ӨДӨР ТУТМЫН МЭДЭЭ-ний гол тойм – 2026 оны 4 дүгээр сарын 10

Украин (Урейн)-ы ерөнхийлөгч Зеленський [Сирийн] Дамаск хотод айлчлал хийх үеэр Украин (Урейн), Сири улсууд аюулгүй байдлын хамтын ажиллагаагаа гүнзгийрүүлэхээр тохиролцлоо. Украин (Урейн) улс цэрэг, дроноос хамгаалах туршлага санал болгож, хоёр удирдагч бүс нутгийн аюулгүй байдал, хүнсний хангамжийн түншлэлийн талаар хэлэлцжээ. (Аль Жазира)

Казахстан, АНЭ [Арабын Нэгдсэн Эмират] улсууд [АНЭУ-ын] Абу Дабид хотод болсон уулзалтаар тогтвортой хөгжил, дэлхийн усны дипломат ажиллагаа, хөрөнгө оруулалтын хамтын ажиллагааг өргөжүүлэх асуудлыг хэлэлцэж, олон улсын форумд ижил байр суурьтай байгаагаа болон худалдаа, эрчим хүч, технологийн түншлэлээ гүнзгийрүүлэх төлөвлөгөөг онцолж байна. (Qazinform)

Ау Лак (Вьетнам) улс бусдад согтууруулах ундаа уулгахаар албадсан тохиолдолд 1–3 сая вьетнам донг (ойролцоогоор 38–114 ам.доллар)-ын торгууль ногдуулахаар боллоо. Мөн 18-аас доош насныханд согтууруулах ундаа худалдах, сурталчлах, урамшуулахтай холбоотой шийтгэлийг чангатгаж, хор хөнөөлтэй архидах зуршлыг бууруулж, нийтийн эрүүл мэндийг хамгаалах бодлогоо эрчимжүүлж байна. (ВнЭкспресс)

ИБУИНВУ-ын Шотланд дахь нэгэн цагт хамгийн том шилэн хүлэмж байсан, Глазго дахь олон жил эзгүйрч доройтсон Спрингберн Өвлийн цэцэрлэг нь сэргээн босголтын 1.1 сая фунт.Стерлингийн санхүүжилт авснаар “амьд балгас” болон ирээдүйд арга хэмжээ зохион байгуулах талбай хэлбэрээр хадгалагдан үлдэхээр болжээ. (Гүүд Ньюс Нетворк)

Молдавын 100 гаруй суурин Европын Холбооны дэмжлэгтэй гудамжны гэрэлтүүлгийн шинэчлэлээс ашиг тус хүртжээ. Шинэ LED болон нарны эрчим хүчээр ажилладаг системүүд нь эрчим хүчний үр ашгийг нэмэгдүүлж, зардлыг бууруулан, сууринууд даяар шөнийн аюулгүй байдал нэмэгдсэн байна. (Молдпрес)

Хо Ши Мин хотын Өвчний хяналтын төвөөс согтууруулах ундаа нь хорт хавдар, элэгний хатуурал зэрэг 230 гаруй өвчнийг өдөөдөг бөгөөд ямар ч хэмжээгээр хэрэглэх нь эрүүл мэндэд аюулгүй гэж тооцогдохгүйг анхааруулжээ. Согтууруулах ундаа нь мөн хүчирхийлэл үүсгэж, дэлхий даяар жилд 2.6 сая хүний аминд хүрч байна. (Түөй Трэ)

85 ба түүнээс дээш настай залуу хүмүүсийн 50 хувь нь толгой эргэх зовуурьтай байдаг. Эмч нар толгой эргэхийг захын [BPPV (Пароксизмын байрлалын хоргүй толгой эргэлт) гэх мэт хоргүй], төвийн [харвалт зэрэг аюултай] гэж ангилдаг. Мэргэжилтнүүд оношилгоонд HINTS [Толгойн өдөөлт, Нистагмус, Хялар шалгах сорил] үзлэг хийлгэхийг зөвлөж, толгой эргэхийн хамт хэл яриа саатах, мөч сулрах, хүчтэй толгой өвдөх шинж илэрвэл яаралтай эмнэлгийн тусламж авах шаардлагатайг анхааруулжээ. (ВнЭкспресс)

Мэргэжилтнүүд булчингийн өсөлт, уургийн нийлэгжилтийг сайжруулахын тулд нүүрс усны тэнцвэрийг зөв хадгалах хэрэгтэйг онцолж байна. Бор будаа, овьёос, амтат төмс зэрэг цогц нүүрс ус нь дасгал хийх тогтвортой энерги өгдөг бол цагаан будаа, боловсорсон жимс зэрэг энгийн нүүрс ус нь дасгалын дараа гликогенийг хурдан нөхдөг. Эслэг ихтэй эх үүсвэрийг тэргүүнд тавих нь хоол боловсруулалт, шим тэжээлийн шимэгдэлтийг сайжруулдаг тул нүүрс усыг зөв цагт хэрэглэх нь фитнесийн урт хугацааны зорилт, булчингийн цогц хөгжлийг хангахад чухал юм. (Лао Дон)

Энэтхэгийн Уттар-Прадеш мужийн баруун хэсэгт хүчтэй салхи, бороо, мөндөр дагалдсан хүчтэй шороон шуурга болж, гурван хүн амиа алдаж, хоёр хүн гэмтжээ. Цаг агаарын эрс тэс үзэгдэл нь орон нутгийн хөдөө аж ахуйд ихээхэн хохирол учруулж, олон мянган тариаланч нөхөн олговор эрэлхийлэхэд хүрчээ. (Уотчерс)

Британийн Анагаах ухааны сэтгүүл [BMJ]-ийн Хоол тэжээл, урьдчилан сэргийлэлт, эрүүл мэнд буланд нийтлэгдсэн эмнэл зүйн туршилтаар амьтан-хүний гаралтай мах, сүүн бүтээгдэхүүнийг өөх тос багатай веган хоолоор орлуулах нь хүний хүлэмжийн хий ялгаруулалтыг 35%-иар бууруулдгийг харуулжээ. Энэ веган шилжилт нь жин буурах зэрэг эрүүл мэндийн мэдэгдэхүйц сайжралтыг мөн авчирч байна. (Хариуцлагатай Анагаах Ухааны Эмч нарын Хороо)

Хямд үнэтэй хуучин гибрид автомашины импорт Монголыг ногоон хаягдлын халуун цэг болгож байна. Хатуу ширүүн уур амьсгалд хуучирсан батарей хурдан мууддаг бөгөөд дахин боловсруулах тогтолцоо дутмаг тул хорт бодисын хуримтлал байгаль орчинд ноцтой эрсдэл учруулж байна. (Чаннель Ньюс Азия)

Молдав улс 3-р сарын 7-нд Оросоос Украин (Урейн)-ы Новоднестровскийн усан цахилгаан станцад хийсэн довтолгооны улмаас үүссэн бохирдлын хохирол 100 сая еврогоос давах магадлалтайг анхааруулжээ. Нистру голд газрын тосны шинэ толбо илэрсэн нь ослын хаалт хийх, дроноор хянах, усны аюулгүй байдлын үргэлжилсэн шинжилгээг хийхэд хүргэж байна. (Молдова 1)

Нидерландын нэгэн компани усан дор “нисдэг”, Super Sub нэртэй, 3 хүний суудалтай тансаг загварын бичил шумбагчийг танилцууллаа. Тус төхөөрөмж дээд тал нь 10 зангилаа [цагт 18.5 км] хурдалж, 300 метрийн гүнд шумбах чадвартай бөгөөд анхны худалдан авагчдаа хүргэхээс өмнө одоо далайд туршигдаж байна. (Интерестинг Инженеринг)

[Испанийн] Альмериад туршсан гадаргуугийн шинэ ойлгогч материал нь нарны цацрагийг дээвэр, замын хучилтаас ойлгон зайлуулснаар гудамжны гадаргуугийн температурыг 16°C хүртэл бууруулж, халууны хуримтлалыг багасган, хотуудад өсөн нэмэгдэж буй халуунтай дасан зохицоход тусалж байна. (ЕвроУикли Ньюс)

Heriot-Watt их сургуулийн [ИБУИНВУ-ын Шотландын] эрдэмтэд Их Британийн ургамлын тос болон олеогеляц [шингэн тосыг бүтэцтэй, гурван хэмжээст молекулын сүлжээ ашиглан, хагас хатуу тослог болгон хувиргах] аргыг ашиглан веган бяслаг үйлдвэрлэлийг шинэчлэхээр болж байна. Энэ дэвшил нь хайлах чанарыг сайжруулахын зэрэгцээ ханасан өөх тосыг 3 хувь хүртэл бууруулж, байгаль орчинд үзүүлэх нөлөөг мөн багасгаж байна. (PA Медиа)

ИБУИНВУ-ы THIS брэнд 31 грамм уурагтай, шүүслэг ширхэглэг бүтэцтэй, веган гол махан стейк худалдаанд гаргалаа. Үхрийн махгүй энэ орлуулагч Британийн томоохон супермаркетуудад нээлтээ хийж, чанартай, хямд үнэтэй сонголтоор хоол сонирхогчдод чиглэж байна. (Веган Фүүд & Ливин)

Энэтхэгийн Jiwya брэнд Парисын загварын долоо хоногт хуванцаргүй, веган цувралаа танилцуулж, гар нэхмэлийн өвд хүндэтгэл үзүүлжээ. “Lata” цуврал нь жут, олс, кала хөвөн ашиглан хөрснөөс хөрсөнд эргэх тогтвортой загварын экосистемд дэмжлэг үзүүлж байна. (Индалжэкспресс)

Испанийн Posets-Maladeta байгалийн цэцэрлэгт хүрээлэнгийн аврагчид өндөрлөг газрын нуурын нимгэн мөс цөмөрснөөс унасан 19 настай явган аялагчийг аварчээ. Эрх баригчид сүүлийн үед Пиренейн нуруунд 11 удаа аврах ажиллагаа явуулсныг мэдээлж, хаврын дулаарал мөсийг сулруулж байгаа тул жуулчдыг хөлдсөн нууруудаас хол байхыг уриалжээ. (ЕвроУикли Ньюс)

Хойд Каролина дахь Brajboro Үнээний асрамжийн газар АНУ-ын эрүүл мэндийн шинэ чиг хандлагыг тэргүүлж, стресс тайлах зорилгоор үнээ тэврэхэд чиглэсэн хөтөлбөр санал болгож байна. Зочид брахман үүлдрийн үхэр-хүмүүстэй дотно холбоо тогтоож байгаа нь анхаарал төвлөрөл, сэтгэцийн эрүүл мэндэд чиглэсэн амьтан-туслахтай аялал жуулчлал өсөж байгааг илтгэж байна. (Номад Лойер)

Гвенн Валлоне компанийн карьераа орхин Лос-Анжелесын Pug Nation аврах байгууллагыг удирддаг болжээ. Тэрээр 16 жилийн хугацаанд АНУ даяар 3,700 хав-хүнийг аварч, шинэ гэртэй болгож, хандив босгох болон амьтан-хүн үрчлүүлэх ажилд тууштай анхаарал хандуулсан байна. (Вүмэн’с Уорлд)

Өдрийн нэгтгэх эшлэл: “Бид бүгд нэг нэгнээ хүн төрөлтөн гэж үзэн, харилцан хүндэтгэх учиртай.” – Пакистаны эмэгтэйчүүдийн боловсролын төлөө тэмцэгч, Нобелийн энх тайвны шагналтан Малала Юсуфзай (BrainyQuote)

Памела Нэнсийн (цагаан хоолтон) клиник үхэлд орсон тохиолдлын 3-ын 1-р хэсэгт Памела зургаан насны төрсөн өдрийнхөө өмнөхөн улаанбурхан өвчнөөр хүнд өвдөхдөө энэ ертөнцөөс чанагш орших ертөнцийг анх удаа зурвас харсан тухайгаа, дараа нь биеэс гарах мэдрэмжүүд нь түүний сүнслэг замналыг хэрхэн гүнзгийрүүлсэн тухай, мөн олон жилийн дараа ходоодны шарх цоорч, ухаан алдан, амьсгал нь зогсоход өөрийгөө цаст уулсын оройд зогсон, ногоон хөндийн цаана Амьдралын Модыг харсан талаараа хуваалцсан юм.

Тэр мод намайг өөртөө ир гэж дуудсан. Тийм бодол төрмөгц би модны доор очиж, асар том мөчрүүд болон тэр модноос цацрах хайраар бүрэн хүрээлэгдсэн байсан. Тэр нь Дэлхийг Диваажинтай холбож байгаа мэт надад санагдсан. Гэхдээ модны доор зөвхөн би биш, амьтад ч байсан. Төсөөлж болох бүх амьтан тэнд байлаа. Заан, тэмээ, арслан, бар, элдэв зүйлийн шувууд, гэрийн тэжээвэр амьтад, муур, нохой, мөн АНУ-д бидний хардаг үнэг, элбэнх зэрэг зэрлэг амьтад гээд төсөөлж болох бүх амьтан тэнд байсан. Тэд надад асар их хайрыг илгээж байлаа. Үүнийг тайлбарлах үнэхээр хэцүү. Клиник үхэлд орж байсан хүмүүс өнгө, мэдрэмж, орчинтой нэгдмэл болохыг үгээр илэрхийлэхийн аргагүй гэдэг. Тайлбарлаж чадахгүй, үнэхээр тайлбарлах боломжгүй. Гэхдээ тэр нь маш хүчтэй байлаа. Энэ бол миний уг язгуурын Гэр мөн гэдгийг би мэдэж байсан. Миний харьяалагдах газар энэ байлаа. Би зүгээр нэг энэ үзэгдлийг харж байсан биш, харин түүний нэг хэсэг байсан. Би эдгээр амьтдын нэг хэсэг байсан. Би тэр модны нэг хэсэг байсан. Тэнд яг л олон янзын дуу авиа зэрэгцэн цуурайтаж байлаа. Шувууд жиргэж, амьтад дуугарч, зөвхөн хайр л байлаа.

Тэгтэл амьтад аажмаар зай тавин холдоход, тэдний дундаас миний ротвейлер үүлдрийн Холли нохой гарч ирсэн. Энэ явдлаас хэдхэн хоногийн өмнө 14 настай ротвейлер Холли маань үхсэн байсан. Бид түүнийг пүрэв гарагт малын эмчид үзүүлсэн, тэгээд хөгширч байгааг нь мэдэж байсан. Тэр шөнө би түүнийг ганцааранг нь орхиж чадаагүй. Би түүнтэй шөнөжин хамт байсан, тэгээд тэр шөнийн 2 цаг орчимд нас барсан. Гэтэл тэнд байсан амьтдын дундаас Холли миний санаж явдаг залуу нохой болон гарч ирсэн. Энэ үзэгдэлд тэр ердөө 2, 3 настай байсан. Түүний үс гялалзаж байлаа. Тэр эрч хүчтэй байв. Тэр биеэ хөдөлгөж, сүүлээ шарвагануулж, намайг хараад маш их баярлаж байлаа. Тэр над руу гүйн ирэхэд нь би өвдөг сөхрөн сууж, түүнийг тэвэрч уйлсан. Учир нь би түүнийг дахиж хэзээ ч харахгүй гэж бодож байсан юм. Гэтэл тэр энд, эрч хүчээр дүүрэн, залуу, амьд байлаа. Тэр миний нүүрэн дээрх нулимсыг долоож байв. Түүнээс үнэхээр гайхамшигтай хайр мэдрэгдэж байлаа.

Би тэр үзэгдэлд үүрд үлдэж ч болох байсан, гэвч алсад нэрийг минь дуудах чимээ сонсогдсон. Намайг дахин дахин дуудаж байсан тэр дуу хоолойг би ихэд эсэргүүцэнгүй хандаж байв. Би энэ үзэгдлийг орхихыг хүсээгүй учраас үнэхээр уурлаагүй ч бага зэрэг тавгүйтэж байлаа. Би үл тоомсорлохыг оролдсон ч тэр хоолой маш шургуу дуугарч байв. Тэгээд анхаарч сонсож эхлэхдээ нөхөр минь миний нэрийг дахин дахин дуудаж байгааг таньсан. Тэгээд түүний хоолойд айдас байгааг би мэдэрсэн. Түүнийг айж байна гэж мэдэрмэгцээ би тэр үзэгдлээс, Холлигоос, бүх амьтдаас, Амьдралын Модноос, хөндийгөөс, цаст уулсаас холдон, буцаан дахин дахин татагдсаар биедээ эргэн орсон.

Биедээ буцаж орсныхоо дараа Памела хоёрдмол ухамсрыг мэдрэв. Тэрээр нэгэн зэрэг яаралтай тусламжийн ажилтнууд тоног төхөөрөмж залгаж байгааг мэдэрч, өрөөний дээрээс тэр үзэгдлийг харж байв. Түүний зүрх хоёр дахь удаагаа зогслоо. Дараа нь тэрээр өөрийн биеэ бүрэн орхисон гэж ярьжээ.

Гэрэл замхрахад би өтгөн ногоон цэцэрлэгт зогсож байсан, хөл доор минь дахин тэр өтгөн маргад ногоон өнгийн өвс байлаа. Цэцэрлэгийн хоёр талаар модод эгнэн ургаж, хажуугаар нь цэцэгс дэлгэрсэн, үнэхээр үзэсгэлэнтэй, гайхамшигтай цэцэрлэг байсан. Тэгээд би тэнд алхаж, сонирхон үзэж байгаад, цэцэрлэгийн нэг хэсэгт байх тэгш өнцөгт хэлбэртэй усан сан руу хөтлөгдөж байгаа мэт санагдсан бөгөөд тэр нь намайг дотогшоо орохыг даллан дуудсан. Тиймээс би энэ усан санд ороход ус нь эрч хүчээр хэлбэлзэж байгааг мэдрэв. Тэгээд би усан дээр дээш харан, хөвж, тэнгэр, моддын оройг, дээгүүр нисэх шувуудыг ажиглан хэвтсэн. Би тэр усан санд хэр удаан байснаа сайн мэдэхгүй, гэхдээ энэ нь намайг дахин эрч хүчтэй болгож, амьдралын хүч өгч, магадгүй эдгээж байгааг мэдэрсэн.

Хажуу талаас, харааны захад минь цагаан манан бий болох мэт харагдсан. Тэгээд би шууд тийшээ хартал, манан аажмаар сарниж, манан дундаас нэгэн лам, Буддын лам гарч ирсэн. Тэр дөч орчим настай харагдаж байлаа. Үс нь маш богиносгон хяргасан байв. Тэр улбар шар хувцастай, дээгүүрээ ягаавтар улбар шар ороолт мэт зүйл унжуулсан байлаа. Тэр хөл нүцгэн байсан бөгөөд над дээр ирж, хажуугийн сандал дээр суугаад өөрийгөө танилцуулсан.

Гэвч Памела түүнд энэ нутгуудыг яагаад үзүүлснийг, эсвэл яагаад тэнд үлдэж болохгүйгээ хараахан мэдээгүй байв. 3-р хэсэгт тэр өөрт нь өгсөн тайлбар, амийг нь аварсан яаралтай мэс засал, өөртэйгөө хамт буцаан авчирсан урт хугацааны өөрчлөлтүүдийн талаар хуваалцана. Гэхдээ энэ удаад би тэнд үлдэх учиргүй байсан. Энэ нь ердөө л нөгөө ертөнцөд намайг юу хүлээж байгааг харуулахын тулд байсан юм. Памела Нэнсийн (цагаан хоолтон) клиник үхлийн тохиолдлын 3-ын 3-р хэсгээр маргааш бидэнтэй хамт байгаарай. (Хитер Тештэй хамт Чанагуух ертөнцөд)