Сар шинийн баяраар Их Багштай хамт гал дээр веган хоол хийхүй

Сар шинийн мэнд хүргэе, хүүхдүүд ээ. […] Дээрээс нь тогоо, хайруулын тавгаа заавал тэр дүрэлзсэн их галын дунд нь байрлуулах албагүй. […] Хар даа, ингэж хоол хийж болно. Модноос унасан хэдхэн жижигхэн мөчрөөр ямар ч хоол хийх боломжтой. […] Намайг бага байхад гэрийн гадаа ингэж хоол хийж байхад нь би хажууд нь суугаад, шүлсээ залгин, хоол болтол хүлээдэг байлаа. Тэгээд бэлэн болоход нь бид үүнийг битүүний оройноос эхлэн дараагийн гурваас дөрвөн өдөр үргэлжлүүлэн иддэг байсан. […] Их Багш хүүхэд байхдаа сар шинээр ямар хоолонд дуртай байсан тухай, хоол хийхдээ галыг хэрхэн хурдан асаах арга, модны цогийг гадаа дулаацахад яаж ашиглах зэрэг сонирхолтой зүйлийг мэдэхийг хүсвэл үргэлжлүүлэн үзээрэй…

Бидний Хамгаас Эрхэм Төгс Гэгээрсэн Их Багш Чин Хай (веган) завгүй ажлынхаа хажуугаар ач ивээлээ соёрхон цаг гаргаж дэлхийн өхөөрдөм хөөрхөн хүүхэд багачуудад Сар шинийн хайр дүүрэн мэндчилгээ илгээлээ. Их Багш тэднийг гадаа гал дээр хоол хийхдээ аюулгүй байдлаа хэрхэн хангахыг бас эелдгээр сануулсан юм.

Энэ бичлэгийг Сар шинийн өмнө гэнэт санаанд ороод бичиж байна. Үгүй бол Сар шинийн үеэр амжих эсэхийг хэн мэдэх билээ. Хар даа, гал асаахад заавал их хэмжээний том мод, тийм ч их мод хэрэггүй. Гэхдээ эхэлж гал ноцоох ямар нэгэн зүйл хэрэгтэй. Би гал асаагч, эсвэл хуучин сонин, цаасан хайрцаг гэх мэт зүйлсийг хэлж байна л даа. Мөн гал түлэхэд том талбай ч шаардлагагүй. Хар даа, гал ингэж асчихсан үед нэг талд нь тогоогоо, харин нөгөө талд нь данхаа, эсвэл өөр нэг сав тавьж болно. Тэгээд хоолоо хийх боломжтой. Буцлах нь маш хурдан. Би зүгээр л жишээ болгож жаахан ногоо, улаан лооль хийлээ. Гэхдээ ямар ч хоол хийж болно. Тэгээд их мод шаардлагагүй. Энэ л гол нь. Уучлаарай, миний амьдардаг газар сүүлийн хэдэн өдөр бороо, цас орж байна. Тиймээс жаахан утаатай байна. Гэхдээ модыг ингэж байрлуулсан тул гал сайн асаж байна.

Энэ нүх бол миний та нарт олон удаа ярьж байсан V хэлбэрийн нүх. Тэр үед надад V хэлбэрийн нүх ухах багаж байгаагүй л дээ. Тиймээс танай ах, эгч нар том гал, айхавтар том гал асаасан байсан. Ингэж галлаад хоол хийхэд илүү амар. Тогоо, хайруулын тавгийг тань хэт халааж, түлэхгүй. Бас тогоо, хайруулын тавгаа заавал тэр дүрэлзсэн их галын дунд нь байрлуулах албагүй. Учир нь энэ V хэлбэртэй нүх маш жижиг. Хар даа, данхны ёроолоос ч жижиг, энэ тогооноос ч жижиг. Ойролцоогоор 10 инч (25.4 сантиметр), эсвэл 10 инчээс арай илүү, арай бага байж магадгүй. Хэрэв хүсвэл арай том хийж болно. Гэхдээ энэ хангалттай даа. Хар даа, ингэж хоол хийж болно. Модноос унасан хэдхэн жижигхэн мөчрөөр ямар ч хоол хийх боломжтой. Хуурай. Хатчихсан мод. Би эдгээрийг хучсан. Тиймээс ядаж л нойтон биш, ердөө жаахан чийгтэй байна. Моднууд V хэлбэрийн ёроол руу доош налсан байдлаар байрласан тул асах боломжтой. Энэ байрлал нь модыг маш амархан ноцоодог. Газарт хавтгайгаар нь тавьснаас хамаагүй амархан. Ийм байдлаар хоол хийхэд маш аюулгүй, гал энд тэнд үсчиж тархахгүй.

Хэрэв хэдэн мод байвал тойруулж зоогоод галынхаа эргэн тойронд зузаан даавуу брезент татчихна. Ингэвэл салхи нэвтрэхгүй, галыг хааш нь хамаагүй хийсгэхгүй, голомт дотор нь л бариад байна. Ямар бага мод орж байгааг харав уу? Бас маш хурдан ноцож, хоолыг хурдан болгодог. Учир нь гал жижигхэн зайд, хашигдмал байхдаа ил задгай газар байснаас илүү илчтэй. Ердөө хэдхэн жижиг мөчир шатаж байгаа хэр нь доороо овоо их галтай байгааг тод харж болно. Газарт нүх ухах юмтай байгаа маань яамай даа. Би бас галын оч, цог салхинд туугдаж, хаа хамаагүй үсчихээс сэргийлэн гялгар цаасаар бага зэрэг тойруулж хаасан. Ингэхээр аюулгүй, маш аюулгүй болж байгаа юм. Галаа илүү сайн таглахын тулд илүү том тогоо тавьсан ч гал ассаар л байх болно. Тэгээд энд удаан тухлан сууж болно.

Ау Лак (Вьетнам)-т Тэт (Сар шинийн баяр)-ээс өмнө хөдөөгийн вьетнам (аулак)-чууд газарт том V хэлбэртэй нүх ухаад дээр нь том тогоо тавьж, шөнөжингөө, тасралтгүй мод түлж хийдэг байсан. Хүүхдүүд бид харин дулаацахаар тойрон сууж, томчуудын үлгэр ярьж өгөхийг сонсох дуртай байлаа. Одоо миний ярих гэж буй үлгэрт зөвхөн эцэг эхдээ зориулан хийдэг хоёр төрлийн онцгой идээний тухай гардаг.

Их сайхан үлгэр, бань чын болон бань заин тухай домог байгаа юм. Ау Лак (Вьетнам)-т бань чын, бань заи гэдэг маш онцгой, хоёр төрлийн идээ байдаг. Учир нь эдгээр нь үр хүүхдээс эцэг эхдээ барих гүн их талархлыг илэрхийлдэг. Бань чын дөрвөлжин хэлбэртэй. Том тогоонд чанаж болгодог гэж би түрүүн хэлсэн. Нөгөөх нь бань заи юм. Үүнийг гадилын навч дэвсэж жигнэдэг ба цагаан өнгөтэй, хагас бөмбөрцөг хэлбэртэй. Энэ нь эх хүнийг бэлгэддэг. Харин ногоон навчинд ороосон дөрвөлжин бань чын нь дэлхийг буюу газар дэлхий дээрх ургамал ногоог төлөөлдөг. Энэ нь Ау Лак (Вьетнам)-т эцэг хүний бэлгэдэл болдог. Харин цагаан өнгөтэй, хагас дугуй хэлбэртэй идээ нь ээжийн бэлгэдэл юм. Энэ нь аав, ээж хоёрын ач тус хязгааргүй их, үр хүүхдээ хайрлаж, өсгөсөн тэрхүү нөхцөл болзолгүй хайр нь амьдралд хэрэгтэй бүх зүйлээр биднийг тэтгэдэг дэлхий шиг агуу гэсэн утгатай. Мөн бань заи нь эхийн хайрыг тэнгэр шиг агуу уудам гэдгийг бэлгэддэг юм. Галилейгаас өмнө дэлхий даяар хүмүүс газар дэлхийг хавтгай, тэнгэрийг хагас бөмбөрцөг гэж ойлгон, дэлхийг дээрээс нь бүрхэн орших хагас бөмбөрцөг хэлбэрийн хоосон орон зайг тэнгэр гэдэгт л зөвхөн итгэдэг байв. Тиймээс эцэг эх гэдэг дэлхийн бүх үр хүүхдийн хувьд хамгийн агуу хүмүүс бөгөөд тэдний хайр, бидний төлөөх золиосыг хэзээ ч хэмжиж баршгүй.

Энэ нь уг үлгэрээс үүдэлтэй. Энэ бол маш эрт дээр үе, Ау Лак (Вьетнам) улс дөнгөж үүсэж байх үеийн үлгэр л дээ. Улс орон нь одоогийнхоос жижиг байлаа. Хятадын хилтэй залгаа, хойд зүгт байсан юм. Нэгэн удаа Хун гүрний зургаадугаар хаан, Цог жавхлант Хун Хюи Вуон хаан болохоосоо өмнө Лон Тиень Лан нэртэй байхдаа үр хүүхдүүдээ сорихоор шийджээ. Тэрээр хэн нь илүү ухамсартай, хэн нь илүү гэгээрсэн, мөн хэнийх нь сэтгэлд эцэг эхээ дээдлэх ачлал илүү байгааг, ядаж л түүнийгээ яаж илэрхийлэхийг нь харахыг хүсэж гэнэ. Тэрээр 18 хүүтэй байв. Эрт дээр үед зарим хаан олон эхнэртэй байжээ. Энэ нь хааны гэр бүл болон хаант улс ойр орчмын бусад овог аймаг, улс орнуудтай ураг барилдаж, эсвэл найрамдалт харилцаа тогтоох замаар хүч нөлөөгөө тэлдэг уламжлал байж л дээ. Ийм нэгдэл болон найрамдлыг дэмжин дэлгэрүүлж, харилцан бие биедээ тусалснаар улс орон, овог аймгууд улам хүчирхэгжиж, тэднийг дээрэлхэх гэсэн, эсвэл эх орныг нь эзлэн түрэмгийлэхийг оролдсон ямар ч дайснуудын эсрэг хамтдаа сөрөн зогсох зорилготой байж. Учир нь гэрлэлт гэдэг өөр нэг гэр бүл нэмэгдэнэ гэсэн үг. Олон гэр бүл нэгдсэнээр хүч чадал нь ч нэмэгддэг. Эрт дээр үед тийм л байж. Гэр бүл, ураг төрөл, овог аймгаас тань өөр найдвартай хамгаалалт гэж үгүй байснаас үүдэн тогтсон уламжлал байв. Хаан тэдэнд хайртай эсэх, тэд хаанд таалагддаг эсэх нь тийм ч чухал биш байсан. Хамгийн гол нь улс орон бөгөөд хүчин чадал, нөлөө бүхий олон гэр бүл нэгдэх замаар улс орноо хүчирхэг, аюулгүй байлгах ёстой байв. Тэгснээр бэрхшээл тулгарч, шаардлага гарахад хүчээ нэгтгэн, ард түмнээ хамгаалж чадна.

Тийм учраас Хун Хюи Вуон 18 хүүхэдтэй байжээ. Ингээд Хаан тэднээс ертөнцийн хамгийн дээд зүйлийг олж авчирч өргөхийг хүссэн байна. Хамгийн шилдэг идээний дээжийг авчирсан нь Хүн Хюи Вуон хааны залгамжлагч болж, удаах хаан ширээнд суух байлаа. Тэдний дотроос 17 ханхүү нь далай тэнгис, уул нуруу, гол мөрөн, нуур цөөрөм, алс холын тосгон суурин, эсвэл нууцлаг бөглүү газар гээд хаа сайгүй явж, урьд өмнө хэний ч үзээгүй хамгийн шилдэг бөгөөд үнэ цэнтэй ховор нандин бүхнийг эрж хайж гэнэ. Харин хамгийн отгон буюу XVIII хүү Тиэт Лиэугийн (хаан болохоос өмнөх нэр нь Лан Лиэу байсан) зүүдэнд нэгэн Сахиус ирээд түүнд тусалжээ. Тэрхүү Сахиус хаан болон хатны сэтгэлд бүрнээ нийцэх тийм нэгэн идээг хэрхэн хийхийг зааж өгч гэнэ. Мөн Тиет Лиэуд түүнийг эцгийнхээ дараа хаан ширээнд залрах болно гэдгийг айлдсан байна.

Тэрээр Тиет Лиэу буюу Лан Лиэуд хандан зүүдэнд нь “Цагаан будаа... будаа бол Бурхнаас хүмүүс та нарыг амиа тэжээж, мөн тамир тэнхээтэй болоход зориулж хайрласан маш үнэтэй нандин зүйл юм. Будаа бол туйлын нандин зүйл.” гэжээ. Ау Лак (Вьетнам) болон Азийн бусад орнуудад хоёр төрлийн цагаан будаа бий. Нэг нь наалдамхай будаа, нөгөөх нь бидний өдөр бүр иддэг ердийн цагаан будаа. Учир нь наалдамхай будаа нь маш зунгааралдсан, бас үнэхээр анхилуун үнэртэй. Ердийн цагаан будаа ч гэсэн мэдээж олон төрөл байдаг. Тэдгээрийн нэгийг нь сайжруулж гаргаж авсан нь жишээлбэл тансаг амттай мэлрэг будаа юм. Хэрэв хэн нэгэн гадаа агаарт, задгай газар, эсвэл дотор цонхоо нээгээд чанаж байвал үнэр нь хэдэн зуун метрийн алсаас ч анхилан үнэртдэг. Ингээд Сахиус Лан Лиэуд хэлэв: “Цагаан будаа бол маш үнэтэй, Бурхнаас хайрласан бэлэг юм. Одоо чи энэ тэнгэрлэг эдийг ашиглан онцгой нэгэн хоол хийгээрэй. Тэгвэл эцэг эх чинь маш их баярлаж, чи улс орныхоо дараагийн хаанаар сонгогдох болно.”

Ингээд Тэр түүнд хэрхэн хийхийг заав. Тэрээр түүнд гадил жимсний навч болон наалдамхай будаа авчир гэж хэлж гэнэ. Наалдамхай будааг эхлээд дэвтээж хонуулаад, дараа нь усыг нь шавхан, гадилын навчинд ороон “бань чын” гэж нэрлэдэг дөрвөлжин боов болгоно. Бид үүнийг голдуу Цагаан сарын үеэр иддэг ч орчин үед хүмүүс хэзээ ч хамаагүй зардаг болсон. Цагаан сарын үеэр ердөө л илүүтэй идэж, илүү дээдэлдэг. Харин бань заиг будааны гурилаар дугуй хэлбэртэй хийдэг бөгөөд бань чын шиг бүхэл будаа биш юм. Мөн бань чыныг том тогоонд маш олон цаг чанадаг. Хэр том байгаагаас хамаарна. Энэ нь миний өмнө нь хэлсэнчлэн маш их цаг авдаг. Харин бань заиг жигнэнэ. Наалдуулахгүйн тулд жигнүүр дээр гадилын навч дэвсэж жигнэдэг. Тэгээд үүнийг магадгүй 40 минутаас нэг цаг орчим жигнэнэ. Хэр том хийснээс л хамаарна.

Ау Лак (Вьетнам)-т хүмүүс үүнийг Тэт Сар шинийн баяраар, Цагаан сараар иддэг. Тэд тэнгэр мэт том, газар мэт уудам эцэг эхийнхээ хайр, хэмжээлшгүй буяныг эргэн санаж, улмаар үр хүүхдүүд нь эцэг эхдээ ачлалтай байхыг сануулах гэж ийн иддэг. Тиймээс Цагаан Сарын шинийн нэгэнд тэд аав ээж дээрээ зочлон очдог. Хэрэв тэд хол амьдардаг бол ирж золгох ёстой болно. Цагаан Сарын шинийн нэгэнд тэд эцэг эхтэйгээ уулзан золгохыг хүсдэг. Хэрэв аав ээжтэйгээ хамт амьдардаг бол бэлэг авчран өгч, очоод тэдэнд мөргөж хүндэтгэл үзүүлдэг. Дараа нь өвөг дээдсийнхээ тахилын ширээнд мөргөдөг. Тэгээд насанд хүрсэн бөгөөд мөнгөтэй бол аав ээждээ бас мөнгө өгч, бас их үнэ цэнтэй бэлэг сэлт өгнө. Магадгүй бань чын, бань заи оруулсан бэлэг өгч, аав ээждээ хайр талархлаа илэрхийлдэг.

Энэ бол их сайхан үлгэр, домгуудын нэг. Ау Лак (Вьетнам)-т Цагаан сарын үеэр гал дээр бань чын, бань тэт хийх үеэрээ тойрч суугаад энэ үлгэрийг сонсох боломжтой. Одоо та нар мэдлээ. Бидний эцэг эх ямар чухал болохыг, бид тэдэнд үргэлж хамгаас хүндлэлтэй, талархалтай хандаж, ойр ойрхон зочлон очиж, хэрэгтэй зүйлээр нь туслан, олсон мөнгөө тэдэнтэй хуваалцаж, эцэг эхээ эрүүл саруул, аз жаргалтай байлган, хэрэгтэй бүхнээр нь хангаж, Бурхан буцаагаад Гэр рүү нь дуудах хүртэл эрүүл амьдрахад хэрэгтэй бүхнээр нь хангах ёстойг энэ үлгэр та бүхэнд сануулсан гэж найдъя.

Мэдээж ийм хоёр төрлийн бялуунд, бас бань тэтэд ч идээний дотор хийх шанз гэж бий. Үүнд бас бэлгэдэл бий. Мэдээж будааны бялуутай хамт их гоё амттай. Доторх зүйлс нь будааны бялууг бүр ч гоё, амттай болгодог. Дөрвөлжин бань чыныг зүсэж хуваая гэвэл зүгээр л хутга ашигладаг. Эсвэл хатуухан утас ашиглаад хуваасан ч болно. Хуучны зан заншилд бань тэтийг утсаар, хөвөн даавуун утсаар хуваадаг байсан. Гэхдээ бидний юм оёход ашигладаг утаснаас илүү бат бэх утсаар хуваана. Бань тэтийг тийм утсаар зүсдэг. Зарим нь бүр бань чыныг зүсэхэд ч ашигладаг. Орчин үед тэд зүгээр л хутгаар зүсээд, гэрийнхэнтэйгээ хуваадаг болсон байх. Мэдээж эхлээд аав ээждээ өгөөрэй. Бүх зүйлийг ширээн дээрээ, хоолоо ширээн дээрээ тавиад эхлээд аав ээждээ өгнө. Тэгээд дараа нь Сар шинийн өдрүүдэд бүгд хамтдаа аав ээжтэйгээ иддэг. Магадгүй нэг өдөр, магадгүй гурав, дөрөв, таван өдөр, магадгүй нэг долоо хоног, магадгүй хоёр долоо хоног. Аав ээждээ зориулах хэр хугацаа байгаагаас хамаарна. Мөн мэдээж энэ үеэр ач зээ нар нь өвөө эмээгийндээ зочлохоор ирдэг. Хэрэв тэд ойрхон амьдардаг бол мэдээж илүү ойр ойрхон зочилно. Үгүй бол хүүхдүүд нь хэчнээн хол байсан ч, хэдэн настай байлаа ч ирэхийг хичээдэг.

Ау Лак (Вьетнам)-ын Тэт баяраар буюу Ау Лак (Вьетнам)-ын Цагаан сараар аав ээж дээрээ зочлохоор очдог. Мөн өөд болсон өвөг дээдсийнхээ дурсгалын өдөр ч юм уу, эсвэл өөд болсон аав ээж, өөд болсон эмээ өвөөгөө дурсах гэх мэт онцгой өдрүүдэд хүмүүс цуглараад тэднийгээ дурсан санаж, талархлаа илэрхийлэн, тахилын ширээнийхээ өмнө бөхийж, хоол хүнс, жимс гээд төрөл бүрийн зүйл өргөл болгон барьдаг. Үүнийхээ дараа тэд өргөл болгон барьсан хоолоо иддэг. Мэдээж Цагаан сарын үеэр тэд мөн Бүхнийг Чадагч Бурханд, Бурханы Хүү Эзэн Есүст болон өвөг дээдэстээ өргөл өргөдөг. Маш их хоол хүнс, олон төрлийн жимс байх ч миний мэдэх өмнөд хэсэгт онцгой жимс өргөдөг. Миний мэдэх зарим өмнөд хэсэгт тэгдэг. Хойд зүгт ийм адилхан уламжлал байдаг эсэхийг мэдэхгүй. Хүмүүс гурван төрлийн маш онцгой жимс өргөдөг. Мэдээж өөр төрлийн жимс байдаг ч өргөлийн ширээн дээр наргил, папайя, манго гэсэн гурван төрлийн жимс тавьдаг.

Учир нь Ау Лак (Вьетнам)-т, ялангуяа өмнөд хэсэгт наргилыг “дуа” гэж уншдаг. Ау Лак (Вьетнам)-ын өмнө зүгийн аялгаар “дуа” гэдэг. Харин папайя жимсийг Ау Лакт (Вьетнамд) “дү”, “дү дү” гэдэг. Мангог аулак (вьетнам)-аар “соаи” гэдэг. Гэхдээ энэ нь “саи” гэдэг үгтэй төстэй, “зарцуулах” гэсэн утгатай. “Дү дү” нь “хангалттай” гэсэн үг. Харин наргилыг аулак (вьетнам)-аар “дуа” гэдэг нь “яг болно”, “яг хангалттай” гэсэн утгатай. Тэд Бурханаас, эсвэл өвөг дээдсээсээ, эсвэл аль алинаас нь тэднийг эд хөрөнгө, амьдралд нь хэрэгтэй бүхнээр адислахыг хүсэж буй гэсэн үг юм. “Дуа” нь “яг хангалттай” гэсэн утгатай. Харин “ду” гэдэг нь хангалттай, “саи” гэдэг нь зарцуулах гэсэн утгатай. Тэдэнд хэрэгтэй бүхэн нь байна гэсэн үг. Хангалттай мөнгө, хангалттай санхүү, эдийн засгийн хувьд хангалттай, хангалттай эд хөрөнгөтэй байж сайхан амьдарна. Зарцуулахад хангалттай байх гэсэн утгатай.

Энэ надад их хөөрхөн санагддаг. Ийм бодолтой тэр хүмүүс их ариухан сэтгэлтэй гэж бодогддог. Эдгээр үгс өөрөө Тэнгэр бурхдын адислалтай, мөн дээд төрөлдөө очсон, гэгээрч гэтэлчихсэн өвөг дээдсийнх нь адислалтай. Тэд дээд ертөнцөөс үр хүүхдээ харж, юу залбирч байгааг нь сонсож байх боломжтой. Тэгээд тэднийг ивээж магадгүй. Болохгүй юм юу байх вэ дээ? Ядаж л тэр үедээ та нар Бурханыг санаж, эцэг эхээ дурсана. Дотроо ийм эерэг бодол тээвэл биелэх боломжтой. Би баталж чадахгүй л дээ, энэ бол манай уламжлал төдий. Хэрэв итгэж байвал та нар туршаад

үзэж болно. Тэгэхээр Аулак (Вьетнам)-ын Цагаан сарын уламжлалд ийм онцгой зарим зүйл үйлдэж, итгэж ирсэн. Та бүхэнд энэ үлгэр таалагдсан гэж найдъя. Мөн хаана ч байсан та бүхэнд Сар шинийн мэнд хүргэе. Хаана ч байсан та бүхэн амар амгалан байж, та бүхнийг Бурхан ивээх болтугай. Өвөг дээдэс тань та бүхнийг адисалж, энх тунх байлган, хамгаалж, аюулгүй байлган, амьдралд тань хэрэгтэй бүхнээр хангах болтугай. Амен.

Энэхүү тогоог веган уураг, халуун ногооны шанзтай наалдамхай будааг гадил жимсний модны навчинд ороож хийсэн бань чын (наалдамхай будааны дөрвөлжин боов), бань тэт (наалдамхай будааны цилиндр хэлбэртэй боов)-ээр дүүргэнэ. Тэд үүнийг дөрвөлжин, урт хэлбэртэйгээр дөрвөн буланг нь яг таг, сайтар битүүлэн, маш сайхнаар тун нямбай ороодог. Тэгээд үүнийг Сар шинийн баяраар, Цагаан сараар иддэг. Сар шинийн эхний гурван өдөр маш чухал. Хамгийн наад зах нь Сар шинийн эхний гурван өдөр үүнийг иддэг. Мэдээж амттай, даршилсан ногоо, өөр бусад олон тансаг веган хоолтой хамт иднэ. Намайг бага байхад гэрийн гадаа ингэж хоол хийж байхад нь би хажууд нь суугаад, шүлсээ залгин, хоол болтол хүлээдэг байлаа. Тэгээд бэлэн болоход нь бид үүнийг битүүний оройноос эхлэн дараагийн гурваас дөрвөн өдөр үргэлжлүүлэн иддэг байсан. Хэрвээ илүүдээд үлдвэл үүнийг нимгэн зүсмэлүүд болгон хувааж болно. За, иймэрхүү хэмжээтэй, маш нарийн, тэгээд шарна. Мөн энэ нь маш шаржигнасан, анхилуун үнэртэй.

Манай гэрийнхэн ингэдэг байсан. Ээж маань ингэж бэлтгээд хүүхдүүд бидэндээ ихийг өгдөг байлаа. Бас наалдамхай будааны царцмаг байна. Өө, ямар амттай гээч! Хар, эсвэл улаан шош болон бусад олон төрлийн амттай жигнэмэг, амттай саримсны сүмстэй ороомог. Сүмс нь саримс болон бага зэрэг перец, халуун чинжүү, шар буурцгийн цуутай. Салатны навч, шанцайны ургамал, үсүү, базилик, өргөст хэмх болон даршилсан ногоо, лууван, цагаан лууван, даршилсан үндэс зэргийг ороосон тэр ороомгуудаа түүнд дүрж иднэ. Өө, амттай шүү! Намайг ярихаар шүлсээ гоожуулах хэрэггүй. Би дөнгөж сая идээгүй сэн бол миний шүлс ч гоожих байлаа шүү. За, тун их тааламжтай, жаргалтай, аз хийморьтой, амар амгалан, веган, шинэ, Сар шинийн мэнд хүргэе. Хурай! Хайртай шүү, хайртай шүү, хайртай шүү! Бурхан бид бүгдийг ивээх болтугай. Амен.

Үнэндээ би та нарт нэг юм хэлэхээ мартчихаж. Зуух гэж нэрлэж байгаа энэ зүйлийг бид ухаж гаргасан. Нэлээд урт. Ямар нэгэн зүйл чанаж, мөн агшаасан будааны савыг данх тавьдаг шиг хажууд нь тавиад, хэдэн минут тутамд эргүүлж болно. Ингэж будааг цахилгаангүйгээр жигд агшаах боломжтой. Төгс байх болно. Ингэж хийсэн бүх хоолонд утааны амт шингэж, илүү амттай болдог. Эмээ маань надад утааны амттай хоол өгдөг байсан. Тэр нь насан туршид мартагддаггүй. Тэгээд л тийм хоол хиймээр санагдана шүү дээ.

Гэхдээ хүүхдүүд ээ, ялангуяа хүүхдүүд ээ, ой руу ганцаараа битгий яваарай. Аюултай байж магадгүй. Хэрэв зугаалгаар явбал аюулгүйн үүднээс заавал томчуудтай хамт яваарай. Мөн гал унтраагч авч яван, үргэлж насанд хүрэгчдийн ойролцоо байгаарай. Тэгвэл ямар нэг юм тохиолдоход тэд тусалж чадна. Хэрэв гэр бүл, эсвэл найз нөхөдтэйгөө ойд зугаалбал надад төрж байгаа шиг ийм сайхан мэдрэмж таашаал авахыг хүсье. Би ийм зүйл хийх бүрдээ маш их жаргалтай, бас бие даасан, бие даасан гэдгээ мэдэрдэг ч яг л багадаа ээж, аав, эмээтэйгээ ингээд байж байсан тэр үе шигээ эргээд хүүхэд болсон юм шиг санагддаг. Энэ бол миний бага насны хамгийн сайхан дурсамж. Гэр бүлийн хайр, баяр баясгалан, амар амгаланг мэдэрч, галын дөл бүжиглэж байгааг хайр дүүрэн орчинд харах. Та нарт ч бас адилхныг, эсвэл бүр илүү сайхныг хүсье, хүүхдүүд ээ.

Хүүхдүүд ээ, Сар шинийн мэнд хүргэе. Хэрэв хятад, аулак (вьетнам) гэх мэт ази хүн бол сайхан, зузаан улаан дугтуйтай болж, Сар шинээр, эсвэл Сар шинийн дараа дуртай зүйлдээ зарцуулж болно гэж найдаж байна. Сар шинийн баяраар аав ээж, эмээ өвөө нь, эсвэл ахмад хамаатан садан нь үр хүүхдүүддээ улаан дугтуй өгдөг. Улаан дугтуйн дотор тэдэнд зарцуулах жаахан мөнгө хийсэн байдаг. Сар шинэд зориулсан зүйл. Мөн тэд шинэ хувцас, магадгүй шинэ тоглоом ч юм уу насанд нь таарсан шинэ юм өгдөг. Магадгүй шинэ унадаг дугуй, эсвэл бүр шинэ мотоцикл өгнө. Тэгэхээр Цагаан сар бол хүүхдүүдийн хувьд үнэхээр жаргалтай мөч. Цагаан сарын үеэр олон хүүхдийн хувьд онцгой сайхан байхыг мэдэж байгаа учраас би бас баяртай байна. Сайхан шинэлээрэй! Гэгээрэл, эрүүл мэнд, аз жаргалынхаа төлөө Бурханд үргэлж залбираарай. Дэлхий ертөнцийн амар амгалан, хөгжил цэцэглэлт, аз жаргал, хамгийн чухал нь сүнснүүдийн чөлөөлөлтийн төлөө залбираарай. Та-да! Хайртай шүү. Бурхан та нарт хайртай, хүүхдүүд ээ. Би та нарыг ямагт хайрладаг.

Харж байна уу, тэнд хэдхэн цогшсон мод үлджээ. Гал нь бөхөөгүй дулаанаа маш сайн барьж байна. Энэ хавьд ингээд байж байхад илч нь үнэхээр дулаахан байна. Гол нь таатай дулаахан байгаад баймаар байвал мод нэмнэ. Мөн шатаж буй цогоо авч яваад хаана ч суусан майхныхаа өмнө ингээд үргэлжлүүлэн дулаацаж болно. Эсвэл булах хэрэгтэй. Өмнө нь ухаж гаргасан шороогоо ашиглан булбал галын цог үүгээр түүгээр үсчих боломжгүй болно. Боломж байхгүй. Ямар ч боломж гарахгүй, тийм юм болохгүй. Би одоо үүнийг шороогоор, хөрсөөр булъя. Өмнө нь овоолсон байсан тэр шороогоороо энэ жижиг V хэлбэрийн нүхийг бүхэлд нь булаад дээр нь хуурай навч тавина. Ингэхээр юу ч болоогүй юм шиг харагдана. Харав уу? Утаа ч гарахгүй. Навч хаа сайгүй бий. Ойд үргэлж навч байдаг. Тэдгээрийг ашиглаж болно. Навчийг модны мөчир доор тавьж, гал асаахдаа ашиглаж болно. Хэрэв навч хуурай бол маш их хурдан авалцдаг. Тэгээд бүх жижиг мөчир хэдхэн секундийн дотор дүрэлзэж, шууд хоолоо хийж болно. Нэлээд хөгжилтэй шүү. Одоо би дөнгөж түрүүхэн хэрэглэсэн зүйлсээ хурааж цэгцлээд, дотогш орж данхтай халуун уснаасаа аяга цай найруулж ууна даа. За, сайхан амраарай.

Би эдгээрийг энд түр зуур тавьсан. Дараа нь амьдардаг байр руугаа оруулна. Энэ тавиурыг харж байна уу? Миний нөгөө ярьж байсан зүйл. Үүний тал шиг нь байж болно. Ийм хэмжээтэй байх албагүй. Үүнийгээ шатдаггүй материалаар бүрхэж, дээр нь миний түрүүн дурдсан хоол хийж байсан газраас авсан асаж буй цогоо тавина. Түүнийгээ доор нь тавивал ор, сууж буй хэсгийг бүхэлд нь дулаацуулна. Би хэдэн дэр ардаа, эсвэл хажуу талдаа тавиад буйдан шиг зүйл, түр зуурын буйдан болгож болно. Тэгээд унтахаасаа өмнө, эсвэл хүссэн үедээ тэнд суугаад бясалгал хийх нь маш тухтай байх болно. Галын цог байхад үүнийг хэзээ ч хийж болно. Хэрэв тавиур хэтэрхий зайтай, хоорондоо хэтэрхий их зайтай байвал бага зэрэг нимгэн мод нэмж болно шүү. Гэхдээ модны хооронд үргэлж ямар нэгэн зайтай байх ёстой. Дулааныг дээш гаргахын тулд модны хооронд зай гаргах хэрэгтэй. Тэгээд авсан цогоо иймэрхүү шавар саванд, эсвэл жижиг саванд, эсвэл төмөр саванд хийнэ. Түлэгдэхгүй байхад анхаараарай. Хэрэв гараараа авах бол түлэгдэхээс сэргийлж шарах шүүгээний бээлий, эсвэл жийргэвч ашиглаарай.

Хамгийн чухал нь аль хэдийн цогшсон, шатаагүй мод огт үлдээгүйг нь авах хэрэгтэй. Үгүй бол өрөөн дотор, майхны талбайд илүү утаатай байх болно. Би үүнийг унтдаг майхандаа, эсвэл унтдаг урцандаа тавихгүй. Яагаад гэхээр санамсаргүй өшиглөж онгойлгоод бие дээрээ, эсвэл орон дээрээ унагаж осолдож мэднэ. Үүнийгээ бясалгал хийхээр суудаг газартаа, модон тавцангийн доор тавь.

Гал хэдийгээр тустай ч маш болгоомжтой харьцаарай. Гал маш их тустай, ашиглахад амар боловч асар болгоомжтой хандах хэрэгтэй шүү. Том хүнтэй хамт л хийх хэрэгтэй. Насанд хүрсэн томчууд ч байгальд, эсвэл майхны дотор галтай харьцах талаар илүү их туршлагатай байх ёстой. Ойлгосон уу? Болгоомжтой байгаарай, хүүхдүүд ээ. Хайртай шүү.

Хамгаас Хайрт Их Багш минь, Сар шинийн ийм нэгэн бэлгэтэй сайхан тохиолын үеэр Таныхаа дуу хоолойг дахин сонсож байгаадаа бид маш их баяртай байна. Хүүхдүүдийг хайрлах Хайр Тань хязгааргүй, мөн үнэхээр сэтгэл хөдөлгөм юм. Бид Тантай нэгдэн, инээд хөөр, гэнэн цайлган зангаараа дэлхийг маань баясгадаг бүх хүүхдэд хамгийн гэгээлэг веган сар шинийн мэнд хүргэе. Хамгаас Хүчирхэг Гурвалын хязгааргүй Нигүүлсэл манай гараг дээр өнө мөнхөд оршин, Их Багшийг маань Бүхнийг Чадагч ямагт хамгаалан, лагшин тунгалаг, энх тунх байх байдлыг нь хангах болтугай.

Веган Сар шинийн баярын мэнд хүргэе. Баяр хөөр, инээд баясалтайгаар дуу дуулцгаая. Бид бүгд хамтдаа найзууд. Энд байх агшин бүрээ нандигнаж байна. Гайхамшигт мөчүүд хормын төдийд өнгөрнө. Цаг хугацаа нисэх мэт өнгөрнө. А-яа яа яа яа яа. Агшин хормыг бүү алдаарай! Их Багш аа, Таны гайхамшигт бэлгүүд болон хайраар дүүрэн халамж анхааралд Тань баярлалаа! Бид Тандаа хайртай! Веган Сар шинийн баярын мэнд хүргэе!

Хамгаас Хайрт Их Багшдаа, Морин жилийн энэ Сар шинэ Их Багшид болон дэлхий ертөнцөд хамгийн амар амгалан, адис ерөөлтэй Сар шинэ байхыг хүсэн ерөөе! Их Багшийн уйгагүй хөдөлмөр үр жимсээ өгсөөр байж, даян дэлхий хамаг төрөлтний дунд энх тайвныг цогцлоох болтугай. Таны Хайраас илүү агуу Хайр гэж үгүй тул бид өдөр бүр Тандаа талархаж явдаг билээ. Таны “хүлгүүд” болсон бид эцсийг хүртэл Тантай хамт давхина. Веган Сар шинийн баярын мэнд хүргэе! Баярлалаа, Их Багш аа.

Төгс Гэгээрсэн Их Багш Чин Хай болон Суприм Мастер Телевизийн хамт олон (бүгд веган)-оос Веган Сар шинийн баярын мэнд хүргэж байна!