Арьяабалын бясалгал бол хэмжээлшгүй Адислал бөгөөд түүний гүн гүнзгий, эерэг өөрчлөлтийн үр нөлөөг зөвхөн бясалгагч төдийгүй, хайртай дотнын хайрлаж, эрхэмлэдэг хүмүүс нь ч бас хүртдэг.

Тайвань буюу Формоса-гаас Чэнь-Юй-гийн мандарин хятад хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Хамгаас Зоригтой, Хамгийн Амин хувиа үл хичээгч Их Багш болон Суприм Мастер Телевизийн хамт олонд, Зургаадугаар сарын 20-нд гарсан Аавуудын өдрийн нэвтрүүлгийг үзээд, аль хэдийн Диваажинд одсон аав минь санаанд орсон. Тэр их хатуу чанга, шаардлага өндөртэй аав байв. Намайг бага байхад тэр намайг байнга загнаж, зоддог байсан. Би түүнээс их айдаг байв. Тэр үед би бие муутай байсан. Гэсэн ч тийм хатуу чанга аав минь эмчид үзүүлэхийн тулд хоёроос гурван цаг үргэлжилдэг, автобус сольж, дамжин явах шаардлагатай замд намайг дагуулж явдаг байв. Түүний үг хааны зарлиг мэт байв. Тиймээс би Дөхөм Аргыг сурахаар Шихүгийн ашрамд нууцаар очоод, гэртээ харихдаа зодуулж үхэх байх гэж бодож байлаа. Би түүний уур хилэнг хүлээж авахад бэлэн байсан ч, тэр харин надад цэвэр ариун, гэмгүй инээмсэглэлээ үзүүлэн угтсан.

Би гэрээсээ тусдаа гарч, сүнслэг бясалгал хийж эхэлснийхээ дараа, Аав биднийг хамгаалахын тулд өөрийн сурсан аргаараа буюу загнаж, зодох замаар бүхэл бүтэн гэр бүлээ гаднын уруу таталтаас хамгаалж байсан гэдгийг ухаарч ойлгосон. Биднийг өсөж том болохын хэрээр дэлхий ертөнц өөрчлөгдөж, тэр ч бас өөрийн айдас, түгшүүрээ нуухын тулд улам ширүүн авирладаг болсон. Эцэст нь нэг өдөр, бид дахин нэг удаа зөрчилдсөн үед, БУРХАН гэнэт надад Аавынхаа хайр болон айдсыг мэдрэх боломжийг олгосон. Тэгээд хайрын хүчээр дүүрсэн би зориг гарган аавыгаа чанга тэвэрч, нулимс асгаруулан, “Би танд маш их хайртай. Та үүнийг мэдэх үү? Би танд үнэхээр, үнэхээр маш, маш их хайртай!” гэж уйлан хэлсэн. Аав бид хоёр хамтдаа сөхрөн суув. Тэр явдлаас хойш тэр над руу дахин хэзээ ч хашхираагүй. Хожим нь, олон жилийн турш өвдөж байсан аавыг минь БУРХАН бас эрт авч одсон. Аавыг дөнгөж өөд болоход авшиг хүртсэн нөхөр бид хоёр дэргэд нь маргааш өглөө болтол Арьяабалын бясалгал хийсэн. Аавын царай бүхэлдээ ягаавтар, өнгөлөг болсон байсан тул хүн бүр ихэд гайхсан. Тэр инээмсэглэсэн төрхтэй, маш баяр жаргалтай харагдаж байлаа. Бүх амьдралынхаа туршид зовж шаналсан аавыг Их Багш авч явж, бүхнийг орхиод инээмсэглэн явах боломж олгосныг би мэдэж байсан. БУРХАН-ы хайр халамжид би чин сэтгэлээсээ талархаж байна. Мөн аавын хайрыг мэдэрч, олж харах боломжийг надад олгосон Арьяабалын бясалгалыг хийх боломж өгсөн Их Багшдаа баярлалаа. Дэлхий удахгүй веган болж, мөн хүн бүр БУРХАНЫ Хайр бидний дэргэд байдаг гэдгийг олж мэдэх болтугай! Дэлхийн бүх аавууд өдөр бүр аз жаргалтай байгаасай! Тайвань (Формоса)-гаас Чэнь-Юй

Өөдрөг Чэнь-Юй, бид энэ хорвоод мэндлэхээсээ ч өмнө амьдралынхаа замыг нарийвчлан төлөвлөдөг. Магадгүй аав тань таныг гэгээрсэн Их Багш руу хөтлөхөд тодорхой үүрэг гүйцэтгэх хувь тавилантай байсан байх. Арьяабалын бясалгал бол хэмжээлшгүй Адислал бөгөөд түүний гүн гүнзгий, эерэг өөрчлөлтийн үр нөлөөг зөвхөн бясалгагч төдийгүй, хайртай дотнын хайрлаж, эрхэмлэдэг хүмүүс нь ч бас хүртдэг. Тэнгэрлэг билиг ухаан тань дээр болон энэрэнгүй Тайвань (Формоса)-ийн ард түмэн дээр гэрэлтэх болтугай. Суприм Мастер Телевизийн хамт олон

Жич: Их Багш танд хайраар ийн хариуллаа: “Уяхан Чэнь-Юй, ачлалтай охин байсанд тань баярлалаа. Заримдаа БУРХАН-д итгэх бидний итгэлийг бэхжүүлэхийн тулд биднийг санаанд оромгүй байдлаар сорьдог. Хэрэв бид үнэнч сүсэг бишрэлтэйгээр, зориг тэвчээртэйгээр даван туулбал, эцсийн үр дүн нь үргэлж маш их үр өгөөжтэй, сэтгэл ханамж өгдөг. Аав тань хорвоог орхихоосоо өмнө та хоёр бие биетэйгээ эвлэрч, сэтгэлээ амраасан бөгөөд та хоёрын хооронд байдаг сайхан харилцаа, ямар ч нөхцөл болзолгүй хайрын гүн гүнзгий чанарыг ухаарч ойлгосныг мэдэх нь баяр баясгалан төрүүлж байна. Таны дотор болон Тайвань (Формоса)-гийн нутагт тарьсан сайхан сэтгэл, энэрлийн үр бүр ирээдүй хойч үеийнхэнд итгэл найдварын ой болон дэлгэрэх болтугай. БУРХАН таныг мөнхөд хайрладгийг баттай мэдэж, итгэж яваарай.”