ӨДӨР ТУТМЫН МЭДЭЭ-ний гол тойм – 2026 оны 5-р сарын 12

Бразилын ерөнхийлөгч Луис Инасиу Лула да Силва АНУ-ын ерөнхийлөгч Трамптай Цагаан ордонд хийсэн 3 цагийн хэлэлцээр нь хоёр талын хурцадсан харилцааг тогтворжуулахад тус болсон гэж мэдэгджээ. Хоёр удирдагч татвар, худалдаа, аюулгүй байдал, чухал ашигт малтмал, зохион байгуулалттай гэмт хэргийн талаар ярилцсан бол Бразил улс АНУ-ын үлдсэн татварыг хөнгөлүүлэхийг зорьж, хоёр тал цахим худалдаа, мод бэлтгэлийн талаарх маргаан, Бразилын ерөнхийлөгч асан Жаир Болсонаруг яллах хэрэгтэй холбоотой үргэлжилсэн хурцадмал байдлыг зохицуулж байна. (Ройтерс)

Франц улс нисэх онгоц тээвэрлэгч Чарльз де Голль хөлгийг Улаан тэнгис рүү илгээж байна. Энэ алхам нь Ормузын хоолойд усан замын чөлөөт хөдөлгөөнийг сэргээх Францын олон улсын төлөвлөгөөнд дэмжлэг болж байна. Үүний зэрэгцээ Францын ерөнхийлөгч Эммануэль Макрон Иран, АНУ болон Европын түншүүдийг шинэ саналыг дэмжих шахалт үзүүлж байна. Тус төлөвлөгөө нь Иран улс цөмийн, пуужингийн болон бүс нутгийн асуудлаарх хэлэлцээнд эргэн орсны хариуд Ираны хөлөг онгоцнуудад аюулгүй зорчих баталгаа өгнө. (Аль Жазира)

Их Британиас Европын Холбоо [ЕХ]-той хийх шинэ худалдааны хэлэлцээрт эрүүл мэндийн эрсдэлээс үүдэн 2023 онд ЕХ-ноос ургац хураахаас өмнөх хэрэглээг хориглосон өргөнөөр ашиглагддаг гербицид глифосатад илүү хатуу зохицуулалт шаардаж болзошгүй байна. Байгаль орчны бүлгүүд Дэлхийн Эрүүл Мэндийн Байгууллага [ДЭМБ]-тай холбоотой судлаачид үүнийг “хүнд хорт хавдар үүсгэх магадлалтай” гэж ангилсныг дурдаж, Их Британийг мөн адил арга хэмжээ авахыг уриалжээ. Албаны хүмүүсийн хэлж буйгаар хэлэлцээрт пестицидийн шинэчилсэн дүрэм, үлдэгдлийн хязгаар багтах магадлалтай байна. (Гардиан)

Филиппинд зэрлэг амьтан-хүний малын эмч хоёр удаа дайруулж, хуяг нь бутарсан Африкийн атираат яст мэлхий-хүний хуягийг өргөж, зөв байрлалд оруулах утсан хүрээтэй бэхэлгээ хийж, хугарлыг тогтворжуулан, халдвараас сэргийлж, уг амьтан-хүнийг хэдэн долоо хоног үргэлжилсэн эдгэрэлтийн явцад дэмжжээ. Яст мэлхий-хүн одоо илүү идэвхтэй хөдөлж, дахин өөрөө хооллож байна гэж мэдээлсэн байна. (Популяр Сайнс)

Египетийн Эрүүл мэндийн яам улс даяарх улсын бүх эмнэлэгт анхны төрөлтийг үнэ төлбөргүй болгож, эх, хүүхдийн эрүүл мэндийг дэмжих, шаардлагагүй кесар хагалгааг бууруулах, гэр бүлүүдийн санхүүгийн дарамтыг хөнгөлөхийг зорьж байна. Уг бодлогыг бүх мужид хэрэгжүүлэх бөгөөд тусламж үйлчилгээнд тэгш хүртээмжийг хангаж байна. (КайроСийн)

Шинэ тайланд 2023-2026 оны хооронд ЕХ-ны хэрэглэгчдэд зохицуулалтгүй буюу аюултай 390 эрүүл мэндийн бүтээгдэхүүн сурталчилсан Facebook-ийн 350,000 гаруй зар илэрсэн бөгөөд Meta [Facebook-ийн толгой компани]-гийн хэрэгжилтийн системийн доголдлыг баримтжуулжээ. Хэрэглэгчийн сүлжээнүүд хуурамч эмнэлгийн мэдэгдэлтэй хууль бус нэмэлт бүтээгдэхүүнийг, ихэвчлэн архаг өвчтэй хүмүүсийг онилон сурталчилж буй бол Meta-гийн зарласан бодлого болон дэлхийн хэмжээнд үргэлжилж буй хяналтаас үл хамааран олон зар, нийтлэгч онлайн хэвээр байна. (Ekathimerini)

Ау Лак (Вьетнам)-д хүүхдийн эсрэг бие махбодын болон сэтгэл санааны хүчирхийллийн цуврал ноцтой хэрэг гарснаар хүүхэд хамгааллын албаныхан, сэтгэл зүйчид эрт урьдчилан сэргийлэхэд томоохон цоорхой байгааг анхааруулж, эцэг эхийн боловсролын хөтөлбөрийг бэхжүүлэх, асран хамгаалагчдад сэтгэл хөдлөлөө зохицуулах илүү сайн дэмжлэг үзүүлэх, сургууль, олон нийтийн байгууллага, орон нутгийн эрх баригчдын уялдаа холбоог сайжруулах уриалга гаргажээ. Шинэ тоо баримтаас харахад өөрийн гэр бүлдээ хохирч буй хүүхдийн тоо өсөж байна. (Тьень Фон)

Нэгдсэн Үндэстний Байгууллага Мозамбикт Кабо Делгадогийн мөргөлдөөн болон хүчтэй үер, хар салхинд нэрвэгдсэн иргэдийг дэмжихээр бараг 98 сая ам.долларын яаралтай санхүүжилт хуваарилж, 2026 оны Хүмүүнлэгийн хэрэгцээ, хариу арга хэмжээний төлөвлөгөөний хүрээнд хүнс, аюулгүй ус, эрүүл мэндийн тусламж, яаралтай орогнох байр, хамгааллын үйлчилгээ үзүүлнэ. (Хроникль)

Цэвэршилтийн өмнөх үе нь дааврын ялгаралт тогтворгүй болох үед [ихэвчлэн эмэгтэйчүүдийн 40-өөд насанд] эхэлж, сарын тэмдэг тогтворгүй болох, сэтгэл санаа савлах, халуу оргих зэрэг шинж тэмдэг үүсгэдэг. Америкийн эх барих, эмэгтэйчүүдийн эмч, доктор Шерил Росс шинж тэмдгээ тэмдэглэж, өөрчлөлтийг баталгаажуулахын тулд цусны шинжилгээ өгөхийг зөвлөж байна. Стрессээ зохицуулах, эрүүл хооллох зэрэг амьдралын хэв маягийн өөрчлөлт цэвэршилт рүү шилжих явцыг хөнгөвчилдөг байна. [Медикал Ньюс Түдэй]

Баруун Австралид 2026 онд сахуу өвчний 60 тохиолдол бүртгэгдэн, ховор тохиолдох дэгдэлт гарч, голчлон залуучууд нэрвэгджээ. 50 гаруй жил бүртгэгдээгүй байсан энэ өвчин амьсгалын хүнд хүндрэл, үхэлд хүргэж болзошгүй. Албаны хүмүүс мөн Хойд Нутаг дэвсгэр, Квинсленд, Өмнөд Австралид нэмэлт тохиолдол гарсныг мэдээлжээ. (Дэйли Ньюс)

Судалгаагаар цахим эмчилгээний апп нь уламжлалт их сургуулийн эмнэлэгт илгээхээс илүү үр дүнтэй бөгөөд их сургуулийн оюутнууд түгшүүр, сэтгэл гутрал, сэтгэцийн эрүүл мэндийн бусад асуудлаар гар утасны тусламж хайх магадлал 7 дахин өндөр байгааг тогтоожээ. Цахим арга хэмжээнүүд шинж тэмдгийг 2 жил хүртэл хугацаагаар бууруулж чаддаг бөгөөд биечлэн үзүүлэх үйлчилгээ ачааллаа дийлэхгүй үед цоорхойг нөхөж, их сургуулийн сэтгэцийн эрүүл мэндийн менежментийг өөрчилж болзошгүй байна. (Ньюс-Медикал)

Улирлын шуурганы улмаас Мексикийн Нуэво Леон мужийн Монтеррей, Сан Николас, Гуадалупе даяар их хэмжээний үер бууж, гол замууд хаагджээ. Иргэний хамгаалалтын багууд 42 тээврийн хэрэгсэл эвдэрч, мод унан, цахилгааны осол гарсан гэж мэдээлсэн бол цаг агаарын хүнд нөхцөлд Топо Чико голын усны түвшин эзлэхүүнийхээ 90%-д хүрч нэмэгджээ. (Уотчерс)

АНУ-ын албаныхан хуурай өвөл, Роки уулсын цасны нөөц түүхэн доод түвшинд хүрсний дараа хиймэл усан сан болох Пауэлл нуурт цутгах ус 1963 оноос хойших хамгийн доод түвшинд хүрч болзошгүйг анхаарууллаа. Энэ хомсдол нь Лос-Анжелес, Финикс, Лас Вегас болон Баруун бүсийн бусад хотын 40 сая хүний усны хангамжид заналхийлж байна. (Ройтерс)

Эрх баригчид [Ау Лак (Вьетнам)-ын] Хо Ши Мин хот даяар гол, сувгийн дагуу эргийн аюултай элэгдлийн 43 цэгийг тогтоосны дотор найм нь онц аюултайд тооцогдож, ойролцоогоор 550 өрхөд шууд заналхийлж байна. Усны урсгал өөрчлөгдөх, далайн түрлэг нэмэгдэх, хотжилт хурдсах нь 2026 оны борооны улирлын өмнө хөрсний нуралтын эрсдэлийг улам нэмэгдүүлж байна. (Бао Тинь түк)

Нэгдсэн Үндэстний Байгууллагын шинэ тайланд нягт холбогдсон харилцаа холбооны сүлжээнүүд цуваа доголдолд өртөмтгий болох нь харагдаж, дэлхий “цахим цар тахал”-ын эрсдэлтэй тулгарч байгааг анхааруулжээ. Нарны шуурга хиймэл дагуулыг ажиллагаагүй болгохоос эхлээд хэт халуун дата төвүүдийг хэт ачаалуулах, байгалийн гамшиг далайн доорх кабелийг таслах хүртэл эрсдэл байгаа тул засгийн газруудыг цахим дэд бүтцийн тэсвэртэй байдлыг бэхжүүлж, эрүүл мэнд, санхүү, яаралтай тусламж зэрэг зайлшгүй үйлчилгээг хамгаалахыг уриалжээ. (Бао Тинь түк)

Одон орон судлаачдын мэдээлснээр, 5-р сарын дунд үе үдшийн гайхалтай үзэгдэл болно. 5-р сарын 18-20-ны хооронд Бархасбадь, Сугар, нарийсаж буй хавирган Сар тэнгэрийн баруун доод хэсэгт нэг шугамд жагсах бөгөөд Тод Сугар, Ихрийн ордны ойролцоох бүдэг Бархасбадь, Саран дээрх Дэлхийн тусгал гэрэл нь нүд, дуран, жижиг телескопоор ажиглахад тохиромжтой нөхцөл бүрдүүлнэ. (Гүүд Ньюс Нетворк)

Sunrize Shakehouse компани Бразилд франчайзын долоон нэгж болж өргөжин, сахаргүй, веган уургийн шейк санал болгож байна. Фитнес сонирхогчдод чиглэн, үүсгэн байгуулагч Кристиан Волтерс 2026 оны дунд үе гэхэд 10 салбарт хүрэхээр төлөвлөж, дэлхий даяар веган эрэлт өсөхийн хэрээр олон улсад цаашид тэлэхийг зорьж байна. (Вежкономист)

Их Британийн хөлдөөсөн пиццаны One Planet Pizza брэнд борлуулалтаараа 1 сая фунт.Стерлинг давж, Asda, Co-op зэрэг томоохон супермаркетуудад нэвтэрлээ. Их Британийн өрхүүдийн дунд сүүний орцгүй хүнсний эрэлт өссөн нь тус брэндийг гол өсөлтөд түлхэц өгч байна. (Вежкономист)

Violife 2026 оны Тэйсти Шагналт тэмцээн [альтернатив уураг болон сүүний орцгүй салбарт зориулсан хоолны тэмцээн]-д крем бяслаг, зөөхий, кофены сүү, давстай дөрвөлжин цөцгийн тосоороо түрүүлжээ. Ялалт байгуулсан гэдэг нь амталгааны сорилд бүтээгдэхүүн бүр нь амтны хувьд дүйцэж, Америкийн оролцогчдын дор хаяж тал хувь нь тэдгээрийг уламжлалт сүүн бүтээгдэхүүний хувилбартай тэнцүү эсвэл илүү гэж үнэлсэн гэсэн үг юм. Тус брэнд мөн уураг ихтэй, тос багатай веган бяслаг “Supreme Cheddarton”-ыг Америкийн Whole Foods хүнсний сүлжээнд шинээр гаргажээ. (Грийн Квийн)

[Хятадын] Гуанжоу хотын дахин боловсруулагч нохой-хүн Шяобай гудамжинд хаягдсан хуванцар сав түүж, сард ойролцоогоор 138 ам.доллар олдог бөгөөд сүүлийн 7 жилийн турш үүнийг хийжээ. Асран хамгаалагч ноён Жан нь Шяобайд зориулсан нийгмийн сүлжээний сувагтай бөгөөд энэ нь 14,000 ам.доллар олжээ. Тэрээр уг хөрөнгийг Шяобайг асрах, амьтан-хүмүүсийг аврах байгууллагуудыг дэмжих, гудамжны муур-ардыг хооллоход ашигладаг байна. (ВнЭкспресс)

Канадын Монктон хотын Криста Ричард дугуй хэрэгцээтэй хүүхдүүдэд зориулан олон мянган унадаг дугуй засаж, хандивладаг. 14 жилийн хугацаанд түүний олон нийтийн хөтөлбөр нь гадаа тоглох, хөршүүдийн харилцааг дэмжиж, дугуй авч чадахгүй гэр бүлүүдэд үнэ төлбөргүй дугуй өгсөөр иржээ. (Гүүд Ньюс Нетворк)

АНУ-ын Флорида мужийн Сент-Клауд хотын цагдаагийн ажилтан Майкл Макдональд, түүний хүү Шейн нар аюултай шуурга ойртох үед үдэшлэгийн завь живсний дараа зургаан хүнийг аварчээ. Тэд эргүүлийн завиар хохирогчдыг уснаас татан гаргаж, Сент-Клаудын Гал унтраах, аврах багийн тусламжтайгаар бүгдийг нь эрэгт аюулгүй буцаан гаргажээ. (Daily Mail)

Өдрийн ухаарал хайрлах эшлэл: “Урлаг бол ухамсартай, ухамсаргүйн хоорондох гэрлэлт юм.” – Францын кино найруулагч, яруу найрагч Жан Кокто (BrainyQuote)

Кристал Фэйтийн клиник үхлийн тохиолдлын олон хэсэгт цувралын 1-р хэсэгт сүнслэг амьдралын дасгалжуулагч Кристал 17 настайдаа төрөхөөр өвдөж, амнионы шингэний эмболи гэх ховор бөгөөд ихэвчлэн амь насанд аюултай төлөвт орсноо хуваалцсан. Эмболи нь уушгинд нь шингэн хуримтлагдахад хүргэж, түүнийг амьсгалж чадахгүй болгожээ. Тэрээр Бурханд хандан биеэсээ гарахыг зөвшөөрөөч гэж залбиран, биеэсээ гарсан байна.

Кристал өрөөний дээгүүр хөөрөн, эмч нар түүний амийг аврахын төлөө тэмцэхийг харж, дараа нь тэд бууж өгөхийн өмнө 45 минутын турш ажиллаж байгааг ажиглажээ. Өрөөний дээр Кристал өөрт нь танил биш, хайр энэрэлтэй нэгэн эмэгтэйтэй уулзсан бөгөөд тэр оршихуй түүнд: “Чамд нэр өгсөн хүн нь би” гэж хэлжээ. Дараа нь Кристалын ухамсар эмнэлгийн цонхны дэргэд, гадаах цасан шуургыг харж байсан ээж рүүгээ шилжив. Ээж нь бууж өгч, Кристалыг авна уу хэмээн Бурханд залбирахад, өрөөний дээрх эмэгтэй энэ хүлээн зөвшөөрөл нь тэдэнд ажлаа хийх боломж олгоно гэж тайлбарлажээ.

Одоо 2-р хэсэгт тэр эмэгтэй Кристалыг Гэрэл рүү орохыг урьж, Кристал дотогшоо хандсан тухай гарна. Хэрэв доош харвал би бүтэн биеэ харах байсан гэдгээ мэдэж байсан ч тухайн агшинд мөчид тэр нь ямар харагдахыг огт тоосонгүй. Тиймээс би зүгээр л нэг гэрэлт бөмбөлөг ##байсан юм шиг санагдсан. Тэгээд би дотогшоо хармагц гэнэт энэхүү гялалзсан, тод цагаан Гэрлээр бүрэн хүрээлэгдсэн байлаа. Миний анзаарсан хоёр дахь зүйл бол Аялгуу байсан. Тэр үнэхээр сайхан байсан. Мөн яг миний зүүн, баруун талд тэнгэр элч нарын Аялгуу сонсогдож байв. Тэр дүрдээ ч би чихтэй хэвээр мэт байсан. Би эдгэрч байлаа. Энэ тод цагаан Гэрлийн орон зайд зогсон, би бүрэн эдгэрч, түүнтэй нэг болж байлаа. Тэр давтамжид удаан цуурайтах тусам би тэр давтамжтай улам нийцэж, зохицон нэг болж байв. Тэгээд би энд нэг юм гэдгээ ойлгосон. Тэнгэр элч нар миний төлөө, надад зориулан дуулж байлаа. Тэд намайг буцаж ирсэнд баярлан дуулж байсан ч би ер нь хэзээ ч явж байгаагүй мэт санагдсан. Би үргэлж энд байсан мэт, энэ үнэхээр гайхалтай санагдсан.

Миний сониуч зан дахин хөдөлж эхлээд, би: “Зүгээр энд зогсохоос өөр хийх зүйл байх л ёстой.” гэж хэлсэн. Тиймээс би зүүн тийш явъя гэж бодлоо. Ингээд бодлын хурдаар би зүүн тийш аялж эхэлсэн ба бодлын хурд шиг асар өндөр хурдаар явлаа. Энэ тод цагаан Гэрлээр аялахдаа би: “Энэ үнэхээр сайхан юм. Энэ үнэхээр хөгжилтэй байна, баяр хөөртэй, бүтээлч байх нь гайхалтай санагдаж байна.” гэж бодсон. Миний хүссэн цорын ганц зүйл бол бүтээх байлаа. Тэгээд миний оюун: “Энд өнгө байх ёстой.” гэж бодсон. Тэгмэгц гэнэт би хамгийн үзэсгэлэнтэй цэцэрлэгийг хамтран бүтээж, түүнд бүрэн ууссан байлаа. Бүх дэлбээ, навч нь үнэхээр тийм байсан. Хэрэв би ухамсраа ургамлын эс рүү чиглүүлбэл, эс энэ орон зайд үүсэн гарч ирэх үед ариун геометрийн хээг харж чадаж байлаа. Би бүр хамгийн дотор нь хүртэл ##ойртуулж харж чадаж байсан. Ухамсар тань хаашаа очихыг хүснэ, энерги тань тийш урсдаг.

Өнгөнүүд энерги шиг байсан ба энерги цагаан өнгийн хоосон орон зайнаас гарч ирж, плазмын энерги шиг байлаа. Тиймээс зүгээр л улаан, улбар шар, шар гэх мэт бус, бараан улаанаас цайвар улаан, улбар шар хүртэлх өнгөний туяанууд байсан бөгөөд энэ нь плазмын энерги шиг, маш тод, хөдөлж, хувирч, амьд байсан ба яг над шиг ухамсартай байлаа. Бид нэг байсан. Тэгээд би энэ замаар доош явж байв. Миний хөлийн доорх хөрс, шороо, чулуу, намайг хүрээлсэн газар, ойн хөрс ч бай, хаана ч байсан тэр бүхэн мөн ухамсраар дүүрэн гэдгийг би мэдэж байсан. Чулуу, хөрс хүртэл ухамсартай байсан. Тэр нь надад маш их таалагдсан.

Дэлхий дээрх юутай ч адилгүй эрвээхэй, дагина мэт амьтдыг баяр хөөртэй бүтээсээр Кристал Т хэлбэрийн уулзварт хүрэв. Клиник үхэлд орсон олон хүн зүүн тийш мэдлэгийн их танхим руу явдаг бол Кристал тайлбарлахын аргагүйгээр баруун тийш татагдсан байна. Тэгээд би нэгэн үзэсгэлэнтэй дотоод хашаанд орж ирэхэд, тэнд нуруугаа харуулсан нэг Эр хүн байлаа. Тэр эргэн над руу хараад, Түүнтэй хамт ирж суухыг хүсэн гараараа дохив. Тэр “Надтай хамт ирээд суу.” гэж байгаа мэт байв. Тэр даруй би Түүнийг Есүс эсвэл хэн нэгэн тийм хүн байх гэж мэдсэн. Гэхдээ би Түүнээс асуух тухай огт ##бодоогүй.

Тиймээс би Түүнтэй хамт суухаар очиж, дахин телепатаар ярьсан. Бид харц тулгармагц Түүний энерги над руу хүчтэй цутгах шиг болж, би Түүнтэй маш удаан ярилцсан бөгөөд тэр бүх хугацаанд Гэрлийн код, бэлгэдлүүд бидний хажуугаар галт тэргэнд суухад цонхны цаанаас юмс жирэлзэн өнгөрөх мэт нисэн өнгөрч байгааг мэдэрч байлаа. Харин би ухамсраа Түүний нүдэнд буюу сүнсний цонхонд төвлөрүүлэх тусам эдгээр Гэрлийн кодууд над руу ирж байгааг харж чадсан. Тэдгээр нь над руу татагдан бууж байгаа мэт санагдсан. Тэгээд би амьдралын утга учир, амьдралын зорилго, амьдралтай холбоотой бүх зүйл, бид өнөөдрийн байдалдаа яагаад хүрснийг ойлгож эхэлсэн. Энэ бүхэн хайрын тухай, хайр байхгүй үед хайрыг мэдрэх тухай байсан. Амьдралд бидэнд юу тохиолдох нь гол биш. Бид хэрхэн хариу үйлдэл үзүүлэх нь гол. Бид хайр, Гэрлээр, өөрийгөө үл бодон хариулах хэрэгтэй. Энэ бол хүссэнээ бодит болгож ##илрүүлэхийн түлхүүр. Би эдгээр бүх мэдлэгийг хүлээн ##авч байлаа.

3-р хэсэгт Кристалын Эзэн Есүс Христ (цагаан хоолтон)-тэй хийсэн яриа гүн хувийн шинжтэй болж, Тэр түүнд аль хэдийн уучлагдсан гэдгийг хэлж, хүүхэд байхдаа ч тэр хэзээ ч үнэхээр ганцаараа байгаагүйг харуулна. Тэр: “Би чамд маш их хайртай, чи гайхалтай сайн ажилласан. Би чамаар маш их бахархаж байна. Чи үнэхээр гайхалтай сайн байсан.” гэх мэт зүйл хэлж байлаа. Кристал Фэйтийн клиник үхлийн тохиолдлын олон хэсэгт цувралын 3-р хэсэгт маргааш бидэнтэй хамт байгаарай. [IANDS (Олон улсын клиник үхлийн судалгааны холбоо) Подкаст]