Хайх
Одоо үргэлжлүүлэн
 

Нэвтрүүлэг

Украин (Урейн)-ы аминч бус ард түмэнд илгээсэн Төгс Гэгээрсэн Их Багш Чин Хайн (Веган) чин сэтгэлийн захиас

2022-04-04
Дэлгэрэнгүй
Татаж авах Docx
Дэлгэрэнгүй уншаарай

Украин дахь Бурханы хайрт хүүхдүүд ээ, Би та нарын зурвасуудыг эхнээс нь дуустал бүгдийг нь уншиж байхдаа уйлсан, мөн одоо ч уйлсаар л байна.

Host: 2022 оны 3-р сарын 31-нд бидний Хайрт Төгс Гэгээрсэн Их Багш Чин Хай Суприм Мастер Телевизийн сошиал сүлжээнд Украины ард иргэдийн, тэр дундаа хөрш зэргэлдээ орнууд руу дүрвэгсдийн бичсэнийг заримаас нь уншсан юм. Их Багшийн Украин дахь дайнаас болж зовнисон сэтгэлээ хуваалцсан Шуурхай мэдээний сэтгэгдэл хэсэгт тэдний бичсэнийг уншаад Их Багшийн сэтгэл ихэд хөдөлсөн билээ.

Эдгээр чин сэтгэлийн сэтгэгдлүүдийг уншаад Төгс Гэгээрсэн Их Багш Чин Хайн сэтгэл ихэд хөдөлж, нулимс дуслуулан Украины ард түмэнд дараах хайр дүүрэн үгсийг айлдлаа.

Эрхэм нандин украинчууд аа, Та нарын илгээсэн бүх зурвасыг би англи хэл рүү хөрвүүлснээр нь уншлаа. Хоорондоо адил төстэй их олон захидал байсан. Бид эд бүгдийг Суприм Мастер Телевизээр цацаж болох эсэх зөвшөөрлийг та нараас хүсэж байна. Ингээд би та бүхэнд үгээ шууд хүргэхээр боллоо.

Украин дахь Бурханы хайрт хүүхдүүд ээ, Би та нарын зурвасуудыг эхнээс нь дуустал бүгдийг нь уншиж байхдаа уйлсан, мөн одоо ч уйлсаар л байна. Мөн украинчуудад хэрэгтэй бүхий л хамгааллыг хайрлаач хэмээн Бурхан ба Диваажингаас би өвдөг сөгдөн, цурхиран гуйсан. Бүх украинчууд нүгэлтэн биш бөгөөд ихэнх нь хохирогчид. Энэ бол шударга биш хэрэг. Даанч энэ биет гараг дээр дэлхийн хамаг төрөлтөн бүх нүгэл хилэнц, зовлон зүдгүүрээ хуваалцдаг жамтай юм даа.

Танай орон ингэж уналтад орсон нь харамсалтай. Би маш их харамсаж байна. Энэ бүх зовж буй хүүхдүүд, эмэгтэйчүүд, настнууд, эрчүүд, төр засгийнхан болон Украин орноо хамгаалагчдын төлөө би үнэхээр их харамсаж байна.

Аль чадахаараа туслахыг хичээн би асар хичээнгүй залбиран, Диваажинтай маш шаргуу ажиллаж байгаа. Даанч Диваажин болон бидний цагийн эргэлт өөр юм. Манай Дэлхий дээр хугацаа ордог. Энд Диваажин дахиас илүү урт удаан хугацаа шаардагддаг.

Залбираад тэвчээртэй байгаарай гэж гуйж байна. Веган байж амьтан-хүн найзуудынхаа, зэрэгцэн оршигч амьтан-хүмүүсийнхээ зовлонг багасгаж, дэлхий дахины бүхий л оршин суугчдын төлөө гарагийнхаа үйлийн үрийг багасгаарай. Чин сэтгэлээсээ залбирч, манай гарагийг адислан ивээж, бидний нүглээс болж зовлон үүрсэн Их Эзэн Есүс, Бурхан Будда болон бусад бүхий л агуу Их Багш нарын сургаалыг чадах чинээгээрээ дагаж мөрдөж байхыг хичээгээрэй.

Би та нарын төлөө залбирч байна. Мөн зүрх сэтгэл минь хамт шүү. Та нар харахгүй байгаа ч гэсэн Диваажингууд та нарт тусалж байгаа. Та бүхэн харахгүй байгаа ч сахиусан тэнгэрүүд хүмүүсийг чадахаараа хамгаалж байгаа.

Танай ард түмэн Бурханд залбирахаас гадна Арван Хуулийн дагуу буюу ямар ч амьтан идэхгүй, тэднээр хийсэн бүтээгдэхүүнийг аль болох хэрэглэхгүй байх хэрэгтэй. Яагаад гэвэл тэд ч бас Бурханы бүтээл шүү дээ. Мөн гэм зэмгүй эдгээр сул дорой төрөлтнийг алж хөнөөсөн үйлийн үрийн төлөөсийг бид шууд болон шууд бусаар хуваалцах л болдог. Тийм болохоор л бидэнд дайн, өлсгөлөн, элдэв гамшиг, тэр бүү хэл цар тахал хүртэл нүүрлээд байгаа юм.

Би та нарыг зовж шаналж байхад тань сургаал айлдах гээгүй юм шүү. Та нарт ердөө сануулж, ямар нэг байдлаар туслах л гэсэн юм.

Украины дайны тухайд зарим эерэг тал байгаа бөгөөд Украинд туслахын төлөө дэлхий даяараа нэгдэж байгааг бид харж байна. Маш олон арга замаар тэд хөрш Украин орондоо туслахыг аль байдгаараа хичээж байна. Тэдэнд болон Бурханд дэлхий нийтээрээ агуу бөгөөд зөв шалтгаанаар нэгдэж байгаад нь талархаарай. Мөн Украин дахь дайн дэлхий дахинд Украины эрхэм ариун, аминч бус иргэдийн тухай таниулах боломж өглөө. Би украин хүн байсан бол өөрсдийн нэгдмэл мөн чанар болон ард түмэн, эх орныхоо төлөө амь бие хайргүй золиосолж байгаагаар асар их бахархах байсан. Диваажин бүхнийг харж байгаа. Үр дүнг нь харахгүй байгаа ч гэсэн та бүхэн Диваажинд шагнагдах болно. Украинчууд шиг ийм эрхэм ариун ард түмнийг мэддэг болсондоо би үнэхээр баяртай байгаа.

Бүх зүрх сэтгэлээрээ, бүх хайраараа, Бурханы Өршөөл, Ивээл дор би та бүхэнд хамгийн сайн сайхныг хүсэж байна. Дайны бусниулж орхисон сайхан амьдралаа танай ард түмэн үргэлжлүүлэх тэрхүү энх тайвныг удахгүй олж аваасай хэмээн Бурхан хүсэж байгаа. Бурханд залбиръя. Бурханыг алдаршуулъя. Украин улс өнөд оршиг. Амен.

Host: Бид Украины зоригт ард түмний энэхүү зовлон үтэр түргэн төгсгөл болоосой хэмээн, энэ гайхамшигт оронд энх тайван хурдан эргэн ирээсэй хэмээн залбирч байна. Хайрт Их Багшдаа Украины ард түмэнд тусламж асар их хэрэгтэй энэ үед нь хязгааргүй Нигүүлсэл, Тусламжаа хайрлаж байгаад нь бид үлэмж ихээр талархаж байна. Энэ утгагүй дайралтын үед гэм зэмгүй ард иргэд Диваажингийн мөнхийн хамгаалал дор аюулгүй байгаасай гэж залбиръя. Бурханы мөнхийн Өршөөл дор Эх Дэлхийн бүхий л үнэт амины төлөө бид бүхэн веган амьдралын хэв маягийг сонгон улам нэгдмэл, энх тайван дэлхийг цогцлооход хувь нэмрээ оруулах болтугай.

Мөн танд лавлах шаардлага гарвал Багш шавийн шүтэлцээ нэвтрүүлгээр өмнөх конференцүүдийг үзнэ үү:

Яаралтай мэдээ:

Энх тайвныг сахин бусдын амь насыг нандигна

Энх тайвныг сахигчид л Диваажинд хүрч чадна

Украинд тусалж буй талаар урамтай сайхан мэдээ

Хүчирхэг улсууд Украинд өгсөн амлалтдаа хүрээгүй

Багш шавийн шүтэлцээ:

Дэлхийн бүх улсын төр засаг Украины талд зогсох ёстой

Хүчирхэг орнууд зоригтой байж Украинд туслах ёстой.

Сайн ба муугийн хооронд болж буй дайнд Диваажин Украинд тусалж байна

Төгс Гэгээрсэн Их Багш Чин Хайн Украины тулгамдсан нөхцөл байдлын талаарх санаа бодол

Дэлхий дахин Украиныг дайнд ганцааранг нь үлдээлээ

Дэлгэрэнгүй үзээрэй
Хамгийн сүүлийн бичлэгүүд
31:27
2022-11-27
50 Үзсэн
Шэйр
Шэйр хийх
Шигтгэсэн видео
Эхлэх
Татаж авах
Гар утас
Гар утас
iPhone
Андройд
Гар утсаар үзэх
GO
GO
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд