Хайх
Одоо үргэлжлүүлэн

Онцлох мэдээ / Шуурхай мэдээ

Ахимса Энхтайван аюулгүй байдлыг авчирна

2021-11-06
Дэлгэрэнгүй
Татаж авах Docx
Дэлгэрэнгүй уншаарай

Host: Шотландын Гласгоу хотноо энэ жил болсон НҮБ-ын Уур Амьсгалын Конференцитэй (СОР26) зэрэгцэн Их Британи дахь Гөү Дармик ашгийн бус байгууллагаас 2021 оны 10-р сарын 31-нд онцгой үйл ажиллагаа болох “Ахимса болон байгаль орчин”-ыг онлайнаар зохион байгуулсан нь хүчирхийллээс зайлсхийхийн уур амьсгал дахь нөлөөг тодотголоо. Нийгмийн янз бүрийн төлөөллөөс онцгой илтгэгчид оролцсоны дотор СОР26-гийн ерөнхийлөгч, Их Британийн Парламентын цагаан хоолтон эрхэм гишүүн хүндэт Алок Шарма; Их Британийн Парламентын эрхэм гишүүн Дин Расел; Лютон Борогийн зөвлөлийн эрхэм гишүүн Суммара Хуршид; Гэрэлт Дэлхийн Нигүүлсэл шагналын эзэн, веган Энэтхэгийн Парламентын эрхэм гишүүн Манека Ганди; “Уур амьсгалыг анагаагч”-ийн веган үүсгэн байгуулагч, Гэрэлт Дэлхийн Эх Дэлхийн Хамгаалал шагналтан Др. Шайлеш Рао нар байлаа.

“Гөү Дармик”-ийн тэргүүн, ноён Хануман Дас мөн бидний Хайрт Төгс Гэгээрсэн Их Багш Чин Хайд энэ нөхцөл байдлын талаарх билиг оюунаа хуваалцаач хэмээн урилга илгээсэн юм. Урилгыг Их Багш дуртай хүлээн авч дараах үгийг айлдлаа.

Цаглашгүй Их Бурханыг магтъя! Эрхэм сүнс та бүхэнтэй Бурханы энэрэлт Хайраар мэндчилье! Др. Сайлеш Рао, Дануман Дасс дарга та хоёрт болон бүхий л эрхэм зохион байгуулагчид, сайн дурынхан та бүхэнд дэлхийд ач тусаа өгөх энэхүү онцгой үйл ажиллагаандаа урьсанд тань талархан хамгийн сайн сайхныг хүсэн ерөөж байна. Мөн хуран цугласан бүх эелдэг, нэр хүндтэй оролцогчидтой даруухнаар мэндчилье. Та бүгдийг Бурхан Ивээг! Энэ мэт эрхэм чухаг үйл хэргийг улам олноор зохион байгуулж, хүмүүст манай дэлхийд яг одоо болж буй үлэмж их сүйрлийн тухай болон энэ бүхнээс хэрхэн зайлсхийж болохыг ойлгуулан сэхээрүүлэх үнэнхүү шаардлагатай байна.

Тийм ээ, бидний нэгдмэл зорилго бол цэвэр ариун. Бид дэлхий дээрх энэ бүх ямар ч хэрэггүй зовлон шаналал, хүчирхийллийг эцэс болгон Дэлхий дээр Диваажинг дахин цогцлоохыг хүсэж байна. Ялангуяа яг одоо, хаа сайгүй, энэ бүх гамшигт үзэгдлүүд болсоор байхад бид гараг дэлхийн ноцтой байдлыг ухамсарлах цаг болсон. Яагаад гэвэл бид өөрсдийнхөө энэрэнгүй бус үйлсийн үр дүнд урьд өмнө үзэж туулаагүй бидний мөхөл сэхэлд заналхийлж буй үйл явдлыг туулж байна.

Урьд өмнө нүүрлэж байгаагүй үер, ган гачиг, хуй салхи, газар хөдлөлт, галт уулын дэлбэрэлт, түймэр, ширгэж буй нуур, гол, горхи, живж буй арлууд, өлсгөлөн, улам хурдан нэмэгдэж буй дулаарал, гараг даяар хуйрнан эрчлэх үхлийн энерги элдэв өвчнийг хэн хүнгүй мэдэж байгаа буй за. Гэтэл бид төдийлөн арга хэмжээ авахгүй л байна, тийм биз? Энэ бүх гамшгийг багасгах, зогсоох арга хэмжээ, мөлхөж буй эмгэн хумс аятай хэт удаан байсаар байгаад санаа тавьдаг иргэн бүрийг сэтгэл зовж байна.

Гэвч бид засгийн газруудын эрх бүхий удирдагчдыг дэлхийгээ аврахын тулд асар чухал ямар зүйл хийхийг итгэл тавин хүлээсээр байна. Харамсалтай нь төдийлөн дорвитой хийсэн зүйлгүй л яриад, яриад л байна – хоосон л ярьсаар – хийсэн нь гавихгүй, хийлээ гэхэд дэлхий дахиныг бүхэлд нь нөмрөөд байгаа энэ бүх хөнөөлт гамшгуудыг зогсооход дэндүү багадах өчүүхэн алхмууд л хийж байна. Бид байгаль хүч хэрэглэж буйг буруутгах аргагүй. Учир нь бидний өөрсдийн харгис байдал, санаанд огт багтамгүй болж, хүний байр сууринаас тайлбарлах, ойлгох аргагүй хэмжээнд хэтэрчихсэн байгаа шүү дээ.

Бид өөрсдийн хайхрамжгүй, энэрэнгүй бус амьдралын хэв маягаараа дэлхий дээрх амьд бүхний эсрэг, хөдөлдөг, хөдөлдөггүй бүх зүйл тэр ч бүү хэл өөрсдийнхөө эсрэг, хүчирхийлэл үйлдэж байна. Бид өмгөөлөл хамгаалалгүй, гэм зэмгүй амьтад болон хүмүүс, тэр бүү хэл төрөхөөс нь өмнө үр хүүхдэдээ харгис хандаж байна. Тэд дэлхийгээ ганц харах боломж ч олгохгүйгээр бид алж хөнөөж байна. Тэр үрс сул дорой, хэнд ч хоргүй өөрсдийгөө хамгаалах аргагүй, асар цэвэр ариун, огт гэм зэмгүй, яг л сахиусан тэнгэр лугаа адил.

Бид тэднийг ямар ч гэмших сэтгэлгүй, бүр хуульчилж байгаад алдаг. Тэр хууль нь амь хөнөөх үйлийг хамгаалдаг. Төрж амжаагүй энэ үрс, энэ сахиусан тэнгэрүүд, дэлхийн ирээдүйн энэ иргэд, одоо бидний эргэн тойронд болоод байгаа энэ бүх үймээн самуунд огтоос буруугүй шүү дээ. Урьд өмнө тохиолдож байгаагүй эдгээр асар хүчтэй, хөнөөл гашигт явдлууд бол бидний өөрсдийн мунхаг/холын хараагүй сонголтоос үүдсэн амьдралын харгис хэрцгий хэвшлийн л үр дагавар юм.

Амьдралынхаа өдөр бүр, минут, секунд бүр бид өөрсдийн гарагаа сүйтгэж байна. Бид өөрсдийгөө ч, өөрсдийн орон гэр болсон байгаль орчныхоо аль л сүйтгэж болох хөрс шороо, ой мод, далай тэнгис, гол, горхи, нуур тэр бүхнийг устган хөнөөж байна, бидэнд эдгээр зүйлгүйгээр оршин тогтнох боломж ерөөс огт байхгүй!!!

Бид өөрсдийн тогтоосон хууль дүрмийг ч дагаж мөрддөггүй. Тийм биз, нэг талаар амьтан хамгаалах хууль гэж батлаад, амьтныг ямар нэг байдлаар хохироосон, зовоосон, хүчирхийлсэн хэнийг ч болов шийтгэж эсвэл/бас хорино гэдэг. Гэтэл нөгөө талаар дэлхий даяарх нядалгааны газруудад өмөөрөх хүнгүй мал амьтдыг үй олноор нь зэрэмдэглэн, тамлаж, хүчирхийлэн хөнөөхийг зөвтгөж байдаг. Өөрсдөө тэдгээр сэгнүүдийг нь өөрсдийн гараар амандаа чихэхийн төлөө.

Өнөөх шийтгэх тухай шударга хуулийг ярьсан амандаа, амьтан хамгаалах хуульд гарын үсэг зурсан гараараа шүү дээ. Тэр хөөрхий гэмгүй амьтад амьдралынхаа өдөр бүрийг ямар аймшигтай зовж өнгөрөөдгийг мэдэхгүй гэж үү. Зүрх чинь хүрвэл хууль тогтоогч та нар амьтны аж ахуй дээр очоод хараарай. Тэнд яг чухам ямар байдгийг мэдэх болно. Та нарын баталсан дүр эсгэдэг тэр хуулийн чинь яг эсрэг зүйл тэнд болж байгаа. Энэ бол хүний оюун ухаан ойлгох чадвараар туйлын их тохуурхаж буй хэрэг. Хэрэв амьтдыг үй олноор нь алж хөнөөхийг дэмжихээ зогсоохгүй л юм бол бид хууль зөрчсөөр ирсэн хэрэг хууль зөрчиж ч байгаа, цаашид ч хуулийг зөрчсөөр байх болно гэсэн үг. Энэ туйлын тэнэг, хоёр нүүрлэсэн, гэмт хэргийг тайлбарлах нь бүү хэл дооглож инээх хүн олдохгүй. Магадгүй нэгэн өдөр та нар өөрсдийгөө шүүхийн өмнө авчирч, амь хөнөөсөн хэргээр хууль зөрчсөн гэж үзэн дэлхий дээрх бусад гэмт хэрэгтний адил хоригдох байх.

Манай нийгэмд одоо өрнөж байгаа үймээнт байдал тэр аяараа бид гэм зэмгүй, эмзэг дорой амьтдад харгис дарангуй хандсанаас үүдэн гарсан гэдэг нь илт тодорхой байна. Бид ургамлын аймгийг сүйтгэж, өөрсдийн хүнс, усыг хордуулж, хорхой шавж, амьтдыг, хүмүүсийг ч бас, тэр дундаа өөрсдийн бяцхан үрсийг ч алж хөнөөж байх жишээтэй. Энэ нь биднийг эцэс төгсгөлгүй дайн тулааны тойрогт оруулсан. Бид байгальтай, амьтадтай, өөрсдийн хөрш хүмүүстэй ч дайтсаар байна.

Дайн бидэнд хэзээ ч хөгжил цэцэглэлт, аюулгүй байдлыг авчрахгүйг бүгд мэднэ. Ялалт гээд байгаа нь ямагт маш олон гэм зэмгүй амь нас, асар их эдийн засгийн хохирлын төлөөсөөр л ирдэг зүйл.

Тэгэхээр үүнийг бид яаж ялалт гэж хэлж болох юм бэ?! Дайн бол энх тайвны эрс эсрэг зүйл. Одоо эцэст нь бид сэрж сэхээрэн яг эсрэг чиглэлд эргэн дэлхийгээ, өөрсдийгөө ч хамгаалах замыг сонгох эсэх нь зөвхөн биднээс шалтгаалах цаг болоод байна. Бид хөнөөлт бүх үйлийг зогсоож сайн үйлс бүхнийг улам ихээр хийж, бусдад, өөрсдөдөө, гарагтаа туслах хэрэгтэй байна. Тэгж байж гэмээ нь бид жинхэнэ энх тайвныг үргэлжид тогтооно. Энэ нь бидэнд амин чухал хэрэгтэй байгаа цэвэр ариун шинэ эриний эхлэл болно!

Ахимса буюу хүчирхийлэлгүй арга зам нь хамаг амьтан, хэн бүхэн энх тайван, аюулгүй, хүнлэг оршин байх амьдралын зарчмыг хэлдэг. Манай гараг өөрөө мөн адил агуу, ачлалтай, өгөөмөр, энэрэлтэй, хамгаалагч оршихуй юм. Гэвч эдүгээ дэлхий дээрх байгаль тэр чигтээ, бидний хор хөнөөлт үйлдэлд сөрөг хариу үйлдэл нэн ихээр үзүүлж буй нь Дэлхийг бидний эсрэг эргэхэд хүргэж байна.

Долоо хоног бүр олон тэрбум амьтан мах бэлтгэлд нядлуулдаг! Тэднийг бас сүү болон өндөг бэлтгэх зорилгоор аймшигтайгаар дарлан зовоож байна... Жинхэнэ уг чанар нь хайр, нинжин сэтгэл, асрахуй байх ёстой хүнээс гарамгүй, ухаан санаанд багтамгүй зүйлийг бид хийж байна. Ийнхүү балмад амьдралыг сонгосноороо бид, хамгийн чухал зүйлс болох ой, далай тэнгис, хөрс шороогоо, өлсгөлөн сая сая хүний хүнсийг, гэмгүй хөөрхий амьтдыг, уур амьсгалын тогтвортой байдлаа, адаг сүүлдээ өөрсдийн эрхэм ариун чанараа, Бурхан-чанараа зольж байна.

Амьтны фермд тэр чигтээ дарлал, яргалал, аллага, туйлын их тарчлал шаналлын тэр бүх зовлонт энерги дүүрсэн байдаг. Бид ч бас үүнд амьдарч байна. Тэгэхээр мэдээж хэрэг эдгээр үхсэн амьтдыг идэхээр огтоос зохисгүй, ёс бусын, нүгэлтэй гэдгийг сүнс маань мэдээд зогсохгүй бие маань ч хүлээж авахыг эсэргүүцэх болно. Тэгээд л бүх өвчин үүсдэг... Харин одоо ийм энергитэй зүйлийг дэлхий даяараа, өдөр бүр үй олон хүн идэж байна гээд бод доо. Тэгээд бүгдээрээ манай дэлхий яагаад ингэж дордож, яагаад ийм их зовлон нүүрлээд байна вэ гэж гайхсаар л байна уу??

Бүгдээрээ гараг дэлхийгээ түргэн аврагдаасай, удирдагчид маань, болон дэлхийн иргэд ч бас байгалийн анхааруулгыг ойлгох болтугай гэж залбирцгаая. Учир нь байгаль бидний өөрсдийн тусгал юм. Энх тайван, өршөөл уучлал, ачлал энэрлийн уриалгыг хүн бүрийн зүрх сэтгэлд хүргэж, бид сэтгэлээ нээн, зөв сонголт хийж цор ганц орон гэр Эх Дэлхийгээ сэргээн тогтнуулахад Бурхан бидэнд туслах болтугай.

Биднийг шинээр, Дэлхий дээрх амьдралыг хамгаалагч ёсоор аж төрж эхлэх ахуйд, Бурхан Өршөөнгүй хэвээр байж бид бүхнийг адислах болтугай. Бүхий л төрөлтөн Диваажин лугаа дэлхий дээр амар амгалан, эв зохиролтой оршиг. сүр жавхлант хайр энэрэл, эв зохиролд даяараа зэрэгцэн оршицгооё.

Энэ дэлхийд зэрэгцэн оршигч иргэд эрхэм хайрт та бүхэндээ анхаарал хандуулсанд тань баярлалаа. Бурхан бидэнд боломж олгосоор байж, хүн бүр Ахимсад шилжиж энэрэнгүй дэлхийг эргэн цогцлоох болтугай хэмээн залбирцгаая. Ерөөл биелэх болтугай. Амен!

Их Багш мөн дараах үгсийг бидэнд айлдсан юм: “*** Хүмүүс өөрсдийгөө чөтгөр болгохоо зогсоож энэрэнгүй зам мөр лүү эргэлт буцалтгүй ороход туслаач гэж Бурханд залбираарай. Нүгэлт бид бүхнийг ивээж хайрла Бурхан минь!! Зүрх сэтгэл минь тэвчихийн аргагүй дэндүү их эмтэрч байна! Энэ бичлэгийг шаналал амсан байж хийсэн хэн бүхэнд баярлалаа!! Энэ аймшигтай дэлхий дээр яаж амьдардаг байна аа гэж гайхмаар!! **”

Host: Хамгаас Энэрэлт Их Багш Таныхаа гараг дэлхийг болон бид өөрсдийгөө, хайртай бүхнээ, зэрэгцэн оршигчдоо авран хамгаалах уриалгад бид маш их талархаж байна. Бид мөн “Гөү Дармик” болон энэ тулгамдсан чухал асуудлаар ярилцсан бүх хүндэт оролцогчдод талархлаа илэрхийлье. Бүхий л удирдагчид, засгийн газрууд, хүн нэг бүр мөн адил сэрж сэхээрэн энх тайвныг авчрагч веган амьдралын хэв маягийг хэтэрхий оройтохоос өмнө сонгох болтугай!

Илүү дэлгэрэнгүй мэдээлэл авах болон үйл ажиллагааг бүрэн эхээр үзэх бол дараах хаягт зочилно уу Facebook.com/GoDharmic.

Дэлгэрэнгүй үзээрэй
Хамгийн сүүлийн бичлэгүүд
35:46

Онцлох мэдээ

2022-08-13   17 Үзсэн
2022-08-13
17 Үзсэн
2022-08-13
19 Үзсэн
29:27

Онцлох мэдээ

2022-08-12   117 Үзсэн
2022-08-12
117 Үзсэн
Шэйр
Шэйр хийх
Шигтгэсэн видео
Эхлэх
Татаж авах
Гар утас
Гар утас
iPhone
Андройд
Гар утсаар үзэх
GO
GO
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд