ਸੱਚੀਆਂ ਕਹਾਣੀਆਂ ਦੀ ਬਹੁ-ਭਾਗ ਲੜੀ, ਭਾਗ 2 - ਸਮੁੰਦਰ ਵਿੱਚ ਗੁਆਚ ਗਿਆ ਅਤੇ ਬ੍ਰਹਮ ਦੀ ਸੁਰੱਖਿਆ ਵਿੱਚ ਮਿਲਿਆ

ਸਾਡੇ ਸਭ ਤੋਂ ਸ਼ਕਤੀਸ਼ਾਲੀ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨਾ ਸਿਰਫ਼ ਆਤਮਾ ਵਿੱਚ ਆਪਣੇ ਪੈਰੋਕਾਰਾਂ ਦੀ ਰੱਖਿਆ ਕਰਦੇ ਰਹੇ ਹਨ ਜੋ ਉਸ ਸਮੇਂ ਸ਼ਰਨਾਰਥੀ ਸਨ, ਸਗੋਂ ਉਹ ਆਪਣੀ ਜਵਾਨੀ ਵਿੱਚ "ਕਿਸ਼ਤੀ ਲੋਕਾਂ" ਦੇ ਸੰਕਟ ਦੀ ਸ਼ੁਰੂਆਤ ਤੋਂ ਹੀ ਉਨ੍ਹਾਂ ਦੀ ਮਦਦ ਕਰਨ ਲਈ ਸਰੀਰਕ ਤੌਰ 'ਤੇ ਵੀ ਕੰਮ ਕਰਦੇ ਰਹੇ ਹਨ।

ਪਿਛਲੇ ਹਫ਼ਤੇ ਅਸੀਂ ਸ਼੍ਰੀਮਤੀ ਨਗੁਏਨ ਦੀ ਸ਼ਾਨਦਾਰ ਕਹਾਣੀ ਬਾਰੇ ਜਾਣ‌ਿਆ ਜਿਸਨੂੰ ਇੱਕ ਸ਼ਰਨਾਰਥੀ ਵਜੋਂ ਆਪਣੀ ਔਖੀ ਸਮੁੰਦਰੀ ਯਾਤਰਾ ਦੌਰਾਨ ਇੱਕ ਪਵਿੱਤਰ ਹਸਤੀ ਦੁਆਰਾ ਸੁਰੱਖਿਆ ਲਈ ਮਾਰਗਦਰਸ਼ਨ ਕੀਤਾ ਗਿਆ ਸੀ। ਉਸਨੂੰ ਅਖੀਰ ਵਿੱਚ ਆਜ਼ਾਦੀ ਮਿਲ ਗਈ ਅਤੇ ਸੰਯੁਕਤ ਰਾਜ ਅਮਰੀਕਾ ਵਿੱਚ ਇੱਕ ਨਵਾਂ ਘਰ ਮਿਲ ਗਿਆ। ਸਾਲਾਂ ਬਾਅਦ, ਉਸਨੇ ਪਛਾਣ ਲਿਆ ਕਿ ਇਹ ਪਵਿੱਤਰ ਹਸਤੀ ਕੋਈ ਹੋਰ ਨਹੀਂ ਬਲਕਿ ਸਾਡੇ ਸਭ ਤੋਂ ਪਿਆਰੇ ਪਰਮ ਸਤਿਗੁਰੂ ਚਿੰਗ ਹਾਈ ਜੀ (ਵੀਗਨ) ਸਨ।

ਸ਼੍ਰੀਮਤੀ ਨਗੁਏਨ ਇਕੱਲੀ ਅਜਿਹੀ ਨਹੀਂ ਸੀ ਜਿਸਨੂੰ ਸਤਿਗੁਰੂ ਜੀ ਦੀ ਕਿਰਪਾ ਨੇ ਬਚਾਇਆ ਸੀ। ਸੈਂਡਰਾ, ਇੱਕ ਹੋਰ ਔਲੈਕਸੀਜ਼ (ਵੀਐਤਨਾਮੀਜ਼) ਸ਼ਰਨਾਰਥੀ, ਜੋ ਗਰਭਵਤੀ ਹੋਣ ਦੌਰਾਨ ਕਈ ਦਿਨਾਂ ਤੱਕ ਬਿਨਾਂ ਭੋਜਨ ਅਤੇ ਪਾਣੀ ਦੇ ਕਿਸ਼ਤੀ 'ਤੇ ਸੀ, ਉਸਦੀਆਂ ਪ੍ਰਾਰਥਨਾਵਾਂ ਵੀ ਜਵਾਬ ਮਿਲ‌ਿਆ।

"[...] ਮੈਂ ਸਵਰਗ ਵੱਲ ਵੇਖਿਆ ਅਤੇ ਮੈਂ ਮਾਂ ਕੁਆਨ ਯਿਨ ਬੋਧੀਸਤਵ ਨੂੰ ਕਿਹਾ, "ਮੈਨੂੰ ਲੱਗਦਾ ਹੈ ਕਿ ਹੁਣ ਮੇਰੇ ਜਾਣ ਦਾ ਸਮਾਂ ਆ ਗਿਆ ਹੈ, ਮਾਂ ਕੁਆਨ ਯਿਨ ਬੋਧੀਸਤਵ। ਮੈਂ ਹੋਰ ਨਹੀਂ ਰਹਿ ਸਕਦੀ। ਮੇਰੇ ਕੋਲ ਕੁਝ ਨਹੀਂ ਬਚਿਆ।" ਹਾਲਾਂਕਿ, ਜਦੋਂ ਜਹਾਜ਼ ਅਚਾਨਕ ਝਟਕਾ ਲਗਾ, ਤਾਂ ਲੋਕਾਂ ਦੀ ਭੀੜ ਚਮਤਕਾਰੀ ਢੰਗ ਨਾਲ ਲਾਲ ਸਮੁੰਦਰ ਵਾਂਗ ਵੱਖ ਹੋ ਗਈ, ਜਿਸ ਨਾਲ ਇੱਕ ਰਸਤਾ ਦਿਖਾਈ ਦਿੱਤਾ ਜੋ ਜਹਾਜ਼ ਦੇ ਸਾਹਮਣੇ ਤੋਂ ਸਿੱਧਾ ਉਸ ਜਗ੍ਹਾ ਵੱਲ ਜਾਂਦਾ ਸੀ ਜਿੱਥੇ ਮੈਂ ਬੈਠੀ ਸੀ। [...]

ਮੈਨੂੰ ਜਹਾਜ਼ ਦੇ ਸਾਹਮਣੇ ਤੋਂ ਇੱਕ ਧਾਤ ਦੀ ਚੀਜ਼ ਦੇ ਘੁੰਮਣ ਦੀ ਆਵਾਜ਼ ਸੁਣਾਈ ਦਿੱਤੀ ਜੋ ਸਿੱਧੀ ਮੇਰੀ ਗੋਦੀ ਵਿੱਚ ਆ ਗਈ। ਸਹਿਜ-ਸੁਭਾਅ ਨਾਲ, ਮੈਂ ਧਾਤ ਦੀ ਚੀਜ਼ ਨੂੰ ਜਾਂਚਣ ਲਈ ਉੱਪਰ ਚੁੱਕਿਆ, ਅਤੇ ਅਹਿਸਾਸ ਹੋਇਆ ਕਿ ਇਹ ਇੱਕ ਥਰਮਸ ਸੀ! ਮੈਂ ਥਰਮਸ ਦਾ ਢੱਕਣ ਖੋਲ੍ਹਿਆ, ਅੰਦਰ ਝਾਤੀ ਮਾਰੀ, ਅਤੇ ਦੇਖਿਆ ਕਿ ਡੱਬਾ ਜਿਨਸੇਂਗ ਚਾਹ ਨਾਲ ਭਰਿਆ ਹੋਇਆ ਸੀ! ਮੈਨੂੰ ਇੰਨੀ ਜ਼ਿਆਦਾ ਪਿਆਸੀ ਸੀ ਕਿ ਕਿ ਮੈਂ ਇੱਕੋ ਘੁੱਟ ਵਿੱਚ ਪੂਰਾ ਥਰਮਸ ਪੀ ਲਿਆ। ਤੁਰੰਤ ਹੀ, ਮੈਨੂੰ ਤੁਰੰਤ ਰਾਹਤ ਮਹਿਸੂਸ ਹੋਈ। ਚਾਰ ਦਿਨਾਂ ਬਾਅਦ, ਅਸੀਂ ਇੰਡੋਨੇਸ਼ੀਆ ਦੇ ਇੱਕ ਦੂਰ-ਦੁਰਾਡੇ ਟਾਪੂ 'ਤੇ ਸ਼ਰਨਾਰਥੀ ਕੈਂਪ ਪਹੁੰਚੇ, ਮੈਂ ਅਤੇ ਮੇਰਾ ਬੱਚਾ ਦੋਵੇਂ ਜੋ ਅਜੇ ਪੈਦਾ ਨਹੀਂ ਹੋਇਆ ਸੀ, ਸੁਰੱਖਿਅਤ ਅਤੇ ਤੰਦਰੁਸਤ ਸੀ। [...]"

ਸਾਡੇ ਸਭ ਤੋਂ ਸ਼ਕਤੀਸ਼ਾਲੀ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨਾ ਸਿਰਫ਼ ਆਤਮਾ ਵਿੱਚ ਆਪਣੇ ਪੈਰੋਕਾਰਾਂ ਦੀ ਰੱਖਿਆ ਕਰਦੇ ਰਹੇ ਹਨ ਜੋ ਉਸ ਸਮੇਂ ਸ਼ਰਨਾਰਥੀ ਸਨ, ਸਗੋਂ ਉਹ ਆਪਣੀ ਜਵਾਨੀ ਵਿੱਚ "ਕਿਸ਼ਤੀ ਲੋਕਾਂ" ਦੇ ਸੰਕਟ ਦੀ ਸ਼ੁਰੂਆਤ ਤੋਂ ਹੀ ਉਨ੍ਹਾਂ ਦੀ ਮਦਦ ਕਰਨ ਲਈ ਸਰੀਰਕ ਤੌਰ 'ਤੇ ਵੀ ਕੰਮ ਕਰਦੇ ਰਹੇ ਹਨ। ਉਨ੍ਹਾਂ ਨੇ ਅਜਿਹਾ ਆਪਣੇ ਸਮੇਂ, ਵਿਤ, ਊਰਜਾ ਅਤੇ ਇੱਥੋਂ ਤੱਕ ਕਿ ਨਿੱਜੀ ਖੁਸ਼ੀ ਦੀ ਕੀਮਤ 'ਤੇ ਕੀਤਾ। ਇਹ ਹਾਲ ਹੀ ਵਿੱਚ ਨਹੀਂ ਸੀ - ਚਾਰ ਦਹਾਕ‌ਿਆਂ ਬਾਅਦ - ਕਿ ਸਤਿਗੁਰੂ ਜੀ ਨੇ ਕੁਝ ਵੱਡੀਆਂ ਨਿੱਜੀ ਕੁਰਬਾਨੀਆਂ ਦਾ ਖੁਲਾਸਾ ਕੀਤਾ ਜੋ ਉਨ੍ਹਾਂ ਨੇ ਇਸ ਉਦੇਸ਼ ਲਈ ਕੀਤੀਆਂ ਸਨ।

Master: ਮੇਰੇ ਸਾਬਕਾ ਪਤੀ ਤੋਂ ਪਹਿਲਾਂ ਮੇਰਾ ਇੱਕ ਮੰਗੇਤਰ ਸੀ। ਉਹ ਵੀ ਇੱਕ ਡਾਕਟਰ ਹੈ। ਉਹ ਮੈਨੂੰ ਇੱਕ ਰੈਸਟੋਰੈਂਟ ਵਿੱਚ ਮਿਲਿਆ, ਫਿਰ ਕੁਝ ਵਾਰ ਬਾਅਦ, ਉਸਨੇ ਮੈਨੂੰ ਆਪਣੇ ਘਰ, ਆਪਣੇ ਕਲੀਨਿਕ ਵਿੱਚ ਬੁਲਾਇਆ। ਅਤੇ ਫਿਰ ਉਹ ਮੇਰੇ ਨਾਲ ਵਿਆਹ ਕਰਨਾ ਚਾਹੁੰਦਾ ਸੀ। [...]

ਅਸੀਂ ਉਦੋਂ ਤੱਕ ਖੁਸ਼ ਸੀ ਜਦੋਂ ਤੱਕ ਔਲੈਕਸੀਜ਼ (ਵੀਐਤਨਾਮੀਜ਼) ਸ਼ਰਨਾਰਥੀਆਂ ਦੇ ਮੁੱਦੇ ਮੇਰੀ ਜ਼ਿੰਦਗੀ ਵਿੱਚ ਨਹੀਂ ਆਏ, ਅਤੇ ਮੈਂ ਉਨ੍ਹਾਂ ਨੂੰ ਉੱਥੇ ਹੀ ਨਹੀਂ ਛੱਡ ਸਕਦੀ ਸੀ। ਰਾਤ ਨੂੰ ਘਟਨਾਵਾਂ ਵਾਪਰੀਆਂ, ਬਿਮਾਰ ਲੋਕ ਬਿਨਾਂ ਅਨੁਵਾਦਕਾਂ ਦੇ ਇੱਕ ਭਾਰੀ ਗਰਭਵਤੀ ਔਰਤ ਸੀ ਇਕੱਲੀ, ਕੋਈ ਪਤੀ ਨਹੀਂ ਸੀ, ਕੋਈ ਰਿਸ਼ਤੇਦਾਰ ਨਹੀਂ ਸੀ। ਆਦਿ... ਜਿਸ ਰਾਤ ਉਸਨੇ ਜਨਮ ਦਿੱਤਾ ਮੇਰੇ ਦਿਲ ਲਈ ਖੁਸ਼ੀ ਦੀ ਗੱਲ ਸੀ, ਮੈਨੂੰ ਯਾਦ ਹੈ ਮੈਂ ਉਸਦੇ ਮੱਥੇ ਨੂੰ ਕਈ ਵਾਰ ਚੁੰਮਿਆ, ਉਸਨੂੰ ਘੁੱਟ ਕੇ ਜੱਫੀ ਪਾਈ ਉਸਦੇ ਨਾਲ ਸਖ਼ਤ ਮਿਹਨਤ ਕਰਨ ਤੋਂ ਬਾਅਦ .... ਰਾਤ ਨੂੰ ਉੱਥੇ ਕੋਈ ਨਹੀਂ ਸੀ - ਬਹੁਤ ਘੱਟ, ਇੱਕ ਜਾਂ ਦੋ ਵਲੰਟੀਅਰ ਆਉਂਦੇ ਸਨ, ਪਰ ਉਹ ਸਿਰਫ ਕੁਝ ਘੰਟਿਆਂ ਲਈ ਜਾਂ ਸ਼ਾਇਦ ਇੱਕ ਦਿਨ ਲਈ ਆਉਂਦੇ ਸਨ, ਅਤੇ ਫਿਰ ਉਨ੍ਹਾਂ ਦਾ ਆਪਣਾ ਕੰਮ ਅਤੇ ਪਰਿਵਾਰ ਕੈਂਪ ਤੋਂ ਬਹੁਤ ਦੂਰ ਹੁੰਦਾ ਸੀ। ਇਸ ਲਈ ਸਿਰਫ਼ ਮੈਂ ਹੀ ਉੱਥੇ ਸਾਰਾ ਦਿਨ, ਸਾਰੀ ਰਾਤ ਸੀ, ਭਾਵੇਂ ਕੋਈ ਹੋਰ ਸਟਾਫ਼ ਉੱਥੇ ਨਹੀਂ ਸੀ। ਅਤੇ ਬੇਸ਼ੱਕ, ਇੱਕ ਆਦਮੀ ਇੱਕ ਆਦਮੀ ਹੁੰਦਾ ਹੈ। ਇੱਕ ਨਰਸ ਨੇ ਉਸਨੂੰ ਲੱਭ ਲਿਆ। [...] ਬੇਸ਼ੱਕ ਮੇਰਾ ਦਿਲ ਟੁੱਟ ਗਿਆ ਸੀ, ਪਰ ਫਿਰ ਮੈਂ ਰੁੱਝੀ ਹੋਈ ਸੀ। ਅਤੇ ਉਹ ਆਪਣੀ ਜ਼ਿੰਦਗੀ ਨਾਲ ਅੱਗੇ ਵਧਿਆ, ਮੈਂ ਆਪਣੀ ਜ਼ਿੰਦਗੀ ਨਾਲ ਅੱਗੇ ਵਧੀ।

ਕਈ ਸਾਲਾਂ ਬਾਅਦ, ਜਦੋਂ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨੇ ਪੂਰਨ ਗਿਆਨ ਪ੍ਰਾਪਤ ਕੀਤਾ ਅਤੇ ਸੰਸਾਰ ਭਰ ਦੇ ਲੋਕਾਂ ਨੂੰ ਕੁਆਨ ਯਿਨ ਧਿਆਨ ਵਿਧੀ ਸਿਖਾਉਣੀ ਸ਼ੁਰੂ ਕੀਤੀ, ਤਾਂ ਉਹ ਆਪਣੇ ਦੇਸ਼ ਦੇ ਲੋੜਵੰਦ ਲੋਕਾਂ ਨੂੰ ਨਹੀਂ ਭੁੱਲੇ।

ਸੰਯੁਕਤ ਰਾਸ਼ਟਰ ਦੀ 1989 ਦੀ ਵਿਆਪਕ ਕਾਰਜ ਯੋਜਨਾ ਦੇ ਨਤੀਜੇ ਵਜੋਂ ਕੁਝ ਦੱਖਣ-ਪੂਰਬੀ ਏਸ਼ੀਅਨ ਦੇਸ਼ਾਂ ਵਿੱਚ "ਕਿਸ਼ਤੀ ਲੋਕਾਂ" ਲਈ "ਯੋਗਤਾ ਜਾਂਚ" ਪ੍ਰੋਗਰਾਮ ਹੋਇਆ। ਜਿਨ੍ਹਾਂ ਦੀ ਜਾਂਚ ਕੀਤੀ ਜਾਵੇਗੀ, ਉਹ ਆਪਣਾ ਸ਼ਰਨਾਰਥੀ ਦਰਜਾ ਗੁਆ ਦੇਣਗੇ ਅਤੇ ਉਨ੍ਹਾਂ ਨੂੰ ਉਨ੍ਹਾਂ ਦੇ ਦੇਸ਼ ਵਾਪਸ ਭੇਜ ਦਿੱਤਾ ਜਾਵੇਗਾ, ਜਿਸਦੇ ਨਾ ਸੋਚਣਯੋਗ ਨਤੀਜੇ ਭੁਗਤਣੇ ਪੈਣਗੇ। ਇਸ ਪ੍ਰੋਗਰਾਮ ਨੇ ਕਮਜ਼ੋਰ ਲੋਕਾਂ ਵਿੱਚ ਇੱਕ ਲੰਮਾ ਸੰਕਟ ਪੈਦਾ ਕਰ ਦਿੱਤਾ ਜੋ ਪਹਿਲਾਂ ਹੀ ਸਭ ਕੁਝ ਗੁਆ ਚੁੱਕੇ ਸਨ। ਫਿਲੀਪੀਨ ਕੈਂਪਾਂ ਵਿੱਚ ਕੁਝ ਸ਼ਰਨਾਰਥੀਆਂ ਨੇ ਖੁਦਕੁਸ਼ੀ ਕਰਨ ਦਾ ਸਖ਼ਤ ਕਦਮ ਚੁੱਕਿਆ। ਸਥਿਤੀ ਬਾਰੇ ਪਤਾ ਲੱਗਣ 'ਤੇ, ਇੱਕ ਲੈਕਚਰ ਦੌਰੇ ਦੇ ਵਿਚਕਾਰ, ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨੇ ਤੁਰੰਤ ਹਤਾਸ਼ ਸ਼ਰਨਾਰਥੀਆਂ ਨੂੰ ਮਿਲਣ ਲਈ ਆਪਣੀ ਸਮਾਂ-ਸਾਰਣੀ ਬਦਲ ਦਿੱਤੀ, ਦਿਲਾਸਾ ਅਤੇ ਉਤਸ਼ਾਹ ਦਿੱਤਾ।

Master: ਮੈਂ ਸੱਚਮੁੱਚ ਚਿੰਤਤ ਸੀ। ਮੈਂ ਇੱਥੇ ਇਸ ਲਈ ਆਈ ਹਾਂ ਕਿਉਂਕਿ ਤੁਸੀਂ ਮੇਰੇ ਸਾਥੀ-ਨਾਗਰਿਕ ਹੋ। [...]

ਸਤਿਗੁਰੂ ਜੀ ਔਲੈਕਸੀਜ਼ (ਵੀਐਤਨਾਮੀਜ਼) ਸ਼ਰਨਾਰਥੀਆਂ ਦੀ ਦੁਰਦਸ਼ਾ ਬਾਰੇ ਜਨਤਕ ਜਾਗਰੂਕਤਾ ਪੈਦਾ ਕਰਨ ਲਈ ਰੇਡੀਓ ਅਤੇ ਟੈਲੀਵਿਜ਼ਨ 'ਤੇ ਵੀ ਗਏ।

Master: ਮੈਂ ਰਾਸ਼ਟਰਪਤੀ, ਸਰਕਾਰ ਅਤੇ ਫਿਲੀਪੀਨਜ਼ ਦੇ ਚੰਗੇ ਲੋਕਾਂ ਨੂੰ ਅਪੀਲ ਕਰਨਾ ਚਾਹੁੰਦੀ ਹਾਂ, ਅਤੇ ਕਿਉਂਕਿ ਤੁਸੀਂ ਹੁਣ ਤੱਕ ਇੰਨੇ ਦਿਆਲੂ ਅਤੇ ਪਿਆਰ ਕਰਨ-ਵਾਲੇ ਰਹੇ ਹੋ, ਅਤੇ ਇਨ੍ਹਾਂ ਗਰੀਬ ਲੋਕਾਂ ਲਈ ਆਪਣੀਆਂ ਬਾਹਾਂ ਖੋਲ੍ਹੀਆਂ ਹਨ, ਮੈਂ ਚਾਹੁੰਦੀ ਹਾਂ ਕਿ ਤੁਸੀਂ ਕਿਰਪਾ ਕਰਕੇ ਕੁਝ ਹੋਰ ਸਮੇਂ ਲਈ ਆਪਣੀਆਂ ਬਾਹਾਂ ਹੋਰ ਖੋਲ੍ਹਣ ਬਾਰੇ ਵਿਚਾਰ ਕਰੋ।

ਸਤਿਗੁਰੂ ਜੀ ਨੇ ਫਿਲੀਪੀਨਜ਼ ਦੇ ਸਰਕਾਰੀ ਅਧਿਕਾਰੀਆਂ ਨਾਲ ਮੁਲਾਕਾਤ ਕਰਕੇ ਉਨ੍ਹਾਂ ਵਿਹਾਰਕ ਹੱਲਾਂ ਬਾਰੇ ਚਰਚਾ ਕੀਤੀ ਜਿਨ੍ਹਾਂ ਨੂੰ ਉਨ੍ਹਾਂ ਦੇ ਵਿੱਤੀ ਯੋਗਦਾਨਾਂ ਅਤੇ ਕਾਰਜਸ਼ੀਲ ਪ੍ਰਸਤਾਵਾਂ ਦੁਆਰਾ ਸਮਰਥਤ ਕੀਤਾ ਗਿਆ ਸੀ।

1990 ਦੇ ਦਹਾਕੇ ਦੇ ਸ਼ੁਰੂ ਵਿੱਚ, ਬਹੁਤ ਸਾਰੇ ਫਿਲੀਪੀਨਜ਼ ਸਰਕਾਰੀ ਅਧਿਕਾਰੀ, ਜਿਨ੍ਹਾਂ ਵਿੱਚ ਸਾਬਕਾ ਰਾਸ਼ਟਰਪਤੀ ਫਿਦੇਲ ਰਾਮੋਸ ਅਤੇ ਕੋਰਾਜ਼ੋਨ ਐਕੁਇਨੋ ਅਤੇ ਮੈਡਮ ਮਾਰਕੋਸ ਅਤੇ ਮੀਡੀਆ ਸ਼ਾਮਲ ਸਨ, ਇਸ ਮਾਨਵਤਾਵਾਦੀ ਕਾਰਜ ਵਿੱਚ ਉਨ੍ਹਾਂ ਦੀ ਸਹਾਇਤਾ ਲਈ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਦੇ ਨਾਲ ਸਨ।

Senator Alvarez: ਅਤੇ ਫਿਰ ਸਤਿਗੁਰੂ ਚਿੰਗ ਹਾਈ ਜੀ ਆਉਂਦੇ ਹਨ । ਉਹ ਆਏ ਜਿਉਂ ਹੀ ਉਨਾਂ ਦੀ ਮੇਰੇ ਨਾਲ ਜਾਣ-ਪਛਾਣ ਕਰਵਾਈ ਗਈ ਸੀ। ਉਹ ਬਹੁਤ ਪ੍ਰਭਾਵਸ਼ਾਲੀ ਸਨ। ਮੈਂ ਰਾਸ਼ਟਰਪਤੀ ਨੂੰ ਮਿਲਣਾ ਚਾਹੁੰਦਾ ਹਾਂ, ਜਿਸਦਾ ਮਤਲਬ ਹੈ ਰਾਸ਼ਟਰਪਤੀ ਰਾਮੋਸ। ਅਤੇ ਮੈਂ ਉਸਨੂੰ ਸਤਿਗੁਰੂ ਜੀ ਦੇ ਕੰਮ ਬਾਰੇ ਦੱਸਿਆ ਅਤੇ ਕਿਵੇਂ ਉਨ੍ਹਾਂ ਨੇ ਇਨ੍ਹਾਂ ਸ਼ਰਨਾਰਥੀਆਂ ਲਈ ਕੰਮ ਕੀਤਾ ਹੈ, ਅਤੇ ਰਾਸ਼ਟਰਪਤੀ ਨੂੰ ਕੁਝ ਕਰਨਾ ਪਿਆ।

Presidents Fidel Ramos: ਖੈਰ, ਫਿਲੀਪੀਨਜ਼ ਨੂੰ ਔਲੈਕਸੀਜ਼ (ਵੀਐਤਨਾਮੀਜ਼) ਸ਼ਰਨਾਰਥੀਆਂ ਦੇ ਪਹਿਲੇ ਅਤੇ ਆਖਰੀ ਅਸਥਾਨ ਵਜੋਂ ਦੇਖਿਆ ਜਾਂਦਾ ਸੀ। ਅਤੇ ਇਸ ਲਈ ਜਿਨ੍ਹਾਂ ਨੂੰ ਬਾਹਰ ਇਕ ਨਵਾਂ ਘਰ ਨਹੀਂ ਮਿਲਿਆ, ਉਨ੍ਹਾਂ ਨੂੰ ਫਿਲੀਪੀਨਜ਼ ਵਿੱਚ ਰਹਿਣ ਦੀ ਇਜਾਜ਼ਤ ਦਿੱਤੀ ਗਈ ਅਤੇ ਮੇਰੇ ਰਾਸ਼ਟਰਪਤੀ ਦੇ ਸਮੇਂ ਦੌਰਾਨ ਅਸੀਂ ਜੋ ਸਭ ਤੋਂ ਵੱਧ ਪ੍ਰਸੰਨ ਕਰਨ-ਵਾਲੀਆਂ ਨੀਤੀਆਂ ਲਾਗੂ ਕੀਤੀਆਂ ਸਨ, ਇਹ ਉਨ੍ਹਾਂ ਵਿੱਚੋਂ ਇੱਕ ਸੀ।

Senator Alvarez: ਜਦੋਂ (ਸੁਪਰੀਮ) ਸਤਿਗੁਰੂ ਚਿੰਗ ਹਾਈ ਜੀ ਡੌਨ ਮੈਨੂਅਲ ਮੋਰਾਟੋ ਦੀ ਅਗਵਾਈ ਵਿੱਚ ਮਨੀਲਾ ਦੇ ਸਮਾਜ ਵਿੱਚ ਘੁੰਮ ਰਹੇ ਸਨ, ਤਾਂ ਉੱਥੇ ਦੇਖਭਾਲ ਕਰਨ ਵਾਲੇ ਦਿਲ ਸਨ, ਹਮਦਰਦ ਮਨੁੱਖ ਸਨ ਜੋ ਸਾਡੇ ਭਰਾ ਵੀਐਤਨਾਮੀਜ਼ (ਔਲੈਕਸੀਜ਼) ਸ਼ਰਨਾਰਥੀਆਂ ਨੂੰ ਪਨਾਹ ਦੇਣਾ ਚਾਹੁੰਦੇ ਸਨ ਅਤੇ ਉਨ੍ਹਾਂ ਨੂੰ ਰਾਜਨੀਤਿਕ ਪਨਾਹ ਪ੍ਰਦਾਨ ਕਰਨਾ ਚਾਹੁੰਦੇ ਸਨ। ਕਾਨੂੰਨ ਪਾਸ ਹੋ ਗਿਆ ਅਤੇ ਰਾਸ਼ਟਰਪਤੀ ਰਾਮੋਸ ਨੇ ਇਸਦੀ ਪੂਰੀ ਤਰ੍ਹਾਂ ਸਹਾਇਤਾ ਕੀਤੀ। ਇਸ ਲਈ, ਅਸੀਂ ਮਨੀਲਾ ਵਿੱਚ ਸਾਡੇ ਬਹੁਤ ਸਾਰੇ ਭਰਾਵਾਂ ਨੂੰ ਆਜ਼ਾਦੀ ਦਾ ਉਹ ਪਨਾਹਗਾਹ ਪ੍ਰਦਾਨ ਕਰਨ ਦੇ ਯੋਗ ਹੋਏ ਜੋ ਉਹ ਚਾਹੁੰਦੇ ਸਨ।

Master: ਅਸੀਂ ਇਹਨਾਂ ਸੱਜਣਾਂ ਦਾ ਧੰਨਵਾਦ ਕਰਦੇ ਹਾਂ, ਲੋੜ ਦੇ ਸਮੇਂ ਸਾਥੀ ਮਨੁੱਖਾਂ ਦੀ ਮਦਦ ਕਰਨ ਵਿੱਚ ਉਨ੍ਹਾਂ ਦੀ ਬਿਨਾਂ-ਸ਼ਰਤ ਦਿਆਲਤਾ ਲਈ।

1994 ਵਿੱਚ, ਹਾਂਗ ਕਾਂਗ ਵਿੱਚ ਸ਼ਰਨਾਰਥੀਆਂ ਨੂੰ ਜ਼ਬਰਦਸਤੀ ਵਾਪਸ ਭੇਜੇ ਜਾਣ ਦੀ ਨਿਰਾਸ਼ਾਜਨਕ ਸਥਿਤੀ ਬਾਰੇ ਸੁਣ ਕੇ, ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਵਾਈਟਹੈੱਡ ਸ਼ਰਨਾਰਥੀ ਸੈਂਟਰ ਵਾਪਸ ਆਏ ਅਤੇ ਸੰਸਾਰ ਭਰ ਦੇ 5,000 ਤੋਂ ਵੱਧ ਐਸੋਸੀਏਸ਼ਨ ਮੈਂਬਰਾਂ ਨਾਲ ਇੱਕ ਅੰਤਰਰਾਸ਼ਟਰੀ ਇਕੱਠ ਕੀਤਾ, ਜੋ ਸ਼ਰਨਾਰਥੀਆਂ ਲਈ ਸ਼ਾਂਤੀ ਲਈ ਪ੍ਰਾਰਥਨਾ ਕਰਨ ਆਏ ਸਨ।

Master: ਅਸੀਂ, ਜੋ ਆਪਣੇ ਆਪ ਨੂੰ ਕੁਦਰਤੀ ਤੌਰ 'ਤੇ ਵਿਕਸਿਤ ਕਰਦੇ ਹਾਂ, ਸ਼ਾਂਤੀ ਨੂੰ ਤਰਜੀਹ ਦਿੰਦੇ ਹਾਂ, ਆਪਣੇ ਗਿਆਨ ਨੂੰ ਵਿਕਸਤ ਕਰਦੇ ਹਾਂ, ਅਤੇ ਦੂਜਿਆਂ ਦੀ ਮਦਦ ਕਰਦੇ ਹਾਂ। ਇਸ ਲਈ, ਮਨੁੱਖਤਾ ਦੇ ਮਾਮਲੇ ਵੀ ਅਧਿਆਤਮਿਕ ਅਭਿਆਸ ਦੇ ਦਾਇਰੇ ਵਿੱਚ ਆਉਂਦੇ ਹਨ। ਅੱਜ, ਅਸੀਂ ਸੰਸਾਰ ਭਰ ਤੋਂ ਇੱਥੇ ਹਾਂ ਕਿਉਂਕਿ ਅਸੀਂ ਸ਼ਰਨਾਰਥੀਆਂ ਦੀਆਂ ਜਾਨਾਂ ਬਚਾਉਣੀਆਂ ਚਾਹੁੰਦੇ ਹਾਂ ਅਤੇ ਉਨ੍ਹਾਂ ਨੂੰ ਉਹ ਦੇਣਾ ਚਾਹੁੰਦੇ ਹਾਂ ਜਿਸ ਦੀ ਉਨ੍ਹਾਂ ਨੂੰ ਲੋੜ ਹੈ। ਉਹ ਭੌਤਿਕ ਸਹਾਇਤਾ ਨਹੀਂ ਚਾਹੁੰਦੇ, ਉਹ ਰਾਜਨੀਤਿਕ ਰੁਤਬਾ ਨਹੀਂ ਚਾਹੁੰਦੇ; ਉਹ ਸਿਰਫ਼ ਆਜ਼ਾਦੀ ਚਾਹੁੰਦੇ ਹਨ, ਉਹ ਸਿਰਫ਼ ਸਾਡੇ ਵਾਂਗ ਹੀ ਇੱਜ਼ਤ ਚਾਹੁੰਦੇ ਹਨ।

ਸਤਿਗੁਰੂ ਜੀ ਦੇ ਯਤਨਾਂ ਸਦਕਾ, ਫਿਲੀਪੀਨਜ਼ ਸਰਕਾਰ ਦੁਆਰਾ ਘੱਟੋ-ਘੱਟ 5,000 ਸ਼ਰਨਾਰਥੀਆਂ ਨੂੰ ਸਥਾਈ ਨਿਵਾਸ ਦਿੱਤਾ ਗਿਆ।

1990 ਤੋਂ 1997 ਤੱਕ, ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨੇ ਫਿਲੀਪੀਨਜ਼, ਤਾਈਵਾਨ (ਫਾਰਮੋਸਾ) ਹਾਂਗ ਕਾਂਗ, ਥਾਈਲੈਂਡ, ਜਪਾਨ, ਇੰਡੋਨੇਸ਼ੀਆ, ਸਿੰਗਾਪੁਰ, ਫਰਾਂਸ, ਕੈਨੇਡਾ ਅਤੇ ਸੰਯੁਕਤ ਰਾਜ ਅਮਰੀਕਾ ਸਮੇਤ ਵੱਖ-ਵੱਖ ਦੇਸ਼ਾਂ ਵਿੱਚ ਔਲੈਕਸੀਜ਼ (ਵੀਐਤਨਾਮੀਜ਼) ਸ਼ਰਨਾਰਥੀ ਕੈਂਪਾਂ ਵਿੱਚ US$690,000 ਤੋਂ ਵੱਧ ਦਾ ਯੋਗਦਾਨ ਪਾਇਆ।

1990 ਤੋਂ 1997 ਤੱਕ, ਔਲੈਕਸੀਜ਼ (ਵੀਐਤਨਾਮੀਜ਼) ਸ਼ਰਨਾਰਥੀਆਂ ਲਈ ਪਰਮ ਸਤਿਗੁਰੂ ਚਿੰਗ ਹਾਈ ਜੀ (ਵੀਗਨ) ਵੱਲੋਂ ਅਨੁਮਾਨਿਤ ਯੋਗਦਾਨ: US$690,315.77 ਸਤਿਗੁਰੂ ਜੀ ਨੇ ਹੋਰ ਅਤੇ ਹੋਰ ਸਬੰਧਤ ਖਰਚੇ ਵੀ ਦਿੱਤੇ ਅਗਿਆਤ ਅਤੇ/ਜਾਂ ਅਧਿਕਾਰਤ ਤੌਰ 'ਤੇ ਸੂਚੀਬੱਧ ਨਹੀਂ ਕੀਤਾ ਗਿਆ। ਆਦਿ...

ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਹੋਰਾਂ ਦੇ ਮਾਨਵਤਾਵਾਦੀ ਯਤਨਾਂ ਨੇ ਅੰਤਰਰਾਸ਼ਟਰੀ ਭਾਈਚਾਰੇ ਦਾ ਸ਼ਰਨਾਰਥੀ ਸੰਕਟ ਵੱਲ ਬਹੁਤ ਧਿਆਨ ਖਿੱਚਿਆ ਅਤੇ ਲੋਕਾਂ ਨੂੰ ਵੱਖਰੇ ਢੰਗ ਨਾਲ ਕੰਮ ਕਰਨ ਲਈ ਪ੍ਰੇਰਿਤ ਕੀਤਾ। 25 ਮਈ, 1994 ਨੂੰ, ਤਾਈਪੇਈ ਇੰਟਰਨੈਸ਼ਨਲ ਕਨਵੈਨਸ਼ਨ ਸੈਂਟਰ ਵਿਖੇ ਅੰਤਰਰਾਸ਼ਟਰੀ ਮਨੁੱਖੀ ਅਧਿਕਾਰ ਸੰਮੇਲਨ ਹੋਇਆ। 20 ਤੋਂ ਵੱਧ ਦੇਸ਼ਾਂ ਦੇ 5,000 ਤੋਂ ਵੱਧ ਪਤਵੰਤੇ, ਮੀਡੀਆ ਪ੍ਰਤੀਨਿਧੀ ਅਤੇ ਮਨੁੱਖੀ ਅਧਿਕਾਰਾਂ ਦੇ ਵਕੀਲ ਉਨਾਂ ਦੇ ਉਦੇਸ਼ ਦਾ ਸਮਰਥਨ ਕਰਨ ਅਤੇ ਉਨਾਂ ਦੇ ਯਤਨਾਂ ਨੂੰ ਮਾਨਤਾ ਦੇਣ ਲਈ ਇਕੱਠੇ ਹੋਏ।

Dr. Schneider: ਪ੍ਰਮਾਤਮਾ ਆਪਣੀ ਦਇਆ ਅਤੇ ਰਹਿਮ ਵਿੱਚ ਸਮੇਂ-ਸਮੇਂ 'ਤੇ ਇੱਕ ਗਿਆਨਵਾਨ ਵਿਅਕਤੀ ਨੂੰ ਦਇਆ ਦਾ ਰੂਪ ਦੇਣ ਲਈ ਧਰਤੀ 'ਤੇ ਭੇਜਦਾ ਹੈ, ਅਤੇ ਅੱਜ ਰਾਤ ਅਸੀਂ ਅਜਿਹੇ ਇੱਕ ਵਿਅਕਤੀ ਦਾ ਸਨਮਾਨ ਕਰਦੇ ਹਾਂ। ਰੇਡੀਓ ਫਾਰ ਪੀਸ ਇੰਟਰਨੈਸ਼ਨਲ ਦੇ ਦੋ ਮਿਲੀਅਨ ਸਰੋਤੇ ਅਤੇ ਯੂਨੀਵਰਸਿਟੀ ਆਫ਼ ਗਲੋਬਲ ਐਜੂਕੇਸ਼ਨ ਨੂੰ ਮਾਨਵਤਾਵਾਦੀ ਯਤਨਾਂ ਦੀ ਵਿਸ਼ਾਲਤਾ, ਵਿਚਾਰਾਂ ਅਤੇ ਭਾਵਨਾਵਾਂ ਦੇ ਰੂਪ ਅਤੇ ਅਸਲ ਕੰਮ ਵਿੱਚ, ਨਿਰਸੁਆਰਥ ਤੌਰ 'ਤੇ, ਸੰਸਾਰ ਭਰ ਵਿੱਚ ਕਾਰਵਾਈ ਵਿੱਚ ਭਾਵਨਾ ਨੂੰ ਮਾਨਤਾ ਦੇਣ 'ਤੇ ਮਾਣ, ਖੁਸ਼ੀ ਅਤੇ ਸਨਮਾਨ ਹੈ।

ਅਤੇ ਇਸ ਜ਼ਬਰਦਸਤ ਯਤਨ ਅਤੇ ਇਸ ਜ਼ਬਰਦਸਤ ਪ੍ਰਦਰਸ਼ਨ ਲਈ ਸਾਰੀ ਮਨੁੱਖਤਾ ਪ੍ਰਤੀ ਦਇਆ ਅਤੇ ਦੇਖਭਾਲ, ਭਾਵੇਂ ਉਹਨਾਂ ਦੀ ਹਾਲਾਤ ਜਾਂ ਸਥਿਤੀ ਕੋਈ ਵੀ ਹੋਵੇ, ਸਾਨੂੰ ਆਪਣਾ ਸਭ ਤੋਂ ਉੱਚਾ ਪੁਰਸਕਾਰ, ਵਿਸ਼ਵ ਨਾਗਰਿਕ ਮਾਨਵਤਾਵਾਦੀ ਪੁਰਸਕਾਰ, ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨੂੰ ਪੇਸ਼ ਕਰਨ 'ਤੇ ਮਾਣ ਹੈ।

MC: ਏਸ਼ੀਅਨ ਪੈਸੀਫਿਕ ਯੂਥ ਫ੍ਰੀਡਮ ਲੀਗ ਦੇ ਚੇਅਰਮੈਨ, ਡਾ. ਰੇਨੇ ਸੈਂਟੋਸ, ਅਤੇ ਉਨ੍ਹਾਂ ਦੀ ਪਤਨੀ, ਸ਼੍ਰੀਮਤੀ ਐਮੀ ਸੈਂਟੋਸ, ਹੁਣ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨੂੰ ਮਾਨਵਤਾਵਾਦੀ ਪੈਰਾਗਨ ਮੈਡਲ ਪ੍ਰਦਾਨ ਕਰਨਗੇ ।

ਸਮਾਰੋਹ ਵਿੱਚ, ਸਤਿਗੁਰੂ ਜੀ ਨੇ ਮਨੁੱਖਤਾ ਲਈ ਆਪਣੀ ਦਿਲੋਂ ਉਮੀਦ ਪ੍ਰਗਟ ਕੀਤੀ।

Master: ਮੈਨੂੰ ਅੱਜ ਕੁਝ ਸਕੂਨ ਮਿਲਿਆ ਹੈ। ਇਹ ਦੇਖਣ ਲਈ ਕਿ ਤਾਈਵਾਨ (ਫਾਰਮੋਸਾ) ਵਿੱਚ ਅਜੇ ਵੀ ਬਹੁਤ ਸਾਰੇ ਚੰਗੇ ਲੋਕ ਹਨ ਅਤੇ ਸੰਸਾਰ ਵਿੱਚ ਅਜੇ ਵੀ ਬਹੁਤ ਸਾਰੇ ਦਿਆਲੂ ਲੋਕ ਹਨ। ਮੈਂ ਬਹੁਤ ਉਦਾਸ ਮਹਿਸੂਸ ਕੀਤਾ ਸੀ, ਪਰ ਅੱਜ, ਤੁਹਾਡੇ ਵਿੱਚੋਂ ਇੰਨੇ ਸਾਰੇ ਲੋਕਾਂ ਨੂੰ ਦੇਖ ਕੇ, ਤਾਈਵਾਨ (ਫਾਰਮੋਸਾ) ਤੋਂ ਆਏ ਪਤਵੰਤਿਆਂ ਸਮੇਤ, ਅਤੇ ਤੁਹਾਡੇ ਵਿੱਚੋਂ ਜਿਹੜੇ ਸੰਸਾਰ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਕਮਜ਼ੋਰ ਅਤੇ ਬੇਘਰ ਸ਼ਰਨਾਰਥੀਆਂ ਨੂੰ ਆਪਣਾ ਸਮਰਥਨ ਦੇਣ ਲਈ ਆਏ ਹੋ, ਮੈਨੂੰ ਫਿਰ ਤੋਂ ਉਮੀਦ ਮਿਲੀ ਹੈ।

ਮੈਂ ਉਮੀਦ ਕਰਦੀ ਹਾਂ... ਮੈਨੂੰ ਉਮੀਦ ਹੈ ਕਿ ਆਉਣ-ਵਾਲੀ 21ਵੀਂ ਸਦੀ ਵਿੱਚ ਸਾਡਾ ਸੰਸਾਰ ਬਿਹਤਰ ਲਈ ਬਦਲ ਜਾਵੇਗਾ, ਲੋਕ ਇੱਕ ਦੂਜੇ ਨੂੰ ਪਿਆਰ ਕਰਨਗੇ ਅਤੇ ਇੱਕ ਦੂਜੇ ਦੀ ਰੱਖਿਆ ਕਰਨਗੇ। ਸਾਡੇ ਕੋਲ ਕਿੰਨੇ ਵੀ ਸ਼ਰਨਾਰਥੀ ਕਿਉਂ ਨਾ ਹੋਣ, ਜੇਕਰ ਹਰ ਪਰਿਵਾਰ ਸਿਰਫ਼ ਇੱਕ ਸ਼ਰਨਾਰਥੀ ਲਈ ਆਪਣਾ ਦਰਵਾਜ਼ਾ ਖੋਲ੍ਹ ਦੇਵੇ ਤਾਂ ਸਮੱਸਿਆ ਹੱਲ ਹੋ ਜਾਵੇਗੀ। ਕੁਝ ਸਮੇਂ ਬਾਅਦ, ਸ਼ਰਨਾਰਥੀ ਨਵੇਂ ਵਾਤਾਵਰਣ ਦੇ ਅਨੁਕੂਲ ਹੋ ਜਾਣਗੇ ਅਤੇ ਆਪਣੇ ਪੈਰਾਂ 'ਤੇ ਖੜ੍ਹੇ ਹੋ ਸਕਣਗੇ ਅਤੇ ਆਪਣਾ ਗੁਜ਼ਾਰਾ ਆਪ ਕਰ ਸਕਣਗੇ। ਉਹ ਜ਼ਿੰਦਗੀ ਭਰ ਦਾ ਇੱਕ ਬੋਝ ਨਹੀਂ ਬਣਨਗੇ।

ਇਸ ਤੋਂ ਇਲਾਵਾ, ਪ੍ਰਮਾਤਮਾ ਕਈ ਵਾਰ ਦੁਖੀ ਲੋਕਾਂ ਨੂੰ ਸਾਡੇ ਦਰਵਾਜ਼ੇ 'ਤੇ ਭੇਜ ਕੇ ਸਾਡੀ ਪਰਖ ਕਰਦਾ ਹੈ ਕਿ ਕੀ ਅਸੀਂ ਉਨ੍ਹਾਂ ਦੀਆਂ ਸਿੱਖਿਆਵਾਂ ਦੀ ਪਾਲਣਾ ਕਰਦੇ ਹਾਂ, ਕੀ ਸਾਡੇ ਕੋਲ ਸੱਚਮੁੱਚ ਦੂਜਿਆਂ ਲਈ ਪਿਆਰ ਹੈ।

ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਦਾ ਔਲੈਕਸੀਜ਼ (ਵੀਐਤਨਾਮੀਜ਼) ਸ਼ਰਨਾਰਥੀਆਂ ਲਈ ਕੰਮ ਸਾਨੂੰ ਪਵਿੱਤਰ ਬਾਈਬਲ ਵਿੱਚ ਰਾਣੀ ਐਸਥਰ ਦੀ ਯਾਦ ਦਿਵਾਉਂਦਾ ਹੈ, ਜਿਸਨੇ ਆਪਣੇ ਯਹੂਦੀ ਲੋਕਾਂ ਨੂੰ ਮੌਤ ਦੀ ਸਜ਼ਾ ਤੋਂ ਬਚਾਉਣ ਲਈ ਆਪਣੀ ਜਾਨ ਜੋਖਮ ਵਿੱਚ ਪਾਈ। ਐਸਥਰ ਵਾਂਗ, ਉਨ੍ਹਾਂ ਨੇ ਵੀ ਔਲੈਕਸੀਜ਼ (ਵੀਐਤਨਾਮੀਜ਼) ਸ਼ਰਨਾਰਥੀਆਂ ਦੀ ਮਦਦ ਕਰਨ ਲਈ ਜੋਖਮ ਲਏ, ਅਤੇ ਹਜ਼ਾਰਾਂ ਲੋਕਾਂ ਨੂੰ ਨਵੇਂ ਪਿਆਰ-ਕਰਨ ਵਾਲੇ ਦੇਸ਼ਾਂ ਵਿੱਚ ਆਜ਼ਾਦੀ ਅਤੇ ਨਵੀਂ ਨਾਗਰਿਕਤਾ ਦਿੱਤੀ ਗਈ!

Kim Clement: ਪ੍ਰਮਾਤਮਾ ਕਹਿੰਦਾ ਹੈ, "ਮੇਰੀ ਗੱਲ ਸੁਣੋ, ਜਿਵੇਂ ਕਿ ਬਹਾਲੀ ਦੀ ਸ਼ੁਰੂਆਤ ਹੁੰਦੀ ਹੈ, ਇੱਕ ਔਰਤ ਹੋਵੇਗੀ ਜੋ ਉਭਰੇਗੀ।" ਇੱਕ ਔਰਤ ਜੋ ਵਿਸ਼ਵਾਸ ਵਿੱਚ ਮਜ਼ਬੂਤ, ਨੇਕ ਹੋਵੇਗੀ। ਅੱਖਾਂ ਵਿੱਚ ਸੋਹਣੀ। ਉਸਦੀਆਂ ਅੱਖਾਂ ਬਹੁਤ ਸੁੰਦਰ ਹੋਣਗੀਆਂ। ਉਸਦੀਆਂ ਅੱਖਾਂ ਗੋਲ ਅਤੇ ਵੱਡੀਆਂ ਹੋਣਗੀਆਂ। ਮੈਂ ਉਸਨੂੰ ਤਾਜ ਪਹਿਨਾਇਆ ਹੈ, " ਪ੍ਰਮਾਤਮਾ ਆਖਦਾ ਹੈ, "ਜਿਵੇਂ ਮੈਂ ਅਸਤਰ ਨੂੰ ਤਾਜ ਪਹਿਨਾਇਆ ਸੀ। ਅਤੇ ਲੋਕ ਉਸਦਾ ਸਵਾਗਤ ਕਰਨਗੇ, ਕਿਉਂਕਿ ਉਸਦੇ ਕੋਲ ਖੁਸ਼ੀ ਦਾ ਤੇਲ ਹੋਵੇਗਾ, ਦੁੱਖ ਅਤੇ ਸੋਗ ਲਈ ਜੋ ਵਾਪਰਿਆ ਹੈ।"

ਸਾਡੇ ਸ਼ੋਅ ਵਿੱਚ ਅਸੀਂ ਜੋ ਦ੍ਰਿਸ਼ਮਾਨ ਅਤੇ ਅਦ੍ਰਿਸ਼ ਰਚਨਾਵਾਂ ਪੇਸ਼ ਕੀਤੀਆਂ ਹਨ, ਉਹ ਪਿਛਲੇ ਸਾਲਾਂ ਦੌਰਾਨ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਦੇ ਮਿਸ਼ਨ ਦਾ ਇੱਕ ਹਿੱਸਾ ਹਨ ਜੋ ਸਾਡੇ ਐਸੋਸੀਏਸ਼ਨ ਦੇ ਮੈਂਬਰਾਂ ਦੁਆਰਾ ਦੇਖੇ ਗਏ ਸਨ। ਭਾਵੇਂ ਅਸੀਂ ਇਹ ਅੰਦਾਜ਼ਾ ਨਹੀਂ ਲਗਾ ਸਕਦੇ ਕਿ ਉਹ ਇੰਨੇ ਛੋਟੇ ਜਿਹੇ ਭੌਤਿਕ ਢਾਂਚੇ ਵਿੱਚੋਂ ਕਿਵੇਂ ਉਨ੍ਹਾਂ ਨੂੰ ਪੂਰਾ ਕਰਨ ਦੇ ਯੋਗ ਹੋਏ ਹਨ, ਅਸੀਂ ਸਾਰੇ ਜੀਵਾਂ ਪ੍ਰਤੀ ਉਨ੍ਹਾਂ ਦੀ ਮਹਾਨ ਹਮਦਰਦੀ, ਗੁਆਚੀਆਂ ਰੂਹਾਂ ਨੂੰ ਬਚਾਉਣ ਲਈ ਉਨ੍ਹਾਂ ਦੇ ਅਟੁੱਟ ਸੰਕਲਪ, ਅਤੇ ਸਰਬਸ਼ਕਤੀਮਾਨ ਪ੍ਰਮਾਤਮਾ ਦੁਆਰਾ ਸੌਂਪੀ ਗਈ ਉਨ੍ਹਾਂ ਦੀ ਬ੍ਰਹਮ ਸ਼ਕਤੀ ਨੂੰ ਮਹਿਸੂਸ ਕਰਦੇ ਹਾਂ।