ӨДӨР ТУТМЫН МЭДЭЭ-ний гол тойм – 2026 оны наймдугаар сарын 19

Өмнөд Солонгосын ерөнхийлөгч И Жэ Мён 8-р сарын 15-нд Умард Солонгостой энх тайвнаар зэрэгцэн орших, улмаар 1950–1953 оны Солонгосын дайны тулалдааныг зогсоосон гал зогсоох хэлэлцээрийг албан ёсны энхийн тогтолцоогоор солих хэлэлцээр хийхийг уриалжээ. Ерөнхийлөгч И Өмнөд Солонгос улс хурцадмал байдлыг намжааж, мөргөлдөөн даамжрахаас сэргийлэх арга хэмжээ авна гээд яриа хэлэлцээгээр Умард Солонгосын цөмийн чадавхыг хязгаарлах арга замыг мөн авч үзэж болно гэжээ. (Ройтерс)

Орос улс Хар тэнгист гал зогсоох, эсвэл 2022–2023 оны Хар тэнгисийн санаачилгыг сэргээх саналыг няцааж, нөхцөл байдал сайжрах боломж бүрдээгүй гэж мэдэгджээ. Турк улс Орос, Украин (Урейн) улсуудад Хар тэнгис дэх худалдааны хөлөг онгоц руу довтлохоо зогсоохыг санал болгосон бол Украин (Урейн) улс гуравдагч талын зуучлалаар хоёр тал тэндхийн иргэний объектод халдахаа болих тусдаа санал тавьжээ. (Украины дуу хоолой)

Орос улс Украин (Урейн) улсын Дунай мөрний Измаил боомтын төмөр замын буудал болон цэргийн ачаа тээвэрлэлтийг дэмжиж байсан гэх Миколаивын ойролцоох хоёр чирэгч онгоцонд цохилт өгсөн гэж мэдэгджээ. (Аль Жазира)

Хезболла Ливаны гал зогсоох хэлэлцээрийг зөрчин хилийн аюулгүй байдлын бүсэд Израилын цэргүүд рүү халдаж, гурван цэргийг хүнд шархдуулсан гэж Израил улс мэдэгджээ. Үүний хариуд Ливаны өмнөд хэсэг дэх Хезболлагийн дэд бүтцэд цохилт өгсөн гэж Израилын арми мэдэгджээ. (Фокс Ньюс)

Тус улсын хойд нутагт зэвсэгт бүлэглэлүүдэд барьцаалагдсан 82 цэргийг суллаж, засгийн газрын хамгаалалтад буцаан авсан гэж Мали улс мэдэгджээ. Туарегуудын удирддаг Азавадыг чөлөөлөх фронт [FLA] хүмүүнлэгийн шалтгаанаар цэргүүдийг сулласан гэж мэдэгдсэн бол Мали улсын засгийн газрын эх сурвалж Алжир улс суллах ажиллагааг зуучилсан гэжээ. FLA-гийн мэдээлснээр өөр 118 орчим цэрэг олзлогдсон хэвээр байна. (Аль Жазира)

Бүгд Найрамдах Ардчилсан Конго Улс, Руанда улсууд 8-р сарын 12–13-нд энхийн хэлэлцээрийн хяналт, баталгаажуулалтыг бэхжүүлэх хоёр шинэ санаачилгыг урагшлуулахаар тохирч, дараагийн уулзалтаас өмнө саналуудыг хянахыг АНУ-аас хүсжээ. Аюулгүй байдлын хамтарсан зохицуулах механизмын дараагийн уулзалтыг 9-р сарын 16–17-нд [Швейцарын] Женев хотод хийхээр товложээ. (АНУ-ын Төрийн департамент)

Украин (Урейн)-ы дрон, пуужингийн үргэлжилсэн цохилт газрын тос боловсруулах үйлдвэрүүд, түлшний хангамжийг доголдуулж буйтай холбоотойгоор хэд хэдэн бүс нутагт бензиний шинэ хомсдол үүссэнийг Оросын эрх баригчид 8-р сарын 14-нд хүлээн зөвшөөрчээ. Довтолгооны дараа [Оросын] Орск дахь томоохон боловсруулах үйлдвэр 6 сар орчим хаагдахаар болсон бөгөөд зарим бүс нутагт түлшний борлуулалтад хязгаар тогтоож, шатахуун түгээх станцын ажиллах цагийг богиносгожээ. Газрын тосны компаниуд хамгийн их өртсөн бүсэд түлшний нийлүүлэлтийг нэмэгдүүлэх арга хэмжээ авч байна. Оросын дайны ажиллагааг санхүүжүүлдэг орлогын гол эх үүсвэрт хохирол учруулахын тулд Украин (Урейн) улс хэдэн сарын турш Оросын эрчим хүчний дэд бүтцийг онилж байна. (евроньюс)

Европын Холбоо [ЕХ] Мьянмарт мөргөлдөөн, нүүлгэн шилжүүлэлт, гамшигт өртсөн хүмүүст зориулж 10.5 сая еврогийн нэмэлт хүмүүнлэгийн тусламж олгохоо мэдэгдсэн бөгөөд энэ нь 2026 онд тус улсад үзүүлсэн нийт дэмжлэг нь 49.1 сая еврод хүрчээ. Энэ санхүүжилтийг яаралтай эрүүл мэндийн тусламж, хүнс, орон байр, хамгаалалт, ус, ариун цэврийн хэрэгцээнд зарцуулна. ЕХ-ны мэдээлснээр 2021 оны хоёрдугаар сарын цэргийн эргэлтээс хойш 100 мянга гаруй хүн амь үрэгдэж, өдгөө 16.2 сая хүнд тусламж шаардлагатай байна. ЕХ-ны мэдээлснээр, Мьянмар улс нь газрын мина болон дайны тэсрэх үлдэгдлээс үүдсэн хохирогчдын тоогоор дэлхийд тэргүүлдэг байна. (Европын Иргэний хамгаалалт, хүмүүнлэгийн тусламжийн ажиллагаа)

Тайвань (Формоса) цус харвалттай өвчтөнүүдийг бие даан амьдрах чадвараа сэргээхэд нь туслах 9.37 сая ам.долларын эрчимжүүлсэн туршилтын хөтөлбөр хэрэгжүүлж эхэллээ. Хөтөлбөрт хамрагдсан хэвтэн эмчлүүлэх сэргээн засах тасгууд эдгэрэлтийн нэн чухал эхний үед 180 хүртэл хоногийн турш өдөр бүр 2–5 цагийн хувь хүнд тохирсон эмчилгээ хийнэ. (Тайпей Таймс)

Өндөр эрчимтэй, огцом хөдөлгөөнт дасгал нь ердийн алхалт болон стандарт хүндийн өргөлтөөс хавьгүй үр дүнтэйгээр ясыг бэхжүүлдэг. [Унгарын] Семмелвейсийн Их Сургуулийн 24 эмнэл зүйн туршилтад хийсэн шинжилгээгээр чиглэлээ огцом өөрчлөх, богино хугацаанд хурдтай хөдлөх нь яс үүсэлтийн цусан дахь биомаркеруудыг 46%-иар нэмэгдүүлдэг нь тогтоогджээ. Судлаачид уламжлалт зөвлөмжийг эргэлзээтэй гэж үзсэн ч мэргэжилтнүүд ачаалал ихтэй дасгал эхлэхээс өмнө эмчтэй зөвлөлдөхийг зөвлөж байна. (СкайТех Дэйли)

Тайвань (Формоса)-д өнгөрсөн долоо хоногт КОВИД-19-ийн 72 хүнд тохиолдол, 14 нас баралт бүртгэгдсэн нь энэ оны долоо хоног тутмын нас баралтын хамгийн өндөр үзүүлэлт болжээ. Эмнэлэгт хандах хүний тоо нэмэгдэж буй тул албаны хүмүүс уг дэгдэлт 8-р сарын сүүлээр оргилдоо хүрнэ гэж үзэж байна. Эрүүл мэндийн байгууллагууд мөн томууны идэвхжил нэмэгдэж буйг анхааруулжээ. (Тайпей Таймс)

Бельгид бүртгэгдсэн ой хээрийн хамгийн том түймэр Хай Фенсийн дархан цаазат газрын 2,700 гаруй га талбайг шатаасан нь 2011 оны дээд хэмжээнээс ойролцоогоор 2 дахин их байна. Бямба гарагт Сурбродт, Бютгенбахын оршин суугчдыг нүүлгэн шилжүүлж, Бельгийн гал сөнөөгчид Европын Холбооны ус цацагч нисэх онгоц, нисдэг тэрэгний дэмжлэгтэйгээр түймэртэй тэмцжээ. (Ройтерс)

[Энэтхэгийн Аруначал Прадешийн] Дибанг хөндий дэх армийн хуаранг шар усны үер дайрч, хоёр байр урссаны улмаас таван цэрэг сураггүй болжээ. Апер Субансири дүүргийн зам сэтэлж буй газарт тусдаа хөрсний гулгалт болж, дөрвөн ажилтан амиа алджээ. Баасан гарагийн орой орсон аадар бороо энэ хоёр ослыг үүсгэжээ. (WION)

8-р сарын 15-ны үүрээр [Испанийн Гранада хотын] Альендиний ойролцоо 5.0 магнитудын хүчтэй газар хөдлөлт болж, Гранада хотын бүсийн барилгууд эвдэрсэн ч хүн бэртэж гэмтээгүй байна. Андалусын Өөртөө Засах Нийгэмлэг газар хөдлөлтийн онцгой байдлын төлөвлөгөөгөө идэвхжүүлсэн ба шуурхай тусламжийн утсанд 80 гаруй дуудлага иржээ. (ЕвроУикли Ньюс)

Колумб улс 8-р сарын 10-нд болсон 7.4 магнитудын хүчтэй газар хөдлөлтийн дараа 5 мужид амьтан аврах томоохон ажиллагаа эхлүүлжээ. “Колумбын төлөөх савар” аян эвдэрсэн хоргодох байруудыг засах, тэжээвэр амьтан-ардад яаралтай тусламжийн хангамж хүргэх, сураггүй болсон амьтан нөхдийг хайх ажиллагаа явуулж байна. Нийт 1,870 гаруй тэжээвэр амьтан-хүн өртөж, 32 хоргодох байр эвдэрсэн бөгөөд амьтан гэр бүлийн 200 орчим гишүүн сураггүй байна. (Коломбия Уан)

[АНУ-ын] Өмнөд Каролина мужийн Беркли тойрогт 8-р сарын 11-нд эрх баригчид нэгжлэг хийх зөвшөөрлийн дагуу шалгалт явуулах үеэр нохой зодолдуулдаг байж болзошгүй газраас 40 гаруй нохой-ард, гөлгийг аварчээ. Зарим нохой-хүн гинжлээстэй, нүүр, хөлөн дээрээ сорвитой байсан бөгөөд малын эмч нар үүнийг зохион байгуулалттай нохойн тулааны шинжтэй байна гэж дүгнэжээ. (WTOC)

Озоны давхаргыг гэмтээдэг химийн бодисыг үе шаттай халах замаар хамгаалах олон улсын Монреалын протоколын үүргийнхээ хүрээнд Саудын Араб уос сүүлийн таван жилд озон задалдаг бодисын 69%-ийг хэрэглээнээс хассан гэж мэдэгджээ. (Араб Ньюс)

Финландын судлаачид мөөгний мицелийн зөөлөн хэсгээр бат бөх, биологийн аргаар задардаг веган арьс бүтээж, өөрчилсөн цаас үйлдвэрлэх төхөөрөмжөөр тасралтгүй даавуун хуудас гарган, гар цүнхний загвар бүтээжээ. (Earth.com News)

Аулак (Вьетнам)-ийн нэгэн их сургуулийн судалгаагаар байгаль орчны талаарх санаа зовнил, хэрэглэхэд хялбар байдал, нийгмийн нөлөө нь Z үеийнхнийг веган хүнс сонгоход хүргэдэг болохыг тогтоож, брэндүүдэд сонголтоо илүү хүртээмжтэй, танил, хямд болгохыг уриалжээ. (UEH Грийн Кампус)

Их Британийн веган махны THIS брэнд веган хүнсний талаарх нийгмийн сүлжээний ташаа мэдээлэлтэй тэмцэх баримтад суурилсан цахим платформ нээж, төрөл бүрийн хүнсний сонголтын шим тэжээл, байгаль орчин болон амьтдын сайн сайхан байдалд үзүүлэх нөлөөг нотолгоонд суурилсан ойлгомжтой зөвлөмжөөр тайлбарлаж байна. (Вежкономист)

Зимбабве дэх боловсролыг дэмжих хөтөлбөр санхүүгийн бэрхшээлтэй ч өнчин болон эмзэг бүлгийн хүүхдүүдийг сургуульдаа үргэлжлүүлэн сурахад тусалж байна. Bread and Water for Africa байгууллагын дэмжлэгтэй Shinga Development Trust-ын хэрэгжүүлдэг уг санаачилга Дорагийн зүүн, баруун хөдөөгийн бүсэд сургалтын төлбөр, шалгалтын зардал, хичээлийн хэрэгслийг даадаг. (Фандс фор НЖиӨ)

Франц гэр бүл Тайландын эргийн ойролцоо 16 цагийн турш далайд хөвсөөр амьд үлджээ. Том давалгаанд хөдөлгүүр нь унтарч, усны мотоцикл нь хөмөрсний дараа эцэг Брахим Терки хоёр хүүгийн хамт Ко Самуйн ойролцоо түүнээсээ зуурчээ. Маргааш өглөө нь аврагчид тэднийг далайн ус ихээр залгиснаас туйлдсан байхад нь олжээ. Гурвууланг нь эмнэлэгт үзүүлсэн ба удалгүй гаргасан байна. (Дэйли Мэйл)

[Ау Лак (Вьетнам)-ын] Куангчи мужийн замын цагдаа Үндэсний 12А хурдны замд эргүүл хийх үеэр олдсон, дотоодын мөнгөн тэмдэгтээр ойролцоогоор 7,650 ам.доллартой тэнцэх мөнгө бүхий цүнхийг хураан авчээ. Алба хаагчид мөнгийг хамгаалалтад авч, эзнийг нь 62 настай Чыонг Куанг Фү болохыг тогтоон, орон нутгийн цагдаатай хамтран буцаан өгсөн байна. (Тань Ньень)

Өдрийн гэгээрүүлэх эшлэл: “Танд хязгаартай хугацаа олгогдсон тул чөлөөт цагаа дэмий үрж болохгүй. Та өдөр бүр 24,000 удаа амьсгалдаг. Амьсгал бүрээ ертөнцийн үүргээ биелүүлэх, эсвэл ‘Пармарт’ [оюун санааны эрэл]-д зориулах хэрэгтэй [...]” – Хүндэт Гэгээрсэн Их Багш Баба Жаймал Сингх (цагаан хоолтон) (SantMatRadhaSoami.wordpress.com)

Майкл Хьюзийн клиник үхэлд орсон туршлагын тухай цувралын өмнөх хэсэгт Майкл зүрхний хавхлагийн мэс засал хийлгэсний маргааш хүнд хэлбэрийн уушгины хатгалгаа тусжээ. Эмнэлгийн хүнд хямралын үеэр тэр биеэсээ гарч, эцэст нь амар амгалан хоосон орон зайд очоод өөрийгөө нас барсан гэж боджээ. Бие махбоддоо түр эргэн ирсний дараа Майкл дахин гарч, мөнөөх хоосон орон зайд очсоноо ярьсан юм. Энэ удаа тэр хөлөг онгоц мэт хачирхалтай биет дотор байж, ухамсар нь жолоодогч болжээ. Тэр хоосон орон зайн дээгүүр нисэж, уг биетийг өөрийн “жинхэнэ бие” хэмээн танин, 11 сая миль буюу 17.7 сая километр өндөртэй гэж хэлсэн асар том боржин байгууламж руу аялжээ. Тэнд Майкл уг байгууламжийг өгсөн дээш үргэлжлэх, амьд гэж үзсэн тоо, дүрс бичгээс бүтэх олон сая миль урт, тод алтан кодтой учирсан байна. Байгууламжийг ойроос харсны дараа тэр гэнэт асар их хурдтайгаар дээш шидэгджээ.

Хурд улам бүр нэмэгдэж, яг л хуучны кино театрт нүүрээ [дэлгэцэд] тулгасан мэт болсон байна. Тийм л хурдтай хөдөлж байсан. Чимээ нь чих өвтгөж байлаа. Маш өвдөлттэй, хурд нэмэгдэх тусам улам их өвдөж байсан. Энэ нь нэг минут орчим үргэлжилсэн байх, [энэ бол] урт хугацаа. Тэгээд пүф гэхийн зуургүй би үүлэн дунд гарчихсан. Төгс аниргүй байсан. Би гэнэт гарч ирэхэд хар цагаан кино шиг байлаа. Тэгээд би: “Сая юу болчхов? Би хаана байна?” гэж бодсон. Доош харахад барилгын орой харагдсан. Би түүнээс ч өндөрт гарчихсан байлаа. Боржин чулуун номоос аварга том К үсэг цухуйж байсан. Номын хавтас [хуудаснууд] дэлгээстэй байв. Би өөртөө: “Энэ юу вэ?” гэж хэлснээ санаж байна. Тэгээд би доошилсон. Үл таних оршихуй эсвэл хүч хөдөлгөөнийг нь чиглүүлж байна гэж Майкл үзсэн байна.

Тэр намайг өнөөх зүйлтэй нүүр тулах хүртэл доошлуулж, арай ойртуулсан. Намайг үүнийг сайн хараасай гэж хүссэн байх. Тэгэхэд л би Түүнийг ирж байгааг мэдэрсэн. Би өөртөө яг ингэж хэлснээ тод санаж байна. Би: “Өө, Түүнийг хэн болохыг би мэдэж байна.” гэсэн. Миний хувьд Тэр бол БУРХАН байсан. Тэр бол БҮТЭЭГЧ байсан. Үүнийг ярихад одоо ч шар үс босдог. Орчлон ертөнцүүдийн хүчний давлагаа, урьд эрчим өмнө байгаагүй асар том цунами над руу ирж буй мэт байлаа. Дотроо ододтой, арай бараан цэнхэр өнгөтэй байсан. Тэр дээш нисэж байлаа. Би: “Түүнийг хэн болохыг мэдэж байна.” гэсэн. Тэр К үсгийн яг ард хүрч ирээд зогссон. Би биет дүртэй хүн олж хараагүй. Эрэгтэй оршихуйг мэдэрсэн. Тэр бол ТЭР гэдгийг би мэдэж, ТЭР ч намайг таньж байсан. Бид хоёр бие биеэ таньдаг мэт. Би үүнийг ойлгосон. Би ТҮҮН рүү ширтэж, ТЭР ч над руу ширтсэн. Тав, зургаан секунд өнгөрсөн байх. Би биширч алмайрсан.

Тэгтэл тэндээс Гэрлийн цацраг гарч духанд минь туссан. Миний бодлоор тэр нь ямар нэгэн оюун ухаан байсан. Тэр намайг маш хүчтэй цохиход гар, [бас] хөл минь анх удаа хөдөлж, би арагш унан, энэ барилгаас доош унаж эхэлсэн. Тэгээд барилгын дагуу доош унахад амьд байсан тэр бүх код цээж рүү минь цацарч эхэлсэн. 11 сая миль үргэлжлэх код тэр чигтээ над руу татагдан орсон. Би сүмийн дээвэр дээр маш хүчтэй газардахад гар минь хоёр тийш дэлгэгдсэн. Газар бага зэрэг хагарсныг санаж байна. Тэгээд тасхийхэд, нүд минь нээгдэж, би ЭЭТ-д [эрчимт эмчилгээний тасагт] байсан. Зургаадугаар хэсэгт Майкл хоосон орон зайгаар түүнийг зөөсөн хачирхалтай биетийн талаар энэхүү ер бусын аялал юу илчилсэн байж болохыг эргэцүүлнэ.

Тэр хөлөгт орсон тухай миний дүгнэлт бол: Би энд ингэж ирсэн байх. Тэр хөлөг энд ирсэн миний бие байсан гэж боддог. Тэр миний ухамсрыг энд авчирсан. Майкл Хьюзийн клиник үхэлд орсон тохиолдлын тухай цувралын зургаадугаар хэсэгт маргааш бидэнтэй хамт байгаарай. (Сүнслэг дайчны аялал)