ӨДӨР ТУТМЫН МЭДЭЭ-ний гол тойм – 2026 оны 5-р сарын 15

Их Британи Ормузын хоолой дахь усан тээврийг хамгаалах олон улсын төлөвлөгөөт хамгаалалтын ажиллагаанд боломжит үүрэг гүйцэтгэхээр Ойрх Дорнодод урьдчилан байрлуулах зорилгоор Хааны тэнгисийн цэргийн HMS Dragon сөнөөгч хөлгийг илгээж байна. (BBC)

Испани улс Plan Auto 2030 хэмээх шинэ хөтөлбөрөө эхлүүлж, цахилгаан болон бага ялгаруулалттай автомашинд дилерийн газраас шууд олгох 5,500 евро хүртэлх хөнгөлөлт санал болгож байна. Үүнд төрийн 4,500 еврогийн дэмжлэг, дилерийн заавал өгөх 1,000 еврогийн хөнгөлөлт багтах бөгөөд хөтөлбөр нь 2026 оны 1-р сарын 1-нээс хойших шаардлага хангасан худалдан авалтад буцаан үйлчилж, цэвэр тээврийг түргэтгэх, улсын хуучирсан автомашины паркийг шинэчлэх зорилготой байна. (ЕвроУикли Ньюс)

[Их Британийн] Рочдейлийн оршин суугчид нэгэн цагт дэлхийн хамгийн том асбестын үйлдвэр байсан, нутгийнхны “Британийн Чернобыль” хэмээн нэрлэсэн, орхигдсон 29 га талбай бүхий Turner Brothers Asbestos үйлдвэрийн нурж буй талбайд хүүхдүүд нэвтэрч, бохирдсон байж болзошгүй Сподден голын хэсэгт сэлж буй тул олон нийтийн эрүүл мэндэд ноцтой эрсдэл хэвээр гэж анхааруулж, үйлдвэр хаагдсанаас хойш хорин жилийн дараа аюулгүй байдлын арга хэмжээг чангатгахыг дахин шаардаж байна. (Миррор)

Ерөнхийлөгч Трампын засаг захиргаа шинээр хүүхэдтэй болсон болон жирэмсэн эхчүүдэд зориулсан нэгдсэн нөөц бүхий АНУ-ын холбооны Moms.gov шинэ цахим хуудсыг нээлээ. Үүнд жирэмсний төвүүд, холбооны шаардлага хангасан эрүүл мэндийн төвүүд, хоол тэжээлийн зөвлөгөө, Trump Accounts [хүүхдийг дэмжих хөрөнгө оруулалтын данс], TrumpRx эм санал болгох платформ], сэтгэцийн эрүүл мэндийн дэмжлэг, хөхүүл үе, жирэмслэхээс өмнөх эрүүл мэнд, үрчлэлтийн мэдээлэл багтсан бөгөөд албаны хүмүүс үүнийг улс даяар эхийн эрүүл мэндийг сайжруулж, гэр бүлийг дэмжих өргөн хүчин чармайлтын нэг хэсэг гэж тодорхойлж байна. (HHS.gov)

Францын эрүүл мэндийн агентлаг ANSES [Францын Хүнс, орчин, хөдөлмөрийн эрүүл мэнд, аюулгүй байдлын агентлаг] үсний будаг нь загатнах, хорсох, хавдах, амьсгалахад хүндрэлтэй болох зэрэг ноцтой харшлын урвал үүсгэж болзошгүйг анхаарууллаа. Тус агентлаг үсний будагтай холбоотой мэдээлэгдсэн 124 тохиолдлыг хянан үзэж, PPD [парафенилендиамин], толуен-2,5-диамин сульфат, персульфат, аммиак, устөрөгчийн хэт исэл зэрэг химийн бодисуудыг цочроогч эсвэл харшил үүсгэгч байж болзошгүй гэж онцолжээ. Тогтвортой будаг хамгийн түгээмэл бөгөөд илүү хүчтэй химийн үйл явц ашигладаг ч хагас байнгын болон түр зуурын будаг ч урвал үүсгэж болно. Мэргэжилтнүүд хэрэглэгчдэд зааврыг анхааралтай мөрдөх, хэрэглэх бүрийн өмнө арьсны сорил хийх, өмнө нь ямар нэг урвал гарсан бол бүтээгдэхүүнийг дахин хэрэглэхгүй байх, шинж тэмдэг хүндэрвэл эмнэлгийн тусламж авахыг зөвлөж байна. (Футура Сайнсес)

Мэргэжилтнүүд эрч хүч нэмэгдүүлэхийн тулд олон төрлийн амин дэм, B, D амин дэмийг өглөө уухыг, харин тайвшрахад магнийг орой хэрэглэхэд тохиромжтой гэж зөвлөж байна. Кальци, төмөр зэрэг зарим шим тэжээл шингэцийн хувьд өрсөлддөг тул мэргэжилтнүүд хамтад нь өндөр тунгаар хэрэглэхээс зайлсхийхийг зөвлөж байна. Эцэст нь үр нөлөө нь ганц л төгс цагт уухаас илүү, урт хугацаанд тогтмол хэрэглэх болон тодорхой дутагдлыг нөхөхөөс ихээхэн хамаарна. (Бао Сүк хое ва Дой сон)

Удаан үргэлжилсэн хур тунадасны хомсдол Их Талын хөрсийг хатааж байгаа тул Унгар улс усны ноцтой хямралтай тулгарч байна. Гол мөрөн, газрын доорх ус, нуурын түвшин аюултай хэмжээнд буурсан тул албаныхан улс даяар гангийн эрсдэл нэмэгдэж байгааг анхааруулж байна. (euronews)

Уур амьсгалын өөрчлөлт болон эрс тэс цаг агаар [АНУ-ын] Мэйн мужийн зэрлэг нэрсний аж ахуйнуудад нөлөөлж, халуун, ган гачиг, үер, тохиолдлын хяруу зэрэг нөхцөл өөрчлөгдөхийн хэрээр ургацыг бууруулж байна. Улирал өөрчлөгдөх нь тариалалтын хугацаа, ургацад нөлөөлж буй тул фермерүүдэд усалгааны болон бусад дасан зохицох арга хэмжээний өртөг өсөх асуудал тулгарч байна. (Инсайд Клаймэт Ньюс)

[АНУ-ын] Калифорни дахь Броулийн газар хөдлөлтийн бүсэд 5-р сарын 9-11-нд газар хөдлөлтийн цуврал идэвхжил болж, бараг 400 чичиргээ бүртгэгдсэний дотор 5-р сарын 10-нд Өмнөд Калифорнийн зарим хэсэгт мэдрэгдсэн 4.7 магнитудын газар хөдлөлт багтжээ. Энэ идэвхжилийн улмаас зам болон нийтийн үйлчилгээний байгууламжид бага зэргийн гэмтэл гарсан бөгөөд чичиргээ аажмаар намжих үед онцгой байдлын багууд үргэлжлүүлэн хянаж байна. (Уотчерс)

[АНУ-ын Техас мужийн] Эль Пасод хоёр хүн 2 настай франц бульдог нохой-хүн, 5 настай лхаса апсо нохой-хүнийг агааржуулалтгүй зогсоолд тавьсан машинд ойролцоогоор нэг цаг орхисон гэх үндэслэлээр амьтан-хүнд харгис хандсан хоёр зүйл ангиар баривчлагджээ. Үүний улмаас бульдог-нохой хүн нас барж, нөгөө нохой-хүн амьд үлдсэн бөгөөд шерифийн орлогчид амьтан-ардад хангалттай агааржуулалт, халуунаас хамгаалах нөхцөл байгаагүй гэж тогтоосон байна. (KTSM)

Тайландын цагдаа нар соёо, сувд, гоёл чимэглэл, хутганы иш зардаг хувийн Facebook бүлгийг илрүүлсний дараа есөн хүнийг баривчилж, ойролцоогоор 300,000 ам.долларын үнэ бүхий хууль бусаар оруулсан 250 кг Африкийн заан-ардын зааны ясыг хураан авчээ. Энэ нь тус улсын сүүлийн 10 жилийн хугацаан дахь зааны яс хураан авах хамгийн том ажиллагаа бөгөөд сэжигтнүүдийг хамгаалагдсан зэрлэг амьтдын эд эрхтнийг хууль бусаар эзэмшиж, худалдаалсан хэргээр яллажээ. (CNA)

Грек улс ой хээрийн түймрийг бараг бодит цагт илрүүлж, хянах дөрвөн шинэ дулааны дүрслэлийн бичил хиймэл дагуул байршуулж байна. Хиймэл дагуул дээрх өгөгдөл боловсруулах систем болон хэт улаан мэдрэгчээр галын голомтыг илрүүлж, түймрийн хилийг зураглаж, тархалтыг нь урьдчилан таамаглах бөгөөд OroraTech-ийн удирдсан 20 сая еврогийн систем нь түймрийн дараах хохирлын үнэлгээ, мөн ургамлын стресс илрүүлэх, газрын доорх усны түвшин хянах, үер, хад чулуу нурах сэрэмжлүүлэг зэрэг өргөн хүрээний байгаль орчны хэрэглээг дэмжинэ. (eKathimerini)

АНУ-д төвтэй Mushmycel компани дахин боловсруулсан мөөгний мицель, алимын хальс, кокосын ширхэглэг, кофены шаар зэрэг өөр өөр материалаар урласан тогтвортой дагалдах хэрэгслийн цувралаа танилцууллаа. Тус цуглуулгад эргэлтэт амьдралд зориулсан мицелийн аяллын цүнх, алимын хальсан картын гэр зэрэг бүтээгдэхүүн багтжээ. (Нэйшнл Ло ревью)

[АНУ-ын Канзас мужийн] Уичита хотын Wheat Street Dogs гар аргаар хийсэн веган хот-дог, хиамаар үйлчилсний найман жилийн ойгоо тэмдэглэж байна. Энэхүү алдартай веган хоолны ачааны машин авсан бүх гарын мөнгөө Wichita Animal Action League буяны байгууллагад өгөөмрөөр хандивладаг байна. (Wichita By EB)

[Австрали, Шинэ Зеландын] Sanitarium эрүүл мэндийн хүнсний компани “орон нутгийн эрүүл мэндийн үр дүнг сайжруулах чиглэлээр АНУ-ын засгийн газартай хамтран ажиллах” зорилгоор [АНУ-ын] Вашингтон хотод Цагаан ордон болон хууль тогтоох байгууллагын албаны хүмүүстэй уулзлаа. Долоо дахь өдрийн Адвентистуудын эзэмшдэг, цагаан болон веган бүтээгдэхүүн үйлдвэрлэдэг тус компанийн веган сүү, үр тариа зэрэг бүтээгдэхүүний эрэлт дэлхий даяар өсөж байна. (Адвентист Ревью)

Ау Лак (Вьетнам)-ын утасны дэлгүүрт гипсэн тааз цөмрөн, гурван настай хүү унахад түргэн сэтгэлгээтэй эр түүнийг аварчээ. Гэмтээгүй үлдсэн хүүхэд шал цөмрөхөөс өмнө дээврийн хөндийд бөмбөг хөөж байжээ. (Түөй Трэ)

[АНУ-ын] Колорадо мужийн Паркерын цагдаагийн газрын алба хаагч зогсоолд толгойд нь хуванцар аяга гацсан өмхий хүрэн-хүнийг олж, аварчээ. Үнэр нь цацагдахаас зайлсхийсэн алба хаагч савыг гараараа салгасан бөгөөд энэ нь хог хаях эрсдэлийн талаар анхааруулга өгөхөд хүргэлээ. (Нью-Йорк Пост)

Серфингээр гулгагч Харрисон Могг, Хуван Медкалф нар Австралийн Виктория мужийн эргээс 300 метрийн зайд туйлдаж байсан валлаби-хүнийг аварчээ. Тэд ядарч туйлдсан амьтан найзыг серфингийн тавцан дээр гаргасны дараа эрэгт буцаан хүргэхэд, тэрээр аюулгүй сэргэжээ. (Күүл Даун)

Өдрийн гэгээрүүлэх эшлэл: “Амьдралдаа та бүх зүйл болж болно. Гэхдээ хамгийн чухал нь сайн хүн байх явдал юм.” – Хүндэт Гэгээрсэн Их Багш, Суфийн яруу найрагч Шамс-и-Табризи (цагаан хоолтон) (AZ Quotes)

Кристал Фэйтийн клиник үхлийн тохиолдлын цуврал дугаарын өмнөх 1-4-р хэсэгт 17 настай Кристал төрөх үедээ ураг орчмын шингэний асуудал үүсэн, амьсгалж чадахаа больжээ. Тэр Бурханд биеэ орхихыг зөвшөөрөөч хэмээн залбирч, эмч нар түүнийг 45 минутын турш сэхээн амьдруулахаар оролдоод бууж өгөх хүртэл өөрийгөө эмнэлгийн өрөөний дээрээс харж байв. Өрөөний дээр Кристал мөн танихгүй, хайраар дүүрэн нэгэн эмэгтэйтэй уулзсан бөгөөд тэр оршихуй түүнд: “Чамд нэр өгсөн гэж хэлсэн байна. Гэрэлд орсны дараа Кристал амьд цэцэрлэгийг хамтран бүтээж, нэгэн хашаанд орж, Эзэн Есүс Христ (цагаан хоолтон)-тэй ярилцан суужээ. Кристалын ухамсар харанхуй хоосон орон зай руу шилжиж, тэнд тэр охиноо болон орхиж ирсэн амьдралаа санахын өмнө тэрбум тэрбум жил мэт хугацааг өнгөрүүлжээ. Кристал гэнэт хиймэл гэрэлтэй, зууван хэлбэрийн өрөөнд хүргэгдэж, ор мэт зүйлд уягдсан мэт мэдрэмжтэй, олон ажиглагч оршихуйгаар хүрээлэгдсэн байхад хэмжээс хоорондын сахиусан тэнгэрийн оршихуй урагш гарч иржээ.

Одоо 5 дугаар хэсэгт, энэ бүх гайхамшгийн дунд ч Кристал нялх үр рүүгээ буцахыг цөхрөн хүснэ. Тэр оршихуй түүнийг буцааж илгээж чадахгүй, бие нь хэтэрхий их гэмтсэн гэж хэлжээ. Кристал тохиролцох гэж оролдож, сүрдүүлж, гуйсан байна. Тэгээд тэр: “Чи эндээс тэр хүүхдэд илүү ихийг хийж чадна. Би чамд харуулъя.” гэв. Тэгээд тэр намайг багваахайн дотор үр байхыг зөвшөөрсөн. Тэр намайг охин минь гурав, дөрвөн настай болж, багваахай үлээж байгаа үе рүү аваачсан. Тэгээд би хүүхдэд баяр баясал, хайр авчирсан, салхинд хийсэх үр болсон. Дараа нь намайг нэг үзэгдэл рүү аваачсан бөгөөд би цэцэг болж, мөн ариун геометрийн хээтэй дэлгэрч, хүүхэд минь түүнд ямар их хайртай байгааг харуулж байлаа. Хүүхэд үүнийг таньж мэдээд цэцгийг авахаар очсон. Дараа нь би квант талбар дахь далд ухамсрын түлхэлтэд орсон ба хэрэв би Дэлхийд буцаж ирсэн бол тэр үед дэргэд нь үгүй байх байсан тул хүүхдэдээ өгч чадахгүй байсан тэр өнцгөөс, тэнгэрлэгээр, төгс цагт, өөр хэн нэгний энергийн талбарт орж, түүнд хайраа өгч байлаа. Энэ бол өөр хүний өнцгөөр дамжсан далд ухамсрын түлхэлт юм. Тэгээд тэр: “Харж байна уу, чи эндээс хайраар хүүхдийнхээ төлөө тэндээс хэзээ ч хийж чадахаас илүү ихийг хийж чадна.” гэсэн.

Тэгээд би: “Би мэднэ, танд итгэж байна, гэхдээ тэр хүүхэд тэврэх ээжтэй байгаасай, тэр хүүхэд амьдралын туршлага хуримтлуулж, хайртай ээж нь түүн рүү харж, тэвэрч байгаасай гэж хүсэж байна.” гэж хэлсэн. Харин тэр: “Одоо л бид зөв зүйл ярьж байна. Одоо чи өөрийгөө үл хайхарч байна. Чи үүнийг Хайр, Гэрлээр хүсэж байна. Би үүнд хариу өгөх ёстой.” гэв. Тэгэхээр нь би: “Тэгвэл бид юу хийж болох вэ?” гэж асуусан. Тэгэхэд тэр “За, бид чамайг тийш нь буцааж илгээж чадахгүй. Учир нь чиний бие сүйдсэн.” гэсэн. Би: “Тэгвэл зас” гэж хэлсэн. Тэр: “Тийм амар биш. Би зөвшөөрөл авах ёстой.” гэв. Би: “Тэгвэл зөвшөөрлөө ав. Явж зөвшөөрлөө ав.” гэж хэлсэн. Тэгээд миний хэзээ ч мартахгүй маш өвөрмөц, сонин зүйл болсон. Тэр: “За, юу хийж чадахаа үзье.” гэв. Тэгээд түүний харц миний нүднээс холдож, дээш миний гэрэлт цагариг өөд харахад нүд нь дахин цэнхэр болж, зөвшөөрөл авахаар миний гэрэлт цагариг руу очсон. Тэгэхээр, тэр нь тэнд миний одоо ч ойлгож, задлан шинжлэх гэж хичээж буй ямар нэг зүйл байгаа мэт байсан. Гэхдээ тэр миний гэрэлт цагариг руу харж, зөвшөөрөл авмагцаа нэг алхам урагшилж, алтан нарсны боргоцой барьсан байсан бөгөөд түүнээс цацрах Гэрэл нь шууд утгаараа өөрийн ариун геометрийн хээг бүтээж байлаа. Энэ оршихуй миний зүүн чихний орчмоос гарч ирсэн тэр нарсны боргоцойг барин урагш нэг алхаж, түүнийг далласан. Тэгмэгц би Бурханы амьсгал Дэлхий дээрх физик биед минь шууд буцаан орж буйг мэдэрсэн. Миний бие бүхэлдээ орноос дээш өргөгдөөд буцаад буухыг мэдэрсэн. Буцаад буухад нь би нүдээ нээж чадахгүйгээ ойлгосон. Би комд орсон байх. Тэгээд би амьсгалын аппараттай хэрхэн амьсгалахыг сурч эхэлсэн.

Амьдралд буцаж ирснээс хойш зургаан сарын дараа Кристал ээж дээрээ очоод, ээжийнхээ компьютерын дэлгэц дээр хар цагаан гэрэл зураг байхыг харжээ. Тэр дундах эмэгтэйг шууд таньсан байна. Тэгээд би “Би түүнтэй уулзсан. Би түүнтэй уулзсан.” гэж хэлсэн. Би маш их догдолсон. Тэгээд би дэвтэр гаргаж ирээд, тэр өөрийгөө надад нэр өгсөн хүн хэлснийг бичсэн, харин энэ юу гэсэн үг болохыг би мэдэхгүй байв. Тэгтэл дэвтрийг хараахан хараагүй байсан ээж маань “Чи түүнтэй уулзсан байх боломжгүй. Учир нь би түүнийг хамгийн сүүлд чамайг төрөхөөс өмнө л харсан.” гэж хэлж эхэлсэн.

6 дугаар хэсэгт, өрөөний дээд хэсэгт Кристалтай уулзсан эмэгтэйн нууц Кристал ээждээ бичсэн зүйлээ үзүүлэх үед эцэст нь тайлагдана. Нэг минутын дараа тэр: “Чи яаж мэдсэн юм бэ?” гэсэн. Би: “За, тэр өөрөө надад хэлсэн. Тэр надад нэр өгсөн хүн байсан” гэж хэлсэн. Кристал Фэйтийн клиник үхлийн тохиолдлын олон хэсэгт цувралын 6-р хэсэгт маргааш бидэнтэй хамт байгаарай. [IANDS (Олон улсын клиник үхлийн судалгааны холбоо) Подкаст]