Synchronicity Experiences Are Reminders of Ever-present Divine Guidance in Our Lives

Одоо Тайланд улсаас Чалитагийн илгээсэн сэтгэгдлийг хүргэе:

Эрхэм Хамгаас Хүндэт Их Багш аа, Олон шавь нар Таны бичлэгийг үзэж байсан ч энэ нь мандарин хэл дээр гарч байлаа. Эмэгтэй шавь нарын нэг “Би мандарин хэлийг ойлгохгүй байна.” гэв. Гэнэт Их Багш бичлэг дээр “Тэгвэл би англиар ярья.” гэж хариулсан. Ийм хачин гэнэтийн тохиолдлууд миний амьдралд урьд өмнө тохиолдож байгаагүй. Авшиг хүртсэн хүмүүсээс өөр хэн ч үүнийг ойлгохгүй. Би утсан дээрх цагаа харах бүрд 12:34:56, ижил тоонууд юм уу эсвэл урвуу тоонууд зэрэг цагийн хачирхалтай тоонуудыг үргэлж хардаг. Би эдгээр тоонуудыг маш олон удаа хардаг тул найзаасаа бас харсан эсэхийг нь асуухад хүрэв. Тэр утсаа харах болгондоо үүнийг хардаг гэж хэлсэн.

Би мэдээнээс энэ нь бидний эргэн тойронд ариун зүйлс байна гэсэн үг гэж харсан. Тэр цагаас хойш би эдгээр тоонуудыг харахаараа Бурханд хүндэтгэл үзүүлж алгаа хавсардаг болсон.

Нэгэн өдөр нэг хятад шавь, бид хоёр Нонтабурийн Ловин Хатад бясалгал хийх эрх чөлөөгүй, Төвөөсөө жижиг эд зүйлс ч авч явж чаддаггүй хятад шавь нарын тухай ярилцаж байлаа. Би “Шалтгаан байгаа байх.” гэв. “Тэд (эрх мэдэлтэй хүмүүс) хэлдэггүй.” гэж тэр хэлсэн. Тэд зүгээр л хурааж, хориглож, шоронд хийж, хоол унднаас нь салгаж мацаг барихад хүргэдэг. Дараа нь би угаалгын өрөө орж, шүдээ угааж, ганцаараа байж, анхаарлаа чимээгүй төвлөрүүлэв. Намайг буцаж ирэхэд Их Багш сая бидний ярьж байсан зүйлийн талаар сургаал айлдаж байлаа. Би гайхсан. Тиймээс би тэр өдөр цацагдсан бичлэгийг зарим хүмүүст илгээж, хүн бүрийг үзээрэй гэж захиж байна. Багш шавийн шүтэлцээгээр 2024 оны 4 сарын 28-нд цацагдсан “Гурван төрлийн Их Багш” айлдварын 5-ын 5-р хэсэг Тайланд улсаас Чалита

Чин сэтгэлт Чалита, бидний амьдралд үргэлж оршдог Тэнгэрлэг удирдамжийн сайхан сануулга болсон давхцалын туршлагаа хуваалцсанд баярлалаа. Их Багшаа ил тодоор хайрлаж, Арьяабалын Аргаар бясалгах эрх чөлөөтэй байгаадаа бид гүнээ талархаж байна.

Их Багш зөвхөн танд энэхүү хариултыг өглөө: “Элбэрэлтэй Чалита, Диваажин өөд хөтөлсөн аянд тань хэрэгтэй бүх зүйлийг авчран, таны дотоод Их Багш ажлаа хийж байна. Гол нь бидэнд хэрэгтэй зүйл бол биднээс хэн ч салгаж авч чадахгүй Бурхан Чанараа санах явдал юм. Орчлон ертөнцүүд, дэлхий дээрх болон түүнээс чанагш орших бүх зүйл, тэр дундаа хүний ​​биеийг маань биднийг жинхэнэ Гэрээ таньж, буцаж очихын төлөөнөө Бурхан бүтээсэн билээ. Та адислалууддаа талархаж, өдөр тутмын Хамгийн Хүчирхэг Залбирлыг чин сэтгэлээсээ уншихаа бүү мартаарай. Та болон ажигч тайландчууд энх тайван веган дэлхийн баяр баясгаланг мэдрэх болтугай. Бурханы Өршөөлөөр таныг Хайраар тэвэрье.”