Хайх
Одоо үргэлжлүүлэн

Онцлох мэдээ / Төгс Гэгээрсэн Их Багш Чин Хайн Айлдварууд

Веган Дэлхий үргэлжийн Энх Тайван Дэлхийг бүтээнэ

2020-12-29
Дэлгэрэнгүй
Татаж авах Docx
Дэлгэрэнгүй уншаарай

Зул сарын баярын өдрүүдэд бидний Хамгаас Хайрт Төгс Гэгээрсэн Их Багш Чин Хай дэлхийн төлөө амсхийх завгүй ажиллаж, эрчимтэй бясалгасаар байлаа. 2020 оны 12-р сарын 24-нд Их Багш мөн холбогдон Суприм Мастер Телевизийн ажлын багийнхны сүнслэг сэдвийн олон асуултад хариулсан юм. Энэхүү конференц нь Их Багш манай дэлхийд хэрхэн сэтгэл чилээж байдгийн бас нэг илэрхийлэл юм.

Та нар сүүлийн үед КОВИД-ын шинэ хувилбарууд гарсныг мэдэж байгаа, тийм үү? (Тийм, Багш аа) Тэдгээр нь хуучнаасаа 70 юм уу 80 хувь хурдан тардаг. (Хөөх.) Тэдгээрийг Англид илрүүлсэн. Гэхдээ магадгүй хэдийнээ Франц болон бусад газар тарсан байх. Үүнээс болоод Европ одоогоор хил бүрэн хаагаад байна. (Хөөх.) Үнэнхүү яаралтай, чухал л биш бол тэд Англиас хэнийг ч оруулахгүй байгаа. (За, Багш аа.) Тэд одоо бүгд хилээ хаасан. Одоо Англи бүхэлдээ Европоос тусгаарлагдсан. Өөр улс орнууд ч гэсэн эх орондоо Англичуудыг ирэхийг хориглосон. Би мартаж. Магадгүй Турк байх. Та нар тодруулаарай. Учир нь шинэ хувилбар Англиас гарсан бөгөөд Англиас илрүүлсэн юм. Зургаа, долоон хувилбар. Одоо магадгүй илүү олон болсон биз. Аймаар. (Тийм ээ, Багш аа.)

Бид КОВИД-19-өөс чөлөөлөгдөх хүртэл хэр удахыг би мэдэхгүй. Хүмүүсээс л хамаарна. (За, Багш аа.) Хэрэв тэд орвонгоор өөрчлөгдөн нигүүлсэнгүй амьдарч, хүн, амьтдыг хөнөөхөө зогсоох юм бол энэ цар тахал ахархан хугацаанд ямар ч эмгүйгээр, ямар ч вакцингүйгээр, ямар ч өөр төвөггүйгээр устан үгүй болно. Харин энэ янзаараа л байх юм бол хэрхэхийг би мэдэхгүй. Баталгаа өгч чадахгүй. Би жаахан тусалж чадах ч бүрэн тусалж чадахгүй. (За, Багш аа.) Хэдийнээ маш их тусалчихсан. Тийм ч учраас, тийм ч олон хүн амь үрэгдээгүй байгаа юм. Ойлгож байна уу? (Тийм ээ, баярлалаа, Багш аа.)

( Багш аа, 2020 он өндөрлөх гэж байна. Их Багшийн шинэ жилд хүсэх хүсэл юу вэ? ) Хэнд? Та нарын тухайд уу? ( Дэлхийд. ) Дэлхийд ээ? Өө, би дэлхийг веган, энх тайван болоосой гэж хүснэ. Энэ л миний хүсэл. Өдөр бүр би үүнийг Диваажинд давтан хэлж, Тэд намайг сонсож буй эсэх, тусалж буй эсэхийг нягталдаг. Учир нь Дэлхий Веган болохгүйгээр Дэлхийд Энх Тайван үүрд тогтнохгүй. Иймээс л би хүмүүсийг зөвхөн Дэлхийг Веган болоосой гэж залбираарай, бясалгаарай гэж гуйдаг. Ингэвэл Дэлхий аяндаа Энх Тайван болно. Одоо Дэлхий Веган болох тусам илүү Дэлхий Энх Тайван болно. (За, Багш аа.) Гэхдээ энэ нь илүү тогтворжих ёстой. (За, Багш аа.) Байдал одоо хавьгүй дээрдэж байгаа ч миний яг хүссэн шиг биш байна. Илүү олон хүн веган болж байна. КОВИД-19-ийн үед тэд илүү цаг завтай байна. Тэд хамтдаа ч бай ганцаараа ч бай гэр бүлийнхэнтэйгээ, ойр төрөлтэйгөө ч бай, ганц хоёроор ч бай, тогтон сууж тунгаан бодох илүү цаг завтай байна. Веган чиг хандлага улам бүр алдаршиж байгааг бид харж байна. (Тийм ээ, Багш аа.) Энэ нь дэлхийд бүхэлд нь нөлөөлөөсэй гэж би хүсэж байна. Тэгвэл бид удахгүй манай гараг дээр амьтад зовохоо больж, хүмүүс дайн дажин, өлсгөлөн зэрэгт зовж зүдрэхээ болихыг харах болно. (За, Багш аа.)

Би бүх удирдагчдад дайн болон бусад ямар ч хэрэггүй зүйлсэд зарцуулдаг мөнгөө хэмнээч гэж зөвлөмөөр байна. Мөнгөө хэмнээд ядуу хүмүүст л өгөх хэрэгтэй. Тэдэнд амьжиргаагаа залгуулах бизнес эрхлэх, боловсрол эзэмших эсвэл аж ахуй эрхлэн амьдралаа өөрчлөхөд нь, махны бизнесээс органик веган бизнест шилжихэд нь зориулж өгөг. (Тийм, Багш аа) Их амархан. Тэгээд л тэд өөрсдийгөө аваад явчихна. Хэр их хүн веган болно, төдий чинээ удирдагчид бага санаа зовох болно. Учир нь тэдэнд хийх ажил хангалттай байж, мөнгөө олж, өөрсдийгөө тэтгэх ажилтай бол тийм ч хэрцгий, түрэмгий байхгүй бөгөөд засгийн газартаа хэзээ ч асуудал тарихгүй. Тэд бага зовж, бага өвдөж, дэлхий дээр гэмт хэрэг ч багасах болно. (За, Багш аа.) Энэ нь хэн бүхэнд сайн.

Бурханы нэрийн өмнөөс Веган Дэлхий, Энх Тайван Дэлхий болохыг л би хүсэж байна. Бурханы өршөөлөөр удахгүй биеллээ олох болтугай. Амен. (Амен.)

Энэ дашрамд би мөн Суприм Мастер Телевизэд гаднаас ажилладаг дэлхий дахины бүхий л ажилчдад талархъя. Тэд бас маш их золиос гаргадаг. Тэд нарт амьжиргаагаа залгах ажил төрөл, гэр бүлийнхэн, хүлээснүүд, үүргүүд гэж байдаг хэдий ч дэлхийдээ туслахын тулд тэд энэ ажилд туслахын төлөө цаг заваа зориулсаар байгаа. Иймд би та бүхэнд чин сэтгэлээсээ, даруухнаар талархаж байна. Бүгдийг тань Бурхан ивээг. Та нарт маш их хайртай шүү. Баярлалаа. Тэвэрье. Таныг болон гэр бүлийг тань Бурхан ивээг. Түр баяртай. (Баяртай, Багш аа.)

Их Багш Таныхаа цэцэн мэргэн амин чухал үгст Тань, энэ цаг үед дэлхийн зовлонг багасгахын төлөө хийж буй бүхэнд Тань бид хайр талархлаа өргөж байна. Бурханы Ивээл, Өршөөлөөр Дэлхий Веган болж Энх Тайван Дэлхий тогтнох хүртэл бид хүн төрөлхтнийг үтэр түргэн энэрэнгүй амьдралын хэв маягт шилжин эрс өөрчлөгдөөсэй гэж залбирсаар байх болно. Хамгаас Эрхэм Их Багш минь энх тунх байж, Өндөр Дээд Диваажингууд Түүнийг ямагт хамгаалах болтугай.

Төгс Гэгээрсэн Их Багш Чин Хайтай хийсэн энэхүү конференцийн бүрэн хэмжээний нэвтрүүлгийг хожмын өдөр Багш Шавийн Шүтэлцээгээр хүлээн авч үзээрэй.

Дэлгэрэнгүй үзээрэй
Жагсаалтыг тоглуулах
Шэйр
Шэйр хийх
Шигтгэсэн видео
Эхлэх
Татаж авах
Гар утас
Гар утас
iPhone
Андройд
Гар утсаар үзэх
GO
GO
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд