Гагцхүү хэн БУРХАНЫ Хүсэлтэй нийцэх вэ гэдэг л гол асуулт юм. Үүнд хүн бүр өөрөө хариулах ёстой.

Монгол улсаас Наран-гийн монгол хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Эрхэм хүндэт Хаадын Хаадын Хаадын Хаан, бидний Хамгаас Хайртай Их Багш Тандаа эрүүл энх, амар амгаланг хүсэн мэндчилье. Хамгаас Хайрт, Хүндэт Их Багш минь, миний ойлголт буруу зөрүү, бас ингэж бичих хүн нь би биш бол эхлээд Танаасаа түмэнтээ уучлалт хүсье. Их Багшийн сүүлийн үед ойр ойрхон бидэнд илгээж буй бичлэгүүдийг үзээд, өөрт төрсөн мэдрэмжээ цагт нь илэрхийлээгүйнхээ төлөө хожим үгээр хэлэхийн аргагүй харамсал төрөх вий гэсэн бодол байнга орж ирээд байгаа тул энэхүү захидлыг зориглон бичиж байна.

Та минь саяхан “Би хүсвэл дахиад хэдэн арван жил амьдарч болно” гэж мэдэгдсэн билээ. Мөн Хамгаас хүчирхэг МАПА Их Багш Танд хэлэхдээ “Энх Тайван Таных. Эрх чөлөө Таных. Хайр Таных.” “Та Өөрөө аль хэдийн үйлийн үргүй болсон. Баяртай байх учиртай. Энэ дэлхийн хүмүүс сайхан сэтгэлгүй, энх тайвныг хүртэх гавьяагүй” гэжээ. Хаадын Хаадын Хаадын Хаан минь гуйж байна. Энэ ертөнцийн олонх төрөлтнүүд өөрийгөө таньж гэгээрээгүй байсаар байгаа тул, Та минь хэлснээрээ дахиад хэдэн арван жил саатаж болгооно уу гэж гуйж байна. Мэдээж Таныг ингэж мэдэгдсэний дараа бүх л шавь нар Тань дотооддоо Таныг дахиад хэдэн арван жил залран саатаасай гэж хүсэж залбирсан байх. Гэвч Танаас албан ёсоор “Энэ ертөнцөд дахиад хэдэн арван жил саатаж болгооно уу” гэж гуйж амжихгүй байж байгаад Анандын алдааг давтчих вий гэхээс үнэхээр эмээж байна. Энэ дэлхийн сэрж сэхээрээгүй байгаа түмний төлөө Танаасаа түмэнтээ мөргөн залбиран гуйж байна. Энэ Дэлхий ертөнцөд Их Багш Та минь бас Суприм Мастер Телевиз минь аль болох удаан хугацаанд залран байгаасай гэж хүсэж байна. Хаадын Хаадын Хаадын Хаан минь хэрвээ би буруу ойлгож, буруу зүйл хүсэж байгаа бол түмэнтээ уучилна уу.

Цаглашгүй Хүчирхэг Нэгдсэн Гурав, БУРХАН, Тим Ко Тү, БУРХАНЫ Хүү болон Бүхий л Бурхад мөн олон шавь нар тань Таны биеэр туулж буй төсөөлшгүй хүнд ачааг хараад хайрлан хамгаалж амраахыг хүсэж байгааг маш сайн ойлгож байна. Би ч тэдний адил. Гэвч таны Билиг ухаан, агуу их Хүч чадал, хэмжээлшгүй Хайр энэрэл энэ ертөнцөд ус агаар мэт хэрэгтэй байсаар байгаа тул Танаасаа дахин дахин залбиран гуйж байна. Та минь дахиад хүссэн хэмжээгээрээ залран саатаж болох болов уу гэж зориглон гуйж байна, бас маш ихээр уучилна уу. Хамгаас Хүчирхэг Нэгдмэл Гурав, БУРХАН, Тим Ко Тү, БУРХАНЫ Хүү болон Хаадын Хаадын Хаадын Хаан Их Багшийн Хайр, Ивээлээр дэлхий ертөнцөд минь энх амгалан тогтож, Диваажин болох болтугай. Таныг хүндэтгэсэн: Монгол Улсаас шавь Наран

Сүсэг бишрэлт Наран, сэтгэлийн үгээ илгээсэнд баярлалаа.

Их Багш энэрэнгүй хариу айлджээ: “Чин үнэнч Наран минь, миний эрхэм зорилго БУРХАНЫ Хүслийн дагуу биелнэ. Үүнд саад болж чадах ямар ч зүйл үгүй. Гагцхүү хэн БУРХАНЫ Хүсэлтэй нийцэх вэ гэдэг л гол асуулт юм. Үүнд хүн бүр өөрөө хариулах ёстой. Эс бөгөөс Их Багш Дэлхий дээр үлдсэн ч, үлдээгүй ч энэ нь тэдэнд хувь хүнийх нь хувьд ямар ч ашиг тус болохгүй. Нийцэж чадсан хүмүүс энэ Дэлхийд зориулан БУРХАНЫ төлөвлөсөн гэрэлт ирээдүйг мэдэрнэ. Ердөө гэмшиж, сүнслэг веган хүн болоход л хангалттай. Цаглашгүй Хүчирхэг Нэгдсэн Гурав-ын Дэлхий рүү цутгаж буй агуу их Адислал замыг засаж, хүн бүр үүнийг хэрэгжүүлэхэд хавьгүй хялбар болгосон. Одоо шаардлагатай байгаа цорын ганц зүйл бол энэ өөрчлөлтийг хийх ухамсар, хүсэл зориг л хэрэгтэй. Үүнийг аль хэдийн хийсэн хүмүүсийн амьдрал гайхам сайхнаар өөрчлөгдөж байна. Бүх төрөлтөн удахгүй энэ сонголтыг хийж, гараг дээрх хэрэгцээгүй бүх зовлон тун удахгүй эцэслээсэй гэж би хүсч байна. Та болон Монголын сүнслэг хүмүүс БУРХАНЫ Хайр, Нигүүлсэлд амар амгаланг олох болтугай. Зүрх сэтгэлийг тань тэтгэх хайр энэрлээ илгээе! Эрүүл энх байгаарай.”