ӨДӨР ТУТМЫН МЭДЭЭ-ний гол тойм – 2026 оны 1-р сарын 30

Цагаан ордны хэвлэлийн төлөөлөгч Каролин Левитт АНУ-ын Ерөнхийлөгч Трамп Украин (Урейн)-д өрнөж буй дайныг зогсоох хүчин чармайлтад “идэвхтэй оролцсон” хэвээр буй бөгөөд “энх тайвнаас хэзээ ч ухрахгүй” гэж мэдэгдэн, АНУ-ын оролцоо суларсан гэх ойлголтыг үгүйсгэлээ. (Жаст Дэ Ньюс)

Европын Холбооны 27 гишүүн улс ОХУ-ын хоолойгоор нийлүүлдэг хий болон LNG (шингэрүүлсэн байгалийн хий)-г бүрэн зогсоох журмыг албан ёсоор баталж, 2022 оноос хойших ОХУ-ын чулуужсан түлшнээс хараат байдлыг эцэслэх, эрчим хүчний эх үүсвэрийг төрөлжүүлэх REPowerEU стратегийн томоохон үе шатыг тэмдэглэлээ. (Ройтерс)

Балба, Саудын Араб улсууд Олон улсын хөдөлмөрийн байгууллагын стандартын хүрээнд балба ажилчдын илүү аюулгүй, ил тод элсэлтийг хангах зорилгоор [Саудын Арабын] Эр-Рияд хотод хөдөлмөрийн анхны гэрээг байгуулахаар бэлтгэж байна. Үүнд давхар гэрээ (засгийн газрын журмаас зайлсхийхийн тулд нэг ажилд хөдөлмөрийн хоёр өөр гэрээ байгуулах), өндөр шимтгэл, ажилчдын мөлжлөг зэрэг олон жилийн асуудлыг шийдвэрлэхээр тусгажээ. (Непал Ньюс)

АНУ, Нигери улс шашны эрх чөлөө, аюулгүй байдлыг сайжруулах зорилгоор [Нигерийн] Абужа хотод Хамтарсан ажлын хэсэг байгуулж, эмзэг бүлгүүдийг хамгаалах, терроризмтой тэмцэх хамтын ажиллагааг гүнзгийрүүлэхэд анхаарал төвлөрүүлж байна. (TVC Ньюс)

Бразил улс Хятадын иргэдэд богино хугацаанд визгүй зорчих боломж олгохоо зарлаж, Хятад улсын Бразилын иргэдэд хэрэгжүүлдэг бодлогыг харилцан адил хэрэгжүүлснээр хоёр талын хамтын ажиллагаа, иргэд хоорондын солилцоог нэмэгдүүлэх бөгөөд хэрэгжүүлэх хугацааг дараа тогтооно. (CGTN)

Израил улс АНУ-ын Ерөнхийлөгч Трампын 20 зүйлтэй энхийн төлөвлөгөөний хүрээнд Газын хүмүүнлэгийн тусламж, иргэдийн зорчих гол гарц болох стратегийн ач холбогдолтой Рафа боомтыг явган зорчигчдод хязгаарлагдмал байдлаар дахин нээнэ гэж мэдэгдлээ. (Фокс Ньюс)

НАТО [Хойд Атлантын Гэрээний Байгууллага]-ын ерөнхий нарийн бичгийн дарга Марк Рютте АНУ-гүйгээр Европ тив өөрийгөө хамгаалж чадахгүй хэмээн анхааруулж, Гренландын асуудлаарх хурцадмал байдал нэмэгдэж, АНУ-ын Ерөнхийлөгч Трамп эвслээс Америкийг гаргаж мэднэ гэсэн болгоомжлол сэргэж буй энэ үед уг байр суурийг илэрхийлжээ. (Дэйли Мэйл)

Их Британийн Гардиан сонин редакцын өгүүлэлдээ тус улс хүнсний аюулгүй байдлаа дэлхийн зах зээлээс улам их хамааралтай болгох нь аюултай алсын хараагүй алхам гэж үзэж, засгийн газарт үнэ огцом өсөх, нийлүүлэлт тасалдахаас айл өрхүүдийг хамгаалахын тулд бусад улс орны жишгээр стратегийн хүнсний нөөцөө дахин бүрдүүлэх хэрэгтэй гэж уриалжээ. (Гардиан)

ИБУИНВУ-ын Умард Ирландын Хеленс Бэйд 1-р сарын 24-ний бямба гарагийн үдээс хойш сэлж яваад хүндрэлтэй нөхцөлд орсон гурван хүнийг аварсны дараа 60 гаруй насны нэг эмэгтэй нас баржээ. Онцгой байдлын алба уг үхлийг сэжигтэйд тооцохгүй гэж баталсан байна. (Дэйли Мэйл)

ИБУИНВУ-ын гал түймрийн алба жил бүр гардаг, орон сууцны 26,000 галын үеэр гал, утааны тархалтыг мэдэгдэхүйц удаашруулж амь аврах боломжтойг анхааруулж, айл өрхүүдэд унтахын өмнө доторх бүх хаалгаа хаахыг уриаллаа. (Дэйли Экспресс)

Цацрагийн онцгой байдлын үед Их Британийн засгийн газраас гаргаж буй гол зөвлөмж нь нэн даруй бат бөх барилга дотор орж, бүх хаалга, цонх, агааржуулалтын нүхийг хаах, сэнс, агааржуулагчийг унтрааж, албан ёсны заавар өгөх хүртэл 1–2 өдөр эсвэл түүнээс удаан хугацаанд дотор байх, амьсгал, хоол унд, эсвэл шууд цацралаар дамжин цацраг идэвхт бодист өртөхийг багасгах, хөдөлгөөн эрсдэлийг нэмэгдүүлж болзошгүй учраас тодорхой заавар өгөөгүй л бол шилжин нүүхгүй байхыг зөвлөж байна. Байршлаас хамаарсан шинэчилсэн мэдээллийг радио, ТВ, GOV.UK, олон нийтийн сүлжээ, цагдаагийн зар мэдээ зэрэг найдвартай эх сурвалжаас авах, үүнд өөрийгөө халдваргүйжүүлэх (гадуур хувцсаа тайлж угаах), цөмийн байгууламжийн ойролцоо байвал иодын тогтвортой шахмал уух, бохирдсон хүнс/уснаас зайлсхийх, гэрийн тэжээвэр амьтдыг дотогш оруулах зэрэг арга хэмжээ, бусад зөвлөмж багтаж болно. Онцгой байдлын төрөл, байршлаас шалтгаалан, авах арга хэмжээ янз бүр тул албан ёсны зааврыг чанд мөрдөх хэрэгтэй. Нөхөн сэргээх үе шат урт хугацааны алхмуудыг ч шаардаж болзошгүй. Дэлгэрэнгүй мэдээллийг бүтэн хуудаснаас үзнэ үү: (GOV.UK)

[Бразилын] Бразилиа хотод шуурганы үеэр аянга бууснаар ерөнхийлөгч асан Жаир Болсонаруг дэмжих жагсаалд оролцож байсан 89 хүн гэмтэж, 47 нь эмнэлэгт хүргэгдэн, 11 хүнд эрчимт эмчилгээ хийлгэх шаардлагатай болжээ. Бороонд олон мянган хүн цуглаж, хоригдсон удирдагч асанд өршөөл үзүүлэхийг шаардсан байна. (ВьетнамПлас)

Их Британийн засгийн газар орчин үеийн, нарийн төвөгтэй, хил дамнасан гэмт хэрэгтэй үр дүнтэй тэмцэх зорилгоор одоо байгаа үндэсний болон бүсийн нэгжүүдийг нэгтгэн, “Британи маягийн Холбооны мөрдөх товчоо (FBI)” хэмээн тодорхойлсон, Үндэсний цагдаагийн албыг шинээр байгуулах төлөвлөгөөг танилцууллаа. (Түөй Трэ)

Камбож улс Уугуул иргэдийн эх хэл, соёл, онцлог шинжийг бага ангийн сургалт, сургалтын шинэ материалаар дамжуулан хамгаалахад туслах зорилгоор 1-р сарын 27-ноос эхлэн Боловсролын олон хэлний хөтөлбөртөө Жарай хэлийг нэвтрүүлж эхэлжээ. (Камбодианесс)

Дунд насны нэг эр зөвлөсөн хоногийн хэмжээнээс 80 дахин их тунгаар ууснаас болж, хүчтэй хордлогод орж, кальцийн түвшнийг аюултай хэмжээнд хүргэж, бөөрний асуудал үүсгэн, олон долоо хоног үргэлжилсэн зовуурь үүсгэсний улмаас эмнэлэгт хэвтсэний дараа Эмч нар Д амин дэмийн хэт их хэрэглээ нэмэгдэж буйг анхааруулжээ. (Дэйли Миррор)

ИБУИНВУ-ын Үндэсний эрүүл мэндийн албанд бүртгэлтэй эм зүйч ибупрофен, статин, төмрийн шахмал, напроксен зэрэг түгээмэл эмийг хэрэглэдэг олон хүн хэрэглэх цаг, арга зааврыг мөрдөхгүйгээс үйлчилгээг нь сулруулах, эсвэл гаж нөлөөний эрсдэлийг нэмэгдүүлж байж болзошгүйг анхааруулж, зарим эм өдрийн тодорхой цагт хамгийн сайн үйлчилдэг, зарим хүнс эмийн шимэгдэлтэд саад учруулдаг гэж онцолжээ. (Дэйли Стар)

Канад улс зөвшөөрөлгүй болон хуурамч GLP-1 тураах эмүүд дэлгүүр, онлайн зах зээлээр тархаж, эрүүл мэндэд ноцтой эрсдэл учруулж буй талаар яаралтай анхааруулга гарган, хяналт шалгалтаа чангатгаж, хэрэглэгчдэд зориулсан зөвлөмж гаргалаа. (VTV)

Эрүүл мэндийн мэргэжилтнүүд чидуны тос нь бөөр хамгаалахад чухал супер хүнс гэж онцолж байна. Олейны хүчил, полифенолоор баялаг энэ тос нь архаг үрэвслийг бууруулж, исэлдэлтийн стресс үүсгэдэг чөлөөт радикалуудыг саармагжуулдаг. Байгалийн үрэвслийн эсрэг бодисын хувьд бөөрний эрүүл мэндийг идэвхтэй дэмждэг. (CLEANKIDNEY)

Хоёр судалгаагаар боловсруулсан хүнс дэх натрийн хэмжээг бага зэрэг бууруулахад зүрхний шигдээс, харвалтын олон мянган тохиолдлоос урьдчилан сэргийлж болохыг тогтоожээ. Талх зэрэг үндсэн хүнсэнд давсыг багасгаснаар үйлдвэрлэгчид эрүүл мэндийн асар их үр өгөөж бий болгож, хүнсний нийлүүлэлтийн шугамаар дамжин дэлхий нийтийн эрүүл мэндийг сайжруулах боломжтой юм. (СкайТех Дэйли)

Бодисын солилцооны хам шинжтэй хүмүүс бараг бүхэлдээ овьёосноос бүрдсэн хооллолтыг хоёр хоног барихад хортой LDL (бага нягтралтай липопротеин) холестерин ойролцоогоор 10%-иар буурч, үр нөлөө нь хэдэн долоо хоног үргэлжилж буйг [Германы] Бонны Их Сургуулийн судалгаанд тогтоожээ. Оролцогчид дунджаар 2 килограмм жин хасаж, цусны даралт нь бага зэрэг буурчээ. (Earth.com)

Чандра шуурганы улмаас Их Британид 1-р сарын хур тунадасны рекорд шинэчлэгдэж, өргөн хүрээнд үерт автах, сургууль хаагдах, зорчих хөдөлгөөн саатах, амь насанд аюултай гэсэн сэрэмжлүүлэг дагууллаа. Онцгой байдлын багууд гацсан жолоочдыг аварч, эрх баригчид мөстөлт үүсэх, цаашдын хүнд цаг агаарын нөхцөлд бэлтгэж байна. (Индепендент)

Аймшигт үер Мозамбикийг нөмөрч, 2025 оны 10-р сараас хойш 640 мянга гаруй хүнд нөлөөлөн, 125 хүний амийг авч оджээ. Олон улсын багууд Марракуэн зэрэг усанд автсан бүс нутгуудад өргөн хүрээнд аврах ажиллагаа явуулж байна. Усны түвшин нэмэгдсэнээр гол авто замууд тасарчээ. Мянга мянган хүн сургууль, сүмд хоргодож байгаа бол далангаас ус тавих нь цаашдын сүйрэлд дагуулж болзошгүй байна. (BBC Ньюс)

1-р сард түүхэн их хэмжээний цас орсны улсаас Шинэ Читосэ нисэх буудалд 7,000 зорчигч саатжээ. Тасралтгүй цасан шуурганд 56 нислэг цуцлагдан, 500 галт тэрэгний үйлчилгээ зогсож, Хоккайдогийн тээврийн төв тусгаарлагджээ. Олон мянган хүн яаралтай хоргодох байр хайж буй бөгөөд нисэх буудлаас ойролцоогоор 50 км зайд орших Саппоро хотод 1999 оноос хойш 24 цагийн дотор хамгийн их цас цас орсныг бүртгэжээ. (Түөй Трэ)

[Индонезийн] Жакартад аадар бороо, далайн түрлэгийн улмаас 20 хороолол усанд автаж, нүүлгэн шилжүүлэлт хийхэд хүрч, 1,600 гаруй хүн орон гэрээсээ дайжжээ. Үүний зэрэгцээ гол мөрөн үерлэж, онцгой байдлын усны шахуурга, хоргодох байруудыг идэвхжүүлжээ. (ВьетнамПлас)

[Ау Лак (Вьетнам)-ын] Ханой хот агаарын бохирдол ноцтой хэмжээнд хүрч, АЧИ [агаарын чанарын индекс] эрүүл мэндэд аюултай түвшинд хүрсний улмаас агаарын бохирдлоор дэлхийд хоёрдугаарт жагсан, эрх баригчид гаднах ажиллагааг хязгаарлахыг зөвлөжээ. (Тьень Фон)

[Нидерландын] Амстердам 5-р сараас эхлэн олон нийтийн газар амьтан-хүний махны сурталчилгааг хориглосон дэлхийн анхны нийслэл болж, хорт хийн ялгарлыг бууруулах, нийтийн эрүүл мэндийг сайжруулах, оршин суугчдыг амьтны гаралтай уургийг үлэмж багасгасан хооллолтод шилжихэд нөлөөлөхийг зорьж байна. (Нью Фүүд Магазин)

Хүнсний ногоо, жимс, бүхэл үр тариа, буурцагт ургамлаар баялаг бөгөөд улаан болон боловсруулсан амьтан-хүний махыг хязгаарладаг EAT-Lancet хоолны дэглэм нь бөөрний архаг өвчний эрсдэлийг бууруулж байжээ. Хятадын удирдсан UK Biobank-ийн судалгаагаар уг хоолны дэглэмийг дагасан 180,000 орчим хүнийг 12 жилийн турш ажиглахад, эслэг ихтэй хүнс болон амьтны уургийг багасгах нь бөөрийг илүү эрүүл байлгадаг нь тогтоогджээ. (Медикал Ньюс Түдэй)

[Японы] Окинавагийн “Цэнхэр бүс”-д [100-гаас дээш насны хүмүүс хамгийн олноор амьдардаг бүс нутгуудын нэг]-ийн урт наслалт нь нийгмийн идэвхтэй амьдралын хэв маяг, амтат төмс, далайн байцаа, дүпү, гашуун гуа, шар будаа, шар гаагаар баялаг хооллолт, ухамсартай хооллолтоос үүсэлтэй. Тэндхийн оршин суугчдын дунд зүрхний өвчин, хавдрын түвшин мөн бага байдаг. (ВежНьюс)

Пакистаны Тэнгисийн цэрэг Шри Ланкагийн яаралтай хүсэлтийн дагуу Индонезын далбаатай ачааны хөлөг дээр байсан хүнд өвчтэй шри ланк далайчныг Энэтхэгийн далайд холын зайн ажиллагаагаар шилжүүлэн аварч, далайд амь аврах үйлсэд Пакистан улс тууштай байгааг харууллаа. (Араб Ньюс)

Францын нэг хос алга болсон муур андтайгаа таван сарын дараа дахин эргэн уулзжээ. Тэр [Испанийн] Каталонд тэдний аяллын газраас үсэрч алга болсноосоо хойш зөн совингоороо бараг 250 км зам туулан, Франц дахь гэрээсээ 1.6 км орчим км-ийн зайд буцаж ирсэн нь гайхшируулжээ. (VTC Ньюс)

Өдрийн гэгээрүүлэх эшлэл: “Нинжин сэтгэл бол итгэлийн шинж тэмдэг. Нинжин бус хэнд ч итгэл бишрэл үгүй.” Хүндэт Гэгээрсэн Их Багш, Хайрт Зөнч Мухаммед, Тэрээр Амгалан Байг (цагаан хоолтон) (Билиг ухааны эшлэл)

Тэгээд л тэр даруй би Диваажинд зогсож байсан. Амнаас минь хамгийн түрүүнд ##гарсан үг бол, “Би буцаж болох уу? Кэролыг тайтгаруулах хэрэгтэй байна.” гэсэн үг байв. Америкийн клиник үхлийг мэдрэгч Роберт Маршалл хэрхэн гурван бүтэн, нэг хагас өдөр нас барж, 44 цагийн турш Эзэн Есүстэй Диваажинд хамт алхаж, бүрэн гайхамшигт эдгэрлийг хүлээн авч, Библийн дэлгэрэнгүй мэдлэг, шинэ биетэйгээр эргэн ирсэн тухайгаа хуваалцжээ.

76 настай Роберт 1984 онд Эзэн Есүс Христ (цагаан хоолтон)-ийг Эзэн, Аврагчаа гэж хүлээн зөвшөөрсөн ч чин үнэнч Христийн шашинтны амьдралаар амьдраагүй байжээ. 2024 оны 5-р сарын 17-нд тэрээр Форт Уортын яаралтай тусламжийн тасагт амьсгалах, залгихад хүндрэлтэй болон очиход, эмч нар хүзүүн дээрх том хаванг түрэмгий хорт хавдар гэж үзсэн байна. Робертод амьсгалын гуурс тавьсны дараа ЭЭТ (эрчимт эмчилгээний тасаг)-т хэвтүүлжээ. Хоёр хоногийн дараа эмч нар амьсгалын гуурсыг авахад хавдар амьсгалын зам дээр нь эргэлдэн орж, амьсгал нь боогдон, тэрээр нас баржээ. Эмнэлгийн ажилтнууд 15 минутын турш CPR (зүрх-уушгины сэхээн амьдруулалт) хийсний эцэст түүний зүрх дахин цохилжээ.

Би биеэсээ гарсан, биеийнхээ дээр хөвөөд, доош харж байхдаа, “Хөөх” гэж бодсоноо санаж байна. Би бүх сувилагч, эмч нарыг ажиглаж байсан. Тэд CPR (зүрх-уушгины сэхээн амьдруулалт) хийхдээ зүрхийг минь хөдөлгөх гэж оролдож, эцэст нь хавиргыг минь хугалчихсан. Би хонгилоор хөвөн гарч, эхнэрээ уйлж байхыг харсан. Таны төсөөлж байгаачлан тэр үнэхээр сандран уйлж байсан, чухамдаа шалан дээр нулимсны шалбааг үүссэн мэт байсан. Энд нэг зүйл хэвийн биш байгааг би ойлгосон. Би биетэйгээ хамт биш байсан. Тэгээд л тэр даруй би Диваажинд зогсож байсан. Би хонгил хараагүй. Зүгээр л Диваажинд байсан.

Роберт өөрийгөө Диваажин дахь асар уудам дотоод хашааны захад байгааг мэдэрчээ. Би мэдэрч, үнэрлэж, сонсож, бүхнийг хийж чадаж байсан. Тэнд модод, бут сөөг байсан. Би модод, цэцэгсийг харж байсан, ер нь бүх зүйл асар том, үнэхээр сайхан, гялалзсан байсан. Өнгө нь маш тод, маш гэгээлэг байлаа. Энэ нь гурван хэмжээст биш, тоолж баршгүй олон хэмжээст мэт. Манай энд байдаггүй өөр өөр өнгөнүүд байсан. Би хамгийн амгалан, хайр дүүрэн мэдрэмжийг мэдэрч байсан. Яг л асар том тэвэрт байгаа мэт. Та бүх зүйлтэй холбоотой, бүх зүйл таныг хайраар дүүргэдэг мэт.

Бид үргэлж Есүсийг гэрэл гэдэг. Тэгэхээр, яг үнэндээ тийм юм. Түүний гэрэл бүх Диваажинг гэрэлтүүлдэг, Түүний гэрэлд хайр нь оршдог, тэр хайр нь бүхнийг тээн явж, тайтгаруулан, бүх зүйл, бүх хүнд нэвчин шингэдэг. Бүгд тэр хайраар холбогдсон. Яг л аварга том тэврэлт шиг. Мод бүр, цэцэг бүр, ургамал бүр миний нэрлэдгээр жижигхэн аялгуулаг өнгө, хүнгэнэх дуу гаргаж, тэдгээр нь бүгд нийлээд өдөржин Есүст магтаал өргөсөн нэг дуу болон цуурайтдаг. Ургамал бүр, цэцэг бүр өөрийн гэсэн онцгой жижигхэн үнэр ялгаруулж, тэр нь мөн адил нийлээд хамгийн сайхан анхилуун үнэр, агаарыг бүрдүүлдэг. Яг л шинэхэн агаар шиг, таны төсөөлж болох бүх зүйл тэнд байсан.

Роберт 2011 онд нас барсан эцгээ таньсан бөгөөд тэрээр төгс эрүүл, 35 орчим настай харагджээ. Би түүн рүү алхаж очоод, “Аав аа?” гэхэд тэр: “За хүү минь, чи одоо хийчихлээ дээ, тийм ээ?” гэж хэлсэн. Харин би: “Аав аа, би юу ч хийгээгүй, би үхсэн” гэсэн. Тэр: “Мэднэ ээ.” гэж хэлсэн. Би: “Тэнд байгаа хэн бэ?” гэж асуув. Тэр: “Чи хэн гэж бодож байна?” гэлээ. Би: “Есүс” гэв. Тэр харин: “Тийм ээ.” гэж хэлсэн.

Гэнэт Роберт бие рүүгээ буцаж оржээ. Эмч нар зүрхийг нь дахин цохилуулсан ч трахеостоми хийх гэж байгаад артерийн судсыг нь гэмтээжээ. Роберт уушгинд нь цус алдаж, дахин нас баржээ. Энэ хооронд эхнэр нь эмч нарт амьдруулах аппаратыг салгахыг зөвшөөрсөнгүй. 17 минутын дараа эмч нар Робертыг дахин амилуулжээ. Тэр өөрийнхөө цусанд живж, гурав дахь удаагаа нас баржээ. Тэр үед нийт 35 минут хүчилтөрөгчгүй болсон байв. Эмч нар Кэролд нөхөр нь тархины үхжилтэй болсон тул амьдруулах аппаратыг салгахыг хүссэн ч тэр татгалзжээ.

Роберт Диваажинд эргэн очжээ. Би Есүсийн сүүдрийг харсан. Би очиж, ойртох үедээ баруун болон зүүн өвдгөөрөө эхэлж сөхөрсөнгүй. Би зүгээр л бүтэн биеэрээ, газар луу нүүрээрээ харан унаж, нялх хүүхэд шиг уйлсан. Гунигийн биш, харин баяр хөөр, даруу зангийн нулимс байсан. Би бүхий л Орчлонг Бүтээгч, Эзэн, Аврагчийнхаа өмнө хэвтэж байсан. Тэр зогсоод, над руу алхаж ирэн, гараа сунгасан. Тэр: “Гараас минь атгаад бос, бидэнд ярилцах зүйл их байна.” гэж хэлсэн. Тэр намайг босгож, нулимсыг минь арчаад, “Бүх зүйл зүгээр болно, явж, ярилцацгаая” гэж хэлсэн. Амнаас минь хамгийн түрүүнд ##гарсан үг гэвэл, “Би буцаж болох уу? Кэролыг тайтгаруулах хэрэгтэй байна.” гэсэн үг байв. Учир нь би түүнийг шаналж байсныг санаж байсан.

Эзэн Есүс Христ огт хариулсангүй. Тэрээр Роберттой хамт дэлхийн цагаар 43 цаг 28 минутын турш Диваажинаар алхсан бөгөөд энэ хугацаанд Робертийн бие эмнэл зүйн хувьд нас барсан хэвээр байжээ. Би Есүстэй гар гараасаа хөтлөн, алхаж байсан. Бид Диваажинаар явж байхдаа, алхаж, ярилцсан. Ихэнхдээ Тэр ярьсан. Тэр сургаалаа айлдаж байсан. Тэр надад Библийн тухай заасан. Тэр цаг хугацааны эхлэлийг, Бүтээлийг, Эхлэл номоос Илчлэлт хүртэлх бүхнийг заасан. Тэр Библид яагаад янз бүрээр тайлбарлаж болох мэт зүйлс байдаг, эсвэл зөрчилтэй мэт харагддаг ч үнэндээ тийм биш байдгийн учрыг заасан. Тэр яагаад сургаалт үлгэр, жишээ ашигласан, бид юу хийх хэрэгтэйг хэлсэн. Итгэл доторх аврал гэж үнэндээ юу болохыг, бүгдийг заасан. Тэр хүмүүст байдаг асуултуудтай холбоотойгоор надаас бусадтай хуваалцахыг хүсэж буй зүйлсээ надтай хуваалцсан.

Эзэн Есүс Христ Робертод Диваажин дахь ирээдүйн орд харшийг нь үзүүлж, шинэ Диваажин, шинэ Дэлхийн тухай тайлбарлажээ. Эцэст нь тэд дотоод хашаанд буцаж иржээ. Тэр: “Чиний тархи устсан. Чиний бие сүйрсэн. Бие чинь хүчилтөрөгчгүй байх үед, булчинг идэж, бүхнийг иддэг. Хэрэв би чамайг буцаавал чи тэр махан биедээ хязгаарлагдаж, хэнийг ч тайвшруулж, хэнд ч тусалж чадахгүй учраас би чамайг буцаан илгээж чадахгүй. Гэсэн ч би чамайг зарим сануулгатайгаар буцааж чадна, мөн буцаана.” гэж хэлсэн. Тэр: “Нэгдүгээрт, хэн ч үгүйсгэж чадахгүй гайхамшигтайгаар би чамайг буцаана.” гэсэн. “Би” болон Бурхан гэж хэлж буй нь Түүний хэлж буй үг юм. Тэр: “Би бол Бурхан, би үүнийг хийсэн. Миний амьд, бодит, Диваажин бодит гэдэгт эргэлзэх зүйл байхгүй. Тэд үүнийг хэзээ ч үгүйсгэж чадахгүй.” гэсэн.

Тэр: “Одоо би чамайг яг л хэзээ ч үхээгүй мэт, амьдралынхаа туршид хэзээ ч ямар ч өвчин зовлонгүй байсан мэт буцаана. Нэгдүгээрт, би чамд шинэ тархи өгнө. Би чиний ой санамжийг бүхэлд нь сэргээнэ. Би зүрх, элэг, бөөрийг чинь сэргээнэ. Би чамд бүхнийг шинээр өгнө” гэж хэлсэн. Тэр: “Мөн чамд заасан бүхнийг, сурсан бүхнээ, Диваажинд мэдэрсэн бүхнээ, түүний дотор чи хэрхэн үхсэн, яагаад үхсэн, чамд юу тохиолдсон, мөн чамайг буцаахын тулд миний үйлдсэн гайхамшгийг хүртэл бүгдийг нь хуваалцахыг би чамд тушааж байна.” гэсэн. “Чи буцах үедээ, биедээ орох үед эмнэлгээс гарч, бүрэн эдгэтлээ, яг л мэдээ алдуулалтгүй мэт, бие чинь туулж буй өвдөлт бүрийг мэдэрнэ.” гэж хэлсэн.

2024 оны 5-р сарын 23-нд, гурван бүтэн, нэг хагас өдөр нас барсны дараа Роберт Кэролын хурууг чанга атгажээ. Цочирдсон эмч Робертоос гараа өргөхийг хүсэхэд, тэр хоёр гараа зэрэг өргөв. Эмч MRI (соронзон резонансын дүрс)-ийн шинжилгээ хийлгэхийг тушаасан бөгөөд Робертын тархи ямар ч гэмтэлгүй, төгс байгаа нь харагджээ. Робертын хүзүүн дэх трахеостомийн нүх нэг шөнийн дотор сорвигүй эдгэрсэн байна. Түүний цусны бүлэг A-гаас O болж өөрчлөгдөж, ДНХ нь цэргийн бүртгэлтэй нь дахин таарахаа больжээ. Маргааш өглөө нь яаралтай MRI хийлгэсний дараа, хариуцсан эмч өрөөнд ирэхдээ хэний ч төсөөлөөгүй хариутай эргэн иржээ. Тэгээд эмч: “Би шинжилгээний хариуг авлаа. Ямар ч буруу зүйл алга. Түүний тархи төгс байна. Ямар хаана ч ямар ч шинж тэмдэг алга.” гэж хэлсэн. Эмч нар: “Бид юу ч хийгээгүй. Үүнд эмнэл зүйн ямар ч тайлбар олдоогүй. Үнэхээр боломжгүй зүйл. Энэ бол маргаангүй гайхамшиг.” гэж хүлээн зөвшөөрчээ.

Роберт Маршаллын түүх нь үхлээр дамжсан аялал, Эзэн Есүстэй хамт алхсан явдал, мөн эмч нар тайлбарлаж чадаагүй гайхамшгаар тэмдэглэгдсэн эргэн ирэлт нь түүний гэрчлэл болон үлджээ. (Дараагийн түвшний сүнс подкаст)