ӨДӨР ТУТМЫН МЭДЭЭ-ний гол тойм – 2026 оны долоодугаар сарын 15

Украин (Урейн)-ы зэвсэгт хүчин баасан гарагаас бямба гарагт шилжих шөнө ОХУ-ын Краснодарын хязгаар дахь газрын тос боловсруулах томоохон үйлдвэр, нефтийн хэд хэдэн терминал, 18 хөлөг онгоцонд цохилт өгснийг Украин (Урейн)-ы Жанжин штаб баталжээ. Эдгээр цохилт нь Оросын дайны машиныг санхүүжүүлж, хангадаг эрчим хүчний дэд бүтцэд нь довтлох Украин (Урейн)-ы үргэлжилсэн ажиллагааны нэг хэсэг бөгөөд дотоодын шатахууны хангамжид нь дарамт үзүүлэх зорилготой гэж албаны хүмүүс мэдэгджээ. (Киев Индепендент)

Оросын баллистик пуужингууд бямба гарагийн үүрээр Украин (Урейн)-ы Киев хотод цохилт өгч, нийслэлийн дөрвөн дүүрэгт 11 хүн шархаджээ. Довтолгооны улмаас орон сууцны бус барилгууд эвдэрч, агуулахууд, оффисын цогцолбор, цахилгааны удирдлагын өрөөнд гал гарч, ойролцоох айлуудын цонх хагарчээ. (Киев Пост)

Иран улс Ормузын хоолойд худалдааны хөлөг онгоц руу халдсаны дараа АНУ-ын Төв командлал бямба гарагийн шөнө Иран улсад гурав дахь удаагаа цэргийн 140 орчим байг онилон, цохилт өгчээ, Нисэх онгоц, дрон, тэнгисийн цэргийн хөлгөөс харвасан өндөр нарийвчлалтай зэвсгээр пуужин, дроны байгууламж, тэнгисийн цэргийн хүчин чадал, сум хэрэгслийн агуулах, холбооны сүлжээ, эргийн хяналтын цэгүүдэд цохилт өгчээ. Ням гарагийн орой эрт АНУ худалдааны хөлөг онгоц, иргэний далайчдад учрах аюулыг цаашид тогтоон барих зорилгоор нэмэлт цохилт өгчээ. (Фокс Ньюс)

Кувейт улс Катар, Арабын Нэгдсэн Эмират улсуудын араас ням гарагийн үүрээр нутаг дэвсгэрт нь пуужингийн довтолгоо болсон тухай мэдээлжээ. Кувейтийн арми агаарын довтолгооноос хамгаалах систем нь дайсны пуужингуудыг амдан устгасан гэж мэдэгдэж, орон даяар ард иргэдийг хоргодох байранд орохыг уриалжээ. Персийн булангийн бусад гурван улс мөн тэр өдөр өмнө нь болсон пуужингийн довтолгоонд адил арга хэмжээ авснаа мэдээлжээ. (Фокс Ньюс)

Дайсны дрон Кувейтийн газрын тосны компанийн өрөмдлөгийн тавцанг оносны дараа ням гарагт тус улсын арми нэг ажилтан шархадсан гэж мэдэгджээ. Мөн хойд хилийн харуулын гурван цэг халдлагад өртөж, эд материалын хохирол амссан байна. (Фокс Ньюс)

Ираны гол холбоотон, бүс нутгийн зуучлагч Оман улс Мусандам бүс дэх нутаг дэвсгэрт нь дроноор халдсаныг эсэргүүцэж, Ираны Элчин сайдыг дуудсан гэж албаны хүмүүс ням гарагт мэдэгджээ. (Фокс Ньюс)

Ираны парламентын дарга Мохаммад Багер Галибаф АНУ-Ираны харилцан ойлголцлын санамж бичиг нь Иран улсад Ормузын хоолойд “зохицуулалт хийх” эрх олгосон хэмээн X олон нийтийн сүлжээнд нийтэлжээ. Тэрээр: “Нэг талд ашигтай хэлэлцээрийн үе ДУУССАН. Бид та нарт амласандаа хүр, эс бөгөөс төлөөсөө төл гэж хэлсэн. Бодит байдал хаалга тогшиж байна.” гэж бичсэн байна. (Фокс Ньюс)

Ираны Исламын хувьсгалт гвардын корпус “энэ бүс нутагт АНУ хөндлөнгөөс оролцохоо болих хүртэл” дахин цохилт өгнө гэж мэдэгджээ. (Фокс Ньюс)

Иран улс Ормузын хоолойн энэхүү чухал усан замыг хаасан гэж мэдэгдсэн ч өмнөд чиглэл нь хоёр талын хөдөлгөөнд нээлттэй хэвээр, нэвтрэх хүрээ нь өргөжсөн гэж JMIC [Тэнгисийн хамтарсан мэдээллийн төв] мэдэгджээ. JMIC 7-р сарын 12-ны өдрийн зөвлөмждөө энэ хоолой нь аль нэг улсын дарамт шахалт, хяналтад үл хамаарах олон улсын усан зам мөн гэж онцолсон байна. (Фокс Ньюс)

Олон сая дүрвэгч нэн ядуурал, хязгаарлагдмал боломжийн дунд эх орондоо буцаж буйтай холбоотойгоор НҮБХХ [НҮБ-ын Хөгжлийн хөтөлбөр] болон UNHCR [НҮБ-ын Дүрвэгсдийн асуудал эрхэлсэн дээд комиссарын газар]-ын тэргүүнүүд олон улсын хамтын нийгэмлэгт Афганистанд тогтвортой хөрөнгө оруулахыг уриалжээ. 2023 оноос хойш зургаан сая гаруй афганчууд нутагтаа буцсан бөгөөд энэ онд одоогоор 750 мянга гаруй хүн ирж, 2026 оны эцэс гэхэд дахин 2.5 сая хүн ирэх төлөвтэй байна. (UNHCR)

ИБУИНВУ-ын тасалгааны ургамлын анхны эмнэлэг Шотландын Эдинбург хотод нээгджээ. Розанна Костеллогийн байгуулсан “Хилда” тасалгааны ургамлын эмнэлэг нь ургамлыг өвчтөн мэт эмчилж, савыг нь солих, хортон устгах, тайрах, шингэнээр услах зэрэг үйлчилгээ үзүүлдэг. Үйлчлүүлэгчид доройтсон ургамлаа оношлуулахаар авчрахад ажилтнууд “өвчний түүх”-ийг нь бүртгэж, арчилгааг эзнийх нь гэрийн нөхцөл, хүсэлд тохируулдаг. Хортонд идэгдсэн ургамлыг эмчлэхээр тусгаарладаг бол бусдад нь ургалтыг хянахын тулд монстераг хөвдөн тулгуурт бэхлэх зэрэг тусгай арчилгаа хийдэг. Цэвэрлэж, бордсоны дараа эзэд нь сэргэсэн ургамлаа цаашдын арчилгааны зөвлөгөөний хамт авдаг байна. (Гүүд Ньюс Нетворк)

АНУ-ын Ерөнхийлөгч Трампын засаг захиргаа сурагчдад бэлгийн хүчирхийлэл үйлдсэн, дарамталсан багш нарыг хамгаалсан гэх сургуулийн дүүргүүдийн эсрэг улс даяар хатуу арга хэмжээ авч эхэлжээ. Ашгийн бус ProPublica, KQED хэвлэлүүдийн мөрдөн шалгалтаар зөрчил гаргасан нь нотлогдсон ч Калифорнийн олон арван сурган хүмүүжүүлэгч багшлах эрхээ хадгалсаар байсан нь тогтоогдсоны дараа уг арга хэмжээг авсан байна. (Нью-Йорк Пост)

Нигерийн аюулаас хамгаалах хүчин хоёр сарын өмнө тус улсын баруун өмнөд Ойо мужийн гурван сургуулиас барьцаалагдсан олон арван сурагч, багшийг аварчээ. Нигерийн ерөнхийлөгч Бола Тинубу хоёр настай хүүхэд болон ажилтнууд зэрэг нийт 46 барьцааны хүнийг 56 хоногийн дараа суллаж, 8 халдагчийг баривчилж, бусдыг нь ажиллагааны үеэр устгасан гэж мэдэгдсэн байна. Засгийн газар 5-р сарын 15-ны барьцаалах ажиллагааг Боко Харам бүлэглэл хийсэн гэж буруутгаж буй бөгөөд барьцааны мөнгө төлөөгүй гэж мэдэгджээ. (Аль Жазира)

Хариуцлагатай анагаах ухааны эмч нарын хорооноос өндөг үйлдвэрлэгч 3 компанид хандан хандивлахаар төлөвлөсөн 53 сая тахианы өндгийг ногоон шош, вандуйгаар хийсэн, ургамлын гаралтай өндөг орлуулагчаар солихыг уриалжээ. Уг хандив нь тахианы өндөгний үнийг хуйвалдан тогтоосон гэх хэрэгтэй холбоотойгоор холбооны прокуроруудтай байгуулсан тохиролцооны нэг хэсэг юм. Ургамлын гаралтай бүтээгдэхүүн холестерингүй уураг өгөхийн зэрэгцээ эслэг болон зүрхэнд тустай бусад шимт бодис агуулдаг гэж тус байгууллага мэдэгджээ. (Хариуцлагатай анагаах ухааны эмч нарын хороо)

Энэтхэгийн Хайдарабад муж даяар түгээж буй үнээ-хүний бохирдсон түүхий сүү нь эрүүл мэндэд ноцтой эрсдэл учруулж байгааг Үндэсний хоол тэжээлийн хүрээлэнгийн судалгаанд анхааруулжээ. Сорьцын 90 гаруй хувьд өтгөний гаралтай аюултай нян, 95%-д нь хөгц мөөгөнцрийн бохирдол, гуравны нэгээс нь сальмонелла вирус илэрсэн байна. (Таймс оф Индия)

Эмч нар хажуугаараа унтах нь амьсгалын замыг нээлттэй байлгаж, хурхиралтыг бууруулдаг тул насанд хүрэгчдийн эрүүл мэндэд ерөнхийдөө хамгийн тустай гэжээ. Зүүн талаараа унтах нь ходоодны хүчил сөргөөхийг багасгаж, жирэмсэн үеийн цусны эргэлтийг сайжруулдаг бол баруун талаараа унтах нь зүрхний дутагдалтай хүмүүст тустай. Дээш харан унтахад нуруу, хүзүү, мөр байгалийн байрлалаа хадгалж, үе мөчний даралт багасдаг ч нойрны апноэ, хурхиралттай хүмүүсийн зовуурийг хүндрүүлдэг гэж мэргэжилтнүүд онцолсон байна. Тэд шөнө бүр 30 хүртэл удаа байрлалаа аяндаа өөрчлөх нь хэвийн гэдгийг тэмдэглэсэн байна. (ВнЭкспресс)

Бангладешийн долоон дүүрэгт халуун орны борооны үер, хөрсний гулгалт үүссэний улмаас 44 хүн амиа алдаж, 1 сая гаруй хүн гацаанд орж, бараг 268 мянган өрх тусгаарлагджээ. Цэргийнхэн завиар хүнс, ус, эм хүргэж байгаа ч эвдэрсэн зам, гүүр, цахилгааны тасалдал нь тусламжийн ажиллагааг удаашруулж байна. (Ройтерс)

Олон улсад Бави гэж нэрлэгддэг Индай хар салхины нөлөөгөөр эрчимжсэн халуун орны бороо нь Филиппинд хөрсний гулгалт, үер үүсгэж, голдуу Минданаод багадаа 17 хүн амиа алдаж, есөн хүн сураггүй болжээ. 112 мянга гаруй өрх нэрвэгдэж, 11,200 хүн нүүлгэн шилжүүлэх төвүүдэд байрлаж байна. (Манила Таймс)

Дэлхийн цаг уурын байгууллага ган гачиг, газрын зохисгүй менежмент нь шороон шуургыг эрчимжүүлж, жил бүр 2 тэрбум орчим тонн тоос агаар мандалд дэгдээж байна гэж мэдэгджээ. [АНУ-ын] Техас мужийн Эль Пасод 2025 онд 50 өдөр шороон шуургатай байсан нь 1935 оноос хойших хамгийн өндөр үзүүлэлт болж, сургууль, хурдны замуудыг хаахад хүргэжээ. (Дэлхийн цаг уурын байгууллага)

Грекийн шагналт биотехнологич, доктор Анжелики Триантафиллу багийнхантайгаа хамт уургийн ялгавар ашиглахын оронд вандуйг бүхэлд нь боловсруулж, шим тэжээлийн өндөр агууламжийг нь хадгалан, үйлдвэрлэлийн тогтвортой байдлыг сайжруулдаг, вандуйн сүүний дэвшилтэт аргачлал боловсруулж байна. (евроньюс)

Цаг агаарын хүнд нөхцөлөөс болж 7-р сард зохиогдох байснаа хойшилсон ATL Веган наадам 8-р сарын 16-нд [АНУ-ын] Атланта хотын Пидмонт цэцэрлэгт хүрээлэнд болно. Тус наадам нь хүнсний ачааны машин, амттаны хотхон, гар урлалын худалдаачид, амьд хөгжмөөр дамжуулан хотын өргөжин тэлж буй веган соёлыг танилцуулна. (Секрет Атланта)

[АНУ-ын] Мичиган мужид төвтэй Unburger веган ресторан франчайзын сүлжээгээ өргөжүүлж, бүрэн веган тав тухтай хоолоор үйлчлэх анхны салбараа энэ наймдугаар сард Анн Арбор дахь Мичиганы Их Сургуулийн ойролцоо нээнэ. (Unburger Holdings, LLC)

[Испанийн] Мотрил хотын 36 настай эрэгтэй АТМ-ын мөнгө олгох хэсэгт үлдээсэн 400 еврог олоод, тэр даруй орон нутгийн цагдаад хүлээлгэн өгчээ. Цагдаа нар банкны дүрс бичлэгээр 66 настай жинхэнэ эзнийг нь тогтоож, хэдхэн цагийн дотор мөнгийг буцаан өгсөн байна. (ЕвроУикли Ньюс)

[ИБУИНВУ-ыэ] Английн Нанитон хотын гал сөнөөгчид ус дүүрсэн гүн сувагт гацсан нохой-иргэнийг амьтан аврах тусгай хэрэгсэл ашиглан аварчээ. Багийнхан гэмтээгүй тэжээвэр амьтан-хүнийг аюулгүй гаргаж, эзэнд нь хүлээлгэн өгсөн бөгөөд ердийн зугаалгын үеэр үерт автсан суваг далд аюултай тул оосор хэрэглэх шаардлагатайг онцолсон байна. (Травелер)

[АНУ-ын Иллиной мужийн] Аврора хотод гал сөнөөгчид болон амьтан хамгааллын ажилтнууд голын ус зайлуулах хоолойноос гарч, усанд тогтоход бэрхшээлтэй болсон янзагыг Фокс голоос аварчээ. Гал сөнөөгч Йонас Цебульски янзагыг тороор шүүрэн гаргасан бөгөөд түүний нэрээр Йонас хэмээн нэрлэсэн янзага одоо зэрлэг амьтан асрах төвд сайн эдгэрч байна. (Patch.com)

Өдрийн мэргэн эшлэл: “Бид үргэлж эерэг хандлагатай байх ёстой. Бид БУРХАН-ы зарц нар учраас бүх саадыг даван туулна.” Хиндү шашны Хүндэт Гэгээнтэн, Нууц ухаантан, Хэрэн хэсүүчлэгч Даяанч, Багш Шивапури Баба (цагаан хоолтон) (Шри Говиндананда Бхарати) (LordShivaPuriBaba.blogspot.com)

Жон Пол Мартинезын клиник үхэлд орсон тохиолдлын тухай цувралын нэгдүгээр хэсэгт Жон хоёр охинтой хамт машинд сууснаа өгүүлсэн. Бутнаас буутай этгээд гарч ирэн, Жоны толгойд буугаа тулгаж, дагз руу нь бууджээ. Хөдөлж чадахгүй болсон Жон буутай этгээд буугаа дахин цэнэглэж байх шиг харагдсаныг харжээ.

Би тэр охинд: “Чи урагшаа явах хэрэгтэй. Машинаа хөдөлгө. Тэр намайг гүйцээхээр эргэж ирж байна.” гэж хэлснээ санаж байна. Тэгээд тэд машинаа урагш хөдөлгөсөн. Бид зогсолгүй явсаар байсан. Эмнэлэг рүү явах замд надад нэгэн онцгой мөч тохиолдсоныг санаж байна. Тэр үед би БУРХАНД итгэдэггүй байлаа. Манай гэр бүлийн хэн нь ч Христийн шашинтан байгаагүй.

Гэхдээ бид зогсох тэмдэг дээр зогсоход гэнэт үнэхээр хачирхалтай зүйл болсон. Учир нь зургууд слайд үзүүлбэр шиг нүдний өмнө гарч ирсэн. Зураг бүрд миний амьдралын хэсгүүд байсан бөгөөд слайд бүрийг би бүхлээр нь мэдэрсэн нь намайг ихэд цочирдуулсан. Би бага балчир үеэсээ өнөөг хүртэлх өөрийгөө харж, эдгээр бүх слайдаас бүхий л сэтгэл хөдлөл, баяр баясал, өвдөлт, бусад бүх зүйлийг маш хурдан мэдэрсэн. Тэгээд гэнэт бүгд алга болсон. Би дотроо: “Би үхэх гэж байна. Миний амьдрал ингэж л төгсөх бололтой.” гэж бодож эхэлсэн.

Жоныг эмнэлэгт ирмэгц яаралтай дотогш оруулсан бөгөөд нэг цагдаа гараас нь барьж, түүнд унтаж болохгүй гэж хэлэх зуур зүрхний цохилт нь монитор дээр сонсогдон аажмаар удааширч эхэлжээ.

Тэгтэл гэнэт би энэ газарт оччихсон байсан. Сударт: “гаднах харанхуй” хэмээх газрын тухай өгүүлдэг. Би тэнд байсан бөгөөд харанхуй нь үе шаттай мэт санагдсан. Ядаж л надад тэгж харагдсан. Тэгээд намайг энэ айдас нөмөрсөн. Асар их айдас намайг нөмөрсөн. Амьсгаа боомилох мэт айдас байсан. Би өмнө нь хэзээ ч ийм зүйл мэдэрч байгаагүй. Би амьдардаг хороололдоо өөрөөсөө том биетэй залуустай зодолдож, айж байсан ч энэ айдас тэс өөр байв. Тэгтэл ард минь ямар нэг зүйл гарч ирээд, намайг түлхэж эхэлсэн. Би эсэргүүцэхийг оролдсон ч чадсангүй. Тэр дэндүү хүчтэй байсан. Тэр намайг харанхуйн үе шатууд руу түлхэж байлаа.

Харанхуйн үе шат бүрд улам гүнзгийрэх тусам айдас улам нэмэгдсэн. Тэгээд би илүү гүн харанхуй руу орж, дуу хоолойнууд сонссоноо санаж байна. Хачирхалтай нь зарим дуу хоолой надад танил мэт сонсогдсон. Маш танил байсан ч хэний дууг тогтоож чадаагүй. Эхэндээ хүмүүс инээлдэж, баярлаж байна гэж бодсон я үнэндээ тэд тусламж гуйн хашхирч байв. Тэгээд илүү гүн харанхуйд байсан нэг эрийн дууг сонссоноо санаж байна. Тэр: “Надад туслаач. Туслаач. Туслаач” гэж хэлж байсан. Гэхдээ амьдралдаа урьд өмнө хэзээ ч тийм айдас мэдэрч байгаагүй учраас тэр мэдрэмжийг тайлбарлахад хэцүү. Амьсгаа боомилох мэт айдас, харанхуй, туйлын гүн харанхуй байсан. Миний туулсан зүйл тэр байлаа.

Би үнэхээр тэр газарт байгаа мэт мэдэрсэн. Зүүдэлж байгаа мэт санагдаагүй. Эргэн тойрны бүх зүйл үнэхээр бодит мэт санагддаг газарт очсон юм шиг байлаа. БУРХАН намайг тийш нь аваачсан. Хэрэв би өмнөх шигээ амьдарсаар байсан бол эцэст нь тэнд очих байсан учраас ТЭР намайг тийш аваачсан гэж би итгэдэг.

Жон таталт өгсөөр сэрсэн тул түүнийг хүлж тогтоохоос өөр аргагүй болжээ. Тэр бодит зүйл туулснаа мэдэж байсан ч гэмт бүлэглэл, хар тамхины орчинд байсан тул хэнд ч хэлсэнгүй. Тэрээр долоо хоногийн дараа эмнэлгээс гараад гудамжинд эргэн очсон ч удалгүй дахин баривчлагджээ. Энэ удаа түүнд хэзээ ч суллагдахгүй гэж хэлжээ. Гэвч тухайн үеийн Калифорнийн амбан захирагчийн гарын үсэг зурсан хуулийн төслийн эрх зүйн нэгэн заалтын ачаар Жоныг нэг ч ял тулгалгүйгээр 45 дахь хоногт нь суллажээ. Очих газаргүй, бүх харилцаагаа тасалсан түүнд ээж нь нэг шөнө гэртээ хоноглохыг зөвшөөрөв. Маргааш өглөө нь ээж нь түүнийг тэнсэн харгалзах ажилтантайгаа уулзахыг хүсжээ. Тэр өдрийн жижүүр ажилтан Жоны гэмт хэргийн бүртгэлийг үзээд, Христийн шашинтай эрэгтэйчүүдийн асрамжийн газрын утасны дугаар өгчээ. Жон үүнийг сонсоод инээсэн байна.

3-р хэсэгт Жон ээжтэйгээ хурдны замаар явж байхдаа гэнэт нэгэн Дуу хоолой сонссон тухай гарна. Би өмнө нь БУРХАНЫ Дуу хоолойг хэзээ ч сонсож байгаагүй. Гэтэл тэр Дуу хоолой: “Нүглийн хөлс бол үхэл” гэж хэлсэн. Надад бараг шивнэх мэт сонсогдсон ч хэлсэн үг нь асар хүчтэй байсан тул намайг гүн цочроосон. Тэгээд гэнэт намайг айдас нөмөрсөн. Өнөөх айдас дахин намайг нөмөрсөн. Жон Пол Мартинезын клиник үхлийн тохиолдлын 3-р хэсэгт маргааш бидэнтэй дахин хамт байгаарай. (Энтони Шений бүтээл)