ӨДӨР ТУТМЫН МЭДЭЭ-ний гол тойм – 2026 оны 4-р сарын 4

Кувейт улс Иран улсыг [Арабын Нэгдсэн Эмират Улсын] Дубай хотод зогсоолд зогсож байсан 320,000 тонн нефть ачсан газрын тос тээвэрлэгч Аль Салми хөлөг онгоц руу нисгэгчгүй онгоцоор санаатайгаар халдсан гэж буруутгажээ. Энэ нь гал гарахад хүргэж, нефть асгарах эрсдэлийг үүсжээ. (ВнЭкспресс)

Их Британи улс Их 7 [Долоон улсын бүлэг]-ийн дээд хэмжээний уулзалтын үеэр Ливанд хүмүүнлэгийн тусламж үзүүлэх зорилгоор нэмэлт 2 сая фунт.Стерлинг олгохоо мэдэгджээ. Ингэснээр Израил-Хезболлагийн мөргөлдөөн эхэлснээс хойш нийт дэмжлэг нь 9.5 сая фунт.Стерлингт хүрчээ. (Gov.uk)

Өмнөд Солонгосын хөдөөгийн нэгэн хот 17 жилийн дараа анхны нярайгаа угтан авсан нь улсын хэмжээнд төрөлт өсөж буй тохиолдлын нэг хэсэг болж байна. Ынха-мён тосгонд мөн хүн амын урт хугацааны бууралтын дунд сургуулийн сурагчдын тоо бага зэрэг нэмэгдсэнийг тэмдэглэж байна. (Гүүд Ньюс Нетворк)

[Унгарын] Будапешт хот Европын Холбооны дэмжлэгтэй "Найдвартай өрөөний түрээс"-ийн шинэ хөтөлбөрийг эхлүүлж, ганцаараа амьдардаг ахмадуудыг боломжийн үнэтэй орон сууц хайж буй, жижиг гэрийн ажил хийхийг хүсдэг оюутан, залуу мэргэжилтнүүдтэй хослуулж, хотын өргөн хүрээтэй боломжийн үнэтэй орон сууцны стратегийн нэг хэсэг болгон аюулгүй, харилцан ашигтай орон сууц хуваалцах зохицуулалтыг бий болгохын тулд нямбай шалгалт, хууль ёсны гэрээ, тасралтгүй дэмжлэгийг ашиглан хэрэгжүүлж байна. (Дэйли Ньюс Унгар)

АНУ-ын ХМТ [Холбооны мөрдөх товчоо]-ны дарга Каш Пателийн хувийн э-мэйлд хакерууд нэвтэрсэн бөгөөд Ирантай холбоотой бүлэглэл үүнд хариуцлага хүлээжээ. Энэ нь хувийн хаяг бай болох нь хэрхэн улам бүр ихсэж буйг онцолж, кибер аюулгүй байдлын мэргэжилтнүүд бүх хүмүүст өвөрмөц нууц үг, хоёр шатлалт баталгаажуулалт, хэрэглэгчийн өгөгдлийг тогтмол цэвэрлэх зэрэг илүү хүчтэй дижитал зуршил хэрэгтэй байгааг анхааруулахад хүргэсэн байна. (Фокс Ньюс)

Испанийн цагдаа нар [Испанийн] Сеута хот дахь агуулахын доороос Мароккотой шууд холбогддог, Европ руу их хэмжээний мансууруулах бодис зөөвөрлөхөд ашигладаг байсан өндөр инженерчлэлтэй, төөрдөг байшин маягийн хонгил илрүүлжээ. Энэ нь 17 гаруй тонн мансууруулах бодис хураан авч, 27 хүнийг баривчилсан өргөн хүрээтэй мөрдөн шалгалтын хүрээнд болсон байна. (Дэйли Мэйл)

Энэтхэг улс амьдралын хэв маягаас үүдэн өсөж буй өвчнөөс урьдчилан сэргийлэх, зохицуулахад туслах зорилгоор засгийн газрын дэмжлэгтэй иогийн шинэ протокол нэвтрүүлж, хүүхдээс эхлээд ахмад настан хүртэлх бүлгүүдэд зориулсан бүтэцлэгдсэн, нотолгоонд суурилсан модулиудыг санал болгож байна. (Бао Тинь түк)

Тайвань (Формоса) 10 настай сингапур охиноос КОВИД-ийн "Цикада" (BA.3.2) хувилбарын анхны тохиолдол орж ирснийг баталгаажууллаа. Тэрээр Таоюань нисэх онгоцны буудал дээр халуурч, явах хүртлээ тусгаарлагдсан байна. Албаны хүмүүс олон нийтэд халдвар дамжаагүй гэж мэдээлж, эрсдэлийг хяналтад байгаа гэж ангилжээ. (Бао Дай бьюү Нань дань)

Оройн дасгал хөдөлгөөнийг хөнгөнөөс дунд зэргийн эрчимтэй байлгаж, унтахаас хоёр цагийн өмнө дуусгавал хурдан, гүн нойрсоход тустай. Гэсэн хэдий ч эрчимтэй дасгал хөдөлгөөн нь мэдрэлийн системийг хэт өдөөснөөр нойргүйдэл үүсгэдэг. Мэргэжилтнүүд амралтыг оновчтой байлгахын тулд иог гэх мэт зөөлөн хөдөлгөөн хийхийг зөвлөж байна. (Тань Ньень)

Нэг хөл дээрээ зогсох дасгал нь 65-аас дээш насны хүмүүсийн тэнцвэр, мэдрэлийн эрүүл мэндийг үр дүнтэй үнэлэх арга юм. Жингээ нэг хөл рүү шилжүүлж, тогтвортой байдлаа хадгалснаар дасгал хийгчид 5 секундээс бага хугацаанаас эхлээд 30 секундээс дээш хугацааны шалгуур үзүүлэлтээр биеийнхээ хяналтыг өөрөө үнэлж чадна. 30 секундийн тэмдэгт хүрэх нь мэдрэлийн булчингийн зохицуулалт үе тэнгийнхний 90%-иас илүү байгааг харуулж байна. Өдөр бүр зөв техникээр дасгал хийх нь биеийн доод хэсгийн тогтвортой байдлыг сайжруулдаг. (Лао Дон)

Малавид 3-р сарын 15-наас хойш үүссэн үерийн онцгой байдлын улмаас 23 дүүрэгт 34 хүн нас барж, 197 хүн бэртэж гэмтэн, 310,000 гаруй хүн нэрвэгджээ. Тусламжийн ажиллагаа үргэлжилж буй бөгөөд үерт автсан газруудад нэвтрэх боломжтой болсноор хохирогчдын тоо өсөх төлөвтэй байна. (Уотчерс)

Малайз, Индонез улсуудад 37°C-аас дээш халж, оршин суугчид гадаах үйл ажиллагааг бууруулж байна. Цаг уурчид халууны давлагаа улам эрчимжиж, ойр ойрхон тохиолдож, нийтийн эрүүл мэнд, хотын дэд бүтцэд хүндрэл учруулж болзошгүйг анхааруулж байна. (Чаннель Ньюс Азия)

3-р сарын 30-нд Марокко, Алжир, Мавританийг дайран өнгөрсөн Сахарын 1,600 км урт шороон шуурга үзэгдэх орчныг багасгаж, Атлантын далай руу чиглэсэн байна. (Уотчерс)

Индонезийн эрх баригчид Индонезийн Папуа бүс нутгийн 114 амьтан-хүнийг хууль бусаар хил давуулан авч явсан завийг саатуулжээ. Тэдний олонх нь шил, хайрцаг, тэр ч байтугай завины жорлонд чихэгдсэний дараа нас барсан байдалтай олдсон байна. Амьд үлдсэн ердөө 24 амьтан-хүнийг нөхөн сэргээж, зэрлэг байгальд буцаан тавьж, хууль бус наймаачдыг баривчилжээ. (IFAW)

Португал, Испани, Франц улсууд энэ зун түймэр, хуурай ургамлыг бодит цаг хугацаанд нь хянах хээрийн түймрийн хяналтын аппликейшн боловсруулж, бүс нутаг улам хурдацтай, уур амьсгалын өөрчлөлтөөс үүдэлтэй ойн түймэртэй тулгарч байгаа тул хил дамнасан зохицуулалтыг сайжруулж байна. (Португал Ньюс)

Хөрөнгийн менежер Ambienta нь олон улсын өсөлтийг хурдасгахын тулд италийн веган сүүн бүтээгдэхүүний The Bridge группийг худалдан авчээ. Виченза хотод төвтэй тус компани нь 100% веган ундаа, амттан үйлдвэрлэдэг нь Ambienta-ийн 2026 оны тогтвортой хөгжилд чиглэсэн хөрөнгө оруулалтын стратегитай нийцэж байна. (Жаст Фүүд)

Чили улс эрүүл мэндийн удирдамжийг шинэчилж, хоёр нас хүрээгүй хүүхдэд эмчийн хатуу хяналт дор веган хоол өгөхийг зөвлөж байна. Албаны хүмүүс эрүүл хөгжил, тогтвортой байдлыг хангахын тулд зохистой төлөвлөлт, зайлшгүй шаардлагатай нэмэлт тэжээлийг онцолсон байна. (Нотишиас Амбиенталес)

АНУ-д төвтэй Pacific Foods компани 2026 оны 4-р сарын 10-12-ны хооронд [АНУ-ын Сан Диего хотын] Сан Диегогийн Кофены ертөнц үзэсгэлэнд Barista цувралын веган сүүгээ танилцуулна. Тус компанийн ангаахай самар, овьёосны сүүг энэ үеэр амталж үзэх боломжтой юм. (PerishableNews.com)

[Ау Лак (Вьетнам)-ын] Хун Йень аймагт нэгэн эмэгтэй гартаа дусал тариа хийлгэж байсан ч живж буй гурван настай хүүхдийг аврахаар цөөрөм рүү үсрэн оржээ. Уг аврах ажиллагаа цахим орчинд хурдан тархаж, олон түмний магтаал хүртсэн бол хүүхдийг илүү сайн харах, усны аюулгүй байдлыг сайжруулах арга хэмжээг ч мөн хурцаар хөндлөө. (Соха)

Америкийн Нэгдсэн Улсад лабрадор үүлдрийн Жерри нэртэй нохой-хүн хараагүй асран хамгаалагчийнхаа хөл дээр эрүүгээрээ тулж дохио өгснөөр аминд аюултай цусны бүлэгнэл байгааг нь анхааруулжээ. Эмч нар нохой-хүний байнгын анхааруулгын дараа вений гүн тромбоз (цусны бүлэгнэл) гэж оношилсон бөгөөд энэ явдал нь туслах нохой андуудын хүний амийг аврах, чухал холбоог онцлон харуулжээ. (Гүүд Ньюс Нетворк)

2026 оны “Хуваалцан амьдар” хөтөлбөр Ау Лак (Вьетнам)-ын Хо Ши Мин хотын эмнэлэгт үнэ төлбөргүй нөхөн сэргээх мэс засалд зориулж бараг 152,000 ам.долларыг хуваарилжээ. Доктор Ле Вьет Чи орчин үеийн аргуудыг ашиглан уруул, тагнайн сэтэрхий зэрэг гажгийг эмчилж, амьдралын боломж багатай өвчтөнүүдэд итгэл найдвар өгөн, амьсгалын чухал үйл ажиллагааг нь сэргээхэд тусалж байна. (Тань Ниень)

Өдрийн мэргэн үг: “Хүн бүр дэлхийг өөрчлөх тухай боддог ч хэн ч өөрийгөө өөрчлөх тухай боддоггүй.” – Дэлхийд алдартай орос зохиолч Лев Толстой (цагаан хоолтон) (BrainyQuote)

Тим Эхманы клиник үхэлд орсон тохиолдлын 3-р хэсгийн 1-р хэсэгт тэрээр мансууруулах бодис хэтрүүлэн хэрэглэсний улмаас ухаан алдаж, аймшигтай газарт буюу чөтгөрүүд, хашхираан, там руу татах гэж оролдож буй дуу хоолойгоор хүрээлэгдсэн орчинд очсоноо ярьсан.

Дараа нь тохиолдсон зүйл бол миний сая хэлсэн зүйлс болох овоорсон цогцсууд гэх мэт тэр бүхнээс гадна дээрээс тод Гэрэл гарч ирсэн. Гэрлийн дотор талд хүний ​​дүрс харагдаж байлаа. Үүнийг шууд мэднэ дээ. Энэ там гэдгийг мэдэж байсан шигээ Есүс гэдгийг ч бас би мэдэж байсан. Энэ ертөнцөд танилцуулга хийх шаардлагагүй гэж хэлэх гээд байна л даа. Би шууд л Түүн рүү очсон. Тэр намайг аварсан. Тэр намайг шууд Өөр рүүгээ татсан. Тэр намайг татсан уу, яасан гэдгийг хэлж мэдэхгүй. Гэхдээ дараагийн мөчид би Түүний дотор байж, Түүний харж байгааг харж чадаж байснаа мэдэв. Би Түүний сонсож байгааг сонсож, амталж байгааг амталж байлаа. Энэ ертөнцөд сайн, муу бүх мэдрэхүй мянга дахин хүчтэй болсон байв. Тамд мянга дахин муу, диваажинд мянга дахин сайн байсан.

Түүний царай маш их гэрэлтэй. Яг нарийн дүрслэх бараг боломжгүй. Тэрхүү гэрлийн хэмжээг яг таг илэрхийлэх аргагүй. Учир нь би Түүнийг цэнхэр, алтлаг гэх мэт бүх өнгийн ​​аянга цахилгаан лугаа гялбаануудтай байхыг харсан. Энэ нь Түүний суу алдрын хамгийн ойр мэдрэмж байсан байх гэж бодож байна. Тэр надад сайхан зүйлсийг хэлсэн. Тэр намайг хэр их хайрладгаа, “Би чамайг төрсөн цагаас чинь дуудсаар ирсэн.” гэх мэт зүйлийг. Дараа нь Тэрээр намайг мотоциклтой хүмүүсээс аварсан гэх мэт олон солиотой мөчийг минь сануулсан. Би мотоциклтой хүмүүстэй зодолдох гэж байсан, утгагүй зүйлс хийдэг байсан, үнэндээ шөнө бүр үхэх ёстой байсан гээд л. Машины ослуудыг, нийт 12 удаа машины осолд орсныг, хоёр суудалтай спорт машинууд маань шон мөргөж, гүүрнээс унаж байсныг. Аймшигтай зүйлс байсан ч би хэзээ ч гэмтэж байгаагүй. Тэр надад энэ бүхнийг сануулсан ч хайрын сэтгэлээр “Энэ бүхнийг чиний төлөө хийсэн хүн нь би.” гэх мэтээр сануулсан. Учир нь би “Өө, хүн гуай, би мундаг шүү. Би бүгдийг хийж чадна.” гэж боддог байлаа. Их тэнэг бодол байсан л даа. Энэ бүхэн Түүнээс, Түүний Хайр байсан. Түүний бүх Хайр, миний амьдралын бүхий л зүйл байсан. Миний эргэн тойронд хамгаалалт байсан гэсэн үг л дээ. Тэр Өөрийгөө хэн болох, Тэр бол Хайр гэдгийг бага зэрэг тайлбарласан. Энэ бол би дэлхий дээр эмэгтэйчүүд, мансууруулах бодис, эд материал болон бусад бүх зүйлээс хайж байсан зүйл минь байлаа. Гэхдээ Түүнийг олох хүртлээ олоогүй явсан юм.

Тэр надтай ярьж дуусаад “Тимми, би чамайг аварсан. Одоо чи миний хүүхдүүдийг аврахаар яв.” гэсэн. Энэ бол Түүний надад өгсөн тушаал, цорын ганц тушаал байсан юм. Энэ хатуу, шийдэмгий тушаал байв. Бусад бүх зүйл үнэхээр гайхалтай сайхан хайрын түүх шиг байсан.

Тэр үед би өөрийнхөө биеийг тамд байхыг харсан. Бид тамын дээр байж, дээрээс нь харж байлаа. Тэгээд гэнэт энэ байдал өөрчлөгдөөд, би орон дээр хэвтэж буй цогцос болон хувирсан. Намайг орны дээгүүр хөвж байхад Тэр “Гараа хөдөлгө.” гэж хэлэв. Би гар минь хөдөлж байгааг харлаа. Тэгээд Тэр “Нөгөө гараа хөдөлгө.” гэв. Миний нөгөө гар хөдөлж байна. Тэр “Хөлөө хөдөлгө.” гэж хэлэхэд миний хөл хөдлөх гэх мэтээр үргэлжлэв. Тэр “Одоо, босоод яв даа.” гэж хэлэв. Тэр үед би биедээ буцан ороод, гэнэт орноосоо үсрэн боссон. Би “Хөөх, энэ үнэхээр гайхалтай юм аа!” гэж бодсон. Учир нь би юу болсныг мэдэж байлаа. Тэр үед эргэж буцан, “Хөөе, би энэ бүх зүйлд итгэж чадахгүй нь.” гэж хэлэх арга байхгүй. Учир нь Түүнийг болон энэ бүхнийг харсан л бол ямар ч шалтаг байхгүй.

Тимийг биедээ буцаж ирсний дараа Эзэн Есүс Христ 20 хоногийн турш үе үе Тим дээр ирж, энэ хугацаанд Эзэн түүнд үргэлжлүүлэн зааж, олон зүйлийг харуулсан байна. Би Библийг огт уншаагүй учраас Тэр миний дотор Библийг татаж оруулсан гэж боддог. Тэгээд би Библийг унших үедээ буюу дахин нэг жилийн дараа, эсвэл түүнээс хойш би зүгээр л “Хөөх, Та надад энэ бүхний талаар аль хэдийн хэлсэн байна.” гэх мэтээр юмсыг мэддэг болсон. Тэгээд Тэр надад Диваажинд олон газрыг харуулсан. Энэ нь яг л төгс гоо үзэсгэлэн мэт байв. Миний тамд харсан зүйлийн эсрэг зүйл байсан.

Дараа нь Тим диваажинд харсан зүйлсээ, тэндхийн газар орон, учирсан төрөлтнүүдийн тухай ярьсан юм. Тэндхийн хүрхрээ ойролцоогоор бээрийн дөрөвний нэг [400 метр] урт байсан ч усны чимээ сонсогдохгүй байв. Бүх зүйл үнэхээр гайхамшигтай, гайхалтай гоо үзэсгэлэнтэй. Тэнд өвсний ганц ширхэг өөрийн гэсэн амьтай мэт бүх зүйл амьд. Тэнд үхэл гэж байхгүй, харин тамд бол бүгд үхэл байдаг. Энэ бол бүхэлдээ амьдрал. Ямар ч муудах, доройтох зүйл байхгүй. Тим Эхманы клиник үхэлд орсон явдлын 3-ын 3-р хэсгийг үзэхээр маргааш бидэнтэй нэгдээрэй. (Бурхан Жани ДуВаллтай учирсан нь)