ӨДӨР ТУТМЫН МЭДЭЭ-ний гол тойм – 2026 оны 7-р сарын 11

АНУ-ын Төв командлал Иранаас Ормузын хоолойд худалдааны хөлөг онгоцнууд руу хийсэн халдлагын хариуд Ираны байнуудад цохилт өгснөө мэдэгдсэний дараа АНУ-ын Ерөнхийлөгч Трамп АНУ-Ираны харилцан ойлголцлын санамж бичиг “дууссан” гэж мэдэгдсэн ч энхийн яриа хэлэлцээрийг үргэлжлүүлэх боломжтой гэжээ. (Хилл)

Ираны албаныхан АНУ-ыг Ираны Ормузын хоолойгоор хөлөг онгоц хэрхэн нэвтрэхийг хянах оролдлогыг эсэргүүцэж, АНУ-Ираны харилцан ойлголцлын санамж бичгийг зөрчсөн гэж буруутгажээ. Ираны ахмад хууль тогтоогч Эбрахим Азизи тус хоолойд “Ираны шинэ журам”-ыг хүлээн зөвшөөрөхөөс “өөр сонголт байхгүй” гэж мэдэгдсэн байна. Санамж бичигт 60 хоногийн турш төлбөргүй, аюулгүй худалдааны гарц нээхийг заасан ч Иран улс хөлөг онгоцнуудаас өөрийнх нь улстай зохицуулалт хийхийг шаардаж байна. (BBC)

Ираны Хувьсгалт гвард АНУ-аас Иран дахь 80 гаруй байнд цохилт өгсний хариуд Бахрейн, Кувейт дэх АНУ-ын 85 цэргийн объектод халдлага үйлдсэнээ мэдэгджээ. Ираны төрийн хэвлэлүүд тус улс АНУ-ыг хоёр улсын харилцан ойлголцлын санамж бичгийг зөрчсөн гэж буруутгасны дараа уг халдлагыг үйлдсэн гэж мэдээлжээ. Харин АНУ-ын Төв командлал цохилтууд нь Ираны агаарын довтолгооноос хамгаалах систем, командын сүлжээ, эргийн радарын цэгүүд, хөлөг эсэргүүцэх пуужингийн хүчин чадал болон Хувьсгалт гвардын жижиг завинуудыг онилсон гэж мэдэгджээ. (Фокс Ньюс)

АНУ-ын Ерөнхийлөгч Трамп Ирантай бүрэн хэмжээний дайныг дахин эхлүүлж буйгаа үгүйсгэж, АНУ зөвхөн Ормузын хоолой дахь Ираны түрэмгийлэлд хариу цохилт өгч байна гэжээ. Турк улсын Анкара хотод болсон НАТО [Умард Атлантын гэрээний байгууллага]-гийн дээд хэмжээний уулзалтын үеэр Трамп хэрэв Иран улс тус хоолойд хөлөг онгоцнуудад цохилт өгвөл АНУ “10 дахин хүчтэй” хариу барина, гэвч шинэчлэгдсэн дайсагнал “түргэн” дуусна гэж мэдэгджээ. (Фокс Ньюс)

АНУ-ын Ерөнхийлөгч Трамп Европын НАТО-гийн хэд хэдэн орон Ормузын хоолой руу мина цэвэрлэгч хөлөг илгээхээр амласан гэж мэдэгджээ. Учир нь АНУ Иран улсыг усан замд илүү олон мина тавихыг оролдож магадгүй гэж үзэж байна. (Фокс Ньюс)

Их Британийн F-35 сөнөөгч онгоцнууд Норвегийн тэнгист HMS Prince of Wales нисэх онгоц тээвэрлэгчийн цохилтын бүлэгт удаа дараа ойртон очсон Оросын тэнгисийн эргүүлийн онгоцыг замаас нь зогсоожээ. Их Британийн Батлан хамгаалах яам Оросын онгоц нам өндөрт, шаардлагагүйгээр хэт ойр нисэж, усанд дуу авианы хяналтын төхөөрөмж хаясан байж болзошгүй бөгөөд радио холбоонд хариу өгөөгүй тул дагуулан холдуулсан гэж мэдэгджээ.(BBC)

Оросын засгийн газар тус улсын ерөнхийлөгч Владимир Путин, АНУ-ын Ерөнхийлөгч Трамп нар амралтын өдрийн утсаар ярилцах үедээ “ойрын ирээдүйд”, магадгүй Турк улсад болох НАТО-гийн дээд хэмжээний уулзалтын үеэр, юм уу дараа нь дахин ярилцахаар тохиролцсон гэж мэдэгджээ. (Ройтерс)

Туркийн ерөнхийлөгч Режеп Тайип Эрдоган АНУ-ын Ерөнхийлөгч Трампын Украин (Урейн) улсад чиглэсэн энхийн санаачилгыг дэмжиж, Украин (Урейн) улсад Турк улсаас цэргийн болон дипломат тусламжаа үргэлжлүүлнэ гэж мэдэгджээ. Ерөнхийлөгч Эрдоган НАТО-гийн дээд хэмжээний уулзалт дээр тавьсан илтгэлдээ, Турк улс мөн энхийн зохицуулалтад чиглэсэн хүчин чармайлтыг дэмжихийн тулд Оростой харилцах сувгуудаа үргэлжлүүлэн ашиглана гэжээ. (UNN)

Польшийн ерөнхий сайд Дональд Туск тус улс Холбоотнуудын тагнуулын байгууллагаас Орос улс ойрын саруудад Польшийн эсрэг өдөөн хатгалга хийхээр бэлтгэж байж магадгүй бөгөөд, энэ нь НАТО-г сорьж, Украин (Урейн)-д үзүүлэх дэмжлэгийг сулруулж болзошгүй талаар мэдээлэл авсан гэж мэдэгджээ. Орос улсын түрэмгийлэлд санаа зовниж буй энэ үеэр Польш улс батлан хамгаалах зардлаа нэмэгдүүлж, армиа бэхжүүлж, иргэдэд амьд гарах сургалт санал болгож, Варшавын метроны зарим хэсгийг бөмбөгнөөс хоргодох байр болгохоор ажиллаж байгаа тул уг анхааруулгыг гаргажээ. (SBS Ньюс)

АНУ-ын Ерөнхийлөгч Трамп Испанийн НАТО-гийн батлан хамгаалах зардлын амлалттай холбоотой маргаан болон Ираны дайнд АНУ-д Испанийн агаарын орон зай, баазыг ашиглуулахыг зөвшөөрөөгүй явдлыг иш татан, Испани улстай хийх худалдааг нэн даруй зогсоохыг тушаажээ. (Ройтерс)

НҮБ-ын Хүний эрхийн зөвлөл Суданы өмнөд хэсгийн Эль-Обейд хотод энгийн иргэдийн эсрэг гарсан гэх зөрчил, хүчирхийллийг яаралтай мөрдөн шалгахыг тушаажээ. Хагас цэрэгжсэн Шуурхай дэмжлэгийн хүчний бүлэг хотод халдлагаа үргэлжлүүлж байна. Тогтоолоор олон улсын хүмүүнлэгийн эрх зүйн боломжит зөрчлийг шалгах үүргийг бие даасан баримт тогтоох комисст даалгажээ. (Анадолу Аженси)

Италийн Гадаад хэргийн сайд Антонио Таяни АНУ-ын зуучилсан Израил, Ливаны дараагийн хэлэлцээр [Италийн] Ром хотод зохион байгуулагдана гэж мэдэгджээ. Израилаас АНУ-д суугаа элчин сайд Йехиел Лейтер уулзалтууд 7-р сарын 14, 15-нд товлогдсон гэж мэдэгдсэн байна. Уг яриа хэлэлцээр нь АНУ-ын дэмжсэн “тогтвортой энх тайван, аюулгүй байдал”-ын суурь гэрээний дараа болж байна. (Фокс Ньюс)

АНУ-Ираны цохилтууд болон Ормузын хоолойгоор тээвэр хийхтэй холбоотой дахин нэмэгдсэн түгшүүр эрчим хүчний зах зээлийг донсолгосноор 7-р сарын 8-нд нефтийн үнэ 2 долоо хоногийн дээд түвшинд хүрч, Brent түүхий нефть 5 гаруй хувиар өсөж, баррель нь ойролцоогоор 78 ам.доллар болжээ. (Yahoo Finance)

Эмч нар идээт буглааг ноцтой эрсдэлтэй тул гэртээ шахаж хагалахгүй байхыг анхааруулжээ. Ау Лак (Вьетнам)-ын арьсны эмч, доктор Хуинь Ти Май Ти буглаа нь хоолны зуршлаас бус, нянгийн халдвараас үүддэг гэж тайлбарласан байна. Буглааг буруу шахвал халдвар тархаж, амь насанд аюултай хүндрэл үүсгэх эрсдэлтэй. Мэргэжилтнүүд тухайн хэсгийг цэвэр байлгаж, бүлээн жин тавьж, шинж тэмдэг дордвол мэргэжлийн эмнэлгийн тусламж авахыг зөвлөж байна. (Тань Ньень)

Хонконгийн Их Сургуулийн эмч нар роботын тусламжтай 48 бичил мэс засал [судас, мэдрэл зэрэг бичил бүтцэд хийх хагалгаа]-г роботтой холбоотой хүндрэлгүйгээр амжилттай хийж, нарийвчлалтай анагаах ухааны салбарт дэвшил гаргажээ. Эдгээр бичил мэс заслын хоёр нь дэлхийд анхдагч амжилт болсон ба нэгийг нь амьд донороос элэг шилжүүлэн суулгах ажиллагааны хүрээнд, нөгөөг нь үсний шугамын жижиг зүслэгээр бичил судасны залгаас хэлбэрээр хийжээ. Робот систем гарын чичиргээг арилгаж, маш жижиг судас дээрх тогтвортой байдлыг эрс сайжруулдаг байна. (Соха)

Эрүүл мэндийн мэргэжилтнүүд 50-аас дээш насны насанд хүрэгчдэд булчин хөгжүүлэх, тэнцвэр сайжруулах, ясны эрүүл мэндийг дэмжихийн тулд долоо хоногт хоёроос гурван удаа хүндийн дасгал хийхийг зөвлөж байна. Дасгал хооронд 48 цаг амрах нь аюулгүй байдалд чухал хэвээр байна. Шинээр эхэлж буй хүмүүс нэг удаагийн хичээлээр эхэлж болох бол туршлагатай туухай өргөгчид булчингийн бүлгүүдээ ээлжлэн ажиллуулж, сэргэлтээ сайтар хянаснаар илүү олон давтамжтай бэлтгэл хийж болно. (Тань Ньень)

Хятадад шуурганы улмаас 17 хүн амиа алдаж, олон зуун хүн гэмтжээ. Майсак хар салхины улмаас Гуанши Жуангийн Өөртөө Засах Оронд хүчтэй үер бууж, далан сэтэрсэн бол, аянга цахилгаантай шуурга, хар салхи Хубэй мужийг сүйтгэв. Ерөнхийлөгч Ши Жиньпин аврах бүх талын хүчин чармайлт гаргахыг шаардан, хэдэн арван мянган хүнийг нүүлгэн шилжүүлжээ. (Чаннель Ньюс Азия)

Бангладешийн Кокс-Базар дахь дүрвэгсдийн дөрвөн хуарангийн байршилд халуун орны борооны улмаас хөрсний гулгалт үүсэж, Рохинжагийн 8 дүрвэгч амиа алдаж, 2 хүүхэд гэмтжээ. Өөр нэг уулын хажуу нурж, нэг Бангладеш эр амиа алджээ. Эрх баригчид хөрсний гулгалт үүсэх эрсдэлтэй бүсүүдээс багадаа 1,000 дүрвэгчийг нүүлгэн шилжүүллээ. (Уотчерс)

[АНУ-ын] Охайо мужийн Келлис аралд 6-р сарын 5-наас 6-ны хооронд ойролцоогоор 12 цагийн дотор 432 миллиметр орчим бороо орж, гэнэтийн үерт автжээ. Энэ нь мужийн дээд хэмжээнд хүрсэн бөгөөд Үндэсний цаг уурын албаны тухайн бүсэд тооцоолсон “1,000 жилд нэг тохиох” хур тунадасны босгоос хоёр дахин давсан байна. Авто зам, орон сууц, бизнесүүд үерийн усанд автсан бөгөөд энэ нь Баруун дундад нутагт хүчтэй аадар бороо нэмэгдэх хандлагатай байгааг илтгэж байна. (Ньюсвик)

Энэтхэгийн жүжигчин Розлин Хан (веган) 4-р шатны хорт хавдрын эмчилгээний үеэр бүрэн веган амьдралын хэв маягийг баримталж, эрүүл мэндийн ашиг тус болон амьтан-хүмүүсийг гүнээ өрөвдөн энэрэх сэтгэлийнхээ улмаас веган хооллолтод шилжжээ. (Болливуд Баббль)

Бразилын веган загварын Urban Flowers брэнд 2024 онд унадаг дугуйн дугуй, шүхэр, парашют зэрэг бараг нэг тонн хаягдал материалыг тогтвортой дагалдах хэрэгсэл болгон дахин ашиглаж, ойролцоогоор 425,300 ам.долларын орлого олжээ. (Клик ойл энд Газ)

Шотландын түүхэн цагаан хоолны байгууллага Hendersons 7-р сарын 9-нд Глазго хотод анхны ресторанаа нээж, тогтвортой, нохой-хүмүүст ээлтэй газрыг танилцуулан, орон нутгийн бүтээгдэхүүнээр хийсэн орчин үеийн цагаан болон веган хоолыг онцолж байна. (Херальд Шотланд)

[Австралийн] Викториа мужийн үерлэсэн Макалистер голыг дөрвөн хүн гатлахаар оролдох үед үерийн ус тээврийн хэрэгслийг нь урсгал дагуу 25 метр авч одсон ч гэмтэлгүй амь мултарчээ. Хиймэл дагуулын утсаар СОС-ын дуудлага ирсний дараа цагдаагийн нисдэг тэргээр бүлэг хүмүүсийг машины дээрээс аварчээ. (Перт Нау)

[АНУ-ын] Мичиган мужаас аврагдсан 10 сартай Тоби хэмээх муур-хүн 28 хуруутай гэдгээрээ Гиннесийн хамгийн олон хуруутай муур-хүний дэлхийн дээд амжилтыг давтжээ. Түүний эрүүл мэнд маш сайн байгаа бөгөөд зөвхөн хумсаа тогтмол авхуулах шаардлагатай аж. Асран хамгаалагч нь Тобигийн түүх илүү олон амьтан-хүнийг асрах газраас үрчилж авах урам өгнө гэж найдаж байна. (AOL)

Кенид Шелдрик Зэрлэг амьтдын сан болон Кенийн Зэрлэг амьтны газрын малын эмч нар гэмтсэн эр заан-хүнийг нисдэг тэрэг ашиглан аварчээ. Амьтан найзыг олж, тайвшруулах эм өгсний дараа багийнхан хөлийн хүнд хэлбэрийн халдварыг газар дээр нь эмчилж, заан-залуугийн хөдөлгөөнийг амжилттай сэргээжээ. (Күүл Даун)

Өдрийн мэргэн эшлэл: “Хүмүүсийн магтаалд сэтгэлээ баясан хөөрөх, эсвэл зэмлэлд нь гуниглаж гутрахыг бүү зөвшөөр.” – Лалын шашны Нэрт гүн ухаантан, шашны номлогч, мистик, хуульч Эрхэм Имам Аль-Газали (цагаан хоолтон) (AZ Quotes)

Грег Жонсоны клиник үхэлд орсон тохиолдлын тухай энэхүү цувралын өмнөх хэсэгт Грег хүүхэд ахуйд нь эхэлсэн олон жилийн сүнслэг зовлон, мөн хожим нь эмийн тун хэтрүүлэн хэрэглэсний улмаас зүрх нь хүнд гэмтсэн тухай өгүүлсэн. Олон жилийн дараа тэрээр нууцлаг хавцлын голын дэргэд ганцаараа хадан дээр сууж, усны чимээг сонсож байв. Анир чимээгүйд тэр гэмтсэн зүрх нь цохилж, бараг зогсоод, дахин цохилохыг сонсож, өөрийгөө үхэл рүү аажмаар ойртож буйг мэдэрчээ.

Харанхуй зам руу орох хаалга нээгдэхэд Грег харанхуйгаар урагшилж, бие нь алга болохыг харж, эцэст нь Гэрлийн оршихуйн өмнө иржээ. Тэр эмэгтэй түүнийг оддын дундуур авч явсаар, Дэлхий алсад үлджээ. Дараа нь тэр өөрийг нь төрөхөөс өмнөх үеэс л хүлээж байсан гэж хэлсэн оршихуйнуудын зөвлөлийн өмнө иржээ. Тэд тойргийнхоо төвд нэгэн хаалга нээхэд Грег дундуур нь алхаж орсон бөгөөд БУРХАН-тай бүх Суу алдар дор нь уулзсан гэж ярьсан юм.

Гэхдээ миний хамгийн түрүүнд хэлэх зүйл бол ТЭР үнэхээр асар том байсан. ТЭР үнэхээр том тул хэмжээг нь төсөөлөх ч боломжгүй. Та уулын өмнө зогсож болно, Нарын өмнө зогсож болно, гэхдээ харьцуулшгүй. Тиймээс ТЭР үнэхээр аварга том байсан. Би ТҮҮНИЙГ ТЭР гэж дуудаж буйн шалтгаан нь тэнгэр элчийг эмэгтэй гэж нэрлэсэнтэй адил, ТҮҮНИЙ энерги маш эрэгтэйлэг байсан учраас юм. Маш, маш, маш эрэгтэйлэг, маш хатуу байсан. Та [үүнийг] мэдэрч чадна. Энэ нь “ТЭР төмөр таягаар захирна.” гэсэн судрын нэг мөрийг надад санагдуулдаг. ТҮҮНИЙ Хууль, ТҮҮНИЙ Хуулийг зөрчих боломжгүй. ТҮҮНИЙ Хуулийг гуйвуулах боломжгүй. ТҮҮНИЙ Хууль бол Хууль. Үнэндээ илүү сонирхолтой нь ТЭР ямар харагдаж байсан нь бус, харин ТЭР хэрхэн хөдөлж, яаж дуугарч байсан нь үнэхээр чухал байв. ТЭР гол шиг хөдөлж байсан. ТЭР сансрын аварга том гол шиг харагдаж байсан ч тэр голд маш олон өнгө байв. Одод, өнгөнүүд, улаан, цэнхэр, бүр арын дэвсгэр нь үнэндээ Орчлон шиг бага зэрэг хар байсан. Оддыг харахаар дээш ширтэхэд арын дэвсгэр нь хар байдаг. ТЭР гол шиг урсаж байлаа. Мөн дахин хэлэхэд, энэ бүхний ихэнх нь маш зөнгөөрөө байсан. Би шууд ТҮҮН рүү алхаж эхэлсэн. Би гол руу алхаж орж байгаа юм шиг харагдсан тул киноны хэсэг шиг байсан. Тэгээд би ТҮҮН рүү алхсаар, магадгүй бэлхүүс хүртэл гүн орсон үедээ ТҮҮН дотор хэвтэхээр шийдсэн. Тиймээс би гараа дэлгээд, зүгээр л гэдрэг хэвтсэн. Хачирхалтай нь энэ нь баптисмтай их төстэй харагдаж байв. Голд баптисм хүртээдэгт шалтгаан бий гэж би боддог. Үнэнийг хэлэхэд, гол мөрөн, салхи бол БУРХАН шиг харагдах хамгийн ойрын зүйлс гэж би боддог. ТЭР яг тэгж үйлддэг. ТЭР юмсыг угаан арилгадаг ч мөн мэдлэг, мэргэн ухааныг тээдэг. Тиймээс би ТҮҮН дотор хэвтэхэд мэдээллийн хэмжээг нь ойлгож эхэлж ч чадахгүй байсан. Секунд бүрийг март, наносекунд бүрд таны сонсож байсан хамгийн гайхамшигтай санаа, хамгийн мэргэн зүйлс нь сая саяараа, тэр байтугай тэрбум тэрбумаараа урсаж байв.

Мэдээллийн урсгалд дарагдсан Грег хэсэг бүр нь ямар ч асуулт дагуулалгүй цэвэр хариулт байгааг ойлгосон бөгөөд мэдлэг тус бүрийг барьж авахыг оролдох уу, эсвэл бүгдийг нь зүгээр л л өөрөөрөө урсгах уу гэсэн сонголттой тулгарчээ.

Тэгээд би ТҮҮНИЙ бүх Алдар Сууг зүгээр л өөрөөрөө урсгасан. Би зүгээр л ТҮҮНИЙГ авч, түүнийгээ санахгүй байсан ч хамаагүй гэж бодсон. Би зүгээр л дагахаар шийдсэн. Маш их мэдээлэл байсан. Гэхдээ ТҮҮНИЙ мэдээллийн хачирхалтай зүйл нь зөвхөн хариултууд байсан явдал байв. Тэгэхээр бүх зүйл нь ямар ч асуултын хариулт байсан. Тэр мөчид ТЭР надтай ярьсныг би санаж байна. Учир нь би: “Энэ бүхэлдээ зөвхөн хариулт байна. Надад огт утгагүй санагдаж байна.” гэж бодож байсан. Гэхдээ би билиг ухааныг мэдэрч чадна. Үүнд буй гялалзсан оюун ухааныг би мэдэрч чадна. Тэгээд тэр үед ТЭР ярьсан. ТЭР: “Энд асуулт байхгүй. Зөвхөн хариултууд бий.” гэж хэлсэн. ТЭР ингэж хэлсэн. ТЭР бүхэлдээ тийм л байсан. ТЭР хариултуудын гол мөрөн байсан. Таны хийх ёстой зүйл бол зөв асуултыг олох байлаа. Гэвч ТЭР хариултаас өөр юу ч биш байсан. ТЭР Гэрлээс өөр юу ч биш байсан.

Би хүүхэд байхдаа тэр хоосрол, тэр өвдөлтийг мэдэрч байхдаа мэдэж байсан. Би зөнгөөрөө л мэдэрсэн. Үүнийг яаж мэдсэнээ би мэдэхгүй. Тэрхүү цангааг тайлж, тэр өвдөлтийг намдааж чадах цорын ганц зүйл нь ТЭР гэдгийг би зүгээр л мэдэж байсан. ТҮҮНТЭЙ хамт байх үед надад дахин хоосон санагдаагүй. Би зүгээр л Эцгээ эргүүлэн авсан. Зүгээр л ТҮҮНТЭЙ хамт байхыг хүссэн. Зүгээр л ТҮҮНИЙГ санасан байв. Надад олон зүйлийг харуулсан. ТЭР намайг үүнд хэрхэн сонгосныг надад харуулсан. Би сайн дураараа ирсэн бололтой. Би энэ бүхний алийг нь ч мэдээгүй. Би сайн дураараа Дэлхийд ирсэн бололтой. Би энд ТҮҮНИЙ төлөө ямар нэгэн зүйл, Дэлхий дээр ТҮҮНИЙ Хүслийг биелүүлэх зүйл хийхийг хүсэж ирсэн. Би ийм учраас бүх зовлонг туулснаа огт ухаараагүй байсан.

6-р хэсэгт Грег БУРХАН яагаад өрийг нь олон жил зовохыг зөвшөөрснийг асууна. Тэр зовлон намайг ТҮҮН рүү хөтлөх хаалгыг нээх болсныг би ухаараагүй. ТЭР надад ингэж л хэлсэн. Грег Жонсоны клиник үхлийн тохиолдлын тухай энэ цувралын 6-р хэсэгт маргааш бидэнтэй хамт байгаарай. (Үхэл дундуур хийсэн аялал)