ӨДӨР ТУТМЫН МЭДЭЭ-ний гол тойм – 2026 оны долоодугаар сарын 30

АНУ, Иран улсууд хоёр долоо хоног үргэлжилсэн цохилтын дараа халдлагаа 3 хоног зогсоосон бөгөөд Катар, Пакистан тэргүүтэй зуучлагчид хоёр талыг хэлэлцээрт эргэн оруулахад “томоохон” ахиц гаргасныг бүс нутгийн албаны хүмүүс даваа гарагт AP [Ассошиэйтед Пресс] агентлагт мэдээлжээ. Зуучлагч талууд одоо түр гал зогсоох дэглэмийг сэргээж, Ормузын хоолойгоор зорчих хөлөг онгоцны хөдөлгөөнийг зохицуулах механизм бүрдүүлэхэд анхаарч байна. (Ассошиэйтед Пресс)

Украйн (Урейн) улс Каспийн тэнгист Ираны худалдааны хөлөг онгоцонд алсын тусгалтай цохилт өгсний улмаас нэг далайчны аминд хүрч, хэд хэдэн хүнийг шархдуулсан гэж Ираны Засгийн газар мэдэгдээд, үүнийг “дайсагнасан, гэмт үйлдэл” хэмээн буруушааж, улмаар Украйн (Урейн)-ы хэргийг түр хамаарагчийг дуудан ирүүлжээ. Украйн (Урейн) улс харин Оросын байлдааны хөлөг болон Иран, Оросын хооронд цэргийн ачаа тээвэрлэдэг хөлгүүдийг онилсон гэж мэдэгдсэн байна. (CNBC)

Казахстан улсын ерөнхийлөгч Касым-Жомарт Токаев бямба гарагт [Оросын] Омск хотод Оросын ерөнхийлөгч Владимир Путинтэй уулзах үеэрээ Украйн (Урейн)-д өрнөж буй дайныг зогсоох олон нийтэд ховорхон гаргадаг уриалгаа гаргалаа. Тэрээр уг мөргөлдөөнийг иргэний бус, улс хоорондын дайн гэж тодорхойлоод, үүний шалтгаан тодорхойгүй хэвээр байна гээд: “Бид Украйны ард түмэн, соёл, хэлийг нь үргэлж хүндэтгэсээр ирсэн. Энэ мөргөлдөөний мөн чанар биднийг оролцуулаад олон хүнд бүрэн тодорхой бус байна гэж бид үздэг.” гэжээ. Ерөнхийлөгч Токаев байлдааны ажиллагааг зогсоож, өмнөх хэлэлцээрт эргэн орохыг санал болгожээ. “Магадгүй энэ мөргөлдөөнийг одоо зогсоож, томоохон үр дүнд хүрсэн Истанбулын хэлэлцээрийн 2.0 хувилбар руу буцах хэрэгтэй байх. Тэгээд мэдээж Оросыг оролцуулсан их гүрнүүдийн баталгааны дор удаан хүлээсэн энх тайван руу цааш ахих хэрэгтэй.” Тэрээр мөн дайны хүний аминд учруулж буй гарзыг онцлон: “Мэдээж харамсалтай байна — залуус амиа алдаж байна. Тэд бол Орос, Украйны ахан дүүс ард түмний удмын сан юм.” гэжээ. Ерөнхийлөгч Токаев Оросын албан ёсны хамгийн ойрын түншүүдийн нэг атлаа Оросын довтолгоог дэмжихээс тууштай татгалзсаар ирсэн тул түүний энэ мэдэгдэл онцгой анхаарал татсан байна. (Франц 24, kommersant.ru)

Украйн (Урейн)-ы СБУ [Украйны Аюулгүй байдлын алба] бямбаас ням гарагт шилжих шөнө [Оросын] Ростов-на-Дону болон Каспийн тэнгис талсын тусгалтай дроноор цохилт өгч, Оросын агаарын довтолгооноос хамгаалах системүүд болон далайн хэд хэдэн байг оносноо мэдэгджээ. (United24 Media)

Долоо хоногийн өмнө Украйн (Урейн)-ы далайн коридороос гарах үедээ Оросын пуужингийн цохилтод өртөн, хөвөх чадвараа алдсан, иргэний үр тариа тээвэрлэгч “Golden Leo” хөлөг онгоц 7-р сарын 26-нд Одесын ойролцоо Хар тэнгист живжээ. (Киев Индепендент)

Их Британийн Батлан хамгаалах яам дэслэгч генерал Том Бэйтман байлдааны ажиллагаа дуусмагц Украйн (Урейн)-д байрлах эвслийн хүч болох MNF-U [Украйны Олон Үндэстний Хүчин]-ийг [Францын] Парис хотод болсон команд шилжүүлэх ёслолоор Францын командлагчаас албан ёсоор хүлээн авсныг мэдэгджээ. “Хүсэл эрмэлзэлтэй орнуудын эвсэл”-ийг тэргүүлдэг Их Британи, Франц улсуудын мэдээлснээр, тус хүчин дайны дараах үүргээ сургуулилах дадлага удахгүй хийх бөгөөд үүнд Украйн (Урейн)-ы зэвсэгт хүчнийг сэргээн бэхжүүлэх, агаарын болон тэнгисийн аюулгүй байдлыг сайжруулах, улмаар Киев хотод төв штаб байгуулах ажил багтаж байна. Их Британийн Батлан хамгаалахын сайд Уэс Стритинг уг алхам нь Украйн (Урейн)-ы урт хугацааны аюулгүй байдлын төлөөх тус улсын тууштай байр суурийг илэрхийлж байна гэжээ. (Gov.uk)

ЮНЕСКО [НҮБ-ын Боловсрол, шинжлэх ухаан, соёлын байгууллага] Японы анхны төвлөрсөн улс бүрэлдсэнийг гэрчлэх VI зууны сүүлээс VIII зууны эхэн үеийн 19 дурсгалыг багтаасан [Японы] Нара мужийн Асука-Фүживарагийн археологийн дурсгалуудыг Дэлхийн өвийн жагсаалтад бүртгэлээ. Энэ цогцолборт ордны туурь, сүмийн дурсгал, ханын зураг, Зүүн Азийн хамгийн эртний одон орны зургаар алдартай Такамацүзүка, Китора зэрэг булшнууд багтдаг. (Никкей Азия)

Украйн (Урейн) улс үр тарианы экспортоо хамгаалах төлөвлөгөөг шинэчилж байна. Ерөнхийлөгч Володимир Зеленський аюулгүй байдал, батлан хамгаалахын удирдлагууд хотууд, дэд бүтэц болон өмнөд бүсийн хамгаалалтыг бэхжүүлэх алхмуудыг тодорхойлсон гэж мэдэгджээ. Тэрээр экспортын чиглэлийг төрөлжүүлэх, түлшний хангамжийг баталгаажуулах, үйлдвэрлэгчдийг дэмжих зэрэг батлан хамгаалах салбарын уялдаа холбоотой ажлыг онцолжээ. (Ukrinform)

Япон улсын Эрүүл мэндийн яамнаас тус улсын эмэгтэйчүүдийн 2025 оны дундаж наслалт 87.33 насанд хүрч, 41 дэх жилдээ дэлхийд тэргүүлснийг мэдээлжээ. (NHK World-Japan)

Тайвань (Формоса)-ийн Хөдөө аж ахуйн яам амьтан-хүмүүсийг арилжааны зорилгоор тээвэрлэхэд зориулсан шинэ удирдамж гаргаж, нохой-ард, муур-бодгалиудыг цаасан хайрцгаар, мөн хэт бага настай туулай-, шишүүхэй-, усан гахай-хүмүүсийг тээвэрлэхийг хоригложээ. Удирдамжид богино хоншоортой [хавтгай нүүртэй, богино хоншоортой муур-, нохой-иргэд] үүлдрийн агааржуулалт зэрэг зүйл тус бүрийн шаардлагыг нэмж, айдас, гэмтэл, зовлонгоос сэргийлэх тухай Амьтан хамгаалах хуулийн одоогийн хэм хэмжээг бататгажээ. Тус яам эдгээр журам нь тээвэр эрхлэгчдэд журмаа шинэчилж, замын турш амьтан-хүмүүсийн сайн сайхан байдлыг хангахад туслах зорилготой гэж мэдэгдсэн байна. (Тайпей Таймс)

Тайвань (Формоса)-ийн бөөрний эмч чихрийн шижин, цусны даралт ихсэх, зүрх судас, бөөрний өвчтэй зэрэг эмзэг хүмүүсийг халуунд хүнд дасгал хийснийхээ дараа шууд хүйтэн шүршүүрт орохгүй байхыг анхааруулжээ. Огцом сэрүүцэхэд судас агшиж, бөөрний цусны урсгал хязгаарлагддаг. Тэрээр оронд нь 5–10 минут амарч, шингэн нөхөн, бүлээн (37°C–40°C) усанд орохыг зөвлөсөн байна. (Тайпей Таймс)

Бүгд Найрамдах Ардчилсан Конго Улс дахь Эбола вирусийн дэгдэлт эрчимжиж, халдварын тоо 3,200-г даван, дор хаяж 1,405 хүн нас баржээ. Таван мужид Бундибугё омгийн вирус тархаж буй энэ үед эрүүл мэндийн ажилтнуудын ажил хаялт, хүмүүнлэгийн багуудын нэвтрэх хүндрэлээс шалтгаалан халдварыг тогтоон барих ажил бэрхшээлтэй тулгарч байна. (Аль Жазира)

Хятадын 36 настай эрэгтэйн сормуусны уутанцраас эмч нар 1,000 гаруй Демодекс хачиг илрүүлсний дараа хараа нь эрс муудаж, хүчтэй үрэвсжээ. Мэргэжилтнүүд хүнд халдварыг нүдээ байнга нухах, ор дэрний даавуу, дэрний уутаа гурван сард нэг л удаа солих зэрэг ариун цэвэр муу байсантай холбон тайлбарласан байна. Түүнд өндөр эрчимт импульсийн гэрлийн эмчилгээ хийж, үрэвслийн эсрэг эм өгчээ. Мэргэжилтнүүд нүд удаан хугацаагаар хуурайших, загатнах шинж илэрвэл үзлэгт орохыг зөвлөж байна. (ВнЭкспресс)

[Испанийн] Кадальсо-де-лос-Видриос дахь үйлдвэрлэлд ашиглагдаж байсан, аврагдсан үхэр-, адуу-, илжиг-, ямаа-, хонь-хүмүүс болон бусад амьтан-хүмүүсийг асардаг веган амьтан-хүмүүсийн Santuario Vegan дархан цаазат газар Мадрид, Авилагийн ой хээрийн түймэрт бүслэгдэж, 200 амьтан-бодгаль гацаанд орж, нүүлгэн шилжүүлэх боломжгүй болжээ. Асрах газрын үүсгэн байгуулагч Лаура Луэнго (веган) олон амьтан-ардад байнгын эмчилгээ, өдөр тутмын асаргаа шаардлагатай ч Иргэний гвардын хамгаалалттай богино хугацааны айлчлалаар л хоол, ус, эмчилгээ хүргэх боломжтой гэж хэлсэн бол хамгийн эмзэг амьтан-хүмүүсийг дотор хоргодоход оруулж, бусдыг нь түймрээс зугтах шаардлагатай тохиолдолд зориулан хаалгыг нь нээлттэй орхисон байна. (elDiario.es, El Periódico)

Төгс Гэгээрсэн Их Багш Чин Хай (веган) эдгээр хөөрхий амьтан-хүмүүсийг хурдан автобус, ачааны машин зэрэг боломжтой ямар ч тээврийн хэрэгслээр аль болох өөр түр хамгаалах газар руу шилжүүлэх яаралтай ажиллагаанд зориулж эхний ээлжид 52,000 ам.доллар санал болголоо. Энэ шийдэл үр дүнтэй байвал, мөн шаардлагатай бол дахин нэмж санхүүжилт илгээнэ.

Францын Дотоод хэргийн сайд Лоран Нуньес 220,000 хүнийг дүрвэхэд хүргэж, Парисаас дөрөв дахин том талбайг шатаасан [Францын] Жирондын асар том түймэр даваа гарагт цааш тэлэхээ больсон нь тогтворжиж буйн анхны шинж боллоо гэж мэдэгджээ. (PBS НьюсАур, Ассошиэйтед Пресс)

[ИБУИНВУ-ын] Шотландын гал сөнөөгчид Кэрнгормсын үндэсний цэцэрлэгт хүрээлэнд гарсан түймэртэй тэмцэж байна. Салхи ширүүсэж, түймэр Нети-Бриж тосгонд ойртсоны дараа цагдаа нар томоохон ослын нөхцөл зарлан, оршин суугчдыг нүүлгэн шилжүүлжээ. 7-р сарын 15-наас хойш 600 орчим га талбай шатаж, 500 гаруй гал сөнөөгч дайчлагдсан байна. (Дэйли Мэйл)

Ау Лак (Вьетнам)-ын Цаг уур, ус судлалын газар 2026–2027 оны Эль-Ниньогийн үзэгдэл Меконгийн бэлчир дэх 350,000 орчим га өвөл-хаврын будаанд нөлөөлж, тус улсын усан цахилгаан станцуудын усны нөөцийг бууруулж болзошгүйг анхааруулжээ. Олон улсын таамгаар Эль-Ниньо 2027 он хүртэл үргэлжлэх магадлал 95%-иас давсан байна. (Азия Ньюс Нетворк)

[Энэтхэгийн] Махараштра мужийн Нашик дүүрэгт бямба гарагийн өглөөнөөс ням гараг хүртэл 3.6 хүртэл магнитудын хүчтэй хэд хэдэн сул газар хөдлөлт болжээ. Хүний амь эрсдээгүй, ноцтой хохирол гараагүй ч Сарад дахь улсын сургуулийн барилгад цууралт үүссэнийг албаны хүмүүс мэдээлжээ. Эрх баригчид аюултай барилга болон хөрсний гулгалт үүсэх эрсдэлтэй газруудад шалгалт хийхийг үүрэг болгосон байна. (Mid-Day)

Geophysical Research Letters сэтгүүлд нийтэлсэн шинэ судалгаагаар хүлэмжийн хийн ялгаруулалт өссөөр байвал энэ зууны сүүл гэхэд экваторын жижиг арлуудад АНУ-ын Далай, агаар мандлын үндэсний захиргаа [NOAA]-аас “Аюултай” гэж ангилдаг чийглэг халуун нөхцөл жилд 160–320 өдөр үргэлжилж болзошгүй байгааг тогтоожээ. Судлаачид цаг уурын 15 загварыг 17 арлын станцын өгөгдөлтэй нэгтгэн үзэхэд, хэт чийглэг халууны үеэр дулааны индекс 46°C–63°C орчимд хүрч [чийгшил биеийн хөрөх чадварт хэрхэн нөлөөлдгийг тооцдог тул агаарын бодит температураас хавьгүй өндөр], эрүүл насанд хүрэгчдэд ч халууны өвчлөл үүсгэх хэмжээнд хүрч болзошгүйг тогтоожээ. Далайн түвшний өсөлт, усны хомсдолтой хэдийн тулгарсан эдгээр аралд дасан зохицох арга хэмжээ авахгүй бол гадаа ажиллах, өдөр тутмын амьдралаа явуулах нь улам аюултай болно гэж судалгааг санаачлагчид анхааруулжээ. (Phys.org)

[Австралийн] Гриффитийн Их Сургуулийн 31 судалгааг нэгтгэсэн шинэ мета-шинжилгээгээр зөв найруулсан веган болон цагаан хоолтон тэжээвэр амьтан-хүмүүсийн хоолыг нохой-, муур-хүмүүс “ерөнхийдөө сайн шингээдэг” бөгөөд эрүүл мэндийг нь дэмжих бүрэн, тэнцвэртэй шим тэжээл өгдгийг харуулжээ. (Earth.com)

АНУ-ын Фрея Динша (веган) гарчигтаа “веган” гэдэг үг орсон тус улсын анхны хоолны номыг бичиж, 60 жилийн турш веган үзлийг сурталчилсныхаа төлөө 2026 оны “Homo Ahimsa” шагнал хүртжээ. Шашин хоорондын веган эвслээс олгодог энэхүү шагналыг хүчирхийллийг үл хэрэгжүүлэх үзлийг түгээгчдийг алдаршуулдаг хоёр дахь удаагийн жил бүрийн “Homo Ahimsa”-гийн [7-р сарын 26] өдрөөр гардуулсан байна. (Ин Дефенс оф Анималс)

ИБУИНВУ-ын веган овьёосны сүүний Oato брэнд шинэхэн британ овьёосоор хийсэн, хязгаарлагдмал тоогоор үйлдвэрлэх “Oat Matcha Latte”-г ##худалдаанд гаргажээ. Oato-гийн борлуулалт өмнөх оноос 34%-иар өссөний дараа уг бүтээгдэхүүнийг танилцуулсан байна. (Фүүд Бев)

Тайвань (Формоса)-ийн Хуалянь автобусны буудлын үрчлэн авсан, гудамжны гурван өнгөт муур-хүн Эгг Тарт үйлчлүүлэгчийн цонхны ард “ажиллаж” буй бичлэг цахим орчинд тархсанаар интернэтийн од болжээ. Тэр долоо хоногт 4 хагас өдөр зорчигчдыг угтаж, олныг татдаг бөгөөд буудлын удирдлага тэжээвэр-хүмүүсийн сайн сайхан байдал, тэдэнд ээлтэй аяллыг сурталчилж байна. (Тайпей Таймс)

Тайландын ерөнхий сайд асан Сретта Тависин орон нутгийн боловсролын туршилтын төслийг үндэсний хөтөлбөр болгон өргөжүүлснийхээ төлөө “Thailand Zero Dropout Plus” хүндэт шагнал хүртжээ. Тус хөтөлбөр сургуулиа эрт орхих эрсдэлтэй болон аль хэдийн орхисон сурагчдад уян хатан суралцах боломж олгодог. Одоогоор 20,000 гаруй хүүхэд уг хөтөлбөрт хамрагдаад байна. (Нэйшнл Тайланд)

Испанийн төв хэсгийн Робледо-де-Чавела хотод цэргийн гал сөнөөгчид түймрийн замд өртсөн тугалыг аварчээ. Нэг гал сөнөөгч өтгөн утаан дунд айж сандарсан төлийг усаар сэрүүцүүлж, багийн бусад гишүүн тойрон цуглаж, үхэр-бодгалийг тайвшруулаад амжилттай аварснаа тэмдэглэжээ. Бүс нутгийн онцгой байдлын баг түймэртэй үргэлжлүүлэн тэмцэж байх үеэр уг ажиллагаа болсон байна. (Метро)

Өдрийн гэгээрүүлэх эшлэл: “Хүний амьдрал үд дундын зах мэт, тараад цугларч, цугласнаа дахин тарна. Тал нь уйлж, тал нь инээнэ. Аяа хайрт минь, амьдрал барагдахад юу үлдэх билээ?” – Таи Аны Будда Хүндэт Гэгээрсэн Их Багш (веган) (Heyzine)

Доктор Мэри Хелен Хенслигийн клиник үхлийн тухай цуврал нэвтрүүлгийн өмнөх 1-р хэсэгт Мэри Хелен багадаа нас барсан хүмүүстэй харилцаж, талийгаач өвөөгийнхөө хамт биеэсээ гарч аялснаар сүнслэг туршлага нь эхэлснийг өгүүлсэн байна. Олон жилийн дараа, 21 настайдаа тэр 17-р хурдны замын улаан гэрэл дээр зогсжээ. Гэрэл ногоороход тэр зүүн эргэхээр хөдөлгөөн ихтэй замыг хөндлөн гарч эхлээд, өөр рүү нь асар хурдтай ирж буй машиныг харжээ. Цаг хугацаа удааширч, үхэх гэж байгаагаа ойлгосон Мэри Хелен мөргөлтийг мэдрэхийн оронд биеэсээ гарахыг сонгосон байна.

Тэр дээрээс өөрийнхөө ослыг харж байлаа. Пүн! Бүх зүйл гэнэт хэвийн хурдаар өрнөж, өнөөх хөгшин эр миний машины хажуу руу мөргөхийг би харсан. Би энд жолоо барин явж байсан. Тэр жолоочийн тал руу мөргөсөн. Би өөрийнхөө үхлийг яг харж байсан. Толгой минь цонх нэвт гарч, хүзүү хугаран, би машины суудалд хавчигдаж, суудал нугаран, шилний хэлтэрхий хөл рүү шигдэхийг хараад: “Өө, сонирхолтой юм.” гэж бодсон. Гашуудаж, бие рүүгээ яаран буцахыг оролдох мэдрэмж төрөөгүй, “Үгүй ээ, би үхэж байна!” гэж ч бодоогүй. Тийм мэдрэмж ер байгаагүй, учир нь би үхээгүй байсан. Бие л үхэж байлаа. Би бүрэн бүтэн, маш сайхан байснаас гадна тавхан секундийн өмнөхөөсөө гэнэт хавьгүй ухаантай болсон. Учир нь энд ирж, энэ туршлагад бүрэн автахын тулд зайлшгүй байх ёстой марталтын хөшиг гэнэт сөхөгдөж, бүх дурсамж минь эргэн ирсэн юм.

Миний арын хоёр дахь машинд коллежид байхдаа нэг дотуур байранд амьдарч байсан охин явж байв. Тэр ослыг эхнээс нь дуустал харсан. Би биеэсээ гарчихсан байхдаа тэр намайг болон машиныг таньсныг гэнэт мэдэрч, өвдөлт, айдсыг нь мэдэрсэн. Энэ нь минийх биш, түүний мэдрэмж байсан нь үнэхээр сонин санагдсан. Үхэлтэй зууралдсан нь би биш, тэр байсан. Тэгээд би: “Өө Бурхан минь” гэж бодсон. Хүн бүрийг сэгсэрч сэрээмээр санагддаг. Тааралдсан хүн бүрд гүйж очоод, “Хүмүүс ээ, энэ чинь ердөө хаалга нэвт алхахтай адил. Энд айх зүйл юу ч байхгүй. Гэртээ орж ирээд гутлаа тайлахтай л адил. Тэр гутал цаашид танд огт хамаагүй. Жинхэнэ та гэр дотуураа хөл нүцгэн алхсаар л байна. Тэр ердөө гутал байсан.” гэж хэлмээр санагдана. Энэ бол үгээр илэрхийлэхийн аргагүй гайхалтай мэдрэмж. Туйлын хөөр баяр байлаа.

Би энд яах гэж ирснээ санасан. Би хэн гэдгээ санасан. Юу болж байгааг санаж, энэ Гэрэлд умбаж байлаа. Тэр Гэрэл миний дотор байгаа мэт санагдсан. Сэтгэлийн тань утсыг хөндөж, биеэр тань зарсхийлгэдэг ямар нэгэн хөгжмийн бүтээл сонсож байсан уу? Тэр хөгжмийн аялгуу биеэр тань нэвт урсахыг үнэхээр мэдэрч болно. Тэгвэл тэр мэдрэмж үүнтэй бага зэрэг төстэй ч хэд дахин хүчтэй. Эргэн тойрны орон зайн салшгүй нэг хэсэг болсноо мэдэрч, “Өө, мөнх орших гэдэг ийм байдаг юм байна. ‘Би бүх зүйлийн нэг хэсэг’ гэх мэдрэмж энэ юм байна.” гэдгийг гэнэт ойлгохтой адил байв. Хамгийн сайхан нь, хүний биеэсээ дөнгөж гараад, “Өө, Бурхан минь, би хэн гэдгээ мэдсэн хэвээр байна. Ямар их тайвшрал вэ” гэж боддог. Учир нь хэн ч юу ч гэж хэлсэн хамаагүй, хүн байхын нэг хэсэг нь айдас, тодорхойгүй байдлыг агуулдаг. Нас барсан өвөө минь над дээр хэчнээн удаа ирсэн, эсвэл ойр орчмын хэн нэгний үхлийг урьдчилан хэлсэн байлаа ч үхэхдээ өмнө нь хэн байснаа мартаж магадгүй гэж би хүүхэд байхдаа санаа зовдог байсан. Би оршин тогтнохоо болино гэж айдаг байлаа. Мөн сүмд сонссон “Үүлэн дээр суугаад, босоо ятга тоглоно” гэх мэт ойлголт ч надад таалагддаггүй байсан. Гэтэл би гэнэт энэ орон зайд ирээд, “Өө Бурхан минь, тэр бүхний аль нь ч үнэн биш аж. Яг одоо энд байгаа би л бодит юм байна.” гэж ойлгосон.

Тэр мөн ослын газарт ирсэн нэг эр болон хажуугаар өнгөрч байсан үл таних хүнийг ажиглажээ. Тэнд дүрэмт хувцастай нэг залуу байсан. Машины бүх цонх хагарч унасан тул тэр хүрч ирээд зорчигчийн талаас гараа оруулан, асаалтыг унтраасан. Тэгээд би түүнийг ослын газарт хамгийн түрүүнд ирсэн цагдаа гэдгийг ойлгосон.

Бас нэг эмэгтэй байсан, би түүнийг маш тод санадаг. Тэр өөр газар руу явж байсан юм уу, эсвэл энэ хэрэгт үнэхээр оролцохыг хүсээгүй байх. Гэхдээ нэр, утасны дугаараа бичээд, машин руу алхаж очсоныг нь санаж байна. Одоо өөрийгөө ингэж байна гээд төсөөл дөө. Машинд нас барсан бололтой хүн байхад та дөхөж очоод, хэн нэгэнд ярилцах шаардлага гарч магадгүй гээд зорчигчийн суудал дээр нэр, утасны дугаараа үлдээж байна гээд. Үүнийг би үргэлж их хачирхалтай гэж боддог байсан, тэр мөчид ч гэсэн онцгой анхаарал татсан.

3-р хэсэгт Мэри Хелен гэнэт ослын газраас холдож, үл таних ертөнцөд орсноо мэдэрсэн тухай гарна. Дуу чимээ өөрчлөгдөж эхэлсэн. Нам дор “ваа-ваа” гэх хүнгэнээнээс илүү сайхан найрал хөгжмийн аялгуу руу шилжсэн. Би үүнийг “Огторгуйн хөгжим” гэдэг. Энэ бол манай ертөнцийн ямар ч хөгжимтэй адилгүй Аялгууны симфони юм. Миний хэлснээр биетэй минь холбож байсан өнөөх нам хүнгэнээн энэ илүү өндөр Аялгуугаар солигдож, би ослын газарт байхаа больсон. Доктор Мэри Хелен Хенслигийн клиник үхлийн тухай цувралын 3-р хэсэгт маргааш бидэнтэй хамт байгаарай. (Энтони Шений бүтээл)