Дэлхий даяарх эцэг эх, хүүхдүүдээ өөрсдийн хүсэл сонирхол, хэрэгцээнээс дээгүүр тавьж сурдаг. Бид эцэг эхдээ, бидэнд өгсөн хайр халамжийг нь буцаан өгөх боломж бүрийг эдлэх ёстой!

Иранаас Киан-ы перс хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Эрхэм хүндэт Их Багшдаа, хүндэт Суприм Мастер Телевизийн хамт олондоо мэндчилж байна. Би эцэг эхдээ үйлчилж, тусалсан туршлагаасаа хуваалцмаар байна. Энэ бүх жилийн турш би эцэг эхчүүд хүүхдүүдийнхээ төлөө хэр их золиос гаргадаг талаар ямар ч бодит ойлголтгүйгээр амьдарсан бөгөөд аав, ээжийнхээ чин сэтгэл, амин хувиа хичээдэггүй байдлыг нь огт мэддэггүй байлаа. Саяхан ч гэсэн би эхны боломж гармагц л өөрийгөө тусгаарлаж, хувийн зорилгоо биелүүлэх хэрэгтэй гэж бодож байсан. Танаас надад ирсэн ухаарлын ачаар өнгөрсөн болон одоо үеийн — эцэг эхийн минь золиослол — нүдний минь өмнө тодорч гарч ирсэн бөгөөд би тэдэнд илүү их тусалж, хэрэгтэй үед нь үргэлж бэлэн байхаар шийдсэн.

Хэсэг хугацааны дараа би эцэст нь өдөр бүр бусдын төлөө энгийн мэт санагдах ажлуудыг хариуд нь ямар ч шагнал, магтаал хүлээлгүйгээр хийх нь огт амар биш гэдгийг ойлгосон. Энэ нь асар их хайр агаад хувиа үл хичээх сэтгэлийг шаарддаг. Мөн би бүхэл бүтэн амьдралаа хүүхдүүддээ зориулсан эцэг эхийнхээ энэ бүх жилийн турш үзүүлсэн золиосол, үнэнч байдлын хэмжээ, түвшнийг бага зэрэг ойлголоо. Мөн дахин Таны Ивээлийн ачаар миний эго улам багасаж, би бас өөрийгөө хайр дүүрэн, хувиа хичээдэггүй хүн гэж төсөөлж байсан бол тэр нь ердөө л хоосон хуурмаг төөрөгдөл, байсныг ойлгосон юм.

Эцэг эхийн ийм золиослол нь жинхэнэ Их Багшийн золиосны жижиг тусгал бөгөөд Тэрээр шавь нар (хүүхдүүд)-дээ авшиг хүртээснээр, үйлийн үрийг нь авч, бусдын анзаардаггүй — үлэмж их зовлонг туулдаг. Таны бидэнд заасанчлан, бусдын анхаарлыг татах, магтуулан, бишрүүлэхийн тулд биш, харин туслах гэсэн цэвэр, ариун санаагаар өөрийн эрх ашгаа хойш тавих нь — Бодисадвагийн чанар юм.

Бидний эцэг эх бол ийм амин хувиа үл хичээхийн жижиг жишээ юм. Үнэндээ, Таны Хайр бидэнд ээж, аавын дүрээр дамжин хүрдэг. Та Өөрөө хэлсэнчлэн: “Би бүх эхчүүдээр дамжуулан, Бүх хайрлагчдаар дамжуулан, Таны биширдэг бүх гоо үзэсгэлэнгээр дамжуулан таныг үүрд хайрлах болно...”

Эцэг эхийн хайрыг надад ухамсарлуулсан Танд баярлалаа. Одоо аав ээжтэйгээ харилцах зөв аргыг олсон гэж би найдаж байна. Таны ачаар би эдгээр Тэнгэрлэг Оршихуйнуудад боломжийн хамгийн зөв аргаар үйлчилж, тэдэнд өрөө төлж, өөрийгөө умартан бусдад туслахыг дадал болгоно. Танд аа, Суприм Мастер Телевизийн хамт олонд, бүх үнэнч, амин хувиа үл хичээгч эцэг, эхэд хамгийн сайн сайхныг ерөөе. Киан, Иранаас

Эцэг, эхдээ элбэрэлтэй Киан, Таны тэмдэглэл бол би үзлээ даван, бид хэн бэ гэдэг бодит байдлыг харах нь хэчнээн хэцүү болохыг гайхалтайгаар сануулж байна. Дэлхий даяарх эцэг эх, хүүхдүүдээ өөрсдийн хүсэл сонирхол, хэрэгцээнээс дээгүүр тавьж сурдаг. Бид эцэг эхдээ, бидэнд өгсөн хайр халамжийг нь буцаан өгөх боломж бүрийг эдлэх ёстой! Та болон сүнслэг Иран улс Тэнгэрлэг баяр баясгалангаар хязгааргүй бялхаж байх болтугай. Суприм Мастер ТВ-ийн хамт олон

Жич. Их Багш танд гайхалтай хариу өгсөн байна: “Чин бишрэлт Киан, таны сэтгэлийн үгийг унших сайхан байлаа. Хүүхдүүд, эцэг эхийнхээ өдөр бүр гаргадаг золиосыг ойлгох нь маш хэцүү – бүр боломжгүй ч – байж магадгүй. Хайр дүүрэн эцэг эхчүүд хүүхдүүдээ үргэлж эн тэргүүнд тавьдаг– тэдний төлөө санаа зовж, халамжилж, бүх зүйлээр хангаж, боломжийнхоо хэрээр, чадах чинээгээрээ тэднийг дэлхийд удирдан чиглүүлдэг. Таны чин сэтгэлийн Арьяабалын бясалгал дадал, Бурханыг болон эцэг эхээ хайрлах хайр нь таныг илүү амин хувиа хичээдэггүй, эцэг эхдээ илүү уян зөөлөн сэтгэлээр хандахыг эрмэлзэж буй хайр дүүрэн хүн болгон хөгжин, төлөвшихөд тусалсан. Тэд таны төлөө хэр их зүйл хийснийг та одоо ойлгож байна. Баяр хүргэе! Танд болон таны ээж аавд Хайр халамж илгээе! Та болон Ираны эргэцүүлэн боддог ард түмэн Диваажингийн тэвэрт үүрд мөнх байгаагаа мэдрэх болтугай.”