ӨДӨР ТУТМЫН МЭДЭЭ-ний гол тойм – 2026 оны 2-р сарын 12

АНУ-ын Ерөнхийлөгч Дональд Трамп шинээр тангараг өргөсөн Гондурасын ерөнхийлөгч Насри Асфураг Мар-а-Лаго дахь өргөөндөө хүлээн авч уулзан, цагаачлал болон хар тамхины наймаатай тэмцэх асуудлаарх аюулгүй байдлын хамтын ажиллагаа бэхжиж буйг сайшаажээ. Ерөнхийлөгч Асфура албан тушаалдаа орж, уулзалтын талаар Гондурасын хэвлэл мэдээлэлд товч мэдээлэл өгөхөөр бэлтгэж байна. (Аль Жазира)

Украин (Урейн)-ы ерөнхийлөгч Володимир Зеленський АНУ Украин (Урейн), Орос улсуудын энхийн хэлэлцээрт хүрэх шинэ хугацааг 6-р сараар тогтоож, [Арабын Нэгдсэн Эмират Улсын] Абу Даби хотод болсон хоёр өдрийн хэлэлцээр Өөрийнх нь хэлснээр бүтээлч болсон тул дараагийн гурван талт хэлэлцээрийг ирэх долоо хоногт АНУ-д зохион байгуулах санал дэвшүүлж байна гэжээ. (Гардиан)

АНЭУ [Арабын Нэгдсэн Эмират Улс]-ын 4,000 гаруй тонн хүнс, эмнэлгийн хэрэгсэл, өвлийн хувцас, хоргодох байрны материалыг тээвэрлэсэн тусламжийн хөлөг онгоц Египетийн Аль-Ариш боомтод Газын зурваст хүргэхээр ирлээ. Хүмүүнлэгийн хэрэгцээ ноцтой хэвээр буй энэ үед энэ нь АНЭУ-аас илгээсэн 12 дахь тусламжийн хөлөг болж байна. (Үндэстэн)

Польшийн Үндсэн хуулийн шүүх ургийн гажигтай гэх үндэслэлээр үр хөндөлт хийхийг зөвшөөрсөн хууль нь Үндсэн хуулийг зөрчсөн байна гэж шийдвэрлэжээ. Одоо үр хөндөлт нь зөвхөн хүчингийн хэрэг болон цусан төрөл ойртсон тохиолдолд л зөвшөөрөгдөж байна. (CNA)

АНУ-ын Сангийн сайд Скотт Бессент инфляц буурч, хувьцааны зах зээл дээд амжилт тогтоон, тэр дундаа Dow [хувьцааны зах зээлийн индекс] 50,000 нэгжийг давсан нь 2026 онд эдийн засгийн хүчтэй өсөлт болохын дохиог илтгэж байна гэж хэлээд, Ерөнхийлөгч Дональд Трампын бодлого өргөн хүрээтэй сэргэлтийн “суурийг бүрдүүлсэн” гэж мэдэгджээ. (Фокс Ньюс)

Тайвань (Формоса)-ийн иргэний нийгмийн бүлгүүд “True or False Meow” хэмээх ХОУ [хиймэл оюун ухаан]-аар ажилладаг Chrome интернэт хөтчийн өргөтгөлийг нэвтрүүлж, мандарин хэл дээрх цахим нийтлэлийг худал мэдээлэл эсэхийг шинжилж, үнэн зөвийн тайлан тайлан гаргадаг болж байна. Хөгжүүлэгчид уг хэрэгслийг олон улсад гаргах, цаашлаад англи хувилбар нэмэхээр зорьж байна. (Тайвань Ньюс)

Planned Parenthood клиникийн захирал асан Эбби Жонсон удахгүй гарах “Ухаанд багтамгүй” хэмээх баримтат киногоо сурталчилж, үр хөндөлтийн салбарын ард болж буй үйл ажиллагааг хуучин ажилтнуудын гэрчилснээр дэлгэн харуулах цочирдом илчлэлт гэж тодорхойлон, 6-р сард нээлт хийхээр зорьж байна гэжээ. (Фокс Ньюс)

Удаан хугацаанд дэлхийн хамгийн бага төрөлттэй улс байсан Өмнөд Солонгос улсад 2025 онд төрөлт 6.2%-иар өсөж, гэрлэлтийн хувь нэмэгдэн, салалт бараг 10%-иар буурчээ. Албаны хүмүүс үүнийг хүүхэд асаргааны дэмжлэг өргөжсөн, мөн 30 насныхны бүлэг ихсэж буйтай холбон тайлбарлажээ. (Гүүд Ньюс Нетворк)

Иракийн Курдистанд археологичид Сасанийн үеийн цайзын ойролцоо 1,500 жилийн настай Христийн шашны цогцолбор илрүүлжээ. Энэ нь эртний Христийн шашинтнууд Зороастрын шашинт нийгэмлэгүүдтэй зэрэгцэн амьдарч байсныг харуулж байна. (Фокс Ньюс)

НҮБ Судан улсад хүүхдийн хоол тэжээлийн хурц дутагдал Хойд Дарфур болон Их Кордофаны зарим хэсэгт аюултай түвшинд хүрснийг анхааруулж, үргэлжилсэн мөргөлдөөн, олноор нүүлгэн шилжүүлэлт, хүмүүнлэгийн тусламжийн нэвтрэх боломж хаагдсан нь тус улсад өлсгөлөн ихээр нүүрлэхэд хүргэж байна гэж мэдэгджээ. (Бао Тинь түк)

[Финляндын] Оулу Их Сургуулийн судалгаагаар насанд хүрсэн үеийн удаан хугацааны хөдөлгөөний дутагдал нь 46 нас хүрэхэд биологийн стрессийн түвшнийг нэмэгдүүлдэг бол насан туршдаа биеийн идэвхтэй байдлаа хадгалсан хүмүүс аллостатик ачаалал [давтагдсан стрессийн хариу урвалын хуримтлагдсан өртөг]-ын урт хугацааны нөлөөнөөс зайлсхийж, биеийн эрүүл мэндээ хамгаалдаг нь тогтоогджээ. (Earth.com)

Бууцайг болгож хэрэглэх нь эрдэс бодисын шимэгдэлтийг саатуулдаг оксалатыг задлан, шим тэжээлийн шимэгдэлтийг сайжруулдаг. Буцалгах нь оксалатыг 80%-иар бууруулдаг, мөн халуун нь эсийн ханыг зөөлрүүлж антиоксидантын биед шингэх боломжийг нэмэгдүүлдэг. Мэргэжилтнүүд эслэг, фолат, кали зэрэг шим тэжээлийн шингээлтийг оновчтой байлгахын тулд чидуны тос зэрэг эрүүл тосоор хуурахыг зөвлөж байна.(Тань Ньень)

Талхыг хөргөгчид хадгалах нь цардуул дахин талсжих явцаар хаталтыг түргэсгэдэг ч, хөлдөөх нь уг үйл явцыг үр дүнтэй зогсоодог. Мэргэжилтнүүд талхыг богино хугацаанд хэрэглэх бол, амархан муудах орц агуулаагүй тохиолдолд л тасалгааны хэмд хадгалахыг зөвлөдөг. Урт хугацаанд хадгалахын тулд талхыг нягт боож, зүсээд, хөлдөөвөл бүтэц нь хадгалагдаж, хөлдөөгчид исэлдэхээс сэргийлнэ. (Тань Ньень)

Тайландын эрүүл мэндийн байгууллагууд тус улс эрүүл мэндийн томоохон хямралтай нүүр тулж буйг анхаарууллаа. Өдөр тутмын натрийн дундаж хэрэглээ ДЭМБ-ын зөвлөсөн дээд хэмжээнээс бараг хоёр дахин их болсон нь цусны даралт ихсэх, бөөрний өвчний олон сая тохиолдлыг өдөөж, 2026 онд улсын давсны хэрэглээг 30%-иар бууруулахын тулд энэ нь натри ихтэй бүтээгдэхүүнд “Давсны татвар” ногдуулах санал болон салбарын шинэ жишиг тогтоох санаачилгыг дагуулж байна. (Нэйшн Тайланд)

Марта шуурганы улмаас Испанийн Коста-дель-Соль, Малага бүс нутагт улбар шар сэрэмжлүүлэг зарлаж, модод унаж, өндөр хурдны галт тэрэгний хөдөлгөөнийг зогсоожээ. Эрх баригчид үерийн эрсдэлийн улмаас Андалус даяар 11,000 гаруй хүнийг нүүлгэн шилжүүлсэн гэж мэдээлсэн байна. (Евро Уикли Ньюс)

Австралид Дэйли гол үерийн өндөр түвшинд хүрч, Хойд бүс нутаг дэвсгэрт суурин газар тусгаарлагдах, өмчийн хохирол учрах аюул нэмэгдсэн тул эрх баригчид яаралтай нүүлгэн шилжүүлэхийг уриалжээ. (Мираж Ньюс)

[АНУ-ын] Орегоны Эрүүл Мэнд, Шинжлэх Ухааны Их Сургуулийн томоохон судалгаагаар агаарын бохирдол “аюулгүй” гэж тооцогдох түвшинд байсан ч хүүхдийн тархины нимгэрэх явцыг түргэсгэж, урт хугацааны сэтгэл хөдлөл, танин мэдэхүйн хөгжлийг эрсдэлд оруулдгийг тогтоожээ. (Күүл Даун)

АНУ-ын Айова мужид 200 гаруй нум хэлбэрийн нуурыг [U хэлбэрийн усны бие]-ийг сэргээснээр нэн ховордсон топека гялтгануур загас-хүнийг буцаан сэргээсний зэрэгцээ усны чанарыг сайжруулан, бусад хэдэн зуун зүйлд дэмжлэг үзүүлжээ. Муж даяарх хүчин чармайлтыг одоо байгаль хамгаалах бүлгүүд, газар өмчлөгчид, хөдөө аж ахуйн түншүүд дэмжиж байна. (Гүүд Ньюс Нетворк/ Инсайд Клаймэйт Чэйнж)

[Канадын] Альберта мужийн [шавж судлаач] Майк Долински ургамлын биологи нь хүний урт наслах нууцын түлхүүрүүд агуулдаг гэж мэдэгджээ. Тэрээр митохондрийг хамгаалж, архаг өвчнөөс сэргийлэхийн тулд ургамал төвтэй хооллолт, стрессийг зохицуулалтыг зөвлөжээ. (Өрнөдийн Продюсер)

Боловсруулсан хүнснээс авах натрийн өндөр хэрэглээ зүрхний өвчний эрсдэлийг нэмэгдүүлдэг. Хоол зүйчид амт, эрүүл мэндэд тустай байдлыг хадгалахын тулд давсыг цитрус жимс, амтлаг ургамал, тэжээллэг хөрөнгөөр орлуулж, боловсруулаагүй веган хүнсийг чухалчлахыг зөвлөжээ. (ВежНьюс)

Хясаан мөөг нь веган хоол хийхэд шим тэжээл ихтэй, мөн амьтан-хүний махтай төстэй бүтэц, амтыг өгдөг. Үл исэлдүүлэгч болон В бүлгийн аминдэмээр баялаг энэ олон талт мөөг нь веган по’ бой хачиртай талхнаас эхлээд солонгос булгоги хүртэлх төрөл бүрийн хоолны гол орц болдог. (ВежНьюс)

[Ау Лак (Вьетнам)-ын] Куанчи аймгийн Трань Ти Хьен эгчийн удирддаг Лам Бич асрамжийн газар хорь гаруй жилийн турш өнчин болон хаягдсан олон зуун хүүхдийг энэрэл, олон нийтийн дэмжлэгээр дамжуулан бие даасан насанд хүрэгч болгон өсгөжээ. (Вьетнам Нет)

[АНУ-ын] Жерси хотод Палисэйдс хаднаас унасан ахмад настныг гал сөнөөгчид аварчээ. Багийнхан хүйтэн нөхцөлд өндрөөс олсоор аврах ажиллагаа явуулж, түүнийг ойролцоогоор 7.5 метрт өргөн гаргажээ. Тэрээр олон цаг хүйтэнд байсны дараа эмнэлэгт хүргэгдэв (Hudson County View)

[АНУ-ын Теннесси мужийн] Маунт Кармел хотын Кендра Холл (цагаан хоолтон) хэмээх эмэгтэй “A-Z Амьтан аврах газар” ашгийн бус байгууллагыг ажиллуулж, нохой-хүнээс эхлээд үхэр найзууд хүртэлх 100 орчим амьтан-хүнийг асран хамгаалж, олон нийтийн дэмжлэгээр олон амьтан-хүнийг үл хайхрах болон өвдөлтгүй унтуулахаас аварч байна. (ТаймсНьюс)

Өдрийн саруул ухааны эшлэл: “Амьжиргаагаа залгуулах гэж амьдралаа бүү орхигдуул.” Америкийн сагсан бөмбөгийн нэрт дасгалжуулагч, тоглогч Жон Вүүдэн (BrainyQuote)

Америк эмэгтэй Жэйн Смит төрөх үедээ хэрхэн нас барж, бид үхэшгүй мөнхийн оршихуй бөгөөд хүн бүрийн мөн чанар нь хайр гэдгийг мэдэрснээ хуваалцаж байна. Би өөрийн сүнсийг мэдэрсэн, ингэж нэрлэх нь хамгийн зөв байх. Сүнс маань цээжнээсээ дээш, толгойгоороо дамжин толгойн оройгоор гарч буйг би мэдэрсэн. Би үүнийг мэдэрсэн. Би түүний хөдөлгөөнийг мэдэрч, мөн чимээг нь сонссон. Энэ “шүүп” гэх мэт болж, би юу болж байгааг ойлгохгүй, харанхуй орон зайд өөрийгөө байгааг мэдсэн. Ямар нэг зүйл хэвийн биш байгааг мэдсэн ч, яг юу болохыг огт мэдэхгүй байв. Гэнэт би саарал мананд зогсож байгаагаа ойлгож, энэ бүхэн намайг нас барсан учраас болж байна гэдгийг ойлгосон. Би нас барсан, гэхдээ амьд байна. Би үргэлж үхлийн дараа амьдрал байдагт итгэж явсан ч баттай мэдэхгүй байсан тул одоо энд байгаадаа зүрх минь багтаж ядан үнэхээр талархаж байлаа. Би энд байсан. Нас барснаа мэдэж байсан атлаа амьд байсан тул, үнэхээр үргэлжлэн оршдогоор нь энэ бүхнийг зохион байгуулсан Бурханд асар ихээр баярлаж, талархаж эхэлсэн.

Жэйн талархлын мэдрэмж нь оргилж байх үед онцгой зүйл тохиов. Саарал манан асар том, нүд гялбам цагаан Гэрэл болон хувирсан. Энэ нь тайзан дээрх прожектор шиг хөдөлгөөнгүй гэрэл биш байлаа. Энэ нь хөдөлгөөнт гэрэл байв. Ямар нэгэн байдлаар үйл явц өрнөж байсан. Гэрлийн дотор хүч оргилж байв. Гэрэл над руу ойртож, намайг ч бас өөртөө татан оруулах хүртэл би юу болохыг огт ойлгоогүй. Тэгээд нэг мөчид Гэрэл бид хоёр нэг болсон, ядаж л надад тэгж мэдрэгдсэн. Энэ Гэрэл би хэчнээн хичээсэн ч тайлбарлаж барамгүй Хайраас бүтэж байсан. Ийм гэрэл, ийм хайрыг дүрслэх үг гэж үгүй. Тэр Хайр надад ямар ч үг хэлэлгүйгээр: “Чи миний хайртай сүнс. Би чамайг зүрх сэтгэлээрээ хайрладаг. Би чамайг болзолгүй хайрладаг. Чи миний хувьд итгэлээс ч давсан эрхэм нандин.” гэж хэлсэн. Гэрэлд умбах төдийд л би үүнийг мэдэрч байсан. Би асар их хөөрч догдолж эхэлсэн. Энэ Гэрлийн хүч, энерги нь тийм их байсан тул, миний дотор хариу үйлдэл үзүүлдэг тэр зүйл улам бүр дээшлэн дээшилсээр, нэг мөчид би Гэрэлд өлгийдүүлж буйгаа мэдэрсэн. Тэнд амар амгалан ч тэнд байсан. магадгүй хэсэг нь байх. Учир нь энэ бол миний амьдралдаа мэдэрч байгаагүй хамгийн гайхамшигтай амар амгалан мэдрэмж байсан. Би хөвөх гэдэг үгийг ашиглая, үнэндээ би хэсэг хугацаанд өөрийгөө энэ Хайр, Гэрэлд хөвөхийг зөвшөөрсөн.

Гэрэлд умбасан үед Жэйн мэдлэгийг өөрийн оршихуйдаа шууд хүлээн авч эхэлжээ. Би өмнө нь мэддэггүй байсан зүйлсийг мэдэж эхэлсэн. Яг л би хүлээн авах станц мэт энэ нь намайг тэжээж, цутгаж байв. Энэ зүйл болж байх хугацаанд надад өөрийн гэсэн бодол огт төрөөгүй. Харин надад дамжуулж байсан зүйл нь би үхэшгүй оршихуй, би үргэлж оршиж ирсэн, мөн үргэлж орших болно гэсэн мэдлэг байв. Би мөнх байсан. Би устгагдашгүй байв. Намайг дэлхийн гадаргаас ч, өөр хаанаас ч бай бүр мөсөн арчих явдал үнэхээр тохиолдохгүй, мөн энэ нь үнэн гэдгийг би мэдэж байсан. Гэрэлийн надад өгч байсан зүйлд би огт эргэлзээгүй. Учир нь дотроо би Гэрэл гэж юу болохыг мэдэрч байсан. Би “Өө, Гэрэл бол Бурхан” гэж бодоогүй. Тэгж бодоогүй. Зүгээр л Гэрэл Бурханаас ирсэн гэж мэдэрсэн. Бодол биш, мэдрэмж төрсөн бөгөөд Гэрэлийн надад өгч буй бүхэн туйлын үнэн гэдгийг би мэдэж байсан.

Дараа нь түүний дээр мэдлэгийн хоёр дахь хэсэг бууж иржээ. Тэр мэдлэгийн дотор миний ойлгосон зүйл нь хорвоо төгс гэсэн мэдлэг байв. Би хорвоо гэдэг үгийг хэлэхдээ нийт цогц, бүхэл, бүхнийг хэлж байна. Энэ нь төгс, яг орж ирсэн үгсийг би тодхон санаж байна. Энэ нь дэлхий төгс төлөвлөгөөний дагуу ажилладаг, тэр төлөвлөгөө өөрийн төгс байдлаараа ажилладаг гэсэн үг байсан. Мөн энэ нь үнэн гэдгийг би мэдэж байсан. Энэ бүхэн үнэн гэдгийг би мэдэж байв.

Хөөрөл догдлол тасралтгүй өсөж, түүнийг өөрийнх нь мэддэггүй байсан нэгэн босго руу түлхжээ. Тэр хөөрөл, тэр жаргал огт намжаагүй. Зүгээр л тасралтгүй үргэлжлэн, үргэлжилсээр, эцэст нь би бүхий л зүйлийн талаар анх удаа өөрийн гэсэн бодол төрсөн цэгт хүрсэн. Энэ нь “Би бүрэн нурах хүртлээ үүнээс илүүг хэр тэсвэрлэх бол?” гэсэн бодол байлаа. Тэр бодол төрсөн даруйд Гэрлийн эрчим буурч эхэлсэн. Миний өөрийн хөөрөл догдлолын эрчим ч мөн буурч эхэлсэн. Бүх зүйл миний даахуйц түвшинд хүртэл намжиж, гэнэт би: “Юу болоод байна аа. Би хаана байгаагаа мэдэхгүй. Юу болсон талаар санахгүй байна. Би энэ Гэрэлд тавхан минут, таван жил, эсвэл зуун жил байсан эсэхээ мэдэхгүй байна.” гэж бодсон.

Удалгүй түүний туулж буй зүйл нь огт өөр дүр зураг руу шилжиж, тэнд тэрээр өөрийг нь хүлээж байсан бусад төрөлтнүүдтэй уулзжээ. Би үнэхээр сүр жавхлантай сайхан ногоон нуга дээр зогсож байгаагаа олж харсан ба тэндхийн гэрэл нь алтан шаргалдуу, манай дэлхийн гэрлээс ч илүү сайхан байлаа. Маргааш бидэнтэй дахин хамт байж, Жэйн Смитийн клиник үхэлд орсон тохиолдлын 2-ын 2-р хэсгийг үзээрэй. (КҮТ Видео)