ӨДӨР ТУТМЫН МЭДЭЭ-ний гол тойм – 2026 оны 2-р сарын 3

Украин (Урейн)-д харьцангуй нам гүм шөнө өнгөрлөө. АНУ-ын Ерөнхийлөгч Трамп ОХУ-ын Ерөнхийлөгч Путин 2-р сарын 1 хүртэл [Украин (Урейн)-ы] Киев болон бусад хотуудад өгч буй цохилтоо зогсоохоор зөвшөөрснийг мэдэгдэж, [Оросын] Кремль энэ завсарлагыг АНУ-ын зуучилж буй энхийн хэлэлцээг дэмжиж байгаа хэрэг гэж тайлбарлажээ. (BBC)

АНУ-ын Ерөнхийлөгч Дональд Трамп Венесуэлийн түр ерөнхийлөгч Делси Родригестэй ярилцсаны дараа Венесуэлийн дээгүүрх арилжааны бүх агаарын орон зайг дахин нээхийг тушааж, АНУ-ын агаарын тээврийн компаниуд шууд нислэгээ сэргээх, Америкийн иргэд тус улсад аюулгүй зорчих боломжийг бүрдүүллээ. (Фокс Ньюс)

Европын Комисс Украин (Урейн), Молдав улсуудад 153 сая еврогийн хүмүүнлэгийн яаралтай тусламж үзүүлэхээ мэдэгдэж, Украин (Урейн)-ы хамгаалалт, хоргодох байр, хүнс, бэлэн мөнгө, сэтгэлзүйн дэмжлэг, ус, эрүүл мэндийн үйлчилгээнд 145 сая евро, Молдав дахь украин (урейн) дүрвэгсдэд нэмэлт 8 сая еврог хуваарилахаар болжээ. (Европын Комисс)

Израилын Гадаад хэргийн сайд Гидеон Саарын [Казакстаны] Астана хотод албан ёсны буюу 16 жилийн дараа анх удаа хийж буй айлчлалын үеэр Казахстан, Израил улсууд дипломат сургалт, олон нийтийн дипломат ажиллагаа, үндэсний паспорт эзэмшигчдэд визгүй зорчих талаар харилцан санамж бичигт гарын үсэг зурж, аялал жуулчлал, худалдаа, хөрөнгө оруулалт, технологи, боловсрол, эрүүл мэнд, хөдөө аж ахуйн технологийн хамтын ажиллагааг өргөжүүлэх боломжийг нээлээ. (Астана Таймс)

Трампын засаг захиргаа АНУ-ын Сангийн яамны ерөнхий лиценз гарган, АНУ-ын албан ёсны байгууллагуудаар хязгаарлагдмал газрын тосны гүйлгээ хийхийг зөвшөөрснөөр Венесуэлийн газрын тосны салбарын хоригийг зөөлрүүллээ. Ингэснээр Америкийн газрын тосны томоохон компаниуд талбайн хайгуул хийж, Венесуэлд олборлолтыг дахин эхлүүлэх, өргөтгөх боломжтой болжээ. Тус улс газрын тосны салбараа хувьчлах чиглэлд шилжиж байна. (Фокс Ньюс)

Сирийн Аялал жуулчлалын сайд Мазень Аль-Салихани [2024 оны 12-р сарын 8-ны] чөлөөлөлтөөс 2025 оны 11-р сар хүртэл тус улсад 3.5 сая гаруй жуулчин нэвтэрсэн нь өв соёлын дурсгалт газруудыг үзэх дэлхий нийтийн сонирхол дахин сэргэж, агаарын тээвэр, тогтвортой аялал жуулчлалд хөрөнгө оруулалт татах замыг засах дохио болж байна гэж мэдэгджээ. (SANA)

АНУ-д 2024 онд дундаж наслалт 79 болж, түүхэн дээд түвшинд хүрчээ. Нас баралтын нийт түвшин буурч, КОВИД-19 нь нас баралтын эхний арван шалтгааны жагсаалтаас гарч, ихэнх насны бүлэг, арьс өнгө, эрүүл мэндийн гол ангиллуудад сайжирч буй нь ажиглагдсан байна. (UPI)

Эрдэмтэд амьтан-хүнээс гаралтай өөр хоёр вирус буюу томууны D болон нохойн коронавирус нь хүнд илүү хүчтэй халдварлах чадварт дасан зохицож болзошгүй гэсэн шинэ нотолгоо гарсны дараа одоо дэлхий даяар хяналтад авч эхэлснийг анхааруулж, тандалт, бэлэн байдлыг сайжруулахыг уриаллаа. (Дай Бьюү Нань Дань)

Сэтгэл хөдлөлөө хуваалцах нь харвалтын эдгэрэлтийг түргэсгэдэг гэж Америкийн Зүрхний Нийгэмлэг мэдээлжээ. Судлаачид сэтгэл хөдлөлөө хязгаарлах нь хөдөлмөрийн чадвар алдагдахад хүргэж болзошгүйг тогтоож, гэр бүлүүдэд сэтгэлээ нээлттэй илэрхийлэхийг уриалж байна. Мэдрэмжээ илэрхийлэх нь ганцаардлыг бууруулж, бие, сэтгэцийн урт хугацааны эрүүл мэндийг мэдэгдэхүйц сайжруулдаг байна. (Америкийн Зүрхний Нийгэмлэг)

Харагдахуйц модтой ойр амьдардаг хотын оршин суугчдын зүрхний өвчний эрсдэл 4%-иар бага байна. Судлаачид моддын халхавч нь бохирдлыг шүүж, агаарыг сэрүүцүүлдэг бол өвс, бут сөөг нь санаанд оромгүйгээр эрсдэлийг нэмэгдүүлж болохыг тогтоож, энэ нь пестицидийн хэрэглээтэй холбоотой байж магадгүй гэж үзэн, хотын орчинд мод тарихыг уриалжээ. (Харвардын Нийгмийн эрүүл мэндийн сургууль)

Тодорхой хүнсний хадгалалтын бодисыг байнга хэрэглэх нь хавдарт өртөмтгий байдлыг бага зэрэг нэмэгдүүлдгийг Францын томоохон судалгаа харуулжээ. Судлаачид калийн сорбат, калийн нитрат, цууны хүчил, сульфит зэрэг бодисууд нь өвчлөл их байгаатай холбоотой гэж үзэж, үрэвсэл, исэлдэлтийн стрессийг үүсгэдэг гэж дурдсан байна. Нэмэлт бодисуудыг бүхэлд нь хамтад нь авч үзэхэд нийт эрсдэл тогтоогдоогүй ч мэргэжилтнүүд зохицуулалтын дахин хяналтыг хийхийг уриалж, хэрэглэгчдэд шинэ, хамгийн бага боловсруулалттай хүнс сонгохыг зөвлөжээ. (Earth.com)

Украин (Урейн) улсад -30°C хүрч хүйтрэн, Оросын цохилтууд эрчим хүчний дэд бүтцийг доголдуулсны улмаас сая сая хүн дулаангүй болж, хүмүүнлэгийн хүнд хямрал нүүрлэж болзошгүй гэсэн айдсыг төрүүлж байна. (Бао Тинь Түк)

[АНУ-ын] Теннесси мужид өвлийн шуурганы улмаас 12 хүн нас барсныг баталж, оршин суугчид удаан хугацааны тасалдал, хүйтэн температурыг даван туулж байна. Орон нутгийнхан дулаацахын тулд арга хайж буй энэ үед албаны хүмүүс нүүрстөрөгчийн дутуу ислийн эрсдэлийг сэрэмжлүүллээ. (WSMV)

Шинжлэх ухааны Натур сэтгүүлд нийтлэгдсэн судалгаагаар хүн ам ихтэй томоохон мөрний дельта бүсүүд одоо ихэвчлэн далайн түвшин нэмэгдэхээс илүү хурдтай живж, сая сая хүнд аюул заналхийлж буйг тогтоожээ. Гүний усны олборлолт болон хотжилт нь [Ау Лак (Вьетнам)-ын] Меконг зэрэг бүс нутагт хөрс хурдтайгаар суухад хүргэж байна. (Түөй Трэ)

[АНУ-ын Өмнөд Каролина мужийн] Ньюберри тойрог мөстсөн шуурганы дараа их хэмжээний цас ороход бэлтгэж байна. Албаныхан түр хоргодох байр нээж, яаралтай ажиллагааны журмыг идэвхжүүлж, оршин суугчид дахин цахилгаан тасрахад бэлтгэж байна. (WIS Ньюс 10)

Намибид аврагчид биед нь бараг үл үзэгдэх хар хуванцар шигдсэн далайн хавын залуу зулзагыг олж, өдөр тутмын хуванцар хог хаягдал нь далайн амьтан-хүмүүст далд урхи болж гэмтээн, далайг улам аюултай орчин болгож буйг онцолжээ. (Click Petróleo e Gás)

[Эквадорын] Галапагосын нэн ховордсон долгиот альбатрос-хүн [АНУ-ын] Калифорнийн эрэг орчимд үзэгдсэн нь эрдэмтдийг гайхшируулжээ. Эрдэмтэд [нэг эсвэл хэдэн улирал] үржилд орохгүй алгассан уу, эсвэл далайн нөхцөл өөрчлөгдсөн нь уг зүйлийг хэвийн тархац нутгаас нь хол авчирсан уу гэдгийг судалж байна. (Түөй Трэ)

[Испанийн] Канарын арлуудад далайн урт өргөст зараа-хүмүүс олноороо үхсэн явдал нь тухайн зүйл тэнд үржихээ больсныг илчилж, Олон далайд хурдан тархаж буй өвчин нь далайн зарааны тоо толгойг устгасаар байгаа тул Энэ нь орон нутагт устаж болзошгүйн дохио болж, дэлхий нийтийн санаа зовнилыг нэмэгдүүлж байна. (Earth.com)

[Ау Лак (Вьетнам)-ын] Хюэ хотод болсон форум нь төрийн агентлаг, байгаль хамгааллын байгууллага, орон нутгийн иргэдийг нэгтгэн, олон нийтийн манлайлалтай зэрлэг амьтан хамгаалалт, биологийн олон янз байдлын үйл ажиллагааг дэмжжээ. Албаны хүмүүс дээрээс доош чиглэлтэй ухуулгад найдахын оронд тосгоны иргэдийг эрх мэдэлтэй болгох нь байгаль хамгааллыг “эрх баригчид ярьж, иргэд сонсдог” байдлаас “хамт олон ярьж, хамт олон үйлддэг” болгон хэрхэн өөрчилснийг онцоллоо. Орон нутгийн бүлгүүд одоо ойд эргүүл хийж, урхи зангыг арилган, зөрчлийг мэдээлж, хөршүүддээ ан агнуур, зэрлэг амьтан хэрэглэхээс татгалзахыг ухуулж байна. (Түөй Трэ)

Хүүхдийн веган хүнсний брэнд Else Nutrition нь Хойд Америкт нэвтэрснээсээ хойш хөлд орж буй болон бага насын хүүхдэд зориулсан тэжээллэг хуурай уух зүйлээс 1 сая лаазыг борлуулжээ. Энэ нь малын сүүний орцгүй хүүхдийн бүтээгдэхүүний эрэлт огцом өсөж буйг харуулж байна. Энэхүү амжилт нь компанийн хувьд АНУ-д веган нярайн сүүн тэжээлийн зөвшөөрөл авах зорилтод дэмжлэг болж байна. (TipRanks)

Хариуцлагатай анагаах ухааны эмч нарын хорооны захиалгаар хийсэн шинэ санал асуулгаар 2-р сарын 8-нд Супер Боул [Америкийн хөл бөмбөгийн жил тутмын аваргын тоглолт]-ыг үзэх үеэр тахианы далавч идэхийн оронд “ургамлын гаралтай хүнсний сонголт”-ыг туршиж үзэх талаар америкчуудын 56% нь бодож үзнэ гэжээ. Тус хороо веган хоолыг “тос багатай, эслэг ихтэй, үл исэлдүүлэгчээр баялаг тул зүрхний өвчин, 2-р хэлбэрийн чихрийн шижин болон бусад өвчний эрсдэлийг бууруулахад тустай.” хэмээн сурталчилж байна. (Хариуцлагатай анагаах ухааны эмч нарын хороо)

Германы веган хүнсний технологийн Planteneers компани Германы ISM Ingredients 2026 үзэсгэлэн худалдаан дээр хөлдөөсөн амттанд зориулсан “цэвэр шошготой” веган системээ танилцууллаа. Ангаахай шошид суурилсан бэлдэц нь нэмэлт бодисгүй, цөцгийтэй зайрмаг бий болгож, Европ дахь сүүний орцгүй, эрүүл амттаны өсөн нэмэгдэж буй хэрэгцээг хангаж байна. (Neutraceutical Business Review)

“DC Цасны баатрууд” [АНУ-ын Вашингтон хотын захирагчийн албаны хөтөлбөр]-ын сайн дурын ажилтнууд шуурганы дараа явган хүний замыг цэвэрлэж, ахмад настан, хүүхэд, хөгжлийн бэрхшээлтэй хүмүүст тусалжээ. Уг санаачилга нь хотын цас цэвэрлэх техник хүрч чаддаггүй газарт хөршүүдийг бие биеэ дэмжихээр дайчилж байна. (Сайн мэдээний сүлжээ)

[Энэтхэгийн] Бхармаурт Гималайн цасан шуурганд хоёр эрэгтэй сураггүй болж, амь үрэгджээ. Тэднийг дагалдан явсан питбуль нохой анд Шерру нь тэсгим хүйтэнд дөрвөн өдрийн турш нэгнийх нь шарилыг харуулдан зогсож, бараг юм идээгүй байна. Аврах багийнхан Шерруг эхэндээ түрэмгий байсныг олж илрүүлсэн ч тайвшруулж, асран хамгаалагчийнх нь гэр бүлтэй эргэн уулзуулжээ. (ВнЭкспресс)

[АНУ-ын] Иллинойс мужийн нэг гэр бүл модон дээр цаасан шувууны утсанд орооцолдсон шар шувуу-хүнийг аварчээ. Түүнийг буулгасны дараа Talon Trust ашгийн бус байгууллагад эдгэрүүлэхээр хүргэж, улмаар үүрнийх нь ойролцоо дахин суллан тавьжээ. (Додо)

Өдрийн гэгээрүүлэх эшлэл: “Эзэнээсээ өршөөл хүс. Үнэхээр Тэр Үргэлж Өршөөгч билээ. Тэнгэрээс Тэр та нарт арвин их [ариусгах хур] илгээх болно.” Их үерийн өмнөх үеийн Хүндэт Өвөг, Бурхны Элч Ноа (цагаан хоолтон) (Коран 71:10–11)

Би маргаашийн ч, өчигдрийн ч төлөө амьдрахаа больсон. Би аль болох харамсахаа болихыг хичээсэн, мөн ирээдүйн талаар хараахан болоогүй зүйлсийн төлөө яах бол гэж айхаа больсон. Учир нь яг одоо бол энд болж буй агшин юм. Николь Мееювс яаралтай хагалгааны үеэр хэрхэн клиник үхэлд орж, сүнснийх нь жинхэнэ гэр, зорилгыг илчилсэн, өөр ертөнцийн оршихуйтай уулзсан тухайгаа хуваалцав.

Николь дөрвөн сартай жирэмсэн байхдаа гэнэт хүндээр өвджээ. Нөхөр нь түүнийг эмнэлэгт яаралтай хүргэхэд эмч нар сэтгэл өвтгөм мэдээ дуулгалаа: хүүхэд нь эндсэн, түүнд нэн даруй хагалгаа хийх шаардлагатай болсон байв. Николь хагалгааны ширээн дээр уй гашуу, гутрал, айдаст автан хэвтэж байх зуур мэдээ алдуулагч эмч түүний гарт тариа хийжээ. Гэвч ямар нэгэн зүйл маш буруугаар эргэлээ.

Миний зүрхний цохилт огцом нэмэгдэж эхэлсэн. Цусны даралт огцом өссөн. Эмч нар бүгд эргэн тойрноо харж, төхөөрөмжүүдийг шалгаж, түгшин сандарцгаав. Үүнийг хараад тэр даруй би бас сандарсан. Тэр агшинд би агшин зуур биеэсээ сорогдон гарч, цэнхэр-цагаан гэрэл рүү орсон. Үүнийг зогсоох арга байгаагүй. Би эсэргүүцэж чадаагүй. Зүгээр л тавьж явуулах хэрэгтэй болсон. Энэ маш хүчтэй байсан. Миний оршихуйг бүхэлд нь эзэмдсэн. Тэр цэнхэр-цагаан гэрэлд орох үед би тэр даруй нам гүм, амар амгаланг мэдэрлээ. Тиймээс би өөрийгөө тайлбарлашгүй цэнхэр, цагаан өнгийн, гэрэлтсэн хөх туяатай хоосон орон зайгаар хөвөн өнгөрөхийг зөвшөөрсөн. Гэнэт би энэ цагаан гэрэл цацарсан өрөөнд орсон. Тэнд миний өмнө хоёр аварга том гантиг сэнтий байлаа.

Мэдээж би биширч гайхсан. Би тэнд зогсоод харж байсан ч айдас төрөөгүй. Би: “Юу болоод байна аа? Энэ юу вэ?” гэж бодсон. Тэдгээр сэнтий дээр уугуул америк хүнийх шиг урт, өдөн мэт үстэй үлэмж оршихуй сууж байв. Энэ хөх ягаан, цэнхэр, нил ягаан, цагаан өнгөтэй, өдөн мэт сайхан үс. Үсний уутанцар бүр өд байсан. Тэд хүнийхтэй төстэй бие, нүүртэй атлаа загас шиг сүүлтэй сууж байсан. Тэд этгээд, хүн төрхтэй нүүртэй, хөх ягаан нүдтэй, өдөн үстэй ч сахал нь цухуйсан арсланг санагдуулам хамартай байсныг би санаж байна. Гэхдээ тэд хүнтэй төстэй ч лусын төрөлтөн мэт, гэхдээ үнэхээр гайхалтай үзэсгэлэнтэй харагдсан.

Тэр оршихуйнууд Никольтой телепатаар харилцаж, тэр өөрийгөө агшин зуур гэртээ ирснийг мэдэрчээ. Би гэртээ ирснээ мэдсэн. Тэд телепатаар: “Чи гэртээ ирлээ. Чи манай овог. Чи сүнснийхээ овогт буцаж ирлээ.” гэж хэлж байгааг би мэдсэн. Тэгээд бүх айдас, түгшүүр намайг орхисон. Би тэр даруй гэртээ байгаа мэт болсон. Өмнө нь болсон бүхэн яг л зүүдний ертөнц шиг санагдсан. Харин гэнэт миний байсан тэр газар илүү олон өнгөтэй учраас жинхэнэ ертөнц шиг санагдсан. Үнэхээр илүү бодит мэт санагдсан. Үнэхээр илүү бодит санагдсан гэдгээр би тэнд байх үеийн оршихуй, мэдрэмж, бүх юмны харагдах байдлыг хэлж байна. Амьдрал яг ингэж байх ёстой мэт, үзэсгэлэнтэй, эв зохиролтой, тансаг санагдсан. Энэ гараг дээр энд бидний [байгаа] энэ зүүд мэт төлөвөөс тэс өөр.

Тэгээд тэд надад миний хэн болох тухай их мэдээлэл хэлсэн бөгөөд тэр бүхэн надад эргэн санагдсан. Тэр агшинд та өөрийгөө үнэндээ хэн бэ гэдгээ маш ихээр ухаардаг. Тэгээд л: “Бурхан минь, би амьдрал хэмээх урт, муу амралтад явчихсан байсан юм байна.” гэж бодогдоно. Дараа нь та буцаад ирэхдээ: “За, одоо ойлголоо. Одоо би ойлгож байна.” гэж бодох болно. Тэр мөчид тэд надад цааш нь ярьж байхдаа, би энэ дэлхийд хүүхэд төрүүлэх учиргүй байсан бөгөөд миний түүхийг, намайг, би өөрийнхөө тухай ярьж байгааг хэлсэн. Би тэгэх ёсгүй байсан. Үүнийг мэдсэн мөчид асар их амар амгалан намайг бүрхсэн. Би үнэхээр илүү амгалан болсон. Хүүхдээ алдсаны дараа мэдэрсэн тэр асар их гэм буруугийн мэдрэмж намайг орхисон. Бүх зүйл зүгээр болно гэсэн гүн, тайван, хайр дүүрэн мэдрэмжийн дотор тэр бүхэн үгүй болсон.

Гэнэт Николь цэнхэр өнгийн эргүүлэгт хонгилоор буцаан татагдаж, биедээ эргэн оржээ. Тэр эмнэлгийн орон дээр сэрэхэд ер бусын зүйл тохиолдсон байна. Би орон дээрээ эргэн сэрэхэд, орны дэргэд Венийн, маш этгээд австри сувилагч дэргэд байлаа. Би түүний гараас атгаад: “Өө, үнэхээр гайхалтай. Би дөнгөж сая хаана байсныг та төсөөл дөө. Би сая...” гэж байснаа санаж байна. [Намайг] түүхээ ярьж байхад, тэр гараас минь сэгсрэн салгаад, “Намайг орхи!” гэсэн. Тэр сувилагч байсан ч бас их хачирхалтай санагдсан. Гэхдээ би маш азтай байсан, тэр мөчид нөхөр минь яг дэргэд байсан бөгөөд тэр над руу харахад би Англиар огт яриагүйгээ өөрөө ч ухаараагүй байсан. Би зөвхөн өндөр давтамжтай, далайн гахай/халимын мэт авиагаар чөлөөтэй ярьж байсан гэж л дүрсэлж чадна. Нөхрийн маань хэлснээр тэр нь хамгийн сайхан хэл байсан бөгөөд би түүнтэй дор хаяж 10 минут орчим өндөр, нам өнгөөр шулганах мэт авиагаар тасралтгүй ярьсан байв.

Энэ явдлын дараа Николийн амьдрал бүхэлдээ өөрчлөгджээ. Тэр хүчтэй зөн билигтэй болж, өмнө нь огт зурдаггүй байсан ч уран бүтээл туурвиж эхэлжээ. Өдөр тутмын уулзалтуудад тэр эргэн тойрныхоо хүмүүсийн дотоод ертөнцийг зөнгөөрөө мэдэрч чаддаг болсон байна. Тэднийг огт танихгүй атлаа би тэдний тухай бүхнийг мэддэг болсон. Би хот сууринаар алхаж, дэлгүүр хэсэж, өдөр тутмын ажлаа хийдэг. Үүний зэрэгцээ тэд юу туулж байгааг, юу мэдэрч байгааг би мэдэрч чадна. Би үүнийг нүдээрээ харж чадна. Би үүнийг мэдэрч байсан.

Николь өмнө нь огт зураг зурж байгаагүй, албан ёсны сургалтад ч суугаагүй. Гэхдээ КҮТ [Клиник үхлийн тохиолдол]-ынхоо дараа ямар ч сургалтад суулгүйгээр миний хийж эхэлсэн зүйл бол зүгээр л зотон дээр зурж эхэлсэн явдал юм. Юу болох, яаж харагдах нь надад огт хамаагүй байсан. Би зүгээр л тэр мөчийн мэдрэмжээрээ, Бурхнаас энэ нэгдэл-хайрын ухамсрыг надаар дамжуулан урсгаж, зотон дээр гаргаж өгөөч гэж гуйсан.

Николь мөн далайд сэлэх үедээ гүн гүнзгий ойлголтуудыг хүлээн авч эхэлжээ. Хамгийн гол нь амьдралыг үзэх үзэл нь бүхэлдээ өөрчлөгдсөн байна.

Би маргаашийн ч, өчигдрийн ч төлөө амьдрахаа больсон. Би аль болох харамсахаа болихыг хичээсэн, мөн ирээдүйн талаар хараахан болоогүй зүйлсийн төлөө яах бол гэж айхаа больсон. Учир нь яг одоо бол энд болж буй агшин юм. Тэгээд би яг одоо энд, одоо бол нь хамгийн чухал мөч гэдгийг ойлгож эхэлсэн. Тиймээс би энд, одоогийн мөчдөө эерэг долгион бий болгож эхэлсэн. Би өөр хэн нэгэнд сайхан санагдах, өөртөө сайхан санагдах, илүү гүн ухамсар, илүү тодорхой байдал, мэргэн ухаан, ертөнцийн хайрыг авчрах ямар зүйлийг яг одоо хийх вэ гэдэгтээ төвлөрсөн.

Николь дэлхийд сөрөг, сүйтгэгч энерги оршсоор байдгийг ухаарчээ. Тэд тэнд байгааг нь би мэднэ, гэхдээ тэр хүчийг өгөхөөс татгалздаг. Миний хүч өгөх зүйл бол миний болон таны дотор орших хайрын ухамсрын нэгдэл юм. Мөн юу зөв санагдаж байгааг мэдрэх явдал. Зөв санагдаж байгаа бүхнийг та дахин судалж үзээд байдаггүй. Учир нь тэр бүх мэдлэг бидний дотор хэдийн оршдог тул та дотоод мэдрэмждээ итгэх хэрэгтэй. Бид зүгээр л хэн гэдгээ санах учиртай. Бид энд Дэлхий дээр Диваажинг бүтээхээр ирснээ санах ёстой. (КҮТ-ын өдрийн тэмдэглэл)