Дэлгэрэнгүй
Татаж авах Docx
Дэлгэрэнгүй уншаарай
Одоо АНУ-аас Рутын илгээсэн сэтгэгдлийг хүргэе:Хамгаас Хайрт Их Багш аа, ээж бид хоёр 78 насандаа өөд болсон аавд минь тусалж, чөлөөлсөн ТАНД талархаж байна. Тэр шашингүй үзэлтэй эрдэмтэн байсан. Бид сүнслэг байдал, Бурханы тухай маргалдсан. Тэр зөвхөн өөрийнхөө нүдээр харсан зүйлдээ л итгэдэг гэж хэлсэн юм. Амьдралынх нь сүүлийн 6 сард Будда/ Бодьсадва нарыг НЭЭЛТТЭЙ нүдээр харах биеэсээ гарч нисэх, дэлхийн агаар мандлаас цааш аялах гээд оюун санааны олон ахуй ойлголтоор Их Багш түүнийг адисалсан, тэр гайхан биширч, наманчилсан; амьдралынхаа эцсийн мөчид тэр: “Төгс Гэгээрсэн Их Багш Чин Хай, ТАНЫГ буруутгаж байсанд уучлаарай!” гэж дахин дахин бувтнаж байв.Ээж минь надад түүний сүүлчийн үгийг тэмдэглэн авснаа харуулсан юм. Их Багш түүнд үйлийн үрээ төлж, гэтлэхэд туслахаар ирснийг тэр харсан гэдгийг би ойлгосон! Дөрвөн жилийн өмнө хамгийн ширүүн нэг мэтгэлцээний үеэр би түүнээс “Бурхан байдаг гэдэгт би итгэдэггүй” гэж гарын үсгээ зурахыг хүссэн. Гэвч хачирхалтай нь энэ нь “Бурхан байдаг гэдгийг би үгүйсгэхгүй” гэхийг харсан. Би түүнд эцсийн мөчид хэн өөрийг нь асрахаар ирж, хэн цорын ганц ХАЙР болохыг харах болно гэж хэлсэн. Мэдээжийн хэрэг, Их Багш түүнийг илүү дээд ертөнц рүү аваачихаар ирсэн. Удалгүй тэр залуу, царайлаг, гэрэлтэй, баяр хөөртэйгөөр миний бясалгалд ирж, надтай телепатаар холбогдон -- надад талархаж, энд ийм гайхалтай байхыг мэдсэн бол арай эрт биеэ орхих байсан гэж дамжуулсан!Тэр эргэлзэж, түгшин, үхлээс айж байсан. Их Багшийн сургаалыг би түүнтэй хамт уншин бясалгасан. 10 жилийн өмнө тэр Дөхөм Арга сурч, олон арван жилийн турш веган болохыг хичээсэн; эцэст нь тэр веган болж, веган хоолны дэглэм баримтлахаар сонгосон юм.Оюун санаа нь түүнийг хуурсаар байхад хүртэл сүнс нь Их Багш гэж хэн болохыг мэдэж байсан. Түүнийг оршуулгын ёслолын үед эхнээс нь дуусах хүртэл гурван цагийн турш бороо орж, хүнд ган гачгийг тайлсан. Хэдэн өдрийн дараа нэг эгч түүнийг бидэнтэй салах ёс гүйцэтгээд, хамгийн агуу Хуфа (сүнслэг хамгаалагч) Сканда Бодисадваг даган жинхэнэ гэртээ буцахыг харсан. Тэр энэ амьдралдаа бидний Хуфа болж үйлчилсэн!Их Багш Тандаа цаглашгүй ихээр талархаж байна! Хамаг төрөлтөн Их Багш Чин Хайг даруй таньж, амьд ахуйдаа Бурханы ИВЭЭЛ-ээр амьдрах болтугай! Сайн сайхныг хүсэн ерөөе, АНУ-аас РутАчтай Рут, аавынхаа тухай энэ гайхалтай түүхийг хуваалцсанд бид баяртай байна.Их Багш хайрын захиагаа танд илгээлээ: “Ачлалтай Рут, эцэг эх тань бидэнтэй сүнслэг асуудлаар санал нийлэхгүй байсан ч хайрлаж, хүндлэх нь үргэлж хамгийн сайн зүйл юм. Заримдаа эдгээр ялгаатай үзэл бодол нь гэр бүлд хагарал үүсгэдэг ч аавыгаа хайрлах хайр тань таны хичээнгүй бясалгалтай нэгдэн, Гэрэлд хүрэх замаа олоход нь тусалжээ. Энэ нь сэтгэл дулаацуулж, гэр бүлийн гишүүдээ болон өөрийгөө адислах Арьяабалын Бясалгалын Аргын Хүчийг харуулж байна. Та үнэнч охин нь байсан учраас аав тань одоо тодорхой хэмжээнд илүү дээд ертөнцөд баясаж байна. Энэ бол бидний гэр бүлдээ өгч чадах хамгийн сайхан бэлэг юм. Танд болон хайртай хүмүүст тань хайртай шүү. Та болон өгөөмөр америкчууд Бурханы хайрын Тэврийг үүрд мэдрэх болтугай.”
