* Хамгаас хайрт Төгс Гэгээрсэн Их Багш Чин Хай үргэлж хязгааргүй их хайрлаж дэмждэг ба Өөрийн эрхэм бясалгалын даяаны цагаасаа авч Суприм Мастер Телевизийн ажилтнуудтай 2020 оны 3 сарын 30-ы өдөр ярилцахаар гарч ирсэн билээ. Их Багш эрхэм зэрэгцэн оршигч амьтадтай туулсан туршлагуудын тухай болон бусад асуултуудад талархан хариулсан юм.
Өнгөрсөн шөнө хүртэл би босоод хоёр жижиг аалз дотогш ороод ирсэн байсныг харсан. Учир нь том аалз орж ирж чадахгүй. Би зарим нүхнүүдийг хаасан учраас том аалз багтахааргүй болсон гэж бодож байна. Тэгээд тэд жижиг аалзнуудаа явуулжээ. Хоёр нь ороод ирсэн байна. Би тэдэнд: “Хөөе, та нар энд юу хийж байгаа юм? Ямар нэгэн мэдээ эсвэл өөр зүйл болоо юу?” гэж асуулаа. Тэд “Үгүй ээ. Бид зүгээр Танд торон хамгаалалт нэхэхийг хүсэж байна” гэв. Бурхан минь! Зүрх минь уярч би “Үгүй ээ, надад зориулж юу ч хийх хэрэггүй. Гуйж байна. Та нар маш жижигхэн учраас өөрсдийгөө л хамгаалаарай” гэв. Гэхдээ тэд хийсэн юм.
Үнэндээ энэ тусалж магадгүй. Та нар зарим хүмүүс, Энэтхэг уламжлал эсвэл бусад эртний үндэстэн хүмүүс тор маягийн сүлжээс хийдэг байсан. Тэд үүнийгээ зүүд тогтоогч гэдэг байж. (Тиймээ, Багшаа) Тиймээ. Тэгэхээр тэд аалзнаас суралцсан байж болох юм. (Өө, хөөх.)
Би анх Шинэ Газарт (Ашрамд) ирэхэд тэд надад зориулсан газартай байсан. Тэнд арав гаруй жил хэн ч амьдраагүй учраас өмнө нь тэнд тэдгээр сөрөг сүнснүүд амьдарч байсан юм. Тэгээд биднийг тэд газар нутгийг нь эзэлсэн гэж бодсон учир төвөг тарьдаг байв. Тиймээс шувууд ирсэн. Тийм олон шувуудыг нэг дор байхыг би хэзээ ч харж байгаагүй. Тэд их чанга сайхан дуулсан юм. Тэд надад нэг нууц зүйл хийж байгаа гэж хэлсэн юм. Би та бүхэнд хэлж чадахгүй нь. Гэхдээ тэд нууцаар намайг чөтгөрүүдээс хамгаалах жор гаргаж байсан юм. Бас хэрэм ирээд надад сайн сайхныг хүсэж байгаагаа хэллээ. Тэд надад эрх чөлөө, аз жаргал, аюулгүй байдал, энх тайвныг хүссэн юм. Мөн сармагчнууд ирэхэд би тэднээс асуулаа: “Яагаад та нар ийм эелдэг байна вэ? Намайг харах бүрд та нар ‘сайныг ерөөх юм” гэхэд, тэд надад “Учир нь та бол Хүндтэй Нэгэн” гэж билээ. Би тэдэнд “Хэн тэгж хэлсэн юм?” гэхэд тэд “Бид мэднэ” гэж байв.
(Багшаа эдгээр худалдагдсан сүнснүүд гэж хэн юм бэ?)
Тэдгээр нь чөтгөрт сүнсээ худалдсан сүнснүүд юм. Зарим нэг тохиолдлоор тэгжээ. Албадуулан ийм зүйл хийсэн. Зан ааш муутай хүмүүсийг заримдаа эдгээр худалдагдсан сүнснүүд ашиглаж тэднийг илүү хүндрүүлж, тэмцүүлж, бүр эсвэл алахад хүргэдэг ба тэндээс үр ашиг хүртдэг юм. Учир нь тэр сүнс хэдийнээ тэр замаар явж байгаа учраас буцаж эргэж чадахгүй. Тийм учраас тэд чөтгөрийн хараатууд болдог байна. Тэгээд урт удаан хугацааны дараа тэд гарч чадахгүй болдог. Гарахыг хүссэн ч тэд айдаг.
Хэдэн хоногийн өмнө аалзнууд над дээр ирээд ингэж хэлсэн юм. “Аз жаргалтай байгаарай”. Би дэлхийн нөхцөл байдал болон өвчтэй хүмүүсийн тухай бодож гунигтай байсан юм. Тэгтэл тэд над дээр ирээд “Битгий гуниглаарай. Аз жаргалтай бай. Эрх чөлөөтэй бай. Аюулгүй бай. Худалдагдсан сүнснүүд там руу буцсан” гэв. “93%” (Хөөх) Тэгээд би “Тусалсанд баярлалаа. Бурханд баярлалаа.” (Танд баярлалаа. Багшаа) Энэ Пүрэв гарагт, 3 сарын 26 байсан. Дэлхий дээр бид нийтдээ 11 121 341 худалдагдсан сүнстэй байна. (Хөөх! Хөөх!) Энэ 3 сарын 11-ний Лхагва гараг байсан. (Хөөх) Одоог хүртэл 151 326 нь нүглээ наманчилж 4-р түвшинд хүрсэн. (Хөөх!) Би одоог хүртэл дахиж шалгаагүй. Үлдсэн нь там руу эзэнтэйгээ хамт татагдаж, эзнээ, маяаг харах гэж унасан. Түр зуурдаа 4-р түвшинд байгаа нь цэвэрлэгдэж, ариусах ба дараа нь Шинэ (Сүнслэг) Газар луу хэсэг хугацааны дараа очих болно. (Хөөх! Танд баярлалаа. Багшаа)
(Энэ хямралын цаг үед (COVID-19) хүмүүс гэр орондоо хөл хорионд байна. Багшаа хүмүүст зориулж хэлэх үг бий юу? )
Өө, засгийн газрынхаа зааварласнаар гэртээ байх нь дээр шүү. (За, Багшаа.) Бас би та бүхэнд гадагшаа гарах хэрэгтэй бол өөрийгөө хамгаалах талаар юу хийх ёстой талаар хэлсэн байгаа. (Тиймээ, Багшаа. Танд их баярлаа. Багшаа)
♣ Төгс Гэгээрсэн Их Багш Чин Хайн ирүүлсэн ерөнхий эрүүл ахуйн тэмдэглэлүүд ♣
КОВИД 19 тахал өвчний улмаас эдгээр тэмдэглэл нь илүү дэлгэрэнгүй мэдээлэлтэй. Анх энэ бүгд бидэнд зориулагдсан байсан ч, Их Багш эдгээрийг олон нийттэй хуваалцахыг хүссэн юм.
- Гадагш гарахдаа Малгай/маск/ бээлий өмсөж нүдний шил зүү; гагнуурчдын өмсдөг шиг нүүрний халхавч байгаа бол зүү, эсвэл мотоциклчид өмсдөг дуулгаар хамгаалаарай. Хүзүүнээс тань дээш загатнавал бүү хүр, (жижигхэн цэвэр модоор маажиж болно эсвэл тийм зүйлээр маажаарай.) Олон нийтийн газарт гарах эсвэл дэлгүүр явах гэх мэтийн дараа толгойноосоо хөл хүртлээ усанд орж, хувцсаа халуун усаар угаагаарай...
- Бээлийгээ ариутгаж, хувцсаа цагаан цуу /эмнэлгийн спирт/ цацаж ариутгасныхаа дараа машиндаа дахин ороорой.
-Гараа ойр ойрхон угаа. “Гараа угаана уу” гэсэн тэмдэглэл тавьж хүн бүрд сануулаарай.
- 100%-н цагаан цуу эсвэл спирт ашиглан гаднын хүмүүсийн хүрсэн гадаргууг арчаарай.
- Аяга тавгийг Хэт ягаан туяаны машин ашиглаж ариутгаарай, эсвэл халуун усаар сүүлд нь зайлаарай.
- Саван, оо, угаалгын нунтаг гэх мэт зүйлсийг болон цэвэрлэгээний шингэн зүйлсийг зохих ёсоор ашиглаарай. Бүлээн ус дангаараа хангалтгүй.
- Гаднаас ирсэн бүх хүнсний бүтээгдэхүүн/савлагааг 100% цагаан цуу/эмнэлгийн спирт/ халдваргүйжүүлэгчээр арчаарай. Савлагаа, сав баглаа зэргийг хаяарай, эсвэл дахин ашиглахаар бол арчаарай. Дэлгүүр авч явдаг уутаа дахин ашиглахаасаа өмнө, аль болох удаан наранд байлгаарай.
- Гаднаас шинэ зүйлс худалдан авахдаа, эхлээд (бээлий өмсөн) 100%-н цагаан цуугаар арчиж, дараа нь халуун усаар арчаарай. Дараа нь бээлийгээ хаяарай. Тэгээд “гэртээ хэрэглэдэг” бээлийгээ өмсөж болно.
- Гадаа, дэлгүүр явахдаа бусдаас зай бариарай; багадаа 1-2 метрийн зай бариарай.
- Бие тань өвдсөн үед эсвэл/мөн тахал гарсан үед гэртээ Бясалга, нийтийн бясалгалд бүү яв.
- Халдварт өвчин өргөн тархсан үед: Түүхий хоол идэхээс зайлсхий, ядаж л жишээ нь, улаан лооль/ салат навч зэргийг идэхээсээ өмнө буцалсан усанд зайлаарай.
- Ердийн үед: Жимс ногоо угаадаг байгалийн гаралтай зүйлээр ногоогоо угаах юм уу, эсвэл давстай усанд багадаа 5 минут байлгаад дараа нь гоожуурын усанд угаагаад, эцэст нь шүүсэн усаар зайлаарай.
- Нэг удаагийн бээлийг хэт олон дахин бүү ашигла; бохирдсон үед нь хаяарай. Бохир биш бол, дахин ашиглахаасаа өмнө халуун усанд савангаар угаагаарай.
- Гадагш гарахдаа маск зүүх ёстой, сайн маск, зузаан маск зүүх ёстой шүү. Гэртээ эргэж ирээд, маскаа хаяараарай; дахин ашиглах ёстой бол халуун ус, угаалгын нунтгаар угаагаарай.
- Гадагш гарахдаа бээлий өмсөх хэрэгтэй - нүүрэндээ бүү хүрээрэй - Байгаа бол найтаалгах /ханиалгахад/ салфетка ашигла, эсвэл тохойнхоо дотор хэсгийг, алгаа ашиглаж БОЛОХГҮЙ.
- Эргэж ирэхдээ, өөрийнхөө хаалга, олон нийтийн хаалга, гал тогоо гэх мэтэд хүрэхээсээ өмнө гараа угаа / эсвэл өрөөний гадна гараа ариутгаарай. Гадаа угаалтуур байгаа хэсэгт саван тавиарай.
- Гадагш гарахдаа цэвэр цагаан цууны цацлага биедээ авч яваарай, гар ариутгагч авч мөн машиндаа тавиарай, халаасандаа нэмэлтээр бээлий авч яваарай. Гадна юмст хүрэхэд ашигласан бохир бээлийгээ хаяарай.
- Хэрвээ гадаа явж байгаад бусад хүмүүс өөрт тань хүрсэн гэж үзвэл өөрийгөө/ хувцсаа спирт / ариутгагч / цэвэр цагаан цуу + салфеткаар арчаарай.
- Машины үрүүлээ арчиж цэвэрлэж, үрүүл болон бусад зүйлстээ хүрэхээсээ өмнө гадаа ашигласан бээлийгээ тайлаарай. (Гадна юмст хүрэхдээ бээлий өмссөн учраас үрүүл гэх мэтдээ хүрэхээсээ өмнө хаяарай, эсвэл ядаж эхлээд ариутгаарай.)
- Гэртээ эргэж ирээд толгойноосоо хөл хүртлээ усанд орж, хувцсаа тайлж, шинэ хувцас өмсөөрэй.
- Хувцсаа угааж, наранд хатаагаарай, ЗӨВХӨН хатаагчид бүү найдаарай. Учир нь Нар нянг устгадаг. Эсвэл хувцсаа цэвэр агаарт тавьж хатаагаарай.
- Өдөрт 1 эсвэл хэд хэдэн удаа цэвэр агаарт / наранд гараарай. Дасгал хөдөлгөөн хийж болно, (гар дээрээ суниаж болно, аэробик / дээсэнд үсэрч болно, тоног төхөөрөмж хэрэггүй бөгөөд илүү хурдан.) Өдөрт нэг удаа
- Дасгал хийх болон цэвэр агаарт гарах зорилгоор гаднах орчноо цэвэрлэхээр яваарай.
- Гадна өмссөн гутлаа өрөөний гадна байлгаж, наранд тавиарай, дотогш бүү оруул. Гэртээ тавчиг өмссөн дээр, гутлаа хувцас мэт ойр ойрхон угаа.
* Энэ бол бүрэн гүйцэт зааварчилгаа биш юм, та бүхэн өөрсдийн нөхцөл байдлын дагуу зохицуулж, шаардлагатай бол эмнэлгийн тусламж аваарай.
Энэ бол физик зүйл учраас бид физик байдлаар ашиглах ёстой. Тийм, хөөрхий хүмүүс! Тэд одоо их айсан байна. Гэхдээ энэ бол сануулгын зөвхөн нэг нь юм. Гэвч хүмүүс сонсож анхаарахгүй юм. Засгийн газрууд болон шашны удирдагч нар илүү хүчтэй, удирдах үүрэгтэй байх ёстой гэж бодож байна. Илүү томоохон далайцтай арга хэмжээ авах ёстой. (Яг тийм, Багшаа) Хүмүүст анхдагч хайрынхаа чанар луугаа буц гэж хэлээрэй. Дахиж бүү мах ид. Гэм зэмгүй, сул дорой нэгнээ үй олноор бүү ал. Тэднийг ингэж бүү тамлаж зовоо.
ТҮҮНЧЛЭН ЗАГАСНЫ МАХ ИДСЭНЭЭС ҮҮДЭН ҮХЭЛД ХҮРГЭХ / ЭДГЭРШГҮЙ ӨВЧНҮҮД БИЙ. Хорхой Гепатит А вирус Норовирус Вибро бактер Сальмонелл Е коли Листериоз Хясааны хордлого Мөнгөн усны хордлого Харшлын урвал гэх мэт. Энэ бүх өвчин ЗАГАС, хясаа болон далайн бусад амьтад ИДСЭНИЙ УЛМААС ХҮНД ДАМЖДАГ.
*Бидний хайрт Их Багш маань модод болон амьтдын дүрээр ирж өөрсдийгөө хүн төрөлхтний төлөө сайн дураар золиосолж байдаг буянт төрөлтнүүдийн тухай ярьж байсан.
Саяхан олон ойн түймэр болж олон тэрбум амьтад үхсэн. Тэд үүнийг сайн дураар хийсэн юм. (Өө, хөөх.) Өөрсдийгөө хүмүүсийн төлөө золиосолсон. Бидэнд сэрэх илүү цаг хугацаа өгөх гэж золиосолсон. Би тэднээс гуйсаар байсан юм. Гэвч тэднийг ингэж золиосолно гэж бодоогүй. Хүмүүсээс өшөө бүү аваарай гэж гуйсан гэх гэсэн юм. Хүмүүс төөрөлдсөн учраас тэднийг хамгаалаарай. Тэд бүх төрлийн муу дадлууд болон чөтгөрийн нөлөөгөөр хордсон байна. Тийм учраас би Байгалиас гуйж, аядуу зөөлөн байж, хүмүүсийг хамгаалаарай гуйсан. Гэвч тэднийг хэдэн тэрбумаараа өөрсдийгөө золиосолж хүмүүсийг хамгаална гэж бодоогүй. Модод амьтад ийм зүйл хийсэн. Ингээгүй бол бүр олон хүмүүс үхэх байсан юм. Тэгээд хүмүүс үхэж сүйрэхийн оронд амьтад, моднууд болон уулнууд мөн бусад төрөлтнүүд өөрсдийгөө золиосолсон байна.
Хэрэв тэд золиосолбол, мэдээж тустай, харин хэрэв бид тэднийг хүчээр үхүүлж, золиослон хөнөөвөл өөр байх болно, сайн байхгүй. Тэр нь бидэнд зүгээр л илүү их, илүү хүнд үйлийн үр үүсгэнэ.
* Хүн төрөлхтөн бидний төлөө тоолшгүй олон эрхэм төрөлтнүүд өөрсдийн амь биеэ сайн дураар зольсонд бид гүнээ гашуудаж, энэ гунигт үнэн түүхийн талаар бидэнд илчилсэнд Хайрт Их Багшдаа талархаж байна. Бидний дэлхий тун удахгүй энэ гаргийг бидэнтэй хүндэтгэлтэйгээр хуваалцан орших, гайхамшигт төрөлтнүүдийг ухааран ойлгож сэрэх болтугай. Хамгийн чухал нь бид зэрэгцэн оршигчидтойгоо хамт Багшийнхаа эрх чөлөө, аз жаргал, аюулгүй байдал,амар амгалангийн төлөө Бурхны хайранд залбиръя.
Төгс Гэгээрсэн Их Багш Чин Хайтай хийсэн бүрэн видео конференцийг Багш Шавийн Шүтэлцээ нэвтрүүлгээр дараагийн хэдэн өдрүүдэд хүлээн авч үзээрэй.
