ӨДӨР ТУТМЫН МЭДЭЭ-ний гол тойм – 2026 оны 10-р сарын 7

VegNews тост байцай буюу юуцайгаар хийсэн веган хоолны 8 жорыг онцолжээ. Энэхүү шим тэжээлээр баялаг навчит ногоо нь эслэг, А, С аминдэм, бета-каротин зэрэг үл исэлдүүлэгч, кальци, кали, фолат зэрэг эрдэс бодисын сайн эх үүсвэр юм. Тус нийтлэлд навчит ногоог түлхүү хэрэглэхийн ач холбогдлыг мөн онцолжээ. Жоруудад: 1. Тост байцай, цагаан гаа, саримстай гоймонтой шөл 2. Шарсан жижиг тост байцайтай мисо-гичийн темпе 3. Тосгүй, чихэрлэг халуун чинжүүтэй дүпү, брокколи, мөөгний хуурга 4. Няцалсан өргөст хэмхтэй шаржигнуур будааны салат 5. Веган үхрийн мах, ногоотой Ло-Мейн гоймон 6. Филиппин маягийн газрын самар, ногооны өтгөн шөл 7. Исгэлэн лаймын сүмстэй кокос, цэцэгт байцайны “хуурга” 8. Чихэрлэг, халуун ногоотой шөл багтжээ. (VegNews)

АНУ-ын Ерөнхийлөгч Дональд Трамп 10-р сарын 3-нд Иран “сүйрлийн цохилтод өртсөн” бөгөөд цөмийн зэвсэгтэй болох төлөвлөгөөнөөсөө “бараг татгалзсан” гэж мэдэгджээ. Тэрээр Ираны талаар засаг захиргааных нь хийх дараагийн алхам “зөөлөн ч байж болно, хатуу ч байж болно” гэж анхааруулаад, Иран цөмийн зэвсэгтэй болох ёсгүйг дахин онцолжээ. (Fox News)

Украин (Урейн) улс дахь дайныг зогсоох АНУ-Оросын хэлэлцээрт Оросын Лукойлын эзэмшдэг газрын тосны орд, боловсруулах үйлдвэр, шатахуун түгээх станцуудыг хамарсан олон тэрбум долларын хэлцэл нэмэгдсэн гэж Нью-Йорк Таймс сонин мэдээлжээ. Оросын Ерөнхийлөгч Владимир Путин уг хэлцлийг оросууд АНУ-тай бизнес хийж болохыг харуулах арга зам хэмээн сурталчилсан гэж мэдээлжээ. (Reuters, The New York Times)

8, 9-р сард Оросын эзэлсэн нутгаас бага насны 4, өсвөр насны 5 хүүүхэд багтсан нийт 41 украин (урейн) иргэн Украин (Урейн) улсын Беларус улстай хиллэдэг хэсгээр дамжин буцаж ирсэн гэж Украин (Урейн)-ы хүний эрхийн комиссар Дмитро Лубинец мэдэгджээ. Түүний алба болон түнш байгууллагууд тэднийг буцаахад тусалсан бөгөөд зарим нь саатуулагдаж, албадан эмчилгээ хийлгэж, Оросын зэвсэгт хүчинд татагдах аюулд өртсөнөө ярьжээ. (Kyiv Post)

Украин (Урейн)-ы Үндэсний цагдаагийн газар 10-р сарын 2-ны байдлаар Оросын бүрэн хэмжээний эзлэн түрэмгийлэлтэй холбоотой бараг 244,000 эрүүгийн хэрэг нээсэн бөгөөд үүнд дайны гэмт хэрэг байж болзошгүй 226,766, бэлгийн хүчирхийлэлтэй холбоотой 153 хэрэг багтсан гэж мэдэгджээ. Эзлэн түрэмгийлэл эхэлснээс хойш 749 хүүхэд амиа алдаж, 2,924 хүүхэд шархадсан нь албан ёсны тоо баримтад мөн бүртгэгджээ. (Kyiv Post)

АНУ-Украин (Урейн)-ы Сэргээн босголтын хөрөнгө оруулалтын сан чухал ашигт малтмалын анхны хэлцлээр байгуулж, уул уурхайн салбарт үйл ажиллагаа явуулдаг Украин (Урейн)-ы хөрөнгө оруулалтын БиЖиВи Групптэй хамтарсан хөрөнгө оруулалтын платформд ойролцоогоор 30 сая ам.доллар олгохоор болжээ. Тус сан өөр 4 төсөл эхлүүлснээр, нийт төслийн өртөг нь ойролцоогоор 70 сая ам.долларт хүрчээ. Үүнд өвлийн улирлаас өмнө Оросын халдлага эрчимжсэнтэй холбогдуулан Украин (Урейн)-ы цахилгаан, дулааны сүлжээг бэхжүүлэх ажлууд багтаж байна. (NV)

10-р сарын 2-нд Орос улс [Украин (Урейн)-ы] Киев хотын 3 гол гүүрэнд халдсанаар замын хөдөлгөөн ноцтой саатаж, Өмнөд гүүрийг хаан, Патон болон Метро гүүрний хөдөлгөөнийг хязгаарлажээ. Европын Холбооноос Украин (Урейн)-д суугаа элчин сайд Катарина Матернова замын түгжрэл олон километр үргэлжилж, оршин суугчид ажил, сургууль, эмнэлэгт хүрэхийн тулд тойруу замаар явахад хүрсэн гэж мэдэгджээ. (Ukrainian News)

Украин (Урейн) улс Европын Холбоонд [ЕХ] элсэх хэлэлцээрээ ахиулахын тулд Унгар улстай байгуулсан тохиролцооны хүрээнд цөөнхийн хэлээр сургалт явуулах эрхийн хамгаалалтыг бэхжүүлэх хуулийн төсөл өргөн барьжээ. Унгар уг санал унгар хэлээр боловсрол эзэмших баталгааг бэхжүүлнэ хэмээн сайшааж, төсөл хууль болмогц ЕХ-нд элсэх хэлэлцээрийн 2 бүлэг сэдвийг гацаахаа зогсоохоор тохиролцсон байна. ЕХ-ны гишүүн орнуудын орнуудын санал нэгтэй зөвшөөрөл шаардагддаг Украин (Урейн)-ы элсэх үйл явцын томоохон саадыг энэ тохиролцоо багасгаж магадгүй юм. (Euromaidan Press)

Гишүүн орнуудын эрэлт хүлээлтээс өндөр байгааг дурдан, Европын Комисс ЕХ [Европын Холбооны]-ны хилийн аюулгүй байдлыг бэхжүүлж, чухал дэд бүтцийг хамгаалах дрон болон дроны эсрэг технологид нэмэлт 130 сая евро олгохоо мэдэгджээ. Тус холбоо Фронтекс [ЕХ-ны хил, эргийн хамгаалалтын агентлаг]-ийн эрх мэдлийг эргэн хянаж, 10-р сарын 15-16-нд болох дээд хэмжээний уулзалтаар шилжилт хөдөлгөөн, хилийн удирдлагыг хэлэлцэхээр бэлтгэж буй үед энэ мэдэгдлийг гаргажээ. (Báo Tin tức)

АНУ-ын Ерөнхийлөгч Дональд Трамп Эмнэлгийн үйлчилгээний даатгалын Б хэсгийн шимтгэл [эрүүл мэндийн даатгалын сарын төлбөр]-ийг төлөхөд нь туслах зорилгоор 20 сая гаруй ахмад настанд мөнгөн дэмжлэг олгохоо зарлажээ. Шаардлага хангасан хүмүүс 10-р сард дансаар юм уу, цаасан чекээр 90 ам.доллар хүлээн авах бөгөөд санхүүжилтийг Эмнэлгийн үйлчилгээний даатгалын сайжруулах сангаас гаргана гэж Цагаан ордон мэдэгджээ. Энэ мөнгө сарын стандарт шимтгэл болох 202.90 ам.долларын бараг талыг нөхнө. (Axios)

Сингапурын Амьтан, мал эмнэлгийн алба 10-р сарын 3-нд халамжийн шинэ стандарт нэвтрүүлж, нохой-хүмүүсийн сургагчдаас эерэг урамшууллыг урьтал болгон, хатуу арга хэмжээг эцсийн сонголт гэж үзэхээсээ өмнө зөөлөн аргуудыг хэрэглэхийг шаарджээ. Үс, бие арчилгааны шинэчилсэн стандартын дагуу арчилгаа хийдэг хүмүүс арчилгааны турш амьтан-хүмүүсийг хараа хяналттай байлгаж, айдас, стресс, шаналлын шинжийг таньж, зохих арга хэмжээ авах ёстой. Эдгээр стандартыг хангаагүй бол Сингапурын Амьтан, шувууны тухай хуулийн дагуу эрүүгийн хэрэг хянан шийдвэрлэхэд нотлох баримт болгон ашиглаж магадгүй аж. (Channel News Asia)

АНУ-ын бензиний дундаж үнэ 10-р сарын 3-нд галлон тутамд 4.38 ам.доллар болж, өмнөх долоо хоногийн 4.49 ам.доллароос буурсныг ААХ [Америкийн Автомашины Холбоо]-ы мэдээлэл харуулжээ. АНУ-ын Ерөнхийлөгч Дональд Трамп шатахууны жижиглэнгийн үнийг бууруулахын тулд боловсруулах хүчин чадлыг нэмэгдүүлэх талаар газрын тос боловсруулах үйлдвэрийн төлөөлөгчидтэй уулзсан гэж Цагаан ордон мэдэгджээ. (Fox News)

Бүгд Найрамдах Ардчилсан Конго Улсын Эрүүл мэндийн яамны мэдээлснээр, 2026 оны 5-р сараас хойш Эбола вирусийн дэгдэлтийн үеэр халдвартай нь батлагдсан 8,300 хүний 4,018 нь нас баржээ. Тогтворгүй байдал, нөөцийн хомсдол, эрүүл мэндийн ажилтны хүрэлцээгүй байдал, нутгийн иргэдийн эсэргүүцэл уг өвчний дэгдэлтийг хязгаарлах ажлыг хүндрүүлжээ. 2,000 гаруй өвчтөн одоогоор эдгэрээд байна. (Vietnam.vn)

Дэлхийн эрүүл мэндийн байгууллага (ДЭМБ)-ын мэдээлснээр, дэлхийн хүн амын дундаж наслалт 2023 онд 73.3 жил болж сэргэн, бараг 2019 оны түвшинд хүрчээ. Эрүүл дундаж наслалт [эрүүл саруул амьдрах жил] 62.8 жилд хүрсэн нь 2019 оныхоос 0.4 жилээр бага байна. Халдварт бус өвчин дэлхийн нийт нас баралтын 74%-ийг эзэлсэн бол зүрхний ишемийн өвчин ойролцоогоор 9.5 сая хүний амь насыг авчээ. Зөнөгрөл нас баралтын шалтгааны 5-рт оржээ. (Dân Trí)

136 улсыг хамарсан олон улсын судалгаагаар улс орнуудын 42.6%-д уур амьсгалын өөрчлөлт нь арьсны өвчний тархалт, хүндрэлийн өөрчлөлттэй холбоотой байсан бөгөөд бага орлоготой орчинд нөлөө нь илүү байжээ. Халууны тууралт хамгийн түгээмэл мэдээлэгдсэн өөрчлөлт болж, дараа нь үрэвсэлт, халдварт арьсны өвчин оржээ. Судлаачид тандалтыг илүү хүчтэй болгож, нөхцөлд тохирсон стратеги хэрэгжүүлэхийг уриалсан байна. (European Medical Journal)

2026 оны 10-р сарын 2-ноос [АНУ-ын] Өмнөд Калифорнид ер бусын халуун үргэлжилж, Лос-Анжелесийн төвд агаарын хэм 38°C-д дөхөн, эх газрын гүн дэх бүсүүдэд хэвийн хэмжээнээс 8-11°C-аар өндөр байна. Үндэсний цаг уурын алба халалт дор хаяж 1 долоо хоног үргэлжилнэ гэж үзэж, халуунаас үүдэх өвчлөл, хээрийн түймрийн эрсдэлийг анхааруулан, шингэн сайн ууж, сүүдэрт байж, гадаах хөдөлгөөнөө хязгаарлахыг зөвлөжээ. (The Guardian)

10-р сарын 2-нд орсон аадар борооны үеэр Испанийн зүүн хэсэгт хүчтэй үер бууж, [Испанийн] Мадригуэраст нэгэн байшин дотор үерийн ус 1 метрээс дээш нэмэгдсэний улмаас 102 настай эмэгтэй амиа алджээ. Онцгой байдлын багууд аврах ажиллагааны 90 орчим дуудлагад очсон бол [Испанийн] Таррагонагийн зарим хэсэгт 1 хавтгай дөрвөлжин метр тутамд 200 гаруй литр бороо оржээ. [Испанийн] Валенсиад 400,000 гаруй сурагч гэртээ үлдсэн байна. (EuroWeekly News)

[Бразилын] Амазонас мужийн нийслэл Манаус хотын ойролцоох Амазоны ширэнгэн ойд түймэр тархаж, 10-р сарын 2-нд Ирандуба хотын захиргааны нутаг дэвсгэрт гал сөнөөгчид түймрийг унтраахаар тэмцжээ. AFP [Франц Пресс агентлаг]-ийн дүрс бичлэгт гал сөнөөгчид түймрийг хязгаарлахаар ажиллаж буйг харуулжээ. Амазонасын Цэргийн гал түймэртэй тэмцэх газрын мэдээлснээр, 2026 оны 9-р сард бүртгэгдсэн түймрийн тоо 2025 оны 9-р сараас 300%-иар өсжээ. (Manila Times/CGTN/NC News)

Амьтан-хүний эрхийг хамгаалдаг Дайрект Экшн Эвривэр бүлэг АНУ-ын Конгрессын гишүүн Дэвид Валадаогийн гэр бүлийн сүүний аж ахуйгаас дөнгөж төрсөн тугалуудыг [АНУ-ын] Калифорнийн Гриммиус Кэтл Компанид илгээж буйг баримтжуулсан гэж мэдэгджээ. Мөрдөн шалгагчид тус компанийн ажилтнууд өвчтэй тугалуудыг чирч, буудан, бусад тугалтай ширүүн харьцаж байсныг өмнө нь дүрсжүүлжээ. Тус бүлэг Валадао Дэйрид үхсэн үнээ-бодгаль болон тугалын сэг байгааг харуулсан дроны бичлэгийн талаар мөн мэдээлжээ. Амьтан-хүний халамжийн мэргэжилтэн др. Темпл Грандин бичлэгийг үзээд, ажилтнуудын тугалтай харьцаж буй байдлыг хүчирхийлэл гэж тодорхойлсон ч орон нутгийн прокурорууд салбарын стандартыг үндэслэн Гриммиусын эсрэг өмнөх харгислалын гомдлыг хэрэгсэхгүй болгожээ. (Indybay)

Фижийн уур амьсгалын идэвхтэн, уугуул иргэдийн төлөөлөгч Лавениа Найвалу Фижид зохиогдох COP-ын өмнөх дээд хэмжээний уулзалт хэмээн нэрлэгддэг олон улсын уур амьсгалын бэлтгэл уулзалтын өмнө бодит арга хэмжээ авч, Номхон далайн бүсийн төлөөллийг бэхжүүлэхийг уриалж байна. Энэ уулзалт 11-р сард Турк улсад болох НҮБ-ын уур амьсгалын 31-р дээд хэмжээний уулзалт болох COP31-ийн бэлтгэлийг хангахад тусална. Тэрээр номхон далайн арлуудаас дэлхийн нийт хүлэмжийн хий ялгарлын ердөө 0.02% нь гардаг ч нутгийнхан нь эргийн элэгдэл, шүрэн хадны доройтол, цэнгэг усны эх үүсвэрийн ширгэлттэй тулгарч, далайн усны түвшин нэмэгдэх нь гараар ухсан худгуудад нь аюул учруулж байна гэжээ. Фижи улс уур амьсгалын санхүүжилтийг шууд авах, дасан зохицох арга хэмжээг тосгодод хүргэх, Уугуул иргэдийн мэдлэгийг хэлэлцээрийн үеэр нотолгоо гэж үзэхэд шахалт үзүүлнэ. (The Guardian)

Дотрын эмч, доктор Дона Купер-Докери (веган)-ны үүсгэн байгуулсан веган рестораны концепц болох FoodAMed АНУ-д франчайзын хөтөлбөр эхлүүлжээ. Техаст төвтэй тус компани ази, мексик, итали, карибын тэнгисийн бүс, америк хоолноос сэдэвлэсэн веган хоол болон тогоочийн бэлтгэсэн хоолыг хэрэглэгчдийн гэрт хүргэх үйлчилгээ санал болгодог. (FoodAMed)

Их Британийн One Planet Pizza веган брэнд анхны хөлдөөсөн бэлэн хоолнуудаа худалдаан гаргаж, 10-р сарын 12-ноос эхлэн 3 төрлийн веган хоолыг зөвхөн Их Британийн Асда сүлжээ супермаркетын 276 дэлгүүрт худалдаалахаар болжээ. Үүнд Дүпүтэй тикка масала, веган бяслагтай макарон, Ногоо, сэвэг зармын рагутай лазанья багтсан ба хөлдсөн бүтээгдэхүүнийг 10 минутад бэлтгэх боломжтой. (Vegconomist)

Мальтад 10-р сарын 1-нд эхэлсэн Мальтагийн амьтдын талаарх мэдлэгийг дээшлүүлэх долоо хоног нь сургалт, мэдээллийн аян, хөрөнгө оруулалт болон амьтан-хүний сайн сайхны төлөө ажилладаг хувь хүн, бүлгийг алдаршуулах “Амьтны хүндэт шагнал”-аар дамжуулан амьтан-хүмүүсийн хамгаалал, хариуцлагатай асаргааг дэмжиж байна. Албаны хүмүүс тус долоо хоногийн арга хэмжээнд сурагчид, орон нутгийн иргэдийг оролцуулахын зэрэгцээ амьтан-хүний халамжийн үйлчилгээ, дэд бүтэц, урьдчилан сэргийлэлт, хуулийн хэрэгжилтийг бэхжүүлж байна гэж мэдэгджээ. (The Malta Independent)

Аврагчид [АНУ-ын] Юта мужийн Грантсвиллээс баруун тийш орших орхигдсон уурхайн босоо аманд 9 орчим метрийн гүнд унасан нохой-хүнийг аварчээ. Туэле тойргийн Эрэн хайх, аврах баг олон цагийн ажиллагаа явуулж, нарийн нүхээр багийн гишүүнээ доош буулган, өргөх хэрэгслийг овсгоотой байрлуулж нохой-хүнийг аюулгүй гаргажээ. PETA [Амьтадтай ёс зүйтэй харьцдаг хүмүүс] нийгэмлэг тус багт “Энэрэнгүй үйлсийн шагнал” олгосон байна. (PETA)

Гал сөнөөгчид хаягдсан төмөр лаазанд толгой нь гацсан элбэнх-бодгалийг олж, [Коста-Рикагийн] Носара дахь Олон улсын амьтан аврах байгууллага [IAR]-д хүргэжээ. Тус буяны байгууллага тосолгооны бодисоор лаазыг салгаж, шингэн уулгаад, тэр өдөртөө элбэнх-андын биеийн байдал сайжрахад байгальд буцаан тавьжээ. (Leader)

Өдрийн ухаарал хайрлах эшлэл: “Итгэл ариун дээдийг хүлээн авахад зүрх сэтгэлийг маань нээдэг”. – Польш-Америкийн еврей теологич, далдын ухаантан Хүндэт Рабби Абрахам Жошуа Хешель (AZ Quotes)

Тэйн Мартины клиник үхлийн тухай энэхүү цувралын өмнөх 1, 2-р хэсэгт Тэйн хүүхэд байхдаа өөрийг нь хүчирхийлэгчид мансууруулах бодис хэтрүүлэн өгсний дараа биеэсээ гарснаа дурссан. Талийгаач өвөө нь түүнийг тэвэрч, буцах ёстой гэж хэлжээ. Олон жилийн дараа Тэйн усан сандаа живж, Диваажинд амьдралаа эргэн харсан байна. Тэрээр амьдралынхаа мөчүүдийг агуулсан бөмбөлгүүдэд орж, өөрийнх нь үйлдэл бусдад хэрхэн нөлөөлснийг мэдэрч, тэдгээрийн цааш дамжих үр нөлөөг харснаа ярьсан юм. Энэ төгсгөлийн хэсэгт Тэйн нөгөө ертөнцөөс юу санаж буйгаа, тэнд юу сурснаа, тэр сургамжууд дараа нь амьдралыг нь хэрхэн өөрчилснийг дэлгэрүүлэн хуваалцана.

Тэйний тэр явдлаас санаж буй зүйлсийн нэг нь ой ухаанд нь үүрд үлдсэн гэж түүний хэлдэг БУРХАНЫ дүр юм. Нүдээ аних үедээ би БУРХАНЫГ хардаг, Тэр бол энерги. Тэр бол маш хүчирхэг Гэрэл бөгөөд тэр Гэрэл ямар харагддагийг дүрслэх боломжгүй. Тэйн мөн Диваажинд ер бусын нарийн зүйлийг ч мэдэрч чаддаг байснаа дурссан юм. Диваажинд цагаан өнгийн ийм олон туяа байдгийг би огт мэдээгүй. Үнэхээр их наядаар тоологдох цагаан өнгийн туяа. Нөгөө ертөнцөд бүх мэдлэг байсан гэж тэр хэлдэг.

Тэр явдал мөн туулсан зовлонгоо өөрөөр ойлгоход нь хүргэжээ. Клиник үхэлд орохоосоо өмнө хүчирхийлэл болон түүний дараах бэрхшээлүүдээс болж дотроо уур хилэн тээж явсан гэж Тэйн ярьсан. Диваажинд туулсан зүйл нь тэр зовлонт үйл явдлуудын талаарх ойлголтыг нь өөрчилжээ. Бидэнд зүгээр л зааж сургаж буй юм. Бидэнд зааж сургаж байна. Ердөө л тэр. Биднийг хэзээ ч шийтгэж байгаа юм биш. Надад тохиолдсон хамгийн аймшигтай зүйлсийн төлөө би үргэлж БУРХАНЫГ буруутгаж, Түүнтэй маш таагүй харилцаатай байсан ч ТЭР намайг тэр бүх хугацаанд хамгаалж байсан. Учир нь БУРХАН оролцож, намайг хамгаалаагүй бол юу болох байсныг би харсан.

Тэйн амьдралын тоймоос ухаарсан 3 асуултаа мөн хуваалцаж байна: 1. Та бүх зүйлд болзолгүй хайрыг илэрхийлж чадах уу? 2. Зүрх сэтгэлдээ хатуурхал тээж, Диваажинд очихгүйн тулд бусдын учруулсан гомдлоосоо салж чадах уу? 3. Та БУРХАНЫГ дотоодоосоо олж чадах уу? Клиник үхлийн үеэр Орчлон ертөнц бүхэлдээ математикийн дагуу зохион байгуулагдсан бөгөөд математикийн зарчмуудыг хүний сэтгэл хөдлөл, амьдралд ч хэрэглэж болдгийг мэдсэн гэж тэр ярьсан юм. Тэрээр сайн сайхан, баяр баясал авчрах зүйлсийг нэмэх, биднийг шархлуулах эсвэл дарамтлах зүйлсийг хасах, үйлдэл болон санаа зорилгоороо сайн сайхныг үржүүлэх тухай тайлбарладаг. Хуваах гэдэг нь хэрэгцээгээ хангаж, баталгаатай байхын тулд багахан нөөц үлдээсний дараах элбэг баялгаа хуваалцахыг хэлнэ. Талархал нь тэнцүүгийн тэмдгийг төлөөлдөг. Учир нь түүний хэлснээр, талархал тэнцвэрийг бий болгож, хайрын оч, түлш болдог. Тэр мөн дотоод тэнцвэрээ хадгалж, одоо цагтаа байхыг онцолдог. БУРХАН бидэнтэй яг одоо цагт харилцдаг гэж тэр хэлсэн юм. Амьдралаа эргэн харах үед нь БУРХАН түүнд хийсэн муу зүйлсийг нь ч, сайхан зүйлсийг нь ч үзүүлсэн гэж Тэйн ярьсан байна. Дараа нь түүнд дэлхий дээрх амьдралдаа эргэн ирэх боломж олджээ. Үүний дараа Тэйн өөрийгөө хохирогч гэж үзэхээ больж, амьдралдаа талархах болсон гэж ярьсан юм.

Өнөөдөр БУРХАНТАЙ тогтоосон харилцаагаа тэр БУРХАН болон өөрийнх нь зүрхэн дэх Гэрлийн шууд холбоо гэж тодорхойлж байна. Тэрээр одоо зүрх сэтгэлээ удирдлага болгон, Гэрлийг дагаж, сайн сайхныг сонгон амьдардаг гэсэн юм Дэлхийн шашнуудад заадаг олон зүйл үнэн боловч заримыг нь хүмүүс шунал, эрх мэдлийн төлөө гуйвуулсан гэж тэр итгэдэг. Тэрээр өөрийгөө БУРХАНЫ хүүхэд бөгөөд сүнсэн дэх Гэрэл нь БУРХАНД буй тэр л Гэрлээс үүдэлтэй гэж үздэг. Түүний чухалчлах зүйлс ч өөрчлөгджээ. Тэрээр мөнгө зэрэг урьд нь чухал гэж боддог байсан материаллаг зүйлсээсээ татгалзаж сурсан. Түүний хувьд хүмүүсийн сүнстэй холбогдох, дэлхийд түгээх хайр нь л чухал. Тэр: “Хоёрдугаарт байхаас бүү ай” гэсэн уриагаар амьдардаг бөгөөд БУРХАНЫГ нэгдүгээрт, өөрсдийгөө хоёрдугаарт тавих нь тэнцвэр авчирдаг гэж тайлбарладаг. Тэрээр тэр явдлаас хойш сэтгэцийн эрүүл мэндэд нь гарсан өөрчлөлтүүдийн талаар мөн ярилаа.

Би сүүлийн 3 жилийг КҮТ [клиник үхлийн тохиолдол]-оо эргэцүүлэн ойлгож, хүмүүсийг эдгэрэхэд нь туслах компани байгуулахад зориулсан. Учир нь надад урьд нь байсан тэдгээр эмгэгийн аль нь ч одоо байхгүй. ДИХЭ [диссоциацийн ижилслийн хуваагдлын эмгэг] ч үгүй, ГДСЭ [гэмтлийн дараах стрессийн эмгэг] ч үгүй, хоёр туйлт эмгэг ч үгүй, АДХХЭ [анхаарал дутмагших, хэт хөдөлгөөнтөх эмгэг] ч үгүй. Тэр бүхэн бүрэн арилж, би эдгэрсэн. Бас надад ямар ч эм байхгүй. Нэгэн цагт би 7 хайрцаг эм уудаг байсан. Өнөөдөр нэг ч эм байхгүй. Тэйний хувьд клиник үхлээс үлдсэн гол сургамж бол хайрын чухлыг ухаарах явдал: Сайн сайхныг сонгох, гомдлоосоо салах, өөрт буйгаа бусадтай хуваалцах. Амьдрах нь үнэ цэнтэй бөгөөд амьдралын хамгийн сайхан хэсгүүд нь энгийн зүйлс байдаг гэдгийг тэр хэлэхийг хүсдэг байна. (КҮТ төгсгөл биш YouTube суваг)