Дэлгэрэнгүй
Дэлгэрэнгүй уншаарай
Бид нэвтрүүлгийнхээ сүүлийн хэсгээр Ганын хөгжим, бүжиг, яруу найрагтай танилцах болно. Гана улсын өмнөд хэсэгт орших акан үндэстний уламжлалт удирдагчид “кете” хэмээх бөмбөрт бүжиг бүждэг. Энэхүү бүжгийн чуулгыг уламжлалт удирдагчид удирдах агаад ихэвчлэн акан ахлагчдыг оршуулах ёслол болон шинэ ахлагчийн тангараг өргөх ёслолд тоглодог ажээ. Акан бүс нутагт байнга бүжиглэдэг нийтийн бүжиг бол адова билээ. Уг бүжгийг кетегийн адил оршуулгын зорилгоор бүжиж байсан түүхтэй. Орчин үед үүнийг нас биед хүрэх үеийн ёслол, гэрлэлт, хүүхдийн нэр өгөх баяр, уламжлалт баяр ёслол зэрэг янз бүрийн арга хэмжээний нэг хэсэг болгон бүжих болсон байна.
