ӨДӨР ТУТМЫН МЭДЭЭ-ний гол тойм – 2026 оны 2-р сарын 2

Ау Лак (Вьетнам) улс болон Европын холбоо хоёр талын харилцаагаа Стратегийн иж бүрэн түншлэл болгон ахиулсан нь Ау Лак (Вьетнам) улсыг ЕХ-той энэ түвшний харилцаанд хүргэсэн, АСЕАН [Зүүн Өмнөд Азийн Бүс нутгийн хамтын ажиллагааны нийгэмлэг]-ийн анхны гишүүн улс болголоо. Ингэснээр дэлхийн шилжилтийн үед худалдаа, ногоон шилжилт, Энэтхэг-Номхон далайн хамтын ажиллагаа бэхжиж байна. (Түөй Трэ)

Польш, Чех, Хорват улсууд Украин (Урейн)-ы ачаалал ихтэй эрчим хүчний сүлжээнд дэмжлэг үзүүлэхийн тулд цахилгаан үүсгүүр, цахилгаан трансформатор илгээж, Киев, Днипропетровск, Сумы хотуудад өвлийн дайралтын үеэр зайлшгүй үйлчилгээ тасалдахгүй байх чухал тоног төхөөрөмж хүргэлээ. (Inkorr)

Францын Үндэсний ассамблей 15-аас доош насныханд олон нийтийн сүлжээнд нэвтрэхийг хориглох хуулийн төслийг баталж, сэтгэцийн эрүүл мэндийн эрсдэл, донтуулагч алгоритмаас хүүхдийг хамгаалах ажлыг урагшлуулж, хуулийн төслийг Сенат руу шилжүүлжээ. (Ситизен Дижитал)

Их Британийн Засгийн газар томоохон салбарын оролцогчидтой хамтран ХОУ [хиймэл оюун ухаан]-ы Чадварын нэмэгдүүлэлт хөтөлбөрөө өргөжүүлж, бүх насанд хүрэгчдэд ХОУ-ы суурь мэдлэгийн үнэ төлбөргүй онлайн сургалт санал болгож, 2030 он гэхэд бодит хэрэглээний ХОУ-ы хэрэгсэл эзэмшсэн 10 сая ажилтантай болж, эдийн засгийн бүтээмж, ажлын чанар, улсын өрсөлдөх чадварыг нэмэгдүүлэхийг зорьж байна. (Gov.uk)

АНУ-ын Агаарын нислэг, сансрын уудмыг шинжлэн судлах үндэсний төв (НАСА) Мароккогийн гараг судлаач доктор Камал Оудририд НАСА-д 20 гаруй жилийн турш оруулсан хувь нэмэр, тэр дундаа ОУСС [Олон улсын сансрын станц]-ын “Атомын сэрүүн лаборатори”-г удирдсан болон Ангараг, Бархасбадь, Санчир, Плутон гарагт чиглэсэн нислэгүүдэд гүйцэтгэсэн чухал үүргийг нь үнэлж, Манлайллын одон гардуулжээ. (Марокко Дэлхийн мэдээ)

Ау Лак (Вьетнам)-ын мэргэжилтнүүд “чимээгүй дуудлага”-ын залилангийн эрсдэлийг анхаарууллаа. Үүнд Луйварчид автомат чимээгүй дуудлагаар хохирогчийг “тийм” буюу “ван” гэж хэлүүлэн дууг бичиж авч, банк, нийтийн үйлчилгээний дуут баталгаажуулалтыг ашиглан залилдаг тул ард иргэдэд хөрөнгийн хулгай болон дугаар чиглүүлэхээс сэргийлэхийн тулд танихгүй чимээгүй дуудлагыг шууд таслахыг зөвлөж байна. (ВнЭкспресс)

Эмч нар “аянга нүргэлэх мэт” хүчтэй толгой өвдөх нь амь насанд ##аюултай харвалтын дохио байж болохыг анхаарууллаа. “Амьдралдаа мэдэрч байгаагүй хамгийн хүчтэй” толгой өвдөлт нь мэдрэлийн яаралтай тусламж шаардсан харвалтын шинж байж болзошгүй. Мэргэжилтнүүд харвалтын бусад шинжийг илрүүлэхэд BE FAST товчлолыг ашиглахыг уриаллаа:

Balance - Тэнцвэр [тэнцвэр/ зохицуулалт гэнэт алдагдах], Eyes - Нүд [хараа өөрчлөгдөх],

Face - Нүүр [нүүр унжих, мэдээгүйжих], Arms – Гар [нэг гар сулрах, эсвэл мэдээгүйжих], Speech – Яриа [ярих хүндрэх, үг хэллэг ээдрэх], Time – Цаг хугацаа [эдгээр шинжийн аль нэг илэрвэл яаралтай тусламж дуудах цаг]

Өндөр эрсдэлтэй бүлэгт 50-аас дээш насныхан болон даралт ихтэй хүмүүс багтана. Байнгын саажилтаас сэргийлэхийн тулд “алтан цаг” [60 минут]-ийн дотор арга хэмжээ авах шаардлагатай. (ВнЭкспресс)

[Ау Лак (Вьетнам)-ын Ханой хот] Бак Май эмнэлгийн Хордлогын эсрэг төв сүүлийн үед нүүрстөрөгчийн дутуу ислийн хордлогын олон тохиолдол хүлээн авчээ. Тэдний дотор нэг хүн нас барж, бусад нь хүнд байдалтай байна. Эдгээр хүмүүс дулаацахын тулд гэр дотор нүүрс түлснээс болж, тарх, зүрх нь ноцтой гэмтжээ. Мэргэжилтнүүд энэ “чимээгүй алуурчин” нь цусан дахь хүчилтөрөгчийг орлон, ухаан алдалт болон удаан хугацааны мэдрэлийн гэмтэл үүсгэдгийг анхааруулжээ. (ВнЭкспресс)

Зэрлэг нэрс нь судасны үйл ажиллагаа, цусны эргэлтийг сайжруулснаар зүрх судасны эрүүл мэндийг мэдэгдэхүйц дэмждэг. Судалгаагаар түүний полифенол нь азотын ислийн дохиоллыг сайжруулж, исэлдэлтийн стрессийг бууруулдгийг харуулжээ. Мөн эдгээр жимс нь инсулинд мэдрэг чанарыг нэмэгдүүлж, ахмад настнуудын тархины цусны урсгалыг сайжруулдаг. Судлаачид судасны хариу урвал сайжрах нь зүрхийг эрүүл байлгах хамгийн найдвартай ашиг тус гэдгийг баталж байна. (Earth.com)

Кристин шуурга Португалыг дайрсны улмаас таван хүн амиа алдаж, бараг 450,000 хэрэглэгчийн цахилгаан тасалджээ. Хүчтэй салхи төмөр замын сүлжээг доголдуулж, төв болон хойд бүс нутгуудад сургуулиудыг хаахад хүргэжээ. (Бао Тинь Түк)

Хүчтэй шуурга Туркийн Анталья мужийг сүйтгэж, олон хар салхи үүсгэн 202 гектар тариалан, хүлэмжийг устгажээ. Эрс тэс цаг агаарын улмаас бүс нутаг даяар орон сууц, завь, зам эвдэрч хэмхэрчээ. (Уотчерс)

Ньяминди гол ширгэснээр Кенийн Киамбу болон ойролцоох бүсүүд усны ноцтой хямралд оржээ. Оршин суугчид ургац муудах, ус түгээгчдээс ус авах зардал нэмэгдэх зэрэг хүндрэлтэй тулгарч байна. Худалдан авч буй ус нь бохирдсон байж болзошгүй Тиба голоос татагддаг тул уснаас үүдэлтэй өвчин тархах вий гэсэн болгоомжлолыг төрүүлж байна. (Citizen Digital)

Зүүн өмнөд Австралид 50°C-д дөхсөн түүхэн халуун тохиож, Викториа мужид хяналтаас гарсан гурван түймрийг өдөөв. Хөдөө сууринуудад агаарын хэм түүхэн дээд хэмжээнд хүрч, албаны хүмүүс сэрэмжтэй байхыг уриалжээ. (ВнЭкспресс)

Монтенегрогийн төрийн өмчит Мозура компани Мозура хогийн цэгт 1.5 мегаваттын био хийн цахилгаан станц нээлээ. Энэ нь хогийн цэгийн хийг цахилгаан болгон хувиргаж, жилд 400 хүртэл өрхийг хангах боломжтой бөгөөд илүүдлийг зуучлагчдаар дамжуулан борлуулна. Ингэснээр метаны ялгарлыг бууруулж, Словени болон орон нутгийн эко сангуудтай хамтран тогтвортой био эрчим хүчийг ахиулж байна. (CEenergynews)

Өндөр халдвартай шувууны томууны шинэ дэгдэлт Өмнөд Африкийн аль хэдийн нэн ховордсон Африкийн оцон шувуу-хүнийг мөхөлд улам ойртуулж байна. (VietnamPlus)

2025 оны 12-р сарын сүүлийн улиралд Австралийн цахилгаан эрчим хүчний бүтцэд сэргээгдэх эрчим хүч анх удаа 50%-иас давжээ. Үндэсний цахилгаан системийг хариуцан ажиллуулдаг Австралийн Эрчим хүчний зах зээлийн оператор (AEMO) нар, салхи, батарейн өсөлт хүчтэй байснаар Үндэсний цахилгаан зах зээлийн үйлдвэрлэлийн талаас дээш хувь нь цэвэр эрчим хүч болж, нүүрс, хийн үйлдвэрлэл түүхэнд доод түвшинд хүрсэн гэж мэдээлжээ. (Ройтерс)

Гватемалын засгийн газар Лагуна-дель-Тигре шим мандлын нөөц газарт газрын тос олборлох түрээсийг сунгахгүй байхаар шийдэж, оронд ньЗань газрын тосны цооногуудыг хааж, хууль бус үйл ажиллагааг хязгаарлан, ягуар-ард, макао-хүн зэрэг ховордсон зэрлэг амьтан-хүмүүсийг илүү сайн хамгаалахын тулд газрыг хамгаалалтын хүчнийхэнд шилжүүлжээ. (Сайн мэдээний сүлжээ)

Шинэ судалгаагаар Их Британийн Англид орших Knepp Estate-ийн зэрлэг байгалийг буцаан сэргээх төслөөр 2007 оноос хойш үржлийн шувуу-хүмүүс [22 зүйлийн] 55 тоо толгойноос [51 зүйлийн] 559 тоо болж, 916%-иар өссөн амжилтад хүрчээ. Сэргээгдсэн намгархаг газар, байгалийн жамаар нь орхисон менежмент нь хуучин тариалангийн газрыг Британийн биологийн хамгийн их олон янз байдалтай газрын нэг болгон өөрчилжээ. (Сайн мэдээний сүлжээ)

YouTube-ийн цахилгаан автомашин [EV]-ы мэргэжилтэн Ричард Саймонсын тооцоолсноор, гэр, ажил дээрх идэвхгүй цэнэглэлт, шатахуун түгээх, төлбөр хийх идэвхтэй хугацааг тооцож үзээд, цахилгаан автомашиныг цэнэглэх нь бензинээр ажилладаг машиныг цэнэглэхтэй харьцуулахад бараг 1 цаг 45 минут хэмнэдэг байгаа нь хотын өдөр тутмын хэрэглээнд EV цагийн хувьд илүү үр ашигтай харуулжээ. (Түөй Трэ)

Хятадын Шинжлэх ухааны академийн эрдэмтэд “Лихон-1” сансрын хөлөг дээр металл эд ангийг амжилттай хэвлэж, бичил таталцлын орчинд материал зөөвөрлөлт, царцах үйл явцын бэрхшээлийг даван туулжээ. (ВнЭкпресс)

Эмнэл зүйн шинэ судалгаагаар ХОУ [хиймэл оюун ухаан]-д түшиглэсэн асаргааны цэгийн оношилгоогоор мэргэшсэн Израилын AISAP компани хэт авианы ганц зургаас зүрхний томоохон өвчнийг нарийвчлалтай илрүүлэх ХОУ-т систем бүтээснийг харууллжээ. Энэ нь уламжлалт эхо шинжилгээний лабораториос гадуур зүрхний илүү хурдан, хүртээмжтэй оношилгоо хийх боломжийг нээж байна. (Түөй Трэ)

Хонконгийн Шинжлэх Ухаан, Технологийн Их Сургуулийн эрдэмтэд хиймэл дагуулын өгөгдлийг нэгтгэсэн ХОУ-ы үүсгэгч цаг уурын загварыг гаргаж, аадар бороо, аянгыг 4 цагийн цагийн өмнө таамаглах боломжтой болгожээ. Энэ нь Ази тив даяар уур амьсгалын шалтгаант онцгой үзэгдэлд яаралтай хариу арга хэмжээг дэмжихээр болжээ. (Ройтерс)

ХОУ-аар ажилладаг робот ангилагчид дэвшилтэт машин-харааны загвар ашиглан, тэрбум тэрбум төрлийн объектыг таньж, холимог хог хаягдлын урсгалаас минутад 80 хүртэл зүйлийг ялган авдаг. Ингэснээр АНУ-ын AMP, Republic Services зэрэг хог хаягдлын менежментийн компаниуд уламжлалт дахин боловсруулах системээс хавьгүй хурдтай, нарийвчлал, цэвэршүүлэлт бүхий өндөр цэнтэй материалыг сэргээх боломжтой болжээ. (Сайн мэдээний сүлжээ)

PETA [Амьтадтай ёс зүйтэй харьцдаг хүмүүсийн нийгэмлэг] АНУ-ын Корнеллийн Их Сургуулийн орчимд сурталчилгааны аян эхлүүлж, сүүний чиглэлийн шинжлэх ухааны оюутнууд болон нутгийн сүүний аж ахуйн эрхлэгчдийг веган аж ##ахуйд шилжихийг уриалжээ. Тус бүлэг нь энэ салбарын бууралтыг дурдаж, уламжлалт сүүний аж ахуйгаас илүү амьтан-хүмүүсийн сайн сайхан байдал, тогтвортой хөдөө аж ахуйг дэмжиж байна. (PETA)

Финландын үнэртэн үйлдвэрлэгч Scentsophy компани нь Luxury Lifestyle Awards-аас “Шилдэг тансаг зэрэглэлийн веган, тогтвортой үнэртний брэнд” шагналыг хүртлээ. Шинжлэх ухаанд суурилсан, хоргүй найрлага, орцын ил тод байдлаараа үнэлэгдсэн тус брэнд Европ дахь амжилтынхаа дараа одоо дэлхийн зах зээлд өргөжихөөр зорьж байна (Европын бизнесийн тойм)

Канадын Burcon NutraScience компани веган уургийн эрэлт хүлээлтээс давсан тул үйл ажиллагааныхаа цар хүрээг нэмэгдүүлж байна. Тус компани вандуй, фава шош, наран цэцэг, бусад ургамлын гаралтай уургийн бүтээгдэхүүн санал ##болгож байна. (TipRanks)

[Испанийн] Херес хотод Кристин шуурганд Гуадалете гол үерлэн хохирол учруулсны улмаас Испанийн Иргэний хамгаалалтын газрын гишүүд муур-, нохой-хүмүүсийг аварчээ. (AP)

Ау Лак (Вьетнам)-ын1 0 настай хүү [Хо Ши Мин хотын] Хүүхдийн 1-р эмнэлэгт хийгдсэн ясны чөмөг шилжүүлэн суулгах түүхэн мэс заслаар дамжуулан хүнд хэлбэрийн шалтгаан тодорхойгүй апластик цус багадалттай, найман настай дүүгээ аварчээ. Дүү нь хэдэн долоо хоног эрчимт эмчилгээ хийлгэсний дараа эдгэрч, эмнэлгээс гарсан байна. (VietnamNet)

[АНУ-ын Калифорни мужийн] Пико Ривера хот нутаг дэвсгэрт нь оршдог, нэр муутай Manning Beef нядалгааны газрыг худалдан авахаар төлөвлөж байна. Ингэснээр системчилсэн амьтны эсрэг харгислал, зохицуулалтын удаа дараагийн зөрчил, үхэр-хүн оргох асуудлын дараа үүнийг дахин нээгдэхээс сэргийлэхийг зорьж байна. Цаашдын боломжит ашиглалтад хямд өртөгтэй орон сууц эсвэл “ургамлын гаралтай хүнс” үйлдвэрлэх байгууламж байгуулах хувилбарууд багтаж байна. (Дэйли Мэйл)

Өдрийн гүн утгатай эшлэл: “Атаархал бол сүнсний шар өвчин юм.” –Британийн яруу найрагч, утга зохиолын шүүмжлэгч Жон Драйден (BrainyQuote)

Бурханд яг л надад: “Дэвис, ердөө л энэ. Зүгээр л хайр. Зүгээр л хайр.” гэж хэлэх мэт санагдсан. Энэ нь нэр үг байсан. Энэ нь тэмдэг нэр байсан. Энэ нь үйл үг байсан. Энэ нь бүх зүйл байсан. Америкийн хөгжимчин Дэвис Хэйнс ачааны машинд дайруулж, мэс заслын үеэр нас барах үедээ Бурханыг хязгааргүй, гэрэлтсэн хайр гэж мэдэрсэн тухайгаа хуваалцжээ. Дэвис Алабама мужийн Бирмингем хотод аз жаргалтай, бүтээлч гэр бүлд ихэр хүүхдийн нэг болон мэндэлжээ. Мэдрэмтгий, бодлогошромтгой хүүхэд байсан тэрээр үхсэн ургамал, том санаануудын тухай шүлэг бичиж, жүжиглэлт, яруу найраг, хөгжмийн урлагт өөрийн замаа олжээ. Коллежоо орхиод ихэр ахтайгаа Чикаго руу нүүж, тэд хамтдаа хамтлаг байгуулжээ.

Тэр Христийн шашны хүмүүжилтэй ч хэсэг хугацаанд шашингүй үзэлтэн гэж тодорхойлж байлаа. Гэсэн ч хайр гэдэг хүний хяналтаас давсан зүйл гэсэн итгэлээ орхиж чадаагүй ажээ. Тэрээр 21 нас хүрснээс хоёр долоо хоногийн дараа, 2011 оны 7-р сарын 11-нд бүх зүйл өөрчлөгджээ. Тухайн үед би өдөр бүр хийдэгтэй л адил дугуй унаж явсан. Би маш том ачааны машины хажууд явж байсан. Яг л Мак ачааны машин шиг, 18 дугуйт биш ч асар том хүргэлтийн машин, үнэндээ шуудангийн машин байсан. Би тэр машин болон замын хажууд зогссон машинуудын хооронд явж байв. Би түүнд хэт ойр байгаагаа мэдэж байсан. Ямар нэг зүйл болох гэж байгааг би мэдэрч байлаа. Ногоон гэрэл аслаа. Бид хоёр хоёулаа хөдөлсөн. Би түүнд түрүүлж гарах боломж олгохын тулд араас нь явах гэж байтал тэр санамсаргүйгээр над руу шахаж орж ирээд, би түүний баруун хойд дугуйн дор орчихсон.

Хэдхэн секунд, магадгүй нэг минутын дараа би гудамжинд ухаан орж, ямар нэг зүйл буруу байгааг мэдэв. Би гар луугаа доош харлаа. Гарт минь чулуу шиг зүйл шигдсэн байв. Олон хүн миний дээрээс харан зогсож байсан нь яг л кино шиг санагдсан. Тэр үед миний уушги тамирдаж эхэлсэн. Аарцаг дээгүүр минь дайрч, долоон газар хугарсан байсан. Гуяны яс хоёр хэсэг болж хугарч, шилбэний яс гэмтэж, би маш их цус алдсан. Үүнээс болж эрхтнүүд маань ажиллагаагүй болж эхэлсэн. Түргэн тусламж ирмэгц Дэвисийг хоёр гудамжны цаадах 1-р зэрэглэлийн гэмтлийн төв рүү яаралтай хүргэжээ.

Миний санаж буй сүүлийн зүйл гэвэл яаралтай тусламжийн өрөөнд байх үед ихэр ах маань гүйж орж ирээд, нүүр дүүрэн нулимстай, амьдралдаа миний харж байгаагүйгээр чанга уйлж байсан. Тэр: “Би чамд хайртай, Дэвис” гэсэн. Би: “Би чамд ч бас хайртай” гэж хэлсэн. Гэмтэл асар хүнд байсан тул тэд цус алдаж буй эх үүсвэрийг олж чадахгүй байна гэж хэлсэн. Надад маш их цус хийсэн. Эцэст нь би нийт 13 нэгж цус сэлбүүлсэн нь хүний биед байдаг хэмжээнээс ч илүү юм. Хүний бүх цусны хэмжээтэй тэнцэх цус сэлбэлт гэсэн үг. Гэхдээ тэд цус алдалтын эх үүсвэрийг олж чадаагүй. Тиймээс эмч: “Бид түүнийг унтуулж, зүсэлт хийгээд, цус хаанаас гарч байгааг олж чадна гэж залбирч л чадна.” гэж хэлсэн. Тэд бүр: “Энэ цус алдалтын эх үүсвэрийг олох магадлал 1%” гэж хэлсэн.

Эмч нар Дэвисийг унтуулах үед тэр үргэлжлүүлэн цус алдаж, нас баржээ. Үүний дараа болсон зүйл бодит байдлын талаар түүний мэддэг байсан бүхнийг өөрчилжээ. Нас барахыг мэдэрсэн явдал минь гайхалтай байсан. Би гэртээ буцаж ирсэн гэдгээ даруй ойлгосон. Дэлхий дээр байхдаа би санаж чадаагүй ч тэнд очиход л шууд гэрээ гэж таньсан тэр газарт байсан. Энэ бол бид бүгд ирдэг газар юм. Би буцаж ирээд үүнийг сансар гэж дүрсэлсэн. Би сансарт байсан. Би бүх зүйлтэй нэг болсон. Биеийн минь эс бүр бүхний нэг хэсэг байсан. Би одоо ч үүнийг яг таг мэдэрч чадна. Итгэмээргүй хүчтэй чимчигнэх мэдрэмж шиг байсан. Заримдаа би үүнийг урт, хүйтэн цастай өдрийн дараа дулаахан ваннд суухтай адилтган тайлбарладаг. Бие чинь тэр чигтээ хяналтгүй болчихдог шүү дээ. Түүнтэй адил, гэхдээ бие байхгүй. Тэгээд тэрнээс 10,000 дахин хүчтэй. Бүх зүйл гялалзаж, бүх зүйл амьд мэт, зөвхөн цэвэр жаргал, цэвэр амгалан, цэвэр хайр байсан. Би тэврүүлж байгаа мэт, бүх гэр бүлтэйгээ гэртээ байгаа мэт мэдэрсэн. Миний бүх гэр бүл гэдэг нь үнэндээ урьд нь оршин байсан бүх зүйл байлаа. Бүх зүйл нь бүх зүйл байсан. Тэр бүхэн цэвэр хайрын тэр агуу, гайхамшигтай, хязгааргүй орон зайн нэг хэсэг байлаа. Эргэн санахад хүртэл би дагжин чичирдэг. Үнэхээр итгэмээргүй.

Тэнд байхад надад хамгийн их цочирдуулсан зүйл бол айдас огтхон ч байхгүй байсан явдал. Би цаашид огт айхгүй болсон. Надад бие байгаагүй. Би мөнгө, эд зүйл, мөнгөтэй холбоотой юунаас ч айгаагүй. Түрээс, татвараас, тиймэрхүү зүйлсийн алинаас нь ч айгаагүй. Бие байхаас, татах хүчинд байх, тэдгээрийн алинаас нь ч би айгаагүй. Шившиг, харамсал байхгүй, шөнө нойр хүрэхгүй, “Бурхан минь, би яагаад тэгж хэлчхэв?” гэж бодогдуулдаг тийм зүйлс огт байсангүй. Тэдний аль нь ч тэнд огт байгаагүй. Үнэндээ юунаас ч айх айдас огтхон ч байгаагүй. Айдас бүрэн үгүй байсан. Үнэхээр зөвхөн цэвэр хайр, гялалзсан хязгааргүй хайр л байлаа. Энэ нь бүхнийг багтааж байв.

Тэгээд би Бурхантай хамт байгаагаа мэдсэн. Яг л Бурхан надтай хамт байж, намайг харж, мэдэрч, Тэр би болж, намайг туршлагаараа мэдэрч, тэвэрч, намайг ч бас хайр гэдгийг, тэр хайр үргэлж надтай хамт байсан гэдгийг сануулж байгаа мэт байсан. Бурханд яг л надад: “Дэвис, ердөө л энэ. Зүгээр л хайр. Зүгээр л хайр.” гэж хэлэх мэт санагдсан. Энэ нь нэр үг байсан. Энэ нь тэмдэг нэр байсан. Энэ нь үйл үг байсан. Энэ нь бүх зүйл байсан. Англи хэлэнд миний ашиглаж чадах хамгийн сайн үг нь энэ ч, энэ онцгой мэдрэмжийг тайлбарлах үг огт байхгүй.

Эмч нар бүх бэрхшээлийг даван, цус алдалтыг олж, тогтоож чаджээ. Дэвис буцаж ирлээ. Таван өдөр комд байсны дараа Дэвис сэрээд, өөрт нь тохиолдсон зүйлийг шууд ярихыг оролдож эхэлжээ.

Би сэрмэгцээ ярьж эхэлсэн. Би ярьж эхэлсэн. Мэдэрсэн зүйлээ хүн бүхэнд хэлэхийг тэсэн ядан хүссэн. Хүн бүхэнд энэ бол зүгээр л хайр гэдгийг хэлмээр байсан. Бидний хийх ёстой зүйл ердөө тэр. Зүгээр л хайр. Бид ердөө яаж хайрлахыг л олж мэдэх хэрэгтэй. Тэр л бол бүх зүйл. Дэлхий дээр тохиолддог бүх зүйл яаж хайрлахыг олж мэдэх боломжууд мэт байдаг. Хамгийн хэцүү зүйлс нь үнэндээ хамгийн сайн зүйлс. Учир нь тэгвэл бид илүү сайн хайрлаж сурах боломжтой. Тэгээд тэр нь өсөж, хөгждөг. Мөн би хүн бүрд бид зүгээр байх болно гэж хэлмээр байсан. Тэр бүх айдас бол үнэндээ бид өөрсдийн жинхэнэ мөн чанар, Бурхан, Орчлон, бие бие болон хүн бүхэнтэй тогтоох харилцаанд саад болж байдаг.

Дэвис нэг сар эмнэлэгт хэвтэж, гурван сар тэргэнцэртэй байж, есөн сар таягтайгаар алхаж сурчээ. Түүний эдгэрэл урлаг, оршихуйгаар дамжуулан хайрыг дахин нээсэн сүнслэг аялал болжээ. Би эцэст нь Чикаго руу буцаж, хамтлагтаа дахин нэгдсэн. Бид улс даяар аялан тоглосон. Бидний зорилго бүхэлдээ хайрыг түгээх байсан. Бидний хийх гэж хичээхээр шийдсэн зүйл нь энэ байлаа.

Үндсэндээ, би үүнийг ингэж харж байсан: хэрэв Бурхан хайр юм бол урлаг залбирал нь юм. Харин бидний хэлж болох хамгийн энгийн залбирал бол “Баярлалаа.” гэсэн үг. Би бүх зүйлд Бурханд баярлалаа гэж хэлж эхэлсэн. Би зөвхөн сайн зүйлсэд талархах тухай яриагүй байна. Миний хувьд: “Ээж минь архинд донтдог болж, би эдгэрч байхад ээждээ талархлаа” гэж хэлж байсан. Архичин хүнтэй нэг гэрт амьдрах нь асар том сорилт байсан. Гэхдээ тэр нь бас асар том бэлэг байсан, учир нь би түүнээс маш ихийг сурсан. Ачааны машинд дайруулсандаа ч би Бурханд талархдаг. Учир нь энэ миний амьдралыг өөрчилсөн. Намайг энэ зам мөрд чиглүүлсэн.

Өөрийн туршлагын тухай бичсэн бүхэн минь үнэндээ: “Баярлалаа, Бурхан минь. Үүний төлөө баярлалаа.” гэж хэлж байгаа хэрэг юм. Бид бүтээлийн ертөнцөд ажиллах үедээ Орчлонтой, агуу Бүтээгч, анхдагч уран бүтээлчтэй хамтран бүтээж байдаг. Бид тэр бүтээлийг хамтдаа илүү сайхан, амьдрахад илүү тохиромжтой, айдас багатай, хайр дүүрэн болгож байна. Өнөөдөр Дэвис нярай болон хөгжлийн бэрхшээлтэй хүмүүстэй ажиллаж, найрал дуу дуулж, мэргэжлийн зөвлөлийн гэрчилгээтэй хөгжмийн засалч болохоор суралцаж байна.

Өөрийнхөө захиасанд би маш их талархаж, та бүхэнд хэрэг болно гэж найдаж байна. Хэрэв та уран бүтээлч бол, бүтээсээр бай, Бурханы төлөө бүтээ. Хайрын төлөө урлагаа бүтээ. Гүүр барь. Нэгтгэ. Учир нь тэнд их айдас байдаг. Бидний туулдаг, биднийг бие биеэсээ холдуулж, биднийг хуваадаг олон зүйл бий. Хэрэв энэ нь биднийг хуваавал, тэр нь айдас юм. Харин биднийг нэгтгэвэл, тэр нь хайр. Бид энд хайрлахын төлөө ирсэн. Уран бүтээлч бидний ажил бол хүмүүсийг өөрсдийн туршлагаар нь дамжуулан хайрлахаар тусалж, энд, энэ дэлхий дээр байх хугацаандаа бид хамтдаа нэгдэн тэр хайрыг мэдрэхэд оршино. (Нөгөө ертөнц КҮТ)