਸਕਦੇ।

ਇਹ ਪਰੀ ਕਹਾਣੀ ਤੋਂ ਆਇਆ ਹੈ। ਇਹ ਇੱਕ ਪਰੀ ਕਹਾਣੀ ਸੀ, ਜਿਵੇਂ ਇਕ ਬਹੁਤ, ਬਹੁਤ ਸਮਾਂ ਪਹਿਲਾਂ, ਜਦੋਂ ਔਲੈਕਸੀਜ਼ (ਵੀਐਤਨਾਮੀਜ਼) ਲੋਕਾਂ ਦੇ ਆਪਣੇ ਦੇਸ਼ ਦੀ ਸਥਾਪਨਾ ਦੀ ਸ਼ੁਰੂਆਤ ਲਗਭਗ ਹੋ ਚੁੱਕੀ ਸੀ। ਉਨ੍ਹਾਂ ਦਾ ਦੇਸ਼ ਹੁਣ ਨਾਲੋਂ ਛੋਟਾ ਸੀ। ਇਹ ਬਹੁਤ ਉੱਤਰ ਵੱਲ, ਚੀਨ ਦੀ ਸਰਹੱਦ ਦੇ ਨਾਲ ਸੀ। ਅਤੇ ਇੱਕ ਵਾਰ, ਹੁੰਗ ਦੇ ਛੇਵੇਂ ਰਾਜੇ ਨੇ, ਮਹਾਰਾਜਾ ਹੁੰਗ ਹੂਈ ਵੁਓਂਗ ਦਾ ਨਾਮ ਦਿਤਾ ਗਿਆ, ਜਾਂ ਉਸਦੇ ਇਕ ਰਾਜਾ ਬਣਨ ਤੋਂ ਪਹਿਲਾਂ, ਉਸਦਾ ਨਾਮ ਲੋਂਗ ਤਿਏਨ ਲਾਂਗ ਸੀ। ਰਾਜਾ ਆਪਣੇ ਬੱਚਿਆਂ ਨੂੰ ਇਹ ਦੇਖਣ ਲਈ ਪਰਖਣਾ ਚਾਹੁੰਦਾ ਸੀ ਕਿ ਕਿਹੜਾ ਉਨ੍ਹਾਂ ਦੇ ਦਿਲ ਵਿੱਚ, ਜਾਂ ਸ਼ਾਇਦ ਘੱਟੋ ਘੱਟ ਉਨ੍ਹਾਂ ਦੇ ਪ੍ਰਗਟਾਵੇ ਵਿੱਚ, ਵਧੇਰੇ ਉੱਚਾ, ਵਧੇਰੇ ਗਿਆਨਵਾਨ, ਅਤੇ ਨਾਲੇ ਵਧੇਰੇ ਵਫਾਦਾਰ, ਆਗਿਆਕਾਰ ਸੀ। ਉਸਦੇ 18 ਪੁੱਤਰ ਸਨ। ਪੁਰਾਣੇ ਸਮੇਂ ਵਿੱਚ, ਕੁਝ ਰਾਜਿਆਂ ਦੀਆਂ ਕਈ ਪਤਨੀਆਂ ਹੁੰਦੀਆਂ ਸਨ। ਇਹ ਇੱਕ ਪਰੰਪਰਾ ਹੈ, ਤਾਂ ਜੋ ਸ਼ਾਹੀ ਪਰਿਵਾਰ ਅਤੇ ਰਾਜ ਚਾਰੇ ਪਾਸੇ ਫੈਲ ਸਕੇ, ਵਿਆਹ ਕਰਵਾ ਕੇ ਜਾਂ ਹੋਰ ਕਬੀਲਿਆਂ ਜਾਂ ਨੇੜਲੇ ਦੇਸ਼ਾਂ ਨਾਲ ਦੋਸਤੀ ਅਤੇ ਸਬੰਧ ਸਥਾਪਿਤ ਕਰਕੇ, ਇਸ ਤਰ੍ਹਾਂ ਦੇ ਏਕੀਕਰਨ ਅਤੇ ਦੋਸਤੀ ਦਾ ਪ੍ਰਚਾਰ ਕਰਨ ਲਈ, ਅਤੇ ਇੱਕ ਦੂਜੇ ਦੀ ਮਦਦ ਕਰਨ ਲਈ, ਦੇਸ਼ ਨੂੰ ਜਾਂ ਸਾਰੇ ਦੇਸ਼ਾਂ ਨੂੰ ਜਾਂ ਸਾਰੇ ਕਬੀਲਿਆਂ ਨੂੰ ਮਜ਼ਬੂਤ ਬਣਾਈ ਰੱਖਣ ਲਈ, ਕਿਸੇ ਵੀ ਦੁਸ਼ਮਣ ਦੇ ਵਿਰੁੱਧ ਜਾਣ ਲਈ ਜੋ ਆਉਂਦੇ ਹਨ ਅਤੇ ਉਨ੍ਹਾਂ ਨੂੰ ਧੱਕੇਸ਼ਾਹੀ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ, ਜਾਂ ਉਨ੍ਹਾਂ ਦੇ ਦੇਸ਼ 'ਤੇ ਹਮਲਾ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ ਜਾਂ ਉਨ੍ਹਾਂ ਦੇ ਦੇਸ਼ ਜਾਂ ਉਨ੍ਹਾਂ ਦੇ ਕਬੀਲਿਆਂ 'ਤੇ ਕਬਜ਼ਾ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ, ਆਦਿ। ਕਿਉਂਕਿ ਇੱਕ ਵਿਆਹ, ਇਸਦਾ ਅਰਥ ਹੈ ਇੱਕ ਹੋਰ ਪਰਿਵਾਰ, ਅਤੇ ਬਹੁਤ ਸਾਰੇ ਪਰਿਵਾਰ ਤਾਕਤ ਵਿੱਚ ਮਜ਼ਬੂਤ ਹੋਣਗੇ। ਇਹ ਪੁਰਾਣੇ ਸਮਿਆਂ ਵਿੱਚ ਸੀ। ਤੁਹਾਡੇ ਕੋਲ ਤੁਹਾਡੇ ਆਪਣੇ ਪਰਿਵਾਰਾਂ, ਕਬੀਲਿਆਂ ਅਤੇ ਕਬੀਲਿਆਂ ਤੋਂ ਵੱਧ ਸੁਰੱਖਿਆ ਨਹੀਂ ਹੈ। ਤਾਂ ਇਹ ਪਰੰਪਰਾ ਇਸ ਤਰ੍ਹਾਂ ਸੀ। ਰਾਜਾ ਉਨ੍ਹਾਂ ਵਿੱਚੋਂ ਕਿਸੇ ਨੂੰ ਪਸੰਦ ਕਰਦਾ ਹੈ ਜਾਂ ਪਿਆਰ ਕਰਦਾ ਹੈ ਜਾਂ ਨਹੀਂ, ਇਸ ਨਾਲ ਕੋਈ ਬਹੁਤਾ ਫ਼ਰਕ ਨਹੀਂ ਪੈਂਦਾ। ਮੁੱਖ ਨੁਕਤਾ ਦੇਸ਼ ਹੈ; ਉਨ੍ਹਾਂ ਨੂੰ ਦੇਸ਼ ਨੂੰ ਮਜ਼ਬੂਤ ਰੱਖਣਾ ਹੋਵੇਗਾ ਅਤੇ ਬਹੁਤ ਸਾਰੀਆਂ ਤਾਕਤਾਂ ਅਤੇ ਸ਼ਕਤੀਆਂ ਨੂੰ ਇਕੱਠੇ ਰੱਖ ਕੇ ਸੁਰੱਖਿਅਤ ਰੱਖਣਾ ਹੋਵੇਗਾ। ਇਸ ਲਈ ਮੁਸੀਬਤ ਜਾਂ ਲੋੜ ਦੇ ਸਮੇਂ, ਉਹ ਆਪਣੀ ਤਾਕਤ ਨੂੰ ਇੱਕਜੁੱਟ ਕਰ ਸਕਦੇ ਹਨ ਅਤੇ ਆਪਣੇ ਲੋਕਾਂ ਦੀ ਰੱਖਿਆ ਕਰ ਸਕਦੇ ਹਨ।

ਇਸ ਲਈ ਹੁੰਗ ਹੂਈ ਵੁਓਂਗ ਦੇ 18 ਬੱਚੇ ਸਨ। ਇਸ ਲਈ ਉਸਨੇ ਉਨ੍ਹਾਂ ਨੂੰ ਸੰਸਾਰ ਦੀ ਸਭ ਤੋਂ ਵਧੀਆ ਚੀਜ਼ ਲੱਭਣ ਦੀ ਕੋਸ਼ਿਸ਼ ਕਰਨ ਅਤੇ ਉਸਨੂੰ ਆ ਕੇ ਇਹ ਭੇਟ ਕਰਨ ਲਈ ਕਿਹਾ। ਅਤੇ ਜੋ ਵੀ ਸਭ ਤੋਂ ਵਧੀਆ ਵਾਪਸ ਲਿਆਉਂਦਾ ਹੈ, ਉਹ ਅਗਲਾ ਰਾਜਾ ਹੋਵੇਗਾ, ਰਾਜਾ ਹੁੰਗ ਹੂਈ ਵੁਓਂਗ ਦਾ ਉੱਤਰਾਧਿਕਾਰੀ। ਇਸ ਲਈ ਬਾਕੀ 17 ਜਣਿਆਂ ਵਿੱਚੋਂ ਹਰ ਕੋਈ ਹਰ ਜਗ੍ਹਾ ਗਿਆ, ਸਮੁੰਦਰ ਤੋਂ ਲੈ ਕੇ ਪਹਾੜਾਂ, ਨਦੀਆਂ ਅਤੇ ਝੀਲਾਂ ਅਤੇ ਦੂਰ-ਦੁਰਾਡੇ ਪਿੰਡਾਂ ਜਾਂ ਦੂਰ-ਦੁਰਾਡੇ ਕਸਬਿਆਂ, ਜਾਂ ਰਹੱਸਮਈ ਧਰਤੀ ਤੱਕ, ਜਿੱਥੇ ਵੀ ਉਹ ਗਏ, ਸਭ ਤੋਂ ਵਧੀਆ ਚੀਜ਼ ਲੱਭਣ ਦੀ ਕੋਸ਼ਿਸ਼ ਕਰਨ ਲਈ ਜੋ ਪਹਿਲਾਂ ਕਦੇ ਕਿਸੇ ਕੋਲ ਨਹੀਂ ਸੀ, ਕੀਮਤੀ ਚੀਜ਼ਾਂ। ਸਿਰਫ਼ ਆਖਰੀ ਪੁੱਤਰ, ਆਖਰੀ ਪੁੱਤਰ, ਉਸਦਾ 18ਵਾਂ ਪੁੱਤਰ, ਉਸਦਾ ਨਾਮ ਟਿਏਟ ਲੀਉ, ਜਾਂ ਲਾਂਗ ਲੀਉ ਸੀ, ਉਸਦੇ ਰਾਜਾ ਬਣਨ ਤੋਂ ਪਹਿਲਾਂ - ਉਸਨੂੰ ਇੱਕ ਸੁਪਨੇ ਵਿੱਚ ਇੱਕ ਦੇਵਤੇ ਦੁਆਰਾ ਮਦਦ ਕੀਤੀ ਗਈ ਸੀ। ਅਤੇ ਫਿਰ ਦੇਵਤੇ ਨੇ ਉਸਨੂੰ ਦੱਸਿਆ ਕਿ ਕੀ ਬਣਾਉਣਾ ਹੈ, ਰਾਜੇ ਨੂੰ ਭੇਟ ਕਰਨ ਲਈ, ਜਿਸਨੂੰ ਪ੍ਰਾਪਤ ਕਰਕੇ ਰਾਜਾ ਅਤੇ ਰਾਣੀ ਬਹੁਤ ਖੁਸ਼ ਹੋਣਗੇ। ਅਤੇ ਉਹ ਖੁਦ, ਟੀਏਟ ਲਿਉ, ਆਪਣੇ ਪਿਤਾ ਤੋਂ ਬਾਅਦ ਅਗਲਾ ਰਾਜਾ ਬਣਨ ਲਈ ਗੱਦੀ ਪ੍ਰਾਪਤ ਕਰੇਗਾ।

ਉਸਨੇ ਆਪਣੇ ਸੁਪਨੇ ਵਿੱਚ ਟੀਏਟ ਲੀਉ, ਜਾਂ ਲਾਂਗ ਲੀਉ ਨੂੰ ਕਿਹਾ ਕਿ, "ਚਾਵਲ...ਚਾਵਲ ਇੱਕ ਬਹੁਤ ਹੀ ਕੀਮਤੀ ਚੀਜ਼ ਹੈ ਜੋ ਪ੍ਰਮਾਤਮਾ ਨੇ ਤੁਹਾਨੂੰ, ਲੋਕਾਂ ਨੂੰ, ਆਪਣੇ ਆਪ ਨੂੰ ਕਾਇਮ ਰੱਖਣ ਅਤੇ ਮਜ਼ਬੂਤ ਬਣਨ ਲਈ ਦਿੱਤੀ ਹੈ। ਇਹ ਇਕ ਬਹੁਤ ਕੀਮਤੀ ਚੀਜ਼ ਹੈ, ਚੌਲ।" ਸਾਡੇ ਕੋਲ ਔ ਲੈਕ (ਵੀਐਤਨਾਮ) ਅਤੇ ਹੋਰ ਏਸ਼ੀਅਨ ਦੇਸ਼ਾਂ ਵਿੱਚ ਵੀ ਦੋ ਕਿਸਮਾਂ ਦੇ ਚੌਲ ਹਨ। ਇੱਕ ਹੈ ਗਲੂਟਿਨਸ, ਚਿਪਚਿਪੇ (ਸਟਿਕੀ) ਚੌਲ, ਅਤੇ ਦੂਜਾ ਆਮ ਚੌਲ ਜੋ ਅਸੀਂ ਹਰ ਰੋਜ਼ ਖਾਂਦੇ ਹਾਂ। ਕਿਉਂਕਿ ਗਲੂਟਿਨਸ, ਸਟਿਕੀ ਚੌਲ ਬਹੁਤ ਚਿਪਚਿਪੇ ਹੁੰਦੇ ਹਨ ਅਤੇ ਖੁਸ਼ਬੂ ਬਹੁਤ ਹੀ ਸ਼ਾਨਦਾਰ ਹੁੰਦੀ ਹੈ। ਅਤੇ ਆਮ ਚੌਲਾਂ ਵਿੱਚ ਵੀ ਕਈ ਕਿਸਮਾਂ ਦੇ ਚੌਲ ਹੁੰਦੇ ਹਨ, ਬੇਸ਼ੱਕ। ਉਨ੍ਹਾਂ ਵਿੱਚੋਂ ਇੱਕ, ਉਹ ਇਸਨੂੰ ਸੋਧਦੇ ਹਨ ਅਤੇ ਇਸਨੂੰ ਚਮੇਲੀ (ਜੈਸਮੀਨ) ਚੌਲਾਂ ਵਿੱਚ ਬਣਾਉਂਦੇ ਹਨ, ਉਦਾਹਰਣ ਵਜੋਂ, ਇਹ ਸੁਆਦੀ ਹੈ। ਮਹਿਕ, ਤੁਸੀਂ ਇਸਨੂੰ ਸੈਂਕੜੇ ਮੀਟਰ ਦੂਰ ਤੋਂ ਸੁੰਘ ਸਕਦੇ ਹੋ ਜੇਕਰ ਕੋਈ ਇਸਨੂੰ ਬਾਹਰ ਖੁੱਲ੍ਹੇ ਅਸਮਾਨ ਹੇਠ, ਤਾਜ਼ੀ ਹਵਾ ਵਿੱਚ, ਜਾਂ ਖਿੜਕੀ ਖੁੱਲ੍ਹੀ ਰੱਖ ਕੇ ਅੰਦਰ ਪਕਾ ਰਿਹਾ ਹੈ। ਤਾਂ, ਦੇਵਤੇ ਨੇ ਲਾਂਗ ਲੀਉ ਨੂੰ ਕਿਹਾ, "ਚੌਲ ਬਹੁਤ ਕੀਮਤੀ ਹੈ, ਇਹ ਪ੍ਰਮਾਤਮਾ ਦੁਆਰਾ ਦਿੱਤਾ ਗਿਆ ਹੈ। ਅਤੇ ਹੁਣ, ਤੁਸੀਂ ਇਸ ਸਵਰਗੀ ਪਦਾਰਥ ਦੀ ਕੁਝ ਖਾਸ ਪਕਾਉਣ ਲਈ ਵਰਤੋਂ ਕਰੋ। ਫਿਰ ਤੁਹਾਡੇ ਮਾਪੇ ਬਹੁਤ, ਬਹੁਤ ਖੁਸ਼ ਹੋਣਗੇ, ਅਤੇ ਤੁਹਾਨੂੰ ਆਪਣੇ ਦੇਸ਼ ਦਾ ਅਗਲਾ ਰਾਜਾ ਚੁਣਿਆ ਜਾਵੇਗਾ।"

ਤਾਂ, ਉਸਨੇ ਉਸਨੂੰ ਦੱਸਿਆ ਕਿ ਇਸਨੂੰ ਕਿਵੇਂ ਪਕਾਉਣਾ ਹੈ। ਉਸਨੇ ਉਸਨੂੰ ਕਿਹਾ ਕਿ ਜਾ ਕੇ ਕੇਲੇ ਦੇ ਪੱਤੇ ਲੈ ਆਵੇ ਅਤੇ ਚਿਪਚਿਪੇ ਚੌਲ। ਪਰ ਚਿਪਚਿਪੇ ਚੌਲਾਂ ਨੂੰ ਪਹਿਲਾਂ ਰਾਤ ਭਰ ਭਿਓ ਕੇ ਰੱਖਣਾ ਪਵੇਗਾ, ਅਤੇ ਫਿਰ ਪਾਣੀ ਕੱਢ ਦੇਣਾ ਪਵੇਗਾ, ਅਤੇ ਫਿਰ ਕੇਲੇ ਦੇ ਪੱਤਿਆਂ ਦੇ ਅੰਦਰ ਪਾ ਕੇ ਅਤੇ ਇਸਨੂੰ ਇੱਕ ਵਰਗਾਕਾਰ ਕੇਕ ਵਿਚ ਦੀ ਬਣਾਉਣਾ ਜਿਸਨੂੰ ਅਸੀਂ "ਬਾਨ ਚੁੰਗ" ਕਹਿੰਦੇ ਹਾਂ। ਅਸੀਂ ਜ਼ਿਆਦਾਤਰ ਨਵੇਂ ਸਾਲ ਦੇ ਸਮੇਂ ਖਾਂਦੇ ਹਾਂ, ਪਰ ਲੋਕ ਅੱਜਕੱਲ੍ਹ ਇਨ੍ਹਾਂ ਨੂੰ ਕਿਸੇ ਵੀ ਸਮੇਂ ਵੇਚਦੇ ਹਨ। ਚੰਦਰ ਨਵੇਂ ਸਾਲ ਦੇ ਸਮੇਂ ਇਸਦੀ ਹੋਰ ਵੀ ਕਦਰ ਕੀਤੀ ਜਾਂਦੀ ਹੈ ਅਤੇ ਇਸਨੂੰ ਜ਼ਿਆਦਾ ਖਾਧਾ ਜਾਂਦਾ ਹੈ। ਅਤੇ ਬਾਨ ਡੇ ਨੂੰ ਚੌਲਾਂ ਦੇ ਪਾਊਡਰ, ਚੌਲਾਂ ਦੇ ਆਟੇ ਨਾਲ ਗੋਲ ਆਕਾਰ ਵਿੱਚ ਬਣਾਇਆ ਜਾਂਦਾ ਹੈ, ਨਾ ਕਿ ਬਾਨ ਚੁੰਗ ਵਾਂਗ ਪੂਰੇ ਸਾਬਤ ਚੌਲਾਂ ਨਾਲ। ਅਤੇ ਫਿਰ ਬਾਨ ਚੁੰਗ ਨੂੰ ਇੱਕ ਵੱਡੇ ਭਾਂਡੇ ਵਿੱਚ ਬਹੁਤ ਘੰਟਿਆਂ ਲਈ ਪਕਾਇਆ ਜਾਵੇਗਾ। ਇਹ ਇਸ ਗੱਲ 'ਤੇ ਨਿਰਭਰ ਕਰਦਾ ਹੈ ਕਿ ਕਿੰਨਾ ਵੱਡਾ ਹੈ। ਇਸ ਵਿੱਚ ਬਹੁਤ, ਬਹੁਤ, ਬਹੁਤ ਘੰਟੇ ਲੱਗਦੇ ਹਨ, ਅਤੇ ਜਿਵੇਂ ਕਿ ਮੈਂ ਤੁਹਾਨੂੰ ਪਹਿਲਾਂ ਹੀ ਦੱਸਿਆ ਹੈ। ਅਤੇ ਬਾਨ ਡੇ, ਉਹ ਇਸ ਨੂੰ ਭਾਫ਼ ਨਾਲ ਬਣਾਉਂਦੇ ਹਨ। ਉਹ ਕੇਲੇ ਦੇ ਪੱਤੇ ਹੇਠਾਂ ਰੱਖਦੇ ਹਨ ਤਾਂ ਜੋ ਇਹ ਭਾਫ਼ ਵਾਲੇ ਯੰਤਰ ਦੇ ਹੇਠਾਂ ਨਾ ਚਿਪਕ ਜਾਣ। ਫਿਰ ਉਹ ਇਸਨੂੰ ਸ਼ਾਇਦ ਇੱਕ ਘੰਟੇ ਜਾਂ 40 ਮਿੰਟ ਲਈ ਭਾਫ਼ ਦਿੰਦੇ ਹਨ। ਇਹ ਨਿਰਭਰ ਕਰਦਾ ਹੈ ਕਿ ਤੁਸੀਂ ਇਸਨੂੰ ਕਿੰਨਾ ਵੱਡਾ ਬਣਾਉਂਦੇ ਹੋ।

ਅਤੇ ਉਹ ਇਹਨਾਂ ਨੂੰ ਔ ਲੈਕ (ਵੀਐਤਨਾਮ) ਵਿੱਚ ਟੈਟ ਨਵੇਂ ਸਾਲ, ਚੰਦਰ ਨਵੇਂ ਸਾਲ ਵਿੱਚ ਖਾਂਦੇ ਹਨ। ਉਹ ਉਨ੍ਹਾਂ ਨੂੰ ਇਸ ਤਰ੍ਹਾਂ ਖਾਂਦੇ ਹਨ ਤਾਂ ਜੋ ਮਾਪਿਆਂ ਦੇ ਬਿਨਾਂ-ਸ਼ਰਤ ਪਿਆਰ ਅਤੇ ਅਥਾਹ ਗੁਣਾਂ ਨੂੰ ਯਾਦ ਕੀਤਾ ਜਾ ਸਕੇ, ਜੋ ਅਸਮਾਨ ਜਿੰਨਾ ਵੱਡਾ ਅਤੇ ਧਰਤੀ ਜਿੰਨਾ ਵੱਡਾ ਹੈ, ਤਾਂ ਜੋ ਬੱਚਿਆਂ ਨੂੰ ਆਪਣੇ ਮਾਪਿਆਂ ਪ੍ਰਤੀ ਵਫਾਦਾਰ, ਆਗਿਆਕਾਰ ਹੋਣ ਦੀ ਯਾਦ ਦਿਵਾਈ ਜਾ ਸਕੇ। ਇਸ ਲਈ ਨਵੇਂ ਸਾਲ ਦੇ ਪਹਿਲੇ ਦਿਨ, ਉਹ ਆਪਣੇ ਮਾਪਿਆਂ ਨੂੰ ਮਿਲਣ ਆਉਂਦੇ ਸਨ। ਜੇ ਉਹ ਦੂਰ ਰਹਿੰਦੇ ਹੋਣ, ਤਾਂ ਉਨ੍ਹਾਂ ਨੂੰ ਵੀ ਆਉਣਾ ਪੈਂਦਾ। ਉਹ ਨਵੇਂ ਸਾਲ ਦੇ ਪਹਿਲੇ ਦਿਨ ਆਪਣੇ ਮਾਪਿਆਂ ਨੂੰ ਮਿਲਣ ਆਉਣਾ ਚਾਹੁੰਦੇ ਹਨ। ਅਤੇ ਜੇ ਉਹ ਮਾਪਿਆਂ ਨਾਲ ਇਕੱਠੇ ਰਹਿੰਦੇ ਹਨ, ਤਾਂ ਉਹ ਤੋਹਫ਼ੇ ਲਿਆਉਂਦੇ ਹਨ ਅਤੇ ਉੱਥੇ ਜਾਂਦੇ ਹਨ ਅਤੇ ਉਨ੍ਹਾਂ ਨੂੰ ਮੱਥਾ ਟੇਕਦੇ ਹਨ ਜਾਂ ਮੱਥਾ ਟੇਕਦੇ ਹਨ। ਅਤੇ ਫਿਰ ਪੁਰਖਿਆਂ ਦੀ ਜਗਵੇਦੀ ਨੂੰ ਵੀ ਮੱਥਾ ਟੇਕਦੇ। ਅਤੇ ਫਿਰ, ਜੇਕਰ ਉਹ ਪਹਿਲਾਂ ਹੀ ਬਾਲਗ ਹਨ ਅਤੇ ਪੈਸੇ ਕਮਾ ਚੁੱਕੇ ਹਨ, ਤਾਂ ਉਹ ਆਪਣੇ ਮਾਪਿਆਂ ਨੂੰ ਪੈਸੇ ਵੀ ਦਿੰਦੇ ਹਨ, ਨਾਲ ਹੀ ਮਾਪਿਆਂ ਨੂੰ ਕੋਈ ਵੀ ਬਹੁਤ ਮਹਿੰਗਾ ਜਾਂ ਕੀਮਤੀ ਤੋਹਫ਼ਾ ਦਿੰਦੇ ਹਨ, ਜਾਂ ਸ਼ਾਇਦ ਬਾਨ ਚੁੰਗ ਅਤੇ ਬਾਨ ਡੇ ਵੀ ਸ਼ਾਮਲ ਕਰਦੇ ਹਨ, ਤਾਂ ਜੋ ਉਹ ਆਪਣੇ ਮਾਪਿਆਂ ਪ੍ਰਤੀ ਆਪਣੀ ਸ਼ੁਕਰਗੁਜ਼ਾਰੀ ਅਤੇ ਪਿਆਰ ਦਾ ਪ੍ਰਗਟਾਵਾ ਕਰ ਸਕਣ।

ਇਹ ਇੱਕ ਸੁੰਦਰ ਕਹਾਣੀ ਹੈ ਅਤੇ ਇਹ ਪਰੀ ਕਹਾਣੀਆਂ ਵਿੱਚੋਂ ਇੱਕ ਹੈ। ਔ ਲੈਖ (ਵੀਐਤਨਾਮ) ਵਿੱਚ ਚੰਦਰ ਨਵੇਂ ਸਾਲ ਵਿੱਚ ਬਾਂਹ ਚੁੰਗ ਅਤੇ ਬੰਹ ਟੈਟ ਪਕਾਉਣ ਵਾਲੀ ਅੱਗ ਦੇ ਦੁਆਲੇ ਬੈਠ ਕੇ ਅਸੀਂ ਇਸਨੂੰ ਸੁਣ ਸਕਦੇ ਹਾਂ। ਤਾਂ ਹੁਣ ਤੁਸੀਂ ਜਾਣਦੇ ਹੋ। ਅਤੇ ਮੈਨੂੰ ਉਮੀਦ ਹੈ ਕਿ ਇਹ ਕਹਾਣੀ ਤੁਹਾਨੂੰ ਯਾਦ ਦਿਵਾਏਗੀ ਕਿ ਸਾਡੇ ਮਾਪੇ ਕਿੰਨੇ ਅਨਮੋਲ ਹਨ ਅਤੇ ਸਾਨੂੰ ਉਨ੍ਹਾਂ ਨਾਲ ਹਮੇਸ਼ਾ ਬਹੁਤ ਸ਼ੁਕਰਗੁਜ਼ਾਰੀ, ਸਤਿਕਾਰ ਨਾਲ ਪੇਸ਼ ਆਉਣਾ ਚਾਹੀਦਾ ਹੈ, ਅਤੇ ਉਨ੍ਹਾਂ ਨੂੰ ਅਕਸਰ ਮਿਲਣ ਜਾਣਾ ਚਾਹੀਦਾ ਹੈ, ਉਨ੍ਹਾਂ ਦੀ ਹਰ ਲੋੜ ਵਿੱਚ ਮਦਦ ਕਰਨੀ ਚਾਹੀਦੀ ਹੈ, ਅਤੇ ਉਨ੍ਹਾਂ ਨਾਲ ਆਪਣੀ ਕਮਾਈ-ਵਾਲੀ ਤਨਖਾਹ ਸਾਂਝੀ ਕਰਨੀ ਚਾਹੀਦੀ ਹੈ, ਤਾਂ ਜੋ ਤੁਹਾਡੇ ਮਾਪਿਆਂ ਨੂੰ ਸਿਹਤਮੰਦ, ਖੁਸ਼ ਰੱਖਿਆ ਜਾ ਸਕੇ ਅਤੇ ਉਨ੍ਹਾਂ ਕੋਲ ਕਾਫ਼ੀ ਹੋਵੇ - ਜੋ ਵੀ ਉਨ੍ਹਾਂ ਨੂੰ ਚਾਹੀਦਾ ਹੈ - ਕਾਫ਼ੀ ਚੀਜ਼ਾਂ ਹੋਣ ਜਿਨ੍ਹਾਂ ਦੀ ਉਨ੍ਹਾਂ ਨੂੰ ਸਿਹਤਮੰਦ ਰਹਿਣ ਲਈ ਲੋੜ ਹੈ, ਜਦੋਂ ਤੱਕ ਪ੍ਰਮਾਤਮਾ ਉਨ੍ਹਾਂ ਨੂੰ ਘਰ ਨਹੀਂ ਬੁਲਾਉਂਦਾ।

ਬੇਸ਼ੱਕ, ਇਨ੍ਹਾਂ ਦੋ ਕਿਸਮਾਂ ਦੇ ਕੇਕਾਂ ਦੇ ਅੰਦਰ ਭਰਾਈ ਹੁੰਦੀ ਹੈ ਅਤੇ ਇੱਥੋਂ ਤੱਕ ਕਿ ਬਾਨ ਟੈਟ ਵੀ। ਇਸਦਾ ਇੱਕ ਪ੍ਰਤੀਕਾਤਮਕਤਾ ਵੀ ਹੈ। ਬੇਸ਼ੱਕ, ਇਹ ਚੌਲਾਂ ਦੇ ਕੇਕ ਦੇ ਨਾਲ ਬਹੁਤ ਸੁਆਦੀ ਲੱਗਦਾ ਹੈ। ਅੰਦਰਲੀ ਭਰਾਈ ਚੌਲਾਂ ਦੇ ਕੇਕ ਨੂੰ ਹੋਰ ਵੀ ਸੁੰਦਰ, ਵਧੇਰੇ ਸੁਆਦੀ ਬਣਾਉਂਦੀ ਹੈ। ਅਤੇ ਜਦੋਂ ਤੁਸੀਂ ਇਸਨੂੰ ਟੁਕੜਿਆਂ ਵਿੱਚ ਕੱਟਦੇ ਹੋ, ਜਿਵੇਂ ਕਿ ਵਰਗਾਕਾਰ, ਤਾਂ ਉਹ ਉਹਨਾਂ ਨੂੰ ਵੰਡਣ ਲਈ ਬਸ ਇੱਕ ਚਾਕੂ ਜਾਂ ਕਿਸੇ ਕਿਸਮ ਦੇ ਮਜ਼ਬੂਤ ਧਾਗੇ ਦੀ ਵਰਤੋਂ ਕਰਦੇ ਹਨ। ਬਾਨ ਟੈਟ, ਪੁਰਾਣੀ ਪਰੰਪਰਾ ਵਿੱਚ, ਉਹ ਇੱਕ ਧਾਗੇ ਦੀ ਵਰਤੋਂ ਕਰਦੇ ਹਨ, ਜਿਵੇਂ ਕਿ ਇਕ ਸੂਤੀ ਧਾਗਾ, ਪਰ ਸਿਲਾਈ ਮਸ਼ੀਨਾਂ ਲਈ ਵਰਤੇ-ਜਾਣ ਵਾਲੇ ਧਾਗੇ ਨਾਲੋਂ ਮਜ਼ਬੂਤ ਧਾਗਾ। ਅਤੇ ਉਹ ਇਸਦੀ ਵਰਤੋਂ ਬਾਨ ਟੈਟ ਨੂੰ ਟੁਕੜਿਆਂ ਵਿੱਚ ਕੱਟਣ ਲਈ ਕਰਦੇ ਹਨ। ਕੁਝ ਲੋਕ ਇਸਨੂੰ ਬਾਨ ਚੁੰਗ ਕੱਟਣ ਲਈ ਵੀ ਵਰਤਦੇ ਹਨ। ਪਰ ਅੱਜਕੱਲ੍ਹ, ਮੈਨੂੰ ਲੱਗਦਾ ਹੈ ਕਿ ਉਹ ਇਸਨੂੰ ਟੁਕੜਿਆਂ ਵਿੱਚ ਕੱਟਣ ਲਈ ਸਿਰਫ਼ ਚਾਕੂ ਦੀ ਵਰਤੋਂ ਕਰਦੇ ਹਨ ਅਤੇ ਇਸਨੂੰ ਪੂਰੇ ਪਰਿਵਾਰ ਨਾਲ ਸਾਂਝਾ ਕਰਦੇ ਹਨ। ਅਤੇ ਇਹ ਪਹਿਲਾਂ ਮਾਪਿਆਂ ਨੂੰ ਦਿਓ, ਬੇਸ਼ੱਕ। ਮੇਜ਼ 'ਤੇ ਪਈ ਹਰ ਚੀਜ਼, ਮੇਜ਼ 'ਤੇ ਪਿਆ ਖਾਣਾ, ਉਹ ਹਮੇਸ਼ਾ ਪਹਿਲਾਂ ਮਾਪਿਆਂ ਨੂੰ ਦਿੰਦੇ ਹਨ। ਅਤੇ ਫਿਰ, ਨਵੇਂ ਸਾਲ ਦੇ ਦਿਨਾਂ ਦੌਰਾਨ ਬਾਕੀ ਸਾਰੇ ਮਾਪਿਆਂ ਨਾਲ ਇਕੱਠੇ ਖਾਂਦੇ ਹਨ। ਸ਼ਾਇਦ ਇੱਕ ਦਿਨ, ਸ਼ਾਇਦ ਤਿੰਨ, ਚਾਰ, ਪੰਜ ਦਿਨ, ਸ਼ਾਇਦ ਇੱਕ ਹਫ਼ਤਾ, ਸ਼ਾਇਦ ਦੋ ਹਫ਼ਤੇ। ਇਹ ਨਿਰਭਰ ਕਰਦਾ ਹੈ ਕਿ ਉਹ ਆਪਣੇ ਮਾਪਿਆਂ ਲਈ ਕਿੰਨਾ ਸਮਾਂ ਰੱਖਦੇ ਹਨ। ਅਤੇ, ਬੇਸ਼ੱਕ, ਪੋਤੇ-ਪੋਤੀਆਂ ਵੀ ਉਸ ਸਮੇਂ ਦਾਦਾ-ਦਾਦੀ ਨੂੰ ਮਿਲਣ ਲਈ ਇਕੱਠੇ ਹੁੰਦੇ ਹਨ। ਅਤੇ ਜੇ ਉਹ ਨੇੜੇ ਰਹਿੰਦੇ ਹਨ, ਤਾਂ, ਬੇਸ਼ੱਕ, ਉਹ ਜ਼ਿਆਦਾ ਵਾਰ ਮਿਲਣ ਆਉਂਦੇ ਹਨ। ਨਹੀਂ ਤਾਂ, ਉਹ ਆਉਣ ਦੀ ਕੋਸ਼ਿਸ਼ ਕਰਨਗੇ, ਭਾਵੇਂ ਬੱਚੇ ਕਿੰਨੇ ਵੀ ਦੂਰ ਕਿਉਂ ਨਾ ਹੋਣ ਅਤੇ ਉਹ ਕਿੰਨੇ ਵੀ ਵੱਡੇ ਕਿਉਂ ਨਾ ਹੋਣ।

ਉਹ ਅਜੇ ਵੀ ਖਾਸ ਦਿਨਾਂ 'ਤੇ ਜਿਵੇਂ ਕਿ ਟੈਟ ਤੇ, ਮਾਪਿਆਂ ਨੂੰ ਮਿਲਣ ਲਈ ਘਰ ਆਉਂਦੇ ਹਨ ਔ ਲੈਕ (ਵੀਐਤਨਾਮ) ਵਿੱਚ, ਔ ਲੈਕ (ਵੀਐਤਨਾਮ) ਦਾ ਚੰਦਰ ਨਵਾਂ ਸਾਲ। ਅਤੇ ਕੁਝ ਹੋਰ ਖਾਸ ਦਿਨਾਂ 'ਤੇ ਜਿਵੇਂ ਕਿ ਉਨ੍ਹਾਂ ਪੁਰਖਿਆਂ ਦੇ ਯਾਦਗਾਰੀ ਦਿਨ ਜੋ ਗੁਜ਼ਰ ਗਏ ਹਨ, ਜਾਂ ਉਨ੍ਹਾਂ ਮਾਪਿਆਂ ਦੇ ਜੋ ਗੁਜ਼ਰ ਗਏ ਹਨ, ਜਾਂ ਦਾਦਾ-ਦਾਦੀ ਜੋ ਗੁਜ਼ਰ ਗਏ ਹਨ। ਉਹ ਉਨ੍ਹਾਂ ਨੂੰ ਯਾਦ ਕਰਨ, ਉਨ੍ਹਾਂ ਦਾ ਧੰਨਵਾਦ ਕਰਨ, ਉਨ੍ਹਾਂ ਦੀ ਜਗਵੇਦੀ ਅੱਗੇ ਮੱਥਾ ਟੇਕਣ ਅਤੇ ਭੋਜਨ, ਫਲ ਅਤੇ ਹਰ ਤਰ੍ਹਾਂ ਦੀਆਂ ਚੀਜ਼ਾਂ ਚੜ੍ਹਾਉਣ ਲਈ ਆਉਂਦੇ ਹਨ ਅਤੇ ਇਕੱਠੇ ਹੁੰਦੇ ਹਨ। ਅਤੇ ਉਸ ਤੋਂ ਬਾਅਦ, ਉਹ ਇਹ ਭੋਜਨ ਖਾਣਗੇ ਜੋ ਪਹਿਲਾਂ ਹੀ ਭੇਟ ਕੀਤਾ ਜਾ ਚੁੱਕਾ ਹੈ। ਬੇਸ਼ੱਕ, ਨਵੇਂ ਸਾਲ ਦੇ ਸਮੇਂ, ਉਹ ਸਰਬਸ਼ਕਤੀਮਾਨ ਪ੍ਰਮਾਤਮਾ, ਪ੍ਰਮਾਤਮਾ ਦੇ ਪੁੱਤਰ, ਭਗਵਾਨ ਯਿਸੂ, ਅਤੇ ਪੁਰਖਿਆਂ ਨੂੰ ਵੀ ਭੇਟ ਕਰਦੇ ਹਨ। ਅਤੇ ਉੱਥੇ ਬਹੁਤ ਸਾਰਾ ਭੋਜਨ ਅਤੇ ਵੱਖ-ਵੱਖ ਕਿਸਮਾਂ ਦੇ ਫਲ ਹੋਣਗੇ, ਪਰ ਕੁਝ ਦੱਖਣੀ ਖੇਤਰਾਂ ਵਿੱਚ ਇੱਕ ਖਾਸ ਫਲ ਜਿਸਨੂੰ ਮੈਂ ਜਾਣਦੀ ਹਾਂ। ਕੁਝ ਦੱਖਣੀ ਖੇਤਰਾਂ ਵਿੱਚ ਜੋ ਮੈਂ ਜਾਣਦੀ ਹਾਂ, ਦੱਖਣ ਵਿੱਚ; ਮੈਨੂੰ ਸੱਚਮੁੱਚ ਨਹੀਂ ਪਤਾ ਕਿ ਉੱਤਰ ਵੱਲ ਕੀ ਪਰੰਪਰਾ ਹੈ। ਉਹ ਤਿੰਨ ਤਰ੍ਹਾਂ ਦੇ ਫਲ ਭੇਟ ਕਰਨਗੇ, ਬਹੁਤ ਹੀ ਖਾਸ, ਤਿੰਨ ਤਰ੍ਹਾਂ ਦੇ। ਬੇਸ਼ੱਕ, ਉਨ੍ਹਾਂ ਕੋਲ ਹੋਰ ਫਲ ਵੀ ਹਨ, ਪਰ ਤਿੰਨ ਤਰ੍ਹਾਂ ਦੇ ਫਲ ਜੋ ਉਹ ਜਗਵੇਦੀ ਨੂੰ ਚੜ੍ਹਾਉਂਦੇ ਹਨ - ਉਹ ਹਨ ਨਾਰੀਅਲ, ਪਪੀਤਾ ਅਤੇ ਅੰਬ।

ਕਿਉਂਕਿ ਔ ਲੈਕ (ਵੀਐਤਨਾਮ) ਵਿੱਚ, ਖਾਸ ਕਰਕੇ ਦੱਖਣ ਵਿੱਚ, ਉਹ ਔ ਲੈਕ (ਵੀਐਤਨਾਮ) ਵਿੱਚ ਨਾਰੀਅਲ ਦਾ ਉਚਾਰਨ ਕਰਦੇ ਹਨ ਜਿਵੇਂ ਕਿ"ਜ਼ਆ", ਦੱਖਣੀ ਲਹਿਜ਼ੇ ਵਿੱਚ, "ਜ਼ਆ।" ਅਤੇ ਔ ਲੈਕ (ਵੀਐਤਨਾਮ) ਵਿੱਚ ਪਪੀਤਾ, ਉਹ ਇਸਨੂੰ "ਲੂ," "ਲੂ ਲੂ" ਕਹਿੰਦੇ ਹਨ। ਅਤੇ ਔ ਲੈਕ (ਵੀਐਤਨਾਮ) ਵਿੱਚ ਅੰਬ, ਉਹ ਇਸਨੂੰ "ਸੋਆਏ" ਕਹਿੰਦੇ ਹਨ। ਪਰ ਇਹ "ਸਾਏ" ਸ਼ਬਦ ਦੇ ਸਮਾਨ ਹੈ, ਜਿਸਦਾ ਅਰਥ ਹੈ "ਖਰਚ ਕਰਨਾ।" ਅਤੇ "ਲੂ ਲੂ" ਦਾ ਮਤਲਬ ਹੈ "ਕਾਫ਼ੀ।" ਅਤੇ ਔ ਲੈਕ (ਵੀਐਤਨਾਮ) ਵਿੱਚ ਨਾਰੀਅਲ, "ਜ਼ਆ," ਦਾ ਮਤਲਬ ਹੈ "ਬਸ ਕਾਫ਼ੀ," "ਬਸ ਕਾਫ਼ੀ।" ਭਾਵ ਉਹ ਚਾਹੁੰਦੇ ਹਨ ਕਿ ਪ੍ਰਮਾਤਮਾ ਜਾਂ ਉਨ੍ਹਾਂ ਦੇ ਪੁਰਖੇ, ਜਾਂ ਦੋਵੇਂ, ਉਨ੍ਹਾਂ ਨੂੰ ਆਪਣੀ ਦੌਲਤ, ਜ਼ਿੰਦਗੀ ਵਿੱਚ ਵਰਤਣ ਲਈ ਲੋੜੀਂਦੀ ਹਰ ਚੀਜ਼ ਨਾਲ ਅਸੀਸ ਦੇਣ, ਜਿਵੇਂ ਕਿ "ਜ਼ਆ" ਦਾ ਅਰਥ ਹੈ "ਬਸ ਕਾਫ਼ੀ"। ਅਤੇ "ਲੂ" ਦਾ ਅਰਥ ਵੀ "ਕਾਫ਼ੀ" ਹੈ। ਅਤੇ "ਸਾਏ" ਦਾ ਅਰਥ ਹੈ "ਖਰਚ ਕਰਨਾ"। ਭਾਵ ਉਨ੍ਹਾਂ ਕੋਲ ਸਭ ਕੁਝ ਹੈ: ਕਾਫ਼ੀ ਪੈਸਾ, ਕਾਫ਼ੀ ਵਿੱਤੀ ਸਾਧਨ, ਕਾਫ਼ੀ ਆਰਥਿਕ ਸਾਧਨ, ਕਾਫ਼ੀ ਜਾਇਦਾਦ ਤਾਂ ਜੋ ਉਹ ਚੰਗੀ ਤਰ੍ਹਾਂ ਰਹਿ ਸਕਣ। ਭਾਵ ਕਾਫ਼ੀ, ਖਰਚ ਕਰਨ ਲਈ ਕਾਫ਼ੀ।

ਮੈਨੂੰ ਲੱਗਦਾ ਹੈ ਕਿ ਇਹ ਬਹੁਤ ਪਿਆਰਾ ਹੈ। ਮੈਨੂੰ ਲੱਗਦਾ ਹੈ ਕਿ ਉਹ ਇਸ ਤਰ੍ਹਾਂ ਦੀ ਸੋਚ ਨਾਲ ਬਹੁਤ ਸ਼ੁੱਧ ਹਨ। ਕਿਉਂਕਿ ਸ਼ਬਦ ਖੁਦ ਪ੍ਰਮਾਤਮਾ ਅਤੇ ਪੂਰਵਜਾਂ ਦੁਆਰਾ ਬਖਸ਼ਿਸ਼ ਕੀਤੇ ਗਏ ਹਨ ਜੋ ਪਹਿਲਾਂ ਹੀ ਇੱਕ ਉੱਚ ਖੇਤਰ ਵਿੱਚ ਗਿਆਨਵਾਨ ਅਤੇ ਬਹੁਤ ਮੁਕਤ ਹਨ, ਇਹ ਸੰਭਵ ਹੈ ਕਿ ਉਹ ਆਪਣੇ ਬੱਚਿਆਂ ਨੂੰ ਦੇਖਣ ਅਤੇ ਸੁਣਨ ਲਈ ਹੇਠਾਂ ਵੇਖਣ ਕਿ ਉਹ ਕਿਸ ਲਈ ਪ੍ਰਾਰਥਨਾ ਕਰ ਰਹੇ ਹਨ, ਫਿਰ ਉਹ ਉਨ੍ਹਾਂ ਨੂੰ ਅਸੀਸ ਦੇ ਸਕਦੇ ਹਨ। ਇਹ ਕੋਈ ਹਰਜ ਨਹੀਂ ਹੈ। ਘੱਟੋ ਘੱਟ ਉਦੋਂ ਤੁਹਾਨੂੰ ਪ੍ਰਮਾਤਮਾ ਯਾਦ ਆਉਂਦਾ ਹੈ, ਉਦੋਂ ਤੁਹਾਨੂੰ ਮਾਪਿਆਂ ਦੀ ਯਾਦ ਆਉਂਦੀ ਹੈ। ਅਤੇ ਤੁਹਾਡੇ ਮਨ ਵਿੱਚ ਇਸ ਸਕਾਰਾਤਮਕ ਸੋਚ ਨਾਲ, ਇਹ ਕੰਮ ਕਰ ਸਕਦਾ ਹੈ। ਮੈਂ ਗਰੰਟੀ ਨਹੀਂ ਦੇ ਸਕਦੀ, ਇਹ ਸਿਰਫ਼ ਸਾਡੀ ਪਰੰਪਰਾ ਹੈ। ਜੇ ਤੁਸੀਂ ਵਿਸ਼ਵਾਸ ਕਰਦੇ ਹੋ, ਤਾਂ ਤੁਸੀਂ ਕੋਸ਼ਿਸ਼ ਕਰ ਸਕਦੇ ਹੋ।

ਤਾਂ, ਇਹ ਉਹ ਚੀਜ਼ਾਂ ਹਨ, ਕੁਝ ਖਾਸ ਚੀਜ਼ਾਂ ਜੋ ਔਲੈਕਸੀਜ਼ (ਵੀਐਤਨਾਮੀਜ਼) ਚੰਦਰ ਨਵੇਂ ਸਾਲ ਦੀ ਪਰੰਪਰਾ ਵਿੱਚ ਵਾਪਰੀਆਂ ਅਤੇ ਮੰਨੀਆਂ ਜਾਂਦੀਆਂ ਹਨ। ਮੈਨੂੰ ਉਮੀਦ ਹੈ ਕਿ ਤੁਸੀਂ ਇਸ ਕਹਾਣੀ ਦਾ ਆਨੰਦ ਮਾਣਿਆ ਹੋਵੇਗਾ ਅਤੇ ਤੁਸੀਂ ਜਿੱਥੇ ਵੀ ਹੋ, ਆਪਣੇ ਚੰਦਰ ਨਵੇਂ ਸਾਲ ਦਾ ਆਨੰਦ ਮਾਣੋਗੇ। ਤੁਸੀਂ ਜਿੱਥੇ ਵੀ ਹੋ, ਤੁਹਾਨੂੰ ਸ਼ਾਂਤੀ ਮਿਲੇ, ਅਤੇ ਪ੍ਰਮਾਤਮਾ ਤੁਹਾਨੂੰ ਅਸੀਸ ਦੇਵੇ। ਤੁਹਾਡੇ ਪੁਰਖੇ ਤੁਹਾਨੂੰ ਅਸੀਸ ਦੇਣ ਅਤੇ ਤੁਹਾਨੂੰ ਤੰਦਰੁਸਤ ਰੱਖਣ, ਤੁਹਾਡੀ ਰੱਖਿਆ ਕਰਨ, ਤੁਹਾਨੂੰ ਸੁਰੱਖਿਅਤ ਰੱਖਣ, ਅਤੇ ਤੁਹਾਨੂੰ ਜ਼ਿੰਦਗੀ ਵਿੱਚ ਲੋੜੀਂਦੀ ਹਰ ਚੀਜ਼ ਲਈ ਭਰਪੂਰ ਰੱਖਣ। ਆਮੇਨ।

ਇਹ ਕੜਾਹੀ ਬਾਨ ਚੁੰਗ (ਚੌਰਸ ਸਟਿਕੀ ਚੌਲਾਂ ਦਾ ਕੇਕ), ਬਾਨ ਟੈਟ (ਵੇਲਣਾਕਾਰ ਸਟਿਕੀ ਚੌਲ਼ਾਂ ਦਾ ਕੇਕ) ਨਾਲ ਭਰ ਦਿਤੀ ਜਾਂਦੀ ਹੈ, ਚਿਪਚਿਪੇ ਚੌਲਾਂ ਨਾਲ ਬਣ‌ਾਇਆ ਜਾਂਦਾ ਕੇਲੇ ਦੇ ਪੱਤਿਆਂ ਵਿੱਚ ਅੰਦਰ ਭਰਾਈ ਦੇ ਨਾਲ ਲਪੇਟਿਆ ਹੋਇਆ, ਵੀਗਨ ਪ੍ਰੋਟੀਨ ਨਾਲ, ਅਤੇ ਇਸ ਵਿਚ ਮਸਾਲੇਦਾਰ ਸਮੱਗਰੀ ਹੁੰਦੀ ਹੈ। ਅਤੇ ਉਹ ਇਸਨੂੰ ਬਹੁਤ ਹੀ ਸਹੀ ਢੰਗ ਨਾਲ ਲਪੇਟਦੇ ਹਨ, ਚੌਰਸ ਆਕਾਰ ਜਾਂ ਲੰਬਾ ਆਕਾਰ, ਬਹੁਤ ਹੀ ਸਹੀ ਢੰਗ ਨਾਲ ਚਾਰ ਕੋਨਿਆਂ ਨਾਲ, ਬਹੁਤ, ਬਹੁਤ ਹੀ ਬਰਕਰਾਰ, ਬਹੁਤ ਸੁੰਦਰ, ਬਹੁਤ ਹੀ ਸਹੀ। ਅਤੇ ਫਿਰ ਉਹ ਇਸਨੂੰ ਨਵੇਂ ਸਾਲ ਲਈ, ਨਵੇਂ ਸਾਲ ਦੇ ਸਮੇਂ ਦੌਰਾਨ ਖਾਂਦੇ ਹਨ। ਨਵੇਂ ਸਾਲ ਦੇ ਪਹਿਲੇ ਤਿੰਨ ਦਿਨ ਬਹੁਤ ਮਹੱਤਵਪੂਰਨ ਹੁੰਦੇ ਹਨ। ਘੱਟੋ ਘੱਟ ਉਹ ਨਵੇਂ ਸਾਲ ਦੇ ਇਨ੍ਹਾਂ ਤਿੰਨ ਦਿਨਾਂ ਵਿੱਚ ਇਸਨੂੰ ਖਾਂਦੇ ਹਨ, ਹੋਰ ਬਹੁਤ ਸਾਰੀਆਂ ਚੀਜ਼ਾਂ ਦੇ ਨਾਲ, ਬੇਸ਼ੱਕ, ਸੁਆਦੀ, ਅਚਾਰ-ਵਾਲੀਆਂ ਸਬਜ਼ੀਆਂ ਅਤੇ ਹੋਰ ਬਹੁਤ ਸਾਰੀਆਂ ਸੁਆਦੀ ਵੀਗਨ ਚੀਜ਼ਾਂ। ਮੈਂ ਆਪਣੇ ਘਰ ਦੇ ਵਿਹੜੇ ਵਿੱਚ ਇਸ ਤਰ੍ਹਾਂ ਦੀ ਖਾਣਾ-ਪਕਾਉਣ ਵਾਲੀ ਥਾਂ ਕੋਲ ਬੈਠੀ ਹੁੰਦੀ ਸੀ - ਲਾਰਾਂ ਨਾਲ ਕੇਕ ਦੇ ਪਕਾਉਣ ਦੇ ਖਤਮ ਹੋਣ ਦੀ ਉਡੀਕ ਕਰਦੀ ਹੋਈ। ਅਤੇ ਸੋ ਅਸੀਂ ਇਸਨੂੰ ਨਵੇਂ ਸਾਲ ਦੀ ਪੂਰਵ ਸ਼ਾਮ ਨੂੰ ਪਹਿਲੇ ਹੀ, ਇਸਨੂੰ ਪਕਾਉਣ ਤੋਂ ਬਾਅਦ ਖਾ ਸਕਦੇ ਹਾਂ, ਅਤੇ ਅਗਲੇ ਤਿੰਨ, ਚਾਰ ਦਿਨਾਂ ਤੱਕ ਜਾਰੀ ਰੱਖਦੇ ਹਾਂ। ਅਤੇ ਜਦੋਂ ਵੀ ਬਹੁਤ ਜ਼ਿਆਦਾ ਬਚ ਜਾਂਦਾ ਹੈ, ਅਸੀਂ ਇਸਨੂੰ ਜਿਵੇਂ ਪਤਲੇ ਟੁਕੜਿਆਂ ਵਿੱਚ ਕੱਟ ਸਕਦੇ ਹਾਂ। ਖੈਰ, ਇਹ ਆਕਾਰ, ਬਹੁਤ ਪਤਲਾ, ਅਤੇ ਫਿਰ ਇਸਨੂੰ ਤਲਦੇ। ਅਤੇ ਇਸਦਾ ਸੁਆਦ ਬਹੁਤ ਹੀ ਕਰਿਸਪੀ ਹੁੰਦਾ ਹੈ ਅਤੇ ਇਹ ਖੁਸ਼ਬੂਦਾਰ ਹੁੰਦਾ ਹੈ।

ਮੇਰਾ ਪਰਿਵਾਰ ਇਹੀ ਕਰਦਾ ਸੀ। ਮੇਰੀ ਮਾਂ ਅਜਿਹਾ ਕਰਦੀ ਸੀ ਅਤੇ ਸਾਨੂੰ ਬੱਚਿਆਂ ਨੂੰ ਬਹੁਤ ਕੁਝ ਦਿੰਦੀ ਸੀ। ਅਤੇ ਨਾਲ ਹੀ, ਕੁਝ ਸਟਿੱਕੀ ਚੌਲਾਂ ਦਾ ਪੁਡਿੰਗ। ਓਹ, ਸੁਆਦੀ! ਕਾਲੀਆਂ ਬੀਨਜ਼ ਜਾਂ ਲਾਲ ਬੀਨਜ਼ ਅਤੇ ਹੋਰ ਬਹੁਤ ਸਾਰੀਆਂ ਸੁਆਦੀ ਕੂਕੀਜ਼ ਅਤੇ ਸਪਰਿੰਗ ਰੋਲ ਦੇ ਨਾਲ, ਸੁਆਦੀ ਲਸਣ ਦੀ ਚਟਣੀ ਦੇ ਨਾਲ: ਲਸਣ ਅਤੇ ਥੋੜ੍ਹੀ ਜਿਹੀ ਕਾਲੀ ਮਿਰਚ, ਗਰਮ ਮਿਰਚ, ਸੋਇਆ ਸਾਸ। ਅਤੇ ਅਸੀਂ ਸਪਰਿੰਗ ਰੋਲ, ਜੋ ਪਹਿਲਾਂ ਹੀ ਸਲਾਦ ਵਿੱਚ ਲਪੇਟੇ ਹੋਏ ਹਨ, ਸਲਾਦ, ਲੈਟਸ ਵਿੱਚ, ਅਤੇ ਕੁਝ ਜੜ੍ਹੀਆਂ ਬੂਟੀਆਂ, ਜਿਵੇਂ ਕਿ ਧਨੀਆ, ਤੁਲਸੀ, ਖੀਰੇ, ਅਤੇ ਕੁਝ ਅਚਾਰ, ਗਾਜਰ ਅਤੇ ਚਿੱਟੀ ਮੂਲੀ ਅਤੇ ਜੜ੍ਹਾਂ ਦੇ ਅਚਾਰ ਨਾਲ, ਅਤੇ ਸੋਇਆ ਸਾਸ ਵਿੱਚ ਡੁਬਾਉਂਦੇ ਹਾਂ। ਓਹ, ਸੁਆਦੀ! ਜਦੋਂ ਮੈਂ ਇਸ ਬਾਰੇ ਗੱਲ ਕਰਦੀ ਹਾਂ ਤਾਂ ਲਾਰਾਂ ਨਾ ਵਹਾਓ। ਮੈਂ ਹੁਣੇ ਖਾਧਾ ਸੀ; ਨਹੀਂ ਤਾਂ, ਮੈਂ ਆਪਣੇ ਆਪ ਤੇ ਹੀ ਲਾਰਾਂ ਵਹਾਉਂਦੀ। ਠੀਕ ਹੈ, ਇੱਕ ਬਹੁਤ ਹੀ, ਬਹੁਤ ਹੀ ਸੁਹਾਵਣਾ, ਖੁਸ਼, ਕਿਸਮਤ-ਵਾਲਾ, ਸ਼ਾਂਤਮਈ, ਵੀਗਨ, ਨਵਾਂ, ਚੰਦਰ ਨਵਾਂ ਸਾਲ ਮਾਣੋ। ਹੂਰਾ! ਤੁਹਾਨੂੰ ਪਿਆਰ, ਤੁਹਾਨੂੰ ਪਿਆਰ, ਤੁਹਾਨੂੰ ਪਿਆਰ ਕਰਦੀ ਹਾਂ! ਪ੍ਰਮਾਤਮਾ ਸਾਨੂੰ ਸਾਰਿਆਂ ਨੂੰ ਅਸੀਸ ਦੇਵੇ। ਆਮੇਨ।

ਦਰਅਸਲ, ਮੈਂ ਤੁਹਾਨੂੰ ਕੁਝ ਦੱਸਣਾ ਭੁੱਲ ਗਈ। ਜਿਸ ਤਰ੍ਹਾਂ ਅਖੌਤੀ ਤੰਦੂਰ (ਹੈ) - ਅਸੀਂ ਉਸਨੂੰ ਪੁੱਟਿਆ ਹੈ ਅਤੇ ਇਹ ਥੋੜ੍ਹਾ ਲੰਬਾ ਹੈ - ਤੁਸੀਂ ਕੁਝ ਪਕਾ ਸਕਦੇ ਹੋ ਅਤੇ ਪੱਕਾਏ-ਹੋਏ ਚੌਲਾਂ ਦੇ ਪਤੀਲੇ ਨੂੰ ਇਸਦੇ ਕੋਲ ਰੱਖ ਸਕਦੇ ਹੋ, ਉਵੇਂ ਜਿਵੇਂ ਤੁਸੀਂ ਕੇਤਲੀ ਰੱਖਦੇ ਹੋ, ਅਤੇ ਹਰ ਦੋ ਮਿੰਟਾਂ ਬਾਅਦ ਤੁਸੀਂ ਇਸਨੂੰ ਪਲਟਾਉਣਾ ਜਾਰੀ ਰਖੋ, ਤਾਂ ਜੋ ਚੌਲ ਬਿਨਾਂ ਬਿਜਲੀ ਦੇ ਸੋਹਣੀ ਤਰਾਂ, ਬਰਾਬਰ ਪੱਕ ਸਕਣ। ਇਹ ਬਿਲਕੁਲ ਸਹੀ ਹੋਵੇਗਾ। ਸਾਰਾ ਭੌਜਨ ਜੋ ਤੁਸੀਂ ਪਕਾਉਂਦੇ ਹੋ ਇਹਦਾ ਇਕ ਕਿਸਮ ਦਾ ਧੂੰਏਂ-ਵਾਲਾ ਸੁਆਦ ਹੋਵੇਗਾ, ਅਤੇ ਇਹ ਹੋਰ ਵੀ ਸੁਆਦੀ ਹੈ। ਮੇਰੀ ਦਾਦੀ ਮੈਨੂੰ ਖਾਣਾ ਦਿੰਦੀ ਸੀ, ਜਿਵੇਂ ਧੂੰਏਂ-ਵਾਲਾ ਖਾਣਾ, ਖਾਣਾ, ਅਤੇ ਇਹ ਸਾਰੀ ਉਮਰ ਤੁਹਾਡੇ ਨਾਲ ਰਹਿੰਦਾ ਹੈ, ਫਿਰ ਤੁਸੀਂ ਵੀ ਇਹੀ ਕਰਨਾ ਚਾਹੋਗੇ।

ਪਰ ਬੱਚੇ, ਖਾਸ ਕਰਕੇ ਬੱਚੇ, ਕਿਰਪਾ ਕਰਕੇ ਇਕੱਲੇ ਜੰਗਲ ਵਿੱਚ ਨਾ ਜਾਓ। ਇਹ ਖ਼ਤਰਨਾਕ ਹੋ ਸਕਦਾ ਹੈ। ਇਸ ਲਈ ਜੇਕਰ ਤੁਸੀਂ ਪਿਕਨਿਕ ਲਈ ਜਾਂਦੇ ਹੋ, ਤਾਂ ਯਕੀਨੀ ਬਣਾਓ ਕਿ ਤੁਹਾਡੇ ਨਾਲ ਬਾਲਗ ਹੋਣ, ਬਸ਼ ਸੁਰੱਖਿਅਤ ਰਹਿਣ ਲਈ। ਅਤੇ ਇਹ ਯਕੀਨੀ ਬਣਾਓ ਕਿ ਤੁਹਾਡੇ ਕੋਲ ਇਕ ਅੱਗ-ਬੁਝਾਉਣ ਵਾਲਾ ਯੰਤਰ ਹੋਵੇ ਅਤੇ ਹਮੇਸ਼ਾ ਬਾਲਗਾਂ ਦੇ ਆਲੇ-ਦੁਆਲੇ ਰਹੋ। ਇਸ ਲਈ ਜੇਕਰ ਕੁਝ ਵੀ ਹੁੰਦਾ ਹੈ, ਤਾਂ ਉਹ ਹਮੇਸ਼ਾ ਤੁਹਾਡੀ ਮਦਦ ਕਰ ਸਕਦੇ ਹਨ। ਜੇ ਤੁਸੀਂ ਪਰਿਵਾਰ ਜਾਂ ਦੋਸਤਾਂ ਨਾਲ ਜੰਗਲ ਵਿੱਚ ਜਾਂਦੇ ਹੋ, ਤਾਂ ਮੈਂ ਤੁਹਾਨੂੰ ਸਭ ਤੋਂ ਵੱਧ ਆਨੰਦ ਦੀ ਕਾਮਨਾ ਕਰਦੀ ਹਾਂ, ਜਿਵੇਂ ਮੈਂ ਮਾਣਿਆ ਹੈ। ਜਦੋਂ ਵੀ ਮੈਂ ਇਹ ਕਰ ਸਕਦੀ ਹਾਂ, ਮੈਂ ਬਹੁਤ ਖੁਸ਼ ਮਹਿਸੂਸ ਕਰਦੀ ਹਾਂ, ਸੁਤੰਤਰ ਮਹਿਸੂਸ ਕਰਦੀ ਹਾਂ - ਸੁਤੰਤਰ, ਪਰ ਮੈਂ ਮਹਿਸੂਸ ਕਰਦੀ ਹਾਂ ਜਿਵੇਂ ਕਿ ਮੈਂ ਦੁਬਾਰਾ ਜਵਾਨ ਹਾਂ, ਜਿਵੇਂ ਮੈਂ ਇਕ ਬਚੀ ਸੀ, ਆਪਣੇ ਮਾਪਿਆਂ ਜਾਂ ਆਪਣੀ ਦਾਦੀ ਨਾਲ ਇਹ ਚੀਜ਼ਾਂ ਕਰ ਰਹੀ। ਇਹ ਮੇਰੇ ਬਚਪਨ ਦੀ ਸਭ ਤੋਂ ਵਧੀਆ ਯਾਦ ਹੈ - ਪਰਿਵਾਰ ਦੇ ਪਿਆਰ ਅਤੇ ਖੁਸ਼ੀ, ਸ਼ਾਂਤੀ ਨੂੰ ਮਹਿਸੂਸ ਕਰਨਾ, ਆਪਣੇ ਆਲੇ ਦੁਆਲੇ ਸਾਰੇ ਪਿਆਰ ਨਾਲ ਅੱਗ ਨੂੰ ਨੱਚਦੇ ਦੇਖਣਾ। ਮੈਂ ਤੁਹਾਨੂੰ ਵੀ ਇਸੇ ਦੀ ਕਾਮਨਾ ਕਰਦੀ ਹਾਂ, ਜਾਂ ਇਸ ਤੋਂ ਵੀ ਵਧੀਆ, ਹੇ, ਬੱਚਿਓ?

ਬੱਚਿਓ, ਤੁਹਾਨੂੰ ਨਵਾਂ ਸਾਲ ਮੁਬਾਰਕ। ਮੈਨੂੰ ਉਮੀਦ ਹੈ, ਜੇਕਰ ਤੁਸੀਂ ਏਸ਼ੀਅਨ ਹੋ, ਜਿਵੇਂ ਕਿ ਚੀਨੀ, ਔਲੈਕਸੀਜ਼ (ਵੀਐਤਨਾਮੀਜ਼), ਤਾਂ ਤੁਹਾਨੂੰ ਇੱਕ ਚੰਗਾ ਅਤੇ ਮੋਟਾ ਲਾਲ ਲਿਫਾਫਾ ਮਿਲੇਗਾ, ਅਤੇ ਤੁਸੀਂ ਇਸਨੂੰ ਨਵੇਂ ਸਾਲ 'ਤੇ ਜਾਂ ਨਵੇਂ ਸਾਲ ਤੋਂ ਬਾਅਦ ਆਪਣੀ ਪਸੰਦ ਦੀ ਕਿਸੇ ਚੀਜ਼ 'ਤੇ ਖਰਚ ਕਰ ਸਕਦੇ ਹੋ। ਚੰਦਰ ਨਵੇਂ ਸਾਲ ਦੌਰਾਨ, ਮਾਪੇ ਜਾਂ ਦਾਦਾ-ਦਾਦੀ ਜਾਂ ਵੱਡੇ ਰਿਸ਼ਤੇਦਾਰ ਬੱਚਿਆਂ ਨੂੰ ਲਾਲ ਲਿਫ਼ਾਫ਼ੇ ਦੇਣਗੇ। ਲਾਲ ਲਿਫਾਫੇ ਦੇ ਅੰਦਰ, ਉਨ੍ਹਾਂ ਦੇ ਖਰਚ ਕਰਨ ਲਈ ਕੁਝ ਪੈਸੇ ਹੋਣਗੇ। ਇਹ ਚੰਦਰ ਨਵੇਂ ਸਾਲ ਲਈ ਹੈ। ਅਤੇ ਉਨ੍ਹਾਂ ਕੋਲ ਨਵੇਂ ਕੱਪੜੇ ਅਤੇ ਸ਼ਾਇਦ ਨਵੇਂ ਖਿਡੌਣੇ ਜਾਂ ਉਨ੍ਹਾਂ ਦੀ ਉਮਰ ਲਈ ਜੋ ਵੀ ਨਵਾਂ ਹੋਵੇਗਾ। ਸ਼ਾਇਦ ਨਵੀਆਂ ਸਾਈਕਲਾਂ ਜਾਂ ਨਵੀਆਂ ਮੋਟਰਸਾਈਕਲਾਂ, ਇੱਥੋਂ ਤੱਕ । ਇਸ ਲਈ ਚੰਦਰ ਨਵਾਂ ਸਾਲ ਬੱਚਿਆਂ ਲਈ ਇਕ ਬਹੁਤ, ਬਹੁਤ ਹੀ ਖੁਸ਼ੀ ਦਾ ਸਮਾਂ ਹੁੰਦਾ ਹੈ। ਮੈਨੂੰ ਇਹ ਜਾਣ ਕੇ ਵੀ ਖੁਸ਼ੀ ਹੋਈ ਕਿ ਚੰਦਰ ਨਵੇਂ ਸਾਲ ਦੌਰਾਨ ਬਹੁਤ ਸਾਰੇ ਬੱਚਿਆਂ ਨਾਲ ਬਹੁਤ ਖਾਸ ਸਲੂਕ ਕੀਤਾ ਜਾਵੇਗਾ। ਆਨੰਦ ਮਾਣੋ! ਆਪਣੀ ਗਿਆਨ-ਸ਼ਕਤੀ, ਤੰਦਰੁਸਤੀ ਅਤੇ ਖੁਸ਼ੀ ਲਈ ਹਰ ਸਮੇਂ ਪ੍ਰਮਾਤਮਾ ਅੱਗੇ ਪ੍ਰਾਰਥਨਾ ਕਰੋ। ਸੰਸਾਰ ਲਈ ਵੀ ਸ਼ਾਂਤੀ, ਖੁਸ਼ਹਾਲੀ ਅਤੇ ਖੁਸ਼ੀ ਲਈ ਪ੍ਰਾਰਥਨਾ ਕਰੋ, ਅਤੇ ਸਭ ਤੋਂ ਵੱਧ - ਸਭ ਤੋਂ ਵੱਧ - ਆਤਮਾਵਾਂ ਦੀ ਮੁਕਤੀ ਲਈ। ਤਾ-ਦਾ! ਤੁਹਾਨੂੰ ਪਿਆਰ ਕਰਦੀ ਹਾਂ। ਪ੍ਰਮਾਤਮਾ ਤੁਹਾਨੂੰ ਪਿਆਰ ਕਰਦਾ ਹੈ, ਬੱਚਿਓ। ਮੈਂ ਤੁਹਾਨੂੰ ਹਮੇਸ਼ਾ ਲਈਂ ਪਿਆਰ ਕਰਦੀ ਹਾਂ।

ਤੁਸੀਂ ਦੇਖੋ, ਉਥੇ ਲੱਕੜ ਦੇ ਕੁਝ ਹੀ ਟੁਕੜੇ ਬਚੇ ਹੋਏ ਹਨ। ਇਹ ਅਜੇ ਵੀ ਸੜ ਰਹੀ ਹੈ, ਅਤੇ ਇਹ ਅਜੇ ਵੀ ਬਹੁਤ ਗਰਮ ਹੈ। ਜਦੋਂ ਮੈਂ ਇਸਦੇ ਆਲੇ-ਦੁਆਲੇ ਰਹਿੰਦੀ ਹਾਂ, ਤਾਂ ਇਹ ਬਹੁਤ ਗਰਮ, ਨਿਘਾ ਮਹਿਸੂਸ ਹੁੰਦਾ ਹੈ। ਅਤੇ ਗੱਲ ਇਹ ਹੈ ਕਿ, ਇਸ ਤੋਂ ਬਾਅਦ, ਜੇ ਤੁਸੀਂ ਇਸਦਾ ਆਨੰਦ ਲੈਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਇਸ ਵਿੱਚ ਹੋਰ ਲੱਕੜ ਪਾਓ। ਅਤੇ ਬਲਦੇ ਕੋਲਿਆਂ ਨੂੰ ਅੰਦਰ ਵਰਤਣ ਲਈ ਲੈ ਜਾਓ, ਜਿੱਥੇ ਵੀ ਤੁਸੀਂ ਬੈਠੋ ਹੋਵੋਂ - ਆਪਣੇ ਤੰਬੂ ਦੇ ਸਾਹਮਣੇ, ਇਸ ਤਰ੍ਹਾਂ ਨਿੱਘ ਜਾਰੀ ਰੱਖਣ ਲਈ। ਜਾਂ ਤੁਹਾਨੂੰ ਹੁਣ ਇਸਨੂੰ ਕਿਸੇ ਤਰ੍ਹਾਂ ਢੱਕਣਾ ਪਵੇਗਾ। ਇਨ੍ਹਾਂ ਹਿੱਸਿਆਂ ਨੂੰ ਢੱਕਣ ਲਈ ਪਹਿਲਾਂ ਪੁੱਟੀ-ਗਈ ਮਿੱਟੀ ਦੀ ਵਰਤੋਂ ਕਰੋ ਤਾਂ ਜੋ ਅੱਗ ਦੇ ਅੰਗਾਰ‌ਿਆਂ ਨੂੰ ਉੱਡਣ ਦਾ ਕੋਈ ਮੌਕਾ ਨਾ ਮਿਲੇ। ਕੋਈ ਮੌਕਾ ਨਹੀਂ। ਕੋਈ ਵੀ ਮੌਕਾ, ਨਹੀਂ ਵਾਪਰਦਾ, ਨਹੀਂ ਹੋਵੇਗਾ। ਮੈਂ ਹੁਣ ਇਸਨੂੰ ਮਿੱਟੀ ਨਾਲ ਢੱਕਣ ਜਾ ਰਹੀ ਹਾਂ, ਮਿੱਟੀ ਨਾਲ। ਪਹਿਲਾਂ ਵਾਲੀ ਮਿਟੀ, ਇਹ ਪਹਿਲਾਂ ਇੱਕ ਢੇਰੀ ਵਿੱਚ ਸੀ, ਅਤੇ ਹੁਣ ਮੈਂ ਇਸਨੂੰ ਪੂਰੇ ਛੋਟੇ V-ਆਕਾਰ ਦੇ ਛੇਕ ਨੂੰ ਢੱਕਣ ਲਈ ਵਰਤਦੀ ਹਾਂ, ਅਤੇ ਫਿਰ ਇਸ ਉੱਤੇ ਕੁਝ ਸੁੱਕੇ ਪੱਤੇ ਪਾਉਂਦੀ ਹਾਂ। ਸੋ ਇੰਝ ਲੱਗਦਾ ਹੈ ਕਿ ਕੁਝ ਨਹੀਂ ਹੋਇਆ। ਤੁਸੀਂ ਉਹ ਦੇਖਿਆ? ਧੂੰਆਂ ਵੀ ਨਹੀਂ ਬਾਹਰ ਨਿਕਲਦਾ। ਉਨ੍ਹਾਂ ਕੋਲ ਹਰ ਪਾਸੇ ਪੱਤੇ ਹੋਣਗੇ। ਜੰਗਲ ਵਿੱਚ, ਉਥੇ ਹਮੇਸ਼ਾ ਪੱਤੇ ਹੁੰਦੇ ਹਨ। ਤੁਸੀਂ ਇਹਨਾਂ ਦੀ ਵਰਤੋਂ ਕਰ ਸਕਦੇ ਹੋ। ਤੁਸੀਂ ਪੱਤਿਆਂ ਨੂੰ ਲੱਕੜ ਦੀਆਂ ਟਾਹਣੀਆਂ ਦੇ ਹੇਠਾਂ ਰੱਖਣ ਲਈ ਵੀ ਵਰਤ ਸਕਦੇ ਹੋ ਅਤੇ ਇਸਨੂੰ ਇਕ ਅੱਗ-ਬੁਝਾਉਣ ਵਾਲੇ ਪਦਾਰਥ ਵਾਂਗ ਵਰਤ ਸਕਦੇ ਹੋ। ਜੇਕਰ ਪੱਤੇ ਸੁੱਕੇ ਹੋਣ, ਤਾਂ ਉਹ ਬਹੁਤ, ਬਹੁਤ ਜਲਦੀ ਭਖ ਜਾਂਦੇ ਹਨ। ਅਤੇ ਫਿਰ ਸਾਰੀਆਂ ਛੋਟੀਆਂ ਟਾਹਣੀਆਂ ਸਕਿੰਟਾਂ ਵਿੱਚ ਸੜ ਜਾਣਗੀਆਂ, ਅਤੇ ਫਿਰ ਤੁਸੀਂ ਤੁਰੰਤ ਖਾਣਾ ਬਣਾ ਸਕਦੇ ਹੋ। ਇਹ ਕਾਫ਼ੀ ਮਜ਼ੇਦਾਰ ਹੈ। ਇਸ ਲਈ ਹੁਣ ਮੈਂ ਇਹਨਾਂ ਸਾਰੇ ਯੰਤਰਾਂ ਨੂੰ ਕਮਰੇ ਵਿੱਚ ਰੱਖਣ ਜਾ ਰਹੀ ਹਾਂ ਜੋ ਮੈਂ ਪਹਿਲਾਂ ਵਰਤੇ ਸਨ ਅਤੇ ਉਹਨਾਂ ਨੂੰ ਅੰਦਰ ਲਿਆਵਾਂਗੀ ਅਤੇ ਚਾਹ ਦੇ ਕੱਪ ਲਈ ਗਰਮ ਪਾਣੀ ਦੀ ਕੇਤਲੀ ਦੀ ਵਰਤੋਂ ਕਰਾਂਗੀ। ਠੀਕ ਹੈ, ਆਨੰਦ ਮਾਣੋ।

ਮੈਂ ਇਹਨਾਂ ਨੂੰ ਬਸ ਇੱਥੇ ਅਸਥਾਈ ਤੌਰ 'ਤੇ ਰੱਖਿਆ ਹੈ, ਅਤੇ ਫਿਰ ਮੈਂ ਇਹਨਾਂ ਨੂੰ ਆਪਣੇ ਲਿਵਿੰਗ ਸੈੱਲ ਵਾਲੀ ਜਗਾ ਦੇ ਅੰਦਰ ਲਿਆਵਾਂਗੀ। ਕੀ ਤੁਸੀਂ ਇਸ ਤਰ੍ਹਾਂ ਦੀ ਪੈਲੇਟ ਦੇਖਦੇ ਹੋ? ਇਹ ਉਹੀ ਹੈ ਜਿਸਦਾ ਮੈਂ ਜ਼ਿਕਰ ਕੀਤਾ ਸੀ। ਤੁਸੀਂ ਇਸਦਾ ਅੱਧਾ ਆਕਾਰ ਲੈ ਸਕਦੇ ਹੋ। ਇਹ ਇਸ ਆਕਾਰ ਦਾ ਹੋਣਾ ਜ਼ਰੂਰੀ ਨਹੀਂ ਹੈ। ਅਤੇ ਫਿਰ ਤੁਸੀਂ ਇਸਨੂੰ ਕਿਸੇ ਨਾ-ਜਲਣ ਵਾਲੀ ਸਮੱਗਰੀ ਨਾਲ ਢੱਕ ਦਿੰਦੇ ਹੋ, ਅਤੇ ਤੁਸੀਂ ਆਪਣੇ ਖਾਣਾ-ਪਕਾਉਣ ਵਾਲੇ ਖੇਤਰ ਤੋਂ ਬਲਦਾ ਕੋਲਾ ਪਾਉਂਦੇ ਹੋ ਜਿਸਦਾ ਮੈਂ ਪਹਿਲਾਂ ਜ਼ਿਕਰ ਕੀਤਾ ਸੀ। ਫਿਰ ਤੁਸੀਂ ਇਸਨੂੰ ਹੇਠਾਂ ਰੱਖੋ, ਅਤੇ ਇਹ ਪੂਰੇ ਬਿਸਤਰੇ ਜਾਂ ਪੂਰੇ ਬੈਠਣ ਵਾਲੇ ਖੇਤਰ ਨੂੰ ਗਰਮ ਕਰ ਦੇਵੇਗਾ। ਮੈਂ ਇਸਨੂੰ ਇਕ ਸੋਫੇ ਵਰਗਾ ਬਣਾਉਣ ਲਈ ਪਿੱਛੇ ਜਾਂ ਪਾਸੇ ਕੁਝ ਕੁਸ਼ਨ ਰੱਖ ਸਕਦੀ ਹਾਂ, ਅਸਥਾਈ ਸੋਫਾ। ਅਤੇ ਫਿਰ ਸੌਣ ਤੋਂ ਪਹਿਲਾਂ, ਜਾਂ ਤੁਹਾਡੇ ਕੋਲ ਜਦੋਂ ਵੀ ਸਮਾਂ ਹੋਵੇ, ਉੱਥੇ ਬੈਠ ਕੇ ਮੈਡੀਟੇਸ਼ਨ ਕਰਨਾ ਬਹੁਤ ਆਰਾਮਦਾਇਕ ਹੋਵੇਗਾ। ਜਦੋਂ ਵੀ ਤੁਹਾਡੇ ਕੋਲ ਕੋਲੇ ਹੋਣ, ਤੁਸੀਂ ਉਹ ਕਰ ਸਕਦੇ ਹੋ। ਜੇਕਰ ਪੈਲੇਟ ਬਹੁਤ ਜ਼ਿਆਦਾ ਦੂਰੀ'ਤੇ ਹੈ, ਵਿਚਕਾਰ ਬਹੁਤ ਜ਼ਿਆਦਾ ਹੈ, ਤਾਂ ਤੁਸੀਂ ਕੁਝ ਲੱਕੜ, ਥੋੜ੍ਹੀ ਜਿਹੀ ਪਤਲੀ ਲੱਕੜ ਪਾ ਸਕਦੇ ਹੋ। ਪਰ ਲੱਕੜ ਦੇ ਵਿਚਕਾਰ ਹਮੇਸ਼ਾ ਇੱਕ ਕਿਸਮ ਦਾ ਪਾੜਾ ਹੋਣਾ ਚਾਹੀਦਾ ਹੈ; ਲੱਕੜ ਅਤੇ ਲੱਕੜ ਦੇ ਵਿਚਕਾਰ ਇੱਕ ਪਾੜਾ ਹੋਣਾ ਚਾਹੀਦਾ ਹੈ ਤਾਂ ਜੋ ਗਰਮੀ ਉੱਪਰ ਆਵੇ। ਅਤੇ ਜੋ ਕੋਲਾ ਤੁਸੀਂ ਅੰਦਰ ਲਿਆਂਦਾ ਸੀ, ਉਸਨੂੰ ਇਸ ਤਰ੍ਹਾਂ ਦੇ ਇਕ ਸੈਰਾਮਿਕ ਭਾਂਡੇ ਵਿੱਚ, ਜਾਂ ਛੋਟੇ, ਜਾਂ ਇਕ ਧਾਤ ਦੇ ਭਾਂਡੇ ਵਿੱਚ ਪਾਓ। ਧਿਆਨ ਰੱਖੋ ਕਿ ਇਹ ਤੁਹਾਨੂੰ ਨਾ ਸਾੜੇ। ਜੇ ਤੁਸੀਂ ਇਸਨੂੰ ਆਪਣੇ ਹੱਥ ਨਾਲ ਲੈਂਦੇ ਹੋ, ਤਾਂ ਤੁਹਾਨੂੰ ਇਸਨੂੰ ਫੜਨ ਲਈ ਇੱਕ ਓਵਨ ਦਸਤਾਨੇ ਜਾਂ ਕੁਝ ਚੀਜ਼, ਓਵਨ ਮਿੱਟ ਦੀ ਵਰਤੋਂ ਕਰਨੀ ਚਾਹੀਦੀ ਹੈ ਤਾਂ ਜੋ ਤੁਸੀਂ ਆਪਣੇ ਆਪ ਨੂੰ ਨਾ ਸਾੜੋ।

ਮਹੱਤਵਪੂਰਨ ਗੱਲ ਇਹ ਹੈ ਕਿ ਤੁਹਾਨੂੰ ਉਹੀ ਲੈਣਾ ਪਵੇਗਾ ਜੋ ਪਹਿਲਾਂ ਹੀ ਸੜ ਚੁੱਕਾ ਹੈ - ਉਸ 'ਤੇ ਹੋਰ ਲੱਕੜ ਨਹੀਂ ਬਚੀ ਹੈ। ਨਹੀਂ ਤਾਂ, ਤੁਹਾਡੇ ਕਮਰੇ ਵਿੱਚ ਜਾਂ ਤੁਹਾਡੇ ਕੈਂਪਿੰਗ ਖੇਤਰ ਵਿੱਚ ਜ਼ਿਆਦਾ ਧੂੰਆਂ ਹੋਵੇਗਾ। ਮੈਂ ਇਸਨੂੰ ਉਸ ਤੰਬੂ ਵਿੱਚ ਨਹੀਂ ਰੱਖਾਂਗੀ ਜਿੱਥੇ ਤੁਸੀਂ ਸੌਂਦੇ ਹੋ, ਜਾਂ ਉਸ ਵਿਗਵੈਮ ਦੇ ਅੰਦਰ ਨਹੀਂ ਰੱਖਾਂਗੀ ਜਿਸ ਵਿੱਚ ਤੁਸੀਂ ਸੌਂਦੇ ਹੋ, ਕਿਉਂਕਿ ਤੁਸੀਂ ਇਸਨੂੰ ਲੱਤ ਮਾਰ ਕੇ ਖੋਲ੍ਹ ਸਕਦੇ ਹੋ ਅਤੇ ਇਹ ਤੁਹਾਡੇ ਸਰੀਰ ਜਾਂ ਤੁਹਾਡੇ ਬਿਸਤਰੇ 'ਤੇ ਡਿੱਗ ਸਕਦਾ ਹੈ ਅਤੇ ਇੱਕ ਹਾਦਸਾ ਵਾਪਰ ਸਕਦਾ ਹੈ। ਇਸਨੂੰ ਕਿਸੇ ਅਜਿਹੀ ਥਾਂ 'ਤੇ ਰੱਖੋ ਜਿੱਥੇ ਤੁਸੀਂ ਮੈਡੀਟੇਸ਼ਨ ਕਰਨ ਲਈ ਬੈਠਦੇ ਹੋ, ਲੱਕੜ ਦੇ ਫੱਟੇ, ਪੈਲੇਟ ਦੇ ਹੇਠਾਂ।

ਅੱਗ ਨਾਲ ਬਹੁਤ ਸਾਵਧਾਨ ਰਹੋ, ਭਾਵੇਂ ਇਹ ਮਦਦਗਾਰ ਹੋਵੇ। ਅੱਗ ਬਹੁਤ ਮਦਦਗਾਰ ਹੈ, ਵਰਤਣ ਵਿੱਚ ਬਹੁਤ ਆਰਾਮਦਾਇਕ ਹੈ, ਪਰ ਤੁਹਾਨੂੰ ਇਸਨੂੰ ਬਹੁਤ ਹੀ ਧਿਆਨ ਨਾਲ ਵਰਤਣਾ ਚਾਹੀਦਾ ਹੈ। ਤੁਹਾਨੂੰ ਇਹ ਹਮੇਸ਼ਾ ਬਾਲਗਾਂ ਨਾਲ ਕਰਨਾ ਚਾਹੀਦਾ ਹੈ। ਇਥੋਂ ਤਕ ਬਾਲਗਾਂ ਨੂੰ ਵੀ ਜੰਗਲ ਵਿੱਚ ਜਾਂ ਤੁਹਾਡੇ ਕੈਂਪਿੰਗ ਖੇਤਰ ਦੇ ਅੰਦਰ ਅੱਗ ਨਾਲ ਨਜਿੱਠਣ ਦਾ ਵਧੇਰੇ ਤਜਰਬਾ ਹੋਣਾ ਚਾਹੀਦਾ ਹੈ। ਸਮਝੇ? ਧਿਆਨ ਰੱਖੋ, ਬੱਚਿਓ। ਮੈਂ ਤੁਹਾਨੂੰ ਪਿਆਰ ਕਰਦੀ ਹਾਂ।

ਸਭ ਤੋਂ ਪਿਆਰੇ ਸਤਿਗੁਰੂ ਜੀ, ਅਸੀਂ ਤੁਹਾਡੇ ਤੋਂ ਇੱਕ ਵਾਰ ਫਿਰ ਸੁਣ ਕੇ ਬਹੁਤ ਖੁਸ਼ ਹਾਂ, ਖਾਸ ਕਰਕੇ ਚੰਦਰ ਨਵੇਂ ਸਾਲ ਵਰਗੇ ਇਕ ਸ਼ੁਭ ਮੌਕੇ 'ਤੇ। ਬੱਚਿਆਂ ਲਈ ਤੁਹਾਡਾ ਪਿਆਰ ਬੇਅੰਤ ਹੈ ਅਤੇ ਬਹੁਤ ਹੀ ਦਿਲ ਨੂੰ ਛੂਹ-ਲੈਣ ਵਾਲਾ ਹੈ। ਅਸੀਂ ਤੁਹਾਡੇ ਨਾਲ ਮਿਲ ਕੇ ਸਾਰੇ ਬੱਚਿਆਂ ਨੂੰ ਸਭ ਤੋਂ ਵੱਧ ਚਮਕਦਾਰ ਵੀਗਨ ਨਵੇਂ ਸਾਲ ਦੀਆਂ ਸ਼ੁਭਕਾਮਨਾਵਾਂ ਦਿੰਦੇ ਹਾਂ ਕਿਉਂਕਿ ਉਹ ਆਪਣੇ ਹਾਸੇ ਅਤੇ ਮਾਸੂਮੀਅਤ ਨਾਲ ਸਾਡੇ ਸੰਸਾਰ ਨੂੰ ਖੁਸ਼ ਕਰਦੇ ਹਨ। ਸਾਡੇ ਗ੍ਰਹਿ ਉੱਤੇ ਤਿੰਨ ਸਭ ਤੋਂ ਸ਼ਕਤੀਸ਼ਾਲੀ ਦੀ ਅਸੀਮ ਕਿਰਪਾ ਹਮੇਸ਼ਾ ਰਹੇ ਅਤੇ ਸਰਵਸ਼ਕਤੀਮਾਨ ਹਮੇਸ਼ਾ ਸਤਿਗੁਰੂ ਜੀ ਦੀ ਰੱਖਿਆ ਕਰਨ ਅਤੇ ਉਨ੍ਹਾਂ ਦੀ ਸਿਹਤ ਅਤੇ ਤੰਦਰੁਸਤੀ ਨੂੰ ਯਕੀਨੀ ਬਣਾਈ ਰਖਣ।

ਵੀਗਨ ਨਵੇਂ ਸਾਲ ਦੀਆਂ ਮੁਬਾਰਕਾਂ। ਖੁਸ਼ੀ ਅਤੇ ਜੋਸ਼ ਨਾਲ ਗੀਤ ਗਾਉਦੇ ਹੋਏ। ਅਸੀਂ ਸਾਰੇ ਦੋਸਤ ਇਕੱਠੇ ਹਾਂ। ਇੱਥੇ ਹਰ ਪਲ ਦੀ ਕਦਰ ਕਰੋ। ਸ਼ਾਨਦਾਰ ਸਮੇਂ ਇੱਕ ਪਲ ਲਈ ਵੀ ਨਹੀਂ ਰਹਿੰਦੇ। ਸਮਾਂ ਉੱਡਦਾ ਹੈ। ਆਹ-ਯਾ ਯਾ ਯਾ ਯਾ। ਪਲ ਨੂੰ ਸੰਭਾਲੋ! ਤੁਹਾਡਾ ਧੰਨਵਾਦ, ਸਤਿਗੁਰੂ ਜੀ, ਸ਼ਾਨਦਾਰ ਤੋਹਫ਼ਿਆਂ ਅਤੇ ਤੁਹਾਡੀ ਸਾਰੀ ਪਿਆਰ ਭਰੀ ਦੇਖਭਾਲ ਲਈ! ਅਸੀਂ ਤੁਹਾਨੂੰ ਪਿਆਰ ਕਰਦੇ ਹਾਂ! ਵੀਗਨ ਨਵੇਂ ਸਾਲ ਦੀਆਂ ਮੁਬਾਰਕਾਂ!

ਸਾਡੇ ਸਭ ਤੋਂ ਪਿਆਰੇ ਸਤਿਗੁਰੂ ਜੀ ਨੂੰ, ਘੋੜੇ ਦੇ ਇਸ ਨਵੇਂ ਸਾਲ ਲਈ, ਅਸੀਂ ਚਾਹੁੰਦੇ ਹਾਂ ਸਤਿਗੁਰੂ ਜੀ ਅਤੇ ਸੰਸਾਰ ਲਈ ਹੁਣ ਤੱਕ ਦਾ ਸਭ ਤੋਂ ਸ਼ਾਂਤੀਪੂਰਨ ਅਤੇ ਮੁਬਾਰਕ ਨਵਾਂ ਸਾਲ ਹੋਵੇ ! ਜਿਵੇਂ ਕਿ ਸੰਸਾਰ ਸਾਰੇ ਜੀਵਾਂ ਵਿੱਚਕਾਰ ਸ਼ਾਂਤੀ ਨੂੰ ਅਪਣਾਉਂਦਾ ਹੈ, ਸਤਿਗੁਰੂ ਜੀ ਦੀ ਅਣਥੱਕ ਮਿਹਨਤ ਫਲ ਦਿੰਦੀ ਰਹੇ। ਅਸੀਂ ਹਰ ਰੋਜ਼ ਤੁਹਾਡੇ ਲਈ ਬਹੁਤ ਧੰਨਵਾਦੀ ਹਾਂ, ਕਿਉਂਕਿ ਤੁਹਾਡੇ ਪਿਆਰ ਨਾਲੋਂ ਮਹਾਨ ਹੋਰ ਕੋਈ ਨਹੀਂ ਹੈ। ਅਸੀਂ, ਤੁਹਾਡੇ "ਘੋੜੇ", ਅੰਤ ਤੱਕ ਤੁਹਾਡੇ ਨਾਲ ਸਵਾਰੀ ਕਰਾਂਗੇ। ਵੀਗਨ ਚੰਦਰ ਨਵੇਂ ਸਾਲ ਦੀਆਂ ਮੁਬਾਰਕਾਂ! ਤੁਹਾਡਾ ਧੰਨਵਾਦ, ਸਤਿਗੁਰੂ ਜੀ।

ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਅਤੇ ਅਤੇ ਸੁਪਰੀਮ ਮਾਸਟਰ ਟੈਲੀਵਿਜ਼ਨ ਟੀਮ ਦੇ ਮੈਂਬਰਾਂ (ਸਾਰੇ ਵੀਗਨ) ਵੱਲੋਂ ਵੀਗਨ ਚੰਦਰ ਨਵੇਂ ਸਾਲ ਦੀਆਂ ਮੁਬਾਰਕਾਂ।