Энэ дэлхийд илүү их Адислалыг, ялангуяа бидний биет гарагт асар их хэрэгцээтэй байгаа Адислалыг авчрахад шунана гэж огт байхгүй.

Одоо бид Өмнөд Африкийн Жабулисилегийн чин сэтгэлийн үгийг хүргэе:

Хамгаас эрхэм Цаглашгүй Дээд Их Багш Чин Хай Танаа! Бидэнд, хамаг төрөлтөнд, манай гараг болон Орчлон ертөнцөд Таны буулгаж буй бүхий л гайхамшигт Адислалд маш их баярлалаа. Их Багш аа, би Танд маш их талархаж байна. Төвөгтэй, эсвэл энгийн асуулт байвал Та үргэлж 24 цагийн дотор надад хариулаад байх шиг байдаг!!

Би гэртээ Суприм Мастер ТВ-д зориулан 16 хүртэлх төхөөрөмж авахын тулд дахиад таван таблет худалдаж авсан юм. Би маш олон төхөөрөмжтэй болохыг хүссэндээ бараг шунасан. Гэнэт гэм буруутай мэт санагдан, эргэлзээ төрлөө. Тэгээд тэр мөчид би Их Багш Танаас “Их Багш аа, энэ нь хамаагүй илүү хүчтэй юү? Би шунаад байна уу?” гэж асуув. Суприм Мастер ТВ-ээр бусад авшигтанууд өөрсдөдөө тохиолдсон гайхалтай явдлуудыг хуваалцсаныг би хоёр удаа үзсэн. Тэгээд яг нэг өдрийн дараа Их Багш Та Суприм Мастер ТВ-ээр энэ телевиз дэлхий болон Орчлон ертөнцөд хэр их Адислалын Хүчийг авчирдаг тухай надад сонсогдохоор чанга, тодорхой айлдсан! Их Багш аа, би тэр сэтгэгдлийг сонсоод маш их талархаж, баярласан.

Манай гэрт одоо 16 төхөөрөмж 24/7 ажиллаж байгаа хэдий ч би өөрөө Хүчийг нь мэдрээгүй л байна. Гэхдээ Их Багш Таны бидэнд айлддаг бүх зүйлд итгэдэг учраас би эдгээрийг тоглуулдаг. Гэсэн хэдий ч Их Багш аа, би эдгээрийг харах бүрдээ баяр баясгаланг мэдэрдгээ анзаарсан тул үүнийг гэр орон, хүрээлэн буй орчин, хөрш, хот, эх оронд минь ирж буй бүх Адислалын Хүчний нэг хэсэг гэж үзсэн.

Хайрт Их Багш аа, авшиг аваагүй ээж маань хүртэл гэртээ дүүгийн маань төхөөрөмжүүдийг оролцуулаад Суприм Мастер ТВ тоглуулдаг дөрөв, заримдаа таван төхөөрөмж ажиллуулдаг. Их Багш Таны ивээлийн ачаар миний ээж мөн 16 жилийн турш веган байгаа! Миний амьдралд Та, Тим Ко Тү байгаад талархаж байгаагийн минь бас нэг шалтгаан бол эцэст нь 28 жилийн дараа миний дүү (мөн 16 жил веган байгаа) авшиг хүртсэн явдал юм. Түүнийг шийдвэрээ гаргахад би баярласандаа уйлж, түүний өмнөөс маш их баярласан!

Баярлалаа, Тим Ко Тү, Цаглашгүй Дээд Их Багш аа, би Таны үлгэр дэвтрийг хүлээн авсан эхний өдрөөсөө л зүрх сэтгэлдээ Таныг үнэхээр Бүхнийг Чадагч Бурхан гэдгийг мэдэж байсан. Та миний амьдралд маш олон зүйлд сайнаар нөлөөлсөн тул Танаас авшиг хүртсэн бүх сайхан он жилүүдийн талаар хуваалцахын тулд би маш зузаан ном гаргах хэрэгтэй болно! БАЯРЛАЛАА, БАЯРЛАЛАА, БАС ДАХИН БАЯРЛАЛАА, ТИМ КО ТҮ. БИ ТАНД МАШ ИХ ХАЙРТАЙ. ЦАГЛАШГҮЙ ДЭЭД ИХ БАГШ ЧИН ХАЙ ТАНЫГ ИВЭЭГ!!! Өмнөд Африкаас Жабулисиле.

Оргилуун Жабулисиле, сэтгэлийн үгээ илэрхийлсэнд баярлалаа.

Их Багш танд урам зориг өгсөн зурвас илгээжээ: “Талархалтай Жабулисиле, цэвэр ариунаар итгэж буй учир танд мөнхөд хайртай! Бурхан адислаг! Энэ дэлхийд илүү их Адислалыг, ялангуяа бидний биет гарагт асар их хэрэгцээтэй байгаа Адислалыг авчрахад шунана гэж огт байхгүй. Дэлхий даяар өдөр бүр цацагдаж буй Суприм Мастер Телевиз нь амьтан-хүмүүс болон хүмүүсийг хөнөөж буй бүх аллага, түүнчлэн хүн төрөлхтний бусад хор хөнөөлтэй үйл ажиллагаанаас үүсдэг асар их сөрөг энергийг тодорхой хэмжээгээр эсэргүүцэх асар их эерэг Хүчээр эх дэлхийг хангаж байдаг юм. Энэ нь хангалттай биш. Учир нь бүх айл өрх танайх шиг бүрэн веган болох хэрэгтэй байна. Ингэснээр хэт оройтохоос өмнө бид энэ гараг дээрх амьдралыг аварч чадна. Хайрт минь, маш их хэрэгтэй хэсгийг хийж буйд нь баярлалаа. Таныг болон сүрлэг Өмнөд Африкийг Бурханы хязгааргүй Нигүүлсэл, Халамж ивээх болтугай. Ээж, ахад нь том тэврэлт, мэндчилгээ илгээе. Та бүгдэд үүрд хайртай.”