Одоо үргэлжлүүлэн

Онцлох мэдээ

Төгс Гэгээрсэн Их Багш Чин Хай “Хамтдаа зам мөрөө гэгээрүүлье” хуралд айлдвар илгээжээ

2020-12-26
Дэлгэрэнгүй
Татаж авах Docx
Дэлгэрэнгүй уншаарай

Бидний Хамгаас Энэрэнгүй Төгс Гэгээрсэн Их Багш Чин Хай Чикасав Үндэстний Иханктонваны Дакотийн Үе дамнасан Удирдагч Эрхэм Хүндэт Фил Лейн Жр.,-ийн чин сэтгэлийн урилгыг хүндэтгэл, хайраар хүлээн авч, 2020 оны 12-р сарын 22-ны өдрийн “Хамтдаа зам мөрөө гэгээрүүлье” нэртэй хуралд үндсэн илтгэгчээр оролцсон билээ. 12-р сарын 11-нээс 12-р сарын 22 хүртэл үргэлжилж байгаа энэхүү дэлхий нийтийг хамарсан дижитал хөтөлбөр нь Эх Дэлхийг нөхөн сэргээх, хамгаалах зорилготой Олон Улсын Гэрээний 15 дугаар заалтыг хэрэгжүүлэх, дэлхий нийтээрээ веган хүнсийг хэрэглэх тухай асуудлыг онцлон, шинэ эрин ирж байгааг тэмдэглэж байгаа юм. 15 дугаар заалт аж үйлдвэржсэн фермийн аж ахуйг устгах, “Эх Дэлхийгээ цаашдын гажуудлаас хамгаалах” тухай юм.

Төгс Гэгээрсэн Их Багш Чин Хайн Айлдварууд болон Суприм Мастер Телевизийн веган болохын чухлыг тайлбарласан хөтөлбөрүүдийг үзэн урам зориг орсон Лейн удирдагч захиандаа “15-р заалтыг хэрэгжүүлэхийн тулд би өөрөө веган байх ёстой, “Ярьснаа өөрөө Хэрэгжүүлэх” ёстой гэдэг нь тодорхой байсан учраас би одоо веган болсон. Таны манлайлал, залбирал дэмжлэгт би гүнээ талархаж байна. Үнэнийг хэлэхэд, Таны үнэнхүү энэрэнгүй, хайр дүүрэн, өгөөмөр дэмжлэгүүд байгаагүй сэн бол 2020 онд бидний хэрэгжүүлсэн бүх ажлууд биеллээ олохооргүй байлаа. Бидний талархал амнаас гарах үг, авиа, бидний энэ дэлхийн үг хэлээр бүрэн илэрхийлж чадамгүй чанадын билээ.”

Эрчимтэй бясалгал, даяан хийж байгаа учраас Их Багш биеэр оролцож чадаагүй ч Их Багш оролцогчдод зориулан дараах хайр адислал дүүрэн тусгайлсан видео айлдварыг бичиж явуулсан байна.

Дэлхийн Анхны Аугаа их үндэстнүүдэд мэнд дэвшүүлье. Бүхий л Уугуул хүмүүс, Бүтээлийн хамгийн хайртай нь юм. Өнөөдөр та нартай уулзсан нь надад нэр төрийн хэрэг билээ. Гэхдээ бид хэдийгээр материаллаг оршихуйд хэдий хол зайтай хэдий удаан уулзаагүй ч бид үргэлж хамт байгаа гэдгийг би мэдэрдэг. Яагаад гэвэл энэ бүхнээр сүнс хязгаарлагддаггүй.

Юуны өмнө би та бүхэнд Диваажингийн өгч болох хамгийн сайн сайхан бүхний хүсье. Танай хүмүүс зүрх сэтгэлдээ, оюун ухаандаа, сүнсэндээ үргэлж Диваажингийн хайрыг мэдэрч байх болтугай гэж ерөөе. Амен.

Гараг дэлхийгээ аврахын тулд амьтдыг аврахын төлөө веганизмыг амьдралдаа нэвтрүүлсэн бүхий л хүмүүст баяр хүргэж байна. Би чин сэтгэлээсээ талархъя. Бурхан таныг улам ихээр адислах болтугай. Тиймээ, манай дэлхий асуудалд ороод байна. Гэхдээ бид засаж чадна. Хүн нэг бүрд үүнийг хийх чадал бий. Зүгээр л веган болох хэрэгтэй байна. Тэгвэл бидний үзэсгэлэнт чанарууд тодорч гарч ирнэ. Таныг болон таны хайртай хүмүүсийг адислаг, мөн дэлхийг адислах болтугай. Тэр бол бидэнд төрөлхөөс байдаг энэрэл, нинжин сэтгэлийн хүч билээ. Бидний хийх ёстой зүйл бол үүнийгээ ашиглах явдал.

Бурхан бол бүхэлдээ хайр. Бурхан бидэнд зөвхөн хайрыг өгдөг. Бид түүний адил зөвхөн тэр хайрыг нь түгээх ёстой. Энэрэнгүй, өршөөнгүй амьдралын хэв маягаараа дамжуулан, хэн нэгэн бидний үл тоомсорлосон зангаас болж, бусдын амьдрах эрх, бусдын сэтгэл, мэдрэмжийг үл тоосон бидний зан авираас болж өвдөж зовохгүй, хөнөөгдөхгүй хор хохирол амсахгүй байх ёстой.

Удирдагч Пил Лейнд энэ хэрэгтэй цаг үед, удирдагчийн хувьд өөрийн хүмүүстээ, өөрийн отог омог, хамаатан саднууддаа, найз нөхдөдөө энэрэнгүй амьдралын хэв маягийг сануулж байгаад бид дахин талархсанаа илэрхийлье. Бурхан түүнийг адислаг. Удирдагч Пил Лейн таныг Бурхан адислаг. Та үнэхээр жинхэнэ Удирдагч, яагаад гэвэл та судалгаа хийж, өөртөө болон өөрийн хүмүүстээ тустай мэдлэгийг шүүн тунгааж олж аваад түүнийгээ түгээн дэлгэрүүлж байгаа учраас би тэгж үзэж байна. Та веган болсон нь удирдагчийн өөрийн хүмүүстээ үзүүлж болох хамгийн зөв үлгэр жишээ юм. Бид та нарт талархаж байна. Диваажин таны үйл хэргийг анзааран харж байна, таныг таны хайртай хүмүүс, ард түмнийг тань улам ихээр, урьдынхаасаа улам ихээр адислаж байна.

Энэ цөвүүн цаг үед хүмүүс илүү дотоод руугаа хандах, дотоод луугаа хайгуул хийж Диваажинтай илүү холбогдож байх хэрэгтэй байна. Тэгвэл, тэд Оройн Дээд Бурханы хайр, адислалыг илүү ойлгож таньж мэдэж мэдрэх болно. Заримдаа бид сэрэхийн тулд, энэ материаллаг амьдрал материаллаг төрлөөс илүү дээдийн зүйл оршин байдгийг ухаарахын тулд хэцүү цаг үеийг туулах хэрэгтэй болдог нь нэг талдаа сайн байж болох юм. Уугуул ард түмэн үүнийг сайн мэддэг. Яагаад гэвэл та нар хүн төрөлтөн дундаа их сүнслэг ард түмэн. Эрт дээр үеэсээ эхлэн танай ард түмэн сүнслэг өндөр дээд Ертөнцтэй холбогдохыг байнга хичээдэг байсан. Танай хүмүүс байгаль орчин, газар дэлхийгээ эргэн тойронд байгаа бүхий л төрөлтнүүдийг хамгаалахыг хичээсээр ирсэн билээ. Мод, өвс, цэцэгс хүртэл үргэлж та бүгдийн хүндэтгэл, хайр хамгааллыг хүртсээр ирсэн билээ. Үүний төлөө Дэлхий, Эх Дэлхий та бүгдэд талархаж байна. Байгаль та нарт талархаж байна. Амьтад бас талархаж байна. Би бас талархаж байна. Диваажин та нарыг адислалаа ингэж мэдэрч хайрлаж байсны төлөө магтаж байна.

Дэлхий дээр амьдарч байгаа бүх хүмүүс бид харилцан холбоотой гэдгийг ойлгон бидний эргэн тойрны төрөлтнүүдэд яг тийм хүндлэл, үнэлэмж, хамгаалал, хайраар ханддаг байгаасай гэж хүсэх юм. Хэрвээ бид хэн нэгнээ өвтгөвөл эргээд өөрсдийгөө өвтгөнө. Нэг нь өвдвөл бүгдийг зовооно. Уугуул ард иргэд ялангуяа энэ уялдааг маш гүн гүнзгий ойлгож, хүрээлэн байгаа бүгдийг хүндлэх, хайрлах уламжлалаа үргэлж дээдлэн хадгалсаар ирсэн билээ. Яагаад гэвэл та нар бол маш их зөөлөн сэтгэлтэй хүмүүс. Тэд бол энэ гараг дээр байгаа олон үндэстүүдийн эцэг билээ. Бид бүгд уугуул иргэдээс гарал үүсэлтэй. Бид бүгд энэ гараг дээр ирсэн Анхны Хүмүүсээс гаралтай. Бид тэднийг Анхны Үндэстэн гэж одоо нэрлэдэг. Бид бүгд тэднийг хамгаалах үүрэгтэй, энэ эртний өв соёлоо хамгаалах, энэ эртний амьдралын хэв маягийг хамгаалах үүрэгтэй, Байгальд илүү их түшиглэж байгалийг илүү их хүндэтгэн хамгаалж байх хэрэгтэй байна.

Энэ гараг дээр анх гарч ирсэн тэр анхны өдрөө сурсан эдгээр сургамж, туршлагуудаа бүгд санаж байгаа гэж би итгэж байна. Бидний олонх үүнийг мартсан нь үнэхээр гунигтай хэрэг юм. Диваажинд хандан бидэнд сануулах, ухамсраар дамжуулан гүн гүнзгий мартахгүйгээр сануулахыг хүсэн залбирч байна. Биднээс дээр байгаа тэр хүчтэй холбогдох, хамгийн өндөр түвшний тушаал зааврын дагуу ямар нэгэн халдашгүй, ямар нэгэн хамгаалмаар, ямар нэгэн ариун дагшин, ямар нэгэн энэрэнгүй, ямар нэгэн хайр байдгийг мэдэх нь чухал байна. Амен.

Одоо бол Зул сарын улирал. Би бид бүгд Есүс Эзний золиослолыг санаж, Түүний хайр адислалыг хүртэж хэрэгжүүлнэ гэж итгэж байна. Түүний хайр дүүрэн адислал биднийг, бусдын, дэлхийн сав ертөнцийн төлөө сайн сайханд хөтөлж, юуны өмнө бид Оройн Дээд Эзэн Бурханы өршөөл, бүхнийг багтаагч Их Хайрын дор бүхий л ертөнц, бүхий л Диваажнууд, бүхий л төрөлтнүүдтэй энх амгалан, хайр, эв эетэйгээр зэрэгцэн орших боломж биеллээ олох болтугай. Бурхан бидэнд хүссэн тэр адислал, хайр, сайн сайхнаар дүүрэн байг. Та нартаа үүрд хайртай. Бид бүгдээрээ холбоотой бид хамаатнууд, бид найзууд. Та нарыг Бурхан улам ивээг. Та бүгдийг Бурхан ивээг. Амен.

Их Багшийн айлдварын дараа Удирдагч Лейн болон хэд хэдэн оролцогчид талархлаа илэрхийлж үг хэлжээ.

Chief Lane(m): Чин сэтгэлээсээ талархаж байна. Төгс Гэгээрсэн Их Багш Чин Хайн энэрэнгүй, гайхалтай, хайр дүүрэн айлдварыг сонсоод би баярын нулимс урсгаж суулаа.

Dr. Sailesh Rao(m): Төгс Гэгээрсэн Их Багш Чин Хай Таны энэ гайхалтай айлдварт бид чин сэтгэлээсээ талархъя. Амьтдын тухай ийнхүү маш тодорхой зүйлийг ярьж өгсөнд Их Багшид талархаж байна... Бид тэдэнд зайлшгүй энэрэнгүй, хайраар хандах ёстой... Бүх шашнууд хоорондоо хайр энэрлээр нэгдмэл гэдгийг онцолж хэлсэнд талархаж байна.

Connie Baxter Marlow(f): Их Багш Танд уугуул иргэдийн үүргийг ийнхүү тодотгож өгсөнд хүн төрөлтөн болон бүхий л амьдрал нэгдмэл, ариун дагшин гэдгийг ийнхүү хэлж өгсөнд Тань маш ихэд хүндэтгэн талархаж байна...

Adriana Alvarez(f): Маш Их Баярлалаа. Хайрт Төгс Гэгээрсэн Их Багш Чин Хай Таны адислал бидний зүрхэнд бидний сүнсэнд, бидний ДНХ нэг бүрд хүрч байна... Таны үлгэр дуурайлал, таны зам мөр биднийг зоригжуулж урам зориг хайрлан, ялангуяа бид амьтан төрөлт хамаатнуудаа хайрлах, хүндлэх бүхий л амьдралыг хайрлах тухай хамтын зам мөрийг гэгээрүүллээ.

Dr. Dot Maver(f): ...Төгс Гэгээрсэн Их Багш Чин Хай бүхий л бүтээл Дэлхий дээр байгаа бүхий л зүйлсийн хайр, шим тэжээлийн ус адил урсах ундарга мэт санагдлаа. Миний зүрх сэтгэл дүүрлээ. Төгс Гэгээрсэн Их Багш Танд талархаж байна. Энэ зам мөрөөр улам их ухаалгаар алхаж яваа тэр бүх хүмүүст талархаж байна.

Бидний Хамгаас Хайрт Төгс Гэгээрсэн Их Багш Чин Хай, хайрын жинхэнэ илэрхийлэл болсон гэрэл дүүрэн сургаалаа хэлж, бүхий л төрөлтнүүдэд хайр энэрлээр хандах ирээдүйн зам мөрийг гэрэлтүүлэн бидний зүрх сэтгэлийг ийнхүү өргөсөнд талархаж байна. Эрхэм Хүндэт үе уламжилсан Удирдагч Пил Лейн Жр болон энэ арга хэмжээнд оролцсон бүх хүмүүст, бидний үнэ цэнтэй эх Дэлхийг хамгаалахын төлөөх чин хүчин зүтгэл, энэрэнгүй үйл хэргийн манлайлал болсон та нарт баярлаж байна. Ирээдүй хойч үеийн хүмүүн төрөлтнүүд амар амгалан, хайр ноёрхсон тэр оршихуйд амьдрахын төлөө веган амьдралын хэв маягийг цаг алдалгүй сонгохын төлөө залбирах болно.

“Хамтдаа зам мөрөө гэгээрүүлье” хөтөлбөрийг бүтнээр нь үзэхийг хүсвэл ирэх өдрүүдийн Дэлхийн дижитал хөтөлбөр Суприм Мастер Телевизийн нэвтрүүлгүүдийг хүлээн авч үзээрэй.

Дэлгэрэнгүй үзээрэй
Жагсаалтыг тоглуулах
Шэйр
Шэйр хийх
Шигтгэсэн видео
Эхлэх
Татаж авах
Гар утас
Гар утас
iPhone
Андройд
Гар утсаар үзэх
GO
GO
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд