Дэлгэрэнгүй
Татаж авах Docx
Дэлгэрэнгүй уншаарай
Сайн байна уу, хамгаас хайрт, хүндэт Их Багш аа! Их Багш КОВИД-19-ийн вирус сүнстэй бөгөөд эдгээр сүнс бол хүмүүсийн хөнөөсөн амьтдын сүнс гэж хэлсэн билээ. Тиймээс энэ вирус нь хүн төрөлхтөн рүү довтлохын тулд бодож сэтгэх, үргэлжлэн мутацид орох чадвартай байдаг. Би амьтадтай харьцах чадвартай; тиймээс өрөвдөлтэйгөөр нядлагдсан олон амьтдын сүнс алагдахаасаа өмнөх асар их шаналал, айдсынхаа талаар надтай ярилцсан. Тэднийг хүмүүс харгис хэрцгийгээр алсан тул тэд хүн төрөлхтөнд асар их гамшиг учруулж өшөөгөө авахыг хүссэн юм. Гэсэн хэдий ч ийм өшөө авалт, аллага хэзээ дуусах вэ? Хятад, Тайвань (Формоса), Солонгос дахь манай зарим авшигтнууд дэлхийн нядлагдсан амьтад болон удахгүй нядлагдах гэж байгаа амьтдын төлөө залбирах санаачилга гаргасан юм. Бид бас амьтдад хайр энэрэл, тайтгарлыг өргөж, өшөө авах нь хамгийн сайн шийдэл биш гэдгийг тэдэнд зөвлөж, биет бус мэдээг хуваалцсан. Тэд өөрсдийн сүнсэнд хамгийн сайн замыг сонгож, өөрөөр хэлбэл үзэн ядалтаас татгалзаж, Их Багшийг Диваажин луу дагахыг бид хүссэн. Тиймээс хариу авах, харилцан аллагын төлөөх үйлийн үрийн дахин төрөлтийг багасгаж болно. Эдгээр хайрын үгийг сонсоод олон амьтад хүн төрөлхтнийг үзэн ядах сэтгэлээ хаяж, өшөө авахаа больж, Их Багшийг дагаж Диваажинд очих хүсэлтэй байгаагаа илэрхийлэв. Хэдий тийм ч тэд бас хүн төрөлхтөнд хандан дотоод бодлоо илэрхийлсэн: ”Хэрэв өшөө авахаа больж, үзэн ядалтаас татгалзвал бидэнд сайн байх болно гэж та нар хэлсэн. Гэхдээ та нар биднийг идэхээ больчихвол дээр биш гэж үү? Хүмүүс та нар хэчнээн их хүчин чармайлт гаргасан бэ? Хүмүүс та нар биднийг амьд үлдээхэд бэлэн үү?” Суприм Мастер Телевизийн эерэг энергиэр дамжуулан “Хүн бүхэн мах идэхээ больж, веган хооллолтод шилжээсэй” гэсэн амьтдын чин сэтгэлийн дуу хоолойг бид хүн бүхэнтэй хуваалцахыг хүсэж байна. Амьтдыг эцэс төгсгөлгүй зовлонгоос ангижруулцгаая. Бурханлаг амар амгалан бидний Төгс Гэгээрсэн Их Багштай хамт байг! Хүндэтгэсэн, Тайвань (Формоса)-аас Софи Төрөлхийн чадвартай Софи, Сэтгэгдэл бичсэнд баярлалаа. Амьтдын төлөө залбирч, тэдэнтэй харилцаж байгаад танд болон бусад шавь нарт бид талархаж байна. Бид бас амьтан андууддаа өөрсдийн хайр, залбирлыг хүргэхийг хүсэж байна. Бүх төрөлтнүүд эв найртай зэрэгцэн орших өдөр удахгүй ирэх болтугай. Их Багш танд зурвас илгээжээ: “Ухамсартай Софи, амьтад, дэлхийн төлөө янз бүрийн аргаар хичээнгүйлэн зүтгэж байгаад танд болон танай номын ах, эгч нарт талархал илэрхийлье. Амьтдын амьдрал зөвхөн хүмүүсийн хоол идэх дуршлыг хангах гэж зовж тарчлан хурдан дуусдаг тул амьтдын өршөөл хүсэж буйг сонсох нь зүрх шимшрэм. Хүн төрөлхтний байгалиас заяасан хайр энэрэлт, ачлалт мөн чанар нь сэрж, тэгснээр бүх төрөлтнүүд газар дээрх Диваажиныг эелдэг, хүндэтгэлтэй нөхцөлд эдлэн баясах болтугай гэж залбирцгаая. Та болон соргог Тайвань (Формоса) орныг Буддагийн хязгааргүй ач ивээл хамгаалах болтугай.”
