ਭਵਿਖਬਾਣੀ ਭਾਗ 410 - ਬਿਪਤਾ ਨੂੰ ਦੂਰ ਕਰਨ ਲਈ ਮੁਕਤੀਦਾਤੇ ਨਾਲ ਸਚੇ ਪਿਆਰ ਨੂੰ ਜਗਾਉ

"ਜਦੋਂ ਮਸੀਹ ਵਾਪਸ ਆਵੇਗਾ, ਤਾਂ ਉਹ ਪਹਿਲਾਂ ਆਪਣੀ ਮੌਜੂਦਗੀ ਪ੍ਰਗਟ ਨਹੀਂ ਕਰੇਗਾ, ਨਾ ਹੀ ਉਸ ਤੋਂ ਪਹਿਲਾਂ ਵਾਲੇ ਗੁਰੂ; ਪਰ ਹੌਲੀ-ਹੌਲੀ, ਅਜਿਹੇ ਕਦਮ ਚੁੱਕੇ ਜਾਣਗੇ ਜੋ ਮਨੁੱਖਾਂ ਨੂੰ ਇਹ ਪ੍ਰਗਟ ਕਰਨਗੇ ਕਿ ਉਨ੍ਹਾਂ ਵਿੱਚ ਹੁਣ ਇੱਕ ਅਜਿਹਾ ਆਦਮੀ ਰਹਿੰਦਾ ਹੈ ਜਿਸ ਕੋਲ ਸ਼ਾਨਦਾਰ, ਅਸਾਧਾਰਨ, ਸ਼ਕਤੀ, ਪਿਆਰ ਅਤੇ ਸੇਵਾ ਦੀ ਸਮਰੱਥਾ ਹੈ, ਅਤੇ ਦ੍ਰਿਸ਼ਟੀਕੋਣ ਦੀ ਵਿਸ਼ਾਲਤਾ ਹੈ, ਆਮ ਤੋਂ ਕਿਤੇ ਪਰੇ। ਦੁਨੀਆਂ ਭਰ ਦੇ ਮਰਦ ਅਤੇ ਔਰਤਾਂ ਆਪਣੇ ਆਪ ਨੂੰ ਆਧੁਨਿਕ ਦੁਨੀਆਂ ਦੇ ਉਸ ਬਿੰਦੂ ਦੀ ਜਾਗਰੂਕਤਾ ਵਿੱਚ ਖਿੱਚੇ ਹੋਏ ਪਾਣਗੇ ਜਿੱਥੇ ਇਹ ਆਦਮੀ ਰਹੇਗਾ; ਅਤੇ ਉਸ ਸ਼ਕਤੀ ਦੇ ਕੇਂਦਰ ਤੋਂ ਮਸੀਹ ਦੀ ਸੱਚੀ ਆਤਮਾ ਵਹਿ ਜਾਵੇਗੀ, ਜੋ ਹੌਲੀ-ਹੌਲੀ ਮਨੁੱਖਾਂ ਨੂੰ ਪ੍ਰਗਟ ਕਰੇਗੀ ਕਿ ਉਹ ਸਾਡੇ ਨਾਲ ਹੈ।"

ਬੈਂਜਾਮਿਨ ਕ੍ਰੀਮ, ਇੱਕ ਸਕਾਟਿਸ਼ ਕਲਾਕਾਰ, ਲੇਖਕ, ਅਤੇ ਗੁਪਤ ਦਾਰਸ਼ਨਿਕ ਨੇ, ਇਤਿਹਾਸ ਦੀ ਸਭ ਤੋਂ ਅਸਾਧਾਰਨ ਘਟਨਾ - ਮੇਤ੍ਰਿਆ ਦੇ ਉਭਾਰ ਲਈ ਰਾਹ ਤਿਆਰ ਕਰਨ ਲਈ ਆਪਣੇ ਆਪ ਨੂੰ ਸਮਰਪਿਤ ਕਰ ਦਿੱਤਾ, ਜਿਸਨੂੰ ਅਨਾਦ ਬੁੱਧੀ ਸਿੱਖਿਆਵਾਂ ਵਿੱਚ ਮਸੀਹ, ਵਿਸ਼ਵ ਅਧਿਆਪਕ, ਗ੍ਰਹਿ ਧਰਤੀ ਦੇ ਅਧਿਆਤਮਿਕ ਦਰਜਾਬੰਦੀ ਦੇ ਮੁਖੀ, ਅਤੇ ਸਾਰੇ ਗੁਰੂਆਂ ਦੇ ਗੁਰੂ ਵਜੋਂ ਪਛਾਣਿਆ ਗਿਆ ਹੈ।

Creme: ਮੈਂ ਇੱਕ ਮਿਸ਼ਨ ਵਾਲਾ ਇੱਕ ਆਦਮੀ ਹੋ ਸਕਦਾ ਹਾਂ ਪਰ ਇੱਕ ਮਿਸ਼ਨਰੀ ਨਹੀਂ, ਤੁਸੀਂ ਜਾਣਦੇ ਹੋ - ਉਥੇ ਇੱਕ ਅੰਤਰ ਹੈ। ਮੈਂ ਇੱਕ ਚਿੱਤਰਕਾਰ ਹਾਂ, ਇੱਕ ਕਲਾਕਾਰ ਹਾਂ, ਜਿਸਨੂੰ 1959 ਵਿੱਚ ਈਸਾ ਮਸੀਹ ਦੇ ਪੈਰੋਕਾਰਾਂ ਵਿਚੋਂ ਇੱਕ ਕਰੀਬੀ ਨੇ ਸੰਪਰਕ ਕੀਤਾ ਸੀ।

ਮਸੀਹ ਅਸਲ ਵਿੱਚ ਕਿਸੇ ਵਿਅਕਤੀ ਦਾ ਨਾਮ ਨਹੀਂ ਹੈ, ਇਹ ਇੱਕ ਮਹਾਨ ਗੁਰੂ ਦਾ ਨਾਮ ਹੈ, ਇੱਕ ਮਹਾਨ, ਸ਼ਕਤੀਸ਼ਾਲੀ, ਬਹੁਤ ਵਿਕਸਤ ਮਨੁੱਖ... ਦਰਅਸਲ, ਸਾਰੇ ਗੁਰੂਆਂ ਦਾ ਗੁਰੂ। ਅਤੇ ਗੁਰੂ ਸਾਡੇ ਵਰਗੇ ਹੀ ਮਨੁੱਖ ਹਨ ਜੋ ਵਿਕਾਸ ਵਿੱਚ ਸਾਡੇ ਤੋਂ ਪਹਿਲਾਂ ਹੋ ਗਏ ਹਨ ਅਤੇ ਇਸ ਵਿਕਾਸਵਾਦੀ ਮਾਰਗ ਨੂੰ ਪੂਰਾ ਕੀਤਾ ਹੈ ਜਿਸ 'ਤੇ ਅਸੀਂ ਪੂਰੀ ਤਰ੍ਹਾਂ ਚੱਲ ਰਹੇ ਹਾਂ।

1959 ਦੇ ਸ਼ੁਰੂ ਵਿੱਚ, ਹਿਮਾਲਿਆ ਵਿੱਚ ਰਹਿਣ ਵਾਲੇ ਇਹਨਾਂ ਗੁਰੂਆਂ ਵਿੱਚੋਂ ਇੱਕ ਨੇ ਮੇਰਾ ਸੰਪਰਕ ਕੀਤਾ। ਇਸ ਤੋਂ ਥੋੜ੍ਹੀ ਦੇਰ ਬਾਅਦ ਉਸਨੇ ਕਿਹਾ: "ਹੁਣ ਸਾਡੇ ਗੁਰੂ, ਸਾਰੇ ਗੁਰੂਆਂ ਦੇ ਗੁਰੂ, ਤੁਹਾਨੂੰ ਕੁਝ ਜ਼ਰੂਰੀ ਦੱਸਣਾ ਚਾਹੁੰਦੇ ਹਨ।" ਅਤੇ ਫਿਰ ਉਸਦੇ ਗੁਰੂ, ਪ੍ਰਭੂ ਮੇਤ੍ਰਿਆ ਦੀ ਆਵਾਜ਼ - ਉਸਨੂੰ ਆਪਣਾ ਨਿੱਜੀ ਨਾਮ ਦੇਣ ਲਈ, ਜੋ ਗੁਰੂ ਹੈ ਅਤੇ ਜੋ ਮਸੀਹ ਸਿਧਾਂਤ ਨੂੰ ਦਰਸਾਉਂਦਾ ਹੈ - ਪਿਆਰ ਦੀ ਊਰਜਾ, ਇਸ ਲਈ ਉਹ ਪਿਆਰ ਦਾ ਪ੍ਰਭੂ ਹੈ।

ਦਹਾਕਿਆਂ ਤੱਕ, ਉਸਨੇ ਲੈਕਚਰਾਂ, ਮੀਡੀਆ ਇੰਟਰਵਿਊਆਂ ਅਤੇ ਕਿਤਾਬਾਂ ਰਾਹੀਂ ਭਗਵਾਨ ਮੇਤ੍ਰਿਆ, ਪ੍ਰੇਮ ਦੇ ਪ੍ਰਭੂ, ਜਾਂ ਵਿਸ਼ਵ ਗੁਰੂ ਤੋਂ ਟੈਲੀਪੈਥਿਕ ਤੌਰ 'ਤੇ ਪ੍ਰਾਪਤ ਕੀਤੇ ਸੰਦੇਸ਼ਾਂ ਨੂੰ ਜਨਤਾ ਤੱਕ ਪਹੁੰਚਾਇਆ। ਇਹ ਸੁਨੇਹੇ ਕਈ ਤਰ੍ਹਾਂ ਦੇ ਵਿਸ਼ਿਆਂ ਨੂੰ ਕਵਰ ਕਰਦੇ ਹਨ, ਜਿਸ ਵਿੱਚ ਭਗਵਾਨ ਮੇਤ੍ਰਿਆ ਦੇ ਉਭਾਰ ਦਾ ਸਮਾਂ ਅਤੇ ਢੰਗ ਅਤੇ ਨਾਲ ਹੀ ਉਨ੍ਹਾਂ ਦੇ ਮੁੱਖ ਮਿਸ਼ਨ ਸ਼ਾਮਲ ਹਨ। 1975 ਵਿੱਚ ਉਸਦੇ ਪਹਿਲੇ ਜਨਤਕ ਭਾਸ਼ਣ ਤੋਂ ਬਾਅਦ, ਲੱਖਾਂ ਲੋਕਾਂ ਨੇ ਸ਼੍ਰੀ ਕ੍ਰੀਮ ਦਾ ਸੰਦੇਸ਼ ਸੁਣਿਆ ਹੈ ਅਤੇ ਬਹੁਤ ਸਾਰੇ ਇਸਨੂੰ ਵਿਸ਼ਵਵਿਆਪੀ ਪੱਧਰ 'ਤੇ ਜਾਣੂ ਕਰਵਾਉਣ ਵਿੱਚ ਮਦਦ ਕਰਨ ਲਈ ਪ੍ਰੇਰਿਤ ਹੋਏ ਹਨ। ਸ਼੍ਰੀ ਕਰੀਮ ਨੇ ਕਿਹਾ, "ਮੇਰਾ ਕੰਮ ਜਨਤਾ ਤੱਕ ਸ਼ੁਰੂਆਤੀ ਪਹੁੰਚ ਬਣਾਉਣਾ ਰਿਹਾ ਹੈ, ਉਮੀਦ ਅਤੇ ਸੰਭਾਵਨਾ ਦਾ ਮਾਹੌਲ ਬਣਾਉਣ ਵਿੱਚ ਮਦਦ ਕਰਨਾ। ਜੇ ਮੈਂ ਇਹ ਕਰ ਸਕਦਾ ਹਾਂ, ਤਾਂ ਮੈਨੂੰ ਬਹੁਤ ਖੁਸ਼ੀ ਹੋਵੇਗੀ।"

ਬੈਂਜਾਮਿਨ ਕ੍ਰੀਮ 24 ਅਕਤੂਬਰ, 2016 ਨੂੰ ਇਸ ਦੁਨੀਆਂ ਤੋਂ ਚਲੇ ਗਏ, ਪਰ ਉਨ੍ਹਾਂ ਦਾ ਕੰਮ ਉਨ੍ਹਾਂ ਦੇ ਸੰਦੇਸ਼ਾਂ ਤੋਂ ਪ੍ਰੇਰਿਤ ਵਿਸ਼ਵਵਿਆਪੀ ਸਮੂਹਾਂ ਦੇ ਇੱਕ ਨੈੱਟਵਰਕ ਰਾਹੀਂ ਜਾਰੀ ਹੈ।

ਬੈਂਜਾਮਿਨ ਕ੍ਰੀਮ ਦੁਆਰਾ ਪ੍ਰਗਟ ਕੀਤੇ ਗਏ ਮੇਤ੍ਰਿਆ ਦੇ ਉਭਾਰ ਦੇ ਤਰੀਕੇ ਅਤੇ ਸਮਾਂ-ਰੇਖਾ ਸਾਡੇ ਸਭ ਤੋਂ ਪਿਆਰੇ ਪਰਮ ਸਤਿਗੁਰੂ ਚਿੰਗ ਹਾਈ ਜੀ (ਵੀਗਨ) ਦੀ ਨਿੱਜੀ ਯਾਤਰਾ, ਉਨ੍ਹਾਂ ਦੇ ਸਰੀਰਕ ਜਨਮ ਤੋਂ ਲੈ ਕੇ, ਪੂਰਨ ਗਿਆਨ ਪ੍ਰਾਪਤ ਕਰਨ, ਇੱਕ ਵਿਸ਼ਵਵਿਆਪੀ ਅਧਿਆਤਮਿਕ ਆਗੂ ਬਣਨ ਤੱਕ, ਅਤੇ ਸੁਪਰੀਮ ਮਾਸਟਰ ਟੀਵੀ 'ਤੇ ਉਨ੍ਹਾਂ ਦੀ ਪਛਾਣ ਦੀ ਅੰਤਿਮ ਘੋਸ਼ਣਾ ਨਾਲ ਬਹੁਤ ਸਮਾਨਤਾਵਾਂ ਰੱਖਦੀ ਹੈ।

ਤਿੱਕੜੀ ਦੇ ਪਹਿਲੇ ਭਾਗ ਵਿੱਚ "ਮੇਤ੍ਰਿਆ ਦਾ ਮਿਸ਼ਨ," ਬੈਂਜਾਮਿਨ ਕ੍ਰੀਮ ਨੇ ਲਿਖਿਆ:

"ਇਸ ਵਾਪਸੀ ਦਾ ਸੰਕੇਤ ਜੂਨ 1945 ਵਿੱਚ, ਯੁੱਧ ਦੇ ਅੰਤ ਵਿੱਚ, ਮੇਤ੍ਰਿਆ ਦੁਆਰਾ ਖੁਦ ਦਿੱਤਾ ਗਿਆ ਸੀ। ਉਸਨੇ ਇਕੱਠੇ-ਹੋਏ ਗੁਰੂਆਂ ਨੂੰ ਐਲਾਨ ਕੀਤਾ ਕਿ ਉਸਨੇ ਜਲਦੀ ਤੋਂ ਜਲਦੀ ਰੋਜ਼ਾਨਾ ਸੰਸਾਰ ਵਿੱਚ ਵਾਪਸ ਆਉਣ ਦਾ ਫੈਸਲਾ ਕੀਤਾ ਹੈ, ਜਿਵੇਂ ਹੀ ਮਨੁੱਖਤਾ ਆਪਣੇ ਘਰ ਨੂੰ ਠੀਕ ਕਰਨਾ ਸ਼ੁਰੂ ਕਰੇਗੀ, ਅਤੇ ਆਪਣੇ ਪੈਰੋਕਾਰ, ਗੁਰੂਆਂ ਦੇ, ਇੱਕ ਵੱਡੇ ਸਮੂਹ ਨੂੰ ਆਪਣੇ ਨਾਲ ਸੰਸਾਰ ਵਿੱਚ ਲਿਆਵੇਗਾ।

ਉਸਨੇ ਕਿਹਾ ਕਿ ਉਹ ਉਦੋਂ ਆਵੇਗਾ ਜਦੋਂ ਦੁਨੀਆਂ ਵਿੱਚ ਕੁਝ ਹੱਦ ਤੱਕ ਸ਼ਾਂਤੀ ਬਹਾਲ ਹੋ ਜਾਵੇਗੀ; ਜਦੋਂ ਸਾਂਝਾਕਰਨ ਦਾ ਸਿਧਾਂਤ ਘੱਟੋ-ਘੱਟ ਆਰਥਿਕ ਮਾਮਲਿਆਂ ਨੂੰ ਨਿਯੰਤਰਿਤ ਕਰਨਾ ਸ਼ੁਰੂ ਕਰ ਰਿਹਾ ਸੀ; ਅਤੇ ਜਦੋਂ ਸਦਭਾਵਨਾ ਦਾ ਸਿਧਾਂਤ ਸਰਗਰਮ ਸੀ, ਜੋ ਸਹੀ ਮਨੁੱਖੀ ਸਬੰਧਾਂ ਵੱਲ ਲੈ ਜਾਂਦਾ ਸੀ। ਉਸਨੂੰ 1950 ਦੇ ਆਸ ਪਾਸ ਆਉਣ ਦੀ ਉਮੀਦ ਸੀ। ਇਹ ਉਮੀਦ ਕੀਤੀ ਜਾਂਦੀ ਸੀ ਕਿ ਯੁੱਧ ਦੇ ਦਰਦ ਅਤੇ ਦੁੱਖ ਨੇ ਮਨੁੱਖਤਾ ਨੂੰ ਤਾੜਿਆ ਹੋਵੇਗਾ ਅਤੇ ਇਕ ਦਿਸ਼ਾ ਬਦਲ ਦਿੱਤੀ ਹੋਵੇਗੀ।"

ਇਸ ਤਰ੍ਹਾਂ, ਬੈਂਜਾਮਿਨ ਕ੍ਰੀਮ ਦੇ ਅਨੁਸਾਰ, 1945 ਵਿੱਚ, ਭਗਵਾਨ ਮੇਤ੍ਰਿਆ ਨੇ ਦੁਨੀਆ ਵਿੱਚ ਵਾਪਸੀ ਦੇ ਆਪਣੇ ਫੈਸਲੇ ਦਾ ਐਲਾਨ ਕੀਤਾ, ਅਤੇ 1950 ਦੇ ਆਸਪਾਸ ਆਉਣ ਦੀ ਆਪਣੀ ਉਮੀਦ ਦਾ । ਸੰਜੋਗ ਨਾਲ, ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਦਾ ਭੌਤਿਕ ਸਰੀਰ 1950 ਵਿੱਚ ਪੈਦਾ ਹੋਇਆ ਸੀ।

ਕਈ ਮੌਕਿਆਂ 'ਤੇ, ਬੈਂਜਾਮਿਨ ਕ੍ਰੀਮ ਨੇ ਕਿਹਾ ਕਿ ਭਗਵਾਨ ਮੇਤ੍ਰਿਆ ਯੂਨਾਈਟਿਡ ਕਿੰਗਡਮ ਵਿੱਚ ਹਵਾਈ ਜਹਾਜ਼ ਰਾਹੀਂ ਪਹੁੰਚੇ ਸਨ, ਜੋ ਉਨ੍ਹਾਂ ਦਾ "ਧਿਆਨ ਕੇਂਦਰ" ਸੀ, ਅਤੇ 1970 ਦੇ ਦਹਾਕੇ ਵਿੱਚ ਲੰਡਨ ਵਿੱਚ ਇੱਕ ਏਸ਼ੀਅਨ ਭਾਈਚਾਰੇ ਵਿੱਚ ਇੱਕ ਆਮ ਵਿਅਕਤੀ ਵਜੋਂ ਰਹਿ ਰਹੇ ਸਨ। ਹਾਲਾਂਕਿ ਉਸਨੇ ਮੇਤ੍ਰਿਆ ਦੀ ਨਾਗਰਿਕਤਾ ਜਾਂ ਨਸਲ ਬਾਰੇ ਨਹੀਂ ਦੱਸਿਆ, ਕੁਝ ਲੋਕ ਇਸਦਾ ਅਰਥ ਇਹ ਸਮਝਦੇ ਹਨ ਕਿ ਉਹ ਬ੍ਰਿਟਿਸ਼ ਨਾਗਰਿਕਤਾ ਵਾਲੇ ਇੱਕ ਏਸ਼ੀਅਨ ਵਜੋਂ ਉਭਰਿਆ ਹੈ। ਇਹ ਫਿਰ ਸਾਡੇ ਸਭ ਤੋਂ ਪਿਆਰੇ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਦੇ ਜੀਵਨ ਨਾਲ ਮੇਲ ਖਾਂਦਾ ਹੈ, ਜਿਨ੍ਹਾਂ ਦਾ ਜਨਮ ਏਸ਼ੀਅਨ ਦੇਸ਼ ਔ ਲੈਕ (ਵੀਐਤਨਾਮ) ਵਿੱਚ ਹੋਇਆ ਸੀ, 1970 ਦੇ ਦਹਾਕੇ ਦੇ ਆਸਪਾਸ ਆਪਣੀ ਜਵਾਨੀ ਵਿੱਚ ਪੜ੍ਹਾਈ ਕਰਨ ਲਈ ਯੂਨਾਈਟਿਡ ਕਿੰਗਡਮ ਗਏ ਸਨ ਅਤੇ ਇੱਕ ਬ੍ਰਿਟਿਸ਼ ਨਾਗਰਿਕ ਹਨ।

1959 ਦੇ ਸ਼ੁਰੂ ਵਿੱਚ, ਬੈਂਜਾਮਿਨ ਕ੍ਰੀਮ ਨੇ ਰਿਪੋਰਟ ਦਿੱਤੀ ਕਿ ਭਗਵਾਨ ਮੇਤ੍ਰਿਆ ਨੇ ਆਪਣੇ ਉਭਾਰ ਦੇ ਸਮੇਂ ਬਾਰੇ ਟੈਲੀਪੈਥਿਕ ਤੌਰ 'ਤੇ ਸੰਚਾਰ ਕੀਤਾ ਸੀ।

ਉਸਨੇ ਕਿਹਾ: "ਮੈਂ, ਮੈਂ ਖੁਦ, ਕਿਸੇ ਦੇ ਸੋਚਣ ਤੋਂ ਜਲਦੀ ਆ ਰਿਹਾ ਹਾਂ। ਇਹ ਲਗਭਗ 20 ਸਾਲਾਂ ਵਿੱਚ ਹੋਵੇਗਾ।"

ਸਾਡਾ ਮੰਨਣਾ ਹੈ ਕਿ ਇਹ ਸੰਦੇਸ਼ ਮੇਤ੍ਰਿਆ ਦੇ ਉਭਾਰ ਦੇ ਦੂਜੇ ਪੜਾਅ ਦਾ ਹਵਾਲਾ ਦਿੰਦਾ ਹੈ, ਜਦੋਂ ਮਸੀਹ ਚੇਤਨਾ ਉਸਦੇ ਭੌਤਿਕ ਸਰੀਰ ਵਿੱਚ ਆਈ, ਜਾਂ ਮੇਤ੍ਰਿਆ ਨੇ ਆਪਣੀ ਮਾਸਟ੍ਰੀਸ਼ਿਪ ਦਾ ਦਾਅਵਾ ਕੀਤਾ। ਇਹ 1959 ਤੋਂ ਲਗਭਗ ਦੋ ਦਹਾਕੇ ਬਾਅਦ, 1980 ਦੇ ਦਹਾਕੇ ਦੇ ਆਸਪਾਸ ਵਿੱਚ ਹੋਣ ਦੀ ਭਵਿੱਖਬਾਣੀ ਕੀਤੀ ਗਈ ਹੈ।

ਹੈਰਾਨੀ ਦੀ ਗੱਲ ਹੈ ਕਿ, ਇਹ 1980 ਦੇ ਦਹਾਕੇ ਦੇ ਸ਼ੁਰੂ ਵਿੱਚ ਸੀ ਜਦੋਂ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨੇ ਗਿਆਨ ਪ੍ਰਾਪਤ ਕਰਨ ਲਈ ਭਾਰਤ, ਹਿਮਾਲਿਅਨ ਖੇਤਰਾਂ ਦੀ ਯਾਤਰਾ ਕੀਤੀ। ਪੂਰਨ ਗਿਆਨ ਪ੍ਰਾਪਤ ਕਰਨ ਤੋਂ ਬਾਅਦ, ਉਹ ਦੁਨੀਆ ਵਿੱਚ ਵਾਪਸ ਆ ਗਏ। ਸਤਿਗੁਰੂ ਜੀ 1980 ਦੇ ਦਹਾਕੇ ਦੇ ਮਧ ਤੱਕ ਕੁਝ ਸਾਲਾਂ ਲਈ ਚੁੱਪ-ਚਾਪ ਰਹੇ, ਬਿਨਾਂ ਆਪਣੀ ਮੌਜੂਦਗੀ ਦਾ ਖੁਲਾਸਾ ਕੀਤੇ। ਇਹ ਫਿਰ ਤੋਂ ਸ਼੍ਰੀ ਕਰੀਮ ਦੀ ਕਿਤਾਬ "ਦ ਰੀਅਪੀਅਰੈਂਸ ਆਫ਼ ਦ ਕ੍ਰਾਈਸਟ ਐਂਡ ਦ ਮਾਸਟਰਜ਼ ਆਫ਼ ਵਿਜ਼ਡਮ" ਵਿੱਚ ਵਰਣਨ ਨਾਲ ਮੇਲ ਖਾਂਦਾ ਹੈ।

"ਜਦੋਂ ਮਸੀਹ ਵਾਪਸ ਆਵੇਗਾ, ਤਾਂ ਉਹ ਪਹਿਲਾਂ ਆਪਣੀ ਮੌਜੂਦਗੀ ਪ੍ਰਗਟ ਨਹੀਂ ਕਰੇਗਾ, ਨਾ ਹੀ ਉਸ ਤੋਂ ਪਹਿਲਾਂ ਵਾਲੇ ਗੁਰੂ; ਪਰ ਹੌਲੀ-ਹੌਲੀ, ਅਜਿਹੇ ਕਦਮ ਚੁੱਕੇ ਜਾਣਗੇ ਜੋ ਮਨੁੱਖਾਂ ਨੂੰ ਇਹ ਪ੍ਰਗਟ ਕਰਨਗੇ ਕਿ ਉਨ੍ਹਾਂ ਵਿੱਚ ਹੁਣ ਇੱਕ ਅਜਿਹਾ ਆਦਮੀ ਰਹਿੰਦਾ ਹੈ ਜਿਸ ਕੋਲ ਸ਼ਾਨਦਾਰ, ਅਸਾਧਾਰਨ, ਸ਼ਕਤੀ, ਪਿਆਰ ਅਤੇ ਸੇਵਾ ਦੀ ਸਮਰੱਥਾ ਹੈ, ਅਤੇ ਦ੍ਰਿਸ਼ਟੀਕੋਣ ਦੀ ਵਿਸ਼ਾਲਤਾ ਹੈ, ਆਮ ਤੋਂ ਕਿਤੇ ਪਰੇ। ਦੁਨੀਆਂ ਭਰ ਦੇ ਮਰਦ ਅਤੇ ਔਰਤਾਂ ਆਪਣੇ ਆਪ ਨੂੰ ਆਧੁਨਿਕ ਦੁਨੀਆਂ ਦੇ ਉਸ ਬਿੰਦੂ ਦੀ ਜਾਗਰੂਕਤਾ ਵਿੱਚ ਖਿੱਚੇ ਹੋਏ ਪਾਣਗੇ ਜਿੱਥੇ ਇਹ ਆਦਮੀ ਰਹੇਗਾ; ਅਤੇ ਉਸ ਸ਼ਕਤੀ ਦੇ ਕੇਂਦਰ ਤੋਂ ਮਸੀਹ ਦੀ ਸੱਚੀ ਆਤਮਾ ਵਹਿ ਜਾਵੇਗੀ, ਜੋ ਹੌਲੀ-ਹੌਲੀ ਮਨੁੱਖਾਂ ਨੂੰ ਪ੍ਰਗਟ ਕਰੇਗੀ ਕਿ ਉਹ ਸਾਡੇ ਨਾਲ ਹੈ।"

ਜਿਵੇਂ ਕਿ ਸ਼੍ਰੀ ਕਰੀਮ ਨੇ ਕਿਹਾ, ਆਪਣੇ ਸ਼ੁਰੂਆਤੀ ਸਾਲਾਂ ਵਿੱਚ, ਭਾਵੇਂ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਇੱਕ ਘੱਟ ਪ੍ਰੋਫਾਈਲ ਰੱਖਦੇ ਸਨ, ਉਹ ਜਿੱਥੇ ਵੀ ਜਾਂਦੇ ਸਨ, ਲੋਕ ਉਨ੍ਹਾਂ ਦੀ ਬ੍ਰਹਮ ਮਸੀਹ ਊਰਜਾ ਨੂੰ ਮਹਿਸੂਸ ਕਰਨ ਲੱਗ ਪੈਂਦੇ ਸਨ, ਉਨ੍ਹਾਂ ਵੱਲ ਆਕਰਸ਼ਿਤ ਹੋਣ ਲੱਗਦੇ ਸਨ, ਅਤੇ ਉਨ੍ਹਾਂ ਤੋਂ ਸਿੱਖਣ ਦੀ ਇੱਛਾ ਰੱਖਦੇ ਸਨ।

Master: ਭਾਰਤ ਵਿੱਚ ਮੈਨੂੰ ਪਹਿਲਾਂ ਹੀ ਲੱਭ ਲਿਆ ਗਿਆ ਸੀ, ਕਿਉਂਕਿ ਮੈਂ ਇੱਕ ਕਿਤਾਬ ਖਰੀਦਣਾ ਚਾਹੁੰਦੀ ਸੀ ਅਤੇ ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਕੋਲ ਇਹ ਨਹੀਂ ਹੈ, ਮੈਂ ਕਿਹਾ, "ਤੁਹਾਡੇ ਕੋਲ ਹੈ।" "ਮੈਂ ਇਹ ਤੁਹਾਡੀ ਦੁਕਾਨ ਵਿਚ ਦੇਖੀ ਸੀ।" ਇਹਦਾ ਇੱਕ ਅਜਿਹਾ ਰੰਗ ਹੈ, ਅਜਿਹਾ ਇੱਕ ਆਕਾਰ ਹੈ।" ਅਤੇ ਫਿਰ ਉਨ੍ਹਾਂ ਨੇ ਸੋਚਿਆ ਕਿ ਮੈਂ ਪਹਿਲਾਂ ਹੀ ਇੱਕ ਬੁੱਧ ਹਾਂ।

ਉਨ੍ਹਾਂ ਵਿੱਚੋਂ ਘੱਟੋ-ਘੱਟ ਇੱਕ ਮੇਰੇ ਪਿੱਛੇ ਆਇਆ, ਮੇਰਾ ਪੈਰੋਕਾਰ ਬਣਨਾ ਚਾਹੁੰਦਾ ਸੀ। ਇਸ ਲਈ, ਮੈਂ ਉਸਦਾ ਟੈਸਟ ਲਿਆ ਅਤੇ ਉਹ ਪਾਸ ਹੋ ਗਿਆ, ਇਸ ਲਈ ਮੈਨੂੰ ਆਪਣਾ ਵਾਅਦਾ ਨਿਭਾਉਣਾ ਪਿਆ। ਮੇਰਾ ਪਹਿਲਾ ਪੈਰੋਕਾਰ, ਅਖੌਤੀ, ਗੰਗਾ ਨਦੀ ਦੇ ਕੰਢੇ ਤੇ ਸੀ। ਮੇਰਾ ਕੋਈ ਮੰਦਰ ਨਹੀਂ ਸੀ, ਕੁਝ ਵੀ ਨਹੀਂ ਸੀ। ਕੋਈ ਸਿਰ ਮੁੰਨਿਆ ਨਹੀਂ, ਕੁਝ ਨਹੀਂ। ਮੈਂ ਬਸ ਚਿੱਟੇ ਕੱਪੜੇ ਪਾਏ ਸਨ, ਜ਼ਿਆਦਾਤਰ ਭਾਰਤੀਆਂ ਵਾਂਗ। ਠੀਕ ਹੈ। ਇਹ ਮੇਰਾ ਪਹਿਲਾ ਲਭਿਆ ਗਿਆ ਮਿਸ਼ਨ ਸੀ।

ਮੈਂ ਤਾਈਵਾਨ (ਫਾਰਮੋਸਾ) ਗਈ ਸੀ, ਮੈਨੂੰ ਫਿਰ ਲੱਭ ਲਿਆ ਗਿਆ, ਮੈਂ ਤੁਹਾਨੂੰ ਹੁਣੇ ਦੱਸਿਆ ਸੀ। ਮੈਂ ਮੰਦਰ ਵਿੱਚ ਰਹਿੰਦੀ ਸੀ, ਮੰਦਰ ਦੇ ਪਿੱਛੇ, ਇੱਕ ਬਹੁਤ ਹੀ ਅਣਜਾਣ ਇਲਾਕਾ ਜਿੱਥੇ ਉਹ ਮਰੇ-ਹੋਏ ਲੋਕਾਂ ਦੀਆਂ ਅਸਥੀਆਂ ਰੱਖਦੇ ਹਨ। ਮੈਂ ਮੁਰਦਿਆਂ ਦੇ ਵਿਚਕਾਰ ਰਹਿੰਦੀ ਸੀ। ਉਹਨਾਂ ਨੇ ਫਿਰ ਵੀ ਮੈਨੂੰ ਲੱਭ ਹੀ ਲਿਆ; ਇੱਕ ਟੋਲਾ, ਉਹ ਆਏ, ਅਜਿਹੀ ਇਕ ਰਾਤ ਵਿੱਚ; ਗਰਜ, ਮੀਂਹ। ਮੈਂ ਕਦੇ ਨਹੀਂ ਭੁੱਲਾਂਗੀ। ਉਹ ਅੰਦਰ ਆਏ ਕਿਉਂਕਿ ਉਹ ਬਹੁਤ ਜਲਦੀ ਵਿੱਚ (ਸਨ)। (ਉਹ) ਦਿਨ ਵੇਲੇ ਕਿਉਂ ਨਹੀਂ ਆਏ? ਰਾਤ ਨੂੰ ਆਏ, ਮੇਰੇ ਛੋਟੇ ਜਿਹੇ ਮੁਰਦਿਆਂ ਦੇ ਕੁਆਰਟਰਾਂ 'ਤੇ ਦਸਤਕ ਦਿੱਤੀ। ਮੈਨੂੰ ਉਨ੍ਹਾਂ ਨੂੰ (ਦੀਖਿਆ) ਦੇਣੀ ਪਈ। ਠੀਕ ਹੈ, ਕਿਉਂਕਿ ਉਨ੍ਹਾਂ ਨੇ ਕਿਹਾ ਕਿ ਬੋਧੀਸਤਵ ਨੇ ਉਨ੍ਹਾਂ ਨੂੰ ਦਿਸ਼ਾ ਦਿੱਤੀ ਸੀ। ਹਹ, ਬੋਧੀਸਤਵ ਦੇ ਸਤਿਕਾਰ ਲਈ, ਮੈਨੂੰ ਕਰਨਾ ਪਿਆ, ਕਿ ਨਹੀਂ?

ਅਤੇ ਫਿਰ ਮੈਂ ਅਮਰੀਕਾ ਭੱਜ ਗਈ, ਅਤੇ ਉਨ੍ਹਾਂ ਨੇ ਮੈਨੂੰ ਫਿਰ ਲੱਭ ਲਿਆ। ਕਾਲੇ ਅਤੇ ਗੋਰੇ ਲੋਕਾਂ ਦਾ ਇੱਕ ਸਮੂਹ ਮੰਦਰ ਵਿੱਚ ਆਇਆ ਜਿੱਥੇ ਮੈਂ ਹਰ ਰੋਜ਼ ਟਾਇਲਟ ਸਾਫ਼ ਕਰ ਰਹੀ ਸੀ ਅਤੇ ਫਰਸ਼ ਪੂੰਝ ਰਹੀ ਸੀ, ਅਤੇ ਆਉਣ-ਵਾਲੇ ਸਾਰਿਆਂ ਲਈ ਖਾਣਾ ਬਣਾ ਰਹੀ ਸੀ, ਅਤੇ ਮਠਾਠ ਲਈ ਵੀ। ਉਹ ਅੰਦਰ ਆਏ ਅਤੇ ਕਿਹਾ, "ਓਹ, ਸਾਨੂੰ ਪਤਾ ਹੈ। ਸਾਡੇ ਦਰਸ਼ਨ ਦੇ ਅੰਦਰ ਕੋਈ ਪ੍ਰਗਟ ਹੋਇਆ ਅਤੇ ਸਾਨੂੰ ਇੱਥੇ ਆਉਣ ਲਈ ਕਿਹਾ, ਇਸ ਪਤੇ 'ਤੇ।" ਉਹ ਪਹਿਲਾਂ ਕਦੇ ਉੱਥੇ ਨਹੀਂ ਗਏ ਸਨ। ਉਨ੍ਹਾਂ ਵਿੱਚੋਂ ਕੋਈ ਵੀ ਪਹਿਲਾਂ ਉੱਥੇ ਨਹੀਂ ਗਿਆ ਸੀ, ਅਤੇ ਉਨ੍ਹਾਂ ਵਿੱਚੋਂ ਕੋਈ ਵੀ ਉਸ ਅਸਥੀਆਂ ਵਾਲੇ ਕਮਰੇ, ਮੁਰਦਾ ਕਮਰੇ ਵਿੱਚ ਪਹਿਲਾਂ ਨਹੀਂ ਗਿਆ ਸੀ। ਉਨ੍ਹਾਂ ਨੂੰ ਆਉਣ ਦਾ ਰਸਤਾ ਮਿਲ ਗਿਆ, ਅਤੇ ਉਨ੍ਹਾਂ ਨੇ ਕਿਹਾ ਕਿ, "ਇੱਥੇ ਆਓ ਅਤੇ ਫਿਰ ਤੁਸੀਂ ਸਾਨੂੰ ਸਮੁੰਦਰ ਨੂੰ ਸੁਣਨਾ ਸਿਖਾਓਗੇ," ਅਤੇ ਇਹ ਕਿ, "ਤੁਹਾਡਾ ਨਾਮ ਗੁਰੂ ਜੀ ਹੈ।"

ਦਰਅਸਲ, ਜੀ ਇੱਕ ਅਜਿਹਾ ਨਾਮ ਹੈ ਜੋ ਕਿਸੇ ਵੀ ਮਹਾਨ ਵਿਅਕਤੀ ਨੂੰ ਸੰਬੋਧਿਤ ਕੀਤਾ ਜਾਂਦਾ ਹੈ, ਜਿਵੇਂ ਕਿ "ਮਹਾਨ" ਜੀ, ਜਿਸਦਾ ਅਰਥ ਹੈ "ਮਹਾਨ," ਗੁਰੂ ਜੀ। ਮੈਂ ਕਿਹਾ, "ਨਹੀਂ। ਤੁਸੀਂ ਮਠਾਠ ਨੂੰ ਲੱਭ ਰਹੇ ਹੋ, ਠੀਕ ਹੈ?" ਉਨ੍ਹਾਂ ਨੇ ਕਿਹਾ, "ਨਹੀਂ, ਨਹੀਂ, ਨਹੀਂ, ਨਹੀਂ।" ਉਨ੍ਹਾਂ ਨੇ ਕਿਹਾ, "ਮਠਾਠ ਨਹੀਂ।" 'ਗੁਰੂ ਜੀ।'" ਅਤੇ ਫਿਰ ਦੂਜੇ ਨੇ ਕਿਹਾ, "ਨਹੀਂ, ਨਹੀਂ। ਗੁਰੂ ਚਿੰਗ, ਮੈਨੂੰ ਲੱਗਦਾ ਹੈ, ਚਿੰਗ।" ਉਹ ਇੱਕ ਦੂਜੇ ਨਾਲ ਚਿੰਗ ਜਾਂ ਜੀ ਨਾਲ ਬਹਿਸ ਕਰਦੇ ਸਨ।

ਮੈਂ ਕਿਹਾ, "ਨਹੀਂ, ਮਠਾਠ ਦਾ ਨਾਮ ਫਲਾਣਾ ਹੈ। ਉਹ ਇਸ ਵੇਲੇ ਇੱਥੇ ਨਹੀਂ ਹੈ। ਹੋ ਸਕਦਾ ਹੈ ਕਿ ਤੁਸੀਂ ਦੋ ਮਹੀਨਿਆਂ ਬਾਅਦ ਵਾਪਸ ਆਓ ਜਦੋਂ ਉਹ ਅਮਰੀਕਾ ਵਾਪਸ ਆਵੇਗਾ।" ਉਨ੍ਹਾਂ ਨੇ ਕਿਹਾ, "ਨਹੀਂ, ਨਹੀਂ, ਨਹੀਂ।" ਇੱਕ ਆਦਮੀ ਨਹੀਂ।" ਉਸਨੇ ਕਿਹਾ, "ਇਹ ਇੱਕ ਔਰਤ ਹੈ।" ਅਤੇ ਉੱਥੇ ਸਿਰਫ਼ ਮੈਂ। ਮਠਾਠ ਇੱਕ ਆਦਮੀ ਹੈ, ਮੈਂ ਇੱਕ ਔਰਤ ਹਾਂ। ਅਤੇ ਹੋਰ ਆਮ ਲੋਕ ਉਸ ਨਾਲ ਸਿੱਖਣ ਲਈ ਆਉਂਦੇ-ਜਾਂਦੇ ਰਹਿੰਦੇ ਹਨ, ਆਉਂਦੇ-ਜਾਂਦੇ ਰਹਿੰਦੇ ਹਨ। ਇਸ ਲਈ ਮੈਨੂੰ ਉਨ੍ਹਾਂ ਨੂੰ ਵੀ ਸਿਖਾਉਣਾ ਪਿਆ। ਇਹ ਤੀਜੀ ਵਾਰ ਹੈ। ਦੇਖੋ ਮੈਂ ਕੀ ਕਹਿ ਰਹੀ ਹਾਂ? ਉਹ ਤੁਹਾਨੂੰ ਸੁੰਘ ਲੈਂਦੇ ਹਨ।

27 ਮਈ, 1982 ਨੂੰ, ਬੈਂਜਾਮਿਨ ਕ੍ਰੀਮ ਨੂੰ ਭਗਵਾਨ ਮੇਤ੍ਰਿਆ ਦੁਆਰਾ ਆਪਣੀ ਘੋਸ਼ਣਾ ਤੋਂ ਪਹਿਲਾਂ ਦਿੱਤੇ ਗਏ 140 ਸੰਦੇਸ਼ਾਂ ਵਿੱਚੋਂ ਆਖਰੀ ਪ੍ਰਾਪਤ ਹੋਇਆ।

"ਮੇਰੇ ਪਿਆਰੇ ਦੋਸਤੋ, ਮੈਂ ਤੁਹਾਡੇ ਨਾਲ ਇੱਕ ਵਾਰ ਫਿਰ ਆ ਕੇ ਖੁਸ਼ ਹਾਂ, ਅਤੇ ਤੁਹਾਨੂੰ ਇਸ ਤਰੀਕੇ ਨਾਲ ਇਹ ਆਖਰੀ ਸੰਚਾਰ ਦੇ ਰਿਹਾ ਹਾਂ। ਮੇਰਾ ਇਰਾਦਾ ਇਹ ਰਿਹਾ ਹੈ ਕਿ ਮੈਂ ਆਪਣੇ ਆਪ ਨੂੰ ਜਲਦੀ ਤੋਂ ਜਲਦੀ ਪ੍ਰਗਟ ਕਰਾਂ, ਬਿਨਾਂ ਕਿਸੇ ਦੇਰੀ ਦੇ, ਅਤੇ ਦੁਨੀਆ ਦੇ ਸਾਹਮਣੇ ਤੁਹਾਡੇ ਦੋਸਤ ਅਤੇ ਗੁਰੂ ਦੇ ਰੂਪ ਵਿੱਚ ਆਵਾਂ। ਬਹੁਤ ਕੁਝ ਮੇਰੀ ਤੁਰੰਤ ਖੋਜ 'ਤੇ ਨਿਰਭਰ ਕਰਦਾ ਹੈ, ਕਿਉਂਕਿ ਇਸ ਤਰੀਕੇ ਨਾਲ ਮੈਂ ਤੁਹਾਡੀ ਦੁਨੀਆ ਨੂੰ ਬਚਾਉਣ ਵਿੱਚ ਤੁਹਾਡੀ ਮਦਦ ਕਰ ਸਕਦਾ ਹਾਂ। ਮੈਂ ਇੱਥੇ ਤੁਹਾਡੀ ਮਦਦ ਕਰਨ ਅਤੇ ਸਿਖਾਉਣ, ਤੁਹਾਨੂੰ ਭਵਿੱਖ ਦਾ ਰਸਤਾ ਦਿਖਾਉਣ, ਅਤੇ ਤੁਹਾਨੂੰ ਇੱਕ ਦੂਜੇ ਨੂੰ ਪ੍ਰਭੂਆਂ ਦੇ ਰੂਪ ਵਿੱਚ ਪ੍ਰਗਟ ਕਰਨ ਲਈ। […]

ਹੁਣ ਮੇਰੀ ਦਿੱਖ ਲਈ ਉਮੀਦਾਂ ਉੱਚੀਆਂ ਹਨ। ਮੈਂ ਖੁਸ਼ੀ ਨਾਲ ਆਪਣੇ ਆਪ ਨੂੰ ਲੋਕਾਂ ਸਾਹਮਣੇ ਪੇਸ਼ ਕਰਾਂਗਾ। ਫਿਰ ਮੈਨੂੰ ਲੱਭੋ, ਅਤੇ ਮੈਨੂੰ ਉਡੀਕਦੇ ਹੋਏ ਪਾਓ। ਫਿਰ ਮੈਨੂੰ ਭਾਲੋ, ਅਤੇ ਮੇਰਾ ਹੱਥ ਫੜੋ। ਮੈਨੂੰ ਤੁਹਾਡੇ ਸਾਹਮਣੇ ਆਉਣ ਲਈ, ਇਸ ਦੁਨੀਆਂ ਨੂੰ ਅਸੀਸ ਦੇਣ ਅਤੇ ਸਿਖਾਉਣ ਲਈ, ਮਨੁੱਖਾਂ ਨੂੰ ਇਹ ਦਿਖਾਉਣ ਲਈ ਤੁਹਾਡੀ ਮਦਦ ਦੀ ਲੋੜ ਹੈ ਕਿ ਅੱਗੇ ਵਧਣ ਦਾ ਰਸਤਾ ਸਰਲ ਹੈ, ਸਿਰਫ਼ ਨਿਆਂ ਅਤੇ ਆਜ਼ਾਦੀ, ਸਾਂਝਾਕਰਨ ਅਤੇ ਪਿਆਰ ਨੂੰ ਸਵੀਕਾਰ ਕਰਨ ਦੀ ਲੋੜ ਹੈ। ਇਹ ਪਹਿਲੂ ਪਹਿਲਾਂ ਹੀ ਤੁਹਾਡੇ ਅੰਦਰ ਹਨ ਅਤੇ ਇਹਨਾਂ ਨੂੰ ਸਿਰਫ਼ ਮੇਰੇ ਦੁਆਰਾ ਉਜਾਗਰ ਕਰਨ ਦੀ ਲੋੜ ਹੈ। ਮਸੀਹ ਇੱਥੇ ਹੈ, ਮੇਰੇ ਦੋਸਤੋ। ਅਵਤਾਰ ਆ ਗਿਆ ਹੈ। ਤੁਹਾਡਾ ਭਰਾ ਤੁਹਾਡੇ ਵਿਚਕਾਰ ਤੁਰਦਾ ਫਿਰਦਾ ਹੈ। ਮੇਰਾ ਮਿਸ਼ਨ ਸ਼ੁਰੂ ਹੁੰਦਾ ਹੈ। ਮੈਨੂੰ ਜਲਦੀ ਜਾਣੋ ਅਤੇ ਆਪਣੇ ਭਰਾਵਾਂ ਨੂੰ ਮੈਨੂੰ ਜਾਣਨ ਵਿੱਚ ਸਹਾਇਤਾ ਕਰੋ। ਮੇਰਾ ਹੱਥ ਫੜੋ ਅਤੇ ਮੈਨੂੰ ਤੁਹਾਨੂੰ ਪ੍ਰਮਾਤਮਾ ਵੱਲ ਲਿਜਾਣ ਦਿਓ। ਇੱਕ ਸਭ ਤੋਂ ਪਵਿੱਤਰ ਪ੍ਰਮਾਤਮਾ ਦਾ ਬ੍ਰਹਮ ਪ੍ਰਕਾਸ਼, ਪਿਆਰ ਅਤੇ ਸ਼ਕਤੀ ਹੁਣ ਤੁਹਾਡੇ ਦਿਲਾਂ ਅਤੇ ਦਿਮਾਗਾਂ ਵਿੱਚ ਪ੍ਰਗਟ ਹੋਵੇ। ਇਹ ਪ੍ਰਗਟਾਵਾ ਤੁਹਾਨੂੰ ਇਸ ਬਹਾਦਰੀ-ਭਰੇ ਸਮੇਂ ਵਿੱਚ ਆਪਣੀਆਂ ਭੂਮਿਕਾਵਾਂ ਨੂੰ ਜਲਦੀ ਦੇਖਣ ਲਈ ਅਗਵਾਈ ਕਰੇ।"

ਉਸੇ ਸਾਲ, ਸ਼੍ਰੀ ਕਰੀਮ ਨੇ 17 ਅਖ਼ਬਾਰਾਂ ਵਿੱਚ ਪੂਰੇ ਪੰਨੇ ਦੇ ਇਸ਼ਤਿਹਾਰ ਦਿੱਤੇ, ਜਿਨ੍ਹਾਂ ਵਿੱਚ ਦ ਟਾਈਮਜ਼ ਵੀ ਸ਼ਾਮਲ ਸੀ, ਇਹ ਐਲਾਨ ਕਰਦੇ ਹੋਏ ਕਿ "ਮਸੀਹ ਹੁਣ ਇੱਥੇ ਹੈ।" ਸ਼੍ਰੀ ਕਰੀਮ ਦੇ ਐਲਾਨ ਲਈ ਵੱਡੇ ਨੈੱਟਵਰਕਾਂ, ਰਸਾਲਿਆਂ ਅਤੇ ਅਖ਼ਬਾਰਾਂ ਦੇ ਲਗਭਗ 100 ਰਿਪੋਰਟਰ ਆਏ।

ਲਗਭਗ ਉਸੇ ਸਮੇਂ, ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਤਾਈਵਾਨ ਆਏ, ਜਿਸਨੂੰ ਫਾਰਮੋਸਾ ਵੀ ਕਿਹਾ ਜਾਂਦਾ ਹੈ, ਜਿੱਥੇ ਉਨ੍ਹਾਂ ਨੇ ਵੱਖ-ਵੱਖ ਸਮਰੱਥਾਵਾਂ ਵਿੱਚ ਭਾਸ਼ਣ ਦੇਣੇ ਸ਼ੁਰੂ ਕੀਤੇ ਅਤੇ ਕੁਆਨ ਯਿਨ ਧਿਆਨ ਵਿਧੀ ਦਾ ਉਪਦੇਸ਼ ਦਿੱਤਾ, ਲੋਕਾਂ ਨੂੰ ਪ੍ਰਮਾਤਮਾ ਦੀ ਪ੍ਰਾਪਤੀ ਅਤੇ ਸੰਤ ਜੀਵਨ ਸ਼ੈਲੀ ਵੱਲ ਲੈ ਗਏ।

ਥੋੜ੍ਹੇ ਸਮੇਂ ਵਿੱਚ, ਇਸ ਸ਼ੁਭ ਟਾਪੂ 'ਤੇ, ਸਿਹੂ ਆਸ਼ਰਮ ਵਿੱਚ ਮੁੱਖ ਦਫਤਰ ਦੇ ਨਾਲ ਸੁਪਰੀਮ ਮਾਸਟਰ ਚਿੰਗ ਹਾਈ ਇੰਟਰਨੈਸ਼ਨਲ ਐਸੋਸੀਏਸ਼ਨ ਦਾ ਗਠਨ ਕੀਤਾ ਗਿਆ। ਹਜ਼ਾਰਾਂ ਲੋਕ ਆਉਣੇ ਸ਼ੁਰੂ ਹੋ ਗਏ, ਜੋ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਦੀਆਂ ਗਿਆਨਵਾਨ ਸਿੱਖਿਆਵਾਂ ਅਤੇ ਸਾਦਾ ਜੀਵਨ ਅਤੇ ਨਿਰਸਵਾਰਥ ਸੇਵਾ ਦੇ ਮਿਸਾਲੀ ਜੀਵਨ ਵੱਲ ਖਿੱਚੇ ਗਏ।

ਸਤਿਗੁਰੂ ਜੀ ਮੁਫ਼ਤ ਵਿੱਚ ਦੀਖਿਆ ਦਿੰਦੇ ਸਨ, ਅਤੇ ਜੀਵਨ ਸਾਦਾ ਅਤੇ ਕਿਫ਼ਾਇਤੀ ਸੀ। ਉਹ ਇੱਕ ਤੰਬੂ ਵਿੱਚ ਰਹਿੰਦੇ ਸਨ ਅਤੇ ਆਪਣੀਆਂ ਬ੍ਰਹਮ ਪ੍ਰੇਰਿਤ ਕਲਾਤਮਕ ਰਚਨਾਵਾਂ ਰਾਹੀਂ ਆਪਣੇ ਅਤੇ ਅੰਤਰਰਾਸ਼ਟਰੀ ਐਸੋਸੀਏਸ਼ਨ ਦੇ ਖਰਚਿਆਂ ਦਾ ਸਮਰਥਨ ਕਰਨ ਲਈ ਕੰਮ ਕਰਦੇ ਸਨ ।

ਸਾਡੀ ਐਸੋਸੀਏਸ਼ਨ ਦੇ ਮੈਂਬਰਾਂ ਦੀ ਗਿਣਤੀ ਤੇਜ਼ੀ ਨਾਲ ਵਧਣੀ ਸ਼ੁਰੂ ਹੋ ਗਈ ਅਤੇ ਇਸ ਵਿੱਚ ਸਾਰੇ ਸੱਭਿਆਚਾਰਕ, ਨਸਲੀ ਅਤੇ ਧਾਰਮਿਕ ਪਿਛੋਕੜ ਵਾਲੇ ਲੋਕ ਸ਼ਾਮਲ ਹਨ। ਬਹੁਤ ਸਾਰੇ ਲੋਕ ਉਨ੍ਹਾਂ ਵਿੱਚ ਮਸੀਹ ਦੀ ਊਰਜਾ ਨੂੰ ਪਛਾਣਦੇ ਹਨ ਅਤੇ ਇੱਕ ਸੱਚੇ ਗਿਆਨਵਾਨ ਗੁਰੂ, ਜਿਸਨੂੰ ਪ੍ਰਮਾਤਮਾ ਦੁਆਰਾ ਮਸਹ ਕੀਤਾ ਗਿਆ ਹੈ, ਤੋਂ ਦੀਖਿਆ ਪ੍ਰਾਪਤ ਕਰਨ ਦੀ ਪਰਿਵਰਤਨਸ਼ੀਲ ਸ਼ਕਤੀ ਨੂੰ ਮਹਿਸੂਸ ਕਰਦੇ ਹਨ।

m1: ਇਸ ਲਈ, ਮੇਰੇ ਆਪਣੇ ਮਾਮਲੇ ਵਿੱਚ, ਨਿੱਜੀ ਅਨੁਭਵ ਵਿੱਚ, ਮੈਂ ਇੱਕ ਈਸਾਈ ਵਜੋਂ ਪਾਲਿਆ ਗਿਆ ਸੀ, ਪਰ ਮੈਨੂੰ ਮਹਿਸੂਸ ਹੋਇਆ ਕਿ ਮੇਰੀ ਜ਼ਿੰਦਗੀ ਵਿੱਚ ਕੁਝ ਕਮੀ ਹੈ। ਅਤੇ ਇਸ ਲਈ, ਮੈਂ ਸਾਲਾਂ ਦੌਰਾਨ ਕਈ, ਕਈ ਵੱਖ-ਵੱਖ ਰਸਤਿਆਂ ਰਾਹੀਂ ਕਈ ਅਭਿਆਸਾਂ ਅਤੇ ਕਈ ਅਧਿਆਪਕਾਂ ਦੀ ਭਾਲ ਕੀਤੀ। ਪਰ ਜਦੋਂ ਮੈਂ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨੂੰ ਮਿਲਿਆ, ਤਾਂ ਮੈਨੂੰ ਲੱਗਾ ਕਿ ਮੈਂ ਆਪਣੇ ਸੱਚੇ ਗੁਰੂ ਨੂੰ ਮਿਲ ਗਿਆ ਹਾਂ। ਅਤੇ ਉਸ ਸਮੇਂ ਤੋਂ ਲਗਭਗ ਪੰਜ ਸਾਲ ਪਹਿਲਾਂ, ਮੇਰੀ ਜ਼ਿੰਦਗੀ ਬਹੁਤ ਬਦਲ ਗਈ ਹੈ। ਮੈਂ ਆਪਣੇ ਆਪ ਨੂੰ ਅੰਦਰੂਨੀ ਤੌਰ 'ਤੇ ਸੁਧਾਰਿਆ ਹੈ, ਅਤੇ ਜਿਵੇਂ ਕਿ ਸਤਿਗੁਰੂ ਜੀ ਕਹਿੰਦੇ ਹਨ, ਅਭਿਆਸ ਦੇ ਮੁੱਖ ਟੀਚਿਆਂ ਵਿੱਚੋਂ ਇੱਕ ਤੁਹਾਡੀ ਹਮਦਰਦੀ ਨੂੰ ਵਧਾਉਣਾ ਹੈ, ਦੂਜਿਆਂ ਨੂੰ ਪਿਆਰ ਕਰਨ ਦੀ ਤੁਹਾਡੀ ਯੋਗਤਾ।

f1: ਪਿਛਲੇ ਬਸੰਤ ਵਿੱਚ, ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨੇ ਮੇਰੇ ਜਨਮਜਾਤ ਗਿਆਨ ਨੂੰ ਖੋਲ੍ਹਣ ਵਿੱਚ ਮੇਰੀ ਮਦਦ ਕੀਤੀ। ਉਦੋਂ ਤੋਂ, ਮੇਰੇ ਆਲੇ ਦੁਆਲੇ ਸਭ ਕੁਝ ਬਦਲ ਗਿਆ ਹੈ। ਦਰਅਸਲ, ਮੇਰੇ ਆਲੇ-ਦੁਆਲੇ ਕੁਝ ਵੀ ਨਹੀਂ ਬਦਲਿਆ ਹੈ। ਮੈਂ ਜ਼ਿੰਦਗੀ ਪ੍ਰਤੀ ਆਪਣਾ ਨਜ਼ਰੀਆ ਬਦਲ ਲਿਆ। ਹਰ ਸਵੇਰ, ਮੈਂ ਕੱਲ੍ਹ ਨਾਲੋਂ ਵੀ ਖੁਸ਼ ਮਹਿਸੂਸ ਕਰਦਾ ਹਾਂ। ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨੇ ਹਜ਼ਾਰਾਂ ਲੋਕਾਂ ਨੂੰ ਇਹ ਪਛਾਣਨ ਵਿੱਚ ਮਦਦ ਕੀਤੀ ਹੈ ਕਿ ਸੱਚ, ਗਿਆਨ, ਠੋਸ ਹੈ, ਇਹ ਅਸਲੀ ਹੈ, ਅਤੇ ਅਸੀਂ ਇਸਨੂੰ ਆਪਣੇ ਰੋਜ਼ਾਨਾ ਜੀਵਨ ਵਿੱਚ ਵਰਤ ਸਕਦੇ ਹਾਂ।

f2: ਦੀਖਿਆ ਉਹ ਪਲ ਹੈ ਜਦੋਂ ਆਤਮਾ ਸਤਿਗੁਰੂ ਜੀ ਦੀ ਦਇਆ ਅਤੇ ਸ਼ਕਤੀ ਦੁਆਰਾ, ਅੰਦਰੂਨੀ ਵਿਸ਼ਵ ਸ਼ਕਤੀ ਨਾਲ ਸਿੱਧਾ ਜੁੜ ਜਾਂਦੀ ਹੈ। ਇਹ ਸੱਚੇ ਅਧਿਆਤਮਿਕ ਜਨਮ ਦਾ ਪਲ ਹੈ। ਉਸ ਦਿਨ ਤੋਂ, ਮੇਰੀ ਜ਼ਿੰਦਗੀ ਬਦਲਣੀ ਸ਼ੁਰੂ ਹੋ ਗਈ। ਮੈਨੂੰ ਇਹ ਅਹਿਸਾਸ ਹੋਣ ਲੱਗਾ ਕਿ ਮੇਰੇ ਨਾਲ ਜੋ ਵੀ ਹੋ ਰਿਹਾ ਹੈ ਉਹ ਆਪਣੇ ਆਪ ਨੂੰ ਸਮਝਣ, ਆਪਣੀਆਂ ਗਲਤੀਆਂ ਸੁਧਾਰਨ ਅਤੇ ਇੱਕ ਵਿਅਕਤੀ ਵਜੋਂ ਵਧਣ ਦਾ ਇਕ ਮੌਕਾ ਸੀ। ਭਾਵੇਂ ਅਜੇ ਵੀ ਕਈ ਵਾਰ ਮੈਂ ਹਕੀਕਤ ਦਾ ਸਾਹਮਣਾ ਕਰਨ ਤੋਂ ਬਚਣਾ ਚਾਹੁੰਦਾ ਹਾਂ, ਪਰ ਹੁਣ ਮੈਨੂੰ ਲੱਗਦਾ ਹੈ ਕਿ ਮੈਂ ਹੁਣ ਭੱਜਦਾ ਨਹੀਂ ਹਾਂ। ਇਹ ਅੰਦਰੂਨੀ ਤਾਕਤ ਅਜਿਹੀ ਹੈ ਜੋ ਮੇਰੇ ਕੋਲ ਦੀਖਿਆ ਤੋਂ ਪਹਿਲਾਂ ਕਦੇ ਨਹੀਂ ਸੀ। ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਦੇ ਪਿਆਰ ਦੀ ਨਿਰਸਵਾਰਥ ਉਦਾਹਰਣ ਦੀ ਪਾਲਣਾ ਕਰਦੇ ਹੋਏ, ਅਤੇ ਕੁਆਨ ਯਿਨ ਵਿਧੀ ਦਾ ਅਭਿਆਸ ਕਰਕੇ, ਮੈਂ ਲੋੜਵੰਦਾਂ ਲਈ ਮਦਦ ਦਾ ਹੱਥ ਵਧਾਉਣਾ ਅਤੇ ਦੂਜਿਆਂ ਦੇ ਦੁੱਖ ਨੂੰ ਆਪਣੇ ਦੁੱਖ ਵਾਂਗ ਮਹਿਸੂਸ ਕਰਨਾ ਵੀ ਸਿੱਖਿਆ ਹੈ।

ਆਦਿ...

ਇਨ੍ਹਾਂ ਸਾਰੇ ਵਿਕਾਸਾਂ ਦੀ ਭਵਿੱਖਬਾਣੀ ਬੈਂਜਾਮਿਨ ਕ੍ਰੀਮ ਦੀ "ਮਸੀਹ ਦਾ ਪੁਨਰ ਪ੍ਰਗਟ ਹੋਣਾ ਅਤੇ ਗਿਆਨ ਦੇ ਗੁਰੂਆਂ" ਵਿੱਚ ਕੀਤੀ ਗਈ ਸੀ।

"ਜਿਹੜੇ ਲੋਕ ਉਸਦੀ ਮੌਜੂਦਗੀ ਅਤੇ ਉਸਦੀ ਸਿੱਖਿਆ ਦਾ ਜਵਾਬ ਦੇ ਸਕਦੇ ਹਨ, ਉਹ ਆਪਣੇ ਆਪ ਨੂੰ ਇਸ ਪਿਆਰ, ਇਸ ਸ਼ਕਤੀ, ਇਸ ਦ੍ਰਿਸ਼ਟੀ ਦੀ ਵਿਸ਼ਾਲਤਾ ਨੂੰ ਕੁਝ ਹੱਦ ਤੱਕ ਪ੍ਰਤੀਬਿੰਬਤ ਕਰਦੇ ਹੋਏ ਪਾਣਗੇ, ਅਤੇ ਸੰਸਾਰ ਵਿੱਚ ਜਾਣਗੇ ਅਤੇ ਇਸ ਤੱਥ ਨੂੰ ਫੈਲਾਉਣਗੇ ਕਿ ਮਸੀਹ ਸੰਸਾਰ ਵਿੱਚ ਹਨ, ਅਤੇ ਮਨੁੱਖਾਂ ਨੂੰ ਉਸ ਦੇਸ਼ ਵੱਲ ਦੇਖਣਾ ਚਾਹੀਦਾ ਹੈ ਜਿੱਥੋਂ ਇੱਕ ਖਾਸ ਸਿੱਖਿਆ ਨਿਕਲ ਰਹੀ ਹੈ। ਇਹ ਬਹੁਤ ਹੀ, ਮੁਕਾਬਲਤਨ, ਥੋੜ੍ਹੇ ਸਮੇਂ ਵਿੱਚ ਵਾਪਰੇਗਾ, ਅਤੇ ਇਸ ਗੱਲ ਦੇ ਨਿਰਣਾਇਕ ਸਬੂਤ ਵੱਲ ਲੈ ਜਾਵੇਗਾ ਕਿ ਮਸੀਹ ਸਾਡੇ ਵਿਚਕਾਰ ਹੈ।

ਉਸ ਸਮੇਂ ਤੋਂ, ਦੁਨੀਆਂ ਵਿੱਚ ਹੋਣ-ਵਾਲੀਆਂ ਤਬਦੀਲੀਆਂ ਗ੍ਰਹਿ ਦੇ ਪੂਰੇ ਇਤਿਹਾਸ ਵਿੱਚ ਬੇਮਿਸਾਲ ਤੇਜ਼ੀ ਨਾਲ ਅੱਗੇ ਵਧਣਗੀਆਂ। ਅਗਲੇ 25 ਸਾਲ ਅਜਿਹੇ ਬਦਲਾਅ ਦਿਖਾਉਣਗੇ, ਬਦਲਾਅ ਇੰਨੇ ਵੱਡੇ, ਇੰਨੇ ਬੁਨਿਆਦੀ, ਕਿ ਦੁਨੀਆ ਪੂਰੀ ਤਰ੍ਹਾਂ ਬਿਹਤਰ ਲਈ ਬਦਲ ਜਾਵੇਗੀ।"

ਅਗਲੇ ਐਪੀਸੋਡ ਵਿੱਚ, ਅਸੀਂ ਬੈਂਜਾਮਿਨ ਕ੍ਰੀਮ ਦੀਆਂ ਭਗਵਾਨ ਮੇਤ੍ਰਿਆ, ਉਸਦੇ ਮਿਸ਼ਨ, ਅਤੇ ਦੁਨੀਆ ਉੱਤੇ ਉਸਦੇ ਪ੍ਰਭਾਵ ਬਾਰੇ ਭਵਿੱਖਬਾਣੀਆਂ ਦਾ ਹੋਰ ਅਧਿਐਨ ਕਰਾਂਗੇ।