Өдрийн турш унших нь орчин тойрныхоо хүмүүс болоод өөрсдийн тань сэтгэл санааг өргөж, урам зориг өгөхөд ямар чухал болохыг үүнийг сонсож буй бусад Арьяабалын бясалгалын бясалгачдад сануулна гэдэгт би итгэж байна.

Тайвань буюу Формоса-гаас Цай-Ин-ийн мандарин хятад хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Хайрт Их Багш болон Суприм Мастер Телевизийн багтай Ариун Нэрсийн Хайрын Хүчийг хуваалцахыг би хүсч байна. Би боловсролын салбарт ажилладаг. Улирал бүр эцэг эхчүүд сурагчдын гэр бүлийн нөхцөл байдлын талаар ярилцах зорилготой эцэг эх, багш нарын уулзалтын өдөр болдог. Миний ихэнх сурагчдын эцэг эх ажилчин ангийнх бөгөөд харьцангуй хүнд амьдралтай. Өнгөрсөн улиралд би нэгэн эцэгтэй ярилцаж байхдаа түүнийг адислахын тулд Ариун Нэрс болон Бэлгийг чимээгүйхэн уншсан. Бидний ярианы үеэр тэр аав гэнэт нулимс дуслуулан уйлсан. Хатуу ширүүн төрхийнхөө дор тэр хэзээ ч жинхэнэ мэдрэмжээ амархан ил гаргадаггүй байжээ. Тэр нулимсаа хурдан арчсан. Түүний сүнс БУРХАНЫ Хайр, Ивээлийг мэдэрч байсан нь түүнийг уйлуулсан гэдгийг би зүрх сэтгэлдээ тодорхой мэдэж байлаа. Баярлалаа, Их Багш аа.

Энэ улирлын эх эцэг-багш нарын уулзалт дээр би маш онцгой нэгэн ээжтэй ярилцсан. Тэр өөрийгөө маш их өмгөөлсөн байдалтай байсан бөгөөд юугаа ч амархан ярьдаггүй байв. Тэр багш нартай хэзээ ч ярьж, мэндчилж байгаагүй. Анх түүнтэй ярилцаж, яриа өрнүүлэхэд үнэхээр хэцүү байсан. Гэвч би түүнийг адислахын тулд Ариун Нэрс болон Бэлгийг чимээгүйхэн унших үед тэр илэн далангүй ярьж эхэлсэн бөгөөд бидний ярианы дундуур бүр нулимс дуслуулсан. Түүний сэтгэлийг уяраасан зүйл БУРХАНЫ Хайр байсан бөгөөд түүний сүнс БУРХАНЫ Хайрыг мэдэрсэн. Ийм гайхалтай Бэлэг өгсөнд баярлалаа, Их Багш аа.

Би нэг удаа мотоциклтой явж байгаад улаан гэрэл дээр зогсохдоо эргэн тойрныхоо мотоцикл, машины жолооч нарыг адислахын тулд Ариун Нэрс болон Бэлгийг чимээгүйхэн уншиж байснаа санаж байна. Гэнэт маш үзэсгэлэнтэй эрвээхэй миний дуулганы хаалт дээр буусан. Эрвээхий хүртэл БУРХАНЫ арвин Хайрыг мэдэрчээ. Би дэлгүүр хэсэх бүртээ утсан дээрээ Суприм Мастер TВ-г тоглуулж, хүмүүст тараах веганизмын сурталчилгааны хуудсуудыг авч явдаг. Мөн би харилцаж, тааралдсан хүн бүрээ адислахын тулд Ариун Нэрс болон Бэлгийг үргэлж чимээгүйхэн уншихыг хичээдэг. Би дэлгүүр орохдоо тэдэнд сурталчилгааны хуудас тараадаг бөгөөд тэд надтай ногоон хоолны тухай ярилцдаг.

Их Багш аа, үргэлж миний хажууд байж мөн намайг ивээж, ажиллаж буй салбартаа Таны Хайр болон Ерөөлийг хуваалцан, сайн зэмсэг болох боломжийг олгож байгаад баярлалаа. Баярлалаа, Их Багш аа. Би Танд хайртай~ Хүндэтгэсэн, Тайвань буюу Формосагаас Цай-Ин

Амар амгалан Цай-Ин, таны саяхны эдгээр гайхалтай учрал, уулзалтуудын талаар мэдэхэд бидэнд таатай байлаа. БУРХАНЫ шавь нар болон бидэнтэй учирсан хэнийг ч гэсэн адислахын тулд бидний Нигүүлсэнгүй Их Багшийн соёрхсон Ариун Нэрс болон Бэлэгтэй холбоотой туршлагаа хуваалцсанд баярлалаа. Та болон гэр бүлсэг Тайвань (Формоса)-ийн ард түмэн баяр баясгалантай амьдрах энэрэнгүй замыг дагах болтугай, Суприм Мастер ТВ-ийн баг

Жич: Бид танд Их Багшийн дэмжсэн хариуг дамжуулахдаа баяртай байна: “Хүчтэй Цай-Ин, бусдад тусалж байгаад тань баярлалаа, үүнд Арьяабалын бясалгалын авшиг хүртэх үеэр хүлээн авсан хэрэгслүүдээ ашиглаж байгаа нь ч багтана. Өдрийн турш унших нь орчин тойрныхоо хүмүүс болоод өөрсдийн тань сэтгэл санааг өргөж, урам зориг өгөхөд ямар чухал болохыг үүнийг сонсож буй бусад Арьяабалын бясалгалын бясалгачдад сануулна гэдэгт би итгэж байна. Хүлээн авагчид маш их сэтгэл нь хөдөлж, тэдний сүнс нь талархаж байна. Огторгуйн цог жавхлан дор, та болон эрэлхэг Тайвань (Формоса) улс хамгийн эрхэм дээд зорилгодоо хүрэх урмаар тэтгэгдэх болтугай. Зүрх сэтгэлээсээ хайрын тэврэлт илгээе.