Хайх
Одоо үргэлжлүүлэн

Онцлох мэдээ / Шуурхай мэдээ

Хүн чанар, сайн сайханд итгэх нь бие биедээ тусалж буй хэрэг юм.

2022-04-25
Дэлгэрэнгүй
Татаж авах Docx
Дэлгэрэнгүй уншаарай

Хөтлөгч: 2022 оны 4-р сарын 23-ны бямба гарагт бидний Хамгаас Халамжит Төгс Гэгээрсэн Их Багш Чин Хай даяан бясалгалынхаа үнэт цагаас хугаслан Суприм Мастер Телевизийн ажлын багийнхны биеийг асууж утсаар холбогдохдоо Аулак (Вьетнам)-ын урам зориг хайрлах алдартай бодит түүхээс хуваалцсан юм. Конференцийн үеэр ажлын багийнхан мөн сүүлийн үед дэлхий дахины санаа зовниж буй үйл явдлын талаарх сайн мэдээг хуваалцлаа.

(Багш аа, Украин одоогоор Оросын армиас 934 сууринаа чөлөөлөөд байна. Эдгээр газруудад хэвийн амьдрал аажмаар сэргэж байна хэмээн ерөнхийлөгч Володимир Зеленский 4-р сарын 20-нд мэдэгдлээ. Ард түмэндээ хандсан дүрс бичлэг дээр ерөнхийлөгч Зеленский, “934 сууриныг хэдийнээ чөлөөлөөд байна. 435 сууринд цагдаагийн байгууллага ажлаа сэргээв” гэлээ. “431 сууринд орон нутгийн удирдлага эргэн ажиллаж эхэллээ. Хүмүүнлэгийн байгууллагууд 361 сууринд ажиллаж эхэлсэн” гэв.) Сайхан хэрэг. (Мөн “Украины засгийн газар ард иргэддээ эмнэлэг болон боловсролын үйлчилгээ, нийгмийн хамгааллын байгууллагуудаас үйлчилгээ авах боломжийг аажмаар олгож эхэлж байна” гэлээ.)

Бурханд талархъя. Бурханд талархъя. Улам сайжрах хэрэгтэй. (Тийм.) Яагаад гэвэл энэ бүх ямар ч утга учиргүй зовлон шаналал, эвдрэл сүйрлийг тэд үзэх ёсгүй байсан юм. (Тийм ээ, Багш аа.) Хүмүүсийг хөнөөж, дайтаж, аллага үйлдэж, хорон санаа зорилгод үйлчлэхээс өөр юмгүй. (Тийм. Яг үнэн.) Хэнд ч хэрэггүй.

Оросын ерөнхийлөгч үүнийг ч түүнийг ч чөлөөлөхийг эрмэлзэж байна гэчихээд хүмүүсийг хөнөөж үй олноор нь булшлан зовоож яаж чадаж байна аа? Олон зуугаар нь, мянга мянгаар нь булшилсан. (Тийм.) Бас хүмүүсийг зарим хоргодох газруудад идэж уух ч юмгүй байдалд оруулан зовоож байна. Тэдэнд гарах боломж өгөөгүй. Хэн нэгэн гарч ирэх л юм бол бөмбөгддөг.

Мөн тэдэнд хүмүүнлэгийн коридор гаргаж өглөө гэж хуурсан. Тэгээд гарч ирэнгүүт нь бас бөмбөгдчихсөн. (Тэгсэн.) Эсвэл замыг тэр чигт нь минажуулсан байсан. (Тийм.) Нэг жаахан нохой түүгээр хичээнгүйлэн хайсаар, багадаа 90 тэсрэх бөмбөг илрүүлж. (Хөөх.) Газарт нуусныг. (Хөөх.)

“ABC News-ийн мэдээ – 2022.4.21 Девид Муир (m): Баатарлаг нохой Украинд үүрэг гүйцэтгэж байна.

Сурвалжлагч2 (m): Өнөө шөнө Украинд Жэк Рассел хэмээх хоёр настай патрон украинчуудад тэсрэх бөмбөг аюулгүй болгоход тусалж байна. Тэрээр хамгаалах хантааз өмсөн ажлаа эхэллээ. Тэсрэх бөмбөг устгагч ажилтан мөн адил хантааз өмсжээ. Хаалга онгойлгоход Жэк Рассел явж орлоо. Тэд Чернихив хотыг тэсрэх бөмбөгөөс цэвэрлэж оросуудын үлдээсэн аюултай үлдэгдлийг хайн тус газраар шиншлэн шороо ухаж яваа нь энэ. Энэ шөнө Жэк Рассел багийнханд тэсрэх бөмбөг болон сум бүхий талбайгаас ойролцоогоор 90 тэсрэх төхөөрөмж илрүүлэхэд тусалсан байна.”

Гудамжинд шүү дээ, Бурхан минь. Дайн болсон газар бүрд дандаа л бөмбөг булсан байдаг. (Тийм ээ, Багш аа.) Хүмүүсийн мэдэхгүй газарт нуусныг нь. Тэгээд тэр минажуулсан талбайд хүмүүс дэлбэрч зэрэмдэглэгдэх бас нэгэн дайн болно. (Тийм, Багш аа.) Дуусашгүй зовлон шаналал. Энэ бол адгийн чөтгөрийн үйл. Хэн юу гэх нь надад хамаагүй. Өөрсдөд нь муу юм огт хийгээгүй хүмүүсийн эсрэг дайн өдөөх нь үнэхээр адгийн муугаас ч дор гэж би бодож байна. (Тийм, Багш аа.) Энэ тэрийн тухай элдэв дургүй хүрэм үг шалтаг хэлж байна. (Тийм, Багш аа.)

За, тэр яах вэ. Өөр зүйл байна уу? (Бий, Багш аа.)

(Украины жанжин штаб, армийн хүчнийхэн Оросын цэргүүдийн эсрэг довтлон Донецк хотоос 10 шахам км зайд тэднийг ухрааж чадсан гэдгээ мэдэгдсэн. Маринка Украины хяналтад хамгийн сүүлд гуравдугаар сарын дунд үед байсан.) За. Сайн байна. Их сайн.

За. Өөр хүн байна уу? (Тийм ээ, Багш аа.) Хэл хэл. […] (Украины ерөнхийлөгч Володимр Зеленский Европын Холбоонд элсэх талаарх санал асуулгыг даваа гарагт албан ёсоор илгээсэн бөгөөд энэхүү алхам нь түүний улс орныг хэдэн долоо хоногийн дотор нэр дэвшигчийн статустай болгоно гэдэгт итгэлтэй байгаа юм.) Тийм. За. (Тэрээр хэлэхдээ, “Энэхүү үйл явц (нэр дэвшигчийн статустай болох) ойрын долоо хоногуудад болно гэдэгт би гүнээ итгэлтэй байгаа бөгөөд энэ нь манай ард түмний түүхэнд тусгаар тогтнол, ардчиллын замыг сонгосон төлөөсөөрөө олж авсан эерэг зүйл байх болно” гэсэн юм.) Тун сайн. (Тийм ээ.) Онцгой сайн. (Яг үнэн.) Бид түүнийг сонссон. Иймд бид энэ бүхэн аль болох хурдан бүтэх байх л гэж найдаж байна. (Яг тийм. Тийм ээ, бид найдаж байна. Тийм ээ, Багш аа.)

За, өөр зүйл байна уу? (Тийм ээ. 4-р сарын 19-нд Оросын талтай 5 дахь удаагаа олзлогдогсдын солилцоо хийж 76 украин гэртээ харьсан. Тэдний дунд Украины 60 цэргийн албан хаагч, зэвсэгт хүчний 10 офицер байсан ба өмнөх солилцоо 4-р сарын 14-нд болж 22 украин цэрэг, найман жирийн иргэн гэртээ харьсан.)

За. Тийм ч дорвитой зүйл биш юм. (Тийм ээ.) Мэдээнээс үзэхэд Оросын талд хэдэн арван мянган хүн бараг л хорих лагерь маягаар байгаа гэсэн. (Өө. Хөөх.) Тэднийг удахгүй харина гэж найдаж байна. Хоол ундгүй болсноос тэд хаашаа ч юм гарахаас өөр аргагүй болсон. (Тийм, Багш аа.) Мөн Оросын цэрэг, армийнхан ирээд тэднийг мэдээж хэрэг хүчээр гаргасан байгаа. (Тийм, Багш аа.) Үр хүүхэд нь идэж уух юу ч үгүй болсноос тэд гарах хэрэгтэй болсон юм шиг байна. Сүүгүй болсон ч юм уу. (Тийм, Багш аа.) Дулаалах зүйлгүй, юу ч үгүй болсон. Тэд зоорь гэх мэтэд л нуугдсан. Тэгээд заримдаа тэднийг хүчээр гаргасан байгаа.

Одоо мөн адил Орос Мариуполь дахь гангийн үйлдвэрийг бүсэлсэн. Иргэдийг хоол, ундгүй болгон хүчээр гаргахыг л хүсэж байна. Хэдхэн өдрийн дотор тэд юу ч үгүй болох болно. (Тийм, Багш аа.) Тэнд энгийн иргэд болон хамгаалах хүчнийхэн ч нуугдаж байгаа. Тэд угаасаа тэднийг бөмбөгдөхийг хүсэж байсан ч Путин бодлоо өөрчилсөн. (Тийм.) Тэднийг амьдаар нь барихыг хүсэв үү яав. Тэрээр тэндээс ганц ялаа ч гархааргүйгээр бүслэн хаа гэж хэлсэн. (Тийм.)

“Guardian News-ийн мэдээ – 2022.4.21 Орос хэлээр Путин (m): Энэ үйлдвэрлэлийн бүсийг ялаа ч орох газар үлдээлгүй бүсэл.”

"CBS Evening News-ийн мэдээ – 2022.4.22 Нора О’Доннелл (f): Оросуудын бүсэлсэн хотын гангийн үйлдвэр дотор мянга мянган цэргүүд болон энгийн иргэд гарах газаргүй болоод байна. Путин украинчуудыг өлсгөлөнгөөр үхүүлэхийн тулд цэргүүддээ үйлдвэрийг бүслэх тушаал өгчээ. Тэр үед Мариуполь хотын баруун хэсгийг харуулсан хиймэл дагуулын зураг дээр хоёр зуу гаруй олноор нь булшилсан газар дүрслэгджээ. Украины албаныхан тэнд гурваас есөн мянган цогцос бий гэжээ.”

Ээ, Бурхан минь. Чөтгөрийн, хорон санаа. Хүний хувцас нөмөрсөн ямар ч төрөлтөн хүмүүст, хүүхдүүдэд, эмэгтэйчүүдэд, сул дорой настнуудад ийм муухай зүйлийг нүдээ ч цавчилгүй хийж байгаад итгэж чадахгүй нь. (Яг тийм. Тийм, Багш аа.) Яах гэж тэр вэ? Юуны төлөө гэж? (Шалтгаан байхгүй.) Ердөө хорон чөтгөр. (Тийм, Багш аа.) Түүнийг яг одоо өвчтэй байгаа гэсэн яриа гараад байгаа. (Хөөх.) Өвдөөгүй гэвэл харин би гайхна.

Энэ ч яах вэ. Өөр зүйл байна уу? (Байгаа. Польш болон Балтын тэнгис орчмын улсуудын ерөнхийлөгч нар Киевт айлчилсан.) Тийм. Би дуулсан. (Тийм.) Би харсан. (Мөн Ирландын гадаад хэргийн сайд эв санааны нэгдлээ илэрхийлсэн.) Тийм. Олон хүн. (Тийм ээ.) Энэ бас сайн хэрэг.

Мөн НАТО армиа Оросын хилийн ойролцоо байрлуулж байгаа гэсэн. Гэхдээ тэд өөр улсад байрлуулж байхаар яагаад Украин, Оросын хил дээр байрлуулж болоогүй юм бол? (Яг тийм, Багш аа. Тийм.) Тэд эрт ингэсэн бол ийм дайн болохгүй байх байлаа. (Яг үнэн. Тийм, Багш аа.) Оросуудыг оролцуулаад олон мянган хүн амиа алдахад хүрэхгүй байх байлаа. Оросууд амь үрэгдэж байгаа нь ч надад таагүй байна. (За, Багш аа. Яг үнэн.) Би тэднийг хэчнээн цэл залуу, гоё сайхан, хүсэл мөрөөдөлтэй гэж хэлдэг дээ. (Тийм ээ. Хэлдэг.) Тэд тулалдахыг хүсдэг ч ингэж биш. Ийм муухай, жигшмээр, тамаас дор тулааныг хүсээгүй. (Тийм, Багш аа.) Гэмгүй хүмүүсийг ингэж мянга мянгаар нь алж байдаг. Тэгээд асар том булш ухаад тэднийг бөөнд нь шидэлж байна. Хүчиндэж, дарлан тамлаж байгаа тохиолдлуудын талаар бүр ярих ч юм биш.

“CNN-ийн мэдээ – 2022.4.9 Хөтлөгч (m): Энэ бол асар их дижитал нотлох баримттай дайн. Оросын харгислал бүрийг бүртгэж, Кремлид бүртгэгдсэн хууль бус тушаал бүрийг таслан зогсоож илчлэх боломжтой байсан.

Орос цэрэг (m): Цэргийн зориулалттай эсэхийг мэдэхгүй, нэг машин давхиад өнгөрсөн. Шугуйгаас энгийн иргэд шиг хувцастай хоёр хүн гарч ирсэн.

Орос коммандлагч (m): Тэднийг бүгдийг нь тонилго.

Орос цэрэг (m): Гүйцэтгэе. Гэхдээ энэ тосгонд дандаа жирийн иргэд байгаа.

Russian commander (m): Чи яачхаад байгаа юм бэ? Жирийн иргэд байвал бүгдийг нь ал...

Хөтлөгч (m): Энгийн иргэд рүү онилсон нь дайны гэмт хэрэг хэмээн буруутгаж байгааг Орос эрс үгүйсгэж байна. Кремлээс Украины хүчин эвдэн сүйтгэж цус урсгасан гэж буруутгаж байна. Гэтэл орос цэргүүдийн командлагчтайгаа харилцаж буй хэдэн цагийн дуу бичлэгийг Украины аюулгүй албаныхан задруулснаас үзэхэд маш өөр түүхийг өгүүлж байна. Оросын хүчнийхний зориудаар сүйрүүлсэн энгийн иргэдийн амьдардаг газруудын нэг ажээ.

Орос командлагч (m): Хаа сайгүй галла! Суурьшлын бүс рүү шууд галла, ойлгов уу?

Орос цэрэг (m): Гүйцэтгэе. Би яг тэгж байна.

Орос командлагч (m): Хэдийг баруун тийш шид, х*раал ид, хэдэн сум намайг онох шахлаа.

Орос цэрэг (m): Хүлээж авлаа. Би координатыг дамжуулъя.

Орос командлагч (m): Тэдэн рүү галла. Энэ хоёр тосгоныг газартай тэгшлэхийн тулд хүчтэй галла.

Хөтлөгч (m): Жирийн иргэдийг хөнөөсөн нь Оросын хүчнийг буруутгаж буй цорын ганц шалтгаан биш. Улангассан цэргүүд залуу бүсгүйчүүд, тэр бүү хэл хүүхдүүд хүчиндсэн тухай олон мэдээ бий. Нэгэн бичлэгт Оросын танкны дивизийн нэгэн цэрэг айж мэгдсэн эмэгтэйд үзсэн зүйлээ ярьж байсан нь бичигдэн үлджээ.

Орос цэрэг 2 (m): Үнэндээ энд гурван танкчин нэг охиныг хүчиндсэн...

Эмэгтэй: Хэн?

Орос цэрэг 2 (m): Гурван танкчин... охин 16 настай байсан.

Эмэгтэй: Манай танкчид уу?

Орос цэрэг 2 (m): Тийм...

Эмэгтэй: Х*раал ид.

Хөтлөгч (m): Туршлагагүй цэргүүдийн дунд ёс суртахууны уналтад орох явдал гарч байна. Зарим нь бүр 18-хан настай. Хүчирхийлэл дунд таагүй байдалтай болж гэртээ харьж тайван байхын түүс болсон.

Орос цэрэг 3 (m): Бид энд суусаар залхаж байна. Бас бид цохилтод орчихгүй байгаадаа гэж л найдаж байна.

Эмэгтэй 2: Гэхдээ та нар Украин дахь энэ тусгай ажиллагааны дараа хал цэргүүд болно шүү дээ. Путин зарлигт гарын үсэг зурсан...

Орос цэрэг 3 (m): Юун хал цэрэг? Тэд бидэнд бүгдэд нь медаль өгнө гэсэн. Тэгээд медаль бүрийг мөнгө дагалдана гэсэн. Гэхдээ би харимаар байна. Надад тэр медаль нь хэрэггүй.

Хөтлөгч (m): Гэтэл одоо медалийн оронд дайны гэмт хэрэгт сэжиглэгдэж буй хүмүүсийг буруутгах мэдүүлэг нэмэгдсээр байна.”

Аймшигтай. Хэлээрэй. (Бас нэг зүйл бий. Киевийн хүн амын гуравны хоёр нь нийслэл хотдоо эргэн ирсэн байна.)

Тун сайн хэрэг. Тийм ээ. Бас хэсэг хүмүүсийг Мариуполь хотоос гаргаж авсан талаар би сонссон. Тэд аймшигтай зүйлс ярьж байсан. (Тийм.) Аймшигтай зүйлс.

Оросууд украинчуудыг гарах газаргүй болгочхоод тэднийг гаргаж ирэхийн тулд талх билүү, сүүгээр өгөөш болгосон тухай их муухай нэг түүх би сонссон. Нэг айлын залуугийн ярьснаар түүний ээж настай эмэгтэй сүүгээ гэртээ аваачаад онгойлготол дотор нь нэг юм байгааг харжээ. Дараа нь тэд дотор нь бөмбөг байсан тухай хэлсэн. (Ээ, Бурхан минь.) Тэр сүүний хайрцагт мэдээж тийм томгүй л бөмбөг байсан байх. Сүүний бөглөөг хэдийн эргүүлээд нээчихсэн байсныг эмэгтэй харжээ. (За.) Тэр хэн нэгэн үүнээс уучхаж дээ гэж бодож. Тэгээд шалгаад үзтэл дотор нь нэг зүйл байсан нь бөөрөнхий тэсрэх бөмбөг маягийн юм байж. (Хөөх.) Хэрэв тэд үүнийг чанга сэгсрэх юм уу уусан бол хэдэн хэсэг болох байсан биз. (Өө, Бурхан минь.) Тэд өөрсдөө сүү болох байсан байх. (Өө, үгүй ээ!)

Оросууд Украинд ийм маягийн л “тусламж үзүүлж” байна даа. (Хөөх. Ёстой хорон юм.) Ёстой хорон. Тэгээд энэ тухайгаа бүр ТВ-ээр гаргахыг нь яана. Тэд, “Бид тэнд очоод тэдэнд хоол хүнс, хөнжил зэргийг л өгөх гэсэн” гэж хэлсэн. Бүгд хөгийн худал зүйл. Өө, Бурхан минь. Хүн ийм хорон зүйл хийж чадаж байна гэдэгт итгэшгүй нь. Тэд үнэхээр ямар нэг зүйл өгөх нь өгсөн боловч бөөрөнхий тэсрэх бөмбөгтэйг өгсөн. (Хөөх.) Ингээд л тийм олон хүн амь үрэгдээд байгаа байх. (Хөөх. Тийм.) Огт хардаж сэрдэхгүй мөн (Яг үнэн. Тийм, Багш аа.) маш их өлсөж, цангасан улс. Тэд бодож санах ч юмгүй шууд уучихсан даа. (Тийм.) Ингэж л олон хүн үхсэн байна. Тэднийг тэгж их бөмбөгдөх шаардлага ч байсангүй. Өөрсдийгөө дэлбэлээд гэр бүлтэйгээ хамт үхэж байна (Тийм, Багш аа.)

Энэ бол илрүүлсэн нэг л тохиолдол төдий. Өөр олон хүн үгээ ч хэлэх боломжгүйгээр хэдийнээ амь эрсэдсэн байгаа. (Тийм, Багш аа.) Тэгээд тэднийг яагаад үхсэнийг хэн ч олж мэдэхгүй. Гарыг нь ард нь хүлээд толгойд нь буудсан байсан заримынх нь шалтгааныг тэд мэднэ. Энэ бол өөр. Гэтэл хүмүүс тэр мэтчилэн мэдэгдэхгүйгээр амиа алдсаны учрыг хэзээ ч олж мэдэхгүй. (Тийм, Багш аа.)

Хүүхдүүдэд сүү өгөхдөө дотор нь тэсрэх бөмбөг хийсэн байна гээд бод доо. Ямар адгийн юм бэ? (Тийм, Багш аа.) Олон улсын шүүх Путиныг хэрэгт татаж энэ бүхний төлөө хариуцлага хүлээлгэх ёстой байх. (Яг үнэн. Тийм, Багш аа.) Тэгтэл удаан шалгах ч хэрэг байхгүй. Юугаа мөрдөх юм? (Яг үнэн.) Нотлох баримт хаа сайгүй байна. (Тийм ээ, Багш аа.)

“ABC News-ийн мэдээ – 2022.4.23 Сурвалжлагч 1 (m): НҮБ-аас өнөө оройны мэдэгдсэнээр хүний эрхийн ажилтнууд Буча хотноо тавин жирийн иргэнийг хууль бусаар хороосон, олон хүнийг цаазалсныг баримтжуулжээ. Нийтдээ 5,200 энгийн иргэн амиа алдсанаас тэдний 2,400 нь алагдсан нь батлагдсан ч албан ёсны тоо асар ихээр нэмэгдэх болно. НҮБ-ын нэгэн өндөр албан тушаалтан үүнийг энгийн иргэний эсрэг үйлдэгдсэн аймшигт хэргийн түүх гэлээ.

Сурвалжлагч 2 (m): Бид энэ хонгил дахь сэтгэл сэртхийлгэм дүр зургийг өөрсдийн нүдээр харсан. Таван эрийг цаазалсан маягтай байлаа.

Жеймс Лонгман (m): Хүмүүсийг тамласан гэж украинчуудын хэлсэн тэр хонгилд би 1, 2, 3, 4, 5 цогцсыг харж байна. Тэдний гар ардаа байгааг харж байна.”

Амгалан тайван байсан хүмүүсийн газар нутаг руу хүрч ирээд асар олноор нь алж хөнөөсөн нь л хангалттай. Өөр нэмэлт нотолгоо ч хэрэггүй. (Тийм. Яг тийм. Яг үнэн, Багш аа.)

Хэлээрэй. Өөр зүйл байна уу? (Тийм, Багш аа. Их 7-гийн сангийн сайд нар Украинд 24 тэрбум ам. долларын тусламж олгохоор болсон. Энэ дүн 2022 онд болон цаашид зарцуулагдах бөгөөд шаардлага гарвал нэмэхээр төлөвлөөд байгаа гэсэн. “Мэдэгдэлд, эдгээр сайд нар энэ долоо хоногт болсон Их 20, Олон улсын валютын сан болон Дэлхийн банкны уулзалт зэрэг олон улсын форумуудад Орос улс оролцсонд харамсаж байгаагаа илэрхийлсэн юм.”)

Гайхалтай, гайхалтай. (Тийм.) Тэд тэгэх л ёстой. (Яг тийм.) Тэд ингэх ёстой юм. Ямар ч нэмэргүй мөнгө тэнд байгаад яах юм? (Яг үнэн.) Сайн зорилгод туслах ёстой. (Тийм, Багш аа.) Украинаар зогсохгүй дайны хөлд үрэгдсэн тусламж хэрэгтэй өөр газар орнуудад ч бас. (Тийм.)

Олонх нь мартсан байх, гэтэл Оросын цуст савар хаа сайгүй хүрсэн. (Тэгсэн.) Жишээ нь, урьд нь Азербайжанд - (Тийм, Багш аа.) Нагорный-Карабахд бага ястнуудыг хөнөөсөн. Үүний цаана Орос байсан. Орос тэнд “энхийг сахиулах” нэрээр очсон. Мэдээж хэрэг. Өөр яана гэж? (Тийм, Багш аа.) Хүмүүсийг турхирч бие биеэр нь хөнөөлгөчхөөд дараа нь “энхийг сахиулна” гээд очсон. Бас л Орос. (Тийм.)

Оросууд бас Малид байсан. Тэнд хүмүүсийг хөнөөж байж үүнийгээ Франц руу бухсан. Франц руу. (Хөөх.) Саяхан мэдээгээр яг ингэж гарч байсан.

Бас мэдээж бусад олон бүс нутгуудын талаар би хэдийнээ ярьсан даа. (Тэгсэн. Тийм, Багш аа.) Хааш л харна, Оросын цуст гар хаа сайгүй. Цаана нь, эсвэл яг нүүрэнд нь, үгүй бол бүр дунд нь. (Тийм, Багш аа.) Тэгэхээр оросууд үнэндээ Путины удирдлага дор хаа сайгүй үй олноор хүйс тэмтэрч байна. Анх удаагаа болж байгаа ч юм биш.

“MSNBC-ийн ярилцлага – 2022.4.17 Эристави (m): Украинд тохиолдож байгаа зүйл бол үндсэндээ Орос улс зөвхөн манай улсад төдийгүй олон улс оронд олон жил, олон арван жилийн туршид, олон зууны туршид давтагдсаар ирсэн гэдэг нь ойлгомжтой байсан. Үүнээс өмнө олон арван жилийг оросууд хөрш орнуудынхаа эсрэг, Орос дотроо өөрийн үндэстнүүдийнхээ ч эсрэг үйлдсэн харгислалын баримтуудыг устгахад маш их хөрөнгө зарцуулсан. Өнөөдрийг хүртэл тэрхүү түүхийг хулгайлах, арилгахыг оролдох, эсвэл бидний тэр тухай ярих дуу хоолойг үгүй хийх гэж асар их мөнгийг зарцуулсаар байна. Тэгээд би 2000 онд Путины газартай тэгшилсэн Чичений Грозный хотын зургийг Мариуполь, Харьков болон Украины бусад хотуудынхтай адилхан байдлаар тавьсан юм.”

Хэвшил маягийн зүйл. Хаа сайгүй очиж ард иргэдийг нь буулган авч эрхэндээ оруулахын тулд тэднийг шууд айлган сүрдүүлдэг. (Тийм, Багш аа.) Тэгсэн хэрнээ тэднийг хөгшин хөвөөгүй л алж хөнөөж байна. (Тийм.)

“@kylvoperatlv-ийн бичлэг – 2022.2.28 Украин хэлээр Цэрэг (m): Оросууд “хөгжлийн бэрхшээлтэй жолооч” гэсэн тэмдэгтэй машин руу буудсан. Жолооч нь 70 гаруй насны хүн байсан. Дэргэд нь настай эмэгтэй сууж явж. Настай хоёр хүн гэр лүүгээ харьж явсан байна. Тэд зогс дохиогоор зогстол тэдгээр араатнууд тэднийг ойрын зайнаас бууджээ. Тэднийг хар даа, настай хос... Эцсээ хүртэл тэд хамт байжээ. Тэдний амьдрал төгссөн газар тэр.”

Тэр бүү хэл тэдний толгойг авч, хоолойг нь огтолдог. Настай хүн яах ч билээ? Насаараа амьдарсан байшингаасаа хаачих ч билээ дээ? Тийм үү? (Тийм.) Тэд түүнийг яв гэж албадаад явахгүй бол толгойг нь шууд авчих жишээтэй. Тэр яасан гэж? (Яагаа ч үгүй.) Яагаа ч үгүй. Зүгээр л гэртээ байж байсан. Настай хүн. Түүнийг гэх хүн байсан ч үгүй. (Тийм, Багш аа.) Түүнд очих газар ч байгаагүй. Сайн алхаж ч чадахгүй байсан биз. Хаашаа явах байсан гэж? (Яг үнэн. Тийм.) Гэтэл түүний гэрт явж ороод л толгойг нь аваад, бүр элэг доог болгож бичлэг хийсэн байна. (Ээ, Бурхан минь.) Бид түүнээс нь л мэдэж авсан. (Хөөх.) Тэд энэ бүхнээ далд нууц, хаалганы ард ч хийсэнгүй. Бүх хүнийг айлгах гэж бүр дэлхий дахины нүдний өмнө хийсэн байна. (Хөөх.)

Хүмүүс магадгүй тэгээд л Путинээс айдаг биз. (Хөөх.) Гэхдээ мэдэхгүй юм даа. Путин ч гэсэн дэлхий дахинаас айх ёстой шүү дээ. (Тийм. Яг тийм.) Хүмүүс яагаад ийм хулчгар байгааг би ойлгохгүй юм. Одоо жаахан дээрдэж байх шиг байна. Бусдаар бол бүгд л хулчгар байна. (Тийм.)

За, хэлээрэй. Өөр зүйл байна уу? (Дийлэнх олонхын саналаар Украин сонгогдсон Уугуул иргэдийн байнгын форум дахь байр сууриа Орос алдсан. Орос бас НҮБ-ын Төрийн бус байгууллагуудын байнгын хороо болон НҮБ-ын Хүүхдийн сан, НҮБ-ын эмэгтэйчүүдийн байгууллага дахь суудлаа алдсан.)

Маш сайн, онцсайн. Гэхдээ л дэндүү бага, дэндүү хожуу. (Тийм.) НҮБ тийм их зүйл хийгээгүй. (Тийм, Багш аа.) Тэдэнд Аюулгүйн зөвлөл бий. Тэдэнд дэлхий дахины дэмжлэг байсаар атал тэд Украины аюулгүй байдлыг хангахын төлөө юу ч хийгээгүй. (Тийм, Багш аа.) Ямар их арга саам хийнэ вэ! Дандаа нэр төдий зүйл. Тэнд суучхаад л таргалтлаа идээд юу ч хийхгүй юм. Ичмээр. (Тийм, Багш аа.) Би НҮБ-ын тэргүүн юм уу нөлөө бүхий гишүүдийн нэг байсан бол ичих байсан. Маш ичгэвтэр санагдах байлаа. Огцрох байсан. Би юу ч хийж чадаагүй бол огцрох байлаа.

Өөр зүйл байна уу? (Байгаа, Багш аа. Саяхан Солонгосын тэргүүнүүд өөр хоорондоо хувийн захидал илгээж.) Би харсан. Сайн хэрэг.

“WION-ийн мэдээ – 2022.4.22 Сурвалжлагч: КCNA-гийн мэдээлснээр Мүүн Ким рүү лхагва гарагт захидал илгээсэн бөгөөд түүндээ 2018 онд болсон Солонгосын дээд хэмжээний уулзалтаар гарсан хамтарсан тунхаглалд үндэслэн, нөхцөл байдал хүнд байсан ч нэгдлийн төлөө тууштай байна гэж амласан байна. Ким пүрэв гарагт тэдний дээд хэмжээний уулзалт түүхэн үйл явдал байсан бөгөөд ард түмний ирээдүйн итгэл найдвар болсон хэмээн хариу мэдэгдлээ. Мөн баасан гарагт Ким Мүүнд хоёр улсын харилцааг сайжруулахыг хичээж байгаад талархаад, захидал солилцох нь гүн итгэлийн илэрхийлэл юм хэмээн KCNA-гаар мэдээлжээ.”

Маш сайн харилцаатай болж. (Тийм.) Энэ сайн хэрэг. Хоёр улсын хувьд энэ нь том найдвар юм. Тун сайн. Би бас үүнийг хараад их баярласан. Ингээд болсон уу, тийм ээ?

Өөр зүйл байгаа юу? […] (Байгаа, Багш аа.)

(Хэсэг сайн дурынхан Украинд туслах хандивын үйл ажиллагаа явуулах интернэт вэбсайт бүтээжээ. Тэр вэбсайтад хилийн чанад дахь хүмүүнлэгийн агуулахуудыг харуулсан интерактив газрын зургууд бий. Эм, хүүхдэд зориулсан зүйлс, хоол хүнс юм уу, аливаа хүмүүнлэгийн зүйл хандивлахыг хүсэх юм бол хамгийн ойрын зохих агуулахыг олох боломжтой юм.)

Тун сайхан юм. Хүмүүс ийм л байх учиртай, ингэх л учиртай юм шүү дээ. (Тийм ээ, Багш аа.) Бие биеэ хөнөөхийн оронд биесдээ туслах ёстой. Ийм л байх ёстой. (Тийм, Багш аа.) Бурханд итгэдэг л бол, эсвэл ядаж хүн төрөлхтний сайн сайханд итгэдэг л бол ингэх л учиртай. (Тийм ээ, Багш аа.)

Би ойлгохгүй юм. Оросууд Үнэн алдартны Христос шашинтай биз дээ. (Тийм ээ.) Ийм ч, тийм ч патриархтай гэдэг. Гэтэл тэр нь ерөнхийлөгч Путинд бүр дайн хийж болно гэж зөвлөн дэмжиж байдаг. (Хөөх.) Ямар христчин гэхээр ийм байдаг юм бэ? (Тийм, Багш аа.) Христийн шашны дээд зиндааны, Үнэн алдартны номлогч байтугай. Ямар гээчийн Үнэн алдартан бэ? Бүгдээрээ амь хороогч алуурчид. (Тийм, Багш аа.)

Путиныг дэмжиж байна гэдэг нь алуурчдыг дэмжсэнээс өөрцгүй. (Тийм. Яг үнэн, Багш аа. Тэр үнэн.) Ялангуяа Оросын сүмийн тэргүүн байгаад, хүмүүс өөрт нь итгэж, найдаж байхад яаж байгаа нь энэ вэ? Алуурчдыг дэмжиж байгаа хэрэг! Гэмгүй хүмүүсийг алахыг дэмжиж байна. (Тийм. Аймшигтай. Тийм, Багш аа.)

Энэ бүх сүм эзгүйрвэл таарна. Ийм чөтгөрийн номлол, тэнэг мунхаг, хорон зүйл сонсож бузартах гэж хэн ч тийшээ зүглэх хэрэггүй. Бурхан хаа сайгүй оршдог. Гэртээ л байж гэр бүлийнхэнтэйгээ нийлээд, эсвэл хөршүүдтэйгээ хамт Библийг уншаад л Бурханд залбир. Гэр орон чинь ч гэсэн сүм байх учиртай. (Тийм, Багш аа.)

Хэдэн саяын, эсвэл бүр хэдэн зуун саяын үнэтэй том сүмүүд бариад, эсвэл засаад, байнгын зардал гарган байж, иймэрхүү маягаар аллага хийх эсвэл бүр хүүхэд хүчиндэх, нэг бол үй олноор алан хядах дайныг дэмжиж байх албагүй. (Тийм, Багш аа.) Тэгээд бас том том тахиа, гахай, үхрийн махыг аварга бүдүүн болтлоо идэж, элдэв янзын согтууруулах ундаа уун, хорон муу зүйл ярилцаж байх албагүй. (Тийм, Багш аа.)

Бүх хүн иймэрхүү сүмийг орхих ёстой. Номлогч нарыг үнэхээр цэвэр, сайн, эрхэм ариун гэдгийг шалгадаг сүмүүдэд л очоорой. (Тийм. Яг үнэн, Багш аа.) Ядаж л хүмүүс Бурханы үр садыг явж хөнөөхийг дэмждэггүй сүмд. (Яг үнэн.) […]

Тэд гэртээ байж Библи уншаад, (Тийм.) Бурханд чин сэтгэлээсээ итгэж, сайн үйлс хийн, Бурханы бусад үрст тусал. Би байсан бол тэгэх л байсан. […]

Хөтлөгч: Хамгаас Хайрт Их Багш Таныхаа дэлхий дахины бүхий л хүмүүс болон амьтан-хүмүүсийг өрөвч нинжин хайрын зам мөрд нигүүлсэнгүй урам зоригоор чиглүүлж байдагт Тань гүнээ талархдаг билээ. Бүхий л удирдагчид даруйхан муу нөлөөнөөс ангижран хөршүүд хоорондоо сайн сайхан, нигүүлсэл, өршөөлөөр хандан бүхий л дайн зогсож, дэлхийд энх тайван цогцлох болтугай хэмээн бид залбирч байна. Нандин Их Багш минь лагшин тунгалаг, ямагт аюулгүй байж бүхий л Гайхамшигт Сүр Жавхлант Диваажингууд Түүнд тусалсаар байх болтугай.

Аулак (Вьетнам)-ын гайхамшигт үлгэрийг Төгс Гэгээрсэн Их Багш Чин Хайн айлдсанаар сонсохыг хүсвэл, мөн Түүний Суприм Мастер Телевизийн ажлын багийнхантай сонирхолтой яриа өрнүүлснийг сонсохыг хүсвэл Багш шавийн шүтэлцээгээр хожмын өдөр энэхүү конференцийг бүрэн эхээр хүлээн авч үзээрэй.

Мөн танд лавлах шаардлага гарвал Шуурхай мэдээ/ Багш шавийн шүтэлцээ зэрэг өмнөх конференц нэвтрүүлгүүдийг үзнэ үү:

Шуурхай мэдээ:

Энх тайвныг сахин бусдын амь насыг нандигна

Зөвхөн Энхтайвныг сахиулагчид л Диваажинд хүрч чадна

Украины ард түмний нэгдмэл мөн чанар Дэлхийн өмнө гэрэлтэж байна

Украины эрхэм хүсэл зориг Оросын хүчнээс илүү хүчирхэг

Путин Украинд даруй гал зогсоох тушаал өгөх ёстой

Багш шавийн шүтэлцээ:

Дэлхийн бүх улсын төр засаг Украины талд зогсох ёстой

Хүчирхэг орнууд зоригтой байж Украинд туслах ёстой.

Сайн ба муугийн хооронд болж буй дайнд Диваажин Украинд тусалж байна

Төгс Гэгээрсэн Их Багш Чин Хайн Украины тулгамдсан нөхцөл байдлын талаарх санаа бодол

Дэлхий дахин Украиныг дайнд ганцааранг нь үлдээлээ

Украинд тусалж буй талаар урамтай сайхан мэдээ

Хүчирхэг улсууд Украйнд өгсөн амлалтдаа хүрээгүй

Дэлгэрэнгүй үзээрэй
Жагсаалтыг тоглуулах
Шэйр
Шэйр хийх
Шигтгэсэн видео
Эхлэх
Татаж авах
Гар утас
Гар утас
iPhone
Андройд
Гар утсаар үзэх
GO
GO
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд