Суприм Мастер ТВ Максыг ашиглаж байхдаа сөрөг хүчнээс айх хэрэггүй. Учир нь энэ ТВ-ээс үүсэх эрчим хүч ямар ч сөрөг оршихуйгаас хавьгүй хүчтэй.

Одоо Малайзын Раффигийн малайз хэл дээр илгээсэн захидлыг олон хэлний хадмал орчуулгатай хүргэе:

Аймшигтай атлаа сэтгэл дүүргэсэн нэгэн явдлыг та бүхэнтэй хуваалцахыг хүсэж байна. Би сар бүрийн эмээ орон нутгийн эмнэлгээс авдаг байлаа. Дор хаяж хоёр цаг гаруй хүлээдэг тул андройд төхөөрөмж дээрээ Суприм Мастер ТВ Максыг асаагаад, эмчилгээний тасгуудаар тойрон явдаг байв. Би дотроо “Хүн ч бай, үгүй ч бай бусад бүх сүнс Их Багшийн сургаалыг сонсож, дагаасай” хэмээн чимээгүйхэн залбирдаг байлаа. Би бүр эргэн тойрондоо цэцэгтэй, загаснууд амьдардаг жижиг цөөрөмд ч очсон. Ямар нэгэн сүнс үнэхээр сонсох болов уу гэж эргэлзсэн ч зарим хүн үүнийг мэдэрч байгааг анзаарсан. Би нэлээд дуу цөөнтэй хүн ч тэд надтай зүгээр л яриа өрнүүлдэг байв. Нэгэн залуу гэр бүлийнхнийх нь эмчилгээ дууссаны дараа явахдаа надтай мэндлээд, бүр “баяртай” гэж хэлсэн. Нэг удаа нэг охин бүр хоол авах мөнгө надаас гуйсан.

Нэгэн удаа би чихний бөглөө зүүсэн байлаа. Тэгтэл ууртайгаар сунжруулан “ХӨӨЕ” гэх дуу гарав. Дуу гарсан зүг харсан ч тэнд хэн ч байсангүй. Тэр хэсэг өвчтөнөөр дүүрэн байлаа. Дараа нь хэсэг байж байгаад “хөөе”гэсэн маш чанга, ууртай дуу гурав, дөрвөн удаа сонсогдов. Надтай адил зарим хүн тэр зүг рүү харсан ч дуу гарсан газарт хэн ч байгаагүй. Тэгээд л тэр хашгираан над руу чиглэснийг ойлгосон. Намайг Суприм Мастер телевизийг нэвтрүүлж байгаад ямар нэг биет бус оршихуй дургүйцэж байв. Би тэр хэсгээс холдсон. Олон хүнтэй гол танхим руу очсон ч хашгираан намайг дагасаар байлаа. Над руу хэт ойртож зүрхэлсэнгүй. Дараа нь хэдэн удаа очиход заримдаа юу ч болоогүй, эсвэл өнөөх танил хашгираан дахин сонсогддог байв. Зарим хашгираан бүр чихэнд чичирхийлж мэдрэгдсэн. Их Багш намайг хамгаалсан гэдэгт би итгэлтэй байна. Эс бөгөөс би ямар нэгэн байдлаар хохирох байсан.

Нэг удаа Арьяабалын бясалгалын үеэр хүмүүс өнөөх эмнэлгийн үүд рүү яаран гүйж буйг агшин зуур харсан. Дүрэмт хувцастай сувилагчид хүртэл галт тэрэгний буудал дээр галт тэргэнд амжих гэж буй мэт тийшээ яарч байлаа. Өмнөх эргэлзээнд хариу болж, зарим сүнс аврагдсан гэж бодож байна. Тиймээс миний хийж буй зүйлд дургүйцсэн өнөөх оршихуй ууртайгаар хашгирсан хэрэг. Эрхэм үйлс бүтээх боломж олгосон Их Багшдаа талархъя. Мөн Суприм Мастер ТВ-ийн багт баярлалаа. Раффи, Малайзаас

Дэвшсэн Раффи, Суприм Мастер ТВ Максыг ашиглан сүнснүүдийг гэтэлгэх энэрэнгүй үйлс бүтээж байгааг тань сонсоод бид маш их баяртай байна. Суприм Мастер ТВ Максыг ашиглаж байхдаа сөрөг хүчнээс айх хэрэггүй. Учир нь энэ ТВ-ээс үүсэх эрчим хүч ямар ч сөрөг оршихуйгаас хавьгүй хүчтэй. Сайн үйлсээ үргэлжлүүлж, бусдыг Суприм Мастер ТВ Максыг ашиглахад уриалаарай. Ингэснээр бид дэлхийгээ цэвэршүүлж, Дэлхий нийтээрээ Веган болох өдрийг хурдасгаж чадна! БУРХАН-ы Таалал биелэх болтугай! Та болон Малайзын сайхан сэтгэлт ард түмэн Диваажингийн жаргалыг өдөр бүр мэдрэх болтугай. Суприм Мастер телевизийн баг