Хайх
Одоо үргэлжлүүлэн

Багш шавийн шүтэлцээ

Хайр, Нигүүлслийнхээ хүчийг эргэн олж аваарай, 8 цувралын 5-р хэсгийг

2021-01-24
Хэл:English

Цуврал

Дэлгэрэнгүй
Татаж авах Docx
Дэлгэрэнгүй уншаарай

Тэд Их Багшийг хаа нэгтэй харсан бол, жинхэнэ Их Багшийг, хүмүүсийг гэтэлгэж чадах хүчирхэг Их Багшийг хаа нэгтэй хараад яагаад ч юм тэр Хүн таалагдаж байвал, хэдийгээр түүнийг Их Багш гэж мэдэхгүй ч, магадгүй Түүнийг хайрлаж байвал, ядаж л сэтгэлдээ үзэн ядахгүй байвал, магадгүй үхэх үед нь Их Багш ирээд тэдэнд туслах байх.

(Багш аа, өмнөх конференцоор тахиа алж худалдаалдаг байсан нэгэн хүн, өвчлөөд тамд очоод, маш их үйлийн үрийн зовлонг туулсан талаар ярьсан. Арьяабалын Бодисадвад тэр залбирсны дараа Тэрээр түүний өмнө гарч ирээд амьдралдаа эргэн очоод, маш сайн, буянтай байж, амьтдыг харж хандаж, бүх нүглээ эргүүлэн засах боломж олгодог. Багш аа, ийм төрлийн амьдралын туршлага нь хүний хувь тавилангийн нэг хэсэг үү? Эсвэл энэ нь тухайн хүний цэвэр ариун сэтгэл, итгэл бишрэлээс нь хамаардаг уу?) За. (Жишээлбэл, үүнтэй төстэй зүйлийг туулбал, өнөө үеийн нядалгааны газрын эзэн хурдан сэрж, тэр түүхэнд гардаг хүн шигээр бүхнээ засах болов уу?)

Тэгдэг ч болоосой. Түүхэнд гарсан хүн хэдийгээр тахиа энэ тэр алдаг байсан ч, өмнөх төрөлдөө ямар буянтай байсныг нь та нар мэдэхгүй. Магадгүй түүнд барилдлага байсан байх, магадгүй тэр сүнслэг бясалгагчид, сайн бясалгагчид өргөл барьсан байх, эсвэл магадгүй тэр Буддын шашинтай ч юм уу маш сайн гэр бүлд төрсөн байх. Хэдийгээр тэд Буддагийн сургаалыг чандлан дагадаггүй ч, ядаж л тэд оргүй биш, далд ухамсартаа хэрхэн сайн байхыг мэдэх жаахан ойлголттой байдаг. Тэр магадгүй тахиа алдаг байсан ч зүрх сэтгэлдээ тавгүйрхдэг байсан. Тэр магадгүй тийм зүйл хийх учиргүй гэдгээ мэдэж байсан байх, учир нь түүний төрж өссөн орчинд, жишээ нь Буддын шашинд, аллага үйлдэж болохгүй гэх мэтийг заадаг. Хэдийгээр тэр алж байсан ч өөрөө түүнийгээ зөвтгөдөггүй ч, хийхээс өөр аргагүй байсан. Энэ бол мөнгө олох хамгийн хурдан арга гэж тэр бодсон. Амьжиргаагаа залгуулахад амар, учир нь амьтад их хурдан үрждэг бөгөөд дараа нь тэднийг зүгээр л зарах юм уу алаад зардаг. Тэгэхээр ядаж л түүнд дотоодод нь, эсвэл зүрхэнд нь, эсвэл далд ухамсарт нь жаахан сайн зүйл байсан, эсвэл өмнөх төрлийн жаахан буян байсан байх. (За, Багш аа.)

Бид хоёр төлийн үйлийн үр тээж явдаг, нэг нь буянтай нөгөө нь нүгэлтэй. Амьдралынхаа зарим мөчид бид хоёуланг нь, эсвэл нэгийг нь ашигладаг. Бид эергийг нь хэдий их ашиглахаас хамаарч тэр зүгтээ илүү үргэлжлүүлдэг. Гэвч сөрөг байдлаар эхэлбэл, магадгүй тэр зүгтээ үргэлжлүүлдэг. (За, Багш аа.) Энэ нь буян багасна гэсэн үг биш, харин нүгэл арвиждаг.

Та нарт өмнө нь ярьсан нэг түүх бий. Нэг сүнслэг Их Багшийн сургаалыг сонсохоор нэг хүн явж гэнэ. Нэг л удаа, тэгээд Их Багш түүнийг өнөөдөр юм уу маргааш удахгүй үхнэ гэж хэлдэг, яг хэзээг нь мартсан байна, ямартай ч түүний амьдрал нь одоо дуусна гэдэг. Өөд болсныхоо дараа сүнс тань шүүгчийн өмнө очих болно. Тэгээд тэд танд жаахан буян, бас жаахан нүгэл байна гэх ба буяныхаа үрээр та Диваажинд шагнуулна, харин нүглээсээ болж та тамд шийтгүүлнэ, алийг нь эхлээд эдэлмээр байна гэж асууж мэднэ. Учир нь танд сонголт бий. Та нэг өдөр гэгээнтний сургаалыг сонссон учраас танд жаахан буян байна. Хэрэв шүүгч танаас ингэж асуувал та эхлээд Диваажинд буянаа эдлэхийг хүсэж байна гээрэй, тэгвэл тэр таныг Диваажин руу явуулж, та там руу явах шаардлагагүй болно. Тэгээд тэр Диваажинд очоод тэр сүнслэг Их Багштай бас Диваажинд уулздаг. Учир нь агуу Их Багш нарт өөр өөр түвшний оршихуй байдаг. Тэд өөр өөр Диваажинд мөн Дэлхий дээр өөр өөр төрөлтнүүдэд зааж сургадаг. Та нар үүнийг мэднэ, тийм үү? Өмнө нь би үүнийг хэлж байсан. (Тийм, Багш аа.) Тийм учраас, тэр Диваажин руу явж, шүүгч түүнд Диваажингийнхаа буяныг дуусахаар та эргээд там руу явах ёстой гэдгийг нь хэлдэг. Гэвч мэдээж, түүнд тэгэх шаардлага байгаагүй, яагаад гэвэл тэр Диваажинд очоод тэр Их Багшийн сургаалыг дахин сонсоод, илүү буянтай болж, улам бүр дэвшсээр байдаг. (За, Багш аа.) Тиймээс тэр там руу явдаггүй.

Үүнтэй адилаар та нарт ярьсан бодит түүхийн энэ хүн магадгүй жаахан буянтай байсан байх. Тиймээс Арьяабалын Бодисадва хүртэл тэнд очиж түүнд тусалсан. Тэр залбирч байсан. Тэгэхээр тэр сайн орчинд төрж, Арьяабалын Бодисадва-д залбирахаа мэдэж байж.

Олон хүмүүс, ямар шашинтай нь хамаагүй олон хүмүүс аллагын зүйлсийн талаар мэддэггүй. Тиймээс тэд ямар ч хамаагүй баяраар, эсвэл өдөр бүр идэх гэж юу ч хамаагүй алдаг. Өөрсдөө амийг нь тастахгүй байлаа ч, нядлагдсан амьтдын махыг худалдан авч иддэг. Христийн шашинтнууд, эсвэл Лал, Хиндү шашнуудыг хар, бүгд ч биш л дээ, нэлээд олон нь өөр өөр шашинд харьяалагддаг. Хэдийгээр үүсгэн байгуулагч нь, Их Багш нь, анхдагч Их Багш нь тэдэнд мах идэж болохгүй гэж хэлсээр байтал тэд өдөр бүр идсээр. (Тийм, Багш аа.) Жишээ нь Христийн шашинд, “Дарс ууж, мах идэгсдийн дунд байх ёсгүй.” гэж хэлдэг. Гэтэл тэд яаж байна? Тэд яг үүнийг нь өөрсдөө хийж байна. (Тийм, Багш аа.) “Христийн дагагсад,” “Буддаг дагагсад” ч мөн ялгаагүй. Тэгэхээр тэд тийм зүйл туулдаггүй л юм бол тэдний мунхаг байдлыг нь, энэрэнгүй бус дадлыг нь анагаах үнэхээр хэцүү. (За, Багш аа.)

Яагаад гэвэл тэд зөвхөн энэ амьдралаа л бодож, завгүй байдаг. Ажиллуулах бизнестэй, харж хандах гэр бүлтэй, эхнэртэйгээ маргалдах, нөхөртэйгөө эвлэрэх гэх мэт зүйлс гарч, мөн магадгүй шүүхээр өв залгамжлалаа шийдэх ёстой болох гэх мэт төрөл бүрийн зүйлс болдог ба тэгээд тэд магадгүй өөрт нь хийж өгсөн ямар л хоол байна түүнийг иддэг байх. Тэд амьд амьтадтай холбогддоггүй. Тэд боддоггүй. Хэдийгээр хоромхон зуур бодлоо ч тэр бодлоо дүгнэж цэгнэх цаг гардаггүй. Тэгээд тэд завгүй байж, зүгээр л идэж, буцаж яваад, ахин ажиллаж, бусад олон зүйлд санаа тавих ёстой болдог.

Тиймээс үнэндээ, жинхэнэ Христийн шашинтан, Христийг дагагчид олон биш. Жинхэнэ Буддын шашинтан, Буддаг дагагчид олон биш, гэх мэт... (За, Багш аа.) Аль нэг шашинд сайн итгэл бишрэлтнийг олох үнэхээр хэцүү. Олон биш. (За, Багш аа.) Тийм учраас та нар надаас нядалгааны газрын эзэн эсвэл нядлагч ийм зүйлийг туулах учиртай эсэхийг асуусан. Тийм ч азтай биш. (За, Багш аа.) Хүн бүрд тийм аз байдаггүй. Үр жимсийг нь хүртэхийн тулд ямар нэг зүйл тарих учиртай. Тийм үү? (Тийм.) “Юу тарина, түүнийгээ хураана.”

Тийм учраас би үргэлж та нарт, шавь нартаа, үргэлж сайн зүйлс хийх учиртай гэж хэлдэг юм. Мөн буянтай, сайн бай. Бусдад өөртөө хандаж байгаа мэтээр ханд. Бусад хүн өөрт тань яаж хандахыг хүсэхгүй байна, тийм байдлаар бусдад бүү ханд. Нэн ялангуяа өдөөн хатгасан байдлаар бүү ханд. Тэгэхээр ямартай ч, та нар хэзээ энэ хорвоогоос явахаа мэдэхгүй шүү дээ. Шавь нар бус, миний хүрээллээс гадуурх хүмүүс бас үргэлж сайн байж, сайныг хийх ёстой. Тэгвэл тэд сайн буян хураана. Тэд сайн дадуулан бясалгадаггүй учраас дараа төрөлдөө гэтлэгдэж чадахгүй байлаа ч тэгэх ёстой. Миний шавь нар ч мөн адил муу зүйлс хийвэл, үнэхээр муу зүйлс хийвэл, магадгүй тэд ахин төрөх шаардлага гарна. Мөн энэ төрөлдөө хийсэн буян тань дараа төрөлд тань ирэх эсэхийг үнэхээр тааж мэдэхгүй. Үйлийн үр мөн адил.

Ядаж та нарт жаахан буян байна. Тиймээс онцгой тохиолдолд гэгээнтнүүд та нарт тусалж чадах ба, туслах шалтгаантай байх юм. (За, Багш аа.) Эсвэл эдгээр төрлийн хүмүүс аргагүй эрхэнд, шахалтаар ийм ажил хийдэг ч дотооддоо тэд дургүй байдаг. Тэд гэмшиж, харамсдаг. Тэгвэл бас тэдэнд шалтаг байх болно. Зарим нэг үр соёолж, нигүүлслийн үр соёолж, сүнсэнд нь, сэтгэлд нь хайрын үр соёолдог. Тэгвэл магадгүй тэд бас энэ дэлхийгээс явсныхаа дараа, эсвэл явахаасаа өмнө шаардлагатай үед тусламж хүртэх боломжтой. (За.) Хүн бүрээс өөрсдөөс нь хамаарна. Эсвэл тэд хаа нэгтэй Их Багшийг харсан бол, жинхэнэ Их Багшийг, хүмүүсийг гэтэлгэж чадах хүчирхэг Их Багшийг хараад, хэдийгээр тэр хүн Их Багш байсныг нь мэдэхгүй байлаа ч түүнд яагаад ч юм таалагдаж байвал... Магадгүй жаахан хайрлаж, ядаж л сэтгэлдээ үзэн ядахгүй байвал магадгүй үхэх үед нь Их Багш ирээд тэдэнд туслах болно. Гэвч олон хүмүүс тийм азтай биш. (За, Багш аа.)

Хэрэв тэд Их Багшийг шүүмжлэхгүй, доромжлохгүй л бол үүнийг азтайд тооцдог ба хэдийнээ гайхамшиг юм. Ийм дэлхий дээр, их зүйл найдаж хүлээх боломжгүй. Хүмүүс хэдийнээ маш гүн хордсон. Төрлөөс төрөлд дадал зуршлаа дагаад, хэв загвараа дагаж, сүнслэг сэдвийг тэгж их тоохгүй болж, тийм ч их боддоггүй. Их Багш тэдний хотод нь ирлээ ч, ирээд сонсох талаар тоодог ч үгүй. Эсвэл тэд магадгүй шүүмжилж, хуурамч мэдээ тарааж, илүү асуудал тарих юм уу, харанхуй мунхгаасаа болоод өөрсдөдөө илүү үйлийн үр тарина. За юу, хайраа. Одоо ойлгов уу? (Тийм ээ, Багш аа, Баярлалаа.) Зүгээр ээ, хайраа.

(Багш аа, өөр өөр түвшний Эздүүд хэрхэн үнэ цэнээ эргүүлэн олж авдаг юм бэ?)

Тэд яаж тэгдэг юм бэ гэж үү? (Тийм, Багш аа.) Тэд амрах ёстой байдаг, (Хөөх.) мөн бясалгах ёстой байдаг ба Их Багшаас тусламж хүсдэг. (За, Багш аа.) Яг л энэ дэлхийн хүмүүс шиг, тэд Их Багштай учраад, Их Багшаас суралцаж, өдөр бүр дадуулан бясалгаж цэвэр ариун байдал ба сүнслэг үнэ цэнээ эргүүлэн олж авдаг шиг. (За, Багш аа.) Тэгээд сүнслэгээр илүү эрүүлждэг ба тэгж эргүүлэн олж авдаг. Яг л энэ дэлхийн хаан шиг, тэд улс орондоо хэчнээн ард иргэдтэй байхыг зөвшөөрсөн хязгаартай. (За, Багш аа.) Ихэвчлэн тийм байдаг. Тэгэхээр ирж байгаа хүмүүс нь, сайн, эсвэл муу байх нь тус улсын удирдагчийн үнэ цэнэ, буянаас хамаардаг. (Хөөх.) Тийм учраас би та нарт өмнө нь айж байна гэж хэлсэн, учир нь муу удирдагч, улс орондоо муу зүйлс авчирдаг.

Ерөнхийлөгч Трамп Америкт үнэхээр гайхалтай. Тэр өргөж дэвшүүлнэ... энх тайвныг тогтоох гэх мэт зүйлс хийнэ. (За, Багш аа.) Тэгээд түүнтэй хамт бол бид өөр ямар ч удирдагчаас илүүтэй веган улстай болох найдвар байсан. За, би ямар нэг зүйл хийхийг хичээнэ ээ, гэхдээ чадах эсэхээ мэдэхгүй байна. (За, Багш аа.) Мэдээж хүмүүс муугаас сайн болж өөрчлөгдөх боломжтой. Энэ бол баттай. (За.) Гэхдээ энэ нь тэд өөрчлөгдөхийг хүсэх эсэхээс хамаарна. Тэднийг хүчлэх боломжгүй. (За.) Тэд өөрчлөгдөхийг хүсвэл Их Багшийн Хүч тэдэнд туслах боломжтой. Диваажин тэдэнд туслах боломжтой, (За, Багш аа.) учир нь тэд эсрэг зүг явдаг. (За, Багш аа.) Мөн тэр сайн бол, гавьяатай бол, Их Багшийн Хүч бас түүнд аажмаар жаахныг өгөх боломжтой. Яг л зарим хүмүүсийг шим тэжээл, хөнгөн хоолоор хооллоход тэд өвчнөөсөө эдгэрдэг шиг. (За, Багш аа.) Хэн нэгэнд бас хэрэгтэй хүнд нь сүнслэг хоол өгч болно.

Яагаад гэвэл Тэр бол Эзэн. Хэрэв илүү Дээд Ертөнцөд Сүүдрийн Ертөнцөөс дээш байвал Тэд үүнийгээ хэзээ ч алдах шаардлагагүй. Гэвч хэрэв Тэд Сүүдрийн Ертөнцөд бууж ирсэн бол, ямар ч Бурхан, ямар ч Их Багш үнэ цэнээ, буянаа алдах хандлагатай байдаг, яагаад гэвэл Тэд өгдөг. Мөн Их Багшийн бууж ирсэн шалтгаа нь энэ байдаг, өгөх, сүнслэг буянаа өгөх юм. Үгүй бол энэ дэлхий авралгүй. Та нар харж байгаа. За юу? (Тийм, Багш аа.)

Дэлгэрэнгүй үзээрэй
Цуврал
Жагсаалтыг тоглуулах
Шэйр
Шэйр хийх
Шигтгэсэн видео
Эхлэх
Татаж авах
Гар утас
Гар утас
iPhone
Андройд
Гар утсаар үзэх
GO
GO
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд