Энэхүү хуурмаг ертөнцөд туулсан урт, бэрх зам гэгээрсэн Их Багштай учирч, авшиг хүртэхэд төгсдөг.

Вьетнам буюу Ау Лак-аас Түет Лан-ы аулак (вьетнам) хэл дээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Хайрт Төгс Гэгээрсэн Их Багш Чин Хай Тандаа хүндэтгэлтэйгээр мэндчилье. Намайг Тань руу хөтөлсөн замд тохиосон туршлага, хувь ерөөлөө хуваалцахыг хүсэж байна. 1987 онд би дөрөв дэх хүүхдээ төрүүлсэн. Тэр үед би их хэмжээний цус алдаж, бие минь маш их сульдсан. Би долоон цагийн турш клиник үхэлд байсан. Эмч нар намайг эмнэлгийн цогцос хадгалах газар руу шилжүүлэх хэрэгтэй гэсэн ч, гэр бүлийнхэн маань ухаан орох эсэхийг харахаар жаахан хүлээхийг гуйсан.

Би чанга дэлбэрэх чимээ сонсоод, сүнс минь биеэсээ гарсан. Үзэсгэлэнтэй хүмүүс, хурц Гэрлээр дүүрэн газарт би очсон. Тэд жимс түүж, хамтдаа баяр хөөртэй тоглож байв. Доош харахад миний бие эмнэлгийн орон дээр хэвтэж, гэр бүлийнхэн маань тойрч зогсоод уйлж байлаа. Тэгээд тамын үүд рүү би унасан. Шийтгэл, эрүүдэн шүүлтийн туйлын харгис дүр зургийг би нүдээр үзсэн. Тэнд бүртгэлийн дэвтэр барьсан оршнолууд байв. Веган хооллолтыг баримталдаг хүмүүс ийм газар унахгүй гэж тэд хэлсэн.

Тэр мөчид би дөнгөж хүүхэд төрүүлсэн, бас амьд ахуйдаа буяны үйл хийж байсан тул дахин амьдрах боломж олгохыг тэднээс гуйсан. Хэрэв амьдралдаа эргэн ирэхийг зөвшөөрвөл, веган болно гэж би амласан.

Тэгэхэд миний өмнө нүд гялбам Гэрэл үзэгдсэн. Арьяабал Бодисадва мэт цагаан хувцас, толгойн цагаан өмсгөл, гивлүүртэй Эмэгтэйг би харахад, Тэр намайг дээшээ нис гэж гараараа далласан. Хожим Тантай уулзаж, Таны удирдлагаар бясалгасныхаа дараа тэр өдөр намайг аварсан Хүн нь Та байсныг би ойлгосон.

Миний хуруу үл ялиг хөдөлсөн. Гэр бүлийнхэн маань эмч нарыг дуудаж, би ухаан орж амьдралд эргэн ирсэн. Үүний дараа би веган хооллож, сүнслэг замыг эрэлхийлж эхэлсэн. Тэр үед нэг хүн Таны тухай худал мэдээлэл агуулсан сонины нийтлэл надад өгсөн. Тэр сониныг бариад Таны Нэрийг дөнгөж уншихад бүх хуудас гэнэт тод цагаан Гэрлээр дүүрч, би нэг ч үг уншиж чадахаа больсон. Би зөвхөн Таны Нэрийг л санаж байлаа. Би Таны сүнслэг бясалгалын аргыг үргэлжлүүлэн хайсан. Дараа нь би Танаас авшиг хүртсэн. Аажмаар хүүхдүүд маань ч веган болж, авшиг хүртсэн. Хожим би веган ресторан нээв.

Одоо би 70 гаруй настай ч маш эрүүл хэвээр байна. Хүүхдүүд маань амжилттай яваа бөгөөд би боломж тааруу хүмүүст эд материалын тусламж байнга үзүүлдэг. Намайг дахин амьдрах боломж олгосон Танд зүрхнийхээ гүнээс мөнхөд талархаж явдаг. Ингэснээр энэхүү хүний төрлийн амьдралдаа би Тантай учирч, сүнслэг бясалгал хийх боломжтой болсон. Танд мөнхийн эрүүл энхийг хүндэтгэлтэйгээр ерөөе. Дэлхий удахгүй веган болох болтугай. Хүн төрөлхтөн хурдан сэрж, тийнхүү энэ ертөнц Дэлхий дээрх Диваажин болох болтугай. Суприм Мастер Телевизийн хамт олонд эрүүл энх, ажил үйлсэд нь үргэлжийн амжилт хүсье. Шавь Түет Лан, Ау Лак (Вьетнам) улсаас

Азтай Түет Лан, Сэтгэлийн үгэнд тань баярлалаа. Их Багш энхрий хариу танд илгээв:

“Адислагдсан Түет Лан, таны даруу чин сэтгэлийг мэдэрч мөн түүхийг тань сонсоод сэтгэл минь ихэд хөдөллөө. Энэхүү хуурмаг ертөнцөд туулсан урт, бэрх зам гэгээрсэн Их Багштай учирч, авшиг хүртэхэд төгсдөг. БУРХАН руу буцах бидний цаг ирэхэд, Их Багшийн Хүч бүхнийг зохицуулна. Таныг сүнслэг замд хөтөлсөн нөхцөл байдал ер бусын байсан бөгөөд та тэр боломжийг бүрэн ашиглан өөрийгөө болон гэр бүлийнхнээ эергээр өөрчилсөн нь гайхамшигтай. Таны хүүхдүүд тань шиг ээжтэй байгаа нь үнэхээр азтай хэрэг. Гэр бүлээрээ бусдад БУРХАН руу хүрэх замаа олоход туслах гэрэлт цамхаг мэт туяарахын тулд хамтдаа сайн бясалгасаар байгаарай! Цаглашгүй Хүчирхэг Нэгдсэн Гурав-ын Ивээлээр та болон Ау Лак (Вьетнам)-ийн сэтгэл татам ард түмэн дотоодынхоо цог жавхлант БУРХАН Чанарыг ухааран сэрэх болтугай. Миний Хайр тантай болон таны хайртай, дотнын хүмүүстэй өнөө болон үүрд хамт!”