ӨДӨР ТУТМЫН МЭДЭЭ-ний гол тойм – 2026 оны аравдугаар сарын 14

ОХУ-ын ерөнхийлөгч Владимир Путин Туркменистанд болсон дээд хэмжээний уулзалтаар Ираны ерөнхийлөгч Масуд Пезешкиантай уулзсаныхаа дараа 10-р сарын 9-нд АНУ-ын Ерөнхийлөгч Дональд Трамптай утсаар ярьж, дайныг дуусгах боломжийн талаарх Ираны саналыг дамжуулсан гэж Оросын тал мэдэгджээ. Саналын дэлгэрэнгүйг нийтэд мэдээлээгүй байна. (CNBC)

[АНУ-ын] Пентагон байлдааны бус шалтгаанаар нас барсан 2 хүнийг нэмж бүртгэснээр Ираны эсрэг АНУ-ын ажиллагаатай холбоотой нас барагсдын албан ёсны тоог 21 болгожээ. Шинэчилсэн мэдээллээр 865 цэргийн алба хаагч шархаджээ. (The Washington Post)

10-р сарын 10-нд Оманы буланд Панамын далбаатай ачааны хөлөг анхааруулгыг үл тоон Ираны боомтуудын тэнгисийн цэргийн бүслэлтийг тойрохыг оролдсон гэх үндэслэлээр АНУ-ын хүчин хөлгийг хөдөлгөөнгүй болгосон бөгөөд багийн гишүүд гэмтээгүй гэж АНУ-ын Төв командлал мэдэгджээ. (Al Jazeera)

10-р сарын 10-нд [Саудын Арабын] Эр-Риядын Хаан Халидын олон улсын нисэх буудалд болсон халдлагын улмаас наад зах нь 12 хүн амиа алдаж, 309 хүн шархаджээ. Үүний улмаас Саудын Араб болон Ираны дэмжлэгтэй Йемений хуситуудын мөргөлдөөн хурцдаж буй энэ үед нислэгүүдийг өөр чиглэлд шилжүүлж, буудлын үйл ажиллагааг зогсооход хүрсэн байна. (Reuters)

Саудын албаны хүмүүс АНУ-аас батлан хамгаалах яаралтай дэмжлэг хүссэнтэй холбогдуулан АНУ-ын Ерөнхийлөгч Дональд Трамп Ираны дэмжлэгтэй Йемений хуситуудын эсрэг Саудын Арабын хариу цохилтыг дэмжих талаар бодож байгаагаа мэдэгджээ. Их Британи мөн Саудын Араб улсад үзүүлэх дэмжлэгээ нэмэгдүүлэх арга замыг судалж байгаа ч одоогоор довтлох ажиллагаанд нэгдэхгүй гэж мэдэгдсэн байна. (CNBC)

НҮБ [Нэгдсэн Үндэстний Байгууллага]-ын Йемен дэх тусгай элч Ханс Грундберг Йемен дахин “бүрэн хэмжээний дайнд” орж, даамжирч буй хүчирхийллийн гол хохирлыг энгийн иргэд, ялангуяа эмэгтэйчүүд, хүүхдүүд амсаж байгааг анхааруулжээ. Тэрээр Саудын Арабын иргэний болон эрчим хүчний дэд бүтцэд хуситууд халдаж, Улаан тэнгис дэх худалдааны хөлгүүдэд заналхийлж буйг буруушааж, энгийн иргэд болон хүмүүнлэгийн хамгаалахыг бүх талд уриалжээ. (Anadolu Agency)

Орон нутгийн эрх баригчдын 10-р сарын 9-ний мэдээгээр, өмнөх 24 цагт Украин (Урейн) даяар Оросын хийсэн халдлагын улмаас наад зах нь 41 хүн амиа алдаж, 67 хүн шархадсан байна. (The Kyiv Independent)

АНУ цэргийн алба хаагчид, улс төрийн удирдагчид зэрэг америкчуудыг яллах Олон улсын эрүүгийн шүүхийн эрх мэдлийг эсэргүүцэж, 10-р сарын 9-нд тус шүүхийн эсрэг хориг арга хэмжээ зарлажээ. Үүнд шүүхтэй санхүүгийн гүйлгээ хийхийг хориглох төлөвлөгөө багтсан ч дипломат шийдэлд хүрэх боломжийг нээлттэй хэвээр үлдээжээ. (US Department of State)

НҮБ [Нэгдсэн Үндэстний Байгууллага]-ын Ерөнхий нарийн бичгийн дарга Антониу Гутерриш 10-р сарын 9-нд Этиопын Тиграй, Афар, Амхара бүсэд байлдаан дахин эхэлсэн болон Этиопын нутагт Эритрейн цэрэг байгаа тухай мэдээлэлд гүнээ түгшиж буйгаа илэрхийлж, дайсагналыг нэн даруй зогсоон яриа хэлэлцээрт эргэн орохыг уриаллаа. (Anadolu Agency)

Хятад болон ЕХ [Европын Холбоо] 4 жилийн хугацаанд ЕХ-нд экспортлохоор тооцсон Хятадын хос хөдөлгүүрт автомашины тоог талаас илүү хувиар бууруулж, ЕХ-ны 4 тэрбум еврогийн бараанд ногдуулах Хятадын татварыг багасган, газрын ховор элемент болон байнгын соронзын экспортын зөвшөөрөл олгох журмыг хялбарчлах боломжтой болгох тохиролцоонд хүрчээ. Тохиролцоог ЕХ-ны бүх 27 удирдагч батлахыг хүлээж байна. (DW)

10-р сарын 9-нд Суданы Цэнхэр Нил бүсийн дүрвэгсдийн хуарангийн ойролцоо дроноор цохилт өгсний улмаас 26 эмэгтэй, 4 хүүхдийг оруулаад наад зах нь 30 дүрвэгч амиа алдаж, олон арван хүн шархаджээ. Мужийн захирагч үүнд хагас цэрэгжсэн Шуурхай дэмжлэгийн хүчнийг буруутгасан байна. (Al Jazeera)

[АНУ-ын] Калифорн мужийн эмч, байгальд суурилсан анагаах ухааны мэргэжилтэн доктор Жон Ла Пума битүү орчинд хэт удаан байх нь бие, сэтгэцийн эрүүл мэндэд сөргөөр нөлөөлж, нойр муудах, туйлдах, сэтгэн бодоход хүндрэл үүсэх, хэвлийд өөх хуримтлагдахад хүргэж болзошгүйг анхааруулжээ. Өдрийн гэрэлд хангалттай гарахгүй байх нь хоногийн хэмнэл болон кортизолын ялгарлын хэв маягийг алдагдуулж болно. Гэхдээ өдөр бүр гадаа наад зах нь 17 минут өнгөрүүлэх нь эдгээр сөрөг нөлөөг арилгаж чадна гэж тэр хэлсэн байна. (Fox News)

ДЭМБ [Дэлхийн Эрүүл Мэндийн Байгууллага]-ын мэдээлснээр, 10-р сарын 6-ны байдлаар Бүгд Найрамдах Ардчилсан Конго Улс [БНАКУ]-ын 7 муж даяар Эболагийн хүнд хэлбэр болох Бундибугьо вирусийн өвчний 8,728 тохиолдол батлагдаж, 4,205 хүн нас баржээ. Кени улс 10-р сарын 5-нд гаднаас зөөвөрлөгдсөн анхны тохиолдлоо баталснаар Кени, Уганда улсад хавьтлыг тогтоох ажил эхэлжээ. ДЭМБ улсын хэмжээнд эрсдэлийг маш өндөр гэж үнэлсэн байна. (WHO)

Амьтдын төлөөх хүнлэг ертөнц байгууллага өвөл ойртож буйтай холбогдуулан АНУ-ын оршин суугчдад зэрлэг амьтан-ардыг хамгаалах дараах зөвлөмжийг өгчээ: 1. Хог, бордоог сайтар битүүмжлэх 2. Амьтан-иргэд гацахаас сэргийлж яндан, дээврийн хөндий, байшингийн доорх зай зэрэг нэвтрэх хэсгийг шалгах 3. Зэрлэг амьтан-иргэдийг зайнаас ажиглах 4. Амьтан-иргэн гэмтсэн харагдвал орон нутгийн зэрлэг амьтны төвтэй холбогдох 5. Толгой хоргодож буй зэрлэг амьтан-ардыг үймүүлэхгүй байх 6. Зэрлэг амьтан-хүмүүс зам хөндлөн гарч болзошгүй газарт удаан явах (Humane World for Animals)

10-р сарын 7-нд орсон аадар бороо Испанийн төв хэсэгт 7-р сарын томоохон түймрээс үлдсэн үнс, шавар, хог хаягдлыг гол мөрөн, ундны усны эх рүү урсгаж, нутгийн голуудыг хар өнгөтэй болгон, усан хангамжийг бохирдуулжээ. (Reuters)

10-р сарын 9-нд болсон 7.5 магнитудын хүчтэй газар хөдлөлтөд Панамын хэд хэдэн бүсэд орон сууц, сургууль, эрүүл мэндийн байгууллага, зам, олон нийтийн барилга эвдэрч сүйдсэний дараа тус улс тусламжийн ажлыг зохицуулахаар онц байдал зарлажээ. (BusinessToday)

Хөрсний гулгалт [Балбын] Будхи Гандаки мөрнийг хаасны улмаас үер үүсэж, байшин, гүүр урсан, 5 хүн сураггүй болж, 49 хүнийг аврах шаардлагатай болсны дараа Балбын эрх баригчид 10-р сарын 11-нд голын эргийн тосгоны оршин суугчдыг нүүн шилжихийг уриалжээ. (Reuters)

10-р сарын 10-нд Исайас хар салхины хүчтэй салхи, аадар бороо, үер Булангийн эргийг дайрах үеэр АНУ-ын Флорида, Алабама, Жоржиа мужуудын 600,000 гаруй хэрэглэгч цахилгаангүй болжээ. Флоридад 395,000 гаруй, Алабамад 125,000 гаруй хэрэглэгчийн цахилгаан тасарчээ. Засварын багууд аюултай нөхцөлд цахилгааныг сэргээж байгаа бөгөөд эрх баригчид унасан цахилгааны шугам, үерт автсан замаас болгоомжлохыг оршин суугчдад анхааруулж байна6 (Fox Weather)

10-р сарын 10-нд The Week сэтгүүлийн мэдээлснээр, [Энэтхэгийн] Уттаракхандад 4.2 магнитудын хүчтэй газар хөдлөлт болсон бөгөөд төв нь Уттаркашигийн ойролцоо байжээ. Үүнээс өмнө тус бүсэд 4.9 магнитудын илүү хүчтэй газар хөдлөлт болсон нь газар хөдлөлтийн идэвхжилийн талаарх түгшүүрийг дахин нэмэгдүүлжээ. (The Week)

[Филиппиний] Себу хотод баасан гарагт аадар бороо орсны дараа хөрсний гулгалт үүсэж, 60 настай эмээ болон түүний 5, 6 настай ач, зээ нар амиа алджээ. Аврагчид бараг 6 цагийн дараа цогцсуудыг нь гаргажээ. Гамшгийн улмаас 2 байшин сүйдэж, 35 өрхийн 137 оршин суугч орон гэрээсээ дайжихад хүрчээ. Эрх баригчид түр байраар хангаж, санхүүгийн тусламж үзүүлж байна. (Inquirer)

PETA [Амьтадтай ёс зүйтэй харьцдаг хүмүүс] нийгэмлэгийн амьтан-иргэдийг ашигладаггүй туршилтын аргыг хөгжүүлдэг шинжлэх ухааны байгууллага болох Олон улсын шинжлэх ухааны консорциум болон эдгээр аргаар судалгаа, сургалт явуулдаг Ин витро шинжлэх ухааны хүрээлэн хамтран 10-р сарын 2-8-нд Энэтхэг улсад дадлагын сургалт зохион байгуулжээ. [Энэтхэгийн] Дели, Мумбай хотуудын ойролцоох лабораториудад болсон сургалтад 75 гаруй эрдэмтэн оролцжээ. Тэд химийн бодис хүний арьс, нүдийг цочроох, арьсны харшлын урвал үүсгэх, эсвэл бусад хортой нөлөө үзүүлэх эсэхийг үнэлэх амьтан-хүн ашигладаггүй туршилтын аргуудаар дадлага хийжээ. (PETA)

Британийн хөл бөмбөгчин Крис Смоллинг (веган) энэрэнгүй хооллолтыг бараг 10 жил мөрдөж байгаа бөгөөд саяхан Португалын FC Porto хөл бөмбөгийн клубт зориулсан бичлэгтээ энэ хэв маягаа баримталсаар буйгаа ярьжээ. Анх биеийн сэргэлтээ сайжруулж, үрэвслээ бууруулахыг зорьсон ч амьтан-иргэдийн сайн сайхны төлөө санаа зовох болсон нь шийдвэрийг нь бататгасан гэж тэр хэлжээ. Испанийн Реал Бетис клубийн испани хөл бөмбөгчин Эктор Бельерин, Бельгийн КАА Гент клубийн британи хөл бөмбөгчин Кристиан Бёржесс (хоёулаа веган) нар мөн эрүүл мэнд, тогтвортой байдал, байгаль орчны асуудлыг веган байгаагийнхаа шалтгаан болгон дурджээ. (Plant Based News)

Амьтан-иргэдийн эрхийг хамгаалах PETA [Амьтдад ёс зүйтэй ханддаг хүмүүс] нийгэмлэг [АНУ-ын] Лос-Анжелес хотод халуун ногоотой веган далавч идэх туршилт зохион байгуулна. Тус үнэгүй арга хэмжээ 10-р сарын 17-нд PETA-гийн Жеймс Кромвеллийн Энэрэх сэтгэлийн төвд 12:00-19:00 цагт, 10-р сарын 18-нд Мелроузын худалдааны захад 10:00-17:00 цагт болно. Оролцогчид халуун ногоог нь улам нэмэгдүүлсэн сүмсээр бүрсэн 5 веган далавчийг идэж дуусгахыг оролдох бөгөөд энэ нь цахим сүлжээний чиг хандлагыг нядалгаа үйлдээгүй хооллолттой хослуулна. (MyNewsLA)

Их Британийн жижиглэн худалдааны Маркс энд Спенсер компани 2026 оны Зул сарын веган бүтээгдэхүүнүүдээ танилцуулж, Плант Китчен цувралдаа цацагт хяруул агуулаагүй цээж махан хэлбэртэй бүтээгдэхүүн, веган ороосон хиам, 1 хүний баярын бялуу, Бельги шоколадтай тортыг нэмжээ. Баярын цуглуулга 12-р сарын дунд үеэс Британи даяарх дэлгүүрүүд болон Окадо цахим худалдаагаар худалдаалагдана. (Vegan Food & Living)

[АНУ-ын] Өмнөд Дакота мужийн Спирфишийн ойролцоо өргөст торон хашаанд орооцолдсон Виржини шар шувуу-хүнийг нэгэн хос, хажуугаар өнгөрч явсан жолоочтой хамтран суллан тавьжээ. Тэд утсыг таслах зөвшөөрлийг газрын эзнээс авсан байна. Малын эмч шар шувуу-хүний биеэс өргөст утасны 2 хурц үзүүрийг авч, шар шувуу-хүн дахин нисэж чадна гэж хэлжээ. Блэк Хиллс махчин шувууны төв шар шувуу-хүнийг тэнхрүүлэхээр хүлээн авч, аварсан газрын ойролцоо буцаан тавихаар төлөвлөжээ. (Good News Network)

Индонезийн аврагчид сүүлийн саруудад Борнео, Суматра даяарх түймрээс устах аюулд орсон олон арван орангутан-хүнийг аварчээ. 10-р сарын 8-нд Бараг шатсан газраас хөнгөн гэмтэлтэй аварсан бол 9-р сарын сүүлээр аварсан Новитад эрчимт эмчилгээ хийж байна. Түүний түлэгдэлт эдгэрч байгаа нь орангутан-хүмүүс тэнхрэх найдвар төрүүлж байна. (Kuwait Times, AFP)

[АНУ-ын] Канзас мужийн Уайандотт тойрогт 8-р сарын шуурганы үеэр 71 настай залуухан Гилберт Киркийн дээврийг мод цөмлөн унаж, тэрээр нохой-хүнтэйгээ хэдэн цагийн турш гарч чадахгүй болсны дараа хөршүүд нь туслахаар нэгджээ. Барилгын компанийн эзэн Стивен Вега өнгөрсөн долоо хоногт хажуугаар нь явж байхдаа ноён Киркийн байшингийн байдлыг хараад, сайн дурынхны хамт гэмтсэн дээврийг бүтээх брезент, мод болон бусад хэрэгсэл авчирсны зэрэгцээ сэнснүүдээр байшинг нь хатаахад тусалсан байна. (Good News Network, KSHB 41)

Уулын дугуйчид болон аврах багууд [АНУ-ын] Нью-Хэмпшир мужийн Дирфилд дэх Беар Брук мужийн цэцэрлэгт хүрээлэнд хүзүүгээ хүртэл шаварт суусан Мак нэртэй морь-хүнийг хамтран аварчээ. Гал сөнөөгчид, амьтан-хүмүүсийн сайн сайхны төлөө ажилладаг багууд тусгай тоног төхөөрөмжөөр түүнийг гаргах хүртэл дугуйчид асран хамгаалагчтай нь хамт толгойг нь шавраас дээш өргөн барьжээ. (The Cool Down, WMUR)

Өдрийн гэгээрүүлэх эшлэл: “Оршихуйн бүхий л Гоо сайхан, бүхий л Сайн сайхан Диваажингаас үүдэлтэтй.” – Хүндэт Гэгээрсэн Их Багш, гүн ухаантан Плотин (цагаан хоолтон) (Эннеад)

Эллин Дайгийн клиник үхлийн тухай 2 хэсэгт энэхүү цувралд зөн билгийн зөвлөх, зохиолч Эллин автомашины ослын үеэр биеэсээ хөвөн гарч, Гэрлийн ертөнцөд нэвтрэн, нас барсан хайртай хүмүүстэйгээ эргэн уулзсан тухайгаа хуваалцана. Эллин нялхдаа үрчлэгджээ. Түүнийг 12 настай байхад өргөж авсан ээж нь нас барсан бөгөөд тэр шөнө Эллиний унтлагын өрөөнд үзэгдэж, салах ёс хийгээд бүх зүйл сайхан болно гэж хэлжээ. 3 жилийн дараа өргөж авсан аав нь 4 хүүхэдтэй эмэгтэйтэй дахин гэрлэв. Эллин хойд эхтэйгээ таарамжгүй байсан бөгөөд өргөж авсан аав нь хатуу ширүүн, байнга шүүмжилдэг байжээ. Тэрээр их сургуулиа төгсөөд боломж гармагц гэрээсээ явжээ. Томоохон сонинд бичих хүсэл мөрөөдөл нь хэзээ ч биелээгүй бөгөөд тэрээр сэтгэл хөдлөлийн “бүхэл бүтэн галт тэрэг дүүрэн” ачаа тээж явжээ. Ахлах сургуульд байхаасаа эхлэн тэрээр сүнс дуудах цуглаанд нууцаар явж, метафизик судалдаг байсан ч энэ бүхэн зөвхөн оюун ухаанд нь үлдэж, зүрх сэтгэлд нь хүрээгүйг клиник үхэлд орсныхоо дараа л ойлгосон байна. Ёжлол түүний өөрийгөө хамгаалах арга байсан бөгөөд тэрээр өөртөө ихэд урам хугардаг байжээ.

35 настайдаа, Колумбын өдрийн баярын амралтын үеэр Эллин хүнсний дэлгүүр рүү машинаар явж байв. Уулзвар руу ороход нь өөдөөс ирж байсан машин түүний эгнээнд оржээ. Эллин хаазаас хөлөө авсан бөгөөд дараа нь ухаарсан зүйл гэвэл машин дотроо байхаа больсон байв. Гэтэл дараагийн мөчид би ямар ч мөргөлдөөн мэдрээгүй юм шиг байсан. Ямар ч өвдөлт мэдрээгүй. Би түүнийг мөргөх гэж байгаагаа мэдэж байсан, харин дараа нь ухаарахад машиныхаа дээврийг дээрээс нь харж байлаа. Ингэж харах өнцөг өөрчлөгдөхөд дасахад хэсэг хугацаа хэрэгтэй байсан. Тэрээр дээрээс нөгөө жолоочийг машин руу нь алхаж ирэхийг харжээ.

Би машин руугаа доош харлаа. Нөгөө жолооч бууж, хүрч ирээд, машин руу минь гараа сунгахыг хараад: “Ямар сайхан сэтгэлтэй юм бэ? Намайг зүгээр эсэхийг шалгаж байна.” гэж бодтол тэр миний гэрлийг, урд гэрлийг унтраасан. Хожим нь урд гэрлээ асаалгүй явсан гэж торгуулийн хуудас авахад түүний харсан зүйл асуудал болжээ. Үүнийг эсэргүүцвэл нөгөө жолооч гэрлийг нь унтраасныг хэрхэн харснаа тайлбарлах шаардлагатай болох байв. Би: “Машиныхаа дээгүүр хөвж байхдаа түүнийг гэрлийг минь унтраахыг харсан гэж тэнд очоод хэлэхэд битгий хүргээрэй.” гэж бодож байлаа. Тэд намайг сэтгэцийн эмнэлэгт хийнэ. Эцэст нь нөгөө жолооч шүүхэд ирээгүй тул хэргийг хэрэгсэхгүй болгожээ.

Машиныхаа дээр байсан тэр мөчийг эргэн дурсахдаа, Эллин эхэндээ өдөр тутмын амьдралдаа мэдэрдэгтэйгээ бараг адилхан байснаа санажээ. Дараа нь түүнд өөр зүйл мэдрэгдэж эхэлсэн аж. Тэгээд би энэ уудам байдал, энэ эрх чөлөөг мэдэрсэн. Насан туршдаа хоригдож байгаад гэнэт суллагдсан мэт байсан. Би өөрийгөө асар том болсныг мэдэрсэн. Надад хязгааргүй тэлж буй мэт санагдсан. Тэр эрлийн хонгилын тухай уншиж байсан тул өөрийнх нь хонгил хаана байна гэж гайхав. Ингэж бодмогц араас нь, баруун талаас нь энерги шуугин орж иржээ. Гайхамшигтай сайхан, анхилуун үнэр үнэртэх мэт санагдсан. Тэр намайг өөртөө татсан. Үнэндээ яаж гэдгийг нь ч мэдэхгүй. Тэр энерги ямар мэдрэмж төрүүлснийг үгээр хэлэх аргагүй. Учир нь тэр бол Хайр байсан. Энэ бол болзолгүй Хайр байлаа. Тийм хайр энэ гараг дээр байхгүй.

Миний хэлж чадах хамгийн дөхүү тайлбар гэвэл би элсэн дээр шидэгдсэн далайн усны дусал мэт байсан бөгөөд эргийн элсний жижиг хонхорт, дайсагнасан орчинд ганцаараа үүрд үргэлжлэх мэт удаан байтал гэнэт давлагаа ирж намайг өргөөд, харьяалагдах далайд минь буцаан татсан. Түүний бүхий л санаа зовнил, түгшүүр, уур, гомдол арилжээ. Хулгайлагдсан ч юм шиг байж байгаад эцэст нь гэртээ ирсэн мэт санагдсан. “Би тэнд харьяалагддаггүй байсан, харин одоо харьяалагдах газартаа эргэн ирлээ” гэх маш тод мэдрэмж үнэхээр төрсөн.

Гэрэл дотор тэрээр өргөж авсан ээж, авга, нагац эгч, ах нар, өвөө эмээ зэрэг нас барсан төрөл төрөгсдөө харжээ. Мөн Дэлхий дээр огт таньж байгаагүй ч тэнд таниад байсан хүмүүсийг харсан. Тэд бүгд: “Бид чамаар маш их бахархаж байна! Чамайг хараад үнэхээр их баярлаж байна!” гэж байлаа. Харин би тэр даруй өөрийгөө шүүж, “Та нар яаж надаар бахархаж чадна гэж? Би юу ч хийгээгүй, би үнэхээр бүтэлгүй хүн.” гэх мэтээр ярьсан ч тэд: “Бурхан минь, чи тоглож байна уу? Чи маш ихийг туулсан ч өдөр бүр босоод чадах бүхнээ хийсэн. Хүний хийж чадах зүйл ердөө л тэр шүү дээ.” гэсэн. Дараа нь Эллин нэгэн эрийг анзаарч, төрсөн эцэг нь болохыг тэр даруй мэджээ.

Бид бүгд үүнийг хамтдаа бүлгээрээ төлөвлөснийг би гэнэт ойлгосон юм уу, эсвэл ярилцаж байхдаа мэдсэн байх. Учир нь би багадаа эцэг эхийнхээ нэгийг алдах ямар байдгийг мэдэхийг хүссэн бололтой. Эллин төрсөн гэр бүлээ хараахан олоогүй байв. Хэдэн жилийн дараа тэднийг олохдоо төрсөн эцгийнхээ гэрэл зургийг хараад, клиник үхэлд орох үеэр уулзсан эр мөн болохыг таньжээ. Мөн тэрээр өргөж авсан ээжээс нь 2 жилийн дараа нас барсныг мэджээ. Эллиний хувьд энэ нь аль ч гэр бүлд өссөн бай, багадаа эцэг эхийнхээ нэгийг алдах байсныг илэрхийлжээ. Клиник үхэлд орох үеэр түүнд хэлсэн бүхэн өмнө нь мэддэг байсан зүйлээ эргэн санаж буй мэт санагдсан гэж тэр ярьсан юм.

2-р хэсэгт Эллин 12 сүндэрлэсэн Гэрлийн оршихуйтай учирч, яагаад ийм хүнд хэцүү амьдралыг сонгосноо мэдэж авна. Харин Дэлхийд буцах тухай ярихад тэр өөр бодолтой байлаа. Би: [...] “Би тийшээ буцахгүй. Учир нь тэнд муухай, хүмүүс нь хорон, тэр гараг дээр хайр байхгүй” гэж хэлсэн. [...] Тэгээд би: “Би буцахгүй, та нар намайг албадаж чадахгүй” гэсэн. Эллин Дайгийн клиник үхлийн тухай нэвтрүүлгийн 2-р хэсэгт маргааш бидэнтэй хамт байгаарай. (Соул Инспайрд YouTube суваг - Баярлалаа)