Тэдний төлөө, дэлхийн төлөө залбирч, тэднийг сэрж сэхээрэн өөрсдөдөө өршөөл эрэн, Гэтлэхийг хүсэх болтугай хэмээн залбираарай. Уйлахаас өөр бид яаж ч чадахгүй. Уйлж, зовж шаналж байгааг минь бүх Диваажингууд харах боловч тэд нэг их тусалж чадахгүй. Учир нь би хүмүүсийн зовлонг үүрч, тэдний үйлийн үрийн өрийг багасгахыг хүсэж байна. Энэ замаар дэлхийн амьтадыг дээшлүүлэхийг би хүсдэг. Өрөвч энэрэнгүй Диваажингууд миний хүслийн эсрэг байж чадахгүй!
Харин одоо авшигтан гэгдэх та бүхэн, миний Хүчинд итгэдэг хүмүүс одоо ойлгож авлаа. Хүмүүсийн дотоодод Бурхан оршдог бөгөөд тэдэнд чөлөөт хүсэл заяагдсан. Тэд сонгох ёстой. Тийм болохоор л энэ дэлхийд хоёр зам байдаг: Нэг нь эерэг зам. Бүхэл бүтэн ертөнц болон Диваажингууд дахь агуу төрөлтөн байхыг хүсэж байгаа эсэхээ сонгох ёстой бөгөөд дараа нь Диваажингийн эгэл төрөлтөн байх ч бус бусдад туслах хүч чадалтай болох болно. Гэхдээ тусламж хэрэгтэй байгаа бусдад, тухайлбал доод түвшний хүмүүст юм уу амьтан-хүмүүст туслах илүү их хүч танд байдаг.
Манай дэлхийд Диваажингаас ирсэн маш олон амьтан-хүмүүс бий. Тэд хүмүүст өөрсдийн гэсэн өөр аргаар туслахаар ирсэн. Нохой-, муур-, загас-, аварга загас-, бүхий л аварга амьтан-хүмүүс ч гэсэн. Зарим нь тийм ч сайн биш байдаг ч тэр нь тэдний л ажил юм. Хэдийгээр халим-хүмүүсийг олон жижигхэн загас болон далайн бусад жижиг төрөлтнийг иддэг гэдэг ч ингэж байж тэд дэлхийн тэнцвэрийг хадгалдаг. Учир нь далайн зарим жижиг төрөлтнүүд сөрөг байдаг. Тэд зомбинууд бөгөөд хөнөөл учруулж, энэ дэлхийд муу энерги авчрахаар чөтгөрөөр удирдуулж байдаг юм. Иймээс халим-хүмүүс энэ жижиг төрөлтнүүдийг идэж, бидэнд тусалж байгаа хэрэг. Бид аль нь зөв, аль нь бурууг ялгаж мэдэхийн тулд гурав дахь нүдээ, Диваажингийн Нүдээ, Диваажингийн Чихээ нээх ёстой. Гадна талаас нь, үзэгдэх байдлаас нь бид энэ бүхний ард байгаа үнэнийг бүхлээр нь тааж. чадахгүй. Энэ үнэнийг зөвхөн гэгээрсэн хүмүүс л мэднэ. Тиймээс гэгээрэхийн тулд Бурханы Ивээлээр үүнийг дамжуулах, танд уламжлах гэгээрсэн Их Багшийг заавал олох ёстой. Бурхангүйгээр бид юу ч биш.
Таалагдах ч бай, үгүй ч бай та нарт гэж чин үнэнийг хэлэхэд Их Багшгүйгээр, гэгээрсэн Их Багшгүйгээр энэхүү төрөх, үхэхийн хүрднээс хэзээ ч гарч чадахгүй. “Өө, би хүлээж чадна.” гэж хэлж болох л юм. Хэдэн их наяд, хэдэн зиллион жилийн турш энэ бүх зовлон жаргалыг туулаад, дараа нь сэрж сэхээрээд, гэгээрээд, Гэртээ харина гэж бодож байгаа байх. Үгүй шүү, үгүй. Тэгсэн ч гэсэн тэр цагт Гэртээ харихын тулд Их Багш хэрэгтэй л байх болно. Ийм л учиртай. Ийм л дүрэмтэй юм. Би үүнийг яаж ч чадахгүй. Иймд энэ дэлхийг диваажин болго гэж намайг шахах хэрэггүй. Тэгээд бүтчих зүйл ч биш. Энд ирсэн л бол байх л болно. Биет төрөлтөн юм хойно өөрийгөө хамгаалах хэрэгтэй болно. Хэрэв та Гэртээ харихыг үнэхээр хүсвэл Их Багшийг олох ёстой.
Будда, Есүс Христ болон Гүрү Нанак, Махавира Бурхан, Номлогч Мухамед, Тэрээр Амгалан Оршиг, Номлогч Баха-у-лла, Кришна Бурхан зэрэг бүхий л гэгээнтнүүдэд нэг сайн зүйл бий. Өө, тоолшгүй олон Их Багш бий. Та нар тэднийг бүгдийг нь санах ч үгүй, Тэднийг бүгдийг нь мэдэх ч аргагүй. Тэдэнд байдаг нэг сайн зүйл бий. Яагаад гэвэл бид... Өө, би мартчихлаа. Би урьд нь хэлчхээд өөр зүйлсийн талаар ярьж байгаад мартчих юм.
Одоо Христ, Буддагийн тухай эргээд ярья. Тэднийг “Дэлхийн Хамгаалагчид” гэдэг. Гэхдээ бид биет байдлаар Тэднийг тухайн үед магадгүй ердөө хэдхэн мянган л шавьтай байсан гэж ойлгодог. Харин бид Тэднийг яагаад “Дэлхийн Хамгаалагчид” гэдэг вэ? Биет байдлаар Христ ердөө хэдхэн мянган дагагчтай, магадгүй илүү ч байсан байж болох юм. Эсвэл Будда тухайн үед мөн хэдхэн арван мянган дагагчтай байсан. Гэхдээ Тэд дэлхийд заларч гэгээрлийн түвшинд, байхдаа гэтлэх түвшинд илүү ойр сүнснүүдийг дэвшүүлж байсан. Тэд аниргүйгээр дэвшүүлдэг. Иймд тэдгээр сүнснүүд мөн далдхан гэгээрч, Гэртээ харьцгаана. Будда тэднийг Гэрт нь хүргэнэ. Бараг дэлхийн хүн ам бүхэлдээ Христийн болон Будда нарын магадгүй бусад Их Багш нарын Хүчээр адислагдсан.
Бүхий л Их Багш нар, жинхэнэ Их Багш нар хүн төрөлхтнийг Хүчээрээ бүхэлд нь адисалдаг. Өөрсдийг нь мэдэхгүй хүмүүсийг ч мөн адил. Оршин байгаа цаг хугацаандаа мэдээж хэрэг Тэд дэлхийг бүхэлд нь дэвшүүлж байдаг. Мэдээж бүгдийг нь биш. Бүгдийг биш. Зарим нь хорон муу, зарим нь чөтгөр байдаг тул тэд биет ертөнцийн хуулиар шийтгэлээ хүртэх учиртай. Харин сайн, буянтай хэдий ч тухайн үед Христийг байдаг гэдгийг мэдээгүй, тухайн үед Будда нарыг ч юм уу өөр хэн ч байсан мэдээгүй байлаа гэхэд тэд ч бас адислагдана. Яагаад гэвэл Будда юм уу Христ энэ дэлхийд заларч байгаа бол Тэдний Хүч хаа сайгүй оршиж байдаг. Тэд үйлийн
үрийн хуулийг хөнддөггүй. Тэд хүмүүний энийг ч хийнэ, тэрийг ч хийнэ гэдэг чөлөөт хүслийн мөн чанарт хөндлөнгөөс оролцдоггүй. Сайн сайхан, амар амгаланг, Бурханы Хуулиудыг зөрчөөгүй хэнийг ч болов Будда, Христ, Их Багш нар өндөр дээд Диваажинд хүртэл дэвшүүлж, тэдэнд тэндээс дээш ч зааж сургасаар байдаг. Зарим хүн Астрал Ертөнцөөс, Астрал Диваажингуудаас дээш явж чаддаггүй. Будда тэнд нь залрах болно. Будда ганцхан биетэй байдаггүй. Биет ертөнцөд хүртэл Христ, Будда нар, бүхий л Их Багш нар тоолшгүй олон гэрлэн хувилгаан биетэй байдаг. Тухайн хүн харахгүй байлаа ч тусламж хэрэгтэй хүмүүст туслахын тулд хаана ч гарч ирж чадна гэсэн үг юм. Тэгэхээр аль хэдийн тэднийг тодорхой хэмжээнд гэгээрүүлдэг. Тэгээд тэр хүнийг нас барахаар Буддагийн бие мах бодийн оршихуй хэмжээлшгүй их Хүчээр тухайн хүнийг зохих түвшинд нь хүргэж өгдөг.
Хэдий Астрал Ертөнц байлаа ч Будда тэнд ч бас очиж, тэр хүнийг илүү өндөр түвшинд, Буддагийн Оронд хүрэх хүртэл нь зааж сургадаг. Жишээ нь ийм байдаг. Иймээс бид Тэднийг Дэлхийн Аврагчид гэдэг юм. Иймээс Христ зөвхөн Өөрийнхөө цөөн хэдэн шавь нарын төлөө, эсвэл тухайн үед Эзэн Бурханд байсан шавь нарын төлөө үхээгүй. Будда ч мөн адил Өөрийн мянга мянган дагагч, шавь нарынхаа төлөө л өөд болсон юм биш. Үгүй, үгүй. Түүнд үүнээс илүү их хийх зүйл байсан. Түүнийг заларч байх үед дэлхий бүхэлдээ Тусыг нь хүртэж, гэгээрч, Түүний ачаар гэтлэгдэнэ. Дараа нь ч дахин хэдэн үеэрээ, урьд нь хэлсэнчлэн 200 жил, магадгүй арай илүү урт хугацаанд, тухайн Их Багшийн Хүчнээс хамаарч 300 жил тусыг нь хүртдэг. Тэгээд тэдгээр үеийнхэн Буддагийн Хүчээр Нирваан дүр үзүүлснийх нь дараа ч тусыг нь хүртсээр байсан.
Тиймээс эдгээр Их Багш нар агуу юм. Бид насаараа сөхөрч суугаад Тэдэнд насаараа талархаж, Тэднийг магтлаа ч хэзээ ч талархаж барахгүй, ачийг нь хэзээ ч хариулж барахгүй юм. Би цаг ямагт талархдаг. Бүх Их Багш нарт баярлалаа. Мэдээжийн хэрэг төрлөөс төрөлд бидэнд Бурханы Сургаалуудыг сануулан, биднийг Гэтэлгэх гэж Адислал, Хүчийг авчирдаг эдгээр Их Багш нарыг бидэнд илгээсэн Оройн Дээд Бурханд Би талархдаг. Бид Тэдэнд Бурханы Ивээл дор цаг үргэлж талархаж байхыг санах учиртай. Ямар ч гараг, ямар ч дэлхий дээр ямар нэг Их Багш заларсан л бол тухайн гараг үнэхээрийн их золтой гэсэн үг.
Зөвхөн тамд л аврахад маш хэцүү байдаг хэдий ч зарим Их Багш аварч чаддаг. Газрын Зүрхэн Бодисадва Кшитигарба Их Багш одоо хүртэл тамд хүмүүст тусалж, тэдэнд зааж сургаж байгаа учраас тэд ядаж л Бурханыг санаж чадна гэсэн үг. Тэрээр чадах чинээгээрээ заадаг. Зарим нь дэндүү хүнд үйлийн үртэй учраас Тэр зааж чадахгүй ч Тэр чадах бүхэндээ зааж сурган, тэдэнд сануулахыг хичээж байгаа тул мэдээж шийтгэлээ дуусгаад тэд тамаас гарах болно.
Одоо би та нарыг Их Багш нар бүх зүйлийг хоб гээд л өөрчилчихдөггүй гэдгийг ойлгосон гэж найдаж байна. Яагаад гэвэл хүмүүсийн боловсрол, ялангуяа сүнслэг боловсрол зэргээс хамаарна. Иймд хүндлэлтэй байх учиртай. Гэтлэл, Бурханы Хүч, Бурханлаг амьдралын зам мөр, Диваажингуудад хүрэх Бурханы Зам зэргийн талаар энэ хэдэн арван жил ярьсаар ирсэн хэдий ч зарим нь огт сонсдоггүй, зүгээр л сонсдоггүй. Тэдний цаг хугацаа хараахан болоогүй байна.
Нэг онигоо байдаг. Би та нарт урьд нь ярьж байсан даа. Гэхдээ дахиад ярья. Мөрийтэй тоглоомд донтсон нэг залуу байжээ. Тэр өдөр бүр мөрий тавина. Түүний нэг найз нь урьдын нэг танил нь гэгээрэлд хүрсэн байсан ба түүнтэй хамт байв. Ямартай ч тэрээр Их Багштай учран, гэгээрчээ. Тэгээд тэр найзыгаа мөрийтэй тоглоомын орчинд автсан хэвээр, донтоод, бүх зүйлээ алдаж, маш их зовж шаналж байгаа ч тэнд байх дуртай хэвээр байгааг харж гэнэ. Иймд тэрээр өөрийн хүчээр түүнийг Диваажинд аваачих гэж хичээн, түүнд Диваажинг ямар үзэсгэлэнтэй, сайн сайхан болохыг үзүүлэхээр авч явав. Гэтэл өнөөх мунхаг найз нь “Энд мөрийтэй тоглоомын газар байгаа юу?” гэж асуужээ. Хариуд нь нөгөө найз нь “Мэдээж байхгүй. Энэ бол Диваажин. Энд үзэсгэлэнтэй сайхан, чамд илүү сайн гэдгийг мэдэж авах хэрэгтэй. Дахин битгий мөрийтэй тогло. Их Багшийг минь дагавал Гэтлэх болно.” гэв. Өнөөх эр “Үгүй ээ, би мөрийтэй тогломоор байна. Диваажинд байхгүй юм бол би явмаар байна.” гэдэг. Харав уу?
Тэгэхээр энэ хэдийгээр онигоо боловч бодит амьдрал дээр олон хүн ийм байдаг. Үүнийг өөрчилж чаддаггүй, хүсдэггүй... Гагцхүү тэд өөрсдөө л сэрж сэхээрнэ. Хэзээ нэг өдөр, хэрэв тэд сэрж сэхээрэхийг хүсвэл уртаас урт, хэдэн их наяд жилийн дараа л сэрнэ. Энэ нь тэдний л сонголт. Тэд одоо Гэртээ харихыг хүсвэл одоо сэрж, одоо гэгээрч, одоо л Бурхан руу буц. Тэгвэл бид тэдэнд даруй тусалж чадна. Тэд та нарын харсан шиг Бурханыг шууд харж чадна. Та нар мэдэж байгаа. Хэрэв хүсэхгүй бол тэднийг хүчлэх боломжгүй.
Яг л эмнэлэгт эмч нар бүх өвчтөнүүдээ аврахыг хүсэж, тэднийг эдгээхийг хүсдэг шиг юм. Гэхдээ тухайн хүн эдгэхийн төлөө зөвшөөрч гарын үсэг зурахгүй бол эмч түүнд мэс засал, тусгай эмчилгээ хийж өгч чадахгүй. Эсвэл магадгүй тухайн хүн хэдийнээ ухаангүй байгаа бол гэр бүлийн гишүүд нь эмчид зөвшөөрлийн гарын үсэг зурж өгч, яаралтай мэс засал юм уу маш онцгой, эргэлзээтэй эмчилгээ хийн, тэрхүү өвчтөнд тусалж чадаж магадгүй. Тэгж байж л эмч тусалж чадна. Иймд энэ нь яг л хүмүүстэй адил юм. Тэд хөх няц болтлоо төрлөөс төрөлд нухчуулсаар тэсвэрлэх аргагүй болох хүртлээ Гэртээ харихыг хүсдэггүй. Тэгж байж л тэд Гэртээ харъя гэж гуйна. Бид бол хэзээ ямагт бэлэн байж байдаг. Тэгэхээр намайг ахин дахин битгий хүчилж албадаарай. Би та нарын хүсэж байгаагаас илүү юу ч хүсээгүй. Гэвч энэ Ертөнцийн мөн чанар ийм л юм.
Тэдний төлөө, дэлхийн төлөө залбирч, тэднийг сэрж сэхээрэн өөрсдөдөө өршөөл эрэн, Гэтлэхийг хүсэх болтугай хэмээн залбираарай. Уйлахаас өөр бид яаж ч чадахгүй. Уйлж, зовж шаналж байгааг минь бүх Диваажингууд харах боловч тэд нэг их тусалж чадахгүй. Учир нь би хүмүүсийн зовлонг үүрч, тэдний үйлийн үрийн өрийг багасгахыг хүсэж байна. Энэ замаар дэлхийн амьтадыг дээшлүүлэхийг би хүсдэг. Өрөвч энэрэнгүй Диваажингууд миний хүслийн эсрэг байж чадахгүй!
Testimony by a member of our Supreme Master Ching Hai International Association (all vegans): Нэг өдөр бясалгалын үеэр би Багшийн энергийн талбайд орсон. Бясалгах зуураа би дээд Ертөнцөөс харсан юм. Таны Дарма бие асар том, дэлхийг бүхэлд нь бүрхэж байсан. Дарма бие тань аварга том, гэхдээ зөвхөн Гэрэл. (Ойлгож байна.) Таны агуу Гэрэл Дэлхийг бүхэлд нь бүрхэж байсан. Бас тэгээд өөр нэг бие байсан. Та асар том бие болон хувирахад, хамаг төрөлтнүүд Таны биеэр хүрээлүүлсэн. Таны асар том мутар хамаг төрөлтнийг тэврэн, энхрийлэн илж байлаа. Тэднийг илснийхээ дараа Гэрлэн бие Тань аажмаар уусан, уусан алга болсоор мэдрэмжтэй амьтад руу урсаж байв. Тэр үед би Таны агуу золиослолыг харсан. Бүх зүйл нэг төрлийн энерги байсан. Үүнийг тэр энергийн дотор байж л мэдэрнэ. Учир нь энэ энергийг үгээр илэрхийлэхийн аргагүй. Бүх дээд Ертөнц, мөн Ертөнц даяарх олон төрөлтөн бүгд Таны агуу байдлыг мэддэг. Зөвхөн Дэлхий дээрх хүмүүс л ойлгодоггүй, хэн нь ч ойлгодоггүй, хэн нь ч үүнийг мэддэггүй. Үүнийг хараад би асгартлаа уйлсан. Дээд Ертөнцийнхөн Таныг маш ихээр өрөвдөн, шаналан зовнидог. Тэд дээрээс харсан ч Таныг зогсоож чадаагүй. Учир нь энэ золиослол бол Таны сонголт байсан. Тиймээс хэн ч зогсоож чадаагүй. Тэгээд намайг Таны мэлмий рүү сайтар харахад, тэр үед зөвхөн хамаг төрөлтнүүд л байсан, хамаг төрөлтнүүдээс өөр юу ч байгаагүй. Тэгээд бас нэг зүйл... энэ бүхэлдээ энерги байсан, Багш аа. Үүнийг ухаарахын тулд тэр энергийн дотор л байх ёстой. Би багахан хэсгийг нь л дүрслэн хэллээ. (Мэднэ ээ. Тийм.) Үүнийг тайлбарлах боломжгүй. Би хэрхэн тайлбарлахаа ч мэдэхгүй байна. (Ойлгож байна.) Мэлмийд Тань хамаг төрөлтнүүдийг өөрчлөгдөөсэй гэх асар их хүсэл, хэмжээ хязгааргүй их Хайр, өөрчлөлт ирэхийг хүссэн агуу хүсэл, асар их уй гашуу байсан. Багшийн энэ бүх мэдрэмж... (Нэг удаа, тийм ээ.) Тийм ээ, тэрхүү энергийн талбайд, Таны Хэлбэлзэлд. Тэгээд би самгардаж, асгартал уйлсан. Учир нь Дэлхийн төрөлтнүүд, тэдний хайр энэ Ертөнцөд ердөө л хумхын тоос төдий. Тэд юу ч ойлгодоггүй. (Тийм ээ.) Тиймээс Их Багш бидэнд байна гэдэг төсөөлөхийн аргагүй Адисал гэдгийг авшигтнууддаа хэлмээр байна. Хэрэв бид үүнийг олж, үүнийг үнэхээр харж, тэрхүү энергийн дотор орохгүй л бол үүнийг ойлгох боломжгүй. Эс бөгөөс, зүгээр л... (Яриа.) Тийм ээ. Энэ цаг үед Их Багш байгаа нь үнэхээр их ерөөл юм. Би яаж тайлбарлахаа ч мэдэхгүй байна.
Би ч бас заримдаа та нар шиг уурладаг байсан, бас Бурханаас энэ дэлхийг өөрчил гэж шаргуу шаарддаг байсан. Гэхдээ тэд зовж шаналах ямар байдгийг мэдэхийн тулд зарим зовлонг туулахыг хүсэж байгаа байх. Тийнхүү тэд зовж шаналж байгаа төрөлтнүүдэд, магадгүй зуун жил, мянган жил, сая жилийн дараа гэгээрч, туслах хүч чадалтай болоод туслах байх. Одоо ойлгосон уу? Учир нь хүн баян бол, төрсөн цагаасаа л баян, насаараа баян байгаа бол, орон гэргүй, ядуу хүмүүсийн байдаг ядуу газруудаар хэзээ ч явж байгаагүй бол “ядуу” гэдэг юу болох талаар огт мэдэхгүй, өрөвдөх, хайрлах, нигүүлсэх сэтгэлгүй, тэдгээр ядуу хүмүүст туслахыг хүсэх сэтгэлгүй байх болно.
Тэгэхээр тэд хараахан Гэртээ харихыг хүсэхгүй байгаа бол аясаар нь л орхиё. Тэдний дотоодод, сүнсэнд нь Бурхан оршин байгаа учраас тэд юу хүсэхээ мэдэх учиртай. Бид ердөө гуниглан харууссан ч хажууд нь байдаг. За. Би өөр бусад зүйлсийг санах юм бол магадгүй дараагийн удаа хэлье. Яагаад гэвэл би үүнийг багийнхандаа илгээвэл тэд зурагтаар хурдхан гаргахын тулд өдөржин, шөнөжин ажиллах болно. Хэтэрхий урт болчихвол тэд дэндүү махран ажиллахад хүрнэ. Өдөр бүр, цаг үргэлж хэдийнээ маш шаргуу ажиллаж байгаа ч надаас шинэ яриа ирэхээр тэд бүр илүү, нэмэлт ачааллаар ажилладаг. Би ч бас мөн адил. Тэд сүүлд эргүүлээд илгээхээр нь би шалгаад бүх зүйл зөв бичигдсэн эсэхийг шалгах хэрэгтэй болно. Иймд одоо бүүр урт болчихлоо.
Намайг дагадаг ч бай, дагадаггүй ч бай; намайг хайрладаг ч бай, хайрладаггүй ч бай; намайг дэмждэг, бас эсэргүүцдэг, намайг харддаг бүх хайрууд минь. Бүгдэд тань би Бурханы Хайрыг, Бурханы Адислалыг, хурдан гэгээрэхийг хүсэн ерөөе. Амен. Бурхан минь, надаар дамжуулан ярьж, та бүхэнтэй ингэж ярилцах боломж олгон, эрхэм ариун зорилгыг тань сануулах урам зориг хайрласанд баярлалаа.
Цаг үргэлж Бурханд залбирахаа, Бурханыг магтахаа, Бурханыг шүтэхээ, Бурханд талархахаа санаарай. Санах бүрдээ нэг, хоёр минут, ганц секунд ч бай тийн үйлдэж байгаарай. Магадгүй та төсөөлж чадахаасаа ч илүү их тус хүртэж болох юм шүү. Мөн энэ бол танд байгаа цорын ганц “зэвсэг” юм шүү. Хэрэв ямар ч Их Багштай учрахгүй байлаа гэхэд энэ нь танд энэ насандаа болон дараа төрөлдөө илүү дээр түвшинд хүрэх адислал болж мэдэх юм. Баярлалаа. Баярлалаа. Намайг амьд байлгасаар байгаад баярлалаа. Намайг
хамгаалж буйд Бурханд талархъя. Миний төлөө Бурханд мөн талархаарай. Намайг хамгаалахын төлөө хамаг чадлаараа хичээж буй бүх Гэгээнтэн Мэргэд, сахиусан тэнгэрүүд, дагинаст талархъя. Тэд чадах чинээгээрээ байгаа. Энэ гараг дээрх хүн төрөлхтнийг, бүх төрөлтнийг чадах чинээгээрээ хамгаалж байдаг Та бүхэндээ баярлалаа. Бүгдийг нь Бурхан ивээг. Хайртай шүү. Бүгдэд нь хайртай шүү.
