ӨДӨР ТУТМЫН МЭДЭЭ-ний гол тойм – 2026 оны 2-р сарын 24

Индонезийн ерөнхийлөгч Прабово Вашингтон хотод айлчлах үеэр Индонез, АНУ-ын шинэ худалдааны хэлэлцээрийг эцэслэн байгуулж, Индонезийн татварыг өргөн хэмжээгээр бууруулалтыг АНУ-ын хөрөнгө оруулалт, хөдөө аж ахуй, ашигт малтмал, технологийн салбар дахь арилжааны хэлцлүүдийн тэлэлттэй уялдуулжээ. (Ассиошэйтэд Пресс)

АНУ Энхийн зөвлөлд 10 тэрбум ам.доллар олгохоор амлалаа. АНУ-ын Ерөнхийлөгч Трамп зөвлөлийн гишүүдийн Газын зурваст үзүүлэх тусламжийн санхүүжилтийг нэмэгдүүлэх, зөвлөл НҮБ-тай хэрхэн хамтран ажиллах зураглалыг гаргаж, гишүүдийн хандив, цэргийн дэмжлэг үзүүлэх амлалтад тулгуурласан Газын зурвасын олон улсын тогтворжуулах хүчний төлөвлөгөөг танилцуулжээ. (ВнЭкспресс)

[Швейцарын] Женев хотод АНУ-ын дэмжлэгтэй өрнөсөн хэлэлцээр саатах үед Украин (Урейн) улс зүүн өмнөд фронтын дагуу сүүлийн жилүүдэд байгаагүйгээр хурдан нутаг дэвсгэрийн хувьд амжилттай давшжээ. Шинжээчид үүнийг Оросын байлдааны харилцаа холбоо тасалдсан, мөн дрон давамгайлсан, цахим дайны нөхцөлд үүссэн богино хугацааны тактикийн боломжуудтай холбон тайлбарлаж байна. (Фокс Ньюс)

Вьетнамын Коммунист намын ерөнхий нарийн бичгийн дарга То Лам Цагаан ордонд АНУ-ын Ерөнхийлөгч Трамптай уулзаж, Ау Лак (Вьетнам)–АНУ-ын хамтын ажиллагааг дахин баталгаажуулж, Ау Лак (Вьетнам) улс “Энхийн зөвлөл”-д тууштай оролцох амлалт болон худалдаа, технологи, стратегийн түншлэлийн хүрээнд харилцааг гүнзгийрүүлэх хоёр талын төлөвлөгөөг онцолжээ. (ВнЭкспресс)

АНУ-ын Ерөнхийлөгч Трамп үл мэдэгдэх агаарын үзэгдлүүдийн талаар үндэсний сонирхол дахин нэмэгдсэн энэ үед харь гаригийн хүн, харь гарагийн амьдрал, ҮМНБ [Үл мэдэгдэх нисдэг биет]- тэй холбоотой төрийн баримт бичгүүдийг тогтоон, ил болгох ажиллагааг эхлүүлэхийг АНУ-ын агентлагуудад үүрэг болгож буйгаа мэдэгджээ. (Ройтерс)

Ау Лак (Вьетнам)-д 2-р сарын 19-нд цахилгаан тасалдсаны улмаас далай дээгүүрх хамгийн урт дүүжин зам болох Хон Том дүүжин зам зогсож, Тэт [Сар шинийн баяр]-ийн хөл хөдөлгөөний оргил үеэр хэдэн цагийн турш гацсан 8,000 орчим жуулчныг нүүлгэн шилжүүлэхээр операторууд 30 орчим сэлүүрт завь, бусад тээврийн хэрэгслийг дайчлахад хүргэжээ. (ВнЭкспресс)

БНСУ-ын ерөнхийлөгч асан Юн Сок Ёлын 2024 оны 12-р сард зарласан цэргийн онц байдал нь төрийн эргэлтэд тооцогдоно гэж шүүх дүгнэж, Үндэсний Ассамблейн эсрэг цэргийн хүч хэрэглэн Үндсэн хуулийг журмыг зөрчсөн гэж үзэн түүнд бүх насаар нь хорих ял оноолоо. (Кореа Таймс)

Их Британийн засгийн газрын 150 сая фунт.Стерлингийн хөрөнгө оруулалтаар тус улсын эмнэлгийн дүрс оношилгооны төвүүд байгуулах, [Их Британийн] Оркнейд түрлэгийн эрчим хүчний туршилтыг өргөтгөх, мөн дэвшилтэт материалын инновацын хөтөлбөр хэрэгжүүлж, хавдрын эмчилгээг түргэтгэх, цэвэр эрчим хүчний хөгжлийг нэмэгдүүлэх, өндөр технологийн үйлдвэрлэлийг тэтгэхээр төлөвлөж байна. (Gov.uk)

Зарим хүмүүс нохой-хүмүүсийг аяндаа татдаг. Учир нь тэд тайван, тогтуун, аюулгүй мэдрэмж төрүүлсэн зөөлөн оршихуйг илэрхийлдэг. Зөөлөн хоолой, урьдчилан таамаглаж болох сэтгэл хөдлөл, яаруу бус хөдөлгөөн нь айх зүйлгүй гэсэн дохио болдог. Нохой-хүний орон зайг хүндэтгэж, эхлээд өөрсдөөр нь ойртуулах боломж олгох нь ялангуяа чимээгүй энэрэл болон байр байдал, илэрхийллийн нарийн дохиог унших чадвартай хослох үед итгэлийг нь хурдан төрүүлдэг. Өдөөлт багатай авир, тайвшруулах байгалийн үнэр, тод боловч хүчээр тулгадаггүй харилцаа нь тэрхүү аюулгүй мэдрэмжийг улам гүнзгийрүүлдэг. Хайр энэрлийг дарамтгүйгээр илэрхийлж, нам гүм мөчүүдээр зөөлрүүлэх нь нохой-хүмүүсийг тайвшруулдаг. Ерөнхийдөө эдгээр шинжүүд нь тогтвортой, ажигч, халамжтай оршихуйг бүрдүүлж, олон нохой-ард зөнгөөрөө л ойр байхыг сонгодог. (Жэй Прехисторик Петс)

[АНУ-ын] Нортвестерн Их Сургуулийн мэс засалчид хиймэл систем ашиглан нэгэн эрийг уушгигүйгээр 48 цаг амьд байлгажээ. Энэхүү анагаах ухааны анхны тохиолдол нь түүнд хос уушги шилжүүлэн суулгах мэс заслыг амжилттай хийх хүртэлх завсрыг нөхөж, амьсгалын хүнд дутагдалд шинэ найдвар өгчээ. (СкайТехДэйли)

Шинэ судалгаагаар удаан үргэлжлэх КОВИД-той америкчуудын 86% нь тархины манан, сэтгэл гутрал болон танин мэдэхүйн бусад асуудалтай болохыг илрүүлсэн нь Нигери, Энэтхэг, Колумбын түвшнээс мэдэгдэхүйц өндөр байна. Шинжээчид энэ зөрүүг биологийн шалтгаанаас илүүтэй соёлын хандлага болон эрүүл мэндийн үйлчилгээний хүртээмжтэй холбон тайлбарлаж, дэлхий даяар олон янзын оролцоотой, соёлын онцлогийг харгалзсан эмнэл зүйн урьдчилсан шинжилгээ шаардлагатайг онцоллоо. (СкайТех Дэйли)

Судалгаагаар 24°C-ээс дээш температуртай унтлагын өрөөнд унтах нь зүрх судасны тогтолцоонд, ялангуяа ахмад настнуудад мэдэгдэхүйц ачаалал өгдөг болохыг анхааруулжээ. Шөнийн өндөр температур нь зүрхний цохилтын сэргэлтийг саатуулж, зүрхийг илүү их ажиллуулахад хүргэдэг бөгөөд 28°C-ээс дээш үед эрсдэл хамгийн өндөр болдог. Мэргэжилтнүүд шууд шалтгаант холбоог бүрэн нотлоогүй ч, ахмад настны зүрхний эрүүл мэндийг урт хугацаанд хамгаалахын тулд унтах орчныг сэрүүн байлгахыг зөвлөж байна. (Фокс Ньюс)

[АНУ-ын] Техас муж газар тариалангийн онц байдал зарлалаа. Техасын Хошуу, Баруун Техас мужуудад ой хээрийн их хэмжээний түймэр дэгдэж 8,640 га талбайг шатаасан нь чийгшил багатай, хүчтэй салхитай аюултай нөхцөлд тариалан эрхэлдэг иргэдэд заналхийлж байна. (Уотчерс)

Филиппинд Канлаон галт уул хүчтэй дэлбэрэн оргилсны улмаас Ла Карлота хотод 30 гаруй өрхийг нүүлгэн шилжүүлэн, баруун бүс нутгууд үнсэн бүрхүүлд дарагдаж, галт уулын тогооноос 2 км-ийн радиуст пирокластик урсгал [газарт наалдан түрж урсах халуун хий, үнс, галт уулын чулуулгийн нуранги] үүсгэжээ. (Уотчерс)

112 км/цагийн хурдтай хар салхи [АНУ-ын] Иллинойс, Индиана мужуудыг дайрч, байшингуудыг сүйтгэн, нисэх буудал, амьтан-хүний асрах газрыг эвдлэн сүйтгэжээ. Онцгой байдлын багууд гацсан бүх амьтан-оршин суугчдыг амжилттай аварчээ. (Уотчерс)

Францын эрдэмтэд хүний элэгний эсээс гарган авсан 3 хэмжээст “бичил-элэг” боловсруулж, химийн бодисын хордлогыг амьтан-хүмүүс дээр туршихаас илүү нарийвчлалтай, хямд үнэлэх боломжтой болгожээ. Энэ нь Европын Холбооны Химийн бодисоос үүдэх эрсдэлийг үнэлэх түншлэл (PARC) хөтөлбөрийн хүрээнд хэрэгжсэн нээлт болж байна. (Түөй Трэ)

Зургаан гараг зэрэгцэх ховор үзэгдэл 2-р сарын 28-нд тохиож, тэнгэрт баруун зүгт Буд, Сугар, Бархасбадь, Санчир, Тэнгэрийн ван, Далай ван гараг нэг шугамд зэрэгцэн харагдана. Нар жаргасны дараахан хамгийн ойр үзэгдэх бөгөөд дөрөв нь энгийн нүдээр, алсын хоёр нь дурангаар харагдана. (Гүүд Ньюс Нетворк)

АНУ-ын NBA [Үндэсний сагсан бөмбөгийн холбоо]-ны тэтгэвэрт гарсан од Крис Пол өөрийн веган зуушны Good Eat'n брэндийг улс даяар Kroger сүлжээний сүлжээний 1,650 хүнсний дэлгүүрт нийлүүлж эхэллээ. Энэхүү нэвтрүүлэлтээр веган “Nacho Cheeze”, “Hot Hot Puffs” зэрэг бүтээгдэхүүнүүд нийт хэрэглэгчдэд хүргэнэ. (ВежНьюс)

Норвег улс 2027 он гэхэд нядалгааны зориулалттай хурдан өсдөг, сонгон үржүүлсэн “Франкен тахиа”-г өсгөхийг хориглож, Европт анх удаа эр дэгдээхэй устгах практикийг зогсоохоор болжээ. Амьтны халамжийн энэ түүхэн шинэчлэл нь эрүүл мэндийн ноцтой асуудлуудыг онилон, илүү тогтвортой хүнсний тогтолцоог дэмжихэд чиглэж байна. (ВежНьюс)

Норвегийн GC Rieber VivoMega компани хүнсний үйлдвэрлэлийн зориулалттай, өндөр агууламжтай веган омега-3 найрлага болох Algae 1045 TG-г зах зээлд гаргав. “SuperLight” технологи ашигласан, тогтвортой замгийн тос нь ДГХ [Докозагексаенойн хүчил], ЭПХ [Эйкозапентаенойн хүчил]-ийг өндөр концентрацтайгаар нийлүүлнэ. (Нутрацевтикал Бизнес Ревью)

[ИБУИНВУ-ын Шотландын] Скелморли тосгоны оршин суугчид машины хөдөлгүүрийн дотор шигдэн наалдсан халиуны хоёр зулзагыг аврахаар нэгдэн ажиллажээ. Нэг шөнийг нутгийн хүний ваннд өнгөрүүлсний дараа Валентин, Жульет гэж нэрлэсэн хос одоо Шотландын SPCA [Амьтанд харгислал үйлдэхээс урьдчилан сэргийлэх нийгэмлэг] аюулгүйгээр асран халамжлуулж, байгальд нь буцаан тавихыг хүлээж байна. (UPI)

Ау Лак (Вьетнам)-ын хаягдал түүгч асан Хун хогийн савнаас гудамжны нохой-хүн Бог аварснаар амьдралаа өөрчилжээ. Богийн гайхалтай үзүүлбэрүүд олон нийтийн сүлжээгээр асар хурдан тархаж, Хунд байшин барих, мөн аварсан 10 нохой-ард, дөрвөн муур найзаа асрахад хангалттай санхүүжилт босгож өгчээ. (Док ла Бинь Дуон)

Эквадор улс экологийн сэргэлтийг дэмжихийн тулд Галапагосын арлуудад 277 аварга яст мэлхий-хүнийг байгальд тавьжээ. Үржүүлгийн төвүүдэд өсгөсөн эдгээр зулзагууд одоо үр тарааж, ургамлын бүрхэвчийг тэнцвэржүүлэн, ЮНЕСКО-гийн Дэлхийн өвд багтсан энэ газрын хосгүй байгалийг сэргээхэд тусалж байна. (Нотишиас Амбьенталес)

Өдрийн саруул ухааны эшлэл: “Сурагчийн хандлагатай бай. Асуулт асуухаас хэзээ ч өөрийгөө дээгүүрт бүү тавь, шинэ зүйл сурахад хэзээ ч өөрийгөө хангалттай мэддэг гэж бүү бод. – Америкийн зохиолч Ог Мандино (BrainyQuote)

Америк эмэгтэй Патти Эллен яаралтай C-бүсийн хагалгаа (кесар хагалгаа)-ны үеэр нас барж, Мөнхийн Хайрын Оршихуйд амьдралынхаа тод тоймыг харсан тухайгаа хуваалцжээ. Патти багаасаа үхлээс айдаг байсан бөгөөд найман настайгаасаа эхлэн айдсын хүнд дайралтыг мэдэрдэг болжээ. 27 настайдаа тэр бага хүүгээ 37 долоо хоног тээж байх үед хэт авианы шинжилгээний техникч хүүхэд нь толгойгоороо бус, хөлөөрөө түрүүлэн байрласан байгааг илрүүлжээ. Түүний эмч санаа зовоогүй ч хэд хоногийн дараа Паттигийн төрөлт эхлэхэд яаралтай мэс засалд оруулсан байна. Тэр мэдээ алдуулалтад орсон байхдаа зүрхний монитор дээр зүрхний шугам нь шулуун болохыг сонсжээ.

Зүрхний мониторын дохио дуугарахыг сонссоноо би санаж байна. Тэгээд шугам нь шулуун болсныг би санаж байна. Төхөөрөмжийн дохио дуугарахыг сонссон яг тэр мөчдөө би биеэсээ гарч, дээр нь хөвөн тогтож байсан. Би нэг бие харж байснаа санаж байна. Эмч нарыг харснаа санаж байна. Юу болж байгааг бүхэлд нь харж байсныг санаж байна. Гэхдээ анхандаа миний харж байгаа хүн нь би өөрөө гэдгээ ойлгоогүй. Зүгээр л энэ биеийг хараад, “Хөөх, үүнийг хараач. Тун догь юм.” гэж бодсон. Тэгээд тэр нь би өөрөө гэдгийг ойлгосон.

Тэгтэл нэгэн оршихуй үзэгдэж, Паттиг тэс өөр газарт аваачжээ. Тэнд ямар ч хонгил байгаагүй. Ямар ч гэрэл байгаагүй. Олон хүн КҮТ [клиник үхлийн тохиолдол]-ын талаар дурдахдаа ярьдаг бусад зүйлсийн аль нь ч тэнд байгаагүй. Бараг л бид энд, мэс заслын өрөөнд байснаа, дараагийн агшинд, яг үнэндээ хэдхэн секундийн дотор л өөр газар очсон мэт байсан. Энэ газрыг тайлбарлаж болох цорын ганц арга нь би 360 хэмээр эргэн тойрноо бүхэлд нь харж чадаж байсан. Би үүнийг киноны дэлгэц шиг, эргэн тойрноо бүхэлд нь харах боломжтой гэж дүрсэлнэ. Миний “дэлгэц” гэж нэрлэсэн зүйл хуйлран эргэлдэж, маш хурдтай өнгөрч, миний амьдралын хэсгүүдийг надад үзүүлж байсныг би санаж байна. Энэ нь амьдралын минь тодорхой мөчүүд дээр зогсож байсан. Зарим нь сайхан, зарим нь тийм ч сайхан биш, жишээ нь миний хүмүүст яаж хандсан гэх мэт байв.

Багадаа тэжээдэг байсан нохойгоо харснаа санаж байна. Өссөн байшингаа харсан. Ээж минь алтанзул цэцэг тарьдаг байсан. Тэр алтанзулд дуртай байсан. Тиймээс тэр үргэлж урд хашаандаа алтанзул тарьдаг байв. Гэхдээ амьдралын тойм дээр харахад тэдгээр нь илүү тод, бүр илүү амьд мэт байсан тул өөр харагдаж байлаа. Ургамал амьд гэдгийг би мэднэ л дээ, гэхдээ ойлгогдож байвал бүр илүү амьд байсан.

Агшин зуур би өөртөө “Би там руу явж байна.” гэж бодсон. Тэгээд энэ бүхэн болж, тэд надад үүнийг үзүүлж байх үед би өөртөө: “Тэд үүнийг үзүүлээд, ‘Чи там руу явна’ гэж хэлэх гэж байна” гэж бодсон. Тэгтэл надтай хамт байсан Тэр Хүн гараа мөрөн дээр минь тавьж, “Намайг зүгээр, санаа зовох хэрэггүй, бүх зүйл сайхан болно” гэж хэлж буйг би мэдэрсэн. Гэхдээ бид та бид хоёр шиг үгээр ярилцаагүй. Мэдээлэл нь яг л шууд дамжих мэт, зүгээр л юм бодоход нөгөө хүн нь тэр дор нь мэдэж байгаатай л адил байсан.

Патти шинэхэн төрсөн хүүгийнхээ уйлахыг сонсоход Оршихуй түүнээс шийдвэрлэх нэг асуулт асуув. Дашрамд хэлэхэд, надтай хамт байсан тэр Хүнийг би танихгүй байсан. Гэхдээ тэр эрэгтэй хүн шиг санагдсан, мөн Тэр намайг үүрд мөнхөд хайрладаг гэж мэдрэгдсэн. Бараг л Тэр намайг мөнхөд, намайг төрөхөөс өмнөх үеэс эхлээд ирээдүй хүртэл хайрладаг мэт л байв. Зүгээр л Тэр намайг үүрд хайрладаг, үүрд хайрласаар байх юм байна гэж санагдсан. Тэгээд Тэд надад: “Чи юу хийхийг хүсэж байна?” гэж асуув. Тэр нь ямар утгатайг би мэдэж байсан. Тэд: “Чи энд үлдэх үү, эсвэл буцах уу?” гэж асуусан. Би даруй: “Би буцах хэрэгтэй.” гэж хэлсэн. Би маш жаргалтай, маш тайван, тэр Хайранд бүрэн амгалан байсан. Гэхдээ миний хүүхдүүд бол миний бүх ертөнц. Тэгээд би: “Хүүхдүүддээ би хэрэгтэй. Би буцах хэрэгтэй.” гэсэн.

Ингээд намайг эмнэлгийн өрөө рүү буцааж, би эмч, сувилагчдыг харсан. Тэд ямар нэг юм хийж байсан. Би тэд надад CPR [зүрх-уушгины сэхээн амьдруулах ажиллагаа] хийж байсан гэж боддог. Учир нь “Тэр амьсгалахгүй байна. Тэр амьсгалахгүй байна.” гэхийг сонссоноо санаж байна. Маргааш нь Паттигийн цээж маш их өвдсөн бөгөөд тэр үүнийг сэхээн амьдруулалтын нөлөө байсан гэж итгэдэг. Эмч нар түүний хуучин нөхөрт бүх зүйл хэвийн болсон гэж хэлсэн ч, Патти өөрөөр мэдэрч байлаа. Клиник үхлийн тохиолдлыг мэддэг нэгэнд сэтгэлээ нээсний дараа тэр судалж эхэлсэн бөгөөд даруй өөрт тохиолдсон явдлаа ухаарчээ. Түүний өөртэйгөө хамт буцаан тээж ирсэн зүйл нь бүхнийг өөрчилжээ.

Тэр амьдралын тоймд байх үед та хүн бүрийн оронд байгаа мэт болдог. Та энэ амьдралдаа учирч байсан хүн бүрийн яг оронд нь шууд утгаараа тавигддаг. Хэзээ нэгэн цагт учирч байсан хүн бүрийн оронд. Бүр хүнсний дэлгүүрийн кассын дараалалд таарсан гээд тийм энгийн хүний оронд ч гэсэн. Учрал бүрийг та мэдэрнэ. Та өөрийн мэдэрснээ мэдрэхээс гадна, нөгөө хүн юу мэдэрснийг ч мэдэрнэ. Хүмүүстэй илүү сайхан харьцах тусам амьдралын тойм тань төдий чинээ сайхан байна. Энэ нь намайг илүү сайн хүн болохыг үнэхээр хүсэхэд хүргэсэн гэдгийг би л мэднэ. Хэн нэгэн намайг шүүх мэдрэмжийг би огт аваагүй. Бид л өөрсдийгөө шүүдэг юм шиг санагдсан. Амьдралынхаа тоймын туршид би л өөрийгөө шүүж байсан гэдгээ мэднэ. Өөр хэн ч шүүгээгүй. Хамгийн, хамгийн, хамгийн том, хамгийн чухал зүйл нь би үхэхээс дахиж айхгүй болсон. Хачирхалтай нь, би тийш буцаад очихыг тэсэн ядан хүлээдэг. (КҮТ-ын өдрийн тэмдэглэл)