ӨДӨР ТУТМЫН МЭДЭЭ-ний гол тойм – 2026 оны 4-р сарын 3

Кубад хэдэн сарын турш түлшний хомсдол, өргөн тархсан цахилгааны тасалдлын дараа АНУ тус арлыг богино хугацааны эрчим хүчний эх үүсвэрээр хангаж, хориг арга хэмжээгээ түр зуур сулруулж байгаатай холбогдуулан ойролцоогоор 700,000 баррель түүхий нефть тээвэрлэсэн Оросын танкер хөлөг онгоц Кубад ирлээ6 (Дан Три)

[Испанийн] Барселона хотын 25 настай Ноэлия Кастилло Рамос хэмээх эмэгтэй Испанийн хууль ёсны өвдөлгүй үхүүлэх системээр дамжуулан нас баржээ. Аав нь уг процедурыг зогсоохыг оролдсон ч Европын Хүний Эрхийн Шүүх зэрэг шүүхүүд түүнийг эмнэлгийн болон хууль эрх зүйн бүх шаардлагыг хангасан гэж шийдвэрлэсэн нь түүнийг 2021 онд батлагдсан хуулиас хойш нас баралтын тусламж авсан хамгийн залуу хүн болгосон байна. (Фокс Ньюс)

Эйр Чайна компани [Хятадын] Бээжин, [Хойд Солонгосын] Пхеньян хотуудын хоорондох шууд нислэгийг зургаан жилийн дараа анх удаа сэргээлээ. Энэ нь Хойд Солонгос аажмаар хилээ дахин нээж буйн дохио бөгөөд хил дамнасан аяллын хязгаарлалт болон саяхан сэргээгдсэн галт тэрэгний үйлчилгээтэй ажиллаж эхэлсэн ч жуулчны виз хязгаарлагдмал хэвээр байна. (Чаннель Ньюс Азия)

[Сирийн] Алеппо мужийн захиргаа Алеппо хотын хэд хэдэн хороололд 150,000 куб метр орчим дайны нуранги цэвэрлэх, гол замуудыг дахин нээх томоохон хэмжээний кампанит ажил эхлүүлжээ. Инженерийн анги нэгжүүд дайнд сүйдсэн дүүргүүдийг сэргээн босгох, оршин суугчдын хөдөлгөөнийг сэргээх өргөн хүрээтэй ажлын хүрээнд эхлээд тэсрэх бодис байгаа эсэхийг хайн, тухайн газруудыг цэвэрлэж байна. (САНА)

[Бразилын] Кампинасын Их Сургуулийн хязгаарлагдмал нэвтрэх эрхтэй судалгааны лабораториос томууны өндөр эрсдэлтэй дээж хулгайлагдсаны дараа Бразил улс биологийн аюулгүй байдлын мөрдөн шалгалтыг эхлүүллээ. Хожим нь бүх материалыг их сургуулийн хотхоноос олсон ч энэ зөрчил нь аюулгүй байдлын протоколын талаарх санаа зовоосон асуудал үүсгэж байна. (Бао Тинь түк)

Камбожийн засгийн газар улс даяар луйврын төвүүд, хил дамнасан гэмт хэргийн сүлжээтэй тэмцэх ажлыг эрчимжүүлж байгаатай холбогдуулан Камбожийн Үндэсний Ассемблей цахим залилангийн эсрэг өргөн хүрээтэй хуулийг санал нэгтэй дэмжин баталжээ. Энэ хуулиар гэмт бүлэглэлийн толгойлогчдод бүх насаар нь хорих ял оноож, үйл ажиллагаа явуулагч, элсүүлэгчдэд илүү хатуу ял оноох юм. Уг хуулийг дараа нь Сенатаар хэлэлцэхээр шилжүүлнэ. (Түөй Трэ)

АНУ 2015-2026 оны хооронд борлуулагдсан 10 сая гаруй Nexgrill мах шарагчийн цэвэрлэгч сойзыг эргүүлэн татаж байна. Энэ нь металл үс нь хугарч, санамсаргүйгээр залгиж болзошгүй бөгөөд хэрэглэгчдийг гэмтээж, хэд хэдэн хүнийг эмнэлэгт хүргэсэн гэсэн олон арван мэдээллийн дараа болсон бөгөөд албаны хүмүүс хэрэглэгчдийг уг сойзыг хэрэглэхээ больж, буцаан олголт авахыг уриалахад хүргэжээ. (ВнЭкспресс)

[Австралийн] Шинэ Өмнөд Уэльсийн Их Сургуулийн судлаачид электрон тамхи нь уушги, амны хөндийн хорт хавдар үүсгэх магадлалтайг анхааруулж байна. Мэргэжилтнүүд 2017-2025 оны хоорондох мэдээллийг хянаж үзээд электрон тамхи нь ДНХ-д хор хөнөөл учруулдаг бөгөөд ердийн болон электрон тамхи хэрэглэдэг хүмүүсийн аль альд нь уушгины хорт хавдрын эрсдэл дөрөв дахин нэмэгддэгийг тогтоожээ. (Дэйли Мэйл)

Мэргэжилтнүүд кимчи, даршилсан өргөст хэмх, комбуча зэрэг исгэсэн хоол хүнс нь гэдэс дүүрэх, базлах, арьсны тууралт гарах зэрэг сөрөг урвал үүсгэж болзошгүйг анхааруулж байна. Эдгээр шинж тэмдгүүд нь ихэвчлэн гистаминд мэдрэг байдлаас үүдэлтэй байдаг. Эрүүл мэндийн эрсдэлийг багасгахын тулд мэргэжилтнүүд бага хэмжээгээр хэрэглэж эхлэх, хортой бодис агуулсан байж болзошгүй тул зохисгүй хадгалсан, эсвэл хугацаа нь хэтэрсэн бүтээгдэхүүнээс зайлсхийхийг зөвлөж байна. (ВнЭкспресс)

Босох үед гэнэт толгой эргэх буюу ортостатик гипотензи гэж нэрлэгддэг энэ үзэгдэл нь таталцлын хүч цусыг хөл рүү татаж, тархинд очих хүчилтөрөгчийг түр зуур бууруулах үед болдог. Шингэн алдалт, өлсгөлөн, ядаргаа нь энэ нөлөөг улам хүндрүүлдэг. Ерөнхийдөө хор хөнөөлгүй ч мэргэжилтнүүд цусны эргэлтийн системд эдгээр огцом даралтын өөрчлөлтийг зохицуулах, зүрх судасны эрүүл мэндийг хадгалахад туслахын тулд аажуу босох, шингэн уухыг зөвлөж байна. (ВнЭкспресс)

Афганистан, Пакистанд хүчтэй аадар бороо орж, үер буусны улмаас дор хаяж 45 хүн нас барж, 74 хүн бэртэж гэмтэн, 1,140 гаруй өрх нэрвэгджээ. Цаг уурчид эдгээр эмзэг хоёр оронд цаг агаарын ноцтой эрсдэл үргэлжлэхийг анхааруулж байна. (Ройтерс)

Ау Лак (Вьетнам)-ын хойд хэсэгт хүчтэй мөндөр, ширүүн салхи, аянга цахилгаанд дөрвөн хүн нас барж, есөн хүн бэртэж гэмтжээ. Цаг агаарын эрс тэс үзэгдэл 200 гаруй га талбайн ургацыг сүйтгэж, 6500 гаруй айл өрх, орон нутгийн нийтийн дэд бүтцэд ноцтой хохирол учруулжээ. (Вьетнам Плас)

Арабын Нэгдсэн Эмират Улсын Рас Аль Хайма хотод түүхэн дээд буюу 244 миллиметр хүртэл хэмжээтэй хур тунадас орж, тус улс үерт автжээ. Хүчтэй аянгатай бороо орж, Дубай, Абу Даби хотууд хамгийн их хохирол амссан хотуудын тоонд багтжээ. Катар, Саудын Араб улсууд ч мөн хүндээр нэрвэгдсэн байна. Шуурганы систем одоо Газар дундын тэнгис рүү шилжиж, зүүн өмнөд Европ болон Хойд Африкт заналхийлж байна. (Гардиан)

37 жилийн өмнө Норвегийн эрэг орчмоор живсэн Зөвлөлтийн цөмийн шумбагч онгоц болох К-278 Комсомолецын сүйрсэн үлдэгдлийн элэгдэж муудсан реактороос цацраг идэвхт бодис үе үе алдагдаж байгааг шинэ судалгаагаар тогтоожээ. Энэ нь их бие дээр нь маш өндөр концентрац илэрсэн ч ойр орчмын усанд хурдан шингэрч байгаа тул эрдэмтэд алдагдлын механизм болон урт хугацааны эрсдэлийг үнэлэхийн тулд хянах ажиллагааг үргэлжлүүлэхийг уриалж байна. (ВнЭкспресс)

Шинэ судалгаагаар [Хятадын] Бээжин хотыг гүний усыг нөхөн сэргээж чадсан ховор жишээ болж буйг онцолж, импортын ус, дахин боловсруулсан бохир ус, гүний уст давхаргыг шахах хатуу хязгаарлалтууд нь мега хотод хэдэн арван жилийн хомсдолыг буцаан эргүүлж, булаг шандыг сэргээхэд хэрхэн тусалдаг болохыг харуулсан ба олон стратегийг нэгтгэх үед уст давхаргууд сэргэх боломжтойг харуулсан нотолгоо болж байна. (Гүүд Ньюс Нетворк)

Илүү олон цахилгаан машинууд [EV] одоо айл өрх, цахилгааны сүлжээнд цахилгаан илгээх боломжтой болж буй нь тэднийг "дугуйн дээрх батарей” болгон хувиргаж байна. Эдгээр хоёр чиглэлд цэнэглэдэг 630,000 гаруй цахилгаан тээврийн хэрэгсэл нь АНУ-ын зам дээр хэдийн явж буй бөгөөд цахилгаан тасалдлын үед гэрлээ асаалттай байлгах, цахилгаан хямд үед цэнэглэснээр эрчим хүчний төлбөрийг бууруулах, тэр ч байтугай оргил ачааллын үед цахилгаан сүлжээг тогтворжуулахад туслах боломжтой. Автомашин үйлдвэрлэгчид, нийтийн аж ахуйн нэгжүүд энэ технологийг хурдацтай өргөжүүлж байгаа бөгөөд мэргэжилтнүүдийн үзэж буйгаар энэ нь арван жилийн эцэс гэхэд түгээмэл болж магадгүй юм. (Ройтерс)

Сөүл хот Өмнөд Солонгосын анхны бүрэн жолоочгүй автобусны маршрут болох 23.5 км урттай Саэбёокдонгхаенг А741 маршрутыг нээлээ. Энэ нь аяллын турш бие даан ажилладаг бөгөөд тус хот өглөө эрт явах хөдөлгөөний сонголтыг өргөжүүлж, ирэх саруудад өөрөө жолооддог үйлчилгээг нэмэгдүүлэхээр бэлтгэж байна. (Бао Тин түк)

[Ау Лак (Вьетнам)-ын Хо Ши Минь хотын] Ли Вань Тинь эмнэлгийн сайн дурын ажилтнууд өдөрт 300 үнэгүй цагаан хоолоор үйлчилдэг. “Аз жаргалтай гал тогоо” нь бага орлоготой өвчтөнүүд, эмнэлгийн багийн гишүүдийг дэмжиж, тэжээллэг, ургамалд суурилсан тусламж үйлчилгээгээр дамжуулан олон нийтийн эв нэгдлийг бий болгож байна. (Түөй Трэ)

Германы ПЕТА [Амьтдад ёс зүйтэй ханддаг хүмүүсийн нийгэмлэг] 3-р сарын 28-нд тэмдэглэсэн Эх дэлхийн цаг [оролцогчид уур амьсгалын өөрчлөлтийн арга хэмжээний хүрээнд шаардлагагүй гэрлийг 1 цагийн турш унтраасан]-ийн үеэр [Германы Берлин хотын] Бранденбургийн хаалган дээр "Гарагийн төлөө веган" гэсэн мессежийг түгээжээ. Уг жагсаал нь веган хоолны дэглэмд шилжих нь хувь хүний ​​хоол хүнстэй холбоотой хүлэмжийн хийн ялгарлыг 75%-иар бууруулж болохыг онцолжээ. (PETA UK)

[Ау Лак (Вьетнам)-ын] Тай Нинь дахь Фап Хан сүм “Цагаан хоол”-ны буфет зохион байгуулж, оюутны тэтгэлэгт зориулж 7,900 орчим ам.доллар цуглуулжээ. Ахлах гэлэнмаа Тич Так Мань уг хэмжээг удирдан явуулж, ургамлын гаралтай 70 хоолоор дамжуулан энэрэнгүй сэтгэлийг сурталчилж байна. (Фат Сү Онлайн)

Пакистаны ажилчин Шехзад Хан Оманы Ид аль-Фитр баярын үеэр үерт автсан хөндийгөөс [их борооны үеэр хурдан дүүрдэг хуурай голын ёроол] машинд сууж явсан хоёр энэтхэг хүнийг аварчээ. Усанд хэрхэн сэлэхийг мэдэхгүй ч хийсэн баатарлаг үйлээрээ олон нийтийн сайшаал хүртэж, Пакистаны элчин сайдын яамнаас албан ёсны шагналыг түүнд хүртээжээ. (Дунья Ньюс)

[Ливаны] Бейрут хотод агаарын дайралтын үеэр аврах баг аюулгүй байдал эрсдэлтэй хэвээр байгаа ч 241 амьтан-хүнийг аварчээ. Ливаны Амьтад байгууллага сүйдсэн барилгуудад эрэл хайгуул хийж, гацсан гэрийн тэжээвэр амьтан-хүмүүсийг гаргаж, мал эмнэлгийн тусламж, хоол хүнс, орон байраар ханган, тухайн бүс нутгаас явсан, амьтан хамтрагчидтайгаа эргэн уулзах боломжгүй дүрвэгсдэд мөн тусалж байна (Мьянмарын Олон Улсын Телевиз)

Их Британийн Үндэсний Сан тус улсын Фоуи хотын ойролцоох 13.7 га бүхий Аллдейсын тал хэмээх газрыг хамгаалалтад авч, худалдан авалтыг Санваартан Энтони Мапплбекийн өвлүүлсэн хөрөнгөөр хийжээ. Энэхүү худалдан авалт нь зэрлэг амьтдын чухал амьдрах орчныг хамгаалж, хойч үедээ зориулан Эрхэм Санваартны хайрладаг байсан алдарт эрэг орчмын шугамд олон нийтэд байнга нэвтрэх боломжийг олгож байна. (Гүүд Ньюс Нетворк)

Өдрийн гэгээрүүлэх эшлэл: “Бид энэ богинохон амьдралын хугацааг зохистой аргаар ашиглах хэрэгтэй. Учир нь хүний амьдралын зорилго бол өөрийгөө сүнс гэдгээ ухаарч, Бурханыг олох явдал юм.” – Хүндэт Гэгээрсэн Их Багш Сант Такар Сингх Жи Махараж (цагаан хоолтон) (HolyDrops.com)

Тим Эхманы клиник үхэлд орсон тохиолдлын 3-ын 1-р хэсэгт Америкийн хард рок хөгжимчин Тим хэрхэн хар тамхи хэтрүүлэн хэрэглэж нас барж, тамын аймшгийг мэдэрч, алдартай хөгжимчидтэй уулзаж, Эзэн Есүс Христ (цагаан хоолтон) түүнийг аварч, дараа нь түүнд Диваажингийн гоо үзэсгэлэнг харуулсан тухай хуваалцаж байна.

Тим Пенсильвани мужийн Питтсбург хотод мэндэлж, хөгжмийн салбарт маш эрт оржээ. 16 настайдаа тэрээр аль хэдийн шилдэг хөгжимчидтэй уулзсан байсан ба Дэвид Боуи хүртэл түүний төрсөн өдрийн үдэшлэгт ирж байжээ. Тим дараагийн 35 жилийг зугаа цэнгэлийн салбарт ажиллаж, рок-н-ролл амьдралын хэв маягаар амьдарсан бөгөөд 30 жилийн турш өдөрт 500 ам.долларын хар тамхи хэрэглэдэг байлаа. Тэрээр тамд үл ялиг итгэдэг байсан ч Эзэн Есүс Христ, Диваажинд итгэдэггүй байв. Рок-н-роллын тансаг гадаад тал нь гүн өвдөлт, хүчирхийллийг нуун дарагдуулсан байв. Тим нэгэн эмэгтэйтэй хамт амьдарч, хоёр хүүхэдтэй болсон ч хар тамхи, бие махбодын хүчирхийллээс болж, харилцаа нь хүндэрчээ.

Тэгээд нэг өдөр, 2000 оны 9-р сарын 1-нд, би героин ба кокаин гэж нэрлэдэг өөр нэг спидбол хийхээр дээд давхарт гарсан өдөр байлаа. Тэгээд би зүгээр л харанхуйлсан. Бүх зүйл харанхуйлав. Энэ нь зүгээр л харанхуй биш байсан. Энэ бол маш хачин уур амьсгал байсан - би ямар нэгэн зүйл болж байгааг мэдэж байсан. Тэгээд би орон дээр уначихсан юм шиг санагдсан. Би орон дээрээ арагшаа унасан. Би дэлсэх чимээ сонссон ч юу ч мэдрээгүй. Тэгээд би зүгээр л доошоо, улам бүр доошлон, доошилсоор байгаа юм шиг санагдсан. Тэгээд гэнэт би энэ газарт, жинхэнэ аймшигт байдалд байгаа мэт санагдан, хашхирах чимээ сонсогдож, тэнд хэдэн чөтгөр харсан. За, энэ бүхэн миний хэзээ ч итгэж байгаагүй зүйлс.

Би диваажин, там, ямар ч төрлийн сахиусан тэнгэр, чөтгөрийн оршихуй гэх мэт зүйлд итгэдэггүй байсан. Харин би тэнд байсан, тэгээд л би тамд байгаагаа ухаарсан. Хүн бүр надад энэ газрын талаар хэлж байсан ч би хэнд нь ч итгэж байгаагүй. Тэгээд би эдгээр чөтгөрүүд над руу ирж байгааг харсан. Тэд эдгээр гинжтэй байсан бөгөөд гинжнүүд нь яг л газарт чирэгдэж, тэднийг улам ойртон ирж буйг сонсож болохоор байсан. Тэр чимээ чихэнд минь бараг 10 жилийн турш хадаастай байна. Би үүнийг чихнээсээ гаргаж чадаагүй. Тэгээд би тэднийг харсан, тэд яг л аймшигтай, эв хавгүй амьтад шиг байсан. Энэ үед миний харсан төрөлтнүүд. Тэд царай болон бусад зүйлс нь хайлсан лаав шиг харагдаж байв. Зүгээр л хар, бор өнгөтэй, бас тэдний царай хайлчихсан юм шиг харагдаж байсан. Гэхдээ энэ бол таны байхыг хүсэхгүй газар, таны найзууд ч, дайснууд ч, хэн ч гэсэн хүсэхгүй. Энэ бол аймшигтай газар.

Тим өөрийгөө тамын хаалганы гадна байгааг олж мэджээ. Чөтгөрүүд түүний баруун талаас гинжтэй ойртож байсан бол зүүн талд нь цогцсууд овоолсон байхыг харжээ. Хаалга өөрөө дотогшоо хийсэж, нугасан дээрээ дүүжлэгдэж буй мэт байсан бөгөөд тэндээс жижиг гал гарч, тэр ч байтугай хашхираан сонсогдож, дараа нь хүмүүс нэрийг минь хашхирахыг сонссон. Энэ нь үнэхээр, би "Хөөх, намайг энд мэхэлсэн байна" гэж бодсон. Учир нь рок хөгжмийн бизнест хүн бүр үргэлж л “Өө, энэ бол үдэшлэгийн газар", энэ бүх утгагүй зүйлийг хэлдэг байсан. Тэнд ямар ч үдэшлэг байгаагүй. Энэ бол зүгээр л аймшиг, тамлал, таны тайлбарлаж ч чадахгүй зүйлс гэх гэсэн юм.

Дараа нь Тим 70, 80, 90-ээд оны алдартай рок хөгжимчдийг тамд сонсож, мэдэрчээ. Тэр тэдний нэрийг хэлээгүй ч, тэд түүнийг там руу татахыг оролдож байжээ. Тэдний бяцхан ясан гар намайг татах гэж оролдож буйг би мэдэрч байлаа. Гэхдээ би үүнийг тамлан зовоох газар гэж бодож байна. Тэднийг ч бас тамлан зовоосон гэсэн үг. Миний мэдэж байгаагаар би эдгээр нүхнүүдийг хурдан харсан бөгөөд хүмүүсийн арьс яг л түлэгдсэн мэт болж, дараа нь дахин гарч ирэх мэт болсон, эдгээр өт гэх мэт зүйлс тэнд байгаа мэт, хашхирах чимээ нь өөрөөр хэлбэл хашхираан гэх мэт бүх зүйлс үхлээс ч давсан аймшигтай төсөөлөхийн аргагүй байсан. Өөрөөр хэлбэл тэнд амьдрал байгаагүй. Хэрэв боломжтой бол энэ нь амьгүй дуу хоолойтой адил юм. Тэгээд тэнд сайн зүйл огт байгаагүй. Энэ бол туйлын муу ёрын, бүхэлдээ муу зүйл байсан. Муу зүйл бүр байсан. Тэнд ганц ч сайн зүйл байхгүй. Нэг нь ч сайн биш.

Тэр өдрийн эхээр Тим хар тамхи хэтрүүлэн хэрэглэхээсээ өмнө гэртээ ер бусын зүйл сонссон байв. Би дэлхий даяарх хөгжмийн студид очиж, бүх төрлийн дуу чимээг, ихэнх дуу чимээг сонссон ч тэнд барьж авч чадаагүй нэг дуу чимээ байсан. Бүтэн өдрийн турш энэ нь сахиусан тэнгэрийн дуу байсан, би хаанаас гарч буйг нь мэдээгүй ч болор мэт тод сонсогдож байлаа. Энэ нь хөгжмийн зэмсэг байсан эсэхийг би тайлбарлаж ч чадаагүй. Энэ бол зүгээр л энэ ертөнцөөс хэтийдсэн зүйл байсан. Тухайн үед Тим энэ чимээ юу болохыг, эсвэл яагаад сонсож байгаагаа ойлгоогүй байв. Гэвч тэр аймшгийн дунд гинж ойртож, дуу хоолойнууд түүнийг дотогш татахыг оролдох үед ямар нэгэн зүйл өөрчлөгджээ.

Дараагийн зүйл болсон явдал, миний саяхан хэлсэн зүйлсээс гадна, овоолсон цогцос болон бүх зүйлсийн орчимд тод Гэрэл гарч ирсэн, энэ нь дээрээс ирсэн бөгөөд тэр Гэрэл дотор хүний төрх харагдаж байсан, та зүгээр л мэднэ. Энэ там гэдгийг би мэдэж байсан шигээ Есүс гэдгийг ч бас мэдэж байсан. Тим Эхманы клиник үхлийн тохиолдлын 3-ын 2-р хэсгээр маргааш бидэнтэй хамт байгаарай. (Бурхан Жани ДуВаллтай учирсан нь)