Иймэрхүү ахуй ойлголт зөв замаар явж байгааг тань мэдүүлэхийн тулд юм.

Одоо бид Ау Лак буюу Вьетнамын Чан Фоны аулак (вьетнам) хэл дээр илгээсэн захидлыг олон хэлний хадмал орчуулгатай хүргэж байна:

Их Багшдаа хүндэтгэлтэйгээр мэндчилье. Би Ау Лак (Вьетнам)-ийн нэгэн авшигтан билээ. Дотоодын ахуй ойлголтоо хуваалцах гэсэн юм: Би 1994 оны 12-р сарын24-нд авшиг хүртсэн. Авшгийн ёслолоос нэг өдрийн өмнө би гэнэт халуурч эхэллээ. Хөнжилдөө ороогоод, уурын ваннд орохоор хүлээж байтал гэнэт биеэр минь цагаан гэрэл эргэлдэж байхыг харсан бөгөөд тэр даруй Их Багш бадамлянхуа сэнтий дээр залранн гарч ирэв. Би юу ч асууж амжаагүй байтал цагаан Гэрэл болон Их Багш алга болчихсон. Гэнэт надаас маш их хөлс асгарч, бүх бие минь норж, халуун буусан. Дараа өдөр нь би авшиг хүртэв.

Гурван өдрийн дараа, 1994 оны 12-р сарын 27-нд бясалгал хийж байхдаа цагаан хувцастай, алтан Гэрэл цацруулж буй Их Багшийг дахин харсан. Би бясалгагчийн хувьд шинэ хүн байсан тул Их Багшийг хэн бэ гэж асуув. Их Багш ийн хариулав: “Би бол Ау Лак (Вьетнам) дахь Амьд сэрүүн Их Багш. Миний тоолшгүй олон хувилгаан дүр Ау Лак (Вьетнам)-д болох Гайхамшигт, Тансаг цугларалтыг зохион байгуулахаар эргэн ирнэ.” гэсэн юм. Үүний дараа би Арьяабалын бясалгалаас сэрсэн. Энэхүү дотоод ахуй ойлголт нь өнөөг хүртэл сүнслэг бясалгалдаа тууштай байхад минь тусалсан.

Би энэ ахуй ойлголтыг зүрх сэтгэлдээ үргэлж нандигнан хадгалж, зөвхөн надад зориулсан онцгой бэлэг гэж бодож ирлээ. Өнөөдөр би үүнийг Тантай хүндэтгэлтэйеэ хуваалцаж байна. Их Багшдаа эрүүл энхийг, үзэсгэлэнт Дэлхий дээрх төрөлтнүүдийг аврах эрхэм зорилгоо бүрэн дүүрэн биелүүлэхийг чин сэтгэлээсээ хүсэн ерөөе. Чан Фон Ау Лак (Вьетнам)-аас

Амар амгалан Чан Фон, захидал илгээсэнд баярлалаа. Их Багш танд онцгой хариу илгээлээ:

"Үнэнч сэтгэлт Чан Фон, та олон жилийн өмнө авшиг хүртэж, Арьяабалын бясалгалынхаа эхэн үед дотоод ахуй ойлголт үзэж, тэр нь таны итгэлийг бататгасан явдал гайхалтай юм. Иймэрхүү ахуй ойлголт зөв замаар явж байгааг тань мэдүүлэхийн тулд юм. Гэртээ харих замдаа замын тэмдэг хардаг ч хэт их түүнд автахгүй байх нь чухал юм. Учир нь бид өнгөрсөндөө гацахгүй, мөч бүр замаа үргэлжлүүлэн туулах болно. Бясалгалаа сайн хийсээр байгаарай, тэгвэл илүү олон гайхамшиг өөрсдөө илрэн гарах болно. Та болон Ау Лак (Вьетнам)-ийн сэрж буй ард түмэн Бурханы Тэнгэрлэг Гэрлийг дотооддоо мэдрэх болтугай. Миний Хайр гэртээ харих замыг тань гэрэлтүүлэх бамбар юм. Үүрд хайртай шүү!