ӨДӨР ТУТМЫН МЭДЭЭ-ний гол тойм – 2026 оны аравдугаар сарын 10

Веган өндөгний салат нь дүпү, ангаахай шош, мөөг, шош, дал модны гол ашиглан хийдэг, Америкийн сонгодог хачиртай талхны хачрын энэрэнгүй хувилбар юм. Веган майонез зөөлөн, өтгөн бүтэцтэй болгодог бол куркума, кала намак [хар давс] нь өнгө, амт оруулдаг. VegNews-т нийтэлсэн веган өндөгний салатны 7 жорыг танилцуулъя: 1. Дүпүтэй хялбар хийх өндөгний салат 2. Япон маягийн веган өндөгний салаттай хачиртай талх 3. Чанасан мөөгтэй веган өндөгний салат 4. Жаст Эгг-тэй хялбар хийх веган өндөгний салат 5. Ангаахай шошийн өндөгтэй салаттай хачиртай талх 6. Нимбэгтэй, өндөггүй өндөгний салат 7. Дал модны голтой веган өндөгний салат (VegNews)

АНУ-ын дэд ерөнхийлөгч Жей Ди Вэнс Иран улстай байгуулах аливаа хэлэлцээрт ирээдүйд бууруулах амлалт бус, уран баяжуулах хүчин чадлыг нь бодитоор мэдэгдэхүйц бууруулах шаардлага тавина гэж мэдэгджээ. Тэрээр Иран улс цөмийн зэвсэг бүтээх зорилгогүй бол яагаад 60% хүртэл баяжуулсан уран хэрэгтэй байгааг асууж, тус улсад шийдвэр хэрхэн гаргадаг нь АНУ-ын засгийн газарт тодорхойгүй хэвээр байна гэжээ. (Fox News)

Мягмар гарагт Ормузын хоолойгоор өнгөрч явсан, Панамын далбаатай Он Пийс газрын тос тээвэрлэгч хөлөг Оманы эргийн ойролцоо үл мэдэгдэх суманд өртсөний дараа Оман улс шархадсан багийн гишүүдийг эмчлүүлэхээр нүүлгэн шилжүүлжээ. Энэтхэгийн Гадаад хэргийн яам хөлөгт байсан тус улсын 11 иргэн шархадсаныг баталсан ч биеийн байдлыг нь тодруулаагүй бөгөөд уг явдлыг буруушааж, энэ усан зам дахь халдлагыг нэн даруй зогсоохыг уриалсан байна. (Fox News)

Катар улс мягмар гарагт АНУ-Ираны хэлэлцээр үргэлжилж байгааг баталж, хоёр талын анхаарал хандуулж буй асуудлаар дипломат ахиц гаргахад зуучлан тусалж байгаагаа мэдэгджээ. Катарын Гадаад хэргийн яамны албан тушаалтан Ибрахим бин Султан Аль Хашми тус улс харилцааны сувгуудыг нээлттэй байлгаж, бүх талын санаа зовниж буй асуудлыг шийдвэрлэн, бүс нутгийн тогтвортой байдлыг дэмжих шийдлийг хэлэлцээрээр эрэлхийлж байна гэжээ. (Fox News)

Орос улс гадаадын дипломатчдыг явахгүй бол амь нас нь эрсдэлд орно гэж анхааруулсан ч Украин (Урейн) дахь ЕХ [Европын Холбоо]-ны элч тус холбооны төлөөлөгчийн газар болон гишүүн орнуудын бүх элчин сайдын яам [Украин (Урейн)-ы] Киев хотод үргэлжлүүлэн ажиллана гэж мэдэгджээ. Тус элч Киев хотын гүүрнүүдэд Орос удаа дараа халдаж буйг буруушааж, Европыг айлган сүрдүүлэх оролдлого нь Украин (Урейн)-ыг дэмжих дэмжлэгийг сулруулахгүй гэж мэдэгджээ. (The New Voice of Ukraine)

Мягмар гарагт Хар тэнгис дэх Болгарын эдийн засгийн онцгой бүсэд агаарын дрон болон тэнгисийн нисгэгчгүй хөлөг уялдуулсан халдлага үйлдэж, худалдааны 2 хөлгийг оножээ. Альфа Ватан хөлөг живж, багийнхан нь сураггүй болсон бол ABLE хөлөг галд автжээ. ABLE хөлгийн багийн 18 гишүүнийг бүгдийг нь аварсан бөгөөд тэдний 2 нь хүнд шархаджээ. Украин (Урейн)-ы ерөнхийлөгч Володимир Зеленский Орос улсыг буруутгасан бол Болгарын албаныхан дронуудын гарал үүсэл тодорхойгүй хэвээр байна гэж мэдэгджээ. (Fox News)

Турк, Пакистан, Саудын Араб улсууд даваа гарагт Йемений Хуситуудын халдлагын хариуд Саудын Араб улсад цэргийн хүч шуурхай байршуулж, тогтоон барих хамтарсан арга хэмжээ хэрэгжүүлэхээр тохиролцжээ. Ингэснээр 8-р сарын 7-нд байгуулсан Меккагийн батлан хамгаалах гэрээгээ анх удаа хэрэгжүүлж байгаа бөгөөд тус гэрээгээр аль нэг гишүүнд халдсан бол гурвууланд нь халдсан гэж үздэг. Саудын Арабын дэмжлэгтэй Йемений хүчнүүд тус улсын тэргүүлсэн эвслийн 100 сөнөөгч онгоцны дэмжлэгтэйгээр хуситуудаас газар нутгаа буцаан авах давшилт эхлүүлсэн үед тус шийдвэрийг гаргажээ. (Al Jazeera)

Оросын засгийн газрын газрын тос, байгалийн хийн орлого 2026 оны 9-р сард нийт 452.4 тэрбум рубль [ойролцоогоор 5.8 тэрбум ам.доллар] болж, 2025 оны 9-р сараас 22.3%-иар буурчээ. 2026 оны 1-9 дүгээр сар хүртэлх тус салбарын нийт орлого 2025 оны эхний 9 сарын орлогоос 17.2%-иар бага байжээ. Газрын тос, байгалийн хий нь холбооны засгийн газрын нийт орлогын дөрөвний нэг орчмыг бүрдүүлдэг байна. (The New Voice of Ukraine)

Намиби улсад 9-р сарын сүүлээр шүлхий өвчин дэгдсэн нь батлагдсаны дараа ЕХ [Европын Холбоо] тус улсаас боловсруулаагүй үхэр-, хонь-, ямаа-хүний мах, амьтан-хүний махаар хийсэн зарим боловсруулсан бүтээгдэхүүн, тодорхой төрлийн туурайтан-хүмүүс импортлохыг түр зогсоожээ. Намиби улс салаа туурайтан-хүмүүс болон тэдгээрээс гаралтай бүтээгдэхүүний хөдөлгөөн, экспортыг хязгаарласан бол Дэлхийн мал амьтны эрүүл мэндийн байгууллага шүлхийд өртсөн бүс нутгийн өвчингүй статусыг 9-р сарын 22-ноос түдгэлзүүлжээ. Өвчний эрсдэлийг бууруулах ЕХ-ны шаардлагын дагуу боловсруулсан амьтан-хүний махыг Европын зах зээлд нийлүүлэх боломжтой хэвээр байна. (Muslim Network TV, European External Action Service)

[Ау Лак (Вьетнам)-ын] Хо Ши Мин хотын тэнгэр 10-р сарын 7-нд оройн 6 цагийн орчимд зөөлөн бороо орохын өмнө ягаарч, дараа нь тод улаан өнгөтэй болжээ. (Báo Mới)

Оросын Эрхүүгийн тарваган тахлын эсрэг судалгааны хүрээлэнгийн нэг судлаач нас барсан тухай мэдээлснээс 2 хоногийн дараа төстэй шинж тэмдэгтэй хоёр дахь хүн нас барсан гэх батлагдаагүй мэдээлэл орон нутагт гарчээ. Казахстан, Киргиз, Узбекстан, Тажикстан улсууд хилийн боомтууддаа хорио цээрийн хяналт нэвтрүүлсэн гэх мэдээлэл гарсан бөгөөд АНУ-ын албаны хүмүүс Орос улсад дэлгэрэнгүй мэдээлэл өгөхийг уриалжээ. АНУ-ын Ерөнхийлөгч Дональд Трамп тусламж санал болгосон бол ДЭМБ [Дэлхийн эрүүл мэндийн байгууллага] хүлээн авсан албан бус мэдээлэлд үндэслэн нийт хүн амд учрах эрсдэл бага харагдаж байна гэж мэдэгджээ. (News.com.au, Al Jazeera)

[Чехийн] Прага хотын Уезд над Леси дүүрэг дэх Масарик бага сургуульд гарсан сальмонеллын халдварын дэгдэлтэд 475 хүн өртөж, 219 тохиолдол лабораториор батлагдан, 99 хүн эмнэлэгт хэвтжээ. 20 өвчтөн эмнэлэгт хэвтсэн хэвээр байна. Эрх баригчдын мэдээлснээр, нэмэлт тандалт судалгаагаар шинэ тохиолдлууд илэрсэн тул нийт тоо өсжээ. Уг өвчний дэгдэлт нь хоол хийхэд ашигласан, хугацаа нь дууссан өндгийг дутуу болгосонтой холбоотой байх магадлалтай аж. (Tamda Media)

Энэтхэг улс илүүдэл жинтэй, таргалалттай хүүхдийн тоогоор дэлхийд хоёрдугаарт ордог бөгөөд 5-19 насны ийм хүүхдийн тоо 2014 онд 28 сая байсан бол 2025 онд ойролцоогоор 41 сая болж өсжээ. Энэтхэгийн Хүнсний аюулгүй байдал, стандартын газар сургуулиас 50 метрийн радиуст өөх тос, давс, чихэр ихтэй хүнсний худалдааг хязгаарлах санал гаргажээ. (VTV)

АНУ-ын Масс Женерал Бригам эрүүл мэндийн тогтолцооны судалгаагаар “Хоол бол эм” урт хугацааны хөтөлбөрүүд насанд хүрэгчдийн зүрх судас, бодисын солилцооны эрүүл мэндийг сайжруулах боломжтойг тогтоожээ. Бараг 3 жилийн турш долоо хоног бүр шинэ жимс, хүнсний ногоо, лаазалсан шош ба/эсвэл самрын нухаш, бүхэл үр агуулсан ургамлын гаралтай хүнсний багц авсан өвчтөнүүдийн биеийн жин, биеийн жингийн индекс, диастолын даралт авсан багцын хэмжээнээс хамааран буурсан ба судлаачид зүрх судасны эрүүл мэндэд үр өгөөж өгөхийн тулд хооллолтын арга хэмжээг тогтвортой үргэлжлүүлэхийг онцолжээ. (News Medical Life Sciences)

10-р сарын 5-нд [Зимбабвегийн] Масвингод хүчтэй мөндөртэй шуурга болж, орон сууц, тээврийн хэрэгсэл, эд хөрөнгө эвдэрч сүйджээ. Шуурганы үеэр аадар бороо орж, хүчтэй салхи салхилан, ер бусын том мөндөр бууж, тээврийн хэрэгсэл, дээвэр, цонхнуудыг эвдэлсэн байна. Масвинго, Ренко зэрэг ойролцоох хөдөө нутгийн оршин суугчид их хэмжээний хохирол амссан гэж мэдээлсэн бол албаны хүмүүс хохирлын үнэлгээ хийсэн байна. (263chat)

[Анголын] Уила мужийн Санжепелд 10-р сарын 3-нд болсон шуурганы үеэр малын саравч аянгад цохиж, нэг гэр бүлийн 3 хүн нас баржээ. Тус гэр бүлийн өөр 2 хүн хөнгөн түлэгджээ. Ингэснээр Анголд 8-р сард борооны улирал эхэлснээс хойш аянгад цохиулж нас барсан хүний тоо 10 болсон байна. (VerAngola)

12 улсын 32 хотод хийсэн судалгаагаар нарийн ширхэгт тоосонцрын [PM2.5] агууламж өндөр байх нь шөнө илүү олон удаа ханиалгаж буйтай холбоотой бөгөөд бохирдлын түвшин ДЭМБ [Дэлхийн эрүүл мэндийн байгууллага]-ын зөвлөмжийн хэмжээнээс доогуур байсан ч энэ хамаарал ажиглагджээ. Эдгээр өчүүхэн тоосонцор уушгины гүнд болон цусны урсгалд нэвтрэх чадвартай бөгөөд шөнө ханиалгах нь агаарын бохирдлын эрүүл мэндэд үзүүлэх нөлөөллийн эрт үеийн шинж байж болно гэж судлаачид мэдэгджээ. (Energy Live News, University of Cambridge)

“Баярын сонголт” сэдэвтэй 19 дэх удаагийн Наму Рекоммендс веган маркет 10-р сарын 3-4-нд [Энэтхэгийн] Бенгалуру хотын Чамара Важрад зохиогдож, Энэтхэгийн 130 гаруй брэнд, ойролцоогоор 5,000 зочныг хамруулсан гэж зохион байгуулагч мэдээлжээ. Наму Кини (веган) 2021 онд үүсгэн байгуулсан тус зах нь веган бизнесүүдийг дэмжиж, ургамлын гаралтай амьдралын хэв маягийг сурталчлах зорилгоор 2 өдрийн арга хэмжээг тогтмол зохион байгуулдаг. Арга хэмжээнд веган хоол, ундаа, шинэ жимс ногоо, өдөр тутмын хүнс, эрүүл мэндийг дэмжих бүтээгдэхүүн, тогтвортой амьдралын хэв маягийн бараа санал болгосноос гадна гэр бүл, тэжээвэр амьтдад ээлтэй хөтөлбөрийн хүрээнд хүүхдийн үйл ажиллагаа, шинжлэх ухаан, гар урлалын дадлагын сургалт явуулжээ. (Hotelier India)

АНУ-ын Нью-Йорк хотын Бруклин дүүрэгт төвтэй Некст Ин Нэчурал компани тус улсын Три Трийс веган брэндийг худалдан авч, веган сүүний салбарт хөл тавилаа. Тус хэлцлээр маркетинг, судалгааны нөөцөө хамтран ашиглаж, Три Трийсийн нэмэлт бодисгүй самар, үрийн сүүний зах зээлийг өргөжүүлэхийн зэрэгцээ бүтээгдэхүүнийг нь Камелеон Колд Брюгийн кофетой хослуулан санал болгоно. (Vegconomist)

АНУ-ын Алоха веган брэнд олон нийтийн сүлжээнд түгсэн амттаны чиг хандлагыг даган, Дубайн шоколаднаас санаа авсан веган уургийн шахмал амттан гаргаж байна. Хязгаарлагдмал тоогоор гарах шоколад-ангаахай самрын шахмал амттан нь ангаахай самрын хэсгүүд, хар шоколад, спирулина, куркума агуулж, 14 грамм уураг, 10 грамм эслэг өгнө. Уг бүтээгдэхүүн 11-р сард АНУ-ын Albertsons and Safeway хүнсний дэлгүүрүүдэд худалдаанд гарна. (The Plant Base)

Ау Лак (Вьетнам)-ын Эф Пи Ти Их Сургуулийг мультимедиа харилцаа холбооны мэргэжлээр төгссөн Као Минь Чи “Хуягт гүрвэлүүдийг гэрт нь хүргэе” төслөө хандив босгох аян болгож, 500,000 гаруй хүнд хүргэн, цахим орчинд 5,000 гаруй хэрэглэгчээс хариу үйлдэл хүлээн авч, хуягт гүрвэл-хүмүүсийг аврах ажилд 1,923 гаруй ам.доллар цуглуулжээ. Тэрээр хожим Шинэ Зеландын Отагогийн Их Сургуульд магистрын зэрэг хамгаалах Манааки тэтгэлэг хүртсэн байна. (Vietnam.vn)

Газын зурвасаас гэр бүлийн хамт гарсан палестин багш Хадил Зуроб [Египетийн] Эль-Аришид дүрвэсэн палестин хүүхдүүдэд зориулсан үнэ төлбөргүй сургууль нээжээ. Тус сургууль 6-18 насны 400 орчим сурагчид хичээл зааж, тасалдсан боловсролоо нөхөхөд нь тусалж байна. Уг сургуулийг бусад дүрвэсэн багш нарын хамт, Миср Эль Хейр сангийн дэмжлэгтэй байгуулжээ. (Times of Israel)

[Афганистаны] Кабул хотын ойролцоох 50 ортой, зүрхний шинэ эмнэлэг Афганистаны Улаан хавирган сар нийгэмлэгийн дэмжлэгтэйгээр төрөлхийн зүрхний гажигтай хүүхдүүдэд нарийн мэргэжлийн тусламж үйлчилгээг үнэ төлбөргүй үзүүлж байна. Тус эмнэлэг оношилгоо, эмчилгээ, мэс засал хийдэг бөгөөд одоогоор 154 хүүхдийг эмчлээд байна. Эмч нарын тооцоолсноор 100,000 гаруй афган хүүхэд зүрхний гажигтай байж болзошгүй байна. (Xinhua)

Өдрийн гэгээрүүлэх эшлэл: [Эзэн Есүс Христ (цагаан хоолтон)-ийн тухай өгүүлэх нь] “Бүү уйл, бүү гашууд, бүү эргэлз. Учир нь Түүний ивээл та нарт бүрэн оршиж, та нарыг хамгаална”. – Гнозисын Хүндэт Гэгээрсэн Их Багш, Эзэн Есүс Христ (цагаан хоолтон)-ийн Хайртай Шавь Гэгээн Мариа Магдалена (цагаан хоолтон) (Мариагийн сайн мэдээ)

Жош Майлсын клиник үхлийн тухай энэхүү цувралын өмнөх 1, 2-р хэсэгт Жош 2020 онд КОВИД-оор хүнд өвдсөнөө ярьсан. Аав нь түүнийг ачааны машинаар эмнэлэгт хүргэх үед нэгэн зэрэг цус харваж, зүрхний шигдээс болж, таталт өгсөн гэж Жош хэлсэн юм. Тэрээр биеэсээ гарч, там гэж таньсан орон руу татагдан орсноо дурсжээ. Тэнд тэр харанхуй, тарчлаан, гүн харамслыг мэдэрч, БУРХАН дэлхий дээрх амьдралд нь өөрийг нь хэрхэн хамгаалсныг ухааран, ТҮҮНД ойртох боломжуудаа алдсанаа санажээ. Жош тамаас хэзээ ч гарч чадахгүй гэж бодож байв. 3-р хэсэгт тэрээр аав нь энэхүү хямралд хэрхэн хариу үйлдэл үзүүлсэн тухай ярьж, Гэрэл рүү хийсэн гэнэтийн аяллаа өгүүлнэ.

Жош аав нь өөрийг нь ачааны машинд нас барсан гэж бодсоныг хожим мэджээ. Эзэн Есүс Христ (цагаан хоолтон) Лазарыг үхлээс амилуулсан Библийн түүхийг санан, аав нь Жошийн нэрийг дуудаж, чөтгөрийг зэмлэн хөөжээ. Эхэндээ Жош аавынхаа дуудахыг сонсож байсан ч там руу татагдан ормогцоо ачааны машин дотор юу болж байгааг сонсохоо больжээ. Аавынхаа хариу үйлдлийг мэдээд тэрээр ихэд биширсэн байна.

Тэр мөчид аав БУРХАНТАЙ сүнслэг байдлын хувьд маш ойр байсан тул сүнсээрээ зөнгөөрөө хариу үйлдэл үзүүлсэн. Түүний зөнгөөрөө хийсэн үйлдэл нь залбирах байв. Тэр үед аав муж хоорондын хурдны замаар жолоодон явж, нэг гараа над дээр, нөгөө гараа жолоон дээр тавин залбирч байхдаа намайг тэрхүү явдал дахь [тамын] төлөвөөс диваажингийн төлөв байдалд шилжүүлж байсан гэдэгт би итгэдэг. Тамд байхдаа Жош тэндээс хэзээ нэгэн цагт гарна гэж огт мэдээгүй. Тэрээр тэнд үүрд үлдэнэ гэж бодож байлаа. Шилжилт эхлэхэд өөр хэмжээс рүү орж буй мэт санагдаж, оршихуй, зорилго, эрч хүчээ мэдрэх мэдрэмж нь бүхэлдээ өөрчлөгджээ. Тэрээр тамаас Диваажин руу аялснаа ингэж дүрсэлж байна:

Тэндээс гарах нь бараг л Гэрлийн хонгилоор нэвтрэхтэй адил юм. Гэхдээ тэр нь бүх өнгийн Гэрэл нийлсэн мэт бөгөөд дундуур нь маш хурдан өнгөрөхөд бүгд цагаан харагддаг. Диваажин төсөөлөхийн аргагүй хол мэт байсан ч нүд ирмэхийн зуур хүрсэн гэж Жош ярьсан. Тэр хаана байгаагаа тэр даруй мэджээ. Диваажинд очмогц миний бодолд Диваажингаас өөр юу ч байгаагүй. Гэр бүлийн минь нэг ч гишүүн санаанд ороогүй. Өөр хэн ч санаанд ороогүй. Диваажинд БУРХАН ӨӨРӨӨ л миний бодолд байсан. Үнэхээр шүү. Эндхийн юу ч надад санагдаагүй. Тамын юу ч надад санагдаагүй. Юу ч байгаагүй. Тэр мөчид бүх зүйл үнэхээр БУРХАНЫ тухай л байсан. Жош бүхнийг бүрхсэн асар их Гэрэлтэй газрыг дүрсэлсэн юм. Бие нь төгс мэт санагдаж, хоол хүнс хэрэггүй байсан бөгөөд өөрийгөө бүрэн төгс оршихуй гэж мэдэрчээ.

Хүмүүний хувиар бид, эгэл хүн ийм их Гэрлийг дааж чадна гэж би бодохгүй байна. Гэхдээ тэр бол хөнгөн, чөлөөтэй мэдрэмж төрөх газар. Тэр бол туйлын жаргалын газар. Тэр бол амар амгалангийн газар. Тэр бол нам тайвны газар. Тэр дахин өөр ямар ч газар очиж үзэхийг хүсээгүй. Гэхдээ хамгийн их жаргал нь БУРХАНД тийм ойр байх явдал байв. 4-р хэсэгт Жош БУРХАНЫ сэнтийн өмнө зогссон тухайгаа, мөн Диваажинд харсан, бүгд БУРХАНД анхаарлаа төвлөрүүлсэн ер бусын оршихуйнуудыг дүрслэн ярина.

БУРХАНЫ тэрхүү аниргүй байдал маш хүчтэй тул ТҮҮНИЙ оршихуй аянгын нүргээн мэт санагддаг. Диваажинд үргэлж намуухан аянгын нүргээн байдаг мэт. Жош Майлсын клиник үхлийн тухай энэхүү цувралын 4-р хэсэгт маргааш бидэнтэй хамт байгаарай. (Жэйни Дюваллтай хамт БУРХАНТАЙ учирсан учралууд YouTube суваг)