Олон улсын нийгэмлэг ядарч, зовж буй Ираны ард иргэдэд тусална гэдэгт итгэж байна.

Канадаас Остиний ирүүлсэн сэтгэлийн үгийг одоо хүргэе:

Шинэ оны мэндийг элбэг дэлбэг хүргэж, мөн баяр хүргэлтийн хамт, Төгс Гэгээрсэн Их Багш Чин Хайн төгсгөлгүй сайхан сэтгэл, Хайранд талархъя. Өнгөрсөн жил хүсэл минь биелж, Төгс Гэгээрсэн Их Багш Чин Хайн ачаар би авшиг хүртсэндээ маш их баяртай байна. Би Их Багшийн сайн шавь байж, Их Багшийн сайхан сэтгэл, дэмжлэгийн хамгаалалтанд үргэлж байна гэдэгтээ итгэж байна.

Би Төгс Гэгээрсэн Их Багш Чин Хай болон бусад авшигтнуудаас Ираны төлөө залбирахыг хүсэж байна. Америкийг аварсан шигээ Их Багш 2026 онд Ираныг ч бас аварна гэж найдаж байна. Ираны ард түмэн олон жилийн гашуун туршлагын дараа гэрэл гэгээтэй өдрүүдэд хүрэх болтугай гэж би залбирдаг. Танд хайртай шүү, Их Багш аа. Канадаас Остин

Санаа тавьсан Остин, Та амьд Их Багшийн удирдлага дор жинхэнэ сэхээрлийн замаар алхах азтай хүн юм. Таныг манай Арьяабалын бясалгалын гэр бүлд нэгдэхийг урин, халуун дотноор угтахдаа баяртай байна.

Их Багш танд Хайраа дараах үгсээр илэрхийлж байна: “Ойлгох сэтгэлтэй хандлагатай Остин, үймээн самуунд байгаа бусдын төлөө хайр дүүрэн бичсэн таны эелдэг захидалд баярлалаа. Хүн төрөлхтөн өөр хоорондоо тэмцэж, өөрийнхөө эсрэг эргэж байгааг харах нь зүрх сэтгэлийг гуниглуулдаг, яг одоо, энэ ч 21-р зуунд ч гэсэн! Олон улсын нийгэмлэг ядарч, зовж буй Ираны ард иргэдэд тусална гэдэгт итгэж байна. Бүтээлийн мөн чанарыг ойлгосноор бид амь насыг эрхэмлэн дээдлэхийг сурдаг. Энэ бол хүчирхэг ах нар хүчгүй ах нартайгаа тэмцэж буй явдал биш. Түүх бидэнд хүчирхийлэл хэзээ ч мөргөлдөөнд жинхэнэ шийдэл болж байгаагүй гэдгийг хангалттай нотолж өгсөн. Улс үндэстэн зөвхөн энх тайвны замаар л хөгжин дэвшдэг. Ираны хүүхдүүдэд аюулгүй, хамгаалагдсан, нигүүлсэнгүй, сайхан ирээдүйг хүсэн ерөөе. Та болон Канадын үзэсгэлэнт нутаг энэрэнгүй сэтгэлд чиглэсэн нийтлэг эрхэм зорилгын дор удирдуулан, нэгдэж, хамтдаа цэцэглэн хөгжих болтугай. Танд маш их Хайртай, БУРХАНЫ нигүүлслээр халуун, дотноор тэврэе.”