Хайх
Одоо үргэлжлүүлэн

Онцлох мэдээ / Шуурхай мэдээ

Энх тайвныг сахиж бусдын амь насыг нандигна

2022-02-17
Дэлгэрэнгүй
Татаж авах Docx
Дэлгэрэнгүй уншаарай

Хөтлөгч: 2-р сарын 12-ны бямба гарагт бидний Хамгаас Хайрт Төгс Гэгээрсэн Их Багш Чин Хай эрчимт бясалгалынхаа үнэт цагаас зарцуулан Суприм Мастер Телевизийн ажлын багийн гишүүдтэй утсаар холбогдож Коран судраас ёс суртахууны түүх уншиж өгсөн билээ. Гэгээрлийн сургаалаас айлдахын өмнө Их Багш багийнхны зүгээс тавьсан дэлхийн байдалтай холбоотой зарим асуултад хариулсан юм.

“BBC News-ийн мэдээ 2022.2.12 Сурвалжлагч (m): Оросын тал Украины хилийн ойролцоо цэргүүдээ төвлөрүүлж Беларустай хамтарсан цэргийн бэлтгэл хийж байна. НАТО-гоос Орос Украиныг хэзээ ч элсүүлэхгүй гэсэн амлалт өгөхийг хүсэж байгаа. Мөн НАТО-г Зүүн Европт сүүлийн жилүүдэд байршуулсан цэргээ эргүүлэн татахыг хүссэн.

Владимир Путины орчуулагч (m): НАТО-гийн гишүүн орнууд Украины зэвсэгт хүчнийг орчин үеийн түвшинд авчрахад хувь нэмэр оруулахын тулд тус улс руу асар их хэмжээний зэр зэвсэг оруулсаар байгаа.”

“BBC News-ийн мэдээ 2022.2.13 Сурвалжлагч (m): Олон арван улс орнууд иргэдээ Украин улсыг орхин гарахыг уриалаад байгаа. Мөн тус бүс нутгийн хурцадмал байдлыг намжаах удаа дараагийн оролдлогууд гарсаар байна. Ерөнхийлөгч Жое Байден Оросын удирдагч Владимир Путинтэй утсаар ярихдаа Орос улс цэргээ илгээвэл богино хугацаанд ихээхэн хохирол амсах болно хэмээн анхааруулсан.”

“WION-ийн мэдээ 2022.1.24 Сурвалжлагч (m): Мөн Хятад улс ням гарагт Тайванийн агаарын довтолгооноос хамгаалах бүс рүү 39 орчим байлдааны онгоц илгээсэн тухай мэдээлсэн. Тус арлын орны засгийн газраас мэдээлж байгаачлан энэ нь түүхэнд хэмжээгээрээ хоёрт орох том халдлага ажээ. Тус арал улс бол ардчилсан, өөртөө засах орон юм. Гэсэн хэдий ч Хятад улсын зүгээс Тайвань бол тус улсын нэг томоохон хэсэг бөгөөд Нэг Хятад бодлогынх нь нэг хэсэг гэж мэдэгдсэн билээ. Мөн сүүлийн жилүүдэд Ши Жинпин Тайваньд халдана, шаардлагатай гэж үзвэл хүч хэрэглэн эзэлнэ хэмээн сүрдүүлэх болсон. 2021 оны сүүлийн улиралд Тайванийн Агаарын довтолгооноос хамгаалах бүс рүү Хятадын зүгээс халдах тохиолдол асар ихээр нэмэгдсэн.”

(Багш аа, Та яагаад Хятад болон Тайвань (Формоса), мөн Орос, Украины хоорондох дайны аюулыг дурдахгүй байгаа юм бэ?) Дурдаагүй билүү? (Үгүй байх, Багш аа.) Үгүй ээ? (Үгүй.) Хөөх. (Айдас төрж байна, Багш аа.) (Аймаар байгаа.) Аймаар аа? (Тийм, Багш аа.) (Тийм, аймаар юм.) Хөөх. Магадгүй би дурдахаасаа ч айсан байх. Та нар шиг би бас маш их айсан байх. Бид бүгд нэгдмэл. Та нар айвал би ч бас айна.

Бид нарт өөр бусад олон асуудал бас байгаа болохоор л би дурдаагүй. (За.) Мэдээж энэ бол тулгамдсан хойшлуулшгүй асуудал бөгөөд би энэ талаар мэдэж байгаа. Бүгд л мэдэж байгаа. Гэхдээ би тэднийг дэлхийн ард иргэдэд улам их зовлон тарих цусанд шунагчид гэж бодохгүй байна. (За, Багш аа.) Би тэднийг зүй зохистой, төлөвшсөн, энэ цаг үед дайнаар тоглох мэтийн мунхаг зүйл хийж болохгүй гэдгийг ойлгох хэмжээний хангалттай ухаалаг гэж бодож байна. (За. Ойлголоо.) Тэгээд л би нэг их санаа зовоогүй.

Дэлхийн хүмүүс хэдийнээ маш их зовж байгааг харж байгаа биз дээ. Тийм биш гэж үү? (Тийм, Багш аа. Зовж байгаа.) Бас энэ тухай би олонтоо дурдаж, бид олонтоо ярилцсан, дайны аюул гамшгийн талаар бид хэд хэдэн сурталчилгаа хүртэл цацсан. (Тийм, Багш аа. Тэгсэн.) Дайн хэр их зовлон тарьж, хэр олон аминд хүрч, дайны өмнө, дайны үед, мөн дараа нь санхүү эдийн засгийн хэчнээн хохирол учирдгийг харуулсан. (Тийм, Багш аа.)

Тэгэхээр тэднийг тэнэг гэж байгаа юм шиг дахин давтаад байх хэрэггүй гэж бодож байна. Тэд тэнэг гэж үү? Үгүй гэж бид найдаж байна. (Бид ч бас.) Хэрэв тэд тэнэг бол бид юу ч хийж чадахгүй. Тэнэг хүмүүстэй хэчнээн удаан ярилцаад ч нэмэргүй. (Тийм, Багш аа.) Иймд урдах ажлаа л хийж байя. Завгүй эмэгтэй гэдгийг минь мэднэ биз дээ. Тийм үү? (Тийм, Багш аа.)

(Тэд дайтах болов уу, Багш аа?) Үгүй гэж бодож байна. (Сайхан сонсогдож байна. Хөөх.) Тэд дайтахыг хүслээ ч гэсэн би дүлий улсуудтай ярихаас дэндүү залхаад байна. (За, Багш аа.) (Үгүй л гэж найдъя.) Тэгээд ч би үгүй байх гэж бодож байна. Яах гэж тэр вэ? (Яг тийм.) Асуусан болохоор чинь Хятадын тухай ярья л даа.

Жишээлбэл Хятад Тайвань (Формоса)-ийг эзэллээ гэхэд юу ч хожихгүй. Мэдээж олох зүйл бий л дээ - маш муу нэрийг л олно. (Тийм, яг тэгнэ.) Дэлхий бүхэлдээ тэднийг цусанд улангассан дээрэлхүү чоно ч гэх юм уу, энэ мэтчилэн нэрлэнэ. Таатай сонсогдохгүй байгаа биз? (Үгүй, Багш аа.) Таатай биш, бас түүх тэднийг ингэж шүүнэ. (Яг тийм, Багш аа.)

Тэд энэ Дэлхий дээрх амьдрах хугацаагаа дуусгаад тамд унаж, элдэв төсөөлшгүй өвдөлт тамлалтаар дүүрэн шийтгэлийг эдлэх ёстой болно. Тэд өөрсдийгөө Христосын юм уу, Буддын шашинтан гэх боловч шашныхаа хуулийг ч санадаггүй. Хэдий тэд өөр өөр шашных гэж байгаа ч бүхий л шашин нэгэн ижил зүйл номлодог; сайныг үйлдвэл Диваажинд хүрнэ, мууг үйлдвэл тамд унана л гэдэг. Юу тарина, түүнийгээ хураана. Үйлийн үрийн хууль хэзээ ч алддаггүй.

Бурхан тэдэнд хамаг эрх мэдэл, эд баялгийг хуваарил гэж өгсөн болохоос хумьж хураа гээгүй. Ард иргэддээ туслахад зориулах давуу тал, эрх мэдлээ тэд зэр зэвсэг, үй олноор хөнөөх зэвсэг хийхэд зориулж байна. Тэгээд үүнийгээ хүч буурай улс орнуудыг дарамтлан сүрдүүлэхэд ашигладаг. Энэ нь тэдэнд мянга мянган, магадгүй бүр сая сая жилээр төгсгөлгүй зовлон эдлэх тамд унах ял авчирна. […]

Хятад улс бусад улс руу довтолсон асар их түүхтэй. (Тийм.) Тухайлбал Ау Лак (Вьетнам) руу эрт дээр цагаас хэдэн мянган жилийн турш байн байн дайрдаг байсан. Төвөд зэрэг өөр бусад улс орон руу ч мөн адил. Иймээс би одоо тэднийг энх тайванд суралцах цаг нь ирсэн, тэд болино гэж бодож байна. […] (За, Багш аа.) (Бид ч бас найдаж байна.) Би ч бас.

Тайвань (Формоса) бол жижигхэн арал дээрх тайван амгалан ард түмэн (Яг тийм. Тийм ээ.) Тэд хэнд ч, ямар ч хөршдөө огтоос түвэг удалгүй оршдог. Тэд Хятадад ямар ч түвэг уддаггүй. Тэд тусгаар улс байгаад зуун жил хэдийн өнгөрсөн байхад тэднийг зүгээр л орхих хэрэгтэй. (Тийм. Яг тийм.)

Тайвань (Формоса)-ийг тайван байлга. (Тийм. Яг үнэн, Багш аа.) Хятадууд ингэх нь хамгийн дээр. Мэдээж хэрэг Тайвань (Формоса)-д бас хамгийн сайн.

Хэрэв би Хятадын удирдагч байсан бол Тайвань (Формоса)-ийг тусгаар улс болгон НҮБ-д бусад улсын адил гишүүн орон болгох байсан юм. (Тийм, Багш аа. Тийм.) Тайвань (Формоса)-аас жижиг олон улс орон хэдийнээ НҮБ-д ороод дэлхий дахинд нэр хүндтэй, хүндлэл хүлээсэн тусгаар улс болчихсон. Тайвань (Формоса) яагаад болж болохгүйг би ойлгодоггүй. (Тийм. Тийм, Багш аа.)

Хэрэв Хятад улсын […] удирдагчид ингэж Тайвань (Формоса)-ийг НҮБ-ын гишүүн болговол бүхэл дэлхий дахинаараа тэднийг магтан сайшааж, (Тийм, яг тэгнэ.) тайваньчууд (формосачууд) ч тэдэнд талархан залбирч, тэдэнтэй улам бүр найрсаг, хамтач хандах болно. Хятадад ингэвэл илүү дээр. (Гарцаагүй тийм.) (Яг үнэн, Багш аа.) […]

Мэдээж хэрэг би Хятад, Тайвань (Формоса), Украин, Оросын төлөө залбирдаг. (За, Багш аа.) (Бид бас залбирдаг.) За. Та нар энэ талаар бодвол жаахан цаг гаргаад хэн ч байсан тэдний төлөө залбираарай. (За. За, Багш аа.)

Энх тайван бол хүрч болох шилдэг ялалт. (Тийм.) Цус урсгасан дайнд яллаа гээд... Бүх л дайнд цус урсдаг. (Тийм. Яг тийм.) Тэнд үхлээ гэхэд яах юм бэ? Юу хожих юм бэ? (Юу ч хожихгүй.) Өөрийг чинь оршуулах тэр нэг метр хавтгай дөрвөлжин талбайдаа юу авч ирэх юм бэ? Нэг метр газар байх уу, үгүй юу. Заримдаа хэн нэгнийг дээр чинь тавина, эсвэл хэдийн доор чинь нэгийг оршуулсан байна. (Тийм.) […] Үхсэн л бол үхсэн. Яагаад ч, юу ч мэдэх боломжгүй болно. […]

Иймээс би Хятад улс Тайвань (Формоса)-ийг тусгаар улс болгон тэднийг НҮБ-д гишүүн болоход нь туслах явдал бол хамгийн шилдэг шийдэл гэж бодож байна. (Тийм, Багш аа.) Энэ бол Хятад хэмээх их гүрнийг өгөөмрөөр удирдан бусад улс орон даган дуурайхад хүргэх (Тийм, Багш аа.) нэр хүндтэй үйл хэрэг болно. (Яг тийм. Тийм, Багш аа.) Хятад орон бол асар их соёлтой, олон мянган жилийн иргэншилт түүхтэй. Олон улсын хэмжээнд бид өнгөрсөн үеийн бүхий л мэргэд, гэгээнтнүүд, өгөөмөр агуу удирдагчдын дуурайлыг дагах нь зүйтэй. (Тийм. Яг үнэн.)

Бас би Оросыг Украин руу довтолно гэж бодохгүй байна. Крымээс хойш тэд олон улсын шүүмжлэлд хангалттай өртөөд байгаа. (Тийм, Багш аа.) Тэд Украин руу довтлохыг хүсэхгүй.

“Sky News-ийн мэдээ 2022.2.11 Бен Уоллес (m): Оросын засгийн газраас Украин руу довтлох ямар ч зорилго байхгүй гэж хэлэхийг би тов тодорхой сонссон.

“Associatd Press-ийн мэдээ 2022.1.22 Антонио Гутеррис (m): Би Оросыг Украин руу довтолно гэж бодохгүй байна.

“ITV News-ийн мэдээ 2022.1.29 Сергей Лавровын орчуулагч (m): Оросын Холбооны Улсаас үүдэн ямар нэг дайн гарахгүй. Бид дайтахыг хүсэхгүй байна. Гэхдээ бидний эрх ашгийг бүдүүлгээр уландаа гишгэж, дорд үзэхийг бид зөвшөөрөхгүй.

“CNBC Телевизийн мэдээ 2022.2.8 Майкл ОХанлон (m): Бид хэр их сэтгэл түгшихээ хянан зохицуулах ёстой. Миний бодлоор түгшээх нь Владимир Путины зорилго. Миний эцсийн таамаг бол тэр довтлох гээгүй. Яагаад гэвэл үүнээс үүдэн асар их хохирол гарна.”

“RT-ийн мэдээ 2018.6.7 Сурвалжлагч (m): Бидэнд Дэлхийн гуравдугаар дайн нүүрлэх үү?

Владимир Путины орчуулагч (m): Тэгэхээр Эйнштейны хэлсэн “Дэлхийн гуравдугаар дайны арга барил юу байхыг би мэдэхгүй. Гэхдээ Дэлхийн дөрөвдүгээр дайнд мод, чулуугаар л тулалдах болно” гэсэн үгийг санацгаая. Тэгэхээр Дэлхийн гуравдугаар дайн гарвал соёл иргэншил үнэхээр мөхнө. Энэ санаа, энэ ухаарал нь дэлхийн хэмжээнд бид аюултай алхам хийхийг хорьж байх ёстой.

Миний бодлоор зүгээр л тэд тусгаарлагдсан, боогдсон санагдаж байгаа учраас олон улсад өөрсдөдөө хэрхэн хандах талаар бодож үзэхийг сануулж хүч чадлаа харуулахыг хүссэн байх. (Аан.) Тэдэнд хэрхэн хандах ёстойг, мөн өөрсдийн эрч хүчийг үзүүлж хүмүүсээр илүү их хүндлүүлэх гэсэн хэрэг. Иймэрхүү л зүйл байгаа болов уу. (За, Багш аа.) Түүнээс биш тэднийг Украиныг эзэлнэ гэж бодохгүй байна. Ямар шалтгаанаар? Ямар шалтгаанаар тэгнэ гэдгийг би ойлгохгүй байна. (За, Багш аа. Тэдэнд шалтгаан байхгүй.) Би тэднийг яагаад, юу хожих вэ гэдгийг нь ойлгохгүй байна. Татвар төлөгчдөө нэмэх гэж үү? Юуны төлөө?

Оросын удирдагчдын хувьд тэд хэдийн төлөвшсөн хүмүүс байгаа биз дээ. Тэд яахаа сайн мэднэ. Үгүй гэж үү? (Мэднэ, Багш аа.) Булш байлаа гэхэд тэд булшиндаа юу ч авч орж чадахгүй. Тэд дайтлаа гэхэд өөрсдөө ч үхэж мэдэх бөгөөд толгойгүй болж, эсвэл гэдэс дотор, хамаг бие нь хэдэн хэсэг болон алга болно. Хэн мэдэх билээ? (Тийм. Яг үнэн.) Өнө эртнээс нааших түүхэнд олон удирдагчид маш зэрлэг, үзэшгүй муухай үхлээр амиа алдсан. (Хөөх.) Тэгэхээр тэдэнд оршуулах зүйл үлдэхгүй ч байж мэднэ. Иймээс тэд бусад улс орон луу довтлон, дахин цус урсган зовлон тарьж, тэднийг харааж яах юм бэ? Тэгээд тэд үүнийхээ төлөө бас тамд унана. […]

Тэгэхээр дайрч эзлэх ямар хэрэг байх билээ? Би ингэж хэлсээр бүр залхаж байна. Гэхдээ тэд мэдсээр байгаа. Тиймээс би энэ тухай ярихаа больсон юм. (За, Багш аа.) (Ойлголоо, Багш аа.) Бид энэ тухай урьд нь олон удаа ярьсан. (Тийм, Багш аа.) Одоо ч дайнаас болж гарздах хохирол, нүүрлэх зовлон болон дайн болгонд хэдэн сая хүн амиа алдсан зэргийг мэдээлсээр, гаргасаар л байгаа. (Тийм, Багш аа.) Тэгэхээр миний ярих зүйл энэ.

Би та нарт сурталчилгааг нь ямар ч байсан хий гэж хэлсэн. (Тийм, Багш аа.) Тиймээс энэ бол тэр бүх дүрслэл, аймшигтай, тамын дүр зургийн ард миний хэлэх зүйл. Тийм болохоор надад дахиад ярих ёстой гэж санагдаагүй. (За, Багш аа.) “Хүүхдүүд хүсвэл ийм маягаар дуу хоолой хүргэг” гэж би бодсон. Тоглоом. Компьютер тоглоом шиг. Харамсалтай нь энэ тоглоом биш бодит амьдрал дээрх зүйл! (Тийм. Яг тийм.) Хүмүүс нь жинхэнэ. Зовлон нь бодит. Цус бодитоор урсана. Олон улсын жинхэнэ зөрчилдөөн. Олон улсын найрамдал, хамтын ажиллагааны жинхэнэ хагарал. (Тийм.)

Дүлий хүмүүст ярихаас би залхсан. Сонсохгүй бол надад хамаа алга. Тэд дайн хийхийг хүссээр байвал Есүсийн хэлсэнчлэн “Үхэгсэд нь үхэгсдээ оршуулаг”. Би үргэлж л хэлдэг. (Тийм, Багш аа.) Есүсийн зөв. Тэд хэдийн үхсэн гэдгээ мэддэггүй. Учир нь оюун санааны хувьд гэгээрээгүй л бол үхсэнээс өөрцгүй. Дайн ба энх тайвны тухай үнэний ийм наад захын үндэс суурийг ойлгохгүй юм бол үхсэн. (Тийм, Багш аа. Үнэн.) Тэд дайн хүсэж, бусдыг алж, огт хамаагүй гэм зэмгүй ард иргэд, хүүхдүүд, хөндлөнгийн хүмүүсийг хөнөөх юм бол тэд өөрсдөө аль хэдийн үхсэн гэсэн үг. (Тийм, Багш аа.) Мөн тэдний сүнс нь энэ биеэ элэгдэхээс бүр хавьгүй түрүүнд тамд очих болно. […]

Орос улс Украиныг яах гэж эзлэхийг хүсэх юм? Орос хэдийн маш баян орон. (Тийм. Тийм ээ, Багш аа.) Хэдэн татвар төлөгч нэмэгдлээ гэхэд тэд Путиныг илүү тарган, царайлаг, эсвэл залуу болгохгүй. (Тийм, үнэн.)

Ийм л байна. […] Миний хэлсэн зүйлстэй холбоотой, эсвэл энэ сэдэвтэй холбоотой эргэлзсэн зүйл байна уу? (Тийм ээ, яагаад гэвэл миний бодлоор дэлхий дахин Орос улс олон зуун мянган цэргээ төвлөрүүлээд байгаад санаа зовниж байна. Тийм болохоор тэднийг довтлохыг хүсээгүй гэж хэлсэн ч олон улс тэдэнд үнэндээ итгэхгүй байна.) […]

Тэд итгэх хэрэгтэй. Орос довтлон эзлэх гээгүй. (Тийм.) Тэд хэлж байгаад нь итгэх л хэрэгтэй. (Тийм.) Тэдний зүгээс тавьсан зарим шаардлагууд байгаа ч үүнд нь олон улсын хамтын нөхөрлөлөөс хариу өгөхгүй байна. Тиймээс л тэр. Тэнд НАТО-гийн маш олон цэрэг байгаа болохоор айж байгаа. (Аан, тийм байх нь.) Нэгдүгээрт. Хоёрдугаарт бол тэдгээр нь Орос улс өөрийн хилээ хамгаалах зорилгоор тэнд цэргээ байршуулах шалтаг олгож байна. Тэнд НАТО-гийн цэрэг байгаагүй бол Оросуудад ч бас ингэх ямар ч шалтаг гарахгүй байх байсан. (Тийм.) Иймээс тэд хоорондоо хэлэлцэх хэрэгтэй. […]

[…] Орос улс Украин руу довтлохыг үнэхээр хүсээгүй. Энэ бол тоглолт - тэд ямар нэг зүйл хожих гэсэн. (За. Багш аа.) Тэд олон улсын зарим хоригийг цуцлахыг [] хүсэж байна. (Тийм байх нь.) Хойд Солонгостой төстэй. Тэд мөн л хоригоос болж шуугиан дэгдээж байна. (Тийм.) Олон улсын хүрээнд тэд өөр хоорондоо итгэлцэж (Яг үнэн. Тийм.) бие биедээ тавьсан хоригоо цуцлах ёстой. Энэ бүгдийн дараа тэд өөр хоорондоо хэлэлцээр хийж, зарим нэгэн хөнгөлөлт үзүүлж, зарим нэгэн буулт хийх хэрэгтэй. (Тийм, Багш аа.)

Яагаад гэвэл хориг нь бас л улс орнуудад зовлон болдог. (Тийм, тэгдэг.) Ау Лак (Вьетнам) улсад дайны дараа гучин жилийн туршид хориг тавигдсан байсан болохоор би үүнийг мэднэ. (За, Багш аа.) Хүмүүс зовон зовсоор л байдаг юм. Төр засаг биш. (Тийм.)

Иймд ямарваа олон улсын бүлэг, байгууллагын зүгээс зарим улс орны удирдагчдыг эсвэл засгийн газрыг нь шийтгэх гэж буй бол төдийлөн амжилт олохгүй л байна - учир нь төр засаг биш ард иргэд л зовдог. (Тийм. Яг үнэн.) Хамгийн бага зовох нь удирагчид. Тэд үргэлж л тансаг унаа, бие хамгаалагчид, сайхан орд харш, аюулгүй байдал, сайхан хоол, банкан дахь их мөнгө зэрэг бүх л юмтайгаа байдаг. (Тийм. Яг үнэн.) Тэдэнд ямар ч нөлөө үзүүлэхгүй. (Тийм, Багш аа. Яг үнэн.) Ямар ч улсын, ямар ч засгийн газрын удирдагчид бүгд маш сайхан амьдардаг.

Тийм болохоор аливаа улсад ямар нэг шалтгаанаар хориг тавих нь утгагүй зүйл юм. (Тийм, Багш аа.) (Тийм. Үнэн.) Удирдагчдыг биш, засгийн газрыг биш, иргэдийг, тэр улсын гэм зэмгүй ард иргэдийг, ядарсан ард иргэдийг л шийтгэж байгаа хэрэг. Харин удирдагчдад ямар ч нөлөө үзүүлэхгүй. (Тийм. Үнэн, Багш аа.) Харин дайн болбол тэд бөмбөгт өртөж үхэж магадгүй юм. (Яг үнэн. Тийм, Багш аа.) Гэхдээ тэд ихэвчлэн хаа нэгтээ бэлэн нэн сайн хоргодох байртай байдаг. Тэдэнд хүрэх амаргүй. (Үнэн. Тийм.) Тиймээс энэ дэлхийг би солиотой гэдэг. (За.)

Зэр зэвсэг, дайнд сүйдсэн энэ бүх зүйлд зарцуулсан мөнгийг ядуу хүмүүст зориулсан бол манай дэлхий аль эрт диваажин болчих байлаа. (Тийм, Багш аа.) Гай зовлон ирэхийг нь хүлээж байгаад ядууст маш том буян болж байгаа юм шигээр мөнгө өгөх нь тэдэнд тусалж байгаа хэрэг биш. Үгүй!

Тэдэнд ямар нэг боломж хэрэгсэл, санхүүгийн дэмжлэг өгөхөд л тэд өөрсдийгөө аваад явчхаж чадна. (Яг үнэн. Тийм, Багш аа.) Бизнес эрхлэх ч юм уу, хөлөө олох жаахан газар зэрэг хүссэн зүйлийг нь өгчих хэрэгтэй. Тэд тийм ч ихийг хүсэхгүй. Ихэнх хүмүүс идэх хоол, үр хүүхдэдээ өмсөх хувцас, тэдэндээ боловсрол олгохыг л хүсдэг. Хүсэх зүйл нь ердөө энэ. Тэдэнд боломж л байх юм бол тэд өөрсдийгөө аваад явчхаж чадна. (Тийм. Үнэн.) (Тийм, Багш аа. Яг үнэн.)

Засгийн газрууд дайнтай холбоотой, дайны зэр зэвсэг, армийн зардлууд, сургуулилт зэрэгт зориулахаас хэмнэсэн мөнгөө тэдэнд өгч болно. Энэ бүхнээр улс үндэстнээ сэргээж, ядуусыг хөл дээр нь босгох зорилгоор тэдэнд ямар ч хүүгүй, эргэн төлөх хугацаатай зээлийг олгон, бизнесээ сайн эрхлэх урам зоригийг л төрүүлэх хэрэгтэй. Ядуу хэдий ч хичээнгүй оюутнуудад дүн нь онц гойд биш байлаа ч зээл олгож болно. Харин тэд хичээнгүй суралцан, боловсролдоо ач холбогдол өгч байвал тэдэнд тэтгэлэг олгох юм уу төлбөргүй сургаж болох юм.

Ау Лак (Вьетнамд)-т намайг залуу байхад дайн болж байсан хэдий ч бид ахлах сургуульд ортлоо, дунд сургуулиа дүүргэтлээ үнэ төлбөргүйгээр боловсрол эзэмшсээр байсан. Түүгээр зогсохгүй олон оюутанд тэтгэлэг олгож байлаа. Дайны цагт шүү дээ. Манай орон огтхон ч баян байгаагүй. Тийм болохоор би хүчирхэг улс орнууд яагаад ядуу хүмүүст бизнес эрхлэхэд нь зориулж, эсвэл дэлхийд хэрэгтэй иргэн болж боловсрол эзэмшихэд нь зориулж илүү их мөнгө зарцуулдаггүй юм бол гэж гайхдаг. Бие биеэ хөнөөж, бүхий л гэмгүй иргэдийг хөнөөж дайтаж байхын оронд ийм зүйлс хийх хэрэгтэй.

Бурхан минь, бид хэдийнээ үнэхээр хангалттай их зовж байна. Тэд бодол санаагаа өөрчлөхгүй бол бид улам л их зовох болно. Бурханы хайрласан хүчийг, чадварыг, татвар төлөгчдийн мөнгийг тэд гарздан аллагад л зарцуулж байна. Энэ бүхэн тэднийг тамд л хүргэнэ. Тэд зөвхөн энэ амьдралынхаа хугацаанд дэлхийг, бусдыг, магадгүй өөрсдийгөө, нэр хүндээ бас сүйтгэж байгаа биш. Тэд тамд бол бүр эцэс төгсгөлгүйгээр зовон зовсоор бүх төрлийн тамлалыг эдэлнэ. Би чин үнэнийг өгүүлж байгаа бөгөөд тэд үүнийг хэтэрхий оройтохоос өмнө сонсоно гэж найдъя. Яагаад гэвэл тамд тэдэнд туслах хэн ч байхгүй. Хэн ч байхгүй. Бурхан ч тэр.

Олон улсын байгууллага дайны хөлийн бүс нутгуудад, гамшиг нүүрлэсэн газруудад хүмүүст тусалсаар байгаа нь сайн хэдий ч хэрэв бид энэ бүхнийг үндсээр нь засаж чадах юм бол энэ бүх гамшгууд, дайны хохирогч, дүрвэгчид огт байхгүй байж болох юм шүү дээ. (Тийм, Багш аа.) Үндэс нь энх тайван! (Тийм.) Үндэс нь ядууст биеэ даахад нь туслах явдал. Тэднийг дайн, гамшгаас, уур амьсгалын өөрчлөлтөөс, бэрхшээл зовлонгоос болж зовох хүртэл нь хүлээж байгаад дараа нь туслах биш. Тэр үед тэд орон гэрээ, олон хамаатан садан, найз нөхдөө, эд хөрөнгөө, нэр төрөө, тэр бүү хэл амьдрах хүслээ ч гэсэн алдчихсан байх болно. Тэгвэл дэндүү оройтно. Иймд энэ дэлхийг шинээр зохион байгуулж, ядууст биеэ даахад нь туслах нь илүү дээр. (Тийм. Үнэн.)

Ямар ч дайн огтоос хийхгүй байх ёстой! Дайн асуудлыг хэзээ ч шийддэггүй. Байдлыг улам л дордуулдаг. (Тийм. Үнэн, Багш аа.)

Ялалт байгуулах нь эхэндээ сайхан харагдаж байж болох ч түр зуурынх юм. Гэхдээ тэд тамд унаж бусад хүмүүст учруулсан зовлонгоо арван сая дахин нугалж эдлэх болно. Тэд үүнийг мэддэггүй. Хараахан мэдэхгүй байна. Тэд болзошгүй дайныг таслан зогсоож, улс орныхоо ядуу иргэдийг хөл дээрээ босож гэр бүл, үр хүүхдээ асарч чадахуйц болгон тусалснаар тэр бүхнийг эдлэхгүй байгаасай гэж би найдаж байна.

Энэ бүх утгагүй (Тийм.) дайны тоглоомд хөрөнгө зарж, хүмүүс идэх хоолгүй байхад баялгийг ийм зүйлд төвлөрүүлэн зөвхөн эд баялаг, нэр төрийн төлөө биесээ хөнөөхгүй бол үүнийг хийхэд нэн хялбар. Дэлхий ч диваажин болно.

Дэлхийг диваажин болгох тийм ч хэцүү биш. Зүгээр л үүнийг хэн ч хүсэхгүй байна. Юуны өмнө хүмүүсийг, амьтан-хүмүүсийг алахыг зогсоо, тэгээд л боллоо. (Тийм. Яг үнэн.) Цар тахал, өвчин, хүмүүсийг оршуулах, цус урсгахад мөнгө зарцуулах, энэ бүх зовлон эцэс болно. Бид маш их мөнгөтэй байх болно. Бид үүнийг ядуу хүмүүст өөрсдийгөө авч явахад нь зориулан өгч болно. (Тийм, Багш аа.) […]

Ийм учраас тэд нүгэл үйлдэхээ больж, тунгаан бодох ёстой. Болиод бодож үз. Явж ямар нэг бясалгал ч юм уу сураад өөрсдийн оршуулгадаа бэлд. Хэзээ мөдгүй л ирнэ. Нас дээр гарсан гэдэгтээ ч биш, амьдрал зуурдынх учраас. (Үнэн. Яг үнэн.) Хэзээ ч тохиож болно. (Тийм.) Олон удирдагч өөд болдог. Олон улсад нэр алдартай олон хүн зүгээр л КОВИД, осол, машины осол, онгоцны осол гэх зэргээр нас бардаг. Тэд амьдралын энэ мөнх бус мөн чанарыг ойлгож, яагаад зөв зүйтэй байж болдоггүй юм бэ? Хаа нэгтээ очоод ямар нэг гэгээрлийн аргад суралцан амьдралд болон өрөөлд хэрхэн хандах тухай дахин эргэцүүлж болохгүй юу. (Тийм ээ, Багш аа)

За. Тэгэхээр энэ бүх дайн зэрэг тэнэг зүйлсийн тухай бид сүүлийн удаа ярьж байна гэж найдъя. Бурхан минь! 21-р зуун гарчхаад байхад шүү! Одоо болтол “түс тас” хийлгээд бусдыг алахыг хүсэж байдаг. Энэ бол үнэхээрийн балчир, томоогүй, тэнэг үйлдэл. За юу? (Тийм, Багш аа.) […]

Хүмүүс сэрж сэхээрэн өдөр бүр Бурханыг дурсаж, талархан, талархал дүүрэн, эгэл даруу байж амьдралаа өөрчилнө гэж би найдаж байна. Түүнчлэн тэд өөрсдийн амьдралыг нандигнадаг шигээ өрөөл бусдын амьдралыг ч нандигнаж, дайтахын оронд эвлэрч, энх тайван орших ёстой. Ялгаагүй амьдралд хайртай, зовлон үхэлд дургүй амьтан-хүмүүс зэрэг бусад төрөлтний амийг ч бас эрхэмлэн хайрлах ёстой. […] Ядарч зүдэрсэн хөрштэйгөө хуваалцаж чадах бүхнээ хуваалц. Тэгвэл манай дэлхий ямар ч асуудалгүй болно. []

Хүмүүс өөрсдөө л өөрсдөдөө цар тахал гэж би хэлсэн дээ. (Тийм, Багш аа.) Одоо ч тэгж боддог хэвээр байгаа. Тэд үтэр түргэн, асар хурдан өөрчлөгдөнө гэж найдаж байна. Эс бөгөөс бүгд сүйрнэ. Хэзээ гэдгийг нь би мэдэх ч үгүй. Хэзээ гэдгийг хэн мэдэх вэ? […]

Веган байж, энх тайвныг цогцлоон, сайн үйл хий; тэдний хийх зүйл ердөө энэ. [] Хүн бүр өөрчлөгдөн үүнийг л хийчих байх гэж би найддаг. (Бид ч бас найдаж байна, Багш аа.) (Тийм, бид ихэд найдаж байна.) Диваажинг эрэлхийлдэггүй байлаа ч гэсэн Диваажин нүдний чинь өмнө цогцлох болно. (Тийм.) Нас барсныхаа дараа ч юм уу очих алба байхгүй. Мэдээж нас бараад ч гэсэн Диваажинд очих болно. (За.)

Хүмүүс сэрж сэхээрээсэй, ямар нэг хэмжээнд гэгээрч өнгөрсөн үеийн магадгүй одоо ба ирээдүйн Их Багш нарын сургаалд хүндлэлтэй хандах болтугай хэмээн залбирцгаая. Амен. (Амен.) […]

Хөтлөгч: Бид Хамгаас Хайрт Их Багшдаа үнэлж багшгүй Билиг Ухаанаа дэлхийд болон бүхий л эрх мэдэлтэй удирдагчдад зориулсанд чин сэтгэлээсээ талархаж байна. Их Багшийн маань хамаг төрөлтнийг гэсэн хэмжээлшгүй Халамж хүн төрөлхтнийг даруй сэрээж сэхээрүүлэн Дэлхий дээр Эден цэцэглэж, бүхий л эрх мэдэлтнүүд энх тайван, шударга замыг сонгон өөрсдийн сүнсийг одоо болон өнөд авран хамгаалах болтугай. Бүхий л үндэстнүүд эвлэлдэн нэгдэж, веган ирээдүй мөдхөн ирээсэй хэмээн залбирцгаая. Бүхий л Диваажингийн Хамгаалагчдын Хязгааргүй дэмжлэгээр Хайрт Их Багш маань үүрдийн эрүүл энх, амар амгалан байх болтугай.

Их Багшийн Коран судраас айлдсан үнэт сургаалыг болон улс төр дэх найдвартай хүмүүсийг хэрхэн ялгаж таних, мөн тэднийг улс төрийн стратеги хэрхэн хуваадаг байсан талаар мэдэхийг хүсвэл Багш шавийн шүтэлцээгээр 2022 оны 4-р сарын 1-ний баасан гарагт конференцын бүрэн эхийг хүлээн авч үзнэ үү.

Мөн танд лавлах шаардлага гарвал Шуурхай мэдээ/ Багш шавийн шүтэлцээ зэрэг өмнөх конференц нэвтрүүлгүүдийг үзнэ үү:

Шуурхай мэдээ:

Амар амгалан дэлхийн төлөө, эрүүл гаргийн төлөө махнаас татгалз

КОВИД-ын тэргүүнээс хүлээн авсан чухал мэдээлэл

Төгс Гэгээрсэн Их Багш Чин Хайн Бүх шашны итгэгчдэд өгөх зөвлөгөө, мөн манай дэлхийн хямралын шийдэл

Багш шавийн шүтэлцээ:

Үнэнч чанар үгүй болоход: Хадитад өгүүлсэн Эцсийн Мөчийг илтгэх шинжүүд

Католик номлогчид Эзэн Есүсийн Жинхэнэ Сайн Мэдээг номлох ёстой

Жинхэнэ Гэгээнтэн хэргэм

Веган байх нь бидний хайр ба нинжин сэтгэлийг гаргаж ирдэг

Эзэн Есүс Христийн хүн төрөлхтний төлөөх гайхалтай золиослол

Жинхэнэ нигүүлсэл ба ёс суртахууны хэм хэмжээ бол жинхэнэ шийдэл

Дэлгэрэнгүй үзээрэй
Жагсаалтыг тоглуулах
Шэйр
Шэйр хийх
Шигтгэсэн видео
Эхлэх
Татаж авах
Гар утас
Гар утас
iPhone
Андройд
Гар утсаар үзэх
GO
GO
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд