Хайх
Одоо үргэлжлүүлэн
 

Онцлох мэдээ / Шуурхай мэдээ

Supreme Master Ching Hai’s Message for Taiwan (Formosa), Aug. 8, 2022

2022-08-09
Дэлгэрэнгүй
Татаж авах Docx
Дэлгэрэнгүй уншаарай

Би та бүхэнд тайваньчууд (формосачууд)-ыг хүндэтгэн үнэлж байгаагаа л илэрхийлэхийг хүссэн юм. Яагаад гэвэл өөр хэн ч тэгэхгүй юм. Дэлхий та бүхэнд маш их өртэй бөгөөд талархах ёстой ч хэн ч үүнийг илэрхийлдэггүй учраас би тодорхой, чин сэтгэлээсээ хэлэхийг хүссэн юм. Талархлаа илэрхийлж байна. Дэлхийн хүмүүс үүнийг зүрх сэтгэлээсээ ойлгож бас талархана гэж би найдаж байна. Мөн битгий айж эмээгээрэй, хайрт тайваньчууд (формосачууд) аа. Цаашид ч хүчтэй амьдраарай. Бид бие махбодоо алдлаа ч, ямар ч өмч хөрөнгөө алдсан гэсэн сүнс хэзээ ч алдагдахгүй. Ялангуяа танай орны тохиолдолд. Танай үндэстний мөн чанар хэзээ ч алдагдахгүй. Мөн хэн ч та нарыг мартахгүй.

Хөтлөгч: 2022 оны 8-р сарын 8-ны даваа гарагт бидний Хамгаас Хайрт Төгс Гэгээрсэн Их Багш Чин Хай дэлхийн төлөө дияан бясалгалаасаа цаг гарган Суприм Мастер Телевизийн ажлын багийнхантай утсаар холбогдон тайваньчууд (формосачууд)-ыг магтан, тэдэнд талархсан айлдвар хэлж, тэдний дэлхийд оруулсан үнэ цэнтэй олон хувь нэмрийн жагсаалтыг дурдлаа.

(Сайн байна уу, Багш аа? Сайн уу, Багш аа?) Сайн уу, сайн уу? (Багш аа, та хэр байна даа?) Амьд шуу л байна. Ийм янзтай л байна даа. (Өө. Яамай даа, Багш аа.) Та нарт хэлэхэд ийм байна. (За, Багш аа.) Өөр зүйл би хэлмээргүй байна. (За, Багш аа.) Бас надад зөвшөөрсөн ч үгүй, би бас хэлмээргүй байна. (Ойлголоо, Багш аа.) Өглөө эрт нийтийн бясалгал хийгээд сайхан амарч байхад нь үймүүлж байгаад уучлаарай. (Өө, зүгээрээ, Багш аа. Бид Тантай ярихдаа баяртай байна.) Өө, хөөх. Надтай ярихдаа баяртай байдаг гэв үү дээ. Нээрээ юү? Тийм үү, айн? (Тийм ээ, Багш аа.) Итгэхийг бодно оо. Дэлхий даяар хаа сайгүй болж байгаа энэ олон стресстэй зүйлсийн дараа баяр хөөртэй байна. (Тийм ээ.) Та нарын нэг л танил дуу хоолойг сонсох сайхан байна.

Ямартай ч би тайваньчууд (формосачууд)-д талархал магтаал өргөн дэвшүүлмээр байна. Та нарт эхлээд хэлэхэд хүмүүс дургүйцэхгүй биз дээ? Үгүй биз дээ? (Огт дургүйцэхгүй. Үгүй, Багш аа.) (Огт үгүй ээ.) Яагаад гэвэл та нарын тархи, оюун бодол яагаад намайг та нарт Тайвань (Формоса)-ийн энхтайвны төлөө залбир гэснийг ойлгох байх гээд хэлэх гэсэн юм. (За, Багш аа.) Мэдээж та нар намайг юу л гэнэ, дандаа хэлснээр хийдэг. Бараг дандаа гэх гэсэн юм. Та нар ардуур маань жаахан хуурч, ажил дээрээ унтаж энэ тэр болдог доо. Та нарыг тэгдэг гэж бодохгүй байна. Би л тэгдэг. Тэгээд л та нарыг бас тэгдэг байх гэж бодлоо. (Бид тэгдэг.) Багшийнхаа шавь нар мөн дөө. Гэхдээ зүгээр дээ. Бид хүмүүний биед оршин байна - бид нар хүсээгүй олон зүйлээ хийдэг шүү дээ. Гэхдээ хэнд ч гэм хоргүй зүйлс хийдэг.

Тайвань (Формоса) улс энэ дэлхийн хувьд эрхэм нандин юм шүү гэдгийг би хэлэх гэсэн юм. (За, Багш аа.) Энхтайвнаар орших гавьяатай. Тийм ч учраас би Тайвань (Формоса) улсыг сайшааж, талархмаар байна. (Тийм. Тийм, Багш аа.) Та нарт учрыг нь бага сага тайлбарлаж өгвөл та нар дургүйцэхгүй биз дээ? (Дургүйцэхгүй ээ. Үгүй, Багш аа. Гуйя. Уншина уу.)

Тухайлбал та нарын хэрэглэж байгаа ухаалаг утас, компьютер, тэр бүү хэл машины чинь тоормосны мэдрэгч гэх зэрэгт хэрэглэдэг дэвшилтэт компьютерын чипийг Тайвань (Формоса)-д үйлдвэрлэдэг. (Хөөх.) Эдгээр эд анги нь өндөр-хурдны тооцоолуурт аж үйлдвэрт хэрэгтэй бөгөөд, гэр орон, ажил, машин гээд бүгдэд нь ордог. Бүгдийг нь уншиж чадахгүй. Заримыг нь интернэтээс харсан, заримыг нь би угаасаа мэддэг юм. Харин та нар энэ жагсаалтыг гүйцээгээд дараа Суприм Мастер Телевизээр гаргаарай. (За. Багш аа.) Тэгэхээр би Тайвань (Формоса)-ийн талаар товчхон танилцуулаад богинохон жагсаал л унших болно. Тэгээд би тэдний үгийг дамжуулъя.

Үгсийг нь бүгдийг эмхлээгүй байж мэднэ. Яагаад гэвэл надад төгс сайхан илтгэл бичихэд туслах хүн юм уу, уруулаа будаж хөөрхөн болж сууж байгаад унших телепромптер алга. Гэхдээ тайваньчууд (формоса)- чуудад өргөх талархал минь чин үнэн, сайшаал минь чин үнэн юм шүү. (Тийм ээ, Багш аа.) Сансар огторгуйгаас эхлээд, электроник хүртэл олон зүйл бий. (Тийм, Багш аа.) Учир нь TSMC хэмээх компанийн хагас дамжуулагч дэлхий дахины бүхий л салбарт хэрэглэгддэг ба түүнээс маш их хамааралтай байдаг. Тэд мөн маш олон, хамгийн дэвшилтэт хагас дамжуулагч хийдэг. Тайвань (Формоса) энэ үйлдвэрлэлийн 92%-ийг эзэлдэг гэж интернэт дээр бичсэн байсан. Итгэж байна уу? (Хөөх. Тийм, Багш аа.) Бостон Консалтин ингэж мэдээлсэн байсан. (Хөөх.)

“DW News-ийн мэдээ – 2022.8.3 Сурвалжлагч (m): Тайвань дахь тогтвортой байдал дэлхийн хангамжийн сүлжээнд чухал. Тайвань улс дэлхийн компьютерийн чип үйлдвэрлэлийн 20%-ийг эзэлдэг. Тэргүүлдэг гэсэн үг. Хятад, АНУ, Европ зэрэг орнууд нэлээд ард хоцорчээ. 10 нанометрээс доош хэмжээтэй хамгийн төвөгтэй хүчирхэг чипүүдэд анхаарлаа хандуулбал юу болохыг хараарай. Тайвань бол хамгийн их ноёрхож байгаа бөгөөд ийм нарийн төвөгтэй чип үйлдвэрлэдэг, хол хоцорч яваа ч гэсэн өөр цорын ганц улс бол Өмнөд Солонгос юм. Эдгээр чипийг үйлдвэрлэх нь маш нарийн төвөгтэй учраас үйлдвэрлэлийн үйл явцыг бусад улс оронд хуулбарлахад маш хэцүү байдаг.”

Өдөр тутамдаа бид Тайванийн олон зүйлээс хамааралтай байдаг - харилцаа холбоо, дижитал хэрэгслүүд, тээврийн хэрэгслийн чипнүүд, компьютер гэх зэрэг маш олон зүйлсийг дурдаж болно. (Тийм ээ, Багш аа. Хөөх)

“CNBC-ийн мэдээ – 2021.10.17 Сурвалжлагч (f): Чип бүх зүйлд байдаг бөгөөд өнгөрсөн жил цар тахал гараад хэдхэн сарын дараа хомсдол үүссэн. Тийм ч учраас машинаас эхлээд PS5 хүртэл бүх зүйлийг худалдаж авахад хэцүү байв. Нэг компани дэлхийн бүх чипний 24%, хамгийн дэвшилтэт чипнүүдийн 90 гаруй хувийг үйлдвэрлэдэг нь өнөөгийн iPhone, супер компьютер, автомашины хиймэл оюун ухаанд хэрэглэдэг хамгийн жижиг, хамгийн хурдан чипнүүд юм.

Рик (m): Бидэнд Ангараг гарагийн зургийг авсан, Ангараг гарагт газардсан хамгийн сүүлийн нислэгийн бүтээгдэхүүн ч бий.

Сурвалжлагч (f): Тайвань хагас дамжуулагч үйлдвэрлэлийн компани буюу TSMC танил биш ч гэсэн шинэ iPhone, АНУ-ын сөнөөгч онгоц, хамгийн дээд хурдтай процессор зэрэгт чипийг нь ашигладаг байна.”

Энэ жагсаалт урт үргэлжилнэ. Ах, эгч нараас чинь жагсаалтыг гүйцээж Суприм Мастер Телевизээр цацахыг гуйя. Тэгвэл дэлхий даяараа Тайвань (Формоса)-ийг энэ дэлхийд хувь нэмэр оруулж байгааг мэдэж талархах болно. (Тийм, Багш аа. Яг үнэн.)

Тайвань (Формоса)-ийн Дэлхийн экспортын зах зээлд оруулж байгаа чухал хувь нэмрүүд

Хагас дамжуулагч, өндөр үзүүлэлтэй компьютерын чип бол дэлхийн эдийн засгийг хөдөлгөгч гол хүч, түүгээр цэнэглэдэг зөөврийн компьютер, өндөр хурдтай компьютер, гар утас, харилцаа холбооны тоног төхөөрөмжүүд, ТВ болон бусад өрхийн хэрэглээний цахилгаан төхөөрөмж, машинуудыг ажиллуулж байна.

+Өндөр технологийн хагас дамжуулагчийн нийлүүлэлтийн 92%-ийг Тайвань (Формоса) үйлдвэрлэж байна.

+Тайвань (Формоса)-ийн Тайванийн хагас дамжуулагчийн үйлдвэрлэлийн компани буюу TSMC дэлхийн хагас дамжуулагчийн 50 орчим хувийг үйлдвэрлэж байна, энэ салбарт дэлхийн хамгийн том үйлдвэрлэгч болсон байна.

+ TSMC нь iPhones болон Mac компьютерын Apple силикон процессорын цорын ганц ханган нийлүүлэгч, АМД, Броадком, Куалкомм зэрэг АНУ-ын топ компаниудын чипнүүдийн гол бэлтгэн нийлүүлэгч.

+2022 оны 8-р сарын 4-ний Германы мэдээний сүлжээ DW.com тэмдэглэхдээ, “Сансарын технологиос эхлээд гэр ахуйн цахилгаан хэрэгсэл хүртэл дэлхийн бүхий л салбарт TSMC хагас дамжуулагч хэрэглэгдэж байна.”

+АНУ-ын засгийн газрын тайланд “АНУ нэг компаниас бүрэн хамааралтай- хамгийн сүүлийн үеийн чип үйлдвэрлэлийн TSMC компаниас хамааралтай” гэжээ.

+Тайвань (Формоса)-ийн гэрээт хагас дамжуулагч үйлдвэрлэгч 20 компани 2021 оны дэлхийн хэмжээний энэ салбарын орлогын 60%-аас илүүг олж байна.

+Зах зээлийн 20%-ийг эзэлдэг Тайвань (Формоса)-ийн интегрэйтед чип (IC)-ийн сав баглаа боодол, туршилт нь дэлхийд нэгдүгээрт ордог ба IC загвараар дэлхийд хоёрдугаар байранд орж энэ зах зээлийн 27%-ийг эзэлдэг.

Электроникс

+Тайвань (Формоса)-д байрладаг Фоксконн дэлхийн хамгийн том гэрээт электрон бараа үйлдвэрлэгч бөгөөд Apple-ийн iPhone ухаалаг утас үйлдвэрлэдэг ба Sony, Dell, and Blackberry зэрэг томоохон үйлдвэрлэгчдийн гол түнш юм.

+ Флат болон тоуч дэлгэцүүд, жижиг оврын компьютер, USB флаш, мэдээлэл хураагч драйвер, роутерууд Тайвань (Формоса)-д хийгдэж, дэлхий даяар хэрэглэдэг ба Acer, ASUS, D-Link and Gigabyte гээд дэлхийд нэртэй брэндүүдийг дурдаж болно.

Тоног төхөөрөмж

+Энэ улс тоног төхөөрөмжийн дэлхийн тав дахь томоохон экспортлогч ба үүнд төмөр таслагч, төмөр боловсруулах машин механизмууд болон тоног төхөөрөмжийн эд анги, багаж хэрэгсэл зэрэг зүйлс багтана.

+Тайвань (Формоса)-д төв нь байрладаг хамгийн том тоног төхөөрөмж үйлдвэрлэдэг Файр Фриенд Групп дэлхийн бүхий л улс орнуудад цахилгаан багаж хэрэгсэл, сэрээт өргөгч, хийн шахуургын төхөөрөмж, токарийн машин, хөндлөн тээрэмдэж, өрөмддөг машин, тусгай зориулалтын төхөөрөмж үйлдвэрлэж нийлүүлдэг.

Эмнэлгийн багаж хэрэгсэл

+АНУ-ын олон улсын худалдааны байгууллагын мэдээлснээр “Тайвань хөгжлийн бэрхшээлтэй хүний сандал, анхан шатны тусламжийн багаж, нөхөн сэргээдэг бүтээгдэхүүнүүд, шархны боолт болон бусад багаж хэрэгсэл, анхан шатны эмнэлэг, мэс заслын төхөөрөмж нийлүүлдэг хамгийн том үйлдвэрлэгчийн нэг.”

Хуванцар, хаймар тоног төхөөрөмж

+ Энэ улс хуванцар болон хаймрын машин үйлдвэрлэл экспортоор дэлхийд дөрөвдүгээр байр эзэлдэг ба хуванцар хэв гаргагч, термо хэв үйлдвэрлэгч, үлээж-хэв гаргагч машин зэрэг бүтээгдэхүүнүүдийг нийлүүлдэг байна.

+ Формоса Хуванцар Групп 100 гаруй дотоодод болон олон улсын бизнесүүдийг нэгтгэсэн хамгийн том хуванцрын үйлдвэр юм. Энэ компани нефтийн химийн бүтээгдэхүүн, эрүүл мэндийн хуванцар бүтээгдэхүүн, био технологи зэрэг олон салбартай хамтардаг.

Төмөр, Ган Бүтээгдэхүүнүүд

+ Сайжруулсан түлш бол үндэсний гол экспортын нэр төрлийн бүтээгдэхүүн ба өөр 4 том экспортын бүтээгдэхүүнд халуунаар ороосон төмөр, том хавтгай-ороосон ган, бүрхэцтэй хавтгай-ороосон төмөр зэрэг олон төрлийн 8 тэрбум долларын үнэ бүхий төмөр бүтээгдэхүүн экспортоор гаргадаг.

Унадаг дугуй

+ 50 гаруй улс оронд унадаг дугуй экспортолдог Тайвань (Формоса)-ийн Giant компани дэлхий хамгийн том дугуйн үйлдвэр юм. Тайвань (Формоса)-д төвтэй бас нэгэн тэргүүлэгч компани Мерида нь багаар бодоход 77 улсад дугуй худалдаалдаг байна.

Гэх мэт...

Үнэхээрийн их шүү. Олон улс орон Тайвань (Формоса)-д үйлдвэрлэсэн өндөр технологийн бүтээгдэхүүнээс хамааралтай байдаг. Дэлхий дахин ч тэр. (Тийм, Багш аа.) Тэгэхээр Тайвань (Формоса) тайван байж ажиллаж хөдөлмөрлөх хэрэгтэй. (Тийм.)

Харин одоо Тайвань (Формоса), Хятад, Америкийн хурцадмал байдлаас болж Хятад улс Тайвань (Формоса)-ийн 100 орчим компаниас экспортыг нь авахыг хориглоод байна.

Хятадын талаас Тайвань (Формоса)-гийн бүтээгдэхүүнүүдэд тавьсан хориг.

2022 онд 8-р сарын 1-нд Хятадын зүгээс Тайвань (Формоса)-аас импортолдог 100 хүнс үйлдвэрлэгчийн 3000 бүтээгдэхүүнийг импортлохыг хориглолоо. Хятад руу импортлохыг хориглосон 35 нэр төрөлд загас, далайн хүнс, хүнсний тос, бэрсүүт жимснүүд, жигнэмэг, бялуу, нялхсын тэжээл, чихэр зэрэг багтана. Цайны навч, хүнсний ногоо, хатаасан жимс, зөгийн бал, кокаоны үр, хуурай жигнэмэг, гоймон болон ойролцоогоор 700 орчим загас агнуурын хөлөг онгоцны бүтээгдэхүүн үйлдвэрлэгчид багтжээ.

“Taiwan Plus-ийн мэдээ – 2022.8.2 Инь (f): Хятад улс Тайванийн 100 гаруй хүнс, хөдөө аж ахуйн компанийн бүтээгдэхүүнийг импортлохыг хориглоод байна. Эдгээр компанийн дотор Тайванийн хамгийн алдартай брэндүүдээс ч хэд хэд нь багтжээ. Бээжин энэ хоригоо даваа гарагийн орой Нэнси Пелосигийн айлчлалын өмнөхөн зарлалаа. Энэ нь хан боргоцой, лав алим, чихэрлэг алим, далайн сагамхай загас зэрэг Тайванийн хүнсний бүтээгдэхүүнд Хятадын зүгээс хамгийн сүүлд тавьсан хориг юм.”

Тайвань гэм зэмгүй юм чинь тэд энэ шийдвэрээ эргэн харна гэж найдаж байна. (Тийм, Багш аа. Яг тийм.) Америк шиг том гүрэн Тайвань (Формоса)-тай найрамдалт харилцаагаа тунхаглах гэж өндөр албан тушаалтнаа Тайвань (Формоса) руу илгээлээ гэхэд Тайвань (Формоса) яах ч билээ дээ? “Үгүй ээ, ирж болохгүй” гэж Тайвань (Формоса) хэлж чадна гэж үү? Тайвань тэгж чадах уу? (Үгүй, Багш аа.) Эелдэг бус хэрэг болно. (Тийм, яг үнэн.)

Бид хэн ч бай энэ л дэлхий дээрээ амьдардаг, тэгээд ч Тайвань (Формоса) бол эрх чөлөөт орон. Мөн тэд Тайваньд уригдаж очихыг хүсвэл Тайвань үүд хаалгаа нээгээд хэнийг ч байсан найрсаг угтана. (Тийм, Багш аа.) Тайваньд өдөр бүр зочлох мянга мянган хятад хүнийг хэн гэдгээс нь үл хамаарч уриалгахнаар оруулдаг. (Тийм, Багш аа.) Тэдний нэг бүртэй өдөр бүр Тайванийн ерөнхийлөгч юм уу засгийн газар ярилцаад байдаг юм биш. Гэтэл Америкаас ганц Пелоси юм уу хэдэн сенатч ирлээ гэхэд Тайвань (Формоса) татгалзаж болохгүй шүү дээ. (Тэр үнэн, Багш аа. Яг тийм, Багш аа.) Хэн ч ингэж болохгүй. (Яг тийм, Багш аа.) Юмсын хэм хэмжээ ингэж алдагдаж байдаг нь хөгийн юм шүү. (Тийм, Багш аа.)

Тэгэхээр одоо би та нарт интернэтээс харсан олон зүйлээ бүгдийг нь хэлэх боломжгүй. Та нар өөрсдөө хараарай. Тайвань бас олон зүйл экспортолдог. Одоохон би тэр хэсэгт хүрээд та нарт уншиж өгнө. Интернэт ашиглахад гаргууд биш байгааг минь уучлаарай. Энэ хэдэн зүйлтэй азаар л тааралдлаа. Тэгээд л хэлж байгаа юм. Харин та нар өөрсдөө нэмж хайж болох юм. (За, Багш аа.) Та нарын Багш интернэт ашиглахдаа ч юм уу, мэдээ хайхдаа мэргэжилтэн биш юм.

Гэхдээ л Хятадын Тайваньд тавьсан нэг хоригийг би зөвшөөрч байна. (Багш хоригийг зөвшөөрөх өө???) Загас болон далайн хүнсэнд нь хориг тавьсныг нь. (Хөөх, тийм шүү. Бид ч санал нэг байна.) Тийм ээ, би ч бас тэр хоригийг зөвшөөрч байна. Тэгвэл Тайвань (Формоса)-ийн үйлийн үр л бага байна. (Яг үнэн.) Тэд өөр ажил хийдэг болж болно. Загасчид болон үүнийг түшиглэх хэн бүхний төлөө би харамсаж байгаа ч гэсэн энэ нь тэр загасчид болон бусад хамааралтай хүмүүст ч сайн. Гэхдээ үүнээс гадна жимс, ногоо гэх зэрэг хүнсний 3000 тайвань бүтээгдэхүүн болон Тайванийн хүнсний зуу гаруй үйлдвэрлэгчдийг Хятад руу экспортлохыг хориглоод байна.

Мэдээж энэ бол АНУ-ын Төлөөлөгчдийн танхимын тэргүүн Пелосиг Тайваньд айлчилсанд өширхөж байгаа нь ойлгомжтой. (Тийм, Багш аа) Гэхдээ бүгд Тайвань (Формоса)-ийн буруу биш. (Яг тийм. Тийм, Багш аа.) Тэр өөрөө л ирье гээд ирсэн. Хэн татгалзах юм бэ? АНУ-ын Төлөөлөгчдийн танхимын тэргүүний айлчлалаас хэн татгалзах юм бэ? Тэр төрийн эрх барих хоёр дахь хүн. (Тийм, Багш аа.) Өөрөөр хэлбэл Байден, Харрис хоёр өнгөрлөө гэхэд, жишээ нь Бурхан хориглолоо гэхэд тэр Америкийн Нэгдсэн Улсын ерөнхийлөгч болох юм. (Тийм ээ, Багш аа. Ойлгож байна.) Тийм хүчирхэг улсад Тайвань (Формоса) “Үгүй ээ, бид таныг ирээсэй гэж хүсэхгүй байна” гэж хэлэх үү? (Үгүй, Багш аа.) Амиа хорлосонтой адил юм болно.

Тэгэхээр хятадууд Тайвань (Формоса)-ийг яагаа ч үгүй байхад нь шийтгэх эсэхээ эргэж бодох л ёстой. (Тийм, Багш аа.) Тэдний хийх ёстой юмны төлөө дуртай ч дургүй ч. (Яг тийм. Тийм, Багш аа. Яг үнэн.)

Одоо Тайвань (Формоса)-ийн төлөө хэлэх үг уншъя. Бүгд үзэг, тэгээд дэлхий даяараа тэдэнд бас талархаг гэсэндээ бид үүнийг Суприм Мастер Телевизээр цацах болно. (За, Багш аа.) Энэ бол улс төр биш. Энэ бол шударга ёс. (Тийм, Багш аа.) Шударгаар талархаж буй хэрэг. Энэ бол миний зүгээс Тайвань (Формоса)-д, тайваньчууд (формосачууд)-д хандан хэлэх үг:

Тайвань (Формоса) улсын дэлхийд зориулсан авьяас чадвараараа оруулсан тэр бүх хувь нэмрийг тань бид сайшааж байна. Миний дээр дурдсан шиг. Бүр олныг дурдаж болно. Мөн тоолж бүртгээгүй олон ч зүйлийг та нар чимээгүйхнээр хийж байдаг. Хятад шиг ийм том хүчний байнгын дарамт сүрдүүлэг дор байсаар байлаа ч та бүхэн шаргуу ажилласаар байгаад нь би талархдаг. Асар том Хятад улс, тэдний дэглэм энэ олон арван жилийн турш дарж байхад дэлхий нийтээр чимээгүй харж суухад Тайвань (Формоса) өөрийгөө энэ бүх цаг хугацаанд болгосоор ирсэн. Одоо Тайвань (Формоса) хүчирхэгжиж, хөгжөөд ирэхээр хүчирхэг улс орнууд гэнэт л дэмжиж байгаагаа илэрхийлэх болж. Энэ нь гэхдээ нэг их нэмэр болохгүй. Ийм төрлийн тусламж тус болохгүй, харин ч хор хүргэх биз. Яагаад гэвэл тэд ийм байдлаар туслах нь тэдэнд бусад улс оронтой болон Хятадтай тогтоосон харилцаанд илүүтэй хохирол учруулж болзошгүй юм. Тэгсэн ч бид та нарт талархаж байна. Та бүхнийг сайшааж байна. Хамгийн хуурай шимгүй хөрсөнд ургадаг мод хамгийн бат бөх байдаг гэдэг. Та бүхний уян хатан чанар үнэхээр гайхалтай бөгөөд бүхэл дэлхийгээс магтаал хүндэтгэл хүртэх гавьяатай. Диваажин цаашид ч хамгаалан, урам зориг хайрлан урамшуулж байг. Мөн тайваньчууд (формосачууд) та бүхний бүхий л үйлс болон энхтайван, аз жаргалын мөрөөдлийн тань төлөө хайрлах болтугай.

Танай ард түмэн бараг л төгс. Энэ хэвээр байгаарай гэж бие биедээ хэлээрэй. Мөн амьдралын буянтай веган хэв маягийг хэвшүүлж, энд ч, Диваажинд ч гэсэн гайхалтай ирээдүй рүү нэг алхам урагшлаарай. Энэ ганц л алхам дутаад байна. Гэхдээ маш олон тооны тайвань (формоса) хүн хэдийнээ веган юм уу, цагаан хоолтон. Үүний тань төлөө бид мөн талархаж байна.

Пелоси болон түүний ойр тойрныхонд энхтайвныг сүйтгэж болзошгүй хэтрүүлсэн эгоных нь төлөө бэлгэдлийн хэлбэрээр хориг тавих эрх Хятадад бий. Тэглээ гээд түүнийг нэг их хохироохгүй л дээ. Тэр хөргөгч дүүрэн зайрмагаа дуртай идээд л бүх давуу эрхээ эдэлж, хоосон том ярьсан хэвээр л байх болно. Тэр бусдыг уландаа гишгэх, нялхсыг, ургийг хороохыг өөгшүүлж дэмжих хөгийн аргатай. Тэр бүү хэл маш хүнд хэцүүгээр олж авсан энхтайвныг устгаж, Тайвань (Формоса), Хятад болон өөр ч олон улсын хүмүүсийн амь насыг аюулд оруулж байна.

Энэ дэлхийд байх ч гавьяагүй хөндий хоосон сүнс. Түүний астрал бие хэдийнээ хүндээр шийтгэгдэж байгаа бөгөөд тэр энэ биет ертөнцийг орхисныхоо дараа тамд удаанаас удаан таагүй, улам хүнд хэцүү цаг хугацааг туулах болно. Хэмжээлшгүй удаанаар!

Ийм сайн сайхан орнууд руу довтлох нь жигтэй хөгийн юм шүү. Шалтгаан нь юу болохыг би мэдэхгүй ч атаархал юм болов уу? Тэдний өмч хөрөнгийг л авах хүсэл шунал юм болов уу? Жишээ нь Украин бол дэлхийд зайлшгүй хэрэгтэй хүнсний нөөц газар. Тэд Украин руу бас л тэгээд дайрсан. Тэд өөртөө дэлхийн хүнсний нөөцийг авах гэсэн байх л даа.

Мөн Тайвань (Формоса) дэлхийн өндөр түвшний, хөгжингүй технологийн нийлүүлэгч бөгөөд бид түүнгүйгээр нь бас орших аргагүй учраас онилсон. Иймд сөрөг хүч эрчээ авч байгаа нь тодорхой байна.

Би та бүхэнд тайваньчууд (формосачууд)-ыг хүндэтгэн үнэлж байгаагаа л илэрхийлэхийг хүссэн юм. Яагаад гэвэл өөр хэн ч тэгэхгүй юм. Дэлхий та бүхэнд маш их өртэй бөгөөд талархах ёстой ч хэн ч үүнийг илэрхийлдэггүй учраас би тодорхой, чин сэтгэлээсээ хэлэхийг хүссэн юм. Талархлаа илэрхийлж байна.

Дэлхийн хүмүүс үүнийг зүрх сэтгэлээсээ ойлгож бас талархана гэж би найдаж байна. Мөн битгий айж эмээгээрэй, хайрт тайваньчууд (формосачууд) аа. Цаашид ч хүчтэй амьдраарай. Бид бие махбодоо алдлаа ч, ямар ч өмч хөрөнгөө алдсан гэсэн сүнс хэзээ ч алдагдахгүй. Ялангуяа танай орны тохиолдолд. Танай үндэстний мөн чанар хэзээ ч алдагдахгүй. Мөн хэн ч та нарыг мартахгүй.

Мөн Диваажины шүүлт ямагт үнэн зөв, шударга байдгийг санаж яваарай. Төгс шударга байдаг. Диваажинд та нар асар их адислалыг хүртэх болно. Та нарын энэ дэлхий дээрх даалгавраа тэвчээртэй, эрхэм даруухнаар гүйцэтгэсний тань төлөө мэдээж хэрэг эндэхээс хамаагүй дээр газар оршино.

Бодол санаа, мэдрэмжээ та нарт илэрхийлэхэд дахиад л нулимс урсах юм. Та нарын тухай бодохоороо би бас л уйлдаг. Дэлхийг улам тав тухтай, хөгжингүй, гайхалтай болгох гэж өдөр тутмын ажилдаа Бурханд итгэх итгэлээр, чимээгүйхэн хүчирхгээр хийж байгааг тань би боддог. Танай арлын орон жижигхэн ч мөн чанар чинь агуу юм. Тэнгэр, Газар та нарын амьдралын хэв маягийг харж, өдөр бүр адисладаг. Бид та нарын талд зогсож, Хятад, Тайвань (Формоса) хоёр орны аль алины нь төлөө залбирч, шаардлага гарвал та бүхний төлөө энхтайван замаар тэмцэх болно.

Та нар бүгдээрээ веган болж өөрсдийгөө төгс төгөлдөр болгож улам их сүр жавхланг үзүүлэн гэрэлтсэн жишээг дэлхийд үлгэрлэнэ гэж найдаж байна. Хэцүү биш. Тайвань (Формоса)-д маш олон гайхалтай, амттай, сайхан веган хүнс үйлдвэрлэдэг. Тэгэхээр хэцүү биш. Энэ тал дээр хурдан анхаарч үзээрэй. Гуйж байна. Та бүхний сайн сайхны төлөө, улс орны тань төлөө, дэлхий дахины ч сайн сайхны төлөө юм шүү. Одоо л цаг нь.

Би маш чухал зүйлийг дурдмаар байна. Хэдэн арван жилийн өмнө та нар Хятадыг тулаанд ялсан ч тайваньчууд (формосачууд) та нар дахин цус урсгахыг огтхон ч оролдоогүй. Та нар тухайн үед зөвхөн эх орон, ард түмнийхээ төлөө улс орноо хамгаалах шаардлагатай байсан ч гэсэн хэнд ч, тэр дундаа Хятад даяар түрэмгийлэл хийхийг эрэлхийлээгүй.

Харин та бүхэн сүүдэр дор, байнгын дарамт дор дэлхийг хөгжүүлэхийн төлөө дуртайяа хүлцэн сүүдэр дор хөдөлмөрлөж чадах бүхнээ хийж байна. Үүнийхээ төлөө та нар Тэнгэр, Газраас, бас надаас ч гэсэн хүндлэл хүлээх гавьяатай. Би төрөлхийн тайвань хүн биш хэдий ч энэ бүхний улмаас сэтгэл зүрхээрээ ойр санагддаг. Та бүхэн даруу чанар, хичээл зүтгэл гаргасаар, Диваажины хүсэлд чимээгүйхэн захирагдсаар энэ дэлхийг дэвшүүлэхэд оруулах өөрийн үүргээ биелүүлэх болтугай.

Та нар хэзээ ч ялалтаараа дулдуйдан илүү их цус урсгах бодолгүй байсан нь Хятадыг өөрсдийн ах, эгчээ гэж үздэгтэй тань холбоотой. Та нар цус нэгт ахан дүүсээ хөнөөхийг хэзээ ч хүсээгүй бөгөөд Диваажин ч үүнийг нь мэднэ. Үүнийх нь төлөө би та нарт томоос том баяр хүргэж, өндрөөс өндрөөр сайшааж байна. Үүнийх нь л төлөө шүү дээ. Дайтсаар байхын оронд та нар дайны дараа хүлцэн тэвчсэн. Та нар хүлцэж, Хятад ахан дүүстэйгээ найрамдах гэж аль байдгаараа зүтгэх болсон. Тэгээд тэдэнтэй бизнес эрхлэн, дипломат харилцаа тогтоон илүү амар амгалан харилцах болсон.

Энэ олон арван жилийн турш та нар тэвчээр, даруу байдлыг дадуулсан бөгөөд үүнийхээ төлөө Диваажингаас маш том шагнал хүртэнэ. Бас би хувьдаа маш их, асар их хайраар шагнах болно. Та нарыг дөлгөөн байсанд нь, өгөөмөр байсанд нь, дэлхийд тустай байсанд нь, хүмүүсийн энгийн зүйл гэж хүлээж авдаг, анзаардаг ч үгүй тэр бүх зүйлийн төлөө би талархмаар байна. Гэхдээ Диваажин бүхнийг мэддэг. Тайваньчууд (формосачууд) үүнийг мэдээсэй, Диваажинд багагүй шагнал хүртэхээ мэдэж аваад баяр жаргалтай болж тайтгараасай гэж хүсэж байна.

Бид мөн Хятад улс ЭНХИЙГ сахиулан мөн адил шагнал хүртээсэй гэж залбирч байна. Мөн энэ бие махбодын, зуурдын амьдралаас Диваажингийн амьдрал яавч илүү чухал. Бурханыг дурсан санаарай гэж гуйя. Будда нарыг дурсан санаарай. Будда нарын, Гэгээнтнүүдийн бидэнд зааж сургасан бүхий л эрхэм ариун арга замыг санаарай. Эдгээрийг дадуулж, өөрийн улс орондоо, өөрийн амьдралдаа байгаа адислал бүхэнд зүрх сэтгэлдээ талархаарай.

Та нар хараа биз дээ. Цус урсган Хятадыг өдөөн хатгаж элдэвлэхийн оронд тэд өөрсдийн хүч чадал, оюун ухаандаа амар тайвнаар төвлөрөн дэлхийн төлөө хамгийн шилдэг зүйлсийг үйлдвэрлэж байна. Тайваньчууд (формоса)-чуудын энэ нэгэн чанарыг дэлхий нийтээрээ үнэлж талархан үүний төлөө Бурханд баярлах ёстой. Энэ бүхний эцэст бид бүгдээрээ дэлхий дээр үүргээ гүйцэтгэж, өөрсдийгөө сайжруулж, дэлхийг дээрдүүлэхэд төвлөрөх ёстой. Түр хүлээгээрэй...

Би харамсаж байна. Тайвань (Формоса)-ийг оюун ухаан, сэтгэл санааны хувьд ийм их дарамт, сүрдүүлэг, дарлал дор байсаар ирсэнд би харамсаж байна. Яагаад гэвэл дэлхий дээр хүн бүр, улс орон бүхэн хүч чадлаа тэр бүр хэрэгтэй зүйлд зориулж сураагүй байдаг. Харин тэд үүний оронд сул дорой, эсвэл сул дорой санагдсан улс орон болон ард олныг дарангуйлахын тулд харгис хэрцгий хүчинд найдаж байна. Энэ бол бахархаад байх зүйл биш.

Тийм харин тайваньчууд (формосачууд) өөрсдөөрөө ямар ч байсан бахархах ёстой. Яагаад гэвэл та нар хүч чадлаа хэрэгтэй зүйлсэд л зарцуулсан. Ийм мөн чанарт би үнэхээр хайртай. Ийм хэвээр байж цаашид ч энхтайвныг хадгалж, өөрсдийн оюун ухаан, авьяас чадвараараа дэлхийд тусалсаар байгаарай гэж гуйя. Бурхан, Диваажин үүнийг харж байх бөгөөд та бүхэн хэрэгтэй бүхнээ, хүртэх гавьяатай бүхнээ хүртэнэ. Бүгдийг нь Дэлхий дээр байхдаа хүртэхгүй ч байж болох ч дараа нь, Диваажин дахь жинхэнэ Гэртээ гарцаагүй хүртэнэ. Тайвань (Формоса)-д бид хайртай. Бид та нарын төлөө залбирч байгаа. Бид та нарт хайртай.

Улам бүр хөгжиж дэвшсэн, дэлхийн анхны веган үндэстэн болохыг гуйж байна. Дэлхий дахинд та нар улам их чадамжтай, улам их Диваажины мөн чанартай ард түмэн гэдгээ харуул. Та нар хэдийнээ дөхсөн байгаа. Омитохат (Амитаба)!!!

Нэмж юу хэлэхээ мэдэхгүй байна. Та нарт маш их, үнэхээр их талархах л гэсэн юм. Би нийгэмлэгийнхээ хамт олны хамт чадах бүхнээ тайван замаар хийж та бүхнийг дэмжиж, зоригжуулж байх болно. Эрхэм ариун үйлээ үргэлжлүүлээрэй. Тэгвэл Диваажин та бүхнийг одоо ч дараа нь ч улам их хамгаалах болно. Та бүхэн Тэнгэр, Газрын адислал, хүчийг, хайрыг улам ихээр мэдрэх болтугай. Тайвань (Формоса)-ийн үзэсгэлэнт ард түмэн, улс оронд чин сэтгэлээсээ мэхийн ёсолж байна.

Ингээд боллоо. Энэ бол миний тайваньчууд (формосачууд)-д хандан хэлэх үг. Энэ үгийг хэлж, жагсаалтыг дараа нийтэлсний дараа Хятадын засгийн газар илүү тод харах байх гэж би найдаж байна. Яагаад гэвэл Тайвань (Формоса)-аас авахгүйгээр хийх боломжгүй олон зүйл тэдэнд бий, бусад орнуудаар ч зогсохгүй. Яагаад гэвэл тэд маш завгүй ажилтай хүмүүс. Засгийн газар бүр завгүй. (Тийм ээ, Багш аа.) Магадгүй тэд өөрийн орноосоо өөр бусад орны тухай ямар нэгэн сайн зүйл олж харах мэдээлэл цуглуулах цаг зав байдаггүй байх. (Тийм ээ, Багш аа.)

Тэгэхдээ ядаж л Хятад хүмүүс өөрийн эх орон нэгтнүүдээ сайн асран хамгаалдаг. Хятадыг би үүнийх нь төлөө сайшаая! Хятад хүн нэг бүрд өөрийн амьдралд хэрэгтэй эд зүйл нь хангалттай байдаг байх. Би тэгж бодож байна. Үүний төлөө Хятадын засгийн газарт би талархаж байна. Гэхдээ л тэд эргэн тойрондоо байгаа улс орнууд цаашилбал бүхий л дэлхийн улс орнуудад энхтайвнаар хандах учиртай. Учир нь бид бүгд бий болгосон энэ энерги дотроо амьдарч байна.

Бурхан биднийг адислаг. Бурхан Тандаа талархлаа. Өнгөрсөн, одоо, ирээдүй цагийн Бүхий л Будда нарт, Гэгээнтнүүдэд, Мэргэдэд бидний амар амгалан сүнслэг оршихуйн төлөө талархъя. Энэ дэлхийг веган амар амгалан Диваажин болгож хайрла. Амен. (Амен.) Омитохат (Амитаба.) Анхаарал тавьсанд баярлалаа. Энэ мэдээллийг аль болох хурдан цацаарай гэж гуйя. Урьдчилаад та нартаа баярлалаа. (Тийм ээ, Багш аа. Багш аа, Баярлалаа.)

Хөтлөгч: Бид Энэрэлт Их Багшийнхаа тайваньчууд (формосачууд)-д урам зориг хайрласан үгсийг айлдсанд баярлалаа. Их Багшийн Хайр, энэрэлт урам зориг энэ үзэсгэлэнт улс орныг амар тайван, эрх чөлөөг эрхэмлэсэн зам мөрөөр хөгжихөд нь дэмжиж, бүрэн веган болж, Диваажины дэмжлэг, хамгааллын адислалыг хүртэхэд туслах болтугай. Бүхий л улс орон сайн сайхнаар зэрэгцэн оршиж, дэлхий дахин эрхэм ариун Тайвань (Формоса) улсын сайн сайхан, ач тустай үйлсийг мэдэж авах болтугай хэмээн бид залбирч байна. Эрдэнэт Их Багш маань ямагт эрч хүчтэй, эрүүл саруул байж, Сүр Жавхлант бүхий л Бурхдын мөнхийн хамгаалалд орших болтугай.

Энэхүү конференцийг хадмал орчуулгатайгаар Багш шавийн шүтэлцээгээр хожмын өдөр хүлээн авч үзээрэй.

Мөн танд лавлах шаардлага гарвал Шуурхай мэдээ/ Багш шавийн шүтэлцээ зэрэг өмнөх конференц нэвтрүүлгүүдийг үзнэ үү:

Шуурхай мэдээ:

КОВИД-ын тэргүүнээс ирсэн чухал мэдээлэл

Манай гараг руу айсуй энерги

Зөвхөн энхтайвныг сахиулагчид Диваажинд хүрч чадна

Диваажины шүүлтийн цаг үед сэрж сэхээрэн яг одоо веган бол

Гэх мэт...

Дэлгэрэнгүй үзээрэй
Хамгийн сүүлийн бичлэгүүд
2022-09-29
7 Үзсэн
31:37

Онцлох мэдээ

2022-09-27   74 Үзсэн
2022-09-27
74 Үзсэн
40:12

Онцлох мэдээ

2022-09-26   191 Үзсэн
2022-09-26
191 Үзсэн
Шэйр
Шэйр хийх
Шигтгэсэн видео
Эхлэх
Татаж авах
Гар утас
Гар утас
iPhone
Андройд
Гар утсаар үзэх
GO
GO
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд