Хайх
Одоо үргэлжлүүлэн

Онцлох мэдээ / Шуурхай мэдээ

Төгс Гэгээрсэн Их Багш Чин Хай Дэлхийд сайн сайхныг авчрах хэн бүхнийг дэмжих нь

2021-09-20
Дэлгэрэнгүй
Татаж авах Docx
Дэлгэрэнгүй уншаарай

АНУ-ын Техас мужид шинээр батлагдсан үр хөндөлтийн хууль болон саяхан Калифорнийн засаг захиргаа сонгуулийн үр дүнг цуцлах тухай шийдвэрийн талаар асуултуудад бидний Хамгаас Хайрт Төгс Гэгээрсэн Их Багш Чин Хай 9-р сарын 16-нд Суприм Мастер Телевизийн ажилтантай ажлын шаардлагаар утсаар ярихдаа хариулж өгсөн юм.

(Media Report from ABC NEWS Sept. 15, 2021: Одоо бид Ардчилсан намын гишүүн, мужийн захирагч Гэвин Ньюсомын албан тушаалдаа үлдэх болсон талаар шуурхай мэдээ хүргэх гэж байна.)

(Media Report from FOX NEWS Sept. 16, 2021: 67,3%, 32% гэсэн саналын харьцаагаар Гэвин Ньюсомыг огцруулахгүй боллоо.)

(Governor Newsom: Энэ санал хураалтын дараа би амьдралын шинэ хуудас нээж, огцруулахын “эсрэг” санал өгсөн төдийгүй бас “төлөө” санал өгсөн иргэдэд хүндэтгэл үзүүлэн, хариуцлагаа гүнээ ухамсарлаж буйгаа илэрхийлье. Тэдгээр иргэд надад чухал, итгэлийг алдахгүйн төлөө чармайх болно гэдгээ мэдэгдэхийг хүсэж байна.

Энэ үдэш мөхөс би бээр, талархал илэрхийлэхийн сацуу өөрийн хүндэтгэн хайрлаж явдаг улс төрч Роберт Кеннедийн үзэл санаагаар дэлхийн амьдралыг найрсаг болгохын төлөө зориг төгс байна.)

(Калифорни мужийн захирагч Ньюсом илт олонхын саналаар огцролгүй үлдэж чадлаа. Багш Трампыг дэмждэг атлаа яагаад Ардчилсан намаас гарсан Ньюсомыг дэмждэг юм бол?) Та нар намайг ямар нэг хэмжээнд Бүгд Найрамдах үзэлтэн байлгах гээ юу? (Та Трампыг дэмждэг бол, Багш аа тэр Бүгд Найрамдах намын тал.) Өө... За. Тэгэхээр, Америкт улс төрийн хоёр нам байдаг нь надаас болсон юм биш. (Тийм ээ.)

Тэгээд ч би Трампыг төлөө ч биш Ньюсомын төлөө ч биш. Би шударга тэгш байдлын төлөө, америкчуудын төлөө, дэлхийн ард иргэдийн төлөө байдаг. (Ойлголоо.) Америкчуудад ач тустай хэн боловч Америкийн төрийн албаны сайн ажилтан мөн. (Ойлголоо.) Трамп америкчуудад онц ач тустай байсан тул би ажлыг нь дэмжсэн. (Ойлголоо.) Ямар удирдагч, ямар хүн хийсэн ялгаагүй, америкчуудад ач тустай алив бүхнийг би дэмждэг.

Тиймээс ч үүнээс нэлээн хугацааны өмнө та нартай уулзахдаа би Захирагч Ньюсомыг их сайн хүн гэж хэлж байсан. (Тийм.) Мэдээж хэрэг, тэр өөр бусад байгууллагаас болж буруу зөрүү бодлого гаргасан байж магадгүй Сүмийн удирдлага ямар нэг шийдвэр гаргахад түүнийг нь дагасан байх жишээтэй. Ердөө л тэр. (Тийм.) Сайн бодож үзээгүй байж болох. Ер нь бол тэр танай […] мужийн хувьд маш ээлтэй захирагч байгаа юм.

Би ардчилсан намын төлөө ч биш Бүгд найрамдахчуудын ч төлөө биш Би алиных нь төлөө биш. (Ойлголоо.) Улс орон, ард түмэндээ буюу дэлхий гарагтаа ач тустай хүнийг л би дэмждэг. Учир нь тэр хүний гараг дэлхий миний дэлхий бас мөн. (Тийм, тийм.) Түүний муж бас миний муж түүний улс нь ч бас миний улс Учир нь мужид нөлөөтэй бүхэн улс оронд даяар нөлөөтэй улс оронд нөлөөтэй бүхэн хамаг дэлхийд нөлөөтэй. Та нар ойлгож байна уу? (Үнэхээр, тийм шүү.)

Би ямар ч улс төрийн сэдэл, зорилго агуулаагүй байна. Огт үгүй. Тэр сайн хүн гэдэг нь харагдаж байгаа биз дээ? (Тийм, тийм. Үнэхээр сайн.) Эгэл ертөнцийн хүний хувьд Ньюсом хамгийн дөнгүүр нь. (Ойлголоо.) Энэ юу гэсэн үг вэ гэхээр, сэтгэл нь зөв, санаа нь зөв гэсэн үг. (Ойлголоо.) Тиймээс хүмүүс Ньюсомын оронд илүү сайн хүн олж чадах эсэх нь одоогоор надад эргэлзээтэй санагдаж байгаа болохоор түүнийг байлгаж байсан нь дээр (Тийм, тийм. Яг тийм) Одоогоор Калифорнийн хувьд хамгийн дээр нь тэр. […]

Би энд туслах гэснээс өөртөө ашиг харсан юмгүй. Хүмүүс нэг намыг дэмжиж нөгөөг дэмждэггүй нь аль нэг намын ямар нэг зүйл нь таалагдсаны улмаас дэмждэг. […]

Харин би аль ч намд харьяалалгүй тэр нь сайн болж. (Ойлгож байна.)

Би угаасаа улс төртэй зууралдаж чадах эсэхээ мэдэхгүй. Их Багш байна гэдэг ерөөсөө нүсэр ажил (Ойлгож байна.) Зарим талаараа улс орнуудын удирдагчидтай төстэй, бүр түүнээс ч дор.

Өнөөдөр би өөрийгөө яаж энэ он жилүүдийг давж гарав гэж бодож байлаа. Хэдэн арван жил Бууны сумнаас бултаж, хутга шөвөгнөөс дайжиж [...] Онгоцны буудалд биедээ үзлэг нэгжилт хийлгэж ч үзлээ (Хөөх.) Үргэлж, аль ч орноос гарсан ялгаагүй, ямар ч орноос гарахад. […]

Би, Бурхан минь, би хойшид тэгж чадахгүй байх гэж бодсон. (Тийм.) Би юу хэлж байна гэхээр, онилсон буунаас зайлсхийх Сумнаас бултах бол бас нэг хэрэг. Аюулгүй байдлаас болж амьдрах байраа өөрчилнө. Өөрөө эсэн мэнд байж, ажлаа тасралтгүй хийх боломжтой байхын тулд нэг газраас нөгөө газар луу дайжин зугтаана. (Тийм ээ, Та яаж ингэж чаддагийг би мэдэхгүй, Багш аа.) Бас дээр нь нэр төр гутаан доромжилсон элдэв гүтгэлэг. Гэхдээ сэтгэл зүй оюун санааны дарамт заримдаа нээрээ үнэхээр... та нар бол мэдэхгүй Үнэн шүү, та нар мэдэхгүй. […]

Энэ бүх он жилийн турш яаж энэ бүхнийг хийж байснаа өөрөө ч мэдэхгүй байна. Улс төрч, удирдагч хүмүүс арай дээр байдалд байдаг, учир нь тэдэнд бие хамгаалагч бий. (Тийм, тийм.) Тэдний нисэх онгоц нь хэзээд бэлэн байдаг. Эсвэл ядаж л тэднийг дэмжиж тусалдаг хүмүүс байна. Миний хувьд байдал өөр. За...

Надад ямар ч улс төрийн зорилго хувийн ашиг сонирхол хөөсөн зүйл үгүй. Тиймээс би улс орон буюу дэлхийд ээлтэй хэнийг ч дэмждэг. Учир нь хүн бүхэн эх орон, энэ дэлхийдээ сэтгэл хангалуун байж, энх амгалан, элбэг хангалуун, аз жаргалтай амьдрах ёстой гэж би зүрх сэтгэлээсээ итгэдэг. (Тийм.) Тиймээс ч би тийм зүйл хийдэг хэнийг ч дэмжинэ. Та нар одоо намайг яагаад Трампыг дэмждэг гэчхээд, ноён Ньюсоныг дэмждэгийг ойлгов уу Би үг хэлээрээ л дэмждэг. Өөр илүү нэмэр болж чадахгүй. (Ойлгож байна аа.) Гэхдээ би Ньюсомд санал өгөхөөс эргэлзэж байгаа хүмүүст, наад зах нь яагаад түүнд санал өгөх ёстой гэдгийг тайлбарласан, тэд хойшид түүнд санал өгөх ёстой үгүйгээ дахин бодолцож үзэх боломж гарлаа. (Тийм. Тийм.)

Учир нь сайн хүнийг ямар ч болов шалтгаанаар мөрдөж, нэр төрийг нь гутааж болохгүй шүү дээ. Өөр хэн ч байсан тухайн муж, буюу улс орны хувьд илүү ээлтэй байж чадахгүй учраас тэр. Тиймээс би чадах ядахаараа тус болох учиртай. Даруу, дорой, хүчирхэг бус байр сууринаасаа бүр эрсдэлтэй байдалд байлаа ч тусална. (Тийм.) Учир нь аль нэг нам буюу хүнийг дэмжвээс үлдсэн, бусад хэсгийг нь гомдоох эрсдэл байна. (Өө, тэр нээрээ тийм шүү.) Энэ тийм тав тухтай байдал биш. Ялангуяа өөрөө юу ч хожихгүй байж шүү дээ. Илүү дугарах хэрэг юу байна? (Тийм шүү.) Тиймээс би үнэхээр хариу хүсээгүй, шударга байгаа биз. Тэгээд л гүйцээ. (Тийм ээ.) […]

(Father Fidelis Moscinski Community of the Franciscan Friars of the Renewal United States: Нью Йорк мужид өдөр бүр 289 төрөөгүй хүүхэд үр хөндөлтийн улмаас хөнөөгдөж байна.)

(The Guardian Interview: Өөр бусад юу ч байсан хамаагүй, өдөр бүр амиа хөнөөлгөж буй тэр хүүхдүүдийн тухай би боддог. Энэ асар гунигтай зүйл.)

(Eddie Lucio, Jr: Би хүний зүрхний цохилтыг сонсоход тэдний зөвхөн зүрх нь биш бас сүнснийх нь яриа дуулддаг тиймээс би анхааралтай сонсдог.)

(Governor Abbott(m): Биднийг Бүтээгч бидэнд Амьд явах эрх өгсөн билээ. Гэтэл жил бүр сая сая хүүхэд тэр эрхээ алдаж байна. Төрөөгүй хэдий ч зүрх нь цохилж буй хүүхэд бүрийг хөнөөлт үр хөндөлтөөс өмгөөлөн хамгаалах хуульд би гарын үсэг зурах гэж байна.)

(Media Report from WFAA May 7, 2021: Цохилох зүрхний хууль нь Зургаахан долоо хоногтой байхад зүрх нь цохилж эхэлдэг төрөөгүй байгаа хүүхдийг хамгаална. Бүгд Найрамдах намын сенатын гишүүн Шелби Слосон хуулийг санаачлагч бөгөөд, өөрийнхөө түүхийг хуваалцсанаар бол ээжид нь “ургийн гажигтай хүүхэд байна гэсэн бүдэг бадаг онош” тавьсан бөгөөд тэр хүүхэд нь Слосон өөрөө байсан ажээ.)

(The Guardian Interview July 7, 2021: Би үр хөндүүлдэг юм уу гэж бодож байсан. Би бэлгийн хүчирхийллийн хохирогч байв. (Тэр хүүхэд чинь одоо энэ үү?) Тийм ээ, гайхалтай үр минь энэ.)

(Техас муж саяхан үр хөндөлтийг хориглосон хууль бус гаргасан. Багш энэ хуулийн тухай юу бодож байна?)

Өө, ямар ч аллага манай гарагт дэлхийн аюулгүй байдалд хортой. Гэм зэмгүй юуг ч хороосон бай, ялангуяа хэвлий дэх нялх үр өөрийнх чинь байлаа ч Бурханаас заяасан учраас иймэрхүү аливаа аллага нь дэлхийд болон хэн бүхэнд гай гамшиг авчирна. Тиймээс энэ сайн хэрэг, хүмүүст Гэм зэмгүй хэний ч амийг хороож болохгүйг сануулах нь сайн. Ойлгов уу? (Ойлголоо.) Хүмүүс мэдээж дургүйцэж байгаа. Эмэгтэйчүүд олноороо, жагсаал хийсэн байх, тийм үү? (Тийм, тэгсэн.) Хүчтэй эсэргүүцсэн байх. Гэвч ямар ч үр хөврөлийг хөндөөгүй нь дээр. Тэд гэмгүй. (Тийм ээ.) Тэд чинь шинэ иргэд. Бид тэднийг халуун дулаан хайраар угтан авч халамжлах ёстой юм. Өөрөө асарч чадахгүй болоод, эсвэл хэрэв хөл хүндтэй болчихлоо гэхэд хүүхдээ төрүүлчхээд, хүүхэд хүсээд ч хүүхэдтэй болж чадахгүй хэн нэгэн хүнд үрчлүүлж болно шүү дээ. (Тийм.) Тэгснээр хоёр хүнийг баярлуулна нялх хүүхэд, түүний шинэ гэр бүл. (Ёстой тэгнэ.) Өөрөө ч сэтгэл хангалуун байна. Учир нь хүн чанар чинь тантай санал нийлж, таныг адислана. (Тийм.)

(The Honorable Eddie Lucio, Jr. Texas State Senator Senator(m): Би айлын арван хүүхдийн нэг. Бид есүүлээ байлаа. Эцэг эх маань маш их хайр энэрлийн сэтгэлтэй байсан болохоор дөрвөн сартай нярай охиныг амь нас нь дээсэн дөрөөн дээр байхад үрчилж авсан. Одоо тэр дүү маань 67 настай. Бид түүндээ маш их хайртай. Тэгээд ч тэр минь бидэнд хэрхэн сайн хөрш байх, яаж хайр халамж дүүрэн хүн байх, хүн төрөлхтнийг хэрхэн хүндэтгэхийг үлгэрлэн заасан хүн.)

Эмэгтэйчүүд эдүгээ жирэмсэлж байвал маш санаанд багтамгүй зүйл. Үүнээс сэргийлэх өдий төдий арга хэрэгсэл байна. Тогтвортой харилцаанд биш бол, өөрөөр хэлбэл гэрлээгүй бол, болгоомжтой байвал зохино. Хүүхэдтэй болмооргүй байвал урьдчилан сэргийлэх эм байна. Урьдаас хамгаалах арга замууд байна. (Тийм.)

Өөрөө алдаа гаргаж, хөл хүндтэй болсон бол үүндээ хэвлий дэх бяцхан үрээ буруутгаж болох уу? Алдсаныхаа төлөө амь хөнөөж болохгүй. Миний бодол ийм л байна. (Тийм.) Өөрт чинь болоод, бие махбод, сэтгэл санаа, оюун, ухамсар хүн чанарт тань муу үр нөлөө үзүүлэх учраас үр хөндүүлэх замаар амь хөнөөж болохгүй. Үл тоохыг оролдож болно л доо, гэвч насан туршид тань болоод нас барсан хойно тань ч амийг амиар төлөх ёстой учраас энэ таныг хэмлэн зовооно. (За.)

(Media Report from 100 Huntley Street June 29, 2011: Статистикаас харахад Хойд Америкт зургаан эмэгтэй тутмын нэг нь дор хаяж нэг удаа үр хөндүүлсэн байна.

Jenny McDermid(f2): Би юуны тухай бодсон гэхээр “Би энэ эмх замбараагүй байдлаас яаж аль болох хурдан гарах вэ?” л гэж бодсон. Тэгээд цагийн дотор л үр хөндүүлчихсэн. Тогтож бодож үзсэн ч үгүй.

Susan(f): Би ичгэвтэр байдалд орохоосоо айгаад, хөршүүд маань мэдчих вий дээ, сургууль дээр хүмүүс мэдчих вий... найзууд минь мэдчих вий... гэдэг айдсаас болж энэ шийдвэрийг гаргачихсан. Энэ бүхнээс л болж би айсандаа ийм шийдвэр гаргасан.

Dionne(f): Миний сонголт энэ. Би үр хөндөлт хийлгэх сонголт хийсэн.

Jenny McDermid (f2): Бид өөрсдөө авчирсан хэр нь өөрсдийн гараар үгүй хийсэн үр хүүхэд минь юм. Бид хийж байгаа үйлээ жигшиж байна, бас энэ үнэнээ хүлээн зөвшөөрч амьдрах ёстой. Зарим эмэгтэйчүүд үр хөндөлт хийлгэсний дараа тэр даруй сэтгэлээр унадаг, харин зарим нь удаан хугацааны туршид дотроо хадгалаад явдаг, би тэдний нэг байсан. Амьдрал минь үхмэл гөлийсөн, дүнсгэр болчихсоныг би үгүйсгэхээ ч больсон. Эргэн тойронд минь гайхалтай зүйлс болж байсан ч би энэ аз жаргалыг эдэлж болно гэж бодогдохгүй болчихсон. Энэ алдаагаа засаж болох байсан ч би зүгээр л татгалзчихсан.

Dionne(f): Би болж өнгөрсөн зүйлийг болоогүй юм шиг санах гэж хичээсэн ч гэсэн дотоодод минь ямар нэг зүйл өөрчлөгдсөнийг ойлгосон. Би өөртөө ч, бусад хүмүүст ч итгэхээ больж өөрийгөө тойруулан хана босгосон. Хэнийг ч оруулаагүй. Архидан мансуурч идэж уусан улигт байдалд орчихсон.

Reporter(f): Сюзан бол түүний жинхэнэ нэр биш. Тэрээр үр хөндөлт хийлгэснийхээ 30 жилийн яг ойн дээр шөнө дунд гэнэт сэрсэн гэнэ. (Гэрэл аслаа, би сүүлийн 30 жилийг ээжийгээ үзэн ядаж, өөрийгөө ч үзэн ядаж, хийсэн зүйлтэйгээ эвлэрч чадалгүй өнгөрүүлжээ гэдгээ эцэст нь нэг ойлгосон юм.) Сюзаныг ээж нь үр хөндөлт хийлгэ гэж ятган, тэгвэл түүнийг эрт ээж болох аюулаас, эсвэл гэрлэхээс өөр аргагүй болохоос аварна гэж хэлжээ. Гэвч үнэндээ энэ бүхэн эсрэгээрээ болсон гэж тэр хэллээ. (Дотроо маш ичгэвтэр, зовуурьтай нууцтай болчихоор амьдралынхаа бүхий л зүйлд хаалттай болж эхэлдэг. Хайр дурлалын харилцаандаа ч, аливаа хүсэл мөрөөдөлдөө хаалттай болчихдог.))

(Bernadette Goulding(f3): Үр хөндөлт хийлгэсэн маань миний амьдралын хамгийн том харуусал. Эхэндээ ч яах вэ асуудал арилсан, бүх зүйл сайн сайхан болж эргээд энгийн амьдралдаа орчих юм шиг санагддаг л даа. Гэхдээ төд удалгүй миний хувьд л лав тийм биш юм гэдгийг ойлгож эхэлсэн. Би тэгээд... миний дотроос ямар нэг зүйл алга болчхоод хоосон оргиод байсан. Тэгээд аймшигтай их гашуудаж, маш их гэмшиж, аймаар ичсэн. Маш ихээр ичиж, бас мэдээж маш ганцаардмал санагдсан. Хүүхдийнхээ амьдрах эрхийг хасах нь миний сонгох эрх байж болох юм. Бид яаж хэн нэгний зүрхийг зогсоож, үхэлд хүргэнэ вэ? Зүрх нь цохилж эхэлсэн байхад тэнд амьд хүн байна гэж бодохгүй байна гэж үү? Миний хүүхэд амьд байсан. Миний бяцхан үрийн зүрх нь миний зүрхтэй хамт 21 хоног цохилсон. Би энэ бүхнийг ойлгож ухаарсан байсан ч болоосой. Хэн нэгэн дэргэд минь суугаад хүүхдэдээ амьдрал өг гэж ятгасан ч болоосой. Маш олон гэр бүл өөрсдийн гэсэн үр хүүхэдтэй болж чадахгүй байгаагаас хүүхэд үрчилж авахыг хүсэж байна.)

Миний даруухан бодол энэ. Даруухан бодол ч биш шулуухан хэлэхэд ийм байна. (Ойлголоо.) Үр хөндөлтийн эсрэг байгаагийн бас нэг учир нь эмч ямар нэг шалтгаанаар танд зөвлөөгүй л бол та тэгэх шаардлагагүй. (Ойлголоо.) Хангалттай шалтгаанаар, хүүхдийн төлөө, заримдаа эх үр хоёулангийнх нь төлөө эмнэлгийн шалтгаан байвал. (Тийм.)

Гэтэл анагаах арга олон байна. Эдүгээ, болохгүй юмгүй болжээ. Жирэмсэлчхээд түүнийгээ нуух гэж амь хөнөөх хэрэггүй. Өөрийнхөө мах цусны тасархайг хөнөөтлөө тийм амиа хичээсэн байж болох юм уу? Арслан бар ч үр зулзагаа барьж иддэггүй. Тийм биз дээ? (Тийм ээ, Багш аа.) Тиймээс ч Аулак (Вьетнам)-т ингэж ярьдаг: Өөрийнхөө үрийг хөнөөж байгаа хүн, ер нь өөр юу ч хийж яаж ч магадгүй гэдэг. Хайр энэрлээ аль хүртэл устгаж байж өөрийн биед байгаа гэм зэмгүй амийг хороох түвшинд хүрдэг юм байгаа юм. Би сайн мэдэхгүй байна. Өөрийн чинь нандин эрдэнэ үр, мах цусны чинь тасархай л баймаар юм. (Тийм ээ, Багш аа.) Зугаацаж цэнгэчхээд түүнийгээ булах гэж амь хөнөөж болохгүй. (Тийм.) Яасан ч байлаа гэсэн.

(Үх хөндүүлэхийг дэмждэг олон хүн хүчирхийллийн золиосны талаар ярьдаг, Энэ тохиолдол) За. (нөхцөл байдалд яаж нөлөөлөх вэ, Багш аа?)

Аан, ойлголоо. Ойлголоо. Адилхан л тохиолдол шүү дээ. Хэвлийд чинь хүүхэд байна, түүнийг хамгаалах ёстой. Тэр хүүхдийг хүсэхгүй байгаа бол төрүүлээд миний түрүүн хэлсэнчлэн үрчлүүлэх хэрэгтэй. (За.) Хүүхэдтэй болохыг хүссэн олон хүн, хүүхдээ энхрийлж, хайрлан, асарч дэлхийд хэрэгтэй иргэн, өөртөө ч тустай хүн болтол нь өсгөн бойжуулахыг хүсдэг.

Засгийн газрууд хүүхэд үрчлэх үрчлүүлэх хуулийг илүү амар хялбар болгомоор байна. (Тийм.) Мэдээж, эцэг эхийн ар талыг сэдэл шалтгааныг харалгүй яах вэ. Мэдээжийн хэрэг. Гэхдээ үрчлэл илүү хялбар, илүү элбэг дөхөм байж санамсаргүй жирэмсэлсэн хэн ч тэр хуулийн хүрээнд хүүхэд төрүүлэх өдрөө хүртэл (За.) өөрсдийгөө тэтгэн дараа нь хэрэв хүссэн хэвээр бол хүүхдээ үрчлүүлэх боломжтой байх хэрэгтэй байна. (Тийм ээ, ойлгож байна.) Үр хөндөлтийн тал дээр бүхий л эмнэлгүүд, ядаж л төрөхийн эмнэлгүүд хүүхэдгүй бөгөөд хүүхэд үрчлэн авах хүсэлтэй сайн хүмүүсийн нэрсийн жагсаалттай байвал тэр хүмүүс нь төрөхийн эмнэлэг дээрээс шууд үрчлэн авч болно шүү дээ. Хэн хэнд нь дөхөм болгоё л доо.

Хүчирхийллийн тухайд бол олон хүн тэр эмэгтэйг өрөвдөж хайрлаж дэмжинэ, эцэг эх нь ч хүртэл, хэн ч гэсэн. (Тийм.) Хүүхдийг нь төртөл тав тухтай байлган тэжээн тэтгэж дараа нь хүүхдээ авч үлдэх эсэхээ шийдэж болно. (Тийм ээ, ойлгож байна.)

Хүчирхийлэлд хүүхэд Буруугүй. (Тийм.) Томчуудын алдаанаас болж хүүхдийг яагаад хөнөөх юм? (Тийм шүү, нээрээ)

Гэхдээ үүнд эмэгтэй хүнийг буруутгах аргагүй. Хүмүүс ихэвчлэн тэдэнд ухаалаг зөвлөгөө өгөх, дэмжлэг үзүүлэх хүнгүйдээ л үр хөндөлт хийлгэдэг. Тэд ганцаардсан, эмзэг байдаг. Тэгэхээр нийгэмд, аль ч улсад ийм тохиолдолд хүсээгүй жирэмслэлттэй хэн бүхэн очиж тулгарсан асуудлынхаа талаар ярилцаж, эсвэл утсаар ч болов ярьж зөв, ухаалаг зөвлөгөө авч болохуйц сайн дурынхны бүлэг маягийн зүйл байгуулах хэрэгтэй. Ингэвэл олон амь аврагдаж, бас олон гэмшил, сэтгэл санаа амарлих болно.

Өөр маргах үндэс байна уу? (Үгүй, үгүй, Багш аа.) […]

Сайн байна. Баярлалаа. Энэ боломжийг ашиглаад та нарын их хөдөлмөр, сэтгэл зүтгэлд би талархаж байна. Яагаад гэвэл би сайн мэдэж байна. Би та нартай ажиллаж байгаа учраас ямархуу байгааг мэдэж байгаа. Заримдаа та нар нойр хоолоо умартан байж, ажлаа л цагт нь дуусгахын төлөө байдгийг би мэднэ. Адилхан, би бас адилхан. […]

Заримдаа дарамт, ачаалал энэ бүхэн байна, Би бүгдийг нь ойлгож байна. Тиймээс би та нарт, бүгдээрэнд нь зөвхөн энд байгаа багт төдийгүй, бас гадуур байгаа номын ах, эгч нарт үнэхээр, үнэн сэтгэлээсээ талархаж байна. (За, Багш аа. Бид Таныхаа хүчээр дамжуулж, дэлхийн амар амгаланд хувь нэмэр оруулан, амьтны амь аврахад оролцон туслах боломж гарсанд талархаж байна. ) Та нар үнэхээр эрхэм гэгээлэг, бүгд. Надад маш таатай байна. Энэ бол үнэхээр эрхэм, үнэхээр хариу үл нэхсэн сэтгэл. […]

Бид нэгэн зорилгын зүгт харж байна. Би энд болон гадуур байгаа та бүхэн шиг ийм хамтрагчидтайдаа бахархаж байна. (Боломж олгосонд бид Тандаа баярлалаа, Багш аа.) Энэ хэчнээн сайн. Маш сайн. Бид ямар нэг зүйл хийх боломжтой байгаадаа Бурханы Адислалд талархаж байна. […]

Ямар ч гэсэн бид юм хийж байна. Тийм биз? (Тийм ээ.) За. Бурхан та бүгдийг маань арвин их адислаж, ажлаа үргэлжлүүлэхийн тулд эрүүл аз жаргалтай, эрч хүчтэй байлгах болтугай. (Бурхан минь, Танд талархъя.) Бурхан минь, Танд талархъя. […]

Дэлхийд сайн хүмүүс итгэлт удирдагчид болж илүү ухаалаг шийдвэрүүд гарсаар Бурханы хайрласан шинэ амьдралуудыг хуулиар хамгаалах биз ээ хэмээн, ийм үлгэр дуурайллууд илүү дээр нийгэм, илүү дээр гараг дэлхийг бүтээхэд хөтлөх болтугай гэж бид өөдрөгөөр төсөөлж байна. Бид Нигүүлсэлт Их Багшийнхаа энэ олон он жилүүдэд Өөрт нь бэрхшээл шалгуур тохиолдсон ч хайр энэрэлт зүрх сэтгэлээр дэмжин тусалсаар ирсэнд бид гүнээ мэхийн талархаж байна. Эрдэнэт Их Багш минь үргэлжид бүхий л Сүр Жавхлант Диваажины Хайраар хамгаалагдан өлмий бат оршиг.

9-р сарын 26-нд Багш шавийн шүтэлцээ хөтөлбөрөөр Төгс Гэгээрсэн Их Багш Чин Хай цэргийн ажиллагааг хэрхэн ажиглаж байгаа талаар болон яагаад Тэрээр энэ сарын турш Наранд хүндэтгэл үзүүлж байгаа тухай сонсоорой.

Дэлгэрэнгүй үзээрэй
Хамгийн сүүлийн бичлэгүүд
4:30

Ukraine Relief Update

2022-08-11   174 Үзсэн
2022-08-11
174 Үзсэн
33:01

Онцлох мэдээ

2022-08-10   34 Үзсэн
2022-08-10
34 Үзсэн
1:39

Дэвшсэн Ертөнцүүд

2022-08-10   6179 Үзсэн
2022-08-10
6179 Үзсэн
2022-08-10
16668 Үзсэн
Шэйр
Шэйр хийх
Шигтгэсэн видео
Эхлэх
Татаж авах
Гар утас
Гар утас
iPhone
Андройд
Гар утсаар үзэх
GO
GO
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд