ӨДӨР ТУТМЫН МЭДЭЭ-ний гол тойм – 2026 оны 7-р сарын 27

Иран улс Иракийн ерөнхий сайд Али аль-Заидигийн уламжилсан АНУ-ын гал зогсоох саналыг няцаажээ. Ираны албаны хүмүүс үүнийг одоогоор хэлэлцэж буй цорын ганц санал ч Ормузын хоолойн хяналтын асуудлыг шийдээгүй тул хүлээн зөвшөөрөх боломжгүй гэжээ. (Нью-Йорк Таймс)

АНУ-ын Ерөнхийлөгч Дональд Трамп Хятадын ерөнхийлөгч Ши Жиньпин, Оросын ерөнхийлөгч Владимир Путин нар Иранд зэвсэг нийлүүлэхгүй гэдгээ Түүнд биечлэн баталсан гэж мэдэгджээ. (Меза)

АНУ-ын цэргийн хүчин пүрэв гарагт Ираны цэргийн объектуудад 13 дахь шөнөө дараалан цохилт өгч, тус улсын чадавхыг сулруулах, худалдааны хөлөг онгоцонд учрах аюулаас сэргийлэх ажиллагаагаа үргэлжлүүлэхийг зорьж байна. (Фокс Ньюс)

АНУ-ын Ерөнхийлөгч Дональд Трамп Ормузын хоолойд хөлөг онгоц, ачаанд цаашид учрах аливаа хохирлыг АНУ-ын хяналтад буй Ираны хөрөнгөөр төлүүлнэ гэж мэдэгджээ. (Фокс Ньюс)

Иран улс Улаан тэнгисийн хөлөг онгоцнуудад Хуситуудын хийдэг халдлагад дэмжлэг үзүүлэхээр IRGC [Исламын хувьсгалт гвардын корпус]-ийн командлагчид, зөвлөхүүд, сум хэрэгсэл, алт зэргийг Йемен рүү онгоцоор хүргэсэн гэж Йемений мэдээллийн сайд болон хэвлэл мэдээллийн Ройтерс агентлагийн эш татсан хэд хэдэн эх сурвалж мэдээлжээ. (Ройтерс, Фокс Ньюс)

Катарын ерөнхий сайд Шейх Мохаммед бин [Катарын] Доха хотод Абдулрахман Аль-Тани ИБУИНВУ-ын гадаад хэргийн сайд Эд Милибандтай уулзаж, хоёр тал хамтын ажиллагаагаа бэхжүүлэх, бүс нутгийн хурцадмал байдлыг бууруулах дипломат хүчин чармайлтаа уялдуулах талаар хэлэлцжээ. Ерөнхий сайд бүх тал яриа хэлэлцээрт тууштай оролцож, Ормузын хоолойгоор чөлөөтэй зорчих заалтыг багтаасан АНУ–Ираны харилцан ойлголцлын санамж бичгийг мөрдөх шаардлагатайг онцолжээ. (Катарын Гадаад хэргийн яам)

Оманы Гадаад хэргийн сайд Сайид Бадр бин Хамад бин Хамуд Аль Бусаиди Ормузын хоолой нээлттэй, саадгүй хэвээр байх ёстойг дахин бататгаж, амин чухал усан замууд дэлхийн худалдаанд нээлттэй, хөдөлгөөний чиглэлд саад учруулах арга хэмжээнээс ангид байх ёстойг онцолжээ. Тэрээр хүнс, эрчим хүчний урсгалд нэн чухал чөлөөтэй зорчих эрхийг хамгаалдаг НҮБ-ын Далайн эрх зүйн конвенц олон улсын далайн аюулгүй байдлын үндэс болдгийг цохон тэмдэглэсэн байна. (Фокс Ньюс)

Иракийн ерөнхий сайд Али Фалех аль-Заиди, Ираны ерөнхийлөгч Масуд Пезешкиан нар [Ираны] Тегеран хотод хоёр талын 4 шинэ хэлэлцээрт гарын үсэг зурж, тээвэр, дэд бүтэц, орон нутгийн засаглал, төрийн захиргааны хөгжлийн хамтын ажиллагаагаа өргөжүүлжээ. (Чаннель 8)

ЕХ [Европын Холбоо]-ны орнууд Энэтхэгийн далай дахь тэнгисийн цэргийн ажиллагаа болох АТАЛАНТА ажиллагаандаа Оросын сүүдрийн флотынх байж болзошгүй хөлгүүдэд шалгалт хийх эрх олгож, өмнө нь Газар дундын тэнгист явуулж байсан ажиллагаагаа өргөжүүлжээ. ЕХ-ны гадаад бодлогын тэргүүн Кая Каллас тус холбоо далай дахь ажиллагааг хориг арга хэмжээний хэрэгжилттэй уялдуулснаар “тороо улам чангалж байна” гэж мэдэгджээ. (Киев Индепендент)

Украин (Урейн)-ы дрон, пуужин Орос даяарх Wildberries-ийн логистикийн хэд хэдэн төвд цохилт өгч, их хэмжээний бараа устган, тус улсын хамгийн том цахим худалдааны платформын ажиллагааг доголдуулснаар дайны эдийн засгийн нөлөө жирийн оросуудын амьдралд шууд мэдрэгдэх болжээ. Украин (Урейн) улс эдгээр агуулахыг Оросын дайнд шаардлагатай эд анги нийлүүлдэг хууль ёсны цэргийн бай гэж мэдэгдсэн бол Оросын албаныхан ихээхэн хохирол амссанаа хүлээн зөвшөөрч, жижиг бизнесүүд сүйрэлд хүрэхүйц хэмжээний хохирол учирсныг мэдээлжээ. (CNN)

Өмнөд Солонгосын Нэгдлийн сайд Чон Дун Ён ерөнхийлөгч И Жэ Мёны засаг захиргаа Умард Солонгосыг эхлээд цөмийн зэвсгээс ангижруулах бодлогоос татгалзаж, эцэст нь цөмийн зэвсэггүй Солонгосын хойг байгуулах зорилготой энх тайвныг нэн тэргүүнд тавих стратеги баримталж буйг мэдэгджээ. (Корея Таймс)

Мали, Марокко улсууд хоёр орны засгийн газруудын хамтын ажиллагааг хянаж, зохицуулдаг хоёр талын дээд байгууллага болох Хамтарсан дээд хороогоо 26 жил завсарласны дараа дахин сэргээжээ. (APAnews)

Сири улс дэд бүтцийг сэргээж, сайн дураараа буцах үйл явцыг дэмжин, олон улсын түншүүдтэй хамтын ажиллагаагаа өргөжүүлэх замаар 2027 он гэхэд дүрвэгсдийн хуарангүй болох зорилготой “Хуарангүй Сири” төлөвлөгөөг танилцуулжээ. (SANA)

Эмнэлгийн мэргэжилтнүүд удаан алхахдаа углааш өмсөх нь алхааны хөдөлгөөнийг өөрчилж, тавхайн улны шөрмөсний үрэвсэл, Ахиллын шөрмөсний өвдөлт зэрэг хөлийн гэмтлийн эрсдэлийг нэмэгдүүлдэг гэж анхааруулжээ. Улны нумын тулгуур, зөөлөвчгүй углааш нь хөлийн булчинг илүү их ачаалалтай ажиллуулдаг. Мэргэжилтнүүд углаашийг зөвхөн далайн эрэг, усан санд өмсөж, удаан алхахдаа хөлд тулгуур сайтай гутал сонгохыг зөвлөсөн байна. (Тань Ньень)

Эрүүл мэндийн мэргэжилтнүүд удаан сууснаас үүдэлтэй нурууны доод хэсэг, ташааны хөшингийг Японы алчуур ороох аргаар намдааж болно гэж хэлжээ. Энэ аргаар нуруугаараа хэвтэж, бүсэлхийн доороо хуйлсан алчуур тавьснаар нурууны үе зөөлөн тэнийж, хөдөлгөөн сайжирдаг. Эмч нар энэ дасгал нь түр зуур л хөнгөвчилдөг бөгөөд хэвлийн өөх шатаах, нурууг тэгшлэх, нурууны эмгэгийг бүрэн засахгүйг засахгүйг онцлов. Тэд жижиг алчуураар эхэлж, байрлалаа богино хугацаанд барин, биеийнхээ хариу үйлдлийг анхааралтай ажиглаж, хэт сунгалт хийхгүй байхыг зөвлөсөн байна. (Тань Ньень)

Дотоод шүүрлийн эмч нар зөвхөн чихрээс татгалзах нь 2-р хэлбэрийн чихрийн шижингээс сэргийлж чадахгүй, учир нь нойр дутуу байх, архаг стресс, хөдөлгөөний дутагдал, боловсруулсан хүнс ч цусан дахь глюкозын зохицуулалтыг алдагдуулдаг гэж анхааруулжээ. Эрсдэлийг бууруулж, бодисын солилцоог сайжруулахын тулд чихэрлэг зүйлсээ багасгахын зэрэгцээ бүхэл хүнсэнд суурилсан тэнцвэртэй хоолоор хооллож, тогтмол дасгал хөдөлгөөн хийх, хоолны дараа алхах, хангалттай амрах, стрессээ зохицуулахыг мэргэжилтнүүд зөвлөсөн байна. (Тань Ньень)

Энэтхэгийн Ассам мужид борооны улирлын аадар борооны улмаас ноцтой үер бууж, наад зах нь 41 хүн амиа алджээ. Эрх баригчид аврах болон тусламжийн ажиллагааг өдөр шөнөгүй явуулж байгаа бөгөөд үерт бараг 900,000 хүн нэрвэгдэж, хэдэн арван мянган хүн тусламжийн хуаранд байрлаж байна. (Чаннель Ньюс Азия)

[АНУ-ын Техас мужийн] Спирмен хотын ойролцоо 5.7 километрийн гүнд ховор тохиоh 5.0 магнитудын хүчтэй газар хөдлөлт болж, Техасын Панхандл бүсийг доргиосон нь 1900 оноос хойших хамгийн хүчтэй газар хөдлөлт болжээ. Чичирхийлэл Оклахома, Канзас мужууд хүртэл мэдрэгдсэн ч хүн бэртэж, их хэмжээний хохирол учирсан тухай мэдээлээгүй байна. Гэвч албаны хүмүүс хуучин тоосгон барилгууд эрсдэлтэй хэвээр байгааг тэмдэглэжээ. (Гардиан)

Европыг аагим халуун нөмөрч, [Францын] Бордо хотын ойролцоо аюултай “галт хар салхи” дэгдсэнээр 10,000 гаруй жуулчин дүрвэхэд хүрчээ. Тэдний олонх нь гал гарахаас өмнө зуслангийн талбайд байрлаж байжээ. Испанийн төв хэсэгт Цельсийн 47 хэм хүрсэн халуунд гал сөнөөгчид тус улсын түүхэнд бүртгэгдсэн хамгийн том ой хээрийн түймрүүдийн нэгийг унтраахаар тэмцэж байна. (Дэйли Мэйл)

Savour Vegan Creamery компанийн кешью самарт суурилсан “Cashbert Creamy Camembert” бяслаг 2026 оны Шинэ Зеландын веган бяслагийн шагналын дээд шагналыг хүртэж, жинхэнэ мэт цагаан хөгцөн бүрхүүл, баялаг амтаараа шүүгчдээс өндөр үнэлгээ авчээ. (Радио Шинэ Зеланд)

[АНУ-ын] Лос-Анжелес хотын Вествуд Виллиж хороололд Веган гудамжны үзэсгэлэн худалдаа сар бүр зохиогдож байна. 7-р сарын 26-нд болсон хамгийн сүүлийн арга хэмжээнд 30 гаруй худалдаачин оролцож, DJ-гийн амьд тоглолт, тоглоомууд зохион байгуулагджээ. (Каньон Ньюс)

Veganuary Чили даяарх 30 гаруй веган болон ургамлын гаралтай хүнсээр үйлчилдэг кафены 7-р сарын урамшууллыг онцолсон өвлийн гарын авлага гаргаж, хэрэглэгчдийг жилийн турш веган ундаа, нарийн боов амталж үзэхийг уриалжээ. (Вежкономист)

АНУ-д төвтэй ашгийн бус Sunflower F.U.N.D. байгууллага 2023 оноос хойш Украин (Урейн)-ы хүмүүнлэгийн тусламжид зориулан 1 сая гаруй ам.доллар цуглуулж, уг мөнгийг Украин (Урейн) дахь түнш тусламжийн байгууллагуудад шилжүүлжээ. Буяны байгууллагын сайн дурынхан 4-р сард [Украин (Урейн)-ы] Одесса хотын ойролцоох дүрвэгсдийн байрны дулаалгыг шинэчилсний дараа тус байгууллага 9-р сарын 19-нд [АНУ-ын Вашингтон мужийн] Маунт-Вернонд хоёр дахь жилдээ зохион байгуулагдах “Украины төлөөх итгэл найдварын үдэш” хандивын арга хэмжээндээ бэлтгэж бйана. (GoSkagit.com)

Болгарын 90 настай өрхийн эмч, доктор Кирил Апостолов Скрат зэрэг уулын алслагдсан тосгоны 1,500 гаруй өвчтөнд үйлчилсээр байна. Түүний үнэнч зүтгэл Болгарын хөдөө орон нутаг дахь эмчийн ноцтой хомсдолыг харуулж байна. Тус улсын эмч нарын талаас илүү хувь нь 55-аас дээш настай бөгөөд дундаж наслалт нь Европын Холбоонд хамгийн бага хэвээр байна. (ВнЭкспресс)

ИБУИНВУ-ын Шотландын Дингуоллд 18 настай Юан Лоннен жолоочгүй өнхөрч явсан машин руу үсрэн орж, гар тоормосыг татсанаар хоёр өндөр настай зорчигчийг аварч, өөр тээврийн хэрэгсэлтэй мөргөлдөхөөс сэргийлжээ. (Дэйли Мэйл)

Өдрийн мэргэн эшлэл: “Хэрэв та хариулт эрвэл түүнийг олохгүй. Харин БУРХАНыг эрвэл хариултууд өөрөө таныг олох болно.” – Америкийн пастор, зохиолч, Хүндэт Марк Баттерсон (AZ Quotes)

Эллен Уилтоны клиник үхэлд орсон тохиолдлын тухай цувралын өмнөх 1, 2-р хэсэгт Эллен багадаа морь унаж яваад осолдож, ухаангүй болсон тухай гарсан. Тэрээр Гэрэл, Хайр, өнгө, Хөгжим бялхсан ертөнцөд орж, Эзэн Есүс Христ (цагаан хоолтон)-тэй уулзан, хүний амьдралын зорилгын тухай захиас хүлээн авч, Диваажинд үлдэх, эсвэл Дэлхийд буцах сонголт хийсэн байна. Эллен буцаж ирэхээр сонгож, хөгжмөөр бусдыг эдгээхэд туслахаа тангараглажээ.

Эллен биедээ эргэн орох үедээ дахин харанхуйд байгаагаа мэдэрчээ. Би алсад, харанхуй дунд хөгжмийн нотын таван шугам харсан. Тэр нь солонго шиг олон өнгөтэй, нот бүр өөр өөр өнгөтэй байлаа. Нотын шугамын дагуу эдгээр нь хөдлөхөд би хөгжмийн нот нь хөдөлж буйг харж байсан ч, хөгжмийг нь сонсож чадахгүй байв. Таван шугам улам томорч, хөдөлгөөнт нотууд нь даган урссаар байхыг би харсан. Эцэст нь тэр өчүүхэн дүрс шууд толгойд минь орж ирээд, ард минь алга болсон.

Тэр мөчид дахин харанхуй болсон ч зүүний үзүүрийн чинээ өчүүхэн гэрэл байлаа. Надад Гэрэл мэт санагдсан ч үнэндээ Аялгуу байсан. Бараг сонсогдохгүй, тун аяархан байв. Би үнэхээр ямар нэгэн зүйл сонссон эсэхээ ч мэдээгүй. Одоо бодоход би дээр байснаа хүний биетэйгээ дахин холбогдохоор дотогш шилжиж байсан юм билээ. Миний сонсож байсан зүйл бол орны дэргэд гарч байсан киноны хөгжим, Чайковскийн сонгодог бүтээл байжээ. Би тэр аялгуунд хамаг анхаарлаа төвлөрүүлсэн. Тэр дэндүү сул байсан тул холбогдоход маш хэцүү байв. Энэ бол миний хийж үзсэн хамгийн хэцүү зүйлсийн нэг байсан. Тэр аялгуутай холбогдохын тулд би сүнслэг хүчээ шавхсан. Аялгуу улам чангарсаар, эцэст нь толгойд минь нижигнэн цуурайтсан. Тэгээд аялгуу алга болсон.

Би нүдээ нээхэд Вейко дахь эмнэлгийн ЭЭТ [эрчимт эмчилгээний тасаг]-т байлаа. Би ухаангүй байдлаас сэрсэн байв. Тэр үед эцэг эх минь дэргэд байгаагүйг санаж байна. Сувилагч дэргэд ирээд: “Чи сэрсэн, амьд байгаа нь гайхамшиг. Энэ бол гайхамшиг.” гэж хэлснийг санаж байна. Түүнийг сэрээсэн хөгжим нь бага насны дуртай кино болох “Нойрсож буй гоо бүсгүй” балетын хөгжим байсан бөгөөд аав нь тэр өдөр түүний орны дэргэд уг киног тоглуулахаар сонгосон байлаа.

Сэрэхдээ сонссон, намайг ухаангүй байдлаас сэрээсэн хөгжим бол Чайковскийн бүтээл байсан. Тэр өдөр аав минь ЭЭТ-т ухаангүй хэвтэж байсан орны минь дэргэд багадаа дуртай киног минь тоглуулахаар шийджээ. Тэр кино нь “Нойрсож буй гоо бүсгүй” байсан. Миний ойлгож, уншсанаар “Нойрсож буй гоо бүсгүй” киноны 90 орчим хувь нь хөгжим байсан. Энэ бүхэн Чайковскийн балетад зориулан зохиосон “Нойрсож буй гоо бүсгүй” сюитэд суурилдаг. Үнэхээр гайхамшигтай. Намайг ухаангүй байдлаас сэрэхэд тэр хөгжим эгшиглэж байсан бөгөөд чухам тэр л намайг сэрээсэн.

Эллен хэдэн жилийн дараа АНУ-ын Колорадо мужийн Боулдер дахь Буддын шашны Нароба Их Сургуульд элсээд хүрэн орхимжтой эрийг мөн таньжээ. Би Наробад бясалгалын нэг хичээлдээ очих үедээ хүрэн орхимжтой, залуу, туранхай, халзан Буддаг дүрсэлсэн зураг харсан, тэр нь ном дотор ч юм уу, эсвэл ханан дээр байсан санагдана. Тэр бол клиник үхэлд орох үедээ харсан Эрэгтэй болохыг би тэр даруй таньсан. Есүс миний өөдөөс харж байхад, тэр энерги надтай хамт байсан. Ингээд бүх зүйл бүрэн холбогдож, би энэ салбарт, энэ сургуульд байх ёстойг батлах нотолгоо минь энэ байсныг ухаарсан. Учир нь нөгөө ертөнцөд хүлээн авсан бас нэг захиас бол бүх зүйл Хайр гэсэн үг байлаа. Энэ бүхэн өөр өөр нэртэй нэг л Хайр. Зарим хүнд энэ нь маргаантай санагддагийг би мэднэ. Гэхдээ энэ бол миний хүлээн авсан захиас бөгөөд би үүнийг мэдэрч, үнэн гэдгийг нь мэдсэн учраас хүлээн зөвшөөрч, баримтлахаар сонгосон.

4-р хэсэгт Эллен бууж өгөхийн эдгээх хүч болон биднийг үргэлж хүрээлдэг хэмээн хэлсэн Хайр зэрэг тэндээс авч ирсэн мөнхийн сургамжуудаа хуваалцана. Бид бүгдийг хайрын, анагаагч энерги үргэлж хүрээлж байдаг. Үргэлж. Би Диваажингийн тэр газарт Гэрэл, Хайраар хүрээлүүлж, өөрөө Хайр болсон шиг таныг ч Хайр хүрээлж байдаг. Таныг Гэрэл хүрээлж байдаг. Эллен Уилтоны клиник үхэлд орсон тохиолдлын тухай энэхүү цувралын 4-р хэсэгт маргааш бидэнтэй хамт байгаарай. [Үхэлд ойртсон туршлагыг судлах олон улсын нийгэмлэг (IANDS)]