ӨДӨР ТУТМЫН МЭДЭЭ-ний гол тойм – 2026 оны 5-р сарын 25

Того улс Африкийн Холбооны паспорт эзэмшигч бүх хүнд нэвтрэх визийн шаардлагыг цуцалж, бүс нутгийн нэгдэл, худалдаа, хөдөлгөөнийг дэмжих зорилгоор 30 хүртэл хоног визгүй зорчих эрх олголоо. Гэхдээ аялагчид ирэхээсээ өмнө цахим мэдүүлэг бөглөж, аюулгүй байдал, эрүүл мэндийн стандарт шаардлагыг хангах ёстой хэвээрээ байна. (Того Фөрст)

АНУ-ын Төрийн нарийн бичгийн дарга Марко Рубио испани хэл дээр кубачуудад гаргасан мэдэгдэлдээ, АНУ нь GAESA [Grupo de Administración Empresarial S.A.]-ын хяналтад байдаг засгийн газартай бус, Кубын ард түмэнтэй шууд “шинэ харилцаа” тогтоохыг санал болгож байгаагаа мэдэгдэж, шинэчлэлтэй уялдсан 100 сая ам.долларын хүнс, эмнэлгийн тусламж олгох саналтай байгаагаа дахин дурджээ. GAESA нь Куба дахь цэргийн удирдлагатай бизнесийн конгломерат юм. (Нью-Йорк Пост)

[Ау Лак (Вьетнам)-ын] Хо Ши Мин хотын цагдаа нар 85 хятад иргэнтэй холбоотой байж болзошгүй цахим залилангийн ажиллагааг илрүүлжээ. Сэжиг бүхий гол зохион байгуулагчид нь зочид буудлыг бүтнээр нь бааз болгон түрээсэлж, уг схемд зориулан 400 орчим компьютер, утас, таблет байрлуулж эхэлсэн байжээ. Эрх баригчдын мэдээлснээр, тус бүлгийн 17 хүн Аулак (Вьетнам)-т хууль бусаар нэвтэрсэн байсан бөгөөд хэргийг үргэлжлүүлэн мөрдөн шалгаж байна. (Түөй Трэ)

АНУ-ын эрх баригчид Энэтхэгт төвтэй техникийн дэмжлэгийн залилангийн сүлжээг хаалаа. ХМТ [Холбооны мөрдөх товчоо]-ны олон жил үргэлжилсэн мөрдөн шалгалтын үр дүнд Энэтхэгт төвтэй телемаркетингийн таван луйварчин, мөн өндөр настай хохирогчдоос олон сая ам.доллар залилан авахад ашигласан дуудлага чиглүүлэх үйлчилгээг санаатайгаар үзүүлсэн Америкийн хоёр удирдах ажилтан ял сонсжээ. (Коннектед тү Индия)

Их Британийн Эм, эрүүл мэндийн бүтээгдэхүүний зохицуулах агентлаг ховор өвчний эмчилгээг илүү уян хатан, хурдан батлах шинэ тогтолцооны талаар олон нийтийн хэлэлцүүлэг эхлүүлжээ. Энэ нь Их Британид ховор тохиолддог өвчтэй амьдарч буй 3.5 сая хүнд эмчилгээнд эрт хүрэх боломж олгох зорилготой юм. (Gov.uk)

АНУ Бүгд Найрамдах Ардчилсан Конго Улс болон Уганда улс дахь Эбола өвчний дэгдэлтэд өртсөн бүсүүдэд богино хугацаанд байршуулж болох эмчилгээний 50 хүртэлх эмнэлэг байгуулах санхүүжилт олгохоор болжээ. Энэ нь илрүүлэг, ангилалт, тусгаарлалтын хүчин чадлыг нэмэгдүүлэх, тэргүүн шугамын эмнэлэг, хүмүүнлэгийн ажиллагааг хурдасган, дэмжлэгийг НҮБ-ын Хүмүүнлэгийн асуудал зохицуулах газрын Онцгой байдлын төв хариу арга хэмжээний сангийн механизмаар дамжуулахыг зорьж байна. (АНУ-ын Төрийн яам)

Судлаачид лууван, бууцай, улаан лооль зэрэг каротиноидоор баялаг хүнсийг авокадо, чидун жимсний тос зэрэг тостой хослуулах нь шимэгдэлтийг 15 дахин хүртэл нэмэгдүүлдгийг тэмдэглэжээ. Судалгаанаас үзэхэд авокадо нь бета-каротиныг А аминдэм болгон хувиргах явцыг онцгойлон сайжруулдаг. Мэргэжилтнүүд хушга, чидуны тос зэрэг энгийн нэмэлтүүд нь веган хоолны эрүүл мэндийн ашиг тусыг хамгийн их болгодог гэж үзэж байна. (Плант Бэйсд Ньюс)

Их Британийн судлаачид өдөр бүр уудаг гааны тосны нэмэлт нь хөнгөн хэлбэрийн даралт ихсэх өвчтэй насанд хүрэгчдийн систолын даралтыг мэдэгдэхүйц бууруулдгийг тогтоожээ. Ментол зэрэг байгалийн нэгдлүүд нь даралтыг дунджаар 8.5 миллиметр мөнгөн усны баганаар бууруулж, дэлхий даяар зүрхний өвчний сая сая тохиолдлоос сэргийлж болох хямд, байгалийн гаралтай аргыг санал болгож байна. (СкайТех Дэйли)

Сэтгэцийн эрүүл мэндийн тэргүүлэх мэргэжилтнүүд олон нийтэд дараах чухал анхааруулах шинжүүдийг ажиглан сэтгэцийн хямралыг эрт танихыг уриалж байна: - Өмнө нь дуртай байсан хобби, үйл ажиллагаанаасаа хөндийрөх - Нийгмээс тусгаарлагдах - Нойр алдагдах - Хувийн ариун цэвэр, арчилгаа мэдэгдэхүйц муудах - Согтууруулах ундаа эсвэл зугаа цэнгэлийн мансууруулах бодисын хэрэглээ нэмэгдэх - Сэтгэл санаа огцом савлах - Өөрийгөө үнэ цэнгүй мэт илэрхийлэх - Итгэл найдваргүй, зорилгогүй болсон, эсвэл амьдралаа дуусгах хүсэлтэйгээ илэрхийлэх Ялангуяа залуусын дунд сэтгэлзүйн зовуурь нэмэгдэж буй энэ үед эмзэг хүмүүсийг яаралтай тусламжийн сүлжээтэй холбох хамгийн чухал алхам нь аль болох эрт нээлттэй харилцан яриа эхлүүлэх явдал хэвээр байгаа гэдгийг мэргэжилтнүүд онцолж байна. (AP)

Энэтхэгт 5-р сарын 21-нд цахилгаан эрчим хүчний хэрэглээний оргил ачаалал 270.73 гигаваттад хүрснийг бүртгэжээ. Хүчтэй халалтын улмаас хэд хэдэн мужид орон нутгийн цахилгаан тасалдал гарчээ. Зуны нэг сар үлдсэн байхад эрчим хүчний хэрэглээ 4 өдөр дараалан дээд хэмжээнд хүрч, засгийн газрын таамгаас давжээ. Энэтхэгийн цахилгааны 70 гаруй хувийг нүүрснээс гаргасаар байна. (Ройтерс)

5-р сарын 21-нд орсон хүчтэй борооны улмаас Аулак (Вьетнам)-ын хойд нутгийн олон газарт үер, хөрсний гулгалт үүсжээ. Бак Ниньд үерийн ус хэд хэдэн уулын тосгоныг тусгаарлаж, сургуулиуд хаагдсан бөгөөд Суан Лыонг коммун хамгийн их хохирол амсжээ. 160 миллиметр хүртэлх хур тунадас орж, Ланг Сон аймагт үер, хөрсний гулгалт үүсгэсэн бол хөрсний гулгалтын улмаас Там Дао муж руу орох, гарах гол зам хаагдсан байна. (VOV, Тьень Фон)

5-р сарын 21-ний үүрээр Италийн Неаполийн баруун талд орших Кампи Флегрей кальдера [галт уул хүчтэй дэлбэрэх, эсвэл газрын гүн дэх магмын хөндийгөө хоослоход орой нь дотогш нурж үүсдэг, тогоо хэлбэрийн хотгор]-д бага гүнтэй, 4.4 магнитудын хүчтэй газар хөдлөлт болж, Поццуолийн буланд дараалсан 12 чичирхийлэл үүсгэжээ. Чичирхийллийн улмаас сургуулиудыг хааж, янз бүрийн барилгад бүтцийн үзлэг хийжээ. Эрдэмтэд энэ идэвхжилийг кальдерагийн доорх үргэлжилж буй тогтворгүй байдалтай холбон тайлбарлаж байна. (Уотчерс)

Израилын Steakholder Foods компани АНУ-д 3D хэвлэгчээр хэвлэсэн веган Perfecta бүтээгдэхүүний цувралаа гаргана. 2026 оны хоёрдугаар хагаст танилцуулагдах дээд зэрэглэлийн стейкүүд нь үйлдвэрлэлийн дэвшилтэт технологи ашиглан амьтан-хүний махны бүтцийг дуурайлган хийгджээ. Бүтэн зүсмэл тахиа болон далайн бүтээгдэхүүний хувилбаруудыг мөн зах зээлд гаргахаар болжээ. (Фүүд Ингредиент Фөрст)

АНУ-ын веган далайн бүтээгдэхүүний Oshi брэнд шинэ цагаан загасны дан махан бүтээгдэхүүний цуврал гаргаж, улс даяар бараг 700 байршилд жижиглэн худалдааны түгээлтээ өргөжүүлэхээр 3 сая ам.долларын хөрөнгө оруулалт татжээ. (PlanetFood.News)

Аулак (Вьетнам)-ын судлаачид хүр хорхойн хүүхэлдэйн оронд спирулина ашиглан кордицепс мөөгийг амжилттай тариалжээ. Тус шинэлэг, өртөг багатай үйл явц нь веган хэрэглэгчид болон харшилтай хүмүүст тогтвортой, шим тэжээлээр баялаг сонголт бий болгож байна. (Бао Зяо & Той Дай)

[АНУ-ын] Техас муж дахь My Pig Filled Life асрамжийн газар хаягдсан, хайхрамжгүй орхигдсон, шилжүүлэн өгсөн 291 гахай-хүнд шинэ эхлэл өгч байна. Тус байгууллага амьтан-хүмүүсийг асрахын тулд хандив, сайн дурын ажилтнуудад тулгуурлахын зэрэгцээ гахай-хүмүүсийг хариуцлагатай асран хамгаалахыг сурталчилж байна. (CBS 19)

Аулак (Вьетнам)-ын иргэн болсон Алин Ребо хэмээх швейцар эмэгтэй “Maison Chance” буяны сүлжээ байгууллагаараа дамжуулан Аулак (Вьетнам)-ын өнчин хүүхдүүд, хөгжлийн бэрхшээлтэй оршин суугчдад амьдралаа зориулжээ. Тус санаачилга нь хүртээмжтэй орон байр, үнэ төлбөргүй боловсрол, физик эмчилгээ, мэргэжлийн сургалт олгож, амьдралын боломж муутай олон мянган хүнийг бие даан амьдарч, бүрэн дүүрэн амьдрах боломж олгож байна. (Ань Туон VTV)

Сингапурын Commonwealth дунд сургуулийн нэгэн багш сургуулийн тусгалтай цонхны гадна хэрэгцээгүй болсон 80 орчим CD өлгөж, шувуу-хүмүүсийн мөргөлдөх тохиолдлыг бууруулжээ. Өртөг багатай, түр зуурын энэ шийдэл нь тус сургууль дараа нь шувуудад аюулгүй байнгын наалт суурилуулах хүртэл цагаан хүзүүт хаан загасчин шувуу-хүмүүсийг амжилттай үргээж тусалжээ. (Стрэйтс Таймс)

Өдрийн гэгээрүүлэх эшлэл: “Нөхөрлөлөө зөвхөн үгээр харуулж байгаадаа сэтгэл бүү хана. Замд тань таарах бүхэнд зүрх тань энэрэнгүй хайраар дүрэлзэж байг.” – Хүндэт Гэгээрсэн Зөнч Бахаулла (цагаан хоолтон) (AZ Quotes)

Диана Сиккардигийн клиник үхлийн тохиолдлын 2-ын 1-р хэсэгт гипноз эмчилгээний мэргэжилтэн Диана 20 минутын мэс ажилбар хэрхэн биеэс гарах аялал болж, хойд насанд хайртай морь-хүнтэйгээ дахин уулзсан ба тэр нь дараа нь түүнийг амьдрал руу буцаан түлхсэн тухай хуваалцаж байна. Диана хүүхэд байхдаа Германаас Өмнөд Африк руу нүүж, хожим нь Титонка нэртэй хээр зүсмийн цэвэр цусны гүү-хүнтэй гүн холбоо тогтоожээ. Тэр хоёр салшгүй дотно болж, Титонка Дианагийн онцгой исгэрээнд хариу өгч, жүчээний хашааны орчимд түүнийг даган явдаг байв. Гэвч 1995 оны 11-р сарын 29-нд Дианад Титонка маш хүнд өвдсөн тухай дуудлага иржээ. Түүнийг амьтан-хүний эмнэлэгт хүргэсэн ч маргааш өглөө нь малын эмч мэс засал хийх боломжгүйгээр хэт хүндэрсэн тул Дианагаас түүнийг өвдөлтгүй нойрсуулах зөвшөөрөл хүссэн аж. Диана гүн сэтгэл гутралд оржээ.

Олон сарын дараа Диана гарынхаа хавдрыг авхуулах мэс засал хийлгэх хэрэгтэй болов. 20 минут үргэлжлэх ёстой байсан мэс ажилбар хоёр цаг хагас үргэлжилсэн ба тэр хугацаанд Диана биеэсээ гарсан гэж ярьж байна. Тэр үед би үндсэндээ амьдралынхаа хамгийн гайхалтай мөчийг мэдэрч байсан. Учир нь би биедээ байгаагүй, биед минь юу болж байгаад ч төдийлөн санаа зовохгүй байсан. Тэгээд надад төрсөн анхны мэдрэмж бол би тас харанхуй хонгилд, эсвэл хонгил гэж нэрлэмээр зүйлд байж, юу болохыг нь огт мэдэхгүй нэгэн зүйл рүү асар хурдтай өнхрөн явж байлаа. Эхэндээ би үнэндээ зүгээр л жаахан айж байснаа л мэдэж байна. Учир нь тэнд тас харанхуй байсан. Гэвч тэр айдас ердөө нэг секунд үргэлжилсэн. Яагаад гэвэл гэнэт асар хүчтэй хайр над руу ирж буйг би мэдэрсэн. Хэн нэгэн таныг үнэхээр бүхэлд нь тэврэн бүрхэж байгаа мэт санагдаж, би дахиж айгаагүй. Гэхдээ би ургийн байрлалд байгаа мэт байж, тэр хонгилоор явсаар л байсан. Гэнэт алсад маш хурц Гэрлийн өчүүхэн цэг харагдаж, түүнд ойртох тусам тэр хурц Гэрлийн цэг улам томорсоор байлаа. Надад төрсөн анхны бодол гэвэл: “Өө, бурхан минь, би сохрох нь дээ. Учир нь энэ Гэрэл үнэхээр маш хурц байна, Нарнаас ч хурц юм.” гэж бодсон. Би харсан ч физик нүдээр харж байгаа мэт мэдрэмж төрөөгүй. Би ухамсар болсон мэт, өөр ямар нэг зүйлээр харж байгаа мэт маш хачин мэдрэмж байсан ч би харж чадсаар байсан, гэхдээ физик нүдээрээ биш. Энэ Гэрэл улам томорч, бас улам ойртсоор, намайг татаж буй мэт, дулаан байсан. Нарнаас ч хурц боловч таны нүд гэх ч юм уу, хүссэнээрээ нэрлэж болох энэ зүйл нүдийг тань өвтгөхгүй байсан.

Тэгээд гэнэт би энэ Гэрлээс гарч ирэхэд өмнө минь том хөндий байсан бөгөөд тэр хөндий дүүрэн морьд байлаа. Өнгөнүүд нь гайхамшигтай байсан. Өвс нь маш ногоон, бидний мэддэг өвснөөс хавьгүй ногоон. Тэнгэр нь манай тэнгэрээс илүү цэнхэр. Миний баруун гар талд мананцар мэт зүйл байсан. Магадгүй би баруун талд юу байгааг харах ёсгүй байсан байх гэж бодож байна. Яагаад гэдгийг мэдэхгүй. Харин зүүн талд маань хүрхрээ, болор мэт цэнхэр цөөрөм байлаа. Тэр хүрхрээ нэгэн гол руу цутгаж байсан. Миний хэлсэнчлэн, тэнд морьд байсан, мөн мод, цэцэгс байлаа. Гэрэл эцэст нь миний ард шилжсэн бөгөөд намайг анх угтсан морийг Рэйнчайлд гэдэг байсан. Рэйнчайлд бол мөн л цанх татах өвчнөөр миний гар дээр нас барсан өөр нэг морь байсан. Тэгээд би түүнд “Титонка хаана байна? Би Титонкаг харах хэрэгтэй байна. Надад их цаг алга.” гэж хэлж байлаа.

2-р хэсэгт Диана эцэст нь Титонкаг дуудаж исгэрэх бөгөөд удаан хүсэн хүлээсэн дахин уулзалт нь эхэндээ түүний ойлгоогүй байдлаар өрнөнө. Тэгээд би Титонкаг тэвэрч, нуруун дээр нь гарах гэж оролдсон ч тэр хамраараа намайг Гэрэл рүү буцаан түлхээд л байсан. Диана Сиккардигийн клиник үхлийн тохиолдлын 2-ын 2-р хэсэгт маргааш бидэнтэй хамт байгаарай. (Өөр ертөнц КҮТ)