Энх тайвнаар бид Диваажинд хүрч чадна, 16-гийн 13-р хэсэг

Хүмүүст зааж сургая гэвэл үлгэр жишээ үзүүлэн заах нь дээр. Олон юм яривал хүмүүс сонсоно гэсэн үг биш. Хүмүүс бидний сайн, зөв ​​зүйл хийж байгааг харвал аажуухан, сурахгүй байсан ч яах вэ. Наад зах нь тэд муу зүйл хийхгүй. Тэд сайн ажиллахгүй ч ядаж л муу зүйл хийхгүй.

Олон жилийн турш бид дэлхийтэй хамт инээж, дэлхийтэй хамт уйлсан. Учир нь бид бүгд нэг гэдгийг улам бүр ойлгож байна. Тэдний зовлон бол бидний зовлон, тэдний шаналал бол бидний шаналал гэдгийг бид улам бүр ойлгож байна. Ямар ч ялгаа байхгүй. Сүнслэг бясалгал хийсний дараа бид бүгд нэг аварга биетэй адилхан гэдгээ ойлгодог. Хөршүүд маань яг л бидний гар хөл шиг. Тэгээд дараа нь дэлхий бүхэлдээ нэг асар том бие юм. Хүн бүр өөр өөр эс, өөр өөр биеийн хэсгүүд, биеийн хэсгүүд юм. (Эрхтэн.) Эрхтэн. Биеийн эрхтнүүд. Ингээд л боллоо.

Би хятадаар яриагүй уджээ. Энэ бүгдийг мартчихсан байна. Азаар та бүхэн ийм хөгжилтэй арга хэмжээ зохион байгуулснаар би буцаж ирээд хятад хэлээр хичээллэх боломжтой боллоо. Тэгээгүй бол би энэ бүгдийг мартах байж. Хурдан сурна, гэхдээ хурдан мартана. Хүндэт зочид ирж байгаа болохоор ч тэр. Би тэднийг ирэхийг урьсан учраас би бас буцаж ирлээ. Та нар тэдэнд талархах учиртай. Энэ үдэш бид талархлаа бүр ихээр илэрхийлэх болно.

Би тэдэнд та бүхэн энд байгаа болохоор, хүндэт зочид та бүхэн ирсэн болохоор би ч бас буцаж ирлээ, энэ бол гол шалтгаан нь гэж хэлсэн. Тиймээс тэд та бүхэнд талархах учиртай гэж би хэлсэн. Тэгээд л тэд алга ташлаа. Хүндэт зочдодоо баярлалаа гэж хэлье. Өнөө орой бид талархлаа илүү их илэрхийлэх болно гэж би хэлсэн дээ. Яг одоо энэ бол өөр хөтөлбөр юм. Яг одоо тэд сар шинийн баяраар сайхан зүйл хэлэхийг минь, улирч буй жилийг дүгнэж, ирж буй жилд зориулан урам хайрлах үг хэлэхийг минь хүлээж байна.

Миний саяын хэлснийг та бүгд ойлгож байна уу? (Тийм ээ.) Та бүхэн орчуулгатай юу? (Тийм.) Чихэвч байхгүй юү? Тийм үү? (Тийм.) Үгүй юү? Тийм үү, үгүй ​​юү? (Тийм.) За. Дараа нь би англи юм уу хятад хэлээр ярья. Энэ хамаагүй юү? За. Хамаагүй ээ.

Би хятад хэлээр ярья. Бид Тайвань (Формоса)-д байгаа учраас нутгийн иргэдийг хүндэтгэе. Мөн тайвань (формоса)-чууд энэ газрыг маш үзэсгэлэнтэй болгохын тулд тун их хөдөлмөрлөсөн. Хэдийгээр бидний байгаа газар маш энгийн ч та бүхэн үүнийг сайхан болгожээ. Их хөөрхөн юм. Хүн бүр маш их ажилласан. Би үүнд тань талархаж байна. Би үүнд талархаж байна. Энэ газрыг маш сайхан болгохоор шаргуу хөдөлмөрлөсөнд тань би талархаж байна. Та бүхнийг ийм сайхан болгоно гэж бодсонгүй. Би ердөө л та бүхнээс манай зочдод хамгийн сайнаар үйлчлэхийг хүссэн. Харин та нар үүнийг маш сайхан хийжээ. Би маш их сэтгэл хангалуун байна. Би маш их баяртай байна. Баярлалаа.

Одоо өнгөрсөн зүйлийн талаар дахин ярих шаардлагагүй. Шинэ жил болохоор шинэ юм ярья. Сая бидний дуулсан дуу яг л “Төрсөн өдрийн мэнд хүргэе” дуу шиг байлаа. Шинэ жил бүр яг л төрсөн өдөр шиг байдаг. Нэг их ялгаа байхгүй. Бид шинээр дахиад нэг жилийг эхлүүлж байна. Бид төрөхдөө дахин нэг жил авсан. Одоо жил бүр өөр нэг жил нэмэгдэж байна. Яг л дахин төрсөн юм шиг. Тиймээс бид өнгөрсөн хугацаанд ямар ч буруу зүйл хийсэн бай, шинэ онд бид шинээр эхлэхээ зайлшгүй тангараглах ёстой. Бид өнгөрсөн үеийг бүрмөсөн мартаж, өнөөдрөөс эхлэн шинээр эхэлье. Яг л нялх хүүхэд шиг бүгдийг шинээр эхэлье. Өнөөдрөөс эхлэн бид зөвхөн сайн зүйл хийж, зөвхөн сайн зүйл бодож, зөвхөн сайн зүйл ярья. Хамгийн сайнаараа хийж, хичээгээрэй. Заримдаа зуршил амархан арилдаггүй.

Өнгөрсөн жил бид олон сайн зүйл хийсэн бол энэ жил бүр их, бүр илүү сайн зүйл хийх ёстой. Өнгөрсөн жил бясалгалдаа ямар ч ахиц дэвшил гаргасан бай, энэ жил бид цаашлан ахих хэрэгтэй. Та бүхний шаргуу хичээж байгааг би мэднэ. Миний сэтгэл үнэхээр хөдөлж байна, маш их хөдөлж байна. Би үнэхээр үнэнийг хэлж байгаа шүү. Сэтгэл маш их хөдөлж байна. Учир нь би мэднэ, жирийн (пин фань) хүн… Жирийн гэдгийг юу гэж хэлэх вэ? (пин фан гэх үү, пин фань гэх үү?) Жирийн (фань). “Жирийн (фань) гэх үү?” “Зовлон шаналал (фань-нао)” гэдэгтэй ижил сонсогддог уу? Мэдээж “энх тайван / жирийн (пин)”. Гэхдээ бас “зовлон шаналал (фань)”. Тиймэрхүү зүйл. Хятад үг их сонирхолтой шүү. “Энх тайван / жирийн (пин)” ба “зовлон шаналал (фань)” сайн, муу гэж байна. Баяр жаргал, зовлон шаналлын аль алийг нь хэлдэг. Бичихдээ өөрөөр бичиж магадгүй. Гэхдээ манайхан дээр үед “энх тайван”, “зовлон шаналал” гэсэн утга аль аль нь байдгийг мэддэг байсан. Энэ ертөнц ийм л юм. Сахаа ертөнц. Харин жирийн хүмүүсийн хувьд амьдрал нь тийм ч сайхан, дардан байх албагүйг би мэднэ. Заримдаа хамаг бие тань шархирч байсан ч та нар гарч ажиллах шаардлагатай болдог. Учир нь та нар гэр бүлтэй, үүрэг хариуцлага хүлээдэг. Та нар компанитай бөгөөд олон хүн өөрөөс тань хамааралтай байдаг. Та ажилдаа гарах ёстой. Заримдаа сэтгэлээр унасан ч гэсэн аз жаргалтайгаар гарах хэрэгтэй болдог. Ажилламааргүй байсан ч ажиллах хэрэгтэй. Учир нь амьдрах хэрэгтэй шүү дээ. Мөн та гэр бүлээ тэжээх хангалттай мөнгө олохын тулд өдөр бүр маш их хөдөлмөрлөх хэрэгтэй.

Тэгэхээр жирийн хүний ​​хувиар амьдрал тань яаруу, стресстэй байдаг. Баяр хөөрөөс илүү зовлонтой байдаг. Харин одоо та бүхэн сүнслэгээр бясалган дадуулж буй тул мэдээж илүү аз жаргалтай байгаа. Тийм үү? (Тийм.) Тэгсэн ч гэсэн та бүхэн ажиллах хэрэгтэй хэвээр. Амьдрал тань яаруулж байгааг би бас мэднэ. Заримдаа энэ нь маш их ядраадаг. Гэсэн хэдий ч та нар хичээнгүйлэн бясалгасаар байгаа, (амьтан-хүний) мах иддэггүй, архи ч уудаггүй. Та нар ямарваа зохисгүй зүйл хийхээ больсон. Тэгээд тусламжийн ажил хийж, тусламж хэрэгтэй хүмүүст тусалдаг. Тиймээс та нар үнэхээр миний баатрууд. Баярлалаа! Энэ хорвоод жирийн хүний ​​амьдралаар амьдарна гэдэг хэдийнээ хангалттай хэцүү. Та нар өглөө бүр ажилдаа эрт яваад орой буцаж ирдэг. Та нар гэр бүлээ харж хандан, татвар төлөх ёстой. Та нар маш их хэмжээний төлбөр, гэр бүлийн зардлаа төлөх ёстой. Хэдийнээ маш шаргуу ажиллаж, ядарсан байгаа. Түүгээр ч барахгүй тэр Төгс Гэгээрсэн Их Багш Чин Хай та бүхнээс хоёр цаг хагас бясалгал хийхийг хүссээр байна.

Хаанаас цаг гаргах вэ? Гэсэн ч та нар цаг гаргах ёстой. Учир нь та нар бясалгахгүй бол Тэр та нарыг загнах болно. Тэр загнахаас гадна бусад авшигтанууд өөрийг тань дорд үзэх болно. Мөн хангалттай бясалгаагүйн улмаас сүнс тань сайн биш байна, билиг ухаан тань багасна. Дараа нь замбараагүй зүйлс хийж, үүнийг зөв хийхгүй. Тэгээд ухрах болно. Хэрэв хоёр цаг хагас бясалгахгүй бол ичиж, буруугаа мэдрэх болно. Тиймээс та нар бясалгах ёстой. “Бид нар наймаас арван цаг ажиллачхаад, тэр хортой агаарт нэг хоёр цаг машинаар явсан. Тэгээд гэртээ ирэхэд Тэр биднээс бясалгах, зурагт бага үзэх, сонин уншихгүй байх, бага чалчиж, утсаар бага ярих, архи ууж болохгүй, (амьтан-хүний) мах идэхгүй байхыг хүсдэг. Ээ бурхан минь! Тэр яагаад биднээс ийм их зүйл хүсдэг юм бэ? Тэр Чин Хай гэдэг хүн.” Гэсэн ч та нар Түүнийг яг сонссон хэвээр. Хачирхалтай.

Та үүнийг зохицуулж, тэр байтугай тусламжийн ажилд тусалдаг. Өмнө нь та жирийн хүний ​​хувьд цаг наргүй ажилладаг ч хангалттай орлого олж чаддаггүй байсан. Одоо илүү шаргуу ажиллаж, бясалгалд хоёр цаг хагасыг нэмээд, бусад хүмүүст туслахын тулд мөнгө хэмнэх боломжтой. Өмнө нь өөрт тань хангалттай мөнгө байхгүй байсан бол одоо илүү их мөнгөтэй болсон. Тийм учраас сонсох хэрэгтэй. Тэр бидэнд мөнгө олоход тусалдаг.

Яагаад гэвэл би та нарт хэрхэн хэмнэхийг заасан. Илүү их мөнгө олохыг биш, харин илүү ихийг хэмнэхийг зааж өгсөн. Илүү хэмнэх нь илүү их мөнгө гэсэн үг. 10 цент хэмнэвэл 10 цент олж байгаа хэрэг. Яг л адилхан. Хэрэв та их мөнгө олдог ч ихийг зарцуулдаг бол энэ нь адилхан. Өмнө нь та нар байнга өвддөг байсан. Одоо веган хоол идсэнээр эрүүл байна. Энэ нь эмчилгээний тань зардлыг ихээхэн хэмнэдэг. Та эрүүл саруул байгаа тул илүү их ажиллаж чадна, нэг их хичээл зүтгэл гарахгүй. Тиймээс та нар олон талаараа маш их хэмнэж байгаа. Дүпү худалдаж авах нь (амьтан-хүний) мах худалдаж авахаас хямд. Та нар арай илүү хэмнэдэг.

Ням гарагт та нар нийтийн бясалгалд явж, залбирч, маш их мөнгө хэмнэдэг. Өмнө нь ням гарагт гадуур хооллож, ундлан, зугаацдаг байсан. Гадуур мөрийтэй тоглож, олсон бүх мөнгөө алдсан байх жишээтэй. Эсвэл архи ууж, өвддөг, эсвэл согтож, зодолдон, их хэмжээний хохирол амсаж, гэр бүлийн гишүүдээ ч зовоодог байсан. Одоо эдгээрийн алийг нь ч хийдэггүй. Ням гараг бүр та нар бясалгал хийж, биеэ зөв авч яван, ахиухан мөнгө хэмнэдэг. Гэртээ ирэхэд эхнэр тань “Аа! Тэр биеэ маш сайхан авч явдаг, мөрийтэй тоглоом тоглодоггүй, архи уухаа больсон. Тун сайн хүн шүү.” гэж боддог. Тэгээд эхнэр тань таныг улам хайрлаж, гэр бүл тань илүү амгалан болдог. Гэр бүл тань амгалан байхад үр хүүхдүүд аз жаргалтай байна. Хүн бүр аз жаргалтай, эрүүл байдаг. Бие тань илүү тав тухтай, сэтгэл санаа тань сайхан болдог. Тиймээс та нар намайг сонсдог. Тийм биз? Тийм үү, үгүй ​​юү? (Тийм.)

Хэрэв миний сургасан зүйл буруу байсан бол та нар мэдээж сонсохгүй. Яаж тэгж чадах билээ? Та нар тэнэг биш. Тийм биз дээ? Та нарыг том дарга, саятан, компанийн ерөнхийлөгч, захирал гэдгийг би мэднэ. Та нар их сургуулийн профессор, бага сургуулийн багш гээд бүх төрлийн хүмүүс. Маш ухаалаг, тун ухаалаг. Тайвань (Формоса)-ийн ард түмэн бас хамгийн ухаалаг хүмүүсийн тоонд ордог. Та бүхэн олон сайхан зүйлийг зохион бүтээж, олон бахархмаар зүйл хийсэн. Тэгэхээр та нар тэнэг биш.

Та бүхэн сайн, учир зүйтэй байвал л сонсдог. Тийм үү? Хэн хэлэх нь хамаагүй. Хэрэв учир зүйгүй бол бид сонсдоггүй. Та нар тэнэг биш. Өөр юм хэлэх шаардлагагүй. Биднийг сүнслэг бясалгал хийж эхлэхэд хүүхдүүд ч бас дагана. Тэгээд тэд зодолдохгүй. Та гэртээ сайн үлгэр дуурайл үзүүлсэн учраас тэд ангийнхаа хүүхдүүдийг дагаж, муу зуршил сурч авахгүй. Сайн эцэг эхчүүд сайн хүүхдүүдтэй байх нь гарцаагүй. Энэ нь илүү аюулгүй, тун аюулгүй. Хүүхдүүд маань багаасаа л сайн, сахилга баттай, эелдэг, буянтай байж сурвал өсөж торних үедээ өөрчлөгдөхгүй.

Том болоод муу зүйл хийдэг ихэнх хүмүүс багад нь сайн хүмүүжүүлээгүйгээс л болсон байдаг. Эцэг эх нь тэдэнд анхаарал халамж тавьдаггүй, эсвэл тэдний хүүхэд нас маш их зовлонтой өнгөрсөн, эцэг эх нь орхиж явсан, салсан байж магадгүй байдаг. Эсвэл эцэг эх нь сайн үлгэр дуурайлал үзүүлээгүйгээс хүүхдүүд хэнд найдахаа мэддэггүй. Тэд будилж, буруу зөвийг ялгаж чаддаггүй тул гадагш гараад бусдад хууртагдаж, уруу татагддаг. Тэд муу хүмүүстэй, дээрэмчидтэй нийлж, үргэлжлүүлэн муу зүйл хийдэг. Тэгээд энэ нь зуршил болж, тэд үүнийг өөрчилж чаддаггүй. Нийгэм тэднийг буруушааж, үгүйсгэдэг. Тэд нийгмээс улам бүр хөндийрч, найдах хүнгүй болдог. Тиймээс тэд гэмт бүлэглэл, муу хүмүүс рүү улам хазайж, улам бүр дорддог.

Гэр бүл тогтвортой байж, эцэг эх нь буянтай үлгэр дуурайл үзүүлж байвал үр хүүхэд өсөж том болоод муу хүн болохгүй нь лавтай. Байлаа гэхэд маш цөөхөн л байх байсан. Мөн муу чанар нь бүр ч бага байдаг. Тэд ямар нэгэн байдлаар муу хүн болдоггүй. Жишээ нь: Би та нарыг тамхи бүү тат, архи бүү уу, аллага бүү үйлд, бусдад, ямар ч амьд төрөлтөнд хор хөнөөл бүү учруул гэж хүсдэг. Танай хүүхэд өөрийг тань яг дагахгүй байж магадгүй. Магадгүй гаднын нөлөөгөөр тамхи татах ч юм уу бага зэрэг мөрийтэй тоглож мэднэ. Гэвч тэр аллага үйлдэх боломжгүй. Тэр бас өөрийгөө шинжиж, өөрийгөө шалгахаа мэднэ. Та түүнд багаас нь зааж сургасан болохоор тэр муу зүйл хийлээ ч мөс чанар нь түүнд ямагт сануулах нь дамжиггүй. Магадгүй тэр удаан хугацаанд муу зүйл хийхгүй байх. Муу зүйл хийсэн байсан ч тэгтлээ муу зүйл хийхгүй. Жаахан л дэггүйтэх болно. Жишээлбэл: Тэр хааяа тамхи татаж магадгүй. Энэ нь ойлгомжтой. Тэгэхээр эцэг эх сайн байвал гэр бүлд ч сайн, нийгэмд ч асар их хувь нэмэр оруулж байгаа хэрэг. Бид энхийг сахиулагч байх шаардлагагүй. Дэлхий амар амгалан байх болно.

Дэлхийн амар амгалан гэр бүлийн амар амгалангаас эхэлдэг. Хятадад бид ингэж хэлдэг: “Биеэ засаад, гэрээ зас, тэгээд төрөө удирдаж, дэлхийг төвшитгө.” Тиймээс хэрэв та бүхэн бүгд өөрсдийгөө хөгжүүлбэл мэдээж дэлхий төвшин болох байсан. Учир нь сүнслэг бясалгал хийж эхэлсний дараа бидний шунал, хүсэл багасдаг. Бид өөрсдийн байр суурийг мэддэг. Бурхан биднийг хаана ч тавьсан, тэндээ үлддэг. Биднээс юу ч хүссэн, чадах бүхнээ хийх болно. Хог түүсэн ч, дүпү зарсан ч бид үүгээрээ бахархдаг. Учир нь бид цэвэр. Бид буянтай, сэтгэл догдлуулсан амьдралаар амьдардаг. Бидэнд маш сайн чанарууд бий. Нийгэм, гэр бүлдээ хамгийн сайн чанаруудаараа хувь нэмрээ оруулдаг. Гэр бүлдээ сайн чанаруудаараа нэмэр болно гэдэг нь нийгэмд, дэлхий дахинд сайн сайхан чанаруудаараа хувь нэмэр оруулна гэсэн үг юм.

Тиймээс ганц хүнийг ихэд тооцохгүй гэж хэлж чадахгүй. Нэг гэрэл хувь нэмэр оруулж чадвал нэг хүн ч хувь нэмрээ оруулж чадна. Хэдэн мянган жилийн турш байшин бүхэлдээ харанхуй байсан ч та орж ирээд ганц гэрэл асаахад байшин бүхэлдээ тэр даруй гэрэлтдэг. Нэг гэрэл булан бүрд хангалттай. Танд зөвхөн ганц л гэрэл хэрэгтэй. Тэгээд байшин, гэр бүхэлдээ гэрэлтэх болно. Олон гэрэл хэрэггүй. Тиймээс дэлхийн өнцөг булан бүрд та нар шиг ийм сайхан зан чанартай цөөхөн хүн байхад л дэлхий улам бүр амар амгалан болох нь дамжиггүй. Дэлхийд баяр хүргэе. Би дэлхийд баяр хүргэж байна.