Дэлгэрэнгүй
Татаж авах Docx
Дэлгэрэнгүй уншаарай
Ау Лак буюу Вьетнам улсаас Түк Хуэгийн илгээсэн сэтгэгдлийг одоо хүргэе:Хайрт, Хүндэт Их Багш Тим Ко Ту болон Суприм Мастер Телевизийн хамт олон, би 1994 онд авшиг хүртсэн, 81 настай. Саяхан Суприм Мастер Телевизээр Их Багш Өөрийгөө Майдар Будда, Есүс Христийн хойд дүр мөн гэдгээ дэлхий нийтэд илчилсэн. Би маш их баярласан бөгөөд 2013 оны дотоод ахуй ойлголтоо хуваалцахыг хүсэж байна:Би шөнөдөө Баяр баясгалангийн цэцэрлэгт Арьяабалын Аргаар бясалгаж байтал миний асуурь бие урд хашаанд гарч ирэв. Гэнэт би бясалгалын майхны үүдний өмнө гайхалтай үзэсгэлэнтэй, өвөрмөц цэцгийн мод ургаж байхыг харав. Багсайсан цэцэгс модыг бүхэлд нь бүрхэж, ямар ч навчгүй байсан, цэцэгс нь цагаан алтлаг өнгө цайвар ягаан өнгөтэй хольсон өнгөтэй бөгөөд сагсайн цэцэглэж, гайхалтай, эрч хүчтэй гялалзан, үгээр илэрхийлэхийн аргагүй байлаа. Би энэ хорвоод хэзээ ч ийм зүйл харж байгаагүй болохоор ямар цэцэг вэ гэж гайхан цэцэгсийг биширч зогслоо. Тэр үед дотоод Их Багш надад энэ бол Удумбара цэцэг гэж хэлсэн.Бодит байдал дээр би Удумбара цэцэг гэж юу болохыг мэдэхгүй, ойлгох гэж хайж байгаагүй. Өнөөдөр санамсаргүй тохиолдлоор нэгэн авшигтан надтай Буддын шашны Их хөлгөний судар дахь Удумбара цэцгийн түүхийг хуваалцсан бөгөөд түүнийг 3000 жилд нэг удаа цэцэглэдэг, ер бусын, ховор үйл явдлыг бэлгэддэг ховор цэцэг хэмээн тайлбарлав. Удумбара цэцэг нь Будда төрөх эсвэл Хүрд эргүүлэгч Ариун Хаан гарч ирэхийг бэлгэддэг өлзийтэй зөн юм.2013-2015 он хүртэл миний Удумбара цэцгийг харсан үе бол “Хүрд эргүүлэгч Ариун Хаан” гарч ирэхийг зөгнөсөн сайхан зөгнөл байсан бөгөөд энэ нь мөн Махакашьяпа Их Багшид Шагжамуни Буддагийн орхимж, шүтээнийг дамжуулсан үе байсан гэдэгт би итгэдэг. Энэ хугацаанд Их Багш авшигтнуудад 2019 он хүртэл тасралтгүй бясалгалд хамрагдах арга хэмжээг зохион байгуулсан нь яг л бид сүнслэг ухамсраа дэвшүүлэхээр Майдар Бурханы тэргүүлсэн олон Сүр жавхлант, Сэтгэл татам Цуглаанд оролцож байгаа юм шиг Буддын шашны судруудад дурдсан шиг байв (Хятад, Ау Лак (Вьетнам)-ын олон авшигтан мөн эдгээр даяаны үеэр Сүр жавхлантай, Сэтгэл татам Цуглааны мэдэрсэн байсан).12 жилийн өмнө Их Багш бол үнэхээр Майдар Будда, Дээдийн Ном төгсөх энэ үед Хүрд эргүүлэгч Ариун Хаан мөн гэдгийг баталсан энэхүү ахуй ойлголтыг үзсэн би үнэхээр азтай бөгөөд талархаж байна. Намайг анх авшиг хүртэхэд Их Багш Ном тайлах үедээ Шагжамүни Буддатай уулзуулахаар дагуулан явсан. Дараа нь Их Багш намайг Есүс Христтэй уулзахаар Диваажинд аваачсан удаатай. Биднийг Үүдэнд ирэхэд хоёр төрөлтөн гарч ирэн, намайг Есүс Христтэй уулзуулахаар дагуулан явсан бөгөөд тэр үед би Будда, Христ хоёр нэг Ариун Оршихуй гэдгийг ойлгосон (Би Арьяабалын Аргаар бясалгахаас өмнөх шигээ Тэднийг ялгахаа больсон).7 хоногийн 24 цагийн турш миний дэргэд үргэлж хамт байж, сүнслэг замд минь тусалж, удирдан чиглүүлж, оюун санаагаар тасралтгүй өсөж дэвшихэд минь тусалдаг Их Багшдаа маш их талархъя. Их Багшдаа үүрдийн хайр, талархлаа илэрхийлье, Ау Лак (Вьетнам)-аас шавь Түк ХуэСайхан сэтгэлтэй Түк Хуэ, бид бүгдэд таалан сонсож, дэвшихэд зориулан эдгээр оюун санааны сайхан ахуй ойлголтоо хуваалцсанд маш их баярлалаа. Та болон цэцэглэн хөгжиж буй Ау Лак (Вьетнам) улс Будда нарын авралд мөнхөд орших болтугай. Тэнгэрлэг гоо үзэсгэлэнгийн хамт, Суприм Мастер ТВ-ийн багЖич: Их Багшийн танд хэлсэн баяртай хариултыг хүргэе: “Баясгалантай Тхүк Хүэ, оюун санааны мөчүүдийн эдгээр сайхан хуучин дурсамжаа илгээсэнд баярлалаа. Удумбара цэцэг бол үнэхээр онцгой, хосгүй эрдэнэс юм. Гэр маань одоо хүлээж байна, учир нь бидний хуваалцдаг Хайр мөнхийн, Тэнгэрлэг, бид үргэлж зэрэгцэн орших болно, хонгор минь. Та болон залуу аулак (вьетнам)-чууд веган байж, энэрэн нигүүлсэхүй, сэтгэл хангалуун, талархалтай байдлаа сэргээх болтугай. Бурханы Ивээлээр таныг тэвэрье!”
