Бид материаллаг талаас өөрсдийгөө аврахын тулд бүх арга хэмжээг авч чадна гэдгийг санаарай, гэхдээ БУРХАН бол Хамгаалалт ба Авралын Эх сурвалж юм!

Өнөөдөр бид хүнд хэцүү нөхцөл байдлыг туулж буй хүүхдүүдэд зориулсан Хайрт Төгс Гэгээрсэн Их Багш Чин Хай (веган)-аас маш хэрэгтэй зөвлөгөөг хүргэж байна.

“Хайрт хүмүүс ээ: Сүүлийн үед цаг агаар тийм ч тогтвортой бус байгаагаас гадна дайн дажин, мөргөлдөөн нь дэлхийн бүх иргэдийн хувьд бүх асуудлыг маш их тав тухгүй, түгшүүртэй болгож байна. Ийм гэнэн цайлган, эмзэг жилүүддээ та нар хүртэх ёстой санаа зовох зүйлгүй, аз жаргалтай цагаа ч эдэлж чадахгүй байгаад би хүүхдүүдийн төлөө харамсаж байна. Би өөрөө ч бас маш их уй гашуу, гуниг, олон таагүй байдлыг туулсан. Зүгээр л та нарыг болон бусдын бүх хүнд хэцүү шаналал мөн зовлонд автсан биеэ хамгаалах чадваргүй амьтан төрөлтнүүдийн тухай бодох төдийд л зүрх сэтгэлд минь хүнд гуниг, уй гашуу төрж байна! БУРХАН биднийг бүгдийг нь хайрлаж, хорон мууг үйлдэгчдийг өршөөх болтугай.

Оюун санаагаа илүү амар тайван байлгахын тулд та ямар нэгэн зүйл хийж чадна. Яаралтай үед зориулсан веган хоол, хүнс бэлтгэхээс гадна, боломжтой бол та майхан болон хүйтэн цаг агаарт мөн тэгээс доош хэмд зориулсан унтлагын уут авч болно. Та хуучин зүйл онлайнаар эсвэл хуучин барааны дэлгүүрээс хайж олбол хямд авах боломжтой. Гэрийн дотор ч гэсэн цахилгаан болон нэмэлт хийн халаагуур тасарсан үед майхан болон унтлагын уут нь таныг амьд үлдэхэд тусалж чадна. Мөн өмнө нь би Испанийн агуйд хэрэглэж байсан тосон халаагуур байгаа бөгөөд энэ нь нэлээд дулаахан, дээрээс нь хурдан хоол хийхэд ашиглаж болох бөгөөд тийм ч үнэтэй биш.

Бид материаллаг талаас өөрсдийгөө аврахын тулд бүх арга хэмжээг авч чадна гэдгийг санаарай, гэхдээ БУРХАН бол Хамгаалалт ба Авралын Эх сурвалж юм! Энэ нь таны хоёр дахь төрөлх чанар, дадал болон хэвших хүртэл нь өдөр бүр залбираарай, ингэснээр хэрэгтэй үед энэ нь таны Найдвартай түшиг болно. Хамгийн муу тохиолдолд ч гэсэн, бид БУРХАНТАЙ хамт, Түүнийг зүрхэндээ тээсэн хэвээр энэ хорвоог орхино. БҮХНЭЭС АГУУ БУРХАНД хандсан чин сэтгэл тань таныг ГЭРТ тань хүргэж, сүнсийг тань бүх зовлонгоос ангижруулах боломжийг олгож байна! ТҮҮНД Итгэ, бас бүү ай. Айдас бол өөртөө үүрэх болон бусдад тараахад тохиромжтой сайн энерги биш, учир нь энэ нь нөхцөл байдлыг улам дордуулна: Харин БУРХАНД итгэх цэвэр ариун Итгэл тань л таныг хамгаалж мөн аврах болно. БУРХАН та нарт хайртай шүү, сайн хүүхдүүд ээ. Би ч бас та нарт хайртай!”

Бид ч бас Танд хайртай, Нигүүлсэнгүй, өгөөмөр Их Багш аа! Бид Таны амин чухал зөвлөгөөг зүрхэндээ шингээж, ингэснээрээ энэ ертөнцийн олон сорилт дунд өөрсдийгөө хамгаалж, авч явахын тулд бид өөрсдийгөө бэлтгэж чадна.